المساعد الشخصي الرقمي

مشاهدة النسخة كاملة : حبيت أسلــــــــــــــــــم

بنت الفريج
03-10-2003, 11:33 PM
السلام عليكم

اشحالكم ادارة و أعضاء برزة الشحوح

اتولهت عليكم و حبيت أسلم عليكم و أقولكم تراني ما نسيتكم

و ان تغيبت عنكم ترا دراستي و مشاغلي هي الي تمنعني من اني اشاركم بيزنس وومن ..أدعولي بالتوفيق و عقبال ما أصير ebusinesswoman

أدري ان الفتره الي اتغيبت فيها طويله و يمكن نسيتوني ...


سلام واعتذار للأعضاء الجدام الي قضيت معاهم أحلى الأوقات و اعتبرتهم مثل أهلي...سلامي ل Admin, قارئ الكلمه,قوطي براقع ,االأمل القريب,العيون الحزينه,عاشقة جميرا,الامبراطور,سواح,الساهر,ابن الامارات,دخون,بحر الشوق,البيشك,مخاوي الطيبين,كتاره,الترف,الفهر ,بحر الشوق,بن ماكس ,بنت الشحي,بنت دبي,القدوي,العنيد,كول زيرو,مشرخ ذهب, الصياد,الشحي,AD2000,المشاغب,الخطاب,الرأي الحكيم,أم لسانين,العجمي,بنو الأصم,روح الامارات,شحشوح, الجني.


ان شاءالله بس ما أكون نسيت حد ...

أتمنى لموقع و برزة الشحوح كل خير ....
تحياتيلأحلى أعضاء و بالتوفيق.......

فمان الله ...


بنت الفريج
قاريءالكلمة
03-10-2003, 11:51 PM
وعليكم السلام ورحمة الله وبركاته..

أنا أشوف البرزه منوره اليوم ..بنت الفريج طلت علينا بعد غياب ومع ذلك ما نستنا..واحنا كذلك ما راح ننساج وننسى الأيام الجميله التي عشناها والأعضاء الكرام من خلال البرزه...ان شاء الله يديم الفرحه والأخاء أعضاء البرزه..

أتمنى لج التوفيق في دراستج وأكيد ان شاء الله راح تكونين من ضمن سيدات الأعمال في الدوله وتنضمين لمجلس سيدات الأعمال ويشار لك بالبنان....ساعتها لا تنسينا***16

وأتمنى انج تتواصلين ويانا في أقرب فرصه..

مع تحياتي
الشحي
04-10-2003, 12:37 AM
وعليكم السلام ورحمة الله وبركاته

مشكوره بنت الفريج على هذا الزياره ..

انتمى كل يوم هالزيارات

مع خالص تحياتي
الشحــــــــــــــي
الصيـاد
04-10-2003, 12:49 AM
http://members.lycos.co.uk/ghumdah2/upload/ghumdah1/xa.gif
http://members.lycos.co.uk/ghumdah2/upload/ghumdah1/xa1.gif
السلام عليكم ورحمة الله وبركاته
:: ::
:: ::
بنت الفريج
سلمت روحج اختي
وشكرا اختي للمتابعه
وطبعا انتي من المستحيل ان ننساكي في البرزة لما قدمتيه في البداية
ولازلنا ننتظرك اختي

:: ::
:: ::
فمان الله
http://members.lycos.co.uk/ghumdah2/upload/ghumdah1/xa2.gif
http://members.lycos.co.uk/ghumdah2/upload/ghumdah1/xa.gif
غاية
04-10-2003, 07:38 AM
مرحبا بنت الفريج ...
انا ما اعرفج بس انته الاصل في المنتدى و نحن اليداد على البرزة ...

وتراج بتنورين البرزة بردتج ورجعي بسرعة...
غاية
عاشقة جميرا
04-10-2003, 11:54 AM
.. حيا الله الشيوخ ..يا مرحبا الساع
نورت البروزه .. والله استانست يوم شفت اسمج يا بنت الفريج ..
لج وحشة والله ...

بس اكيد مشغوله مع البزنس ..يالله ^_^ الله يوفقج في مشاريعج
وذكرينا يا الغاليه


تحياتي
عاشقة جميرا
سواح
04-10-2003, 03:01 PM
هلا والله بأختي بنت الفريج ..

تحريتج نسيتي البرزة ***14

المهم أنج تكوني بخير وسعاده ..

الله يوفقج بحياتج بأذن لله ..


تحياتي


سواح
بحر الشوق
05-10-2003, 09:05 PM
هــــــــلا والله أخــــــــــــــتي....نـــــــورتي البرزه

تـــــــراج غــــاليع وعزيزه على هذا المنتدى.....***16

أتـــــــمنى أتحصلين الـــوقت الــــكافي و أطـــلين علـــــينا..

تمنياتي لكي بالتوفيق

بحر الشوق
الساهر
06-10-2003, 02:13 PM
وعليكم السلام ورحمة الله وبركاته,,,
كل النقدير والاحترام لك يا عزيزتي (( بِنْت الفِريِجْ ))
كم سعدت وأنا أشاهد اسمك موجود بيننا وكم اشتقنا لك يا عزيزتي
مهما طال غيابك فاعلمي أنك مثل ما أنت لم ولن ننساك ، كيف ننساك وأنت من استقبلتينا في هذه البرزة في أول زيارة لنا. فكيف ننسى أخت عزيزة وغالية على قلوبنا فكل التوفيق لك يا عزيزتي وأن تحققي مرادك وتنجحي في دراستك وتحققي كل أهدافك في الحياة.

تقدير واحترامي لك
الساهر
العنيد
06-10-2003, 09:49 PM
وعليكم السلام ورحمة الله وبركاته أختي الغالية


نحمد الله على هذي الطلة الحلوة


وتسلمين أختي على السؤال وهذا من أصلج ومن طيبج والله


تحياتي لج

العنيد
ابن الامارات
06-10-2003, 10:48 PM
وعليج السلام ورحمة الله وبركاته .....

ما شاء الله ... شو ها الزياره الحلوه ....... افاااااا والله ما هقيتج تقوليين نسيتوني ...... لا حشى والحشى عن ألف يمين ...... وها من سابع المستحيلات .. تعالي بعد 10 سنوات وقولي منو أنا ؟؟؟ هاك الساعه بتعرفين انج اخت عزيزه وغاليه والله علينا كلنا يوم بنقولج منو انتي وبالتفصيل الممل ....

والله اسعدتينا بها الطله وعسى تستمرين ويانا ولو برد واحد فى الشهر او متى ما فضيتي ... عسب نطمن عليج ......

على العموم ... اتمنى انج تكونين بصحه وعافيه إن شاء الله .. وعسى الله يوفقج فى دراستج إن شاء الله ..

تحياتي لج

أخوج
S
سفير الحب
09-10-2003, 01:57 AM
هلا والله اختي بنت الفريج

سلاااااامج وصل اختي

الله يوفقج ان شاء الله
بنت الفريج
09-10-2003, 08:11 PM
قارئ الكلمه ..لباجر و عقبه و لعشر سنين ما بنسا برزة الشحوح...و لو غديت سيدة أعمال أكيد ما بنسى
برزة الشحوح و أعضائها ..وتجارتي على النت يعني أكيد بفيد برزتنا الحبيبه...

الشحي و الصياد ..انشاء الله بتتكرر الزيارات..أنا الي قدمته للبرزه ما يسوى شي جدا الي اتقدمونه للموقع و البرزه..بصراحه ما فيكم حيله ..خبرتكم في التصميم وصلت الموقع لهالمستوى من التقدم..الله يعطيكم العافيه..

هلا اختي غايه ..تسلمين الشييخه ..من طيب أصلج ...البرزه منوره بأعضائها سواء جدام و لايداد أهم شي اثباتج لذاتج و مواهبج في البرزه...تحياتي لج و فرصه سعيده...

عاشقة جميرا ..انسانه دخلت ضيفه لبرزة الشحوح و أصبحت بطيبتها اخت عزيزه و لها شعبيه لما تقدمه للبرزه سواء بتواجدها الشبه دائم او بابداعها في طرح المواضيع ...تحياتي لج يا الشيخه..و الله لج وحشه

سواح ...ما هقيتك تقول هالرمسه ..أنا مانسيتكم بس أعرف عمري اذا شاركت في البرزه برد للادمان على البرزه و المشاركه فيها و هذا الي ما أباه يصير لأن دراستي تحتاج مني الوقت كله ..اتخيل كل يومين أسوي بحث يعني ماعندي وقت للمشاركه...بس ما نسيتكم ...انتوا على البال

بحر الشوق ...تسلمين برزة الترحيب منوره باشرافج ..أتمنى لج التوفيق....و تحياتي لج

الساهر ...أشكرك على هالاطراء ...دومك راعي واجب و محترم في مواضيعك و أسلوبك..تحياتي لك

أخوي القدوي العنيد ..طلتك هي الأحلى..أكيد ما ننساك ..العنيد عضو جديم و مستمر في البرزة أتمنى استمرارك في البرزة ..

ابن الامارت ..عقب عشر سنين ..أنا بعيز و قتها و انت بتغدي بو عيال و ينسوك عيالك البرزه و سنينها ..ابن الامارات ما أنسى وقفتك معاي و ما بنسى جميلك...أتمنى لك التوفيق في دراستك و انشاء الله ترد البلاد بالسلامه ..

حمودي ..فرصه سعيده ..أشكرك على هالمداخله ..تحياتي لك ...



على فكره رمضان قرب ..كل عاااام و انتوا بألف خير ....
فمان الله
بنت الفريج
بنت دبي
09-10-2003, 08:50 PM
وعليكم السلام ورحمة الله وبركاته

بنت الفريج تسلم لي هالطلة والله نورتي البرزة

وادعيلج بالتوفيج انشالله

وأنا بعد لي آخر سنة في الكلية والبزنس يباله وايد

والسنة عاد كارفينا كراف بس انا ما اقدر اخلي اعضاء البرزة وأنساهم
وانشالله بسوي المستحيل وبنجح بامتياز بإذن الله

واتمنى لج كل خير


تحياتي
بنت دبي
بنت الفريج
09-10-2003, 10:10 PM
بنت دبي غلاج في القلب انتي من العضوات الي حبيتهم و ارتحت لهم
و أحيدج يوم تستشيرينا في اختيارج لتخصص***15
الله يوفقج في دراستج و انشاءالله اتحصلين على الامتياز
أنا باقيلي سنتين المشوار طويل الله يعين

تحياتي لج يا بنت دبي
اختج بنت الفريج
ابن الامارات
11-10-2003, 11:07 PM
الله يسلمج يالغاليه ... بس انا موجود فى لبلاد من شهر سته ... خلاص تخرجت وودعت بريطانيا ***15 وألحين اداوم والحمدالله ...

تحياتي القلبيه لج
313
14-10-2003, 02:35 AM
حبيت ارد لج السلام

وعليكم السلام ورحمة الله وبركاته

***16

وين اسمي ما ذكرتيه

313
بن ماكس
16-10-2003, 01:00 PM
وعليكم السلام

مرحبا بج يا بنت الفريج بعد هالغيبه الطويله وان شاء الله ما تدوم لانج من الاعضاء الي حركوا البرزه.......ونحن ما نسيناج اختي بنت الفريج

اتمنى انج ما تطولين الغياب عن اخوانج في البرزه

تحياتي لج اخوج
بن ماكس
DaRk_ANgLE
23-07-2004, 04:47 PM
يا مرحبا فيكم وسهلاا