المساعد الشخصي الرقمي

مشاهدة النسخة كاملة : "قلبي" .. بين قلوب وقلوب !!

=> صدى الونة <=
21-12-2004, 12:42 AM
دنيا شوقك ملوها
ومحبة قلبك خذوها
حتى قلبك وهو قلبك
بكل سهولة بعته وشروه!!
\\ \\
قلبك اللي كان ملكي
وحبك اللي كان عندي
وعتابك اللي كان يشكي بعدي
كل هذا واكثر مني خذووه !!
\\ \\
ليه تقطع عروق حبي؟!
ليه بس تخون حب قلبي؟؟
وتجــرح جــروووح شتى
ما طلبت آنا "سوار كسرى"
قرب ووفــا .. أبسط حقوقي
وحب في قلبي .. أرســى
\\ \\
تذكر يوم ميلادك؟
أقصــد "لقــانا" حبيبي
جبت لي يوما وردة حمرة
وشلت لك "قلبي" بايديــني
\\ \\
الوردة هذي للحين عندي
وقلبي أدري انه تايه
بين قلب وقلوب
كلها ترجــي وصالك
ودهــا تملك حياتك
وتصبح أســــــرارك وذاتك
ودها تلمح عيونك ..
وتبقى بس دايم في بالك ..
\\ \\
وانته همــك بس تلعب
تكسب.. وتكسب .. وتكسب!!
وقلبي اللي يرجو قلبك
او يهنى في لحظة قربك
بدى يتحجـــــــر ويقســى
أظن انه يحــــــاول ينسى!!
\\ \\
أنا توني منك انتهيت
وادري انك معها ابتديت
تحسب انك للحياة "بداية"
ماتدري انك أسوء نهاية
ولكن اكيد بتفهمها الحكاية
\\ \\
روح لها .. اسهر معاها..
روح لها .. واجلس معاها..
احتضن بخدعك املها..
وخيط بكذبك حلمها ..
زخرف بوهمك ألمها ..
حلل بسيفك دمعهــا..
\\ \\
وبعدها راح تعرف
بعد ما دمعــها تذرف
ان انته "كذب" تنزف!!
وكل أشواقك وحبك
قصة من وهم الحيال
\\ \\
وبعدهــا هي راح تكتب
قصتي بس بقلمهــــــــا
وبترمي بعدها حبك ..
بعــد ما غدرك هدمها !!
\\ \\
وبتعيش في حسرة وندم
وحب جميل نهايته نـــدم
والأكيــــــد .. الأكيــــــد
انها مثلي..تحسب "فراقك"..
راح يحــطم هالكون كله
ولكـــــــن حلت علي الفرقى
ولا حسيت "ابـــــــد والله" !!



\\ \\ \\ \\ \\

أتمنـــــــــى من كل قلبي .. انها لاقت اعجابكم :mf_jumpon
عاشقة التراث
21-12-2004, 01:02 AM
http://www.w6w.com/w6w.php?pic=87427

سطور سطرت ببوح جميل و صادق أختي العزيزه
الله يعطيج العافية و صح لسانج على هذا البوح الرائع
.
.
تقبل مني فائق الود
عاشقة التراث

http://www.w6w.com/w6w.php?pic=87427
السياسيه
21-12-2004, 01:15 AM
تذكر يوم ميلادك؟
أقصــد "لقــانا" حبيبي
جبت لي يوما وردة حمرة
وشلت لك "قلبي" بايديــني
\\ \\
الوردة هذي للحين عندي
وقلبي أدري انه تايه
بين قلب وقلوب
كلها ترجــي وصالك
ودهــا تملك حياتك
وتصبح أســــــرارك وذاتك
ودها تلمح عيونك ..
وتبقى بس دايم في بالك ..
\\ \\


تسلمين اختي صدى الونه
=> صدى الونة <=
21-12-2004, 04:55 PM
عاشـ التراث ـقة
سلمــت يمناك على هذا الإطراء
ودمــتِ عزيزتي

السياسية
شكرا اخيتــــي على مرورك العطر
صقور الشمال
21-12-2004, 08:33 PM
هلاااا مرة ثانية يا صدى الونة :
تدرين وصلني انج تبين تعرفين منو انا
راح أقول لج بعد ما تخمنين انتي بروحج
و وايد اعيبتني خاطرتج هاذي بعد وبطلب منج طلب انج تكتبين لي شي عني بعد ما تعرفيني
وااااااااااااااااااااي انتي OK
وبعد مرة ثانية كهههههههههههههههه يسلم عليج








تحياتي : صقور الشمال
د. الجوكر
21-12-2004, 10:22 PM
اهلا مبدعتنا الصغيره
كان لي حضور بين زهورك

دمتي عطر المكان


الجوكر
بنت البنفسج
21-12-2004, 10:23 PM
تسلمين اختي صدى الونه على الخاطرة الحلوة

انفطر قلبي لسماعي كلماتكي
وشعرت بشعور غريب لم اعرف
مصدره فكلماتك مليئة بالاحاسيس
والقيم


بنت البنفسج
=> صدى الونة <=
23-12-2004, 03:32 PM
بنــ البنفسـج ـت
مشكوورة حبيبتي على اطرائج
بس بعدني زعلانة منج .. الا اعرف منو هالعنز ..لووول اسوولف

الجوكر
كلمة "ابداع" .. جدا بعيدة عني
ولكنــي اطمح للوصول إليها
دمت اخي


صقـ الشمال ـور
بعــرفج بعــرفج حتى لو شووووو ..
وبعدين تعالي..اظني سألتج عنج (كيف هاي ههه)..
اقصد يعني عندي احساس اني سالتج انتي منو صقور الشمال لوولز
اكتب لج شي ؟؟ .. اوكي .. اول يوم امتحانات اتيين حضرتج وتقوليلي ((انا صقور الشمال))
وعقـــــــب بكتب فيج ديوان بعد لووووووولز (=

وتسلمون كلكم على مرووركم الطيب ..
حلوة شعم
09-01-2005, 02:42 PM
كلامج حلو (أبسط رد)مو
رووح الحــب
16-01-2005, 04:21 AM
الصراحه خاطرتج وااايد حلوه



واتمنى لج التوفيق