الماسنجير..!!..؟؟؟...والبرزة " لا يفوتكم "

[زمان الوصل]

السلام عليكم والرحمة ..
تحية طيبة موصولة للجميع وبعد ...
اليوم خطر في بالي موضوع وحبيت أعرف آراءكم المختلفة فيه ..
الموضوع هو حول الماسنجير والبرزة بشكل عام ..

يعني نلاحظ كثير من الأعضاء ألي يرفقون بريدهم الإلكتروني " الإيميل " في الملف الخاص بهم ، وبنفس الوقت قوانين البرزة تمنع إرفاقه في الملف الشخصي !! ،، وفي مواضيع عديدة سبق وأن تناولت في البرزة موضوع الماسنجير وكيفية استغلال صاحبه له وجفنا كيف تعددت الآراء حوله من معارض ومرحب للماسنجير ..

فما هدف من يرفق بريده في ملفه الشخصي ؟؟ هل لكسب مزيد من الصدقات ؟؟ أم عمل إحصائية لكم عضو راح يضيفه ويجوف أشكثر هو محبوب بين الأعضاء أو العكس ؟؟ أو يقيس معدل الفضول عند الأعضاء للتعرف عليه ؟؟ أو أنها طريقة غير مباشرة لجعل أحد الأعضاء يضيفه ؟؟ أو إلى ما ذلك ما يخطر في بال الأعضاء ..

في المقابل >>

ما هي ردة فعلك إذا قام أي عضو بإضافتك ؟؟ هل تستانس وألا تتضايق وخاصة إذا كنت ضارب مخفي على إيميلك ؟؟
هل تحس بأنك شخصية محبوبة يوم تحس أن الجميع يضيفك وخاطره يتعرف عليك عن قرب أم تحس أنه مجرد إشباع فضول لا أكثر ولا أقل ؟؟
هل تعطي الشخص ألي قام بإضافتك أهميه واحترام لأنه ضيفك ؟؟

من باب ثاني ::::

ينصدم أحدهم من واقع شخصية أحد الأعضاء حيث تنكشف له شخصية مغايرة تماما لما هو عليها في البرزة إما صدمه سلبية أو إيجابية !! وربما تكون الصدمة أكبر عندما يتعرف للشخصية على أرض الواقع !!

فهل توافق على أن تكون شخصيتك واحدة وين ما تواجدت أو كنت سواء في البرزة أو الماسنجير أو في حياتك اليومية ؟؟

ملاحظة ::: هذا الطرح السابق عبارة عن أفتراضات فرضتها من أفكاري ،، فإذا كانت عندكم نقاط ثانية حول الموضوع شاركونا فيها ،، أو أنكم تجوفون هالفرضيات ألي طرحتهاا مخالفة لأمر الواقع فوضحوا ...
أتمنى من الجميع يشارك

تقبلوا مني فائق احترامي
زمـــــان الوصل

[أحبكم دوت كم]

انا اعتبر ماسنجري خصوصيتي
لذلك الموجودين فيه ثلاثة
وطبعا قريبين لقربي لدرجة كبيرة
احبهم ويحبوني
واذا ماكنا على الماسنجر
نكون على التيلفون
اما عن طبيعتي
بهي ماتتغير
عصبي باوقات
وهادي باوقات ثانية
علاقتي ولله الحمد مع جميع الاعضاء طيبه وحبوبة
وجدا قوووووووية مع عضو
وباقي الاعضاء على راسئ
مع تحياتي
:mf_chegue

[Scotland]

السلام عليكم

مشكوره اختي عالموضوع

الصراحه وكلمه الحق تقال يوم اكون عالبرزه اسكر شي اسمه ماسنجر عن الربشه
وبالنسبه الي التعارف الي يستوي ويانا كل واحد وخصوياته
وانا اسلوبي واحد بالحياه ولا البرزه ولا الماسنجر
الي يضحك وياي اسولف وياه الي يتلزم بحدود للعلاقه اكون ملتزم شراته
يعني معامله بالمثل مثل ما يقولووووووووووا
و لو حد ضافني عالماسنجر وما ادري كيف ياب الايميل وقالي هو فلان من البرزه برحب فيه
ليش لا

والسموحه

[ahmed alshehhi]

وانا اؤيد اخوي سكووتلند وانا اقووول وينه بالمسنجر بو الشباب ههههههههههه

[ولد العين]

اختي مشكوورة على طرح هذا الموضوع الرائع وما قصرتي :)

في وايدين يحطون ايميلهم في الملف الشخصي في هذا المنتدى وغيره بس في حد من الاشخاص يكون قصده شريف يعني علشان يكون صداقات ويقوي العلاقة بينه وبين حد من الاعضاء بس في منهم الي حاطنه علشان مغازل وهذي الاشياء

وانا عن نفسي ارحب باي حد يضيفني على المسنجر اعرف ولا ما اعرفه تراني بكلمه واذا هو ريال زين شي طيب واذا لا تراني ما خسرت شي :)

شخصيتي في المسنجر وكل المنتديات نفس الشي بس تختلف شوي في الحياة الواقعيه لاني في النت اكون شوي مرح اكثر من الحياة الواقعيه :)

مشكووورة اختي على الموضوع وما قصرتي

[أدركت القـ م ـر]

السلام عليكم ورحمة الله وبركاتــــــه ،،






هلا وغلا والله .. موضوع طيب من عضوه أطيب ... وماشاء الله ابداع خاص ;)


همممممم بالنسبه لي لين الحينه ما تعرفت على حد من عيال البرزه ... إلا ربعتي بومبه واختي ككك ... والحينه الريام ويايه

و الايام بيننا :cool:



اما بالنسبه للموضوع بشكل عام .. صدقج شي ناس في المنتدى شي وفي الواقع شي ثاني

أما بالنسبه لي تقدرين تقولين هاديه في البدايه (قبل تعرفي باي شخصيه) ولكن مع الايام ينكشف الستار .. فأكشر عن انيابي هههههههه


ومن بعد الهدوء تأتي العاصفــــــــهـ ......



وبالنسبه للإيميلات .. انا اشوف انه ماله داعي يرفقون ايميلهم الي يبا الايميل يطرش ع الخاص وانتهى الموضوع ^^




شكراً خيتووو ع موضوعج .. طرحه جميل .. ونتمنى نشوف تعقيبج علينا :$






تحياتيه
اواااشيه :cool:

[زمان الوصل]

أحبكم دوت كوم >> أشكرك على هذا المرور الطيب منك وعلى إبداائك لرأيك ،، وشي طيب أن تكون للشخص شخصية وحدة في كل مكاااااان والله يوفقك ..

أسكتولند >> أشكرك على هذا الحضور المتميز وعلى هذا الرد الطيب ..

أحمد الشحي >> أشكرك بعد اخووووي أسعدني تواجدك ..

ولد العين >> تسلم أخوووي على هذا الرد الطيب ،، يستوي مرات أنه تختلف شخصية الشخص في النت عنه في الواقع يعني يكون منفتح في النت أكثر من الواقع أو مااخذ راحته ومتخلص من الخجل ،، بس أنا قصدت يعني يوم تختلف لدرجة كبيرة يعني يسوي عمره في المنتدى شريف مكة وهنااك ولا شي هو جيه مب حلوه أبداااا
وأشكرك مرة ثانية أخوووي على تواصلك في موضوعي ..

أواشي >> أسعدني جدااااااااا تواجدج وتواصلج ويااااااي ، وأنتي الأطيب خيتووه ، وصدقت يوم قلتي أنه ماله دااااعي يرفقون إيميلاتهم في الملف الشخصي لأن هذا الشي تسبب في مشاااااكل كثيرة خاصة في البرزة هنيه

وأشكرك كلكم مرة ثانية على هذا التواصل ويااااااي

زمااان الوصل

[رفيع الشان]

مرحبا بج


موضوع لا بأس به ناجح وكتابتج له حلوه

المهم

الزبده

الي يحط اميله بس مجرد صداقه لا اكثر ولا اقل ها الشي ايجابي

بس بعض الشباب بصراحه يحدروا البرزه عشان قرض واحد بس هو المغازل وانا ما اؤيد ها الشي

برزتنا برزه محترمه تمثل الشحوح
ولازم كل واحد يحترم نفسه



وتسلمي على الطرح الجميل

حياج الله

[زمان الوصل]

رفيع الشان >>>> أشكرك على هذا الرد الطيب والمرور الكريم
والله يهدي الجميع

زماان الوصل

[عاشقة التراث]

السلام عليكم ورحمة الله وبركاته

هلا اختي زمان الوصل اشكرج على طرح هذا الموضوع

وحبيت ابدي رايي

ما هدف من يرفق بريده في ملفه الشخصي ؟؟ هل لكسب مزيد من الصدقات ؟؟ أم عمل إحصائية لكم عضو راح يضيفه ويجوف أشكثر هو محبوب بين الأعضاء أو العكس ؟؟ أو يقيس معدل الفضول عند الأعضاء للتعرف عليه ؟؟ أو أنها طريقة غير مباشرة لجعل أحد الأعضاء يضيفه ؟؟ أو إلى ما ذلك ما يخطر في بال الأعضاء ..


::: والله انا قبل كنت اشوفه شي عادي >> بس الحين لاحظت بعض البنات يظيفون الشباب >> ويقولون اونه بالغلط ملخبطين في الايميلات .. ( هاي الرمسه مب من عندي ,, والله من اللي شفته وسمعه عنه )

الشباب عادي عندهم يحطون ايميلاتهم ع اساس ان الشباب راح يظيفونهم >>بس الحين العكس مثل ماقلت قبل ^

ما هي ردة فعلك إذا قام أي عضو بإضافتك ؟؟ هل تستانس وألا تتضايق وخاصة إذا كنت ضارب مخفي على إيميلك ؟؟
هل تحس بأنك شخصية محبوبة يوم تحس أن الجميع يضيفك وخاطره يتعرف عليك عن قرب أم تحس أنه مجرد إشباع فضول لا أكثر ولا أقل ؟؟
هل تعطي الشخص ألي قام بإضافتك أهميه واحترام لأنه ضيفك ؟؟

انا اولا مب عارضه ايميلي >> بس بعد اذا حد حصل ع ايميل >> هذا من البنات << من احد الاعضاء بدون استاذاني واايد بضايق >> لحظتها مابحسن ان هاي الانسانه محترمها بعد الحركه اللي سوتها ..

بس اذا كان شاب >> مستحيل اسكت >>ولا زم اعرف كيف حصل ع الايميل ..


ومثل ما قال الاخ رفيع الشان
برزتنا برزه محترمه تمثل الشحوح
ولازم كل واحد يحترم نفسه

والسموحه منج اختي زمان الوصل >> واشكرج ع النقاش

اختج
عاشقة التراث

[العوسج]

أنا رافق ايميلي فالملف الخاص واللي على راسه بطحه يحسس عليها

جاو

[زمان الوصل]

عاشقة التراث >> أشكرج على مرورج الطيب

العوسج >>>> كلنا ندري أنك حاط إيميلك ، بس ممكن توضح أكثر شو تقصد ؟؟ وتقول لنا شو رايك في الموضوع ؟؟

[العوسج]

شو أقصد بعد

اترياج اتضيفيني عالمسنجر ياحوله ليش ماضفتنيني


ياأخي شفت بيانات الملف الخاص ناقصه فقلت ليش ماأكلمها دام عندي ايميل

وبس

هذي كل المسأله

وماأقصد شي غير شريف من ارفاق الايميل فالملف الخاص بالعكس بس اثنينه اللي ضافوني واحد عرفته

والثاني حضرته يتمصخر يقولي بتعرفني بعد سنه بس حبيت اشوف اسلوبك فالمسن

ناس فاضيه شو بنقول بعد

العوسج

[حورالامارات]

شكرا على الموضوع الطيب هذا
وانا بقولكم رايي
يعني انا الاحظ ان في منتدانا ولا في منتدى غيرنا الكل يحط ايميله
يمكن يكون من باب كسب اشخاص والتعرف على ناس
يعني الواحد يكون مرات غرضه شريف ونيته طيبة
ممكن
وخاصة ان الواحد يعرف يحترم نفسه ويحترم اللي جدامه حتى لو كان في النت
وفي ناس تحطيه للاحتياط يعني يسمونها دعاية حق عمرهم يشوفون عمرهم يقدرون يلعبون بالسمكة وذيلها
يعني كل واحد ونيته
وكل واحد يمكن بدون ما يحط ايميله ينضاف وهو على راحته يضيفهم يلغيهم والله الامر راجع للشخص
وكل واحد عنده شخصية وووووووووووبس


:mf_chegue :mf_chegue

[زمان الوصل]

هلا بكل من توااجد في موضوعي ......
حور الإمارات >> أشكرج الغالية على مرورج وأسعدني تواااجدج ..

[المتحدث الرسمي]

.
.

السلام عليكم..
.
.


هلا اخواني جميعا..
.
.


هذا الموضوع تكملة لموضوع قراته في السابق قبل ما اترك البرزة يعني بفترة تقارب الشهر والشي بعد... والكاتبة السابقة هي عاشقة التراث..
.
.

اختي زمان الوصل..
.
.
انا حين قراة موضوع الاخت عاشقة كنت عارض ايميلي وكان هدفي من الايميل التواصل بين الاعضاء ... وبالفعل منذ ان عرضت ايميلي واايد ربع من البرزة وياي بالماسنجر .. لكن انا ارحب بالاصدقاء وليس الصديقات ومن ذاك اليوم انا شلت الايميل من الملف الشخصي وبعده ما كان شي اسمه قانون يمنع ان الايميلات بالملف الشخصي ممنوعه..
.
.
هذا رايي...
.
.

العوسج تعال الله يلعن ابليسك ايش فيك متخبل..
.
.

ولا مفضية وياك البطارية ..
.
.

خربت موضوع البينية الله يخصك... وايش فيك طايح بالبينيه.
.
.
المتحدث الرسمي..
.
.

[العوسج]

خيبه هذا قام يلعن ابليسي

خل بليسي بصوب ماتغلط عليه أخوي المتحدث الرسمي تمام ابوي

وانتي حور الأمارات شو فيج ؟

أنا حبيت أمازحج لاأكثر ولاأقل يالطيبه

أما موضوعج يالزمان الوصل فنان وترتوب ومافيه حيله

وارفاقي للايميل هو مثل ماقال المتحدث الرسمي يعني للي يبي يتعرف عليه من الشباب

والصراحه انا ماكان قصدي اغلط على حد موليه

وحقكم علي كلكم امممممممواح على راس كل واحد منكم والسموحه السموحه


العوسج

[المتحدث الرسمي]

هههههههههههههههههه
.
.

العوسج يعتذر تعال العوسج اشتقنا لك..
.
.
بن الرسمي

[زمان الوصل]

المتحدث الرسمي >> أشكرك على مرورك أخووووي

[العوسج]

خفت منك واحترمت رايك فقلت لازم أعتذر


واشتقنالكم أكثر ياخوك انت وصقر الجبل والقناص وشلتكم الفاسده
خخخخخخخخض

[زمان الوصل]

أشكر الجميع على التوااصل
بس ما جااااوبتوا على أسألتي كلهااا ؟؟

[العوسج]

حطيها مره ثانيه

[ظبية المزيونة]

يسلمووووووووووووووووووو
ع الموضوع يالله العبوووووووووووو
ف المسنجر
ياالله اضيفوني مكم ع المسنجر

[العاشقة الصغيرة]

كل شي له حدوده وكل انسان مسؤؤؤؤؤؤؤؤؤؤؤل عن تصرفاته أولا

وأخيـــــــــــرا.

وكل واااااااااااحد نيته اللي داخل يلعب ويستفييييد حياه الله

واللي بس لغرض ما شرات المغازل فهذا يباله kick من الخاطر :cool:

وانا صراحة لين الحين ما اطلعت ع بياناتي شو فيها وشو ما فيها\


يعني ما ادري اذا ايميلي مرفق اولا وما يهمني لأن قبل كل شي اعرف نفسي

تقبلي تحياتي

الصغنوووووووووووووووووووونه