المساعد الشخصي الرقمي

مشاهدة النسخة كاملة : ترضى تزوج البنت اللي اتعرفت عليها في الانتر نت ولا كلمتها في الموبايل

هويدن بن هويدن
10-12-2003, 11:45 AM
السلام عليكم ورحمة الله وبركاته

السلام عليكم جميعا .... اشحالك حبيت اسلم على الجميع اول شي واحب ابارك لكل شخص يحمل في قلبه حب لبابا زايد على فوز منتخبنا الحبيب والله انك اثلجت صدرنا يا منتخبنا وعساك على القوة....


اخواني اعضاء منتدى برزة الشحوح الموضوع اللي راح اطرحة في شي من الاحراج والحساسية
واحب انه اللي يقدر يشارك ويبدي رأيه في هالموضوع لا يبخل علينا بالرد ويكتب اللي في خاطره بكل صرااحه لانه على اساس الردود اللي راح تكتبونها راح انزل نحن اعضاء رعاية المجتمع نشرات وتوعية فيها للمجتمع.......

ما راح اطول عليكم ...في هالايمام نسمع عن زواج الانتر نت وعن زواج المجلات وغيرها .. والله يعلم شو اللي ايصير بعد هالزواج....واحب اعرف من البنات والشباب :

بالنسبه للشباب:هل اتوافق تزوج بنية كلمتها في التيلفون وواعدتها في مركز من المراكز.. او انك اتعرفت عليها عن طريق شات او عن طريق مسنجر...وهل حياتك في المستقبل راح اتكون مستقرة, وكيف راح اتكون نظرتك لهالفتاة ولاهلها..



بالنسبة للبنات:هل توثقين في الشاب اللي اتعرفتي عليه في الشات ولا في المسنجر. وهل اتوافقين عليه اذا اتقدم لطلب الزواج منج وكيف راح اتكون حياتج ويا واحد كلمتييه من ورا ظهر اهلج وهل راح اتكونين مقتنعه من هالزواج ومن هل راح اتكونين مرتاحة من ضميرج؟



اتمنى انه اكبر عدد من الاعضاء ايشاركون ويبدوون رايهم ويكتبون الرد والسبب ......



@ مرحبا بطارش لفاكم@


مع تحياتي مشاغب المنتدى
هويدن بن هويدن
نجمة السهره
10-12-2003, 01:20 PM
هلاااااااااااااااااااااااااااااااا فيك اخوي واشكرك على طرح هذااااااااااااااااا الموضوع لي فى غاااااااااااية الاهميه لكثرة الزواج عبر الانترنت.......................................... ..................
المهم بعض الشبااب عاااادي عندهم وسمعت عن الكثير اللي تزوجو عبر الانترنت فتحو حياااااااااااه يديد ويااابو عيال امااااااا البعض ما يرضون ياخذون وحده من الانترنت وكل واحد عل كيفه.........

اماااااااااا عن راي فانا مب موافقه يمكن هاااااي البنت رمست كذا شاب او طلعت معاه احسن لك تاخذ وحده من الاهل او وحده من المعارف........................................(لل ضماااااااااااااااااااااان)
الجرح
10-12-2003, 07:45 PM
هالموضوع منتشر هالايام وايد
انا اعتقد ان البنت عادي تزوج واحد تكلمه بس الريال مااعتقد
لانه بينه وبين نفسه يقول شو ضمني ماتكلم غيري
مدام رضت تكلمني اكيد يترضى على نفسها وبتكلم غيري
ومعروف ان الرجل ماشي يعيبه بس البنت اهم شي ولو الرجل صايع يبغي يرتبط بوحدة بنت عرب وناس مب سهرانة تتكلم بموبايله طول اليل
يابنات اصحوا ولايخدعونكم الشباب ويهمونكم بالزواج
بنت دبي
15-12-2003, 09:08 AM
تسلم أخوي هويدن بن هويدن على الموضوع

بالنسبة لي ما ارضي اني اتزوج واحد تعرفت عليه في الشات او المسنجر
حتى لو اتقدم لي ما بوافق لان ما بيكون من بيننا ثقة واصلا حتى لو وافقت على الزواج
بس ضميري بيأنبني وما بكون مرتاحة في حياتي .
الحنونه
15-12-2003, 09:22 AM
اول شى تســــــــــــــــــــــــلم ايدك اخويه الشيطـــــــــــــــــان الحبوووووووب

****هدوووووووووووووووووووون***
وانا براي مستحيـــــــــــــــــل اقبل واحد عن هالطريج
وبصراحه هذا الشى غلط ولكن اغلب البنااااااااااااات والشبااااااب يتحرون هذا صح
ويوهموووون نفسهم ان بعد الرمسه زواج
1% الا يتزوجون بها الطريقه ويستمرون مع بعض اما 99% الا ياخذون بعض عن هالطريج
مصيــــــــــــــــــــــــــــــــــــــرهم الطلاااااااااااااااق
السموووووووحه اذا طولت عليكم بالرمسه
ســــــــــــــــــــــــــــــلامى للجميع
قمر روس اليبال
15-12-2003, 11:28 PM
اشكرك لطرحك هذا الموضوع

وراي في هذا الموضوع
مستحييييييييييييييييل اخذ واحد يعرف لنت بعد مب الشات والمسنجر


يعني لو بغيت باخذ لي شحي قديم مايعرف لهذي السوالف

وبكون مرتاحه ويحلم اذا يبغي يتعلم النت
بس بعلمه كيف يفتح الكمبيوتر ويبنده
بس صدق يعني ما باخذ ولا بفكر اني اخذ
واحد بهذي الطريقه وبعدين ضميري بانبني
اهلي معلميني القرايه والكتابه وتعبانيين عشاني
اسير ارمس واحد من ورا ظهرهم




مستحيل
شوف العين
16-12-2003, 01:03 AM
اشكرك لانك طرحت هذا الموضوع اللي كنت اتمنى ان حد يتجرا ويطرحه ....
وبصراحة اشوف ان هالبنت تستاهل ان ماحد ياخذها لانها مثل ما كلمت هالريال اليوم تراها باكر بتكلم غيره..وحول طبع ولا تحول يبل..
هويدن بن هويدن
16-12-2003, 07:28 AM
الشكر لكل من شارك وياي في الموضووع وانشاء الله صوتكم راح يوووصل ..........


تحياتي اخوكم الصغير

هويدن بن هويدن
غاية
16-12-2003, 07:58 AM
هلا اخوي هويدن...
اول شيء مشكووور اخوي على الموضوع ..
وثانيا...
في رايي انا بأن ما اعتقد الريال الي يرمس بنت فترى عقب بيسير بيفتخر ويقول انا باخذ هاي البنت وهو الوحيد الي يعرف انه يمكن امرمسه غيره...
والبنت ممكن تكون خدية وتاخذ الريال بس ما اعتقد بأن الحياة بتستمر معاهم ...؟؟؟ليش؟؟؟
لان طول الوقت بيفكر الريال بان حرمته اترمس غيره ومن وراه ... ونفس الشيئ الحرمة بتظن ظن فر ريلها...وعقب شو بيكون صير العيال الي بييبونهم ... شو ذنبهم...مو حرام ...الزين ليش البنات والشباب ..ياخذون هاي الوسيلة ..هل هي تسلية ؟؟؟هل هي اثبات الذات ؟؟؟وهل.؟؟وهل؟؟؟
تساؤلات كثيرة بس محد يقدر يجاوب عليها الا الي جربووو هذا الشيء في رايي صح ..؟؟؟
المتحدث الرسمي
16-12-2003, 10:23 AM
السلام عليكم ...............
.
.
اخي هدووووووووون ...........
.
.
اشكرك لطرحك هذا .. ففيه من الاهمية مما تجعله موضوعا ممتاز ...........
.
.
اخي انا اضم صوتي لصوت غايه ...................
.
.
اذ ان الريال ما يضمن حرمته ....... وهيه ماراح تضمن ريلها ..........
.
.
وبعدييين شو بيكون مصير العيال .............
.
.
والسموحه
شحية البرزه
16-12-2003, 10:40 AM
برد عليك وبقولك شو وجهة نظري
أولا أشكرك على هالموضوع الحلو وأللي منه فاااااااااااااايده لي وللجميع

بقولك:

في من الشباب والبنات فيهم حس العاطفة والحب من قلبهم ويكون في نفسهم حب تكوين علاقة حب حتى تتطور لين الزواج... لأن الحب في العلاقة شئ مهم أنت تدري شو الحب ..ما سألت نفسك شو الحب........أسال نفسك وبتجواب من تلقاك نفسك أنا أدري أني خارج الموضوع بس يخصه في العلاقة صح ولا

وأنا بصرااحه أشوف علاقه الولد بالبنت ما تنفع لأنه في نظري أنا ما ينفع ولا يصلح .............. بصراحه هالزمن وهالدنيا أللي عايشين فيها وسخه. لأنها دنيا فاسقة للآخر درجه

بس برأي ما ينفع الزواج.............





والسموووووووووووحه
قمر روس اليبال
16-12-2003, 04:10 PM
في حالة وجود حب صادق بين الطرفين





شو بيكون تعليقكم ؟؟؟؟؟؟؟؟؟؟؟


وانتوا اتعرفون الحب نحن مانقدر نملكه

صح الحب هبه من الله



بس مانقدر نتمالك عواطفنا