المساعد الشخصي الرقمي

مشاهدة النسخة كاملة : عاجل:طلب من الثانوية العامة

مارية الشحي
05-12-2006, 02:49 PM
السلام عليكم ورحمةالله وبركاته


كيف الحال عساكم بخير وبصحة وعافية

كيف الثانوية العامة ...عساهم على القوة يارب والتوفيق...


بالبداية اسمحوني ما ادش البرزة خير شر هالفترة ... وش نسوي الضغوطات الدراسية واصلة حدها...


اللي بغيته من الثانوية العامة..... هو يصوروا لي امتحان الشهادة العامة النهائي ..للغة الأنجليزية...يفضل العام الماضي..(اذا ماشي,,نرضى بأي عام قبله)....+ الأوراق الأولى من الكتاب الدراسي واهداف المادة.....
او اذا حصلو جاهز بالنت فحطوه مشكورين....

جدا مهم ومستعجل...البحث تسليمه الأسبوع الجاي....

للأسف افتريت بالنت ادور وما حصلت وافتر راسي....الظاهر ماشي اهتمام مكثف لهالمواضيع ....السموحة عاد..

وجزاكم الله خير...
حب مكنون
05-12-2006, 03:10 PM
يحليلكم كارفينكم كراف السنة ويا هالبحوث


فديته اخوي ما ادري تعبي وياه بيظهر عقب والالا هههههههههه


نرجع لموضوع حديثنا....................انزين انا مب ثانوية بس لو تبين بتخبرج اخوي هههههههههههههه يمكن عنده


برد لج الخبر عما قريب باذن الرحمن
مارية الشحي
05-12-2006, 03:39 PM
هاهاها ....ولا انا ثانوية عاااامة ...بس هموهم بتلحقني الظاهر طول العمر...

حب مكنون اكون شاااكرة لج, ولأخوج .....قولي له بس بيدعوا لك اتوقع مابيردني....


بس غريبة صعب نحصل أمتحانات النهائي...
بنت الدكتور
05-12-2006, 04:50 PM
ما فهمت شو المطلوب بالضبط؟؟؟

قصدج اوراق الامتحانات للسنه اللي طافت او شي ثاني؟؟؟؟

وان شاء الله بدور لج...
مارية الشحي
06-12-2006, 03:19 PM
هلا بنت الدكتور الغالية


هذا هو المطلوب أمتحان أنجليزي العام الماضي3ث+مقدمة كتابهم E (عشان أشل الأهداف من عنها)اذا يصير بالسكنر


تشكرات الغالية
الزعيمة
06-12-2006, 10:19 PM
مارية ما تدخل الا اذا بغت شي الدنيا مصالح

انا من ناحيتي ما بفيدج بهذا المجال واترك المجال للبقية

موفقة ان شاء الله ............
مارية الشحي
07-12-2006, 08:06 PM
الدبة اللي فوق ,,, ما اقدر ادج ,, وانتي الأدرى بظروف الدراسة حتى انتي ما دشي صايرة... ...وراي تسليم صبري 3 او 4 بحوث ,,, الأسبوع الجاي وامتحان+في معنا أشغال مهمة .....


وانتي بعد اكثر من يقدر يساعدني,, هذا اذا بس بغيتي ,,,خبري أخوج..


صراحة زعلتيني....

واذا حابة خلاص مابدش هنيييييييييه...عشان بس ماالقى ......
KиMάήά
07-12-2006, 09:29 PM
اختي يا ريت اكدر اساعدج , لاني اصلا عايشة الضروف الي تعيشينها , الصراحة الثانوية تعب و مذلة , كله بحوث , تقارير و واجبات صج ذلونا , لو كدرت احصل المطلوب على عيوني بساعدج
مارية الشحي
09-12-2006, 04:20 PM
مشكوووورة لؤلؤة الأمارات مرورج بس فيه مساااااعدة وأكبر تعزية لي....



شكلي اذا ما حصلت بكنسل من صف 12 وبسويه على صف11
الزعيمة
09-12-2006, 06:29 PM
ان شاء الله وكم ماريه عندنا بس انتي شو بغيتي بس اوراق الامتحانات

بحاول اطرشهم لج والباقي عليج ..............


افاااااااااااااااااااا دجي منو انا عشان امنعج اصلا البرزة اتنور بوجودج ...............
مارية الشحي
13-12-2006, 03:31 PM
خخخخخخخخخ ....بعدني زعلانة سوي لي اللي أباه وبرضى عنج.....

اذا كان عندج سكنر صوري لي امتحان الثانوية العامة للعام الماضي أو اللي قبله أرضى ابوي انا قنوعة ربي خلقني....


لا تطرشيهم ...متى انشاء الله بيوصل اتوقع بنهاية الكورس؟؟ اذا طرشتيهم....




فديييييييتج اذا ما قدرتي لا تسويه بعديها بأمتحان النموذج....


صح خلاص مايحتاي مقدمة الكتاب ما منها فايدة صار............


ثااااااااااانكس...الوت....


شكلنا هالفصل بنعيييييييد بالسكن من كثر الكرف...الله المستعان ...الله فوق...