ممكن جواب من البنات

[بن ماكس]

السلام عليكم ورحمة الله وبركاته

ابي جواب من البنات ومن الشباب لو عندهم راي

حبيت اطرح سؤال ..... مجرد سؤال ..... او لتكن دردشة


بصراحه لاحظة خلال الاربع الايام الماضيه من هذا الشهر الكريم وجود كثير

من بناتنا على النت وخصوصاً قبل الافطار بساعه وطبعا من المفترض بهذا

الوقت بالتحديد يكونو في المطبخ مع الوالده للمساعده


ودي اعرف السبب الي يخلي بناتنا يفضلون النت على المطبخ حتى في

رمضان شيء غريب اتمنى اسمع وهجة نظر البنات


مجرد دردشه ....

تحياتي

[الصامتة]

مشكورة اخوي على انك فتحت هالموضوع لنا نحن البنات.

انا في نظري انه هنااك عدة اسباب تحول من دخول البنت للمطبخ في هالوقت

1-اول سبب واهم واخطر سبب هو وجود تلك الخادمه الماااهره البارعه في اعداد مالذ وطااب من الاكل . فسبحان الله تجد في البيت الواحد 3او4 خادمات فكيف تريد منها ان تدخل المطبخ .
2- ثاني سبب انه 70% من بنات هالجيل لااسف ليس لديهن علومه او خبرة في الطبخ حتى تراهن البيض المسلوق لا يعرفن كيف يعد(((البعض مو الكل طبعا))

3_ سهر الليل ونوم طوول النهار فاكيد انه لا يوجد وقت لدخول المطابخ
4-انشغال البعض في المذاكرة والدراسه .
هذي الاسباب في نظري هي اهم الاسباب تحول من دخول البنت للمطبخ


اصابع الايدي مو كلها سواءوالسموحه


مشكور اخوي مره ثانيه

اختك الصامتة

[البـ شما ـطرانه]

سوال ابصراحه قوي على البنات

المهم اول نقطتين اللي ذكرتهم اختي الصامته احدى الاسباب

والسبب الثاني .في بعض الامهات ما يحبون بناتهم يدشون المطبخ في حزه يوم يكونون في المطبخ .ما ياخذون راحتهم

بس هذا ما يمنع ..انه البنت اتساعد امها مب لازم تطبخ ..بس اتساعدها باشيا مثل تقطيع الخضره ويلا اترتب الصحون و اجهز السفره

ترا اصابع يدك مب شرات بعض ..و حال ايامنا مب شرات زمان اول

[الصامتة]

صحيح كلامك اختي الغاليه شماا

بس والله غريبه ليه بعض الامهااات ماتبي بناتها تساعدها في المطبخ ليه يعني خايفه عليها ولا تخاااف تتعب نفسها في المطبخ ؟؟؟؟؟؟؟؟

بس والله عجب

اختكم الصامتة

[الغرور]

انا عن نفسي عرف واااااااااااااايد
من البنات من نفسهم ما يحبون يدخلون المطبخ
سواء كان رمضان او مب رمضان

و السبب الثاني مثل ما قالوا خوااتي وجود الخادمه


و انا عن نفسي مب شاطره وااااايد بالطبخ
بس ارز ويهي بالمطبخ
و الوالده تشغلني في غسيل الصحون






اختكم
الغرور

[غاية]

بن ماكس ....

الله يعطيك العافية ..

والي قلته صح بس انا والحمد لله مو معاهم ....لاني اكون في المطبخ من عقب صلاة العصر علىطول ... اصلي وادخل اطبخ...وبروحي مع الخدامة بعد ...

ومشكووور على الموضوع الي يفيد الكل ...

والله يجزيك خير...

[الصامتة]

ماشاء الله عليكي اختي الغاليه

صراااحه الله يباارك فيكي وفي اهلك



الله يوفقك ان شاء الله




اختك الصامتة

[الجرح]

مشكور اخوي بن ماكس على الموضوع
نت شو يدخلك النت قبل الفطور بدال ماتضرب الهريس او توزع على الاهل والجيران
انا بالنسبة للبنت اللي مادش المطبخ الله يعين الريل عليها شكلها من اول بترد بيت اهلها
بس صدق ترا معظم البنات هالايام مايعرفون يطبخون

[بحر الشوق]

أولا مــشكور يا بن ماكس على المووووضوووع..

ثانيا: أنا مع الأخت الصامته في إلي قالته...

ثالثا: حبيت أضيف...إن مو كل البنات جيه في بنات ماشاء الله عليهم يساعدوون الأهل ويقووومون بالواجب ...وعن نفسي أنا أدخل المطبخ يووم أبغي محد يمنعني بالعكس الوالده تستانس .....

تحياتي

بحر الشوق

[بنت_الحبسي]

يعطيك ألف عاااااااااااااااااااااااااااااااااااااافية على هالموضوع

بس بصرااااااااااااااحه أنا أحب واااااااااااااااايد المظبخ وأحب أظبخ لأن أمي تعلمني كيف أطبخ تدري شو تقول لي عقب يوم تعرسين منو بيظبخ لج ريلج قلت لا أنا أللي بيظخ له

وأنتوا مثل ما تعرفون أنا حبسية وتعرفون الحبوس الله عليهم يمكن طلعت من الموضوع المطروح

بس أمهااااااااااااات هالزمن مدلعين بناتهم على الفااااااااااااااضي ليش ما أدري ويحبون النت لأنهم اتعدوا عليه بدل ما يختمون القرآن ويذكرون الله بس أنا أدخل المنتدى في سااااااااااااعه محدده لأن لكل شئ فيك لك حق صح ولا

تحياتي
الحبسية

[الصيـاد]

¤¤||||السلام عليكم ورحمة الله وبركاتة||||¤¤™
http://alamuae.org/upload/alam1/home_06.gif
«»«»«»
«»«»«»
انا اسميه دلع
لان شوفيها يعني لو بنت تعلمت تتطبخ
وخاصة برمضان الاكلات ما يحتاي

لا تزعلون هاي وجهتي نظري
«»«»«»
«»«»«»
http://alamuae.org/upload/alam1/home_06.gif
¤¤||||مع أطيب التمنيات لكم بالتوفيق||||¤¤™
الصيـاد © برزة الشحوح™

[الصامتة]

وانا احترم وجهك نظرك اخوي الصياااد

بس تعرف انا يلي اشوفه انه البنت تشوفها فرحااانه ومافي احد قدها اذا سالتها وتقولك ما اعرف اطبخ.؟؟؟؟؟؟؟؟؟؟؟؟؟؟؟؟؟؟؟ سبحاانك يااربي

يعني الواحد يشوف الخيبه بعينه ومو عاارف وش يسوي


الله كريم والله

اختكم الصامتة

[بن ماكس]

مشكوره على مشاركتج يالصامته..والبفعل مشكلة البشاكير مشكله

شمه البطرانه تقول امها ما تحب حد وياها في المطبخ..؟؟ شي غريب فعلا

والغرور مب فاضيه للمطبخ..

وما شاء الله غايه من بعد صلاة المغرب وهي في المطبخ...عاد شو تم يا غايه بعد صلاة العصر كل شي مخلص..؟؟

___________ليش يالجرح انته قبل الفطور تمشي في الفريج وتوزع..ليش كم عمرك؟؟

بحر الشوق انا مادري بج اذا تساعدين ولالا لانج ما تدخلين البرزه لا الصبح ولا الظهر مادري بج....

ما شاء الله...بس الحبوس شو..كل واحد يبا حرمته تطبخ له ولا شو رايكم يالمتزوجين..

الصياد قال وجتي نظري..شفتوا كيف هو معصب وحريص على ان يدخلن البنات المبخ...

والصامته تحترم وجه الصياد....لووول

مشكورين كلكم على مشاركاتكم ويايه في الموضوع...

تحياتي لكم
بن ماكس

[غلا]

مشكور أخوي

بن ماكس على هذا الموضوع

مب كل البنات مايعرفن يطبخن انزين

انا أحب أطبخ لانه أمي علمتني كيف أطبخ

ولي شجعني على الطباخ يوم أشوف أمي تستانس وتفرح

وتضمني في حضنها .

أنا بقول للبنات اللي مايعرفن يطبخن

ترى في يوم من الأيام بتتوهقن

أختكم
غلا

[بن ماكس]

هي زين بارك الله فيج ...لووووووول

خبري البنات يا غلا

[ظبيه]

هلا صابون لوكس


والله الموضوع حلو
انا و الحمد لله كل يوم اطبخ ما عدا اخر الاسبوع
لاني في سكن طالبات ولازم اطبخ واذا ما طبخت اتراني بموت يوع




تحياتي
نور الشحوح

[بن ماكس]

هي زين بارك الله فيج

شكلج تهلين علينه بس يلا...

تحياتي

[غلا]

حاضرين ماطلبت شي

[بن ماكس]

خلص رمضان تعالوا رمضان الياي

[نجمة السهره]

عن نفسي اناااااااااااااااااااااا فنانه بالطبخ والحمدالله

[بن ماكس]

هيه زين بارك الله فيج

عسب بعدين اي وحده فيكم ما تطبخ حق ريلها بيشوتها من البيت

[شيخة الشحيات]

السلام عليكم.......
أنا خاطري أدخل المطبخ في رمضان بس أمايا ما تخليني لاني ارد من الجامعة الساعة 3:54 وتقولي سيري ارتاحي بس انا ساعات أدخل وياها لانها ماتخلي البشكاره تفزعها فاسير انا افزعها وانا متعلمه الطبخ بس هب كل شي الأكلات اللي تعيبني.......وانشالله بتعلم اطبخ باجي الأكلات
مع السلامه ومشكور على هالموضوع الحلو