أم هزااع والمرقص الهندي ... للنقاش [الأرشيف] - برزة الشحوح

أم هزاع

24-03-2005, 04:16 PM

السلام عليكم ورحمة الله وبركاته

أم هزاع والمرقص الهندي
مرحبا يا شباب وشابات البرزة

موضوعي اليوم يستاهل النقاش, حيث اخبرتني عضوة من اعضاء البرزة وهي ساكنه بمنطقة من مناطق رأس الخيمة انهم قاموووا بفتح مرقص لتعليم الرقصات الهندية في شعبيتهم حيث اني تفاجئت لان هذا المرقص يوجد في وسط منطقة سكنية, وبعد خبرتني انا هذا المرقص يتوافد اليه الكثيروون

فدارت في ذهني بعض التساؤلات:

هل هذا المرقص سوف ينعكس لشباب هذه المنطقة...؟

هل هذا المرقص سوف يدفع فضوول الشباب لدخوله لرؤية اجساد الراقصات وهم يهزوون اجسادهم ...؟

هل هذا المرقص سوف يؤثر على عقليةو ةتفكير الشباب...؟

لماذا أهالي المنطقة ساكتين عن هذا الشي ... ماذا حدث للمجمتع الاماراتي لهذه الدرجة سمحوووا لبعض المستأجرين بفتح مرقص لجليلات الحيا عشان يترقصوون فيه شوو استوا بالدنيا نحن مجتمع اماراتي ملتزم وهاي الاماكن لها اماكن خاصة...

هل بعد فترة الاهالي سيقومون بتسجيل ابنائهم ليتعلموا الرقصات المخلة بالادب ...؟

لماذا اهالي هذه المنطقة لا يبالوون بهذا الشي يووم ألحين سمحووا ايسوون بشعبيتهم مرقص الله يستر من باجر شووو بعد بيسمحوون ايسون في شعبيتهم...

بالنسبة لي لا اسمي هذا الشي مرقص وانما اسميه ديسكووو لتعليم الفسق

يا ليت يا اعضاء اتناقشوون هااا الموضوع وتجدوون لهذا الموضووع حل لتسكير هذا الدمار الشامل اللي قاعد بستوي بحي من احياء منطقة راس الخيمة....

معاكم اختكم الشرجاوية:ام هزاع

أحبكم دوت كم

24-03-2005, 04:39 PM

قوووووووووووووية

نبي اثبات يا ام هزاع

خوفي يكون كلام فاضي ولا وراه دليل
وبعدين اتوقع لي بيصير براس الخيمة السنين الجاية
اكبر من هالشئ وادمر واخرب من الرقص
اول مرة اشوف اجنبية مطلعه بطنها براس الخيمة
قبل من المستحيلات نشوفهم الا بدبي
لحين حدث ولا حرج
هذي ضريبة التطور لي يبونه شيوخ راس الخيمة
اخرب المجتمع واخلاقه
حتى ادخل بيزات وفلوس
ويرضون عني الاجانب
ماقول غير الله يحفظ شبابنا وبناتنا
من هالتطور لي بيصير
مايكفيهم البيزات لي عندهم
شنو يبون اكثر
يبون يخترب المجتمع كله
شنو فايدة مجتمع بدون اخلاق
كيف تتعامل معاه وبعدين من لي بيحافظ على اخلاق شبابنا وشاباتنا
مايدرون انهم بيموتون
مايدرون انه الله بيحاسبهم على كل صغيرة وكبيرة
مايدرون انه اي وزر يرتكب واحد من شعبهم بيكون عليه وزر منه
مايدرون انه الله يمهل ولا يهمل

الله يرحمنا برحمته ولا يؤخذنا بمن اراد ان ينشر الفساد في ارضنا وبلادنا
الواحد صار يستحي يمشي مع اهله لحين براس الخيمة من البلاوي لي يشوفها

وما ادري يا ام هزاع
اليوم طلع مرقص هندي
باجر شنو بيطلع
:mf_swordf

حورالامارات

24-03-2005, 04:41 PM

صراحة انا ما عندي خبر بالموضوع
وثاني شيء انت ما عطيتي اي معلوومة

يعني اذا هنود اكيد بالنخيل هنااااااااااااااااااك على قولة دريولنا بزاااااااااااار

كله هنود في هنود

بس عطيني معلومة وان شاءالله بيكون في حل

ومن ناحية الاهل ولا السكان شو بيدهم هذيلا وراهم دعم

شو عبالكم
يعني مب بروحهم

واللي عنده فلوس ما يغلب

ولا الشباب ما يغلبهم شيء
وبعدين بكمل
:mf_chegue

BanoOtah

24-03-2005, 07:09 PM

.

لوووول

هيه صدق هالسالفه

انا استغربت يوم شفته !!

وهو موجود اعتقد حذال مجمع سكني

او فلل سكنيه !!

ماعرف بالضبط وين

:

بس والله الهنود مسالمين

والشباب هم الي يمكن يثيرون السوالف

في المستقبل القريب .. :smile:

تشكرات على الموضوع ..،

يعطيج العافيه ..

بنوته ،،،

Scotland

24-03-2005, 08:10 PM

hi my sister um hzaa3

i am in uni rightnow

i'll replay to your subject when i'll be at home

see yea

جونكر

24-03-2005, 10:00 PM

موضوع تمام وكلام طيب بس شو دخل ام هزاع في الموضوع شو معنا العنوان
ام هزاع والمرقص الهندي وللنقاش
ابغي تفسير شو معناته هذا الشي

رهف

24-03-2005, 11:56 PM

كلام ام هزااع صج 100 %

انا سمعت بالسالفة
ان في مرقص هندي في شعبية براس الخيمة بشارع عاام
في البداية ما صدقت قلت يمكن اشاعة او انه في النخيل
بس لا اخوي اكد لي السالفة

قال لي قومي لبسي عبايتج وتعالي اتاكدي بروحج

المهم طلعنا وكان عقب المغرب تقريبا
ووصلنا للمكان المحدد
وما اشوف الا حرمتين هنديتين عند الباب شالين شنطهم اونهم رقصوا وخلصوا وبيروحون الحين
جان اطالع فوقهم الا قريت المرقص الهندي وما ادري شو بعد

واطالعت اشوي من الباب – من زجاج –
في الدور التحتي قاعدة وحده ع مكتبها وحذالها هنديين
والدور الفوقي مخفي
وما خفي اعظم

وصدقها ام هزااع
شو بيصير لشباب ها الشعبية

والله يستر
اليوم مرقص هندي وباجر الله يعلم شو بيسون النا
والله واختربت راس الخيمة
ما كافنهم اللي يصير عند شاطىء هليتون
لا بعد قاموا يتخششون الحين بالشعبيات

وازيدكم من الشعر بيت
من شهر تقريبا قريت في جريدة الخليج الاقتصادية
انه – ومعروف الشخص - بيسوي اكبر مرقص – ديسكو – في العالم
وبيكون في راس الخيمة
وبيكلفهم فوق الملايين

ويقولون بعد ليش الامطار السنة ما اطيح واايد مثل قبل
وليش الامراض واايد منتشرة
وين بتحل عليكم الرحمة وانتوا عاصين وكل يوم طلعتوا لن بمنكر

الله كريم
والله يلطف بعباده

ومشكورة يالشرجاويه ع الموضوع

رهوووفه

ذياب

25-03-2005, 12:04 AM

مشكورة اختي ام هزاع ع الموضوع وبارك الله فيج ع الاهتمام بها الاشياء وعندي تعليق للموضوع انه المرقص مفروض ما ايكون فدولة اسلامية سواء قريب من مناطق سكنيه او ابعيد وانا شفت المرقص وان شاء الله اذا شي فرصه بحط الصورة باجر ولكن المشكلة هي يوم الناس تتشجع لها الاشياء وتقول ما فيها شي كل واحد و وازعه الديني ولكن النفس ولكن النافس امارة بالسوء وما شي انسان كامل يعني الي فاتح ها المرقص ايشجع ويساعد على الدمار واحنا ما نرضى بها الشي لا دينا الكريم يقبل بها الشي ولا عاداتنا وتقاليدنا واتمنى من البلدية اتصكر ها الانواع من المحلات لانه اتدمر الشعب بشكل عام والشباب وضعفاء النفوس بشكل خاص...

مع اطيب التمنيات,,,

ذيـــــــــــــــــــــــــاب...

srmoood

25-03-2005, 12:27 AM

لاحول ولاقوة الا بالله والله المستعان بغض النظر عن هذا المرقص الهندي لأنه ولاشي جدام التخطيطات والتحولات اللي بتصير فالمستقبل فمابالكم الآن تأسس مصنع خمور كان فالجزيره فنقلوه الى المعيريض والمالكه أجنبيه الجنسيه ومعارفها هم اللي وفروا لها كل شي وامنوا لها الرخصه والارض وماحد يقدر يقول لا ,,, وعما قريب يفتحون مرقص بل مراقص في جميع انحاء راس الخيمه خصوصا مكان ماتستوي المشاريع الجديده فلاحول ولاقوة الا بالله انه الدمار بعينه انه الفساد بعينه بل الفجور والفسق والعياذ بالله قد حل في مدينة راس الخيمه وماخفي أعظم وماعلينا سوى الدعاء والدعاء عل الله يستجب لنا ويدمر عقول المدبرين والمؤسسين لتلك الأمور والمخططات الفاجره ,,, الله يحمي شبابنا شباب الوطن وبناتنا بنات الوطن اللهم آمين يارب العالمين .

:mf_franki

قاريءالكلمة

25-03-2005, 12:40 AM

السلام عليكم ورحمة الله وبركاته..

الصراحه الأمر غريب ومحزن في نفس الوقت...لاننا في الحقيقة لم نعتد ان تحصل هذه الاشياء في راس الخيمهوكنا بعيدين عن هذا الوباء الذي بدأ يحاصرنا وعلى مرأى ممن يهمهم الامر ..

القمه العربيه وما ذكره معمر القذافي وكلامه الصريح بأن الغرب يريد منا هذه الحريه ويشدد عليها بل ويضغط على قادة الأمه العربيه..والبعض يتجاوب سريعا ومنهم عبر طرق ملتويه ...ننجر كالكلاب خلفهم لا نراعي دينا وأخلاق ومثل وعادات وتقاليد تربينا عليها..

الأمر المحزن الآخر بأنهم دون شك مرخصون وتفاصيل الترخيص موجوده والمسؤولون يعلمون بذلك ومع ذلك يوافقون على بث السموم التي ستأتي على الأخضر واليابس على هذه الدار العزيزه على قلوبنا...

المشكله قد تكون أكبر من ذلك ..أكبر من سياسة اماره وأكبر من سياسة دوله أصبح همها الترويج السياحي ولو كان على حساب دينها وشعبها..ولو رقصنا في الشوارع وبعنا الخمور وشجعنا الفجور..

ومع ذلك أقول نحن في رأس الخيمه بخير وسننأى بأنفسنا بعيدا عن هذا الوباء وان تلقينا شرره وضره ومساويء ذلك الفجور والفساد والذي يعده البعض سبيلا الى تطور ورقي الأمم...

نأمل أن يصل هذا الموضوع ان كان حقيقه الى من يهمه الأمر ومن وكل بنا ........فانه مسؤول عن رعيته في يوم لا ينفع مال ولا بنون..

والسموحه

قاريءالكلمة

سراب البيد

25-03-2005, 12:43 AM

السلام عليكم
جزاكِ الله خيرا على التنبيه
أختي أم هزاع
وان كان الخبر صحيحا فالله المستعان ولا حول ولا قوة إلا بالله
وصدق رسول الله صلى الله عليه وسلم :
((آخر ما ادرك الناس من كلام النبوة , إذا لم تستحِ فاصنع ما شئت))
فنسأل الله السلامة والعافية
وأسأل الله تعالى أن يوفق ولاة أمرنا حفظهم الله أجمعين الى القضاء على مثل هذه المنكرات وهذا معروف عنهم , فاسأل الله تعالى أن يهديهم لكل خير , اللهم آمين.

.

وجزاكِ أختي
أم هزاع على الموضوع .

أخوكِ ,,,
سراب البيد

رهف

25-03-2005, 12:47 AM

C:\Documents and Settings\assamee_rak.MICROSOF-1FB955.000\My Documents\assamee_rak\الملفات المتلقاة

هذه صورة للمرقص

وان شاء الله تظهر عندكم

بس مو وااضحه واايد

رهوووفه

بو هزاع

25-03-2005, 12:49 AM

الصورة ما ظهرت

ننتظر

بوهزاع

srmoood

25-03-2005, 12:59 AM

ماظهرت الصوره لو ترفقينها يكون أفضل

ReaL DaY

25-03-2005, 01:11 AM

المشكلة ان عندهم تصريح ومن منو بعد ....................... :mf_death:

هذا التطور الي يبغونه
حشرونا واخر شئ مراقص بين الفرجان

اكرة جلمتين عندي

سياحة وعقارية من اسمعهم اتعوذ من الشيطان
راس الخيمة لاشوارع عدلة لامستشفيات لاماي لاحالة
واخر شئ بيسون مراقص ليش شو بيستفيدون
تقليد اعمى وبس يركضون مراقض بس عشان رضى الغرب بس

بعدكم ما جفتون شئ البلاوي ياية هذا زمنها :mf_depres :mf_depres

حورالامارات

25-03-2005, 01:35 AM

تقووووووولووووووووووووووون مراقص ما شفتووو شيء

اتريووووووووووووو المشاريع انتو اللي على البحر
ترا هم تخصص بحر

واللي يبي يدخل بورصتهم ترى مفتوح المجال

وعمااااااااااااااااااااااااااااااااار يا رااااااااااك

وصدقوني اخر شيء احنا بنصير لهم احنا بيبيعونهم

ترا الحين تعرفون ليش الماي يتقطع عن الاماااااااااارة

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

الكل بيقول عادي ؟؟
بس انا برد عليكم ليش

ترى الحين فاتحين نادي الجولف ووهذا وين بيييبوله المااااااااااااااي

يعطون الشعب يوم واليوم الثاني للجولف وجي حالتنا واللي يبغي ماي يشتري

وبعد ما شفتو شيء تقولون مراقص والله اخر شيء بيبيعون مزيييييييييييرع وعوافي بيسوون فيها فنادق تعرفون مشرووووووووع حلوووو

:mf_chegue :mf_chegue

أم هزاع

25-03-2005, 02:33 PM

مرحبا يا احبكم دوت كم اقووول ها الخبر صدج 100 بالمية

والاخت رهف ما قصرت ظهرت صورة بس ما ظهرت . والاخ ذياب ما عنده مانع خبرنا انه بيصوره . بالنسبة لي لو كنت براس الخيمة بصورة وبيب لييك صورة المرقص

برد ع البقية عقب

معاك المصلحة:

أم هزاع

أحبكم دوت كم

25-03-2005, 07:13 PM

الله يعينا ياشباب

سعود ماندري شنو يبي يسوي براس الخيمة

الله يستر علينا وعلى شبابنا

الفلوس شنو فتنفعه

الله اعلم
:mf_depres

الطير المسافر

25-03-2005, 07:58 PM

لا تعليق

:mf_death:

أم هزاع

25-03-2005, 08:20 PM

مرحبا اختي حور الامارات

وشكرا لانج عطيتيني طريقة التشيز كيك
تسلمين ع مروورج الطيب , بس بخبرج المرقص في وسط حي سكني مب بسوق النخيل لان اعتقد سوق النخيل عندكم شرات منطقة الرولة عندنا

اما من ناحية الاهل والسكان بامكانهم ايسوون شي لان مستحيل البلدية اتسوي شي واهالي القبايل مب مرتاحين للشي اكيد لازم اعتبار لشيوخ القبايل

اما بالنسبة اللي عنده افلوس بدال ما يفتح له مرقص يفتح له مطعم او مركز لتعليم الرياضة او مركز لتعليم القران

اختج:

أم هزاع

أم هزاع

25-03-2005, 08:25 PM

اسمحي لي اختي ما اعرف انجليزي اعتقد اسمج بندوول والسموحة اذا كنت غلطانه بالاسم

اعذريني اختيه المرقص شرات ما قلت بداخل الحي السكني لا مجمع ولا فلل

وامنووو قال ان اللهنود امسالمين باجر بشوفين المشاكل اللي بيسونها يا اختية هااا مرقص مب دكان اما الشباب والله ينخاف عليهم وهم اصلا ما بسوون المشاكل الا اذا حد عاطهم سالفة اكيد بيلحقونه وهاااا المرقص يثير المشاكل

والسموحة اختي

اختج :
أم هزاع

الزين كله

25-03-2005, 08:26 PM

الله كريــم يا ام هزااع

محد يرووم يسوي شي وانا اقولج من الحين...

حبيبتي راس الخيمه تغيرت عن قبل... واهاليها ماشي ابرد عنهم

وهالسالفة صــح 100% وانا شايفتنه ودووم اشووفه بعــد :mf_jumpon

وانا بقولج شي.. اذا الاسااس خربان لا تفكرين ان في شي زين بيتعمر

والسمووحه

الزين كله

أم هزاع

25-03-2005, 08:28 PM

مرحبا روعي بخووووو

تسلم ع مرورك بس انا مب عارفة انت شووو قصدك يعني انا ما فهمت ليييك

أم هزاع

أم هزاع

25-03-2005, 08:30 PM

مرحبا اخوي اسكوتلند

بخبرك انا ما اعرف شي بالا نجليزي زكرت اختي اترجم

بس ننتظر ردك وتسلم ع مروورك

ام هزاع

أم هزاع

25-03-2005, 08:32 PM

مرحبا جونكر

بخبرك انت شووو حرانك ليش غيران من اسمي شوووو ليييك
ما ايخصك

عيل باجر سووا موضووع وسماه جونكر

لاتزعل سوالف هااا العنوان اللي ظهر

اختك:

أم هزاع

أم هزاع

25-03-2005, 08:37 PM

هلا وغلا ومرحبا بالاخت رهف

انا لله هاااا القد فضولية وحواطة ما امخلية بمكان براس خيمة الا وناطة له

انزين حسبالله ه الهنديات حليلات الحيا جان هزبتيهم اشوي عشان يتأذبون ما وراهم ولي

وبعد عندكم هليتون الله يستر ولا بعد اكبر مرقص بالعالم والله اختربت راس الخيمة عيل حشا اخاف ع شباب الشارجة من راس الخيمة

ويالله الله كريم

ام هزاع

أم هزاع

25-03-2005, 08:39 PM

حيالله اخوي ذياب

تسلم اخوي عطرتي لي الموضوووع كله

وانا ابصراحة وياك بكل شي بس امنوووو يسمع

أم هزاع

أم هزاع

25-03-2005, 08:44 PM

مرحبا اخ سرموووود

شكرا ع تواجدك الطيب والله انت عندك معلومات ايديدة الله ايعين

اسمعوووا يا اهل راس الخيمة اسكتوووا انزين ...خلووو راس الخيمة تخترب...

انشالله ربنا يحرق هاااا مصنع الخمور وييفجر ولا اتم ولا غرشة صاحية, وان شالله هاي الاجنبية جليلة الحيا مروجة الخمور والفجور الله لا ايربحها لا دنيا ولا اخرة سودااا الله ويهااا

أم هزاع

أم هزاع

25-03-2005, 08:47 PM

حيالله اخوي قارئ الكلمة

شكرا ع تواجدك الطيب الحلوووو
وانشالله هاااا الفنر اللي بصورتك الشخصية ايحرق هااا المرقص الهندي ونفتج من بلاويه

بس خبرني امنوووو المسؤول اللي اناقشة الموضووع عشان يمكن الله يهديه وايسكر هااا الخراب

اختك الصغيرة:

أم هزاع

أدركت القـ م ـر

25-03-2005, 08:50 PM

وييييه بسم الله شو ها

برد ع الموضوع فليل ان شاء الله الحينه بسير اذاكر شوي

بس من القهـر رديت

معقوله ..؟!

راعي الويلات

25-03-2005, 10:30 PM

انتظروا النهضه العمرانيه في راس الخيمه ,,, هذا الكلام دايما انشوفه ونسمعه..

بس الي يستوي في الخفاء مثل ما يقولون الله يستر منه ..... انا سمعت عن هذا المرقص بس ما صدقت .... هاذي النهضه اللي يبغونها فساد ودمار حق الشباب لا بعد في نصف البيوت مقربين المسافه الاخوان....

الله يعينا من الياي ... عين خت ويبست ،، شوه يبغون اكثر من هذا..
بعد سمعت انهم بيسون اكبر مرقص في العالم اهنيه في مطارنا في المنطقه الحره على قولتهم .....

الله يعينا ويكفينا شرهم .

أم هزاع

25-03-2005, 10:43 PM

مرحبا اخوي سراب البيد

تسلم اخوي ع مروورك الطيب والله يهدي امة الامارات من الوحوش الكاسرة اللي قصدها تدميرعقليات وتفكير الشباب

اما بالنسية لروعي بخووو انا ما فهمت شووو قصده ما علييه منك

ام هزاع

أم هزاع

25-03-2005, 10:51 PM

مرحبا بيج اخت رهف

تسلمين اختي ع الصورةولكنها ما ظهرت
يس يا اعضاء انا طرشووا لي الصورة بس مب عافة شكايل ايسوون لها ارفاق علموني

والسموحة

أم هزاع

أم هزاع

25-03-2005, 10:57 PM

مرحبا بوووهزاع

شكرا ع تواجدك بس ما عرفنا وجهه راييك بالموضوووع

ام هزاع

أم هزاع

25-03-2005, 11:03 PM

مرحبا ريل دي بس شووو معنى اسمك نبا مترجم

تسلم اخوي ع ردك ويالله الله بستر سوو بعد بيسوون لييكم
يالله الله يهدي الجميع

أم هزاع

أدركت القـ م ـر

25-03-2005, 11:05 PM

مرحبا الساع

توني اتخبر بنت عمي عن الموضوع ،، أقوللها سمعتي عن ها الخبر..؟

جان تقولي هيه وانه كان معرض للوحات ، والحينه مرقــــص للهنود

وفاتحينه من 4 شهـور وأكثر

أويه استخفينــــــــــا والله ،، :mf_jumpon

ما نقـدر نقـول غير حسبي الله ونعم الوكيـل ،،،، وبصراحه الدولـه بدال ما تترفع بدينها وبحضارتها الاسلاميه تترفع بحضارات الغرب و هذا لا يؤدي إلا إلى هبوط مستوى الدوله !

الله المستعان :mf_depres

شكراً لج يا ام هزاعيتو ع الموضوع .. ماشاء الله عليج دومها مواضيعج فنانه .. الله يحفظج ان شاء الله يا رب

تحياتي
اواشيهـ

Scotland

25-03-2005, 11:11 PM

السلام عليكم

اختي ام هزاع مشكوره عالاهتمام بالموضوع

والغريب بالموضوع من خلال رمستج اتقولين ان المرقص في راس الخيمه ولا بعد في منطقه سكنيه

الشي الاول انا اعتقد انه اهالي راس الخيمه عامه ما يرضون ان تفتتح هالامور وهالسوالف في مناطقهم السكنيه...بس كيف رضوا انه تستوي ما ادري والله

وردااا على اسالتج

هل هذا المرقص سوف ينعكس لشباب هذه المنطقة...؟
هل هذا المرقص سوف يدفع فضوول الشباب لدخوله لرؤية اجساد الراقصات وهم يهزوون اجسادهم ...

اكيد هالشي بيكون له تاثير سلبي وتاثير كبير بعد على المجتمع كله المقيم في هذه المنطقه
وطبعا حنا شبابنا مثل ا يقولوا عالريحه ...والله صدق تنطبق المقوله الي تقول الذباب ما يتمع الا عالزباله (اعزكم الله)
بس هالي الحاصل يعني الشباب بسمعوا دق ورقص وخرابيط اكيد بتحصلهم اول ناس وياهم ...
واضرب لكم مثال توافد الشباب واقبالهم على سوالف الدق والمعلايه
دامهم يسيروا هاي الامور اكيد بسيروا صوب الهنديات بعد

هل هذا المرقص سوف يؤثر على عقليةو ةتفكير الشباب...؟

اكيد بياثر والخوف ما بس انهم يلسوا يطالعوا وهالامور الخوف لا تتطور العلاقات من الشهاده الى علاقات اخرى والعياذ بالله

هل بعد فترة الاهالي سيقومون بتسجيل ابنائهم ليتعلموا الرقصات المخلة بالادب ...؟

لا اظن ذلك فمثل ذكرت في اعلى الموضوع اني للحين مستغرب من وجود مثل هذه في راس الخيمه اقصد بالمناطق السكنيه ...فالمعرف عن اهالي راس الخيمه وباقي قبايل الامارات الشده وعدم التهاون في الامور التي تمس الاداب العامه والشرف

لماذا اهالي هذه المنطقة لا يبالوون بهذا الشي يووم ألحين سمحووا ايسوون بشعبيتهم مرقص الله يستر من باجر شووو بعد بيسمحوون ايسون في شعبيتهم...

لا استطيع الرد لاني للحين ما متاكد من وجود هذا المرقص في البلاد وراح اسال مخابراتي الي في البلاد ...واشوف الموضوع

وانا عندي راي دامكم رمستوا عن الموضوع يعني في شي ...وماشي دخان بدون نار يعني قولوا المنطقه وخل نعرفها .... ويمكن بجهود بعض الاخوان
بنحاول نستفسر عن طبيعه هذا المكان وان كان ضد الاداب العامه طالبنا باغلاقه ....

والسموحه منكم

أم هزاع

25-03-2005, 11:12 PM

مرحبا بييج اختي حور الامارات

وييييه شوووو هااااا وصلت فيهم المواصيل يقطعوون عنكم الماي شووو عشان الاجانب والعابهم والله مب زين علييهم يبوون ايراوون خقتهم حق الاجانب واعيال العرب محترمين الماي والاجانب متهنيين

انشالله ينقطع البيب اللي ايوصل الجولف ويتهنون الاهالي بنعمة الماي

ام هزاع

مخا وي الطيبين

25-03-2005, 11:15 PM

شكرا اختي ام هزاع علي الموضوع الذي لااستغربه فيما رايناه من مهازل يشيب لها الولدان

أم هزاع

25-03-2005, 11:18 PM

مرحبا يا طير امسافر

تسلم لانك طبعت بصمتك

ام هزاعيتووووو

عاشقة التراث

25-03-2005, 11:19 PM

السلام عليكم ورحمة الله وبركاته

هل هذا المرقص سوف ينعكس لشباب هذه المنطقة...؟

يجوز هالشي وخاصة للي ما عنده وازع ديني وبلخص للي ما عنده ضمير

هل هذا المرقص سوف يدفع فضوول الشباب لدخوله لرؤية اجساد الراقصات وهم يهزوون اجسادهم ...؟

ليس الكل اختي ام هزاع

هل هذا المرقص سوف يؤثر على عقليةو ةتفكير الشباب...؟

اكيد اختي ام هزاع

لماذا أهالي المنطقة ساكتين عن هذا الشي ... ماذا حدث للمجمتع الاماراتي لهذه الدرجة سمحوووا لبعض المستأجرين بفتح مرقص لجليلات الحيا عشان يترقصوون فيه شوو استوا بالدنيا نحن مجتمع اماراتي ملتزم وهاي الاماكن لها اماكن خاصة...

هل بعد فترة الاهالي سيقومون بتسجيل ابنائهم ليتعلموا الرقصات المخلة بالادب ...؟

ما اتوقع هالشي اختي

ولي عوده من بعد ما اسئل عن هالشي

اختج
عاشقة التراث

عاشقة التراث

أم هزاع

25-03-2005, 11:21 PM

مرحبا يا اخوي احبكم دوت كم

خلهم ايولووون ترى ما شي ديمقراطية محد يقدر يفرض رايه

ام هزاعيتووووو

أم هزاع

25-03-2005, 11:24 PM

مرحبا بييج الزين كله

هااااا من الشهوود ع وجووود هاااا المرقص

أم هزاعيتووووو

راعي السوبرا96

25-03-2005, 11:26 PM

السلاااااااااااام عليكم ام هزاع الله يهديج انتي اتقولي عن الهنود هاي جديمه الحين سوريات الله يهديج ولبنانيات

أم هزاع

25-03-2005, 11:34 PM

مرحبا راعي الويلات

ان لله شووو هاااا المرقص
بس اصدق اذا استووا مرقص براس الخيمة بتظهر صدق راس الخيمة بيكووون ما فيها ريايل... والسموحة ع هااا الكلام اعتقد ان القبايل لا يمكن تسمح بوجووود شرات هاااا الفسق ببلادهم

بس ممكن اتخبرني وين هاي خت عشان ام عبدالله جارتي تعبانه من اريولها ...انزين راعي خبرني اذا العين اشوي فيها ماي عشان ننعافا جارتي من اريولها

ام هزاع

أم هزاع

25-03-2005, 11:38 PM

بخبركم يا اعضاء وصلتني معلومة

ان هذا المرقص يوجد في منطقة اسمها ثلاث اسامي يمكن اتعرفونها

الجزعة
الكويس
العريبي

معاكم المستكشف:
أم هزاع

أم هزاع

25-03-2005, 11:43 PM

مرحبا بنوارة البرزة اواشية

تسلمين يا الغلا ع ردج الحلووووو
وتوج بس تدرين انا بالشارجة وصلتني الاخبار وينكم انتووو عنه
اصلا اكيد امدارين هاااا المرقص عن اللعيوون

وبايووووو
اواشية

ام هزاعيتووووو

أم هزاع

26-03-2005, 12:00 AM

مرحبا يا اسكوتلند

شكرا ع مشاركتك الطيبة وذوقك في ترتيب الخط
شكرا ع ردك ع كل اسألتي وانت شراتي نستغرب من هاااا الامر
ولكن اغلب الاعضاء اكدوووا الموضوع وهووو صحيح ميه بالمية
وانشالله بيحطوون لكم صورة المرقص وخاصة للمغتربين شراتك

ام هزاع

أم هزاع

26-03-2005, 12:04 AM

شكرا يا عاشقة ع تواصلج وتفاعلج بالموضوووع

وتسلمين للاجابة ع هاااا الاسئلة وننتظر ردج االياي انشالله

ام هزاع

أم هزاع

26-03-2005, 12:10 AM

مرحبا راعي السوبرا

شكرا ع تواجدك الطيب
انا لله سوريات ولبنانيات ابوين بعد خلنا اناقش الموضوع عشان انشوف حل لها المشاكل

أم هزاع

حورالامارات

26-03-2005, 12:13 AM

انا كنت ساكنة في الجويس

بس المنطفة اصلا كلها هنووووووووووووود
وزلمااااااااااااااااات وباكستانييييييييييين يعني اجاراتها رخيصة يمكن متخششين هناك بس اهليها المواطنين فقارا وفي حالهم يعني اكيييييييييد ما يقدرووون يقولون شيء
في حالهم

بس المفرووووووووض ان اهل المنطقة يشتكووون لو في شيء

بس للاسف الكل يسمع وساااااااااااااكت

Scotland

26-03-2005, 12:30 AM

خلاص اختي ام هزاع

بتريا الصور والبراهين

وانشاء االله ان كان الشي اكيد

صراحه ما ابقول غير افاااااا

وبجاول قصار جهدي اتحقق من ماهيه الموضوع والعمل على اغلائه

تحياتي

أم هزاع

26-03-2005, 12:52 AM

اختي العزيزة حور الامارات

هاااا المكان مب صوي السكيك واللهنود

هاااا المكان ابقولون صوب فلل وابيوت المواطنين مكان اعتقد راقي
وعدال اعتقد خبروني بيت شيخ من الشيخوخ

اسكوتلند انا عندي صورة بس مب واضحة طرشوها لي الاخوات بس مب راضية تظهر لازم ارفاق وانا مب عارفة شكايل اظهرها بس بحاول لين الاخ ادياب ما ايب الصور

أم هزاعيتووووو

ام هزاعيتووووو

أجمل احساس

26-03-2005, 04:36 PM

أنا سمعت من مصادر موثوقه أن راس الخيمه سنه سنتين بتطلع طلعه .. واللي صاير عقولتهم جزء من التطور واللي ياي أعظم ...... :mf_franki

أم هزاع

26-03-2005, 09:58 PM

مرحبا اعزائي الكرام

حبيت اراويكم صورة المرقص الهندي حيث وصلتني الصورة من مكوك الفضاء من يومين تقريبا حيث قام احد الاعضاء الكرام بمساعدتي لتظهيرهااا الصورة ليست واضحة عدل بس للاعضاء الذين لم يصدقوووااا الخبر الصائب ....والسموحة ع التأخير

http://www.w6w.com/w6w.php?pic=442845

أم هزاعيتووووو

أم هزاع

26-03-2005, 10:09 PM

مرحبا اخوي اجمل احساس

نشكر لك تواجدك وتسجيل بصمتك ع الموضوووع

اختك :
أم هزاعيتوووووو

أجمل احساس

26-03-2005, 10:19 PM

أنا بنت :mf_jumpon يأم هزاااااع :mf_jumpon

أم هزاع

26-03-2005, 10:23 PM

وييييييه

سوري يا اجمل احساس والسموحة

ما قريت عدل ما اعرفج لانها هاي اول مشاركة ليج وياي

:mf_bond:

أم هزاعيتوووووو

بن هدية

26-03-2005, 10:54 PM

السلام عليكم ورحمة الله

بالنسبة للمووضووع افتتاح المرقص ما بعيدة عن الدولة تفتح مثل هالشغلات بعد ما فتحو المجال لمحلات المساج ( قناع بأسم المساج وهي محلات دعارة ) والتي انتشرت كثيرا في رأس الخيمة وسط هدوء وضياع للأجيال فقد سمعنا العجب العجاب عن هذه السوالف

وطبعا اي شاب مهما كان يدفعه طفووول وحب الاستطلاع لأن يقترب من هذه الامكان ولو كان بهدف شريف ولكن المغريات اكيد رح تجذبة ورح تتثبت في زهنه مما يؤدي الى اثار سلبية وانتم ادرى بما سوووف يحدث ..
وللحديث بقية

,, هداوي

حورالامارات

26-03-2005, 11:28 PM

والحـــــــــــــــــــــل
؟؟؟؟

أم هزاع

27-03-2005, 12:07 AM

مرحبا بن هدية
هاي اول مشاركة لييك اظن بمواضيعي ع العموم شكرااا ع رايك وردك الحلوووو

ونحن وياك بكلامك بس صدج وين هاي محلات المساج انا لله وشووو بعد ايسووون فيها

ليش هم ما عندهم حد ايهمزهم في البيت انا لله شووو هاااا المنكر بعد

أم هزاعيتووووو

المحجبة

27-03-2005, 12:39 AM

السلام عليكم ورحمة الله وبركاته ,,,

لا حول ولا قوة الا بالله العلي العظيم ...

" واذا أردنا ان نهلك قرية أمرنا مترفيها ففسقوا فيها فحق عليها القول فدمرناها تدميرا "

اللهم لا تؤاخذنا بما فعل السفهاء منا ....

مشكورة اختي أم هزاع وما عندي كلام اكثر من الي قالوه أخواني وما أقول غير حسبي الله ونعم الوكيل .....

أختكم المحجبه

أم هزاع

27-03-2005, 12:48 AM

مرحبا اختي المحجبة
اشوف اليوم الصفحة الاخيرة امنورة قولووا انتوووو المحجبة فيها

شكرا ع تفاعلج بالموضوووع وردج الحلووووو

اختج : ام هزاعيتووووو

مريومه

28-03-2005, 04:09 PM

أم هزاع انتي شكلج ما دريتي

ان الاجانب صارو هم شيوخ المنطقه كل شي يتوافر لهم بس على حساب المواطن الي صار وافد ببلده

وانتي ما دريتي ان ولي عهدنا الكريم يبا يحول راس الخيمه لدبي ثانيه فشي طبيعي اول شي بدو بهذي صالات المسجا الي يوم داهمتهوم الشرطة اكتشفو انها اماكن دعاره واكثر مرتاديها من الشباب فئة المراهقين الي اعمارهم اقل من 17
وبعدين يت صالات الدسكو و البار وهذا شي قليل بنشوف باجر شو بيصير

جان ما نسمع باجر ان في شارع للدعاره

الله يستر ويحفظ شبابنا وبناتنا من ها الاماكن الوسخه

قناص كمزار

28-03-2005, 05:29 PM

[ولا تنسي أختي أن العله ماراح يكون من الشاب نفسه
لأن حنا ومثل ما ندري أن شبابنا هالأيام غرتهم
الدنيا,,
والصرعه,,
والمراهقه,,, .... و على العموم
:mf_death: لازم على أهاليهم بالدرجه الأولى أنهم يكونوا على الأقل في جلسه عائليه مع أولادهم .... حتى يتفهموا هالمشكله اللي ماسلم منه حد غير الشاب المتعلم والي يعرف ربه وأخرة هالعمايل الشيطانيه :mf_viking .........................

ودعائي الخالص لشبابنا الشحوح في مسندم والامارات بشكل عام
.............. الله يهديهم إلى طريق الحق والعفة...وعلى الله قصد السبيل..[/FONT]

أم هزاع

28-03-2005, 09:54 PM

مرحبا اختي مريوومه

تسلمين ع بصمتج الحلوة بموضوعي
بس يالله شووو بنقوول غير الله ايحفظ المسلمين انشالله

أم هزااااع

أم هزاع

28-03-2005, 09:56 PM

مرحبا اخوي قناص كمزار

تسلم ع ردك اخوي

أم هزاااع

الفارس المجهول

31-03-2005, 11:45 PM

انا لله مرقص وبين اللبيوت
شو يبون بعد
والله اذا استوت مشاكل وسببها الشباب لا ايلمون الشباب عقب

وردة ابخا

العين الغضية

01-04-2005, 03:49 PM

اول مره اسمع هالخبر

بس المهنده مايرومون يفتحون اي محل إلا بموافقة الكفيل ومنو الكفيل اكيد مواطن !!!!!!!!!

ولاتستغربون هالشى بعدكم ماشفتوا الايام يايه وبتشوفون راس الخيمه شو بيصير بها وخصوصا بعد مافتحوا (...................) فى منطقة لحليله في خور خوير

ودمتم سالمين

عين الصقر

01-04-2005, 07:48 PM

يعني انتوووو من شو مستغربين وحااااالتكم حااااله ومعتفسين يعني منو الي يسوي هالسواااالف قوووووووولو منو والله حاااااله

البيح

02-04-2005, 09:52 AM

بصراحه انا اعرف مكانه وسمعت ان الورقص بيقفلوه

لان ما حد اشترك وياهم

قليل من الهنديات
ومكانه مب داخل الشعبيه بل على الشارع الرئيسي

أبو الخليل

02-04-2005, 01:38 PM

يا اخوه ويا اخوات .. انتو ليش حاشرين عمركم ... المراقص بكل مكان .. يعني استوت على مراقص الهنود ..ههههههههههه.؟.. الخمور بكل مكان ... والزنا بكل مكان ........ والفحش بكل مكان ... وحتى في الاماكن المقدسة حفظها الله فيها وايد سواف وايد بالهبل سمعنا .... الحين استوت على مرقص براس الخيمه ... خلو الحكومة تسوي اللي تبيه .. الحكومة ادرى بالمصلحة .. ... وهذا التطور اللي يبونه والاصلاح للشرق الاوسط ....

خخخخخخخخخخخخخخخخخخ...... مب راح نطور مدام عقليتنا بتحرير المرأة والفسق والمجون معانا هي اونه السبب .....

اللهم ارحمنا برحمته .... اللهم كره الي الدنيا وزخرفها .. اللهم اجعلني من طلاب الاخرة ... اللهم اجمعني بالانبياء والشهداء والصالحين الاخيار ...

ابو الخليل

أم هزاع

06-04-2005, 03:25 PM

مرحباااا اختي وردة ابخااااا

شكرا ع مرورج

أم هزااااع

حورالامارات

06-04-2005, 04:01 PM

الغالييييييييييين
انتوووووووو الحين ليش محتجيييييييييين دام اهل المنطقة سااااااااكتين

وثاني شيء يعني انتو الحين تقولون ان المراهقين ما يندلوووونه هو وصالات المساااااااج والرياضة

والله اهل البلاد عندناااااااااااااا مب راضيييييييين بس ساااااااكتين

وخل يتحملووووووووووون نتيجة سكوووووووووووتهم

وهي ما وقفت عندهم على مرقص الله يهديكم بس

انا بقولكم نصيحة
الحلال بين والحراااااااااام بين

وكل واااااااااحد متربي يعرف الصح من الغلط

اوكي

فكملوووووووووو حياتكم وربووووووووو اخوانكم وعيالكم ترى اللي ما بيشوفونه في بلادكم بيشوووفونه ف بلاد غيرررررررهم

وسلاااااااااااااامتكم

والله انا بقولكم

خيالة الشحوح

13-04-2005, 04:23 PM

السلام عليكم ورحمة الله وبركاته
الحقيقه هيه في مكان في منطقة براس الخيمة اسمها العريبي مب النخيل والصراحة هو تابع لمجمع سكني ومعظم الناس الي ساكنين بهدا المجمع اجانب..... اساتدة بالتقنية ولا في مدارس انجليزية او يشتغلون بفندق هيلتون...... وهو فعلا على شارع عام والصراحة شفته كدا مرة بس الي شفته هو مب مرقص هو مكان يتدربون فيه البنات على الرقص الهندي وغير مسموح لدخول الشباب يعني حاله من حال اي نادي للبنات وادا تحبو بحاول اني اسير هناك واشوف بالضبط شو في واتاكد حقكم
:mf_tellet