المساعد الشخصي الرقمي

مشاهدة النسخة كاملة : حركات آخر الليل;)

بنوالأصم
10-01-2003, 09:54 PM
حركات آخر الليل;)
السلام عليكم .......



دخول البيت في آخر الليل والزوجه نائمة يعتبر فن

وليس كل شخص يعرف هذا الفن ....لكي تسلم من لسان الزوجة اتبع الخطوات التالية :

اليك هذه الطرق والخطط لتنجح في دخول البيت بدون
ازعاج للجيران وازعاج لك انت ولاتنام براحه وعدم تجريح ::



اذا كانت الزوجه ملت من الانتظار ونامت فهذه بدايه
حسنه ::: كيف الدخول //


1- قبل ماتفتح باب البيت افسخ نعالك (الله يكرمكم)0
وضعها في ابطك ..

2- افتح الباب ببطء تام وادخل وسكره ببطء اكثر
ثم ادخل شوي شوي خطوه خطوه...كنك جيمس بوند.

3- اذا اقتربت من غرفة النوم خذا وضع الانبطاح
وزحف حبه حبه الى ان تصل الى السرير.
كذا وصلت بالسلامه ونقول تصبح على خير..

::::::::::::::::::::::::

اذا كانت الزوجة لاتنام حتى تاتي هذه والله المصيبه
ومجهزه لك بعض الكلمات قبل ماتنام ..


اذا كانت زوجه رومنسيه انشالله راح نحلها واليك الخطه::

1- قبل ماتطلع من البيت لاتنسى اسرق خاتم من الي
عندها بغرفتها وانت قبل كذا اهديته لها.. تدرون من كثرهم ماتعرف اللي عندها .
نظف هذا الخاتم واشتر له علبه حمراء واذا دخلت
عليها قبل هي ماتتكلم قل تفضلي هذي هديه لكي
يازوجتي الغاليه ..راح تنسى طبعاً.

2- بعض الحلا والعصير
3- بعض الورود..

على كذا ماراح تقول لك شي ابداً وراح تهنى بليله
سعيده..

::::::::::::::::::::::::::::::

اذا كانت الزوجه ماتعرف الرومنسيه وجالسه تنتظرك
الله يكون بعونك لكن معاي مراح تخسر..

اليك الخطه ::

1- مر الصيدليه قبل ماتروح للبيت وخذ بعض الادويه.
2- ادهن وجهك بزيت او كريم لونه اسود.
3- بالولاعه حول تسخن وجهك كنك محتر وفيك حراره
4- رش على وجهك ماء كنه عرق وانك تعبان.
5- اذا دخلت حاول انك تتخبط بمشيتك وحاول انك تأن
6- حاول انك ترتجف وقلها انك كل الوقت هذا كنت في
المستشفى وانك مريض..

بكذااااا راح تسلم من لسااااانها لانها هي تبي الفكه منك ...تسويلك عصير
لليمون
وضمادات.

::::::::::::::::::::::::::::::::::::::::::

اذا كانت زوجه نحسه لالالا وبعد نايمه عند الباب مايمديك تفتحه الا وهي
قايمه..

اتبع هذه الخطه لتنجوا بجلدك::

1- افتح الباب بقوه وحاول انك تطيح بركبتك على بطنها وترفسها ..
2- المسكينه تبي تقوم وتصارخ متدري وش الي جاها
3- راح من الم بطنها تقول ودني للمستشفى .
4- بعدها راح تضيع السالفه وتنسى وتحرم انها تنام عند الباب ثاني مره..



..........ارجوووووا اني وفقت بما هو يسعد الازواج :D






تحياتي لكم بالتوووفيق في زواجكم
مع تحيات
بنو الأصم|4|
الأمل القريب
10-01-2003, 09:58 PM
ويه والله حركة الانبطاح اتضحك!! اصراحة ما اتخيل حد يسويها من شبابنا:D
سواح
10-01-2003, 10:23 PM
|3|:D

والله ضحكتني من الخاطر :D


يوم بتزوج راح اجرب هاى الخطط واذا انكشفت انت المسؤل :D:D




|4||4|


تحياتى



سواح
عاشقة جميرا
10-01-2003, 11:03 PM
زين اني قريت هذي الاشياء على علشان ارويه ..
والله لنسيه الساعه الي طلع فيها
والله بالتاوه على راسه علشان يتأدب و ما يتأخر ..والله البنات وايد يتعدلن واكيد هو ما خلى وحده ما شافها ...
بخليه من الساعه 10 في البيت ..
ولا بعد بخليه يقوم من الفجر و يشتري لي عقد على تأخره ..هذا ان تأخر نص ساعه ..بس لو تأخر ساعات ..بفره في مستشفى راشد ..وهو مكسر ...

هيه ..انا عاشقة و الاجر على الله ...
تحياتي
المعلمه عاشقة ... و كلووووووووووووووووووولش ..زغروطه
قوطي براقع
11-01-2003, 12:24 PM
أباه ياخذ وضع الأنبطاح(حركات صاعقة الصحراء) ويزحف عند باب الغرفة .. والله لا أترياه ورا الباب وأدوسه على ظهره مثل الصرصور


أنا وحدة رقادي خفيف
بحر الشوق
11-01-2003, 12:49 PM
لا و الله زين انك قلت إلنا علشان ناخذ احتياطاتنا من الحين

و مشكور و الله
عاشقة جميرا
11-01-2003, 01:08 PM
زين يا بحر الشوق و قوطي براقع ..
خلونا نسوي حزب قاتلين الصراصير اقصد الرجال !!

تأثرت من رد قوطي براقع !!
العيون الحزينة
11-01-2003, 01:27 PM
شو ها00




:(
WOLF SPiRiT
11-01-2003, 01:41 PM
دحنا تهزأنا يا جماعة
عاشقة جميرا
11-01-2003, 02:07 PM
عيل شجايل يا ولف ..نخليكم على كيفكم ...
انته ما تعرف "ان كيدهن عظيم "...
الأمل القريب
11-01-2003, 02:12 PM
اقول ترى انا بعد معاكم الملاس على روسهم!! لا بعد ينظف الصحون اذا اتاخر!!
عاشقة جميرا
11-01-2003, 03:54 PM
هيه ..ويغسل الصغاريه.. و يخم البيت .. و يدخن و يعطر..
اخ مب ريال !!ليش يأخر
بحر الشوق
12-01-2003, 10:25 AM
هيه و الله تراا أنا بعد وياكم و الله لراويه بس خل اسويييهااااا لركده برع البيت:D
عاشقة جميرا
12-01-2003, 12:52 PM
فديتج يا بحر الشوق ..اسمييييييييييييييييييييييييييييييييييييييييييييج حرمه !
احسنتي ..
الفارس الشحي
13-01-2003, 10:33 PM
هههيهههيييييههييييههييي .... وحليلهم الحريم متعقدين وحليلكم من المسلسلات وايد ....

شو ها صدق ....

حركات مصاروة انتو و الله يبالكم واحد مثل الحاج متولي يعرف لكم ....



تخيلن لو كان حضكن رياييل حارين ....يعني يعصبووون ....:mad:

يالله و انته كريم ... يالله



الله يرحم الحريم الأولية الوحده كانت ما تقدر تطالع بعيون زوجها :D

و بنات ها الأيام لي تقول بتحط الريال تحت ريولها عنبوه .... خلاص ما بزوج .... يتذلونا جي ..

بس أكيد في بنات بنات يعني فيهم انوثه ....

بس عاشقة شحي .... (( قاتلين الصراصير اقصد الرجال )) يعني أنتي تحبي صرصور ..... كلامج يرد عليج ..

وييييع لهاي الدرجة تكرهونا .... الله يا زمن
بنت الفريج
13-01-2003, 10:47 PM
شفكيم يا جماااعة الخير >>> صلوا على النبي......




أشم ريحة ضراااابه ....منو ضوب منو ..جم وااحد ماات ....وين الضحااايااا...|22| سوووري دخلت عرض.....


أنا بدش وياااكم الحمله مالت الصراصير......و البيف باااف موجود ....انشدوا الامل القريب عنه.......:rolleyes:



الفااارس الشحي >>> شوفو الانوووثه كلهااا فديتني هاااديه ما اسوي حشره.....:D:D






بناااات >>> أقص عليه لا تصدقوووون|1||1|



و الله لدوووسه بسياااارتي و اسحبه في الفريج و خلي عيااال الفريج يفرووونه بحصى و يقولون بص شوووف بنت الفريج بتعمل ايه.......:D

|4|بنت الفريج|4|
الفارس الشحي
13-01-2003, 10:58 PM
أفاااااااااااااا حتى انت يا بروتس ( بنت الفريج )

أنا توقعتك كل البنات ما عداج و العيون ....




أكييييييييييد العيون لها راي مختلف عنكم .....

لا و تبين تسحبينه شو ها الرياييل التعبانييين و الله ... لا تخليني احلف ها ....





يالله يا رب يا كريم يزوجك يا بنت الفريج شحي قح قح ... ما يخليج تعرفي صبغ الباب شو لونه .... عسب تقولي مرة ثانية بتسحبينه ....



عنبوه ما فيكم رحمة ...... لهاي الدرجة .... تكرهون الرياييل أنا أدري أونه بس ....


و لا لو يينا للحقيقة ما تصدق البنت يخطبونها ما تصدق ... ترى ربي خلقكم جي تحبون الرياييل و الله خلقنا جي نحب الحريم ....





و بنشوف منو لي بيسو لي تقولون عنه ... الله كريم
بنت الفريج
13-01-2003, 11:09 PM
فاااال الله و لاااا فااااالك.......شو شحي قح قح .....


باخذ وااحد من أهل أبووووي أحسن لي,,,,,,:D :D ( مع احترااامي لاهل الواالده)(فديتكم و الله يا الشحووووح).....



بعدين انت لييييشش جيه ....نحن نسوي سووولفينج,,.....|12| |12|
الفارس الشحي
13-01-2003, 11:16 PM
لو سويت سواليفيشن عليكم البنات بتصييييييييييحو و بتشلو الدنيا و ما بتقعدوها ..




يالله نستحمل
بنت الفريج
13-01-2003, 11:20 PM
|529| :D |13|
الأمل القريب
14-01-2003, 10:57 AM
ويه بنت فريجنا!! دعو عليج بريل شحي قح قح!!

الفارس الشحي يارومانسي باشعارك!! والله انك فن!!:D

لا تدعي على بنت فريجنا
مفنود
14-01-2003, 11:01 AM
انخطبتي ..................مبروك ............................ــــــــــــــــــــــ ــــــــــــــــــ


كلولولولولولولولولولولولولولولولولولوفوولولولولولو لولولششششششش

متى العزايم ــــــــــــــــــــــــــــــــــ ـــــــــــــــــــــــــــــــــــــــــ ــــــــــــــــــــــــــــــــــــــــ ــــــــ
عاشقة جميرا
14-01-2003, 12:17 PM
فارس !! انا عاشقة احب صرصور ..والله انا احب شحي فديت روحه ...
بس الي قصدته بالصراصير هم الريايل ..

وبعدين ليش تقول جيه عن البنات ..اصلا نحن طول عمرنا رقيقات و قمت الانوثه ..بس نكشف الوجه الاخر يوم نشوف الريال بدء يلعب بذيله !!" ..فنخليه ينسى ان يلعب ..

وانته مب كيفك ما تتزوج ..بنيوزك غصبا عنك ..هذا الي قاصر ..نخليك جيه بدون زواج .. بس انته اصبر و قوطي براقع بدور لك على بنت الحلال الي تراويك نجوم الليل في عز الظهر ..
الأمل القريب
14-01-2003, 12:46 PM
بعدها مب مخطوبة .......بس دعا عليها الفارس الشحي!!:mad:
بنت الفريج
14-01-2003, 12:53 PM
هي و الله صدقج يا الامل القريب ,,,,,,صكوووني بدعوه,,,,,محد يبتلي بهالشعراااء ,,,,اليوم ياايين عشر شحوح يخطبووووني من كل مكااان ,,,,,:D :D |13|


ترف التتارى الله يبارك بحياااااتج >>عاد انتي النعااااشه بالعرس......على كيفي .....>>>> أخاااف تصدقين اشااااعه|13|
مفنود
14-01-2003, 01:06 PM
10 مرة وحدة

الله يزيد ويبارك ..........................
لهاي الدرجة انتي جميلة ولا طمعانين ببنكج مثل المسلسلات ..............
عاشقة جميرا
14-01-2003, 01:07 PM
؟ عرس منو ؟
بنت الفريج
14-01-2003, 01:10 PM
هي و الله يا ترف ....مشكله هالجماااال ...دومني متغشيه ....بس البارحه بالغلط طاحت الغشوه.....و جاااان عشر سيايير يلحقوني.....


مشكله شو اسوي اتوهقت ما أبا أزعل حد......|13| |13|



شو رايكم أوزعهم على البنوتاااات الي في المنتدى........|13|
الفارس الشحي
14-01-2003, 02:37 PM
الله يعطيكن ولد الناس لي يعرف جيمكن و يحفظكن و تستاهلن كل خير و الله ...

أقوول عاشقة شحي .... ما يحتاي قوطي براقع تختطب لي حبيبتي مويوده حد يترك كل ها الغلا و يفكر لمجرد التفكير انه يرتبط بغيرها ...





و عقبالكن يميع ..


http://songs.6arab.com/7mood..telawwan1.ram
قوطي براقع
14-01-2003, 05:04 PM
هيه أنا اللي يطلب مني أدور له عروس أخذه حقي

بنت الفريج أنا بعد أبا من هل أبوج
الأمل القريب
14-01-2003, 05:28 PM
شو هذا وين ياسين في سوق الهوش!! كل حد يبغي يعرس او يبغي خطيب!!
والله طرطرة!!
بنوالأصم
14-01-2003, 07:30 PM
أستهدوووووووووووووا بالله قلنا شحوح عاد مب لهدرجه دفشين بالرمسه حبايبي الرقه مطلوبه هاي الايام |1| ولا أنا غلطانه ;)

أنا صاحبة الموضوع ومو قصدي أهين الرياييل بالعكس أنصحهم قبل لتوديه مرته الإسعاف هههههههههه:D
وحراااااااااام الرياييل مب صراصير قولوا ذباب لصقه ما يخلون البني آدم من جنس حواء تتنفس صح بنات :cool:

من بنو الأصم |4||4||4||4|
قوطي براقع
14-01-2003, 07:53 PM
المرح والمزح مطلوبين بحدود والحمدلله ما تعديناهم

ما أدري ليش في هذا المنتدى بالذات ننجلب المواضيع مزح |4| أنا متأكدة أعضائنا لهم شخصيات ثانية في منتديات أخرى
.. لما أطرش لينك لمعارفي .. يقولون شو هذا المنتدى كل اللي فيه يتمسخرون وكلهم يهال !!

وأرد أقولهم كفاية هم في الدوام وفي كل مكان ... خلونا نستانس على الأقل هني !!

محد طايل منها شي :)
عاشقة جميرا
15-01-2003, 11:28 PM
اوه !! اقول يا بنو الاصم ترى انا ما قصدت شي ..يوم شبهيتهم بالصراصير ..مجرد مزحه ........وانا اسفه ..شكلي مصخيتها ..
سوري
بحر الشوق
15-01-2003, 11:35 PM
الله يسامحك و الله ياااااااااا الفارس الشحي ..... بس تدري في رياييل ينحطون على الراس و الله و في منهم ما يستاهلون حتى اطااالعهممممممممممممممم:mad:
عاشقة جميرا
15-01-2003, 11:52 PM
الله يهنيك يا فارس الشحي ...
ويسعدك
مفنود
17-01-2003, 03:02 PM
محد يزودها

و بعدين هي أصلا كل المنتديات مسخرة وسوالف يت علينا يعني 0000

:)
يلا لطفو الجو #######################
خيماويه حبوبه
21-03-2004, 10:50 AM
تسلمين أختي ع المشاركه الطيبه

خيماويه حبوبه