مشاهدة النسخة كاملة : حفل تعارف 000 حياكم الله
الدعم الفني
26-12-2002, 03:07 PM
السلام عليكم
اخواني واخواتي
الكثير في هذا المنتدى يحبون التعارف والمشاركة في المواضيع
والكثير من الاعضاء تربطهم علاقة صداقة قوية بسبب الموقع او غيرها
المهم ماودي أطول السالفة لكن حبيت أقيم حفل تعارف لكل أعضاء المنتدى ، أتمنى الجميع يجي يشارك ويعرف عن نفسه .. ونشرب كوكتيل وناكل كيك
............
وانا ابدا بنفسي اول
الاسم : ادوبي
العمر : 24
الدراسة : اعدادي
الهوايات : الجرافيكس . تطوير المواقع . الرماية . النت
الوظيفة : بدون حاليا
الدولة : قطر
.............
ننتظر مشاركاتكم
بنت الفريج
26-12-2002, 04:24 PM
انت اسمك الصدقي أدوبي:)و لا نك نيم
أنا
بكمل
الاسم:بنت الفريج|1|
العمر:20
الدراسه:ثانويه عامه , حاليا طالبه في كليات التقنيه
الهوايات :النت , قراءة الشعر, الديكور و التسوق في محلات الاثاااث:eek: ....
الوظيفه:بدون :D
الدوله:الامارات
:rolleyes:;):p
يا الله وين الكوكتيل و الكيك....
بنت الفريج
الدعم الفني
26-12-2002, 04:55 PM
مرحبا اختي بنت الفريج
......
انتي دوم سباقة في المواضيع
..
وبالنسبة الاسم هذا ندائي طبعا
:D:D
والكيكة لاتستعجلين عليها
;)
قوطي براقع
27-12-2002, 08:25 AM
السلام عليكم
الأسم : قوطي براقع
العمر: 28
الدراسة: بكالريوس في .... + ماجستير في .....
الهوايات: التصوير + السفر + الكمبيوتر
الوظيفة: مسئولة قسم ..... في ...... تحويلة رقم ....... :p
الدولة: الأمارات
يلا احنا ما نعطي معلومات ببلاش .. بما اني ما أحب الكيك ولا الكوكتيل :mad:
اطلبوا لي عصير همبه وشاورما مكسيكي من فروج الوادي |4|.. أقصد الطازج |1|
WOLF SPiRiT
27-12-2002, 10:44 AM
السلام عليكم .....
الاسم : روح الذيب ( فديت الشحوح)
العمر : 19
الدراسة : ادرس في لندن computer software engineering ...... سنة اولى
الدولة: الامارات
الهوايات : الشعر و الكورة
و الله لو تييبلنا من الشوكة الذهبية يكون وايد زين وكرتونة فيتامين سي الله يخليك ترانا ملينا من الكنتاكي و البيرجر كينج خاس بطنا ياخوك و شخصيا مفتقد الفيتامين سي.
التوصيل مشكلتك
و مشكوووور عالحفلة
قوطي براقع
27-12-2002, 11:34 AM
روح الذيب أسمك أحلى بالعربي |4|
زين ... عيل قصدك أورنامين سي ؟
يبولنا ثلاثة يا اخوانّا..
اثنين من الحجم الصغير والثالث من الحجم الأكبر هذاك المدوّر حق قاريء الكلمة .. :D
يا مرحبا بالهندسة .. ماشي لك أورنامين سي أنا باخذ نصيبك..
سير أشرب قهوتنا أول ! :( (حجة وحاجة)
بنت الفريج
27-12-2002, 11:48 AM
يا أخوي يا روووح الذيب >> شو عندك فقر دم|326|
أنا أخذ حبوب حديد >>> ينفع و لا مصر على فيتامين سي ....
يا الله يا AD_2000 طلباااات الجمهور زادت ....
عصير همبه و شاورما ميكسيكي من الطازج لقوطي براااقع...|354||512|
روح الذيب شو تبغينا نطلب لك من الشوكه الذهبيه شكلك اتحب السي فووود..|513|>>> انزين كيف تبغي الفيتامين سي حبوب و لا شراااب عساس ايكون أخونا AD_2000على بينه|1|
الله ايعينك يا AD_2000على هالمصااااريف >>> حد قالك تعزم:D
قوطي براااقع الله ايعينج على قارئ الكلمه |581|
باااي
بنت الفريج|4|
بنت الشحوح
27-12-2002, 01:54 PM
السلام عليكم
الاسم:بنت الشحوح
العمر:16
الهوايات:كرة القدم و الشعر
الدراسه:بعدني ثاني ثانوي
الدوله:الامارات..
:D:D
العنيد
27-12-2002, 02:12 PM
سلااااااااااااااام:)
الأسم:القدوي العنيد:(
العمر:20 سنة
الدراسة:خلصت الثانوية العامة(علمي) والحين أنا موظف:D
الهواية:كرة القدم,,السباحة,,الصيد,,التعارف:)
أنا أشجع نادي اليوفنتوس:D
الدولة:الامارات
ويييييييييييين الكيك:mad:
أحمــــــــــــــــــــد
27-12-2002, 03:34 PM
**** مرحبــا الســاع ****
... يا مرحبــا بأغلــــى أصدقانـــا ...... ترحيــب فيه المسك وعطــور
... بوجـودكــــم زان المكـــانـــــا ...... زاد الفرح والقلب مســــــــرور
... أسمي أحمد وبدبي سكنـانــــا ...... والعمر اربع وعشرين مذكور
... أدرس هندسة والشعر هوانا ...... والكرة نلعبها ع ساحل بحـــــور
... واللي يراسلني لــه مكـانــــا ...... وسط العين بعالي الاقصــــــور
... واللي يقطع وصلة جفــــانــا ...... وقطع الوصل راعيه مخســــــور
... يا رب يا سامـــــــع دعــانــا ...... يالله يـا رافــع جبـــــل طـــــور
... اغفـــر لنـا واسمـح خطـانـا ...... يوم الحشر وعبـــادك احضــــــور
... يعـل السحـب تنحــي جـدانـا ...... تسقي الدولة من لجبال ولبــرور
... والبرق انور به سمــانـــــا ...... مـن كـل جـانـب ياضــي النـــــــور
... والعشب ينبت به ثــرانـــــا ...... مــن كــل عــود فيـــــــه مذ كــور
والسموحة .....
قاريءالكلمة
27-12-2002, 04:52 PM
الاسم :قاريءالكلمة
العمر :40
الدراسة : بكالوريوس في المحاسبه..عشان أحسبكم في المنتدى:D
الهوايات : القراءه وكتابة الخواطر وكرة القدم والصيد و النت
الوظيفة : موظف
الدولة: الامارات
ما عليكم من قوطي براقع اتحب الكيك بس تعرفون المستحه لها دور;)
بنت الفريج الله يعيني أنا من قوطي براقع:D
أبا الكيك والكوكتيل والأورنامين سي...يلا بسرعه|4|
قوطي براقع
27-12-2002, 05:13 PM
بنت الفريج : لا ماعليج قاريء يدري بي أمزح .. بس شكلي ببطل !! خلينا نشوف شو سالفته أول 29 ولا
29 -10 ؟؟؟
بنت الشحوح : كرة قدم عيل .. هااااا ؟ حلاتج والله بنخليج حارس مرمى عبدالله موسى .. احم احم ... غباااااااااار
القدوي العنيد : أمرنا أمر.. تبا كيك بالكاكاو ولا فانيليا ؟
أحمد : مجهّز شعر للحفلة .. ماشالله عيني عليك باردة .. لا ويابها بعد .. وين بيشوقة عنك علشان تقّيمك
قاريء الكلمة : دخيلك لا تعد وتحسب كفاية علينا ابتلينا ببنت الفريج |4|
قاريءالكلمة
27-12-2002, 05:29 PM
قوطي براقع...29-10 بكالوريوس;)
قوطي براقع
27-12-2002, 05:38 PM
قاريْ الكلمة
هيه صح |1| انت في مخ أنا مافي مخ
ودارس محاسبة وأنا مب قدّك .. السموحة بويه على المزاح الزايد
أنا اللي دحروجة وتختوخة ومدوّرة وأنا اللي بشرب الحجم الكبير وكل شي :D
مأ أدري ليش أتعودت أرد على الأعضاء كأنهم اخواني الصغار .. الحين بغير
أسلوبي بعاملكم مثل أخواني الكبار |1|
ومنوّر الحفل .. بس شو رايكم في قصيدة أحمد ؟ يلا منو عنده فقرة ثانية يقدّمها |4| |4|
يلا اللي بعدو |110|
الاسم: سوااااااااااااااااااااااااااااح :)
الدراسة: مخلص الثانوية |4|
المهنه: موظف |4|
العمر : 26
الهوايه: كرة القدم . النت .القراه
الدوله: الامارات
ابا عيش ولحم محد قالكم أعزموني :D:D
تحياتى
سواح
نهيان
27-12-2002, 10:25 PM
الأسم /نهيان
العمر /22 سنة
البلد /الإمارات-أبوظبي
المهنة /=
الهوايه /الكمبيوتر .. والشعر .. المراسلة ... والسفر
العنوان البريدي
التعليق /الموضوع رائع ويستحق التقدير تعارفي مع الجميع
قاريءالكلمة
27-12-2002, 11:59 PM
قوطي براقع..الاعتراف بالحق فضيله;)
:D |3| |9| صور من الاحساس الغريب:D
شمعة أمــل
28-12-2002, 06:50 PM
ممكن لو سمحتوا قطعة كيكة مع شاي .. بس يكون السكر خفيف :D
يالله أعرفكم على نفسي
الاسم: شمعة أمــل
الدراسة: بكالوريوس في .....
المهنه: موظفة
العمر : 22
الهوايه: الشعر. النت .القراه
الدوله: الامارات
وتحياتي لكم |115|
مخاوي الطيبيين
28-12-2002, 07:34 PM
هلا ولله باختي الفاظلة شمعة امل .
ان شاء لله المجستير والدكتورا لايش لا..
نورتي المنتدي.
بنت الفريج
28-12-2002, 07:49 PM
روح روح....
قوطي براقع >>> ماجستير في تجميع أعواد العسكريم و انتقاء أقمشة البراقع النادره
قارئ الكلمه>> بكالوريوس في المحاسبه >> لحد يغلط في الحسابات ليقفشكم قارئ الكلمه
شمعة أمل >> بكالوريوس في ؟؟؟ الله أعلم...
مين يزود >> محد عنده دكتورااااه:D
ونحنا بدووووون|198||198||198|
http://www.alshamsi.net/uae/uaecards/bntuae2.jpg
سويت الكم قهوه .....:Dالجلسه مطوله
بوساره دخول الحفله مش زي خروجها >>> وين بطاقتك الشخصيه :D
مخاوي الطيبيين
29-12-2002, 07:21 AM
ابوسارة.
خريج ادارة اعمال جامعة الامارات.
عقيد ركن.
العمل -ابوظبي.
الهوايه السفر الرحلات وخاصة البحر مع العائله والاصدقاء.
احب المنتديات الي نفسي منتدي الشحوح/كاتب وخاصه سابقا في الشعر وتركت هاذي الهوايه.
احب المواضع الاسلاميه وهي الاقرب الي نفسي,
مشترك في كذا منتدي في الشبكة العنكبوتيه.وسلامتكم.
بنت الفريج
29-12-2002, 09:28 AM
يا سعادة العقيد ركن ....
ها عسكري يعني نجمتين و تاااج ...
قوطي براقع صك عليج العقيد ...
من قدك يا بوساره >> عقبال ما يرقونك لعميد
بنت الفريج
بنت دبي
29-12-2002, 01:01 PM
الإسم: بنت دبي
العمر: 20 سنة
الدراسة: طالبة في كلية دبي للطالبات سنة ثانية
المهنة: طالبة لسه ما أشتغلت
الهواية: الرسم والعزف والكمبيوتر ومشاهدة مباريات كرة القدم (وهوايات عديدة).
الدولة: الإمارات (دبي)
أمنية المستقبل: حلمي الوحيد أصبح Business woman في المستقبل القريب بإذن الله
:)
قوطي براقع
29-12-2002, 06:37 PM
وين العيش واللحم حق سـواح ؟ :mad:
نهيان حلو ايميلك .. نصر وشهادة :)
وقطعة بلاك هورس لشمعة أمل وشاي مع سكر سويتن |4|
بنت الفريج أصلا منو أنا علشان يصك علي .. فقيرة الله وحليلي..|4|
مخاوي الطيبين ... أنا بعد بدعيلك يرقونك لرتبة عميد ..
بس عاد هالله هالله في اخوانا يمكن يكونون ضمن مجموعتك .. أوكي سيدي:D
بنت دبي انشالله تكون مشاريع اعمار كلها لج وياخذج واحد من عيال الفطيم بعد |4|
مخاوي الطيبيين
29-12-2002, 07:36 PM
ولله اشكرت بنت الفريج علي الدعوه وباقي سنه علي العميد ان شاء لله.
تامرين سيدتي قوطي براقع مع بنت الفريج امر علي وانا في رهن الاوامر والتعليمات .
وكافت منتسبي منتدي الشحوح منتدي ولله المحبه والقلب الواحد رغم اننا نلتقي عبر النت ولوا نلتقي في شارع اومكان ماء لايمكن ان نتعارف ابدا بدون ان نلتقي.
بنت دبي
30-12-2002, 09:11 AM
قوطي براقع تسلمين بس ما أبي أستوي طماعة وآخذ المشاريع كلها حقي وياخذني واحد من عيال الفطيم تراني ما أفكر
بنت دبي
العيون الحزينة
30-12-2002, 09:04 PM
اسمحووولي تاخرت على الحفله00
:D
الإسم: العـــــــيون الحـــــــزينة
العمر: 19 سنه00(قولوا العمر كله)
الدراسة: طالبة
المهنة: مـــــــاشي:p
الهوايه:مطالعه المباريات00الكمبيوتر00العب كرة التنس والسله00 كتابه الخواطر00 وبس:rolleyes:
الدولة: راس الخيمه
أمنية المستقبل: انتو اشعليكم00|4|اخااف تحسدوني00
|83|
بنت الفريج
30-12-2002, 09:10 PM
و أخيرا دخلت نجمة السهره .....:D
وينج يا الحلوه غاطه عن الأنظاااااار حد مزعلنج يا العيوووون |5|
وين اديااارج شخباااارج اشحاااالج:Dاتولهنا على ردودج و مشاركاااتج
هاااي رقصه لنجمة السهره
|19||19||19||19|
سلااام
بنت الفريج
الرأى الحكيم
31-12-2002, 12:08 AM
الاسم :الرأي الحكيم
العمر:33
الدراسه :الثانويه
المهنه :موظف
الهوايه:كره القدم . القراءه
الدوله :العزيزه علينا جميعا الامارات
انا من الناس اللي يموتون بالسمك وخاصه الكنعد والسمان والهامور 000 لا تنسونه بالعزيمه
والسموحه00
بنت دبي
31-12-2002, 08:49 AM
العيون الحزينة
من أي منطقة في رأس الخيمة
العيون الحزينة
31-12-2002, 11:33 AM
فديتج بنت دبي00
شو قلتي |4|
هوما تقولين00:rolleyes:
العيون الحزينة
31-12-2002, 11:35 AM
بنوته الفريج00
اشحالج الغاليه00
صج انا نجمه السهره000فديتني:D
ما حد يروم يزعلني00 بس لعانه مني00ما ابا ادش النت بس عشان تشتاقون لي00
:mad:
بس كلكم لبستوني00
|77|
باااااي|4|
بنت دبي
31-12-2002, 01:32 PM
هوما تقولين مب رمستي لأني ما أعرف شحي
العيون الحزينة
31-12-2002, 10:56 PM
حبيبتي والله00
انا احب الشحوووح ورمستهم00
فديتهم00
|1|
قوطي براقع
01-01-2003, 10:05 AM
العيون الحزينة .. الشيخة انا مالحظت غيابج انتي دوم موجودة|56|
ولو غبتي عن العين تراج موجودة في القلب |238|
قوطي براقع
01-01-2003, 10:13 AM
الرأي الحكيم
انشالله يسون ركن خاص حق السمج .. وودر لي اللون الأسود في الهامور المشوي يقولون الدم متجمع فيه |183| بس شو أسوي أحبه
وما بنعطيك كيك .. اذا لبن وسمج هب زين فمابالك كيك وسمج كيك وسمج كيك وسمج كيك وسمج
ما يستوي كيك وسمج :confused:
العيون الحزينة
01-01-2003, 11:47 PM
تسلمييييين حبيبتي قوطي00
:p
احبج;)
الإمبراطور
03-01-2003, 03:24 PM
الاسم: تعارفونـــــه..
العمر: 28 سنة.
الدراسة: خريج من التقنية..
المهنة: موظف في احدى شركات ادنوك.
الهواية: ماخليت لعبة ومالعبتها..
الدولة: الامــــــارات..
اذا كنتوا تبون الطول والعرض والباجي خبروني وانا حاضر..
حشا رايح اخطب انا..
مخاوي الطيبيين
03-01-2003, 03:34 PM
حياك الامبرطور انا نقلت الي مجمع الرويس تعال في احدي الشركات ادنوك في الرويس بنروح معك البحر تري السمك وايد هناك بس علي الطراد تراني ماشتريت طراد حتي الان.
العيون الحزينة
03-01-2003, 04:30 PM
;)
بنت الفريج
03-01-2003, 05:01 PM
الامبرااااطووور اذا ما فيها كلاافه ...ممكن تحجز لي وظيفه عندكم في أدنووووك لين ما أتخرج:D
من قدك كل الامتيااازاااات عندكم:rolleyes:
علشااان خاطر العشره و الضرااابه الي بينا ممكن تجز لي على وظيفه يا سعة البيه|4|
راعي ان أنا بنوته يعني ما أبا وظيفه في الحقووووول أوكي ...
و لو تكون الوظيفه في شركة أدنوك الي عدال المارينا بعد أحسن >>> عساااس ان عقب الدواااام سيده أحدر الماااارينا....|3|و شو بعد .....|1|بس بدور شروووط ثاانيه و بحطه من بعد اذن حضرتك ....:D
|3||3|
الإمبراطور
04-01-2003, 01:06 PM
اخوي شمي ليش الطراد..
لو يكون يخت مب احسن...
الإمبراطور
04-01-2003, 01:09 PM
لو انخليهم يفتحون لج فرع بالمارينا ..
مابيكون احسن لج...
بنت الفريج
04-01-2003, 01:19 PM
هي و الله بيكووون أحسن
عاااد اقترح لهم هالشي ,,,,في صندوق الاقتراااحات و الشكاوي|261|
اتصدق لو كانت الدوامات في المولات جاان محد بيفكر يستقيل خصه نحن البناااات >>> ما نشبع من المشترى ......ما انعرف انخلي البيزه في جيوبنا ...|291|
العجمي
04-01-2003, 02:02 PM
سلام الله على اجبابي
معلش تاخرت شوي
المهم
الاسم: مممممممممم خلوه العجمي افضل(الا اذا شارك احد من نفس القبيله نغير النك :D )
الدراسه: خريج معهد الدراسات التجاريه في الكويت
العمر: بين ال30 وال40 :p
المهنه:موظف في احدى افرع مؤسسة البترول الكويتيه
الهوايه:القنص/الحداق/الفروسيه/الشعر/شوف الذود:D/السفر والمغامرات...الخ
الدوله: الكويت الله يحفظها
وسلامتكم |4|
بنت الفريج
04-01-2003, 06:22 PM
مرحبااا بك أخوي العجمي في حفلة التعااارف ....
عاااد ما قلتلنا شو تطلب من الأكلاااااات ...
اطلب الي تبيه يا ضيفنا ...
بنت الفريج:)
العجمي
04-01-2003, 09:35 PM
اي والله ابغي عصيدة ذره وكرثي وتمر الله لا يهينكم وان حصل واحد مثلوثه :D:p
قوطي براقع
04-01-2003, 10:52 PM
الأمبراطور ليش تكبر عمرك :confused:
انت 27 سنة |4| (على كيفي بألّــــف )
العيون الحزينة حبتج العافيه |1|
الإمبراطور
04-01-2003, 11:46 PM
قوطي براقع
شهادة ميلادي ضايعة عني.. اتعارفين وين اقدر احصلها..
قوطي براقع
04-01-2003, 11:51 PM
هيه
الطب الوقائي
بنت الفريج
06-01-2003, 09:16 AM
العجمي ..أنا الي عرفته العصيده و التمر و الباااقي ما أعرفه ...:D
يمكن الأكلاات الي ذكرته عندنا بس لها مسميااات ثانيه ...
و السموووحه...
فدااعة الله :D
الفارس الشحي
09-01-2003, 05:34 PM
حياكم الله ... و بالنسبة للعزيمة و الله خاطري بخبز تنور به سنوت و سمن ذوابه و عسل أبيض مال السدر
زين و الله
أريد أعرف عن نفسي أنا بعد ...
الأسم : الفارس الشحي
العمر : مواليد 83
إنزين و شو بعد هي الوضيفة : طالب
الهوايات : الرماية و الفروسية و الكشافة و الكتابة الأدبية
المدينة : رأس الخيمة
و الحمدلله
قوطي براقع
09-01-2003, 06:44 PM
الفارس الشحي ما تبا خبز صفاع ؟؟ |3|
الفارس الشحي
09-01-2003, 07:24 PM
لو بتطرشيه لي كرم منج يا بنت الأيواد ....
مشكورة على التواصل أختي :)
مخاوي الطيبيين
09-01-2003, 10:35 PM
نهو هاذا الخبز باسير الي راس الخيمه وادوره ولله اول مره اسمع عن هاذا الخبز باروح اعزم نفسي عن قوطي براقع مع العايله اللع يعينت صدق مافيها مزحه استعدي
قوطي براقع
10-01-2003, 10:03 AM
العفو يالفارس الشحي ... بتعلّــم وبسويلك
الصفاع خبز لذيذ ما يسونه في المخابز .. هو غير سميك .. يعني رفيع وخفيف وايد لكنه عريض
الشحيات هن بس اللي يجهزنه في البيت .. يم يم وهو ساخن
حياك الله يا مخاوي الطيبين .. يا سلام عليك احنا فذيج الساعة عيونا لكم أوسع من البيت والله ..
بس أنا هب في راس الخيمة !!!
بنعــزّم يوم واحد ننزل صوب مسندم ونمر عليكم لأننا من زمان ما سرنا .. أم سارة ويانا وانت ويا الرياييل ..
وحاضرين للطيبين .. :D
العيون الحزينة
11-01-2003, 08:40 PM
وانا000 ابا خبز صفاع بعد00
:p
قوطي براقع
13-01-2003, 08:14 PM
العيون .. بنتصدق عليج برغيف واحد :D
والله خوش حفله س كنه الضيوف ما وصلوا كلهم على العموم
الاسم : عبير
لدولة:قطر
الدراسة جامعية: قسم اعلام
العمر:20
الهوايات :القراءة وزيادة الثقافة
قوطي براقع
14-01-2003, 08:56 PM
هلا اختي عبير
وشو تبين تاكلين ؟؟:rolleyes:
مفنود
16-01-2003, 05:07 PM
الاسم : ترف التتاري ( بس اذا عصبت أصير همج البربر ) ههههههههههههه
العمر : 14 سنة
التخصص : بروفيسوراه خيال و احلام واماني
الوظيفة : الجيش خخخخخخخخخخخخخخخخ اقصد طالبة
و أبى آكل معمول و كشري ( أباه من يد مصرية غير جيه لأ لألألألألأ) و ورق عنب من بيت قوم ربيعتي و قيمات عربية .....................بسسسسسسسسسسسسسسس
العنيد
16-01-2003, 08:14 PM
يا مرحبا فيييييج مهووورة قصدي ترف التتاري:D
:eek: صغيييرة وااايد:eek:
بس حبوووووووبة واااااااايد;)
سلاااااااااااااااااااامي
العنيد:)
القدوي;)
احمدو
17-01-2003, 02:22 AM
هلا والله فيك يالحبوب في منتدى الاحباب000
تقبل مني سلامي واحترامي
مع
تحياتي000
مفنود
17-01-2003, 03:25 PM
احم احم شكرا شكرا أخجلتوني :)
بيشوقة
17-01-2003, 07:37 PM
هلا والله ..
موضوع حلووووو
الإسم : طبعاً بيشوقة الشحي ..
العمر : مواليد 81
المهنة: طالبة آخر سنه في التقنية .. وإن شاء الله اخلص على خير
تبون التخصص : هندسة شبكات (الاتصالات) computer networking
الهوايات : تصميم مواقع .. تصميم صور .. الرسم .. القراءة .. تجميع عملات (اذا حد يحب يبادل ) كتابة الخواطر .. ( أهمها) ...
ابا اشوفكم وانتوا تاكلون .. لوووووول ما أحب آكل في يمعة ههههههههه
الساهر
24-01-2003, 12:01 AM
الصراحة حفلة حلوة للتعارف...ويمكن وصلت متأخر.. بس أعرفكم على نفسي
الاســــــم: الســـاهر
العمــــــر: 23
المهنــــة: موظف
الهوايات: السباحة، المطالعة، التعارف، كرة القدم
واللي يبا يتعرف على الساهر أكثر يتفضل على الإيميل التالي...::::
a_alsaher9*************
نور الأمل
25-01-2003, 01:14 AM
أسمي معروف :نور الأمل
بلدي : إماراتية و لي الفخر
العمر: شقية فرست و ان
التخصص: كح كح أحم أحم بزبزومان يعني ريالة أعمال كخخخخخخ
الهوايات نيت ورك و الشعر أمممممم شو بعد هيه تذكرت أحلى شئ زرع ورود
ذاتس ؤول
تشكرات على الحفلة التعارف
الشحي
26-01-2003, 01:59 AM
الشحــــــــــــــــــي
السلام عليكم
الاسم : محمد الشحي
العمر : 17سنه
الدراسة : اول ثانوي حاليا
الهوايات : تطوير المواقع . النت
الوظيفة : ادرس حاليا
الدوله : غمضاء .... مسندم
الساهر
26-01-2003, 11:30 AM
يـــــا هــــــلا واللــــــــــــــــه بو جاسم
تشرفنا بمعرفتك..... وحياك الله.
أخـــــوك
الساهر
قوطي براقع
26-01-2003, 10:23 PM
ترف التتاري : نونو :D حلو عمرج !
بيني وبينج 14 سنه |1| طلباتج صعبه يبي أكلج وياج !
أحمدو : انت طبعا عرفتنا عليك في مواضيع ثانيه .. جهزت الدوا قبل الفلعه :D
بس بعدنا ما عرفنا شو تحب تاكل
بيشوقه والعيون الحزينه هذه أخر سنه لهم في التقنيه .. الله يعين ! تلصقوا فيها باجر بتنفعنا في اتصالات |4| بيشوقه نخاف تضربينا بعين ناكل وانتي تطالعين
الساهر : انت ما تأخرت ولا شي .. هذي الحفله مالها نهايه ! صح يا راعي قطر ؟
راعي قطر = AD_2000 احنا اللي لهينا شوي عنها .. وشو تحب نطلب لك ؟ ;)
نور الأمل : تحب البزنس مثل بنت دبي :cool: بس ما شفنا مساهماتج في منتدى الشعر والحواطر .. والأكل اللي تحبينه؟ ;)
الشحي : راعي الذوق والتصميم الحلو .. شو ناوي تتخصص ؟ وكيف حال مسندم؟ تيبلنا خبز صفاع ؟ |4|
اسفين على التأخير ويا مرحبا :D
بيشوقة
27-01-2003, 05:15 PM
لا والله .. لا اتخافون ما بضربكم بعين .. انا بس بتفرج وبضحك كهكهكه
عاشقة جميرا
29-01-2003, 12:04 AM
:)
الاسم: شوحو
العمر:24
الهوايه: كره القدم و ركوب الخيل
الدراسه: ثانويه ومنتسب بكليه شرطه دبي لاكمال الدراسه
الوظيفه: موظف
الدوله: الامارات
مشكوريين واكرمكم الله( زاد كم ما كول )
شوحو
روح الإمارات
30-01-2003, 04:16 AM
هلااااااا ومرحبااااااااااااا فيكم
أنا .... روح الإمارات
العمر 21 سنة ..
ادرس في كلية التقنية وانشاءالله كلها شهرين واتخرج
المدينة دولة الإمارات الحبيبة
دار الظبي
وسلامتكم ....
بس عاد انا ابي حفلى خاصة علشان تخرجي ترومون عليها ,,,,ولا
قوطي براقع
30-01-2003, 11:49 AM
عاشقه شحي : :)
شوحو : ماشالله عليك يعيبوني اللي يدرسون ويشتغلون في الوقت ذاته.. وليش ما تبا تاكل ؟ لا تخاف ما بنخليك ترد لنا العزيمه ;)
روح الأمارات : أنتي أكيد ويا بنت الفريج في الكليه :D
وتستاهلين حفله ليش لا .. نحن نتريا دقه |4| بس خبرينا قبلها
مخاوي الطيبيين
30-01-2003, 12:39 PM
انا عندي الخرفان والقعدان في وقت التخرج 2 قعود 10 خروف والباقي علي فريق المنتدي
قوطي براقع
30-01-2003, 12:49 PM
خلاص تم يا مخاوي الطيبين .. وشو الباقي بعد ؟
أنا أشوف انه كفايه .. ولا انتي شو رايج يا روح الأمارات ؟|4|
2 قعود واحد لنا وواحد للشبيبه .. و10 خرفان خمسه لنا وخمسه لهم :D
عنودي
01-02-2003, 07:49 PM
دوري دوري...
الإسم: عنودي الدلوعه
العمر :15
الجنسية: اماراتيه فدييييييتني والله وبلادي بعد وياي..
CoOl ZeRoO
01-02-2003, 11:37 PM
زيييييين فكرة ححلوة روعه .... انا بعرف بنفسي كنت محتااااااااااااااااااااار كيف أعرف بنفسي لين ما حصلت هني ها الموضوع ... و الله إبداع الصراحة .... لاه الشحوح ما شاء الله مهب هينين ... اوكي
أسمي ( للي ما يعرف إنجليزي ) الصفر البارد ..
العمر : بكمل عشرين جريب .. العمر كله يا ربي ..
العمل : جامعة الإمارات أفكر أسافر برع ... و أكمل
الكلية : الهندسة
شو بعد تبون ....
الهوايات : الرماية ... شراء الأسلحة القديمة و الجديده .. و التخييم بالجبال و البر ..
( ما أصدق أحصل إجازة أطير للبر بعوافي و لا أتعلق بالجبال و أيلس يومين و أرد البيت ..
نسيت هواية فانتاستك و الله أحلى شيء بالليل .... لا تفهموا غلط .... كتابة الشعر ... و خاصة بجبال العالية
القبيلة ... شحي من بني الأصرمي
|4| أكرة شيء يسمونه تدخين
تعالوا ما قلت لكم أنا من وين ....من شعم براس الخيمة ... لي ما يعرف شعم أحسن له .... ما أدري يسوي لي ببيه بس شعم معروفه خاصة ويا الشحوح ....
ببباي :rolleyes:
مخاوي الطيبيين
01-02-2003, 11:44 PM
يا لله الصفر البارد شرفت في المنتدي ولكن نريد الابداعات الهندسيه في المنتدي.
اشاطرك الهوايه وخاصه في البر توني راجع من عند الوالده في البر عامله الليله قرص مدهون بالسمن كليت حتي لع من خشمي ادعوك للزياره.
ولله اسمع عن عوافي ولكني ان شاء لله اروح مع العائله عن قريب.
CoOl ZeRoO
01-02-2003, 11:54 PM
لا تذكرنا بالجامعه .... داوامنا بعد اسبوعين 15-2 اليوم الأغر .... هههه
و بالنسبة لعوافي نصيحة لا تييب الأهل وياك ... لأنه في حيوانات هناك ( بشرية يعني ) و إزعاج لما الفجر ... نااس كرمك الله تشرب خمر لين الفجر و دق معلاية بعد .... و لو ييت ويا شباب ربعد أحسن و لا تنسى فردك أهم شيء لانه في حواوين ترى تحمل ....
تنور و الله عوافي بليلة بدر ...
take care
مخاوي الطيبيين
02-02-2003, 12:07 AM
اخوي قبلك دوختنا الجامعة ومسقاتها وامزجت الدكاتره وهواهم ولكنها مرحلة وتمر وعليك بالصبر والمثابره.
كما اريدك وكل شعب الامارات ان يكون الطموح موش التخرج وبس ولكن المجستير ومن ثم الدكتوراء ان شاء لله.
2.احسنت انك ا اخبرتني كنت ناويي اروح مع عائلتي الصغيره ساره واختها لولي الي عوافي ولكن الان تغير الوضع بطلت اشكرك وسعيد بوجودك في منتدي المحبه منتدي الشحوح.
الصيـاد
02-02-2003, 01:30 PM
الاسم: الصياد
العمر: 18 سنه
الدراسة: جامعي سنه اولى
المهنة: -------------------------------
الهواية: صيد السمك والنت
الدولة: الامــــــارات..
CoOl ZeRoO
02-02-2003, 08:59 PM
أقووول الصياد ...
بأي جامعه ... و ممكن أعرف وين ساكن لأني جني عفرفتك ...
الساهر
03-02-2003, 01:49 PM
شوحو
العمر كله إن شاء الله.. وربي يساعدك في دراستك وانشوفك محامي :: مثل احمد يكيكي :: وبالتوفيق إن شاء الله
روح الإمارات
هلا والله .. بالتوفيق إن شاء الله يا روح وربي يوفقج إن شاء الله وعقبال ما انشوفك خريجة.
عنودي
هلا والله عنودي والعمر كله إن شاء الله.
CoOl ZeRoO
هلا والله بكول .. العمر كله ويوم بتكمل العشرين لا تنسى تعزمني .. تراني قريب وايد .. وأنا اعرف شعم سكة سكة ... :D... وربي يوفقك في الدراسة إن شاء الله.
الصيـاد
هلا بك يا خوي والعمر كله إن شاء الله وربي يوفقك بدراستك
تشرفنا بمعرفتكم إخواني وأخواتي وربي يديم المحبة بينا ... ويا قوطي براقع صبي القهوة للجماعة ولا تنسين الزعفران .. ترا المرة اللي طافت ما كان فيها زعفران.
نحياتي
الساهر
العيون الحزينة
03-02-2003, 02:27 PM
ماشالله00
مليوووووووووووووووون مرحبا 00
:D:D:D:D
نور المنتدى00
قوطي براقع
03-02-2003, 05:12 PM
عنودي : يالله عساج طولة العمر انشالله .. والدلوعين ما يبغون شي ولا حتى اسكريم :rolleyes:
الصفر البارد :حلوة هواياتك ..ولا تنسانا يوم تتخرج :p
الصياد : نسيت التصميم من هواياتك ولا ؟ ;)
الساهر : قهوتنا محد يضبطها غير بنت الفريج .. هي بتزهبها حرصا على سلامة الأعضاء |1|
ابن الامارات
04-02-2003, 03:57 AM
السلام عليكم ورحمه الله وبركاته
الاسم : سلطــــان راشد سعيد لقيوس الشحي
يدي أسمه سعيد بس معرووووووف ب ((( حربـــات ))) :)
العمر: 23 سنه
الدراسه: علوم تطبيقيه (( فى مجال الكيمياء ))
مكان الدراسة : بريطانيا
المهنة : عسكري
الهواية: السفر , الكمبيوتر
الدولة : دار زايـــــــــــــــــــــد ( خيماوي )
مع تحياتي ...
ALWNEEEEES_2000
|4|
الفهر
04-02-2003, 04:41 AM
:mad::mad::mad:
الاسم : الفهر
المؤهل :ثانويه
الوظيفه :طرطنجي (بدووووووون حاليا)
الهوايه :ما هب ودب
الاماره :راس الخيبه
العمر :قرن(وشكلها بتطلعلي القرون)
الطول والوزن : قدم ونص في قدمين |3| ( شو كرتون ماي )
وووووو بس
وسلمتوا |4||4||4|
الأمل القريب
04-02-2003, 08:21 AM
هلا والله!! عني انا
اسمي: الامل القريب أو مناية الامل!!... اختاروا عاد انتو!!
العمر:21 سنة
المؤهل: جامعية ...وبتخرج!!
الهواية: لعب كرة القدم:D
المكان:....... الامارات العربية المتحدة
اظني قلت كل شي ولا بعد!!:rolleyes:
اقول الفهر حليلك والله بس ليش راس الخيبة!! هب الخيمة!!:D:D
الساهر
04-02-2003, 09:32 AM
ابن الامارات
حياك الله يا الطيب ونورت المنتدى ... الله يوفقك في دراستك وشد حيلك في الدراسة يا الونيس.
الفهر
لا والله مب متأخر .. ترا التعارف مستمر ويانا وحياك الله .. شد حيلك ودور لك شغلة بدل الجلسة البطالية.
الأمل القريب
يا هلا والله مناية... متى التخرج إن شاء الله.. عشان اسوي لج عزيمة.. بس بشرط ... اتيبين (( امتياز )) :D وربي يوفقج ان شاء الله.
خلاص يا قوطي .. انت سوي الشاي ولا تنسين القرفة ... وبنت الفريج بتسوي القهوة...
لا تتأخرون على الجماعة
تحياتي
الساهر
CoOl ZeRoO
04-02-2003, 11:47 AM
ما توقعت و الله 00
قوطي براقع رحبتي بكل لي عرفوا باعمارهم إلا أنا ....:(
ما سويت لج شيء ...
الأمل القريب
04-02-2003, 12:04 PM
انشاء الله شهر 9
انت بس امر... بحاول اذاكر!! يعني خلاص اضمنها العزيمة!!
الساهر
04-02-2003, 01:58 PM
بالتوفيــق إن شاء الله يا (( منايه ))
ولا تحاتين العزيمة ... بس بعد الامتياز أهم أسباب العزيمة.
تحياتي
الساهر
الجيراوية
04-02-2003, 02:30 PM
ويييه حفله
توني اشوفها :)
انزين احب اعرفكم بنفسي
اسمي : الجيراوية (فديتني ):p
العمر:18 سنه
المؤهل: طالبه تقنيه--- تخصص بيزنس|4|
الهواية: اروح المراكز والعب بلاي ستيشن
المكان: الجير - راس الخيمه
خلاص ولا باجي شي :rolleyes:
وسلامتكم |3|
اتريا الترحيب بالاخص من قوطي براقع والعيون الحزينه وبنت الفريج
;) غمزة للعيوووون
CoOl ZeRoO
04-02-2003, 03:23 PM
أهلين بج و الله .....;)
عيل نحن جيران ... زين و الله
تعالي أنا لي عليج حق .... حق الجار ... يوم بتسوية أكل طرشي لي أوكي |4|
بس دقي الباب و انا بطلع لج ..لا تستحي مني ... اوكي
وحليلكم تهموون و الله يوم توقفوا ييكم الباص مال النادي .... :cool: و تروحوا التقنية
احولت عيوني ....|1|
واااااايد بنات ما شاء الله ....
الله يزيدهن ...
سلمي على الجير و أهلها ..|3|
CoOl ZeRoO
شعماوي
المزيونه
04-02-2003, 07:31 PM
مرحباااااااااااااااااااااااااا
انا المزيونه المزيونه
26 سنه
جامعيه موظفه
احب ركوب الخيل والرحلات
شرجاويه والنعم
طولي ... ووزني ...
وشو بعد...!
باااااااااي
العيون الحزينة
05-02-2003, 12:23 AM
شو الصفر البارد00
فاتح خط ساخن اشوف ويا الجيراويه;)
عيب ماما00:o
اقول الجيراويه حق شو هالغمزة00;)
CoOl ZeRoO
05-02-2003, 01:02 AM
شو نسوي بعد ....
مشكلة الغيرة ويا البنات .....;)
يعني التواصل زين بعد .... يمدحونه
بس هي ما ترد عليه ما أدري ليش .....
وايد أنغزها بس ما ترد ... تستحي يمكن :p
وينها اشغلت بالي ....
ولا ما عندها إنترنت إلا في التقنية بس
يمكن |4|
مشكورة العيون الحزينة
الجيراوية
05-02-2003, 12:34 PM
الصفر البارد
انا ما حب الشعماوييين
|1|
|1|
|1|
هالعيون الحزينه عيبج ردي ولا عزيزتي :rolleyes:
احبج موووت :p
CoOl ZeRoO
05-02-2003, 02:25 PM
و انا لي .... يالله عااادي ..
بس ملاحظة تنقذ الموقف وااايد ...
شعم = غليلة و خورخوير و وادي غليلة و وادي شعم .... أنا مو من شعم شعم لي هي شعم بس هاي المناطق كلها يسمونها شعم أوكي ....:D
و آاااسفين على الازعاااج
العيون الحزينة
05-02-2003, 03:44 PM
حليلك يالصفر البارد00
:D
:D
لقط ويهك00
الجيراويه ما اتفقنا جي00
قويه تراج;)
الفهر
05-02-2003, 08:37 PM
جماعه :(:(:(:(:mad::mad::mad:
هذا اسمه حفل تعارف مب امغازل ريج
لازم الواحد يستحي اشوي وايخيل على دمه 0000
واللي ما يرظاها على عمره لا يرظاها للغير 000
واللي عنده خيوط ايفرها 000 ترا المسنجر والشات موجود
لان هذا المكان محترم ويحمل اسمنا 000
الرمسه مب للجيراويه
لكن لغيرها ويا فهيم افهم
مفنود
05-02-2003, 11:33 PM
بلا مغتزل اوكي ..............:)
الجيراوية
07-02-2003, 01:47 AM
الفهر
ليش معصب بووي
وعلى ماظن شفت ردي 00انا مو شرات هذولا اللوث اللي ماعندهم سالفه زين
اسفه على الازعاج00 والله حاله:mad:
CoOl ZeRoO +الفهر = انتو من نفس الطينه
العنيد
07-02-2003, 02:22 AM
سلاااااااااام
بس يا شباااب شو السالفة
ليش الجو متكهرب؟
خلاااص يا جماعة ما صاار الا الخير
احنا ربع وما يصير هالكلاااام
الساهر
07-02-2003, 01:53 PM
الجيراوية
يــا هــلا بأهــل الجير كلها وحياج الله ويانا في المنتدى ,اتمنى لج التوفيق في دراستك.. وشو أخر شريط بلاي شتيشن لعبتيه؟؟؟:D
المزيونه
يا هلا بأهل الثقافة والعلم ومب غريب أنج جامعية لانج من عاصمة الثقافة، والعمر كله إن شاء الله ... عاد ما قلتيلي متى أخر مرة ركبتي الخيل ...؟؟؟
قوطي يالله قهوي الجماعة تراج انت الحين بروحج بعد انسحاب بنت الفريج محد يدري متر راح ترجع والبركة فيج يا قوطي.
الجيراوية والصفر شوي شوي على بعض تراكم كلكم من ديرة وحدة وربي يحفظكم ويوفقكم.
تحياتي
الساهر
الفهر
07-02-2003, 08:14 PM
الله يسامحج يالجيراويه
انا قلت الرمسه مب للجيراويه
يعني الكلام مب اموجه لج
وانا اسف لو اتشوفي اني غلطان بحقج
CoOl ZeRoO
07-02-2003, 10:17 PM
أعتقد أنه حد كان يقصدني بشيء ....
محد يغازل هي عبارة عن غشمرة بريئه .... و لكن قالوها من زمان
كل يرى الناس بعين طبعه و انا مستغرب ليش مفسرينها على انها مغازلة .....
و للجيراوية ...
انا عطيتج سالفة من باب السوالف لا غير .... و عن شوفت النفس زياده و طول بعمرج البنت لي عندها حساسية من الشباب ما تدش منتديات و تتحاور ويا شباب .... لوعة جبد انا الغلطان أصلا
و فضوها سيره ....|4|
الأمل القريب
08-02-2003, 12:30 PM
اقول شو سالفة الفهر... ما يتحمل المصخرة... عنبوا اذا قالو شي خذاها على اساس انه السالفة فيها ترقيم.... يا ابوية فتح اشفيك ماخذ السالفة كلها ترقيم ما ادري شو!!...... عنبوا حولت كلهم اللي في المنتدى مغازلجية!!
اخوي الصفر البارد... لا تهتم بكلامهم..... طنش تنتعش.....
مخاوي الطيبيين
08-02-2003, 01:56 PM
لا حد يزعل علي احد خوامنتدانا عنوان المحبة الصفاء بين الاخوان والاخوات
عاشقة جميرا
09-02-2003, 09:14 AM
اسمحوا لي ابغي اضحك ..ههههههههههههههههههههههه ! سوري ها بس قريت نكته !!.. غربالله بليست يا الامل والله ضحكتيني :) .. بس تعرفين انا لقيت هذا اللقب من زمان ..بس لا تقولين لي انتي الضحيه الثانيه ! ..
الأمل القريب
10-02-2003, 02:37 PM
انا الضحية الثانية.... اصلا هو طاعوه شو يقول!!
كلن يرى الناس بعين طبعه!!
الفهر
11-02-2003, 04:51 AM
والله ضحكتوني 0000
كلن يرا الناس بعين طبعه 000 يعني انا راعي بنات هههههههههههه
الله يسمع منكم 00 ومب طماع 00 بس ابا اكون راع بنت وحده 000 واكمل نص ديني 00 وانتوا الله يهديكم 0000 هههههههههه
لان الكلام مب بس كان للامل القريب ولي انا بعد والله يهدي
قوطي براقع
12-02-2003, 12:04 PM
ابن الامارات : كنت معانا في المنتدى القديم .. ما هيك ؟ والله يعينك على ما ابتلاك (علوم تطبيقيه)
الفهر: ليش طرطنجي ؟ بنشغلك تييب لنا طلبات الأعضاء |401| وبعدين خف على الضيوف شوي :Dخلاص فهموا ماله داعي تعيد
الامل القريب :عمة ساره ;) وين تمارسين هوايتج ؟ لا تقولين في الجامعه عندكم ملعب .
الساهر: البركه فيك .. نبا نجرب قهوتك |4|
الصفر البارد : نظرك كم على كم ؟ طبعا رحبت بك .. هو انت أي حد |4| سير شوف صفحه رقم 6
الجيراوية: هلا وغلا والله.. أي حد من طرف العيون (سبيشال):D لكن شو هالهوايه ؟ ذكرتيني في ختي.. مرات تنقز على لعبه على شكل مركبة فضاء في المراكز وسط اليهال وتلعب ولا نقدر عليها وما بوسعنا غير نوقف نراقب لها الجو لا حد يطوف ويشوفها.. أظن على طول بيشلونها لمستشفى الأمل
المزيونه: شو تخصصج؟ ووين تمارسين هواية ركوب الخيل؟ نحن حدنا نركبها في الأهرام في مصر |141|
العيون الحزينه: أحلى مراقب يا انت |4|
القدوي العنيد: شفت منتدانا كيف صار ؟بيتضاربون حتى في الحفلات
بس محد قال شو يحب ياكل ؟
الساهر
12-02-2003, 02:37 PM
يا هلا بكل الأعضاء وكل عام وأنتوا بخير وعساكم من عواده
وينعاد عليكم كل سنة وكل حول وإن شاء الله مستانسين في العيد وربي يوفق الجميع.
قوطي براقع
مبروك عليج العيد يا قوطي .. عاد أنا لو كنت أعرف أسوي قهوة كان ساعدتج بس ما أعرف شو رايج انت تنشدين بنت الفريج وتعطيج الطريقة وأنا راح اسويها عقب :D
تحياتي
الساهر
المـهــــــا
12-02-2003, 03:49 PM
شو السالفه ؟؟؟ انتوا بتتعارفون على بعض و الا بتتظاربون ؟؟!!!
محد يتضارب .. خليكم عادي .. و بعدين شو ترقييم ما ترقييم ؟؟ عيييي يالله .. هذي الرمسه في السناتر مب هنييييه :D (( أسولف))
أقوول الساهر .. شو ما تعرف تسوي قهوة ؟؟؟؟ خلاص ما يحتاي سؤال .. انا بعلمك .. حط كوبين ماي .. و 4 ملاعق قهوه .. و 2 ليبتون و فنيان شكر ... شو القهوه بتطلع و لا احلى ... جربها و بتدعيلي :D
تحياتي ..
المـهــــــــا
قوطي براقع
12-02-2003, 05:17 PM
محد بيتضارب بعد اليوم |4|
الساهر .. المها انقذتنا .. بس لا تحط شكر .. القهوه العربيه بليا شكر .. ويكفينا التمر وياها :D
مشكوره المها على الوصفه
الساهر
16-02-2003, 02:37 PM
المـهــــــا
مشكورة على الطريقة.. بس هذه الطريقة ما عجبتني .. عيل قهوة يحطون فيها ليبتون... شو خليتي حق الشاي ... حتى الهندي ما راح يصدق الطريقة... حاولي مرة ثانية. :D
قوطي براقع
تسلمين يا قوطي وما اتشويف وحش على قولة المصريين... بس شو رايج في الطريقة اللي عطتها لي المهــا يا خبيرة الشاي والقهوة.
تحياتي
الساهر
الفهر
18-02-2003, 10:22 AM
جماعه الموضوع ما ينتهي 0000 الاعضاء ما شاء الله عليهم وايدين 000
فياليت ان الاعضاء يدخلون ويعرفون عن اعمارهم 000 ونخليه على اسمه 00 حفل تعارف 000
بس هاي المره بدون مداخلات من الاعضاء 000 ولو في حد بيرحب فيهم 00 ترا المشرفين على القسم ما بيقصرون 000
واتمناها تظبط هاي المره 000 :confused::confused:
|4||4||4| في انتظار الاعضاء الجدد اللي ما عرفوا بانفسهم --
جنون فنان
18-02-2003, 12:12 PM
شوه السالفه
والله موب فاهم شي
باين الكل ميانين اكثر مني
كنت اتوقع انا المجنون الوحيد ظهر الكل ميانين اهنيه
سوري امزح
بس صدق والله موب فاهم شي
بس حلو
:cool:
الفهر
18-02-2003, 02:38 PM
اخوي اسمحلي لكني ذكرت ان المكان مخصص للتعارف 000
ومب امخصص للتعليقات 000 وياليت ان الكل يتقيد بالمكتوب 000 والسموحه
سفير الحب
20-02-2003, 04:20 AM
اسمحولي ييت متأخر
تعرفون زحمة الدرب
بس عسا ما خلصتو الكيك
تراني ياي يوعان
تبون تتعرفون علي
امممممممممممم
الاسم: حمووودي
العمر: يقولون 18 وانا شاك بالسالفة
خخخخخخخخخ........:D
الهواية: ماشي احلى عن البلاي ستيشن
شو بعد
اممممممممممممم
بس خلاص
باااااااي
حمووووووودي
قوطي براقع
20-02-2003, 04:53 PM
حموووكي :D من سبق لبق
الكيك خلص ... ترى عندنا كم واحد متين هني |1|
بنييب لك مخصوص .. طب واختار بالشوكولا ولا الفانيليا ؟؟ لا تطلب بالفراوله خوفا عليك من الهجوم
وهوايتك وايدين من الأعضاء يشاركونك فيها |4|
يا مرحبا بحمودي
الفهر
21-02-2003, 08:51 PM
السلام عليكم 0000
اسمحولي مع انها يت متاخره 000 لكن معليش 000
الاسم : الفهر
الدراسه : بعدني ادرس :D
العمر : 16
السكن : راس الخيمه
الهوايه : ما هب ودب
وشو بعد 0000 سلامة راسكم 000 بس
اختي قوطي براقع 000 بس عشان اشجع الاعضاء على المشاركه
قوطي براقع
21-02-2003, 09:23 PM
الفهر يا هلا
قصدك تشجع الأعضاء ولا فرصه تصغر نفسك |4|
روح مستولي اخو جورجي
سير ييب طلبات الأعضاء .. ولا تنسى الكيك حق حموودي (بالفراوله) علشان محد ياكلها غير الدببه الطيبون
انا وقاريء الكلمه
الفهر
21-02-2003, 10:14 PM
هي 000 قالوها ترا 000 كدي يا غزاله واكلي يا 0000
لكن ما اقول غير الله على الظالم 0000
اييييييييييي 000 انا اخو جورجي ؟؟؟؟
صورتج اللي محطوطه تشبه سبانك 000
قوطي براقع
21-02-2003, 10:27 PM
بس سبانك أبيض يا بو قدله زرقه |4|
ولا تنسى تغطي شعرك عن يطيح لنا في الأكل .. ما نبا الأعضاء يجزون |141|
يلا وين ضيوفنا
عيون الصقر
22-02-2003, 09:13 AM
زين هذا مكان نقول فيه المعلومات ..
انا عيون الصقر ..واسمي مايد .......يعني كابتن ماجد
العمر:عمري 25
موظف
المدينه :من دبي
الحاله الاجتماعية :كنت متزوج ! يعني مطلق وعندي ولد ..بعد تبون اسمي ولدي؟
...بس شو الهدف من هذا التعريف ؟ هل هو مهم . ..؟ ولا شغل خطابات !؟ بخبركم ترى انا ما ابغي حرمه .. جربة الزواج و لا ابغي اجربه مره ثانيه ...
وداعه الله
الحصنـــاوية
22-02-2003, 05:22 PM
الاسم // الحصنـــــــــــــاوية بمعنى منطقتي دبا الحصـــــــن
الدولة // طبعا الامـــــــــــــــــارات الحبيبة
العمـــــر // ؟
الدراسة // جامعيـــــــة
المهنـــــــــة // مدرســـــــــــــــة
الهوايـــــــــــــــة // النت والقراءة والسفـــــــــــــــــر
عيبني منتدااااااااااااااااااااااكم فحبيت اشتـــــــــــــرك
سفير الحب
22-02-2003, 05:35 PM
حياج الله اختي الحصناوية
بس تحملي اختي كلهم مختربين
كلهم يدخنون
من صغيرهم لكبيرهم
حتى انهم خربوني
صرت ادخن
|4| |4| |4|
سواااااااااااااااالف
تحيااااااااتي
حمووووودي
الحصنـــاوية
22-02-2003, 05:43 PM
اللـــــــــــــــــــــه يحييييييييييييييييييك وتسلــــــــــــــــم
اخـــــــــــــــــوي على الترحيـــــــــــــــــــــــب
قوطي براقع
22-02-2003, 05:48 PM
هلا أخوي عيون الصقر
الفكره للأعضاء اللي يحبون يحبون يعطون نبذه عن نفسهم .. في نظري يسهل علينا نعرف كل حد فيهم وشو يحب
وحتلا لو اشتغلنا خطابات ما بندخل أسمك في القائمه |3|
شكلك مقروص :D.. أتمنى الأعضاء ما يتأثرون بتجربتك للزواج.. ولا الدنيا بتخرب |1|
الحصناويه : أبله أبله .. كم عمرج ؟
والله نحن اسعد بانضمامج لنا ..
ومب شرط تدخنين
ما تبون باتشي ؟ |4|
الحصنـــاوية
22-02-2003, 06:18 PM
مشكووووووووووووووورة الغالية وانا لي الشـــــــــــــرف
وعمري ؟؟؟ حطي ثلااااااااااااث اختيااااااااااااااااااارات وانا بختاااااااااااااار
والاااااااااا استعيني بالجمهوووووووووور :D
الله يعطيـــــــــــــــج العافيــــــــــــــــة
الإمبراطور
22-02-2003, 06:36 PM
بلاها خايفه تقول كم عمرها.. :confused::confused:
|4||4|
الفهر
22-02-2003, 06:45 PM
انا بحط الاختيارات 0000
27 --------- 30 ---------- 35 ---------
اختاري اللي تبينه 000
وانا باجر بسويلج شهادة ميلاد
الحصنـــاوية
23-02-2003, 12:05 AM
هيــــــــــــــه اخاااااااااااااف من الحســــــــــــد :D
الحصنـــاوية
23-02-2003, 12:07 AM
حط من عندك بس هااااااااااا ما اوصيك على الحصنااااااااوية
ولا تنسى اطرش شهادة الميلاااااااااااااااااااااااااد :D
عيون الصقر
23-02-2003, 08:45 AM
شكرا يا قوطي براقع فديت برقعج انا ..
عن تجربتي في الزواج والله ما كان فيه اتفاق بالافكار و لا الميول بس والله احس اني في نعيم يوم رديت عزابي
الساهر
23-02-2003, 10:08 PM
حمودي
يـــا هـــلا وغــلا... حياك الله يا حمودي
وفالك طيب إن شاء الله .. الكيك بالفراولة بيوصلك.
الفهر
العمر كله إن شاء الله.. وخل بالك على دراستك وبالتوفيق إن شاء الله.
عيون الصقر
يا هلا وغلا.. يتربى بعزك إن شاء الصغيرون ولا تنسى تعطيه بوسة مني ... وإن شاء الله تتوفق في زواجك القادم.
الحصنــاوية
هلا والله بالمدرسة .. وشذي حيليج معانا وخلينا نستفيد من خبرتج الكبيرة والعمر كله إن شاء الله.
(( قوطي )) ما قصرتي ويا الأعضاء رحبتي فيهم .... بس نسيتي القهوة... :mad:
تحياتي
الساهر
مخاوي الطيبيين
23-02-2003, 10:29 PM
لحياه بدون زواج ماتسوي شي والعزوبه كذلك الله لايعودها
سفير الحب
23-02-2003, 10:56 PM
اسمع هذا
اونه قهوة
خخخخخخخخخخخخ.......:D
مال اول
انا اشرب كاباتشينو
ييبو لي كاباتشينو
تحيااتي
حموووودي
الفهر
23-02-2003, 11:53 PM
حاااااضرين 000 واحد كابتشينوا وصلحوااااا 000
العيون الحزينة
24-02-2003, 02:23 PM
حيا الله اعضائنا اليدد00:)
|41||41||41||41||41|
مخاوي الطيبيين
28-02-2003, 10:36 AM
شرفتو المنتدي
الجني
28-02-2003, 08:46 PM
السلام عليكم .........
شو أسوي لاحول ولا حيله ... يعني لازم احشر نفسي بينكم :)
اوووووووف اااااااااااخخ نسيت بطاقة الهويه:eek:
ولا يهمكم بخبركم عن اللي اعرفه عن نفسي
الاسم : الجني ....... بس عمري ما لبست أحد|3|
العمر : 30
المؤهل الدراسي : الثانويه العامه من رومانيا (يعني الشهاده مدفوعه قيمتها)|4|
الهوايات : القراءة وبذات الكتب الدينية, الشعر , السفر والسياحه.
المهنه : رجل أعمال ولكن إمفلس :D
سمعت الكيكه طولها سبع طوابق وقولون يايبينها من صالة الافراح... وناس
تقول انها مسروقه......؟؟؟؟؟ لا لا هذي إشاعات . بس شو الدليل..؟؟؟
الفهره
28-02-2003, 08:56 PM
السلام عليكم......
تسمحولي اعرف عن نفسي ....... اوكي خلاص زين يوم وافقتوا ....:D
الاسم: الفهره
العمر :18 سنه
الدراسه : بعدني بالثانويه العامه ..... وان شاء الله اخر سنه |1|
الهوايه : ماشي
الفهر
28-02-2003, 09:19 PM
حياك الله اخوي الجني 00000 وصدق انك جني 000 كيف عرفت ان الكيكه مسروقه :D
والعمر كله انشاء الله 000 وما قلت شو تحب تشرب 00
برتقال او فراوله او افوكادو او او كابتشينو 0000 الخ
زحياك الله معانا 000
الفهره 00 حياج الله معانا 00 وان شاء الله تنجحين ويكون البارد والكيك على حسابج 00
بس احين قولي شو تشربين وشو تاكلين 000
الله يسامحج ياقوطي براقع 000 بليتيني بخدمة الاعضاء
الفهر
الجني
28-02-2003, 10:36 PM
السلام عليكم.........
يالفهر لو كان عندك لبن العصفور ما أباه ................|119|
كتاره
28-02-2003, 10:54 PM
السلام عليكم ورحمة الله .....
حبيت اعرف بنفسي....
الاسم: يقولون كتاره.
العمر: 20,5 ..
المؤهل الدراسي: بكالوريوس عسكري.
الوضيفة:ملازم ثاني.
الهوايه:الرمايه.
آسف على الرد المتاخر..
الفهر يبلي عصير ماي الله يخليك.
دانة الامارات
01-03-2003, 06:38 PM
مرحبا
الاسم : دانة الامارات
الدراسه : بكالريوس
المهنه :.....
العمر :25
الهوايه : قراءة الشعر
الدوله :الامارات
يالله وين الكيييييييييييييييك ابا كيكة نسكافيه
الجني
01-03-2003, 07:01 PM
السلام.....
يالله الفهر وينك إلحق طلب يديد ............
إسمحيله إختي من كثر الطلبات مخه ضرب أخماس بسداس..................
الجني
01-03-2003, 07:12 PM
السلام..........
هييي كتاره ... وعسكري بعد ها ........وبو نجمه , ليسمعك مخاوي
الظاهر إنك متعقد من الجيش والدليل .... كتاره
الفهر
01-03-2003, 07:14 PM
حاضرين للطيبين 000 وهاي طلباتكم 000
|567| |551| |540| |512| |513| |453| |354|
شو تبون بعد 000 انا في انتضار باقي الطلبات
الفهر |4|
الساهر
05-03-2003, 02:42 PM
الجني
هلا وغلا فيك أخوي وحياك الله معانا... وإن شاء الله ربي يوفقك في تجارتك وأعمالك.
الفهرة
العمر كله إن شاء الله وربي يوفقج في الدراسة .. بس ما قلتي لنا اي قسم علمي وإلا أدبي؟ وبالتوفيق إن شاء الله
كتارة
مرحبا بالضابط كتارة وعقبال ما اتكون من كبار القادة ...
دانة الامارات
مرحبا بدانة الامارات .. عاد ما خبرتيني بكالريوس في شو عندج ...؟
وبالتوفيق ان شاء الله
مرحبا بجميع الأعضاء الجدد وأتمنى لكم إقامة سعيدة .. واليوم أنا بصب لكم القهوة واتفضلوا.
تحياتي
الساهر
الجني
06-03-2003, 04:32 AM
تسلم........ يالساهر
وقهوه دايمه وعامره بهلها.........
ولا يامر عليك عدوا بس زيد الشوي
مخاوي الطيبيين
06-03-2003, 06:36 AM
ولكم علي المنتدي.
حياج الله ونورتي.
مخاوي الطيبيين
07-03-2003, 07:37 AM
رهيب روح الذيب اسم عجيب مخوف
مخاوي الطيبيين
07-03-2003, 07:38 AM
وطي براقع ان شاء الله دكتورا عن قريب وعيال ومال وزوج صالح
مخاوي الطيبيين
07-03-2003, 07:40 AM
الجني متي الزواج ووين ان شاء الله
مخاوي الطيبيين
07-03-2003, 07:42 AM
مرحبا اختي دانه شرفتي وسمحيلي علي التاخير
الجني
07-03-2003, 05:13 PM
أخوي مخاوي الطيبين ...
وييييييييييييييني و وييييييييييييين الزواج............
الظاهر إني ما بسويها ............:eek:
صدق إني عايش الروحي لكن أعرف أطبخ وكنس....|507|
العيون الحزينة
08-03-2003, 10:11 PM
حيـــــــــــاكم الله ويانا بالمنتدى
منورين المنتدى
انشالله تستانسون ويانا 00
|41||41||41|
الجني
09-03-2003, 05:34 AM
منور بهله
ابن الامارات
10-03-2003, 12:12 AM
حياكم الله فى منتدى الشحوح , عسى بس أتكونون مستانسين وياناااا , الله يعطيكم العافيه
مع تحياتي ...
أخوكم
ALWNEEEEES_2000
|4|
إهدااااااااااااااااااء للجميع
http://music.bindubai.com/arabic/al_jsme/qa9ed.ram
بغيت احيي الجني واسلم عليه واتعرف به...........
الجني
10-03-2003, 06:16 AM
السلام عليكم.....
معرفتك تشرفني .....
وأعتبرني شرا أخوك
الاسم: فزاع
العمر:24
الوظيفه:عمدة كفر الشحوح
الهوايه:الرمايه
الدوله:الامارااااااااااااات
تسلملي يالجني
بس ابغيت اسألك عن الفهر تعرفه
الجني
10-03-2003, 06:42 AM
السلام عليكم......
أخوي فزاع
نعم أعرف الفهر ......؟؟؟ خير إن شاء الله
الجني
10-03-2003, 07:30 AM
الاخ فزاع
كل الاعضاء في المنتدى أعتبرهم إخواني وأخواتي ...... والكل يهمني أمره
ولو كنت تبى معلومه طيبه عن شخص معين أنا تحت أمرك .... ولكن في حدود الأدب والاحترام وعدم التجريح ....
وتقبل مني الاحترام ..... أخوك الجني
عاشقة جميرا
10-03-2003, 09:01 AM
فزاع و الجني ؟! شو مشكلتكم .. تبغون تجلبون الحفله حلبة مصارعه ؟
العيون الحزينة
10-03-2003, 04:09 PM
اخوي فزاع 00
حيااك الله بالمنتدى ويانا 00
انشالله نشوف المواضيع المميزة منك00
حبيت اقوول لك ان كل الاعضاء بالمنتدى اخوان وكل واحد يعتبر الثاني مثل اخوه 00
واشكر الجني على انك وضحت هالشي لضيفنا اليديد00
والسموحة ...
الجني
10-03-2003, 05:35 PM
الاخت عاشقة شحي ... ماحيدني تايسون أو دست الخطى في فزاع :cool:
العيون ... العفوا
عاشقة جميرا
11-03-2003, 08:37 AM
لا الجني انته مب تايسون !! بس هذا ملاكم مب مصارع .. انته شون مايكل ...
اعرف انك بس توضح لفزاع ..وترى عاشقة تسولف وياكم ..:) بس يله قوطي مب موجوده علشان تقهوي الضيف انته قهويه
و تحياتي
عاشقة
الجني
11-03-2003, 06:14 PM
هيه صدقج ملاكم |1|
واحد تنكر قهوه لعيون الفزاع وصلاحواااااااااااا .....:cool:
الفهر
11-03-2003, 07:47 PM
شو فيه الفهر 000 يخربيت الفهر وسنين الفهر 00 ايه الي انتوا عوزيه من الفهر 00 يادي النيله عليك يالفهر 00 يخربيتك يالفهر 00 يجيلك يوم يالفهر 00 واشوفك متشحتف يالفهر 00 ربنا يرزئك ببن الحرام الي يمرمطك يالفهر 00
انا براسل الاداره علشان تبدل اسمي
قوطي براقع
11-03-2003, 09:18 PM
الجني : من رومانيا ؟ يا عيب اشوم :eek: التزوير ما ييب غير الأفلاس ;) حياك ويانا
الفهره : أصغر بعشر سنوات .. اللهم لا حسد :D شدي حيلج بالدراسه .. ما خبرتينا ليش اخترتي هالأسم ؟
الفهر : جي أباك .. مبيض الويه ماشاالله عليك .. ما تتوصى .. والظاهر عيبتك الشغله |4|
كتاره : اسمك غاوي .. يا أخو جورجي العود :rolleyes: العمر كله انشالله سيدي
دانه الأمارات : شو تشتغلين :p وبعدين شو سالفة كيكة النسكافيه
الساهر : القهوه جاهزه للي يبا من بيت بنت الفريج
مخاوي الطيبين : نباك تعطي شباب المنتدى كورس بقيمة الحياة الزوجيه
فزاع : بلاهم الجماعة عليك ;) يا مرحبا بك وباللي تسأل عنهم .. والفهر سار ييب طلبات وياي بالدرب
الفهر : دمت ذخرا للمنتدى ياخي .. ما قصرت .. كل اللي يبته غلط
الفهر
11-03-2003, 09:44 PM
|566| |567| |551| |540| |513| |354| |241|
وهاي طلباتكم 000
الفهر
12-03-2003, 04:44 AM
وهذا الباقي 000
الفهر
12-03-2003, 04:46 AM
والي متعيبه القبلاني 00 ياكل هذا 00 انا بروحي مسونهم 00
هذا الربيان للشباب بس 000
مخاوي الطيبيين
12-03-2003, 08:49 AM
تكفي اخوين الفهر وين هاذا الصحن من الربيان وكيف سويته.
العيون الحزينة
12-03-2003, 02:01 PM
الله واكبر عليك يالفهر 00
انت النودلز ما تعرف له 00 :D
حدك خبز وجبن :p
قوطي براقع
12-03-2003, 04:16 PM
|375|
الفهر شكرا على السيرج .. أقصد التوصيل :rolleyes:
عاشقة جميرا
14-03-2003, 11:24 PM
الفهر ..لقيت لك وظيفه في برج العرب ..بتستوي الشيف الفهر المخضرم ..ها شو قلت ..
الجني
15-03-2003, 04:17 AM
برج العرب مرة وحدة هذا حده القهوه الشعبيه .....:cool:
UAE_LORD
15-03-2003, 07:08 AM
UAE LORD.......
working as System Engineer
I like All The Sports..and i do my licenes if Flaying
i wana my cake now i cant wait
الفهر
15-03-2003, 07:44 AM
مرحبا الساع 000 مرحبا اخوي اللورد 00
وعلى شو ليسن طياره شو بتسوي فيه 000 ليكون تبا تدعم برج انت بعد ؟؟ههههه
والكيك دقايق ويكون جاهز 000 وشو تبا تشرب معاه 00
اووووه 000 ما قلت كم عمرك ؟؟00
الفهر
الجرح
19-03-2003, 10:39 PM
الاسم: علي
العمر:21
المهنة ضابط
كتاره
19-03-2003, 11:14 PM
مرحبابك اخوي علي ...
تشرفنا....
اخوك كتاره
مخاوي الطيبيين
20-03-2003, 02:01 PM
حياك الله في المنتدي يضابط
شحــــRaKـــــي
20-03-2003, 03:05 PM
سلاااااااااااااااااااااااام
الاسم : حمدان الشحي
العمر : 15
المهنة : عالم ذرة اووووو قصدي طالب :p:D
الدولة : الامارات (راس الخيمة )
سلامييييييييييييييييي على الجميع
باااااااااااااااااياااااااااااااات
:p:D;):)|1|
قوطي براقع
20-03-2003, 11:51 PM
اللورد مهندس نظم يبغي كيك يا الفهر .. |4|
هندسة نظم طيران ؟ والله قو .. يا هلا فيك ويانا
الجرح : هلا بك يا علي .. وبكل الضباط اللي في المنتدى .. ماقلت شو تبا تاكل ؟ :p
شحي راس الخيمه = حمدان الشحي = عالم ذره : روح ذاكر باباتي :D
شو تبا تاكل ؟ ولا تنسى تقصر التوقيع شبرين الله يخليك ;)
مرحبا بالجميع .. وتصبروا بالقهوه من صوب بنت فريجنا ;)
مخاوي الطيبيين
21-03-2003, 04:01 PM
ماء شالله قوطي براقع وين انتي من زمان
قوطي براقع
22-03-2003, 09:43 PM
موجوده في الأجواء طال عمرك ... شكرا على السؤال
تحياتي لأم ساره ولولي
عاشقة جميرا
25-03-2003, 12:35 PM
؟
الفهر
27-03-2003, 02:23 PM
وانا ؟؟
سفير الحب
28-03-2003, 01:33 AM
انت شو
صج رزة ويه
Oocean
05-04-2003, 02:51 PM
أول شىء برحب بعودتي
الاسم : أم لسانين
العمر : 20
الوظيفه : طالبه في الجامعة
:D:D:D وبس
قوطي براقع
06-04-2003, 07:51 PM
هلا أم لسانين .. العمر كله يا شيخه
شو تبين نم نم ؟
الفهر ما يقصر .. بس حدج كافتيريا محارة البحر أو فروج الوادي...
لا هذاك استوديو :confused: أقصد الطازج
العيون الحزينة
06-04-2003, 10:34 PM
http://members.lycos.co.uk/ghumdah2/upload/ghumdah/kiujhftyf.gif
حياااج ام لسانين:D
Oocean
07-04-2003, 03:02 PM
يعني أطلب أكل
أبا قوزي لو سمحتو
ومجبوس دياي
و تكه وكباب ومتبل
و بيتنا حذال بيت اليران في
دار الحي :)
و أرجو أتي الطلبيه بسرعه
و حياكم الله:D
الجني
11-04-2003, 03:28 AM
حشى حشى كل هذا :)
شو السالفه راح تخزني لسنه اليايه ........:cool:
قوطي براقع
11-04-2003, 09:51 AM
خلها .. ليش البعير أحسن عنها ؟؟ :D
انا بعد أبا ..
أسيرة الشوق
28-04-2003, 04:25 PM
السلام عليكم ورحمة الله وبركاته.......
احب اعرفكم على نفسي بما اني عضوة يديده على المنتدى|3|
اسمي اسيرة الشوق
عمري 19 سنه
ادرس في جامعة الامارات
هوايتي التزلج والتعارف بالنت |117|
دولتي اماراتي الحبيبه
انا ما بتشرط عليك يا ادوبي الي بيي منك زين ومشكور واااايد على هالحفله الحلوه |316|
الجني
29-04-2003, 12:13 AM
العمر كله ان شاء الله
وتريي من الإخت قوطي الفاله
ويييييييييييييييييينج يا قوطي براقع النت ياسه الروحهاااااااااااااا
هااا تبين الفاله من صوبي :)
أسيرة الشوق
29-04-2003, 03:20 PM
تسلم يا الجني....|16|
أسيرة الشوق
العيون الحزينة
29-04-2003, 03:26 PM
هلا وغلا والله باسيرة الشووق :)
حياااج اختي :)
أسيرة الشوق
29-04-2003, 04:38 PM
هلاااااااا فيج
اختي العيون الحزينه:rolleyes:
قوطي براقع
29-04-2003, 06:10 PM
http://www.uaeuae.com/upload/pic0/bntuae2.jpg
وهاي القهوه
متشرفين بمعرفتج يا اسيرة الشوق |4|
الفواله الفهر ييبها مب انا :D
بحر الأمل
11-05-2003, 10:23 AM
ماشالله
الجماعه يالسين يتعرفون و انااخر من يعلم..لاحووول
انزين بغيت اسال قارئ الكلمه و زيرووو
ماشالله عليكم خليتهم هوايه و ما كتبتوها:p اتحبون كل الهوايات..
و الساهر....ماشالله متحمس...حاط ايميله و حالته لله..جاهز للتعارف...
اما عن بحر الامل..
الاسم : القمر الوحيد (قمر)
العمر : 19
الدراسة :والله بعدني ادرس..جامعيه انا
الهوايات : كتابة الشعر
الوظيفة : طالبه
الدولة : الامارات(دبي)
.............
تحياتي لكم
بحــــــــ الامل ــــــــــــر
الجني
11-05-2003, 01:01 PM
حياج الله يا بحر الأمل
وشي واضح وباين إنج تحبي الشعر
تريي قوطي براقع عشان إضيفج
بحر الأمل
11-05-2003, 09:35 PM
الله يحيييك.
هلاالجني
وين اضيفني......;) ؟؟؟
بن حســني
11-05-2003, 11:47 PM
هود هود هود
البخي ياي سووو درب
الاسم : محمد الشحي
اشتغل من عشر سنوات
وعمري 26 سنه
وعندي ماجستير في اللغه الشحيه
وقدم على الدكتوراه بس في شئ واحد معطلني ماعرف اكتب ( جي رووحو ) ولا (كي روحو)
هل هي ب ج ولا ك
وهوايتي الحداق ( قبيب وكنعد ومعمط وكل شئ )
ومن روس الخيمه ( بخا حياتي)
وسلامتكم
الجني
12-05-2003, 12:55 AM
حياك خوي محمد
إختار الكاف ;)
تريا شوي شوي وبتوصلك الدله .....
بحر الأمل
ضيافتج بقصر من قصور إختنى قوطي ..... :)
بن ماكس
12-05-2003, 11:42 PM
الإسم : سالم عبدالله راشد
الوظيفه : اوبريشن في شركة ادجاز حاليا ادرس في فرنسا
العمر: 26 سنه (انشالله العمر كله)
عندي شهادة معهد ادنوك الفني فقط
تحياتي لكم بن ماكس
صقر الشحوح
15-05-2003, 02:15 PM
السلام عليكم
هلا والله اخوي بن ماكس
http://www.by-silke.de/silkes-traumwelt/welcome_gifs/wel_0001.gif
والسموحة
الجني
17-05-2003, 02:50 AM
أحلا فرنسا ;)
مزيونة الامارات
21-05-2003, 12:11 AM
سوري لاني يييت متأخرة .. :D
الاسم : يقولون مزيونة
العمر : 17 سنة ..
الوظيفة : طالبـة ..
الهوايات : النت والغناء ..
الدولة : طبعاا الامــ دار أبوي زايـد ـــارات .. الشارجـة .. :D
وسلاامتكم .. :cool:
صقر الشحوح
21-05-2003, 09:44 AM
السلام عليكم ....
هلا والله اختي الاصغيرة مزيونه الامارات ههههه
http://www.by-silke.de/silkes-traumwelt/welcome_gifs/wel_0001.gif
بين اخوانج واعيال عمج
والسموحة .........
N7oOoL_999
21-05-2003, 09:49 AM
انا بشارك سوري على التأخير
الاسم : عبدالله اسماعيل زياد
العمر : 19
العمل : ادرس في جامعه عجمان في عجمان نفسها
المكان : بوظبي = بني ياس
شكلي فضحت عمري ههههههههههه
المهم يلا مشكورين
مزيونة الامارات
21-05-2003, 10:56 AM
حرام علييكم اناا ياهله .. :mad:
حيااكم الله .. :p
صقر الشحوح
24-05-2003, 11:40 AM
السلام عليكم ....
هلا والله اخوووي عبدالله
http://www.by-silke.de/silkes-traumwelt/welcome_gifs/wel_0001.gif
والسموحة .....
راعي شما
26-05-2003, 03:38 PM
الاسم: راشد .......... بن محمد بن صقر بن راعي شما الشحـــــــي
العمر : 28
المؤهل: ثانويه
المهنة : عسكري وأعمال حره
الهواية : الفروسيه الرمايه
المكان : رؤوس الجبال دبا الشحوح
وسموحـــــــه
وتفضلــــو القهوه يالربـــــع
http://www.alhouta.com/dallani2.gif
قوطي براقع
27-05-2003, 04:23 AM
لكن , انت تجنن وطيب .. يايب قهوتك معاك :D
تفضل .. والسموحه بسرق قهوتك لأنها عيبتني بعد
N7oOoL_999
28-05-2003, 10:43 AM
يا هلا اخووي راشد
ياحيك صقر الشحوح
الصيـاد
02-06-2003, 12:30 PM
http://members.lycos.co.uk/ghumdah2/upload/ghumdah/alsl1.gif
اهاا
انا شو ها اللعبه يعيني
اوكي بشترك وياكم
زين بس صبروني شويه
http://members.lycos.co.uk/ghumdah2/upload/ghumdah/alsl2.gif
الصيـاد
02-06-2003, 12:33 PM
http://members.lycos.co.uk/ghumdah2/upload/ghumdah/alsl1.gif
الاسم : الصياد بن الربان بن النوخذه الشحي
العمر : 19
الوظيفه: جامعي FIRST YEAR
الهوايه : الصياد والقنص
المكان : رؤوس الجبال
http://members.lycos.co.uk/ghumdah2/upload/ghumdah/alsl2.gif
صقر الشحوح
02-06-2003, 07:13 PM
السلام عليكم ....
عاشت الاسامي اخوووي الصياد
وحياك الله في منتداك
http://www.by-silke.de/silkes-traumwelt/welcome_gifs/wel_0001.gif
والسموحة ....
بن ماكس
04-06-2003, 05:47 PM
عشت ياخوي يالصياد
بقااياا جروووح
05-06-2003, 11:11 AM
مرحبااااااااا
عشت يا اخوووي الصياد بس اسمك الصجي صياد ؟؟؟؟ :confused:
غريبه يمكن جيه
اوكي عاشت الاسامي اخوووي
تحياتي
سنفور غبي
الكاتب الوافي
08-06-2003, 11:03 PM
اما بخصوصي انا..
فاسمي الحقيقي.. ما اعتقد يفيدكم في شي..
العمر.. 20 سنة او يزيدون.
المعدل الدراسي..: ثنوية عامة..
المهنة: حاليا اشغل منصب سري في وزراة الداخلية..
هواياتي.. اكتب الشعر..: وكنت اكتب في عدة مجلات اسبوعية ولا زلت والحمد لله.. وفي هذي الفترة اكتب في مجلة فواصل كناقد..
. كما والعب رياضة الجمباز..
اقيم في مدينة ليوا..:: المنطقة الغربيــة..
واي شي نحنا حاضرين..
اخوكم
ابو عبد الله
صقر الشحوح
10-06-2003, 04:25 AM
السلام عليكم ...
حياك الله اخوووي تاج العيون
والسموحة ...
ريانه العود
20-06-2003, 12:44 AM
مشكوراخوي على هالحفله بس لا تقص علينا وآخر شي تاكل الكيك
الاسم: ريانة العود :cool:
العمر: 19 سنة
المهنه: طالبة هندسة شبكات
الهوايات: الرسم والعزف الموسيقي و الدردشه معاكم
الدوله: الامارات
:cool:
:mad: أخوي وين الكيك لو سمحت بغينا اربعه
ردبول:rolleyes:
ريانه العود
20-06-2003, 12:48 AM
السلام عليكم ورحمة الله وبركاته
بن ماكس
20-06-2003, 03:08 AM
مرحبا بج اختي ريانة العود ويا حيج والله وانشالله عقبال المليون
صقر الشحوح
23-06-2003, 11:11 AM
السلام عليم.............
هلا والله اختي ريانه العود
في منتداااج
http://www.by-silke.de/silkes-traumwelt/welcome_gifs/wel_0001.gif
الجماعه ما بقصرووون وياااج ان شاء الله
والسموحة ....
الشحـــية
02-07-2003, 08:13 PM
السلام عليكم ورحمه الله وبركاته ...
الاسم : يزقروني بنت الصحراء .
العمر : اليوم عمري 19 سنه و5 شهور و28يوم . بالضبط
المهنه : طالبه سنه ثانيه بجامعه البحرين .. قسم الهندسه .
الهوايه .. اربي حيوانات اليفه ... شرات القطاوة والكلاب يعني .. اللي ييبي يقول لا تستحون . والسباحه .. وادش منتديات .. احب الفرفشه والحواطه بالسياره .. لا تفهمون غلط.. زين ؟؟
الدوله : قلتلكم من البحرين ...
بن ماكس
03-07-2003, 02:28 PM
هلا بج ملاااين اختي الشحيه وحياج الله وانشالله تفيدينه بمواضيعج الحلوه
بن ماكس
الاسم : سلطان سالم الشـــــحي ..
العمر : 20 .. وبعد شهر 21..
الوضيفه .. ملازم /2 في الدفاع الجوي ..
الهوايه .. كتابة الخواطر والقصائد .. المطالعه ..
مكان الاقامه .. رأس الخيمه (( جلفار ))
ودمتم بألف خير ..
ŦĦẽ ŠŢoяm
14-07-2003, 07:04 PM
عازمينا على حفلة بلاش
وين الكيــــــــــــــــــــــــك
يلااااااااااااااااااااااااااااااااا
:mad:
بسرعة ما أقدر أنتظر
:(
بن ماكس
15-07-2003, 01:43 AM
هلا والله الغالي البحار وانته بعد بو مايد كم بو مايد عندنا
منية الحور الغاليه اي كيك واي خرابيط لووووووول
ما عرفتينه بعمرج الغاليه:p
القبيسي7117
28-07-2003, 04:50 PM
;););)
خـــــــالد القبيـــــــــسي7117
عمري : 21
مـــــــــــــــــــــــــــــــــــوظـــــــف طبعــــا
هـــــوايتي : القنـــــــص / ركـــوب الخيل / الصــــيد / كـــره القـــدم
وحــــــــــداوي يجــــــــــرح ولا يـــداوي|2|
الامـــــــــــــــــــــــــــــــــــــــــــــا رات
بــوظبـــــــــــــــــــي
صقر الجبل
29-07-2003, 03:04 AM
الاسم قاتل شارون الشحي
العمر :18
الهوايه: الاكشن \ جمع السلاح \ تسلق اليبال
البلد :رؤوس اليبال المنطقه .............. مو لازم
والسموحه
:mad:اخوكم القاتل:mad:
بن ماكس
06-08-2003, 02:26 AM
يا مرحبا بك
مصاص دماء
12-08-2003, 09:17 PM
مرحبا
سشو السااالفه ;)
أوكيه أوكيه لا تعصبون
تراكم عسل
واااااااااااااااو مصااااااء دمااااااااااااء
الصيـاد
13-08-2003, 11:53 AM
http://members.lycos.co.uk/ghumdah2/upload/ghumdah1/xa.gif
http://members.lycos.co.uk/ghumdah2/upload/ghumdah1/xa1.gif
السلام عليكم ورحمة الله وبركاته
:: ::
:: ::
هلا فيك
منور ممعانا مصاص الدماء
:: ::
:: ::
فمان الله
http://members.lycos.co.uk/ghumdah2/upload/ghumdah1/xa2.gif
http://members.lycos.co.uk/ghumdah2/upload/ghumdah1/xa.gif
بن ماكس
16-08-2003, 03:11 AM
هلا ومرحبا بك اخويه مصاص دماء
وما عرفتنا بعمرك الغالي
vBulletin® v3.8.7, Copyright ©2000-2012, TranZ by Almuhajir