»؛°العنووووسه..((ابى رايكم))°؛«

[بنـ§ـت الشـ§ـحي]

السلام عليكم ورحمة الله وبركاتة

ظاهرة العنوسة ظاهره باتت تؤرق المجتمع الخليجي وربما افردنا لها صفحات كثيرة وفي كثير من المنتديات

تحاورنا وتناقشنا وكثر فيها الكلام.........ولكن

انا اليوم اريد ان اتناقش عن العنوسة ولكن ليس العنوسه للأنتى بل عنوسة الذكور

من الملاحظ ان فعلا هناك فرق في مواليد الذكور عن الاناث ...ولكن هناك ايضا تعدد
اذا من المفترض ان الامر الى يصل الى هذا الكم العائل من العانسات حتى تصبح قضية تؤرق المجتمع

وهذا يعني مقابل كل عانس هناك ايضا شاب (عانس)

قد تختلف عنوسة الرجل عن عنوسة الفتاة بان اختار هو لنفسة المصير (العنوسة)

ما هي اسباب تاخر الشباب وعزوفهم عن الزواج

وما هي اسباب ازدياد نسبه العنوسه في الدوله؟؟؟


يالله اتريا ارائكم؟؟؟؟؟؟؟؟


تحياتي
بنـ§ـت الشـ§ـحي

[الصيـاد]

http://members.lycos.co.uk/ghumdah2/upload/ghumdah/alsl1.gif

موضوع جميل اختي ويستحق النقاش

اعتقد ان اول سبب لعنوسة الذكر وهو عدم توفر المال لديه

ولذلك لسفهه واتباعخ الطرق الخاطئه للانفاق مال كالتحدث بالموبايل طوال اليوم

ومشتريات الغاليه الثمن والسيارات كذلك بترول سياره 8 سلندر بترول صرفية
سياره اخر موديل الموتر منزل المخفي 200% رنجات كرووم

كل هذا يحتاي الى الكثير من المال مما يؤدي بصاحبه الى زوال راتبه

ولو انه وفر ستكون سمعته عند اهل العروسه اذا تقدم وخطب غير مقبوله

لانهم اكيد سمعوا بما كان يفعله سابقا فأكيد انه لن يغير طبعه سيظل يهدر المال على الفاضي

والبعض الاخر متبع شهوات الدنيا واهمل الزواج ونسي ان من شروط الزواج ((البكره)) والدليل حديث رسول الله لا يحضرني الحديث الان

هذذا رأي انا بالنسبه للعنوسه



http://members.lycos.co.uk/ghumdah2/upload/ghumdah/alsl2.gif

[الساهر]

موضوع جميل يا (( بنـ§ـت الشـ§ـحي ))

في الحقيقة عنوسة الشباب لها عدة أسباب ومنها ما ذكره أخي (( الصياد ))
وهناك بعض الشباب الذي ليس لديه القدرة على تحمل المسؤولية ودائم القول بأنه لا يزال صغيراً وبأن الزواج لاحق عليه.

وهناك فئة أخرى وهذه الفئة المغلوب على أمرها .. حيث أن إما يعاني ما ضائقة مادية أو يشكي من ألم ما .. كمرض الديسك .. أو أي مرض أخر.. فهذه الفئة تريد الزواج ولكن الظروف تمنعهم من تحقيق ذلك فيتقدم بهم السن.

تحياتي
الساهر

[الجني]

شكراً إختي بنت الشحي على الموضوع

طبعاً أنا من ضمن الشباب الي عازفين عن الزواج ودخلت الثلاثين من العمر و ما فكرت أخطبت بنت ليومج هذا ..... والحمدلله ما ينقصني شي .... وشخصيتي قوية وإني سابقاً وحالياً أتحمل مسؤوليات كبيره لا يتحملها إلا القليل ......

المهم
مع كل هذا وذاك أبحث عن امرأة امراتيه تحمل صفات مميزة ..... ولغاية الآن لم أجدها ...... علماً البحث مستمر :)

يمكن تكون حالتي فريده من بين المجتمع

ولكن دعيني أتكلم عن الحاله العامه لأسباب هذه المشكله
وتتلخص في :
الحاله الماديه للفرد
الغلو الفاحش لمضاهر العرس
الشذوذ الجنسي
المرض
التمييز الإجتماعي والأسري
التربيه والتعليم
الإرشاد الأسري
التفكك العائلي
كثرة مظاهر الفتن بين النساء الإماراتيات
الإبتعاد عن الدين
الخوف

كل هذا يحول دون الزواج


شكراً لك على الموضوع المميز

ولج مني أغلا التحايااااااا

[مشكلجي العين K]

بسم الله الرحمن الرحيم
السلام عليكم ورحمة الله وبركاته

هلا والله وغلا اختي بنـ§ـت الشـ§ـحي
شوفى الغلاء فى المهور خلت العنوسه تظهر .. يعنى الاب يسوم راس ابينته بكم ربيه
ويعرضها للزواج ..
والعنوسه خلت امور كثير سلبيه تظهر ولازم نعاتب المجتمع والاهل لانهم السبب فى العنوسه..

[بنـ§ـت الشـ§ـحي]

هلا والله اخوي الصياد
اول شي حبيت اقول ان الشباب يروووومون يصرفون بيزاتهم باي وقت وعندهم بيزات بس حق اشيا تافهه وما اردي شو ... يعني بيزاتهم يصرفون على سوالف بطاليه
بس يوم يبون يعرسووووووووون...اونهم ما عندهم بيزات...واهل العروس طلباتهم وايده وما يرومون عليها..

وانا وياك بكل كلمه قلتها...لان شباب هالايام الاغلبيه مب كلهم يهتمون في المظاهر والاشياء التافه اللى مالها معنى؟؟

والله يستر منهم

مشكور الغالي

[بنـ§ـت الشـ§ـحي]

هلا والله وغلا اخوي الساهر
شرات ما قلت في بعض الشباب ما يرومون يتحملون مسؤوليات...مدامهم معتمدين على اهلهم او على اي شخص ثاني..فكيف بتحملون مسؤوليه حرمه وبيت...وبعدين مسؤوليه اعيالهم...الاهل وايد مدلعين اعيالهم...صدق والله..لو مرونه العين الحمره من قبل اقصد من يوم هو ياهل..كان اصطلب وغدا ريال...ويروم يعرس هو صغير....


بس العنوسه مرات تكون بسبه اهل البنيه

المهر يكون غالي
الحسب والنسب
او ان البنيه ما تاخذ واحد يكون من برع الاهل...لازم من اهلها

ومشكوور اخوي الساهر

[بنـ§ـت الشـ§ـحي]

العفووو اخوي الجني

افا والله ..ليش عاد

تباني ادور لك بنيه حليوووووه:p

الله يوفقك انشالله وتحصل بنت الحلا اللى تستاهل

عاد لا تنسانا بالعزيمه:p

وانا وياك بكل نقطه قلتها

الحاله الماديه للفرد
(( الله يعينه ))

الغلو الفاحش لمضاهر العرس
((مظاهر...وما يسون عرس اللى لازم تكون فرقه موجوده...وبارقى الصالات...الخ

الشذوذ الجنسي
الله يستر

المرض
الله يعينه

التمييز الإجتماعي والأسري
باغلب الاسر

التربيه والتعليم
اهم شي الاخلاق

الإرشاد الأسري
لازم على كل اسره ترشدهم على كل شي من يوم وهم يهال

التفكك العائلي
منتشره هالايام

كثرة مظاهر الفتن بين النساء الإماراتيات
الله يستر

الإبتعاد عن الدين
وناسين تعاليمنا الاسلاميه

الخوف
من عدم تحمل المسؤووووليه واشياء ثانيه

مشكور اخوي الجني على هالمداخله الحلوووه

فداعه الرحمن

[بنـ§ـت الشـ§ـحي]

هلا والله وغلا اخوي مشكلجي العين K

انته تقول انه غلاء المهور...والاسره هم السبب

شرايك انا لي رايييي

كل ريال ياخذ له 4 حريم

بتقل نسبه العنوسه:p

احسن راي

فديتني


مشكورين عالتواصل

[سواح]

مشكوره أختي بنت الشحي علي المهم والمميز ...

كما تفضلو الاخوان بالاسباب بس لو واحد تدارك الامور بينجح ..

وأول شي هو غلا المهور لو تسالف بيتم بيصرف علي البنك وبيترك بيته

وثاني شي ما شي توعيه من الاهل الابنائهم وهذا الشي مهم ...

وثالث شي تداخل مجتمعنا مع مجتمعات الغرب ...



تحياتي


سواح

[بنـ§ـت الشـ§ـحي]

لعفو اخوي العزيز سواح

تسلم الشيخ

بنبدي بغلا المهور وبننتهي بعد بغلا المهور

الله يستر

وشو خانت صندوق الزواج

اظن كل واحد يروم يعرس:)


بس والله ما ادري

[غاية]

السلام عليكم ورحمة الله وبركاته

هلا اختي بنت الشحي .. واشكرج على عرض الموضوع .,,لانه وايد مهم بالنسبة لدولتنا ...

الصراحة انا في رأيي ان الريال له دور في انه يعنس ... يعني يحب عيشة العزوبية ... بعد ممكن يكون من اهل البنت يعني هم يطلبون مهر ما يقدر عليه الريال ... بس بعد مثل ما قلتووو ان في بعض من الرياييل اذا بغوو يسوون شيء من ناحية الفلوس يقدرون حق الاشياء التافهة بس .. بس الاشياء المهمة اكيد يقولك ما عندي فلوس ...


غاية

[بومبه]

مصطلح العنوسة بحد ذااااااااااته غلط 100 %


و هذا ال ييقول فلانة عانسة و فلان عانس ( ما عنده سالفة )

هذي القسمة و النصيب هي الي تلعب دور

لا اكثر و لا اقل

[ولد العين]

السلام عليكم

مشكووورة اختي بنت الشحي على الموضوع

صح هذي الضاهرة استوت منتشرة بشكل كبير وحتى الي يعرسون من الشباب يعرسون في سن كبير يعني قرايب الثلاثين او اكثر وانا اعتقد انه من اهم الاسباب المغالاة في المهور وفي تكاليف الاعراس بشكل عام يعني الحين لو الريال خطب بنت ناس مب لازم يغلون عليه في المهر ويطلبون عرس ما صار ولا استوى ويطلبون كل شي اكييد الريال ما بيقدر يدفع كل هذا في ناس يقدرون اهلهم ما يقصرون بس الاغلبية ما يقدرون يدبرون كل هذا ومن المغالاة في المهور الحين وايد من الشباب يتزوجون من غير الموطنات

الحين لو الاهل خففوا في المهر وتكاليف العرس مب احسللهم من ان بنتهم تعنس >.<

وبعد من اسباب العنوسة للبنات او الاولاد ان الاهل ما يوافقوا مثل يكون الريال في بنت في باله يبا يخطبها بس اهله ما يوافقون ليش ؟؟ بس يقولون لازم تاخذ بنت فلان وعلان لانه اهلها ماسكين منصب ولا لان عندهم فلووس

او يسير الولد يخطب البنت بس اهلها ما يوافقون لان الولد او اهله مب معروفين معا ان الريال زين وما ناقصنه شي لازم يردونه لان اهله مب معروفين فبيتمون يردون الناس لين ما تعنس البنت

مشكوورة اختي على الموضوع والسمووحه على الاطاله