المساعد الشخصي الرقمي

مشاهدة النسخة كاملة : اللي مايتزوجك....مستحيل يحبك ...

مزيونة الامارات
05-03-2003, 03:46 PM
اللي مايتزوجك ... مستحيل يكون يحبك

اللي ما يهديك اسمه ... ويتشرف بك حنانه

وياخذك عهد وأمانه ... ويمنحك بيت وحياة

ويقسم أيامه لقلبك... مستحيل يكون يحبك

أي حب اللي تبينه ؟؟
أي رجل اللي تصدقينه؟؟

أي عمر تضيعينه؟؟

و أي زهر تذبلينه ؟؟

على حروة ... إنك لعهدك وفية

يا حنونة ... يارقيقة ... ياغبية

بهالبساطة احسبيها... وافهميها واعقليها

اللي ما يتزوجك ... مستحيل يكون يحبك

لعن أبو حيك كفاية..كل عشق وله نهاية

متى تخلص هالحكاية ...؟؟؟

يكفي العمر اللي ضاع .... يكفي الشمع اللي ماع

يكفي الصبر .. العذاب

يكفي الذل ... العتاب

مرة اتخذي قرار... ينقذك من هالضياع

فارقيه.. وعيشي عمرك

فارقيه ... وشوفي زهرك

فارقيه .. وامشي دربك

توبي عن ذلك و ذنبك

وإن ضعفتي مرة و رد الحنان.. للسنين اللي زمان

حطي في بالك حقيقة... قاسية حيل ومريرة

اللــي مــا يتزوجك .... مستحيـــل يكـــون يحـــبـك



وسلمتوووووووو
مخاوي الطيبيين
05-03-2003, 04:54 PM
ياويل ياويلي يا ويل غلطه حبك
وغلاطك وانا اتحمل غلطتي حيل
بي وبعد خلها تحرق خدودي دمعتي


يا ويل ياااااااااااااا وبعد حيل عيوني
ابجت بجي اعمي من حسرتي
يا روحي حيل بيج من يشيلج ان
وقعتي عفتي كل الناس لييييييييش
عشق هالظالم وقعتي ..

صدق مخطوبه يا فلانه وصدق باجر يزفونج
وعسي الله ما يجي باجر واجوف دمعه عيونج ....
مجبوره وغصب يا فلان خطبوني ورضيت
انا يذبحوني وتظل انته وحيد بهاي الدنياي
لبست الخاتم بايدي ويا ايدي حيل حزنانه








إبلاغ المشرف عن المشاركة

شوا هاذا مزيونة الامارات شوهاذا الابداع الي الامام
مزيونة الامارات
06-03-2003, 12:26 AM
تسلم اخوويه مخاوي الطيبيين عالكلمات الرائعة

ومشكوور عالتواصل والردوود
شعماوية
06-03-2003, 12:19 PM
انتي صااجه بكل كلمه قلتيها

الحين بزمنا ماشي حب صادق والريال اذا كان يعرف وحده يعرف 100 غيرها

ويقول لها احبج واباج ونفس الرمسه لبنت غيرها




فارقيه.. وعيشي عمرك

فارقيه ... وشوفي زهرك

فارقيه .. وامشي دربك

توبي عن ذلك و ذنبك



مشكورة على هالشعر الرائع والحساس :)
الساهر
06-03-2003, 02:41 PM
تسلم يمناك على هذا الإبداع اللي خطيتيه

وهذه نصيحة من مزيونة إلى كل فتاة .. الحب ينتهي بالزواج وغير هذا ما يعتبر حب.


تحياتي
الساهر
الأمل القريب
06-03-2003, 10:02 PM
مشكور يا اختي

صدقتي ماشي حب صادق بهاذي الدنيا!!
مزيونة الامارات
09-03-2003, 02:12 AM
مشكوريين عالتواصل والردوود
العيون الحزينة
09-03-2003, 03:34 PM
اللي ما يهديك اسمه ... ويتشرف بك حنانه

وياخذك عهد وأمانه ... ويمنحك بيت وحياة

ويقسم أيامه لقلبك... مستحيل يكون يحبك




ثانكس مزيونة الامارات على هالنصيحه00


والشعر الحلو 00


نتريا المزيد من ابداعاتج00
درع الجزيرة
09-11-2005, 02:25 AM
اللي ما يهديك اسمه ... ويتشرف بك حنانه

وياخذك عهد وأمانه ... ويمنحك بيت وحياة

ويقسم أيامه لقلبك... مستحيل يكون يحبك





درع الجزيرة