يوميات "أم صويلح"_ (1_4)

[ولهانة زايد]

السلام عليكم ورحمة الله وبركاته

بالأول منو (( أم صويلح ))؟؟؟

http://www.alittihad.ae/assets/images/Sports/2009/01/07/260x195/23a-na-61962.jpg
شخصية إماراتية .. ذات ملامح إماراتية وتراثية .. .. .. .. ..

أوووووووووووه .. شوهالسرد الممـل الخااااااااااايس :mf_argue:.. بعيد من أول ..

أم صويلح .. حرمة عيوز وطنية ورياضية:h_love: من الخاااااطـر .. مرحة على ملسونة على نذلة سواالفعلى شرها على مصخرتها .. سوالفها ما تخلص:g_chub: ....

امبرقعة:h_negab: ولااااابسة ثوب مخوّر ومطقمة وياه صروالها بعد .. خخخ

ظهرت فـجريدة الاتحاد الرياضي للكاتبة "بنت المنهالي" بصورة يوميات بفترة خليجي18 وهالسنة ردت فـخليجي19

من الشخصيات الأساسية اللي وياها: ( ولدها صويلح + مرته فطوم + بنتهم سلامة + بشكارتهم بي بي )

صديقاتها: (يارتهم أم عبدالله اليمنية + أمولة تحب الكويت + أمونة تحب السعودية + والنكتة زليخة العمانية)؟؟


المهم .. حبيت أنزل يومياتها يوميا طوول أيـام البطولة بإذن الله ..

الحين ببـدا بالخمس أيــام اللي فــاتوا .. وإذا شفت تشجيع :mf_dribbl.. بنزله لكم كل يــوم..

توكــلنا على الله...

-
-


بسم الله الرحمن الرحيم

يوميات أم صويلح (1)

الجمعة، 02-01-2009

http://www.alittihad.ae/assets/images/Sports/2009/01/07/260x195/23a-na-61962.jpg



سلامة: السلام عليكم يدو . . شحالج؟

أم صويلح: عليكم االسلام .. يبتي كرت الجزيرة؟

سلامة: ويييييييييييي .. نسيته، آسفة آسفة يدو، صدقيني بييبه باجر.

أم صويلح: أنا قلت، يعني بتكونين أحسن عن أبوج وأمج! مالت عليكم.

سلامة: لا تقولين جي يدو، والله بييب باجر، بعده وقت على البطولة، وصدقيني أكيد بتيثها كل القنوات الفضائية الخليجية.

أم صويلح: ما أحب أترك أموري للتوقعات، أنا بييب الكرت باجر، غربل الله الجزيرة الرياضية وكل القنوات الفضائية.

سلامة: ليش جيه يدو؟!!

أم صويلح: قبل كنا نطالع المباريات على القنوات الأرضية وكل أمورنا كانت طيبة، لكن أحين، عفانا الله، ميتين على الإعلانات.

(يدخل صالح .. ولد أم صويلح)

صالح: السلام عليكم .. اشحالج أمي؟

أم صويلح: الحمدلله.

سلامة: يدو معصبة، تحاتي ما تقدر تطاع مباريات خليجي 19، لأنها لحين ما شرت كرت الجزيرة.

صالح: لا تحاتي أمي .. أمورنا طيبة.

أم صويلح: أدري فيك .. يعني شو بتقول شي يديد!

صالح: لا والله صدق،، أنا واثق خلاص قناة الجزيرة أعلنت إنها بتخصص قناة مفتوحة لنقل مباريات خليجي 19ن يعني مب مشفرة وماله داعي الكرت.

سلامة: صدقتي يدو .. أمورنا طيبة.

أم صويلح: بنشوف،، لكن إذا ما استوى جي، تراني مسافرة مسقط عند "زليخة"، وبحضر كل المباريات، ولا بسويلكم سالفة.

صالح: أمي خلاص، احين ليش مب عايبنج؟ مو قلنالج القناة مفتوحة مب مشفرة!

أم صويلح: وإنت تتحرى السالفة كلها في شوفة المباراة؟! لا بوي،، بعدك صغير، السالفة إني ما بسمع شبابنا الإماراتيين وهم يعلقون على مباريات منتخبنا الوطني، ولا يوم يفرحون بأجوالنا!

صالح: أونج أحين تركزين مع المعلق!

أم صويلح: عيل مثلك يالطبل .. حلات الجول الإماراتي يوم يعلق عليه عدنان حمد وفارس عوض وعلي حميد وعامر عبدالله .. و ..

سلامة: قم عنه يدووووو

أم صويلح: الأمل الباقي في الإماراتي "سعيد الكعبي" المعلق بقناة الجزيرة الرياضية، أنه كا يترك مباريات منتخبنا يعلق عليها حد غيره..





اصـبـروا لاااا تردووون . . . بعدنـي ما خلصت ...


~@(( ولهـانة زاااايـد ))@~

[ولهانة زايد]

السلام عليكم ورحمة الله وبركاته

يوميات أم صويلح (2)

السبت، 03-01-2009

http://www.alittihad.ae/assets/images/Sports/2009/01/07/260x195/23a-na-61962.jpg



(مكالمة بين "أم صويلح" في أبوظبي و "زليخة" العمانية في مسقط)

بيبي: مااااامااااا .. جلدي جلدي هاي ماما "زليخة" من عمانن.

أم صويلح: وينها وينها؟

بيبي: لااا ماما،، هاي فالتليفون.

أم صويلح: السلام عليكم اشحالج "زلوخ" عساج بخير؟

زليخة: بخير وعافية بارك الله فيج .. شخبارش وشخبار "فطوم" مرت ولدش، وبنتها سلامة؟

أم صويلح: يسرج حالهم، وفطوم حامل، بتربي هالأيام.

زليخة: بالبركة ان شاء الله، عيل ما بتقدرين تيين مسقط تحضرين المباريات مثل ما اتفقنا!

أم صويلح: وأنا إيش لي؟ تراني قايلة من قبل، بسافر مشقط آخر الأسبوع الياي وبحضر مباريات الأبيض.

زليخة: وفطوم؟

أم صويلح: تصدقين زلوخ؟ أحس هالخبلة فطوم رتبت حملها عسب تغي تخرب عليي شوفة المباريات.

زلخية: والله انتي تضحكين، الله يعين فطوم عليج.

أم صويلح: أكيد جيه بتقولين، ما تعرفينها كثري.

زليخة: بخبرج .. بتيبين "بي بي" وياش؟

أم صويلح: وأنا وين اقدر استغنى عنها، منو بيسويلي قهوتي.

زليخة: باغنش تخلصين أوراقها من وقت، عشان ما تتورطين عقب.

أم صويلح: اليوم بخبر "صلوح" وغن شاء الله ما يتناحس عليي.

زليخة: خبري بعد "أم عبدالله" جارتش اليمنية، وترا بيتنا يوسع كل أحبابش يا أم صالح.

أم صويلح: جي خبلة! ما بخبر حد، حتى "أمون" ز"أمول"،، ولو دروا بيحتشرون علي، خلهم جي أحسن.

زليخة: أبغي الكل يحضر فرحتنا بالكأس.

أم صويلح: اسميج يا زلوخ،، تبغينا نيي عندج نشجع منتخب عمان، مسكين حالج، أبوي،، ان شاء الله بنرد الكأس ويانا.

زليخة: خلني أقولش، حامل اللقب هالمرة، منتخب جديد، وبعد ما وصل "السويق" و"الننهضة" لنهائي كأس السلطان لأول مرة في تاريخه، زاد عندي الأمل، وأنا أقول، الكأس لنا أو للبحرين.

أم صويلح: وتبغيني بعد أييبلج ربيعاتي؟ لو دروا باللي تقولينه بيذبحونج، متعصبات وايد، "أمون" تشجع الأخضر السعودي، و"أمولة" بغت تموت علينا يوم منعوا الكويت من اللعب، ووزعت هريس على الجيران يوم ردهم "بلاتر"، و"أم عبدالله" تعفينها، ما يحتاي.

زليخة: مع هذا البرد، حلو التعصب،، بيدفينا، الأهم عقب كل المباريات نرد ارباعه، ولا كأنه استوى شي.



ما فـيــــكم صـــبـــر ... قــلـتكم بعدنـي مـا خلصت !!.

[عميراوي]

دشيت بالنص


اخرب الموضوووع شوي



خخخخخخخخخخخخخ


بس الموضووووع حلووو




عميراوي
متابع للموضوووع

[ولهانة زايد]

السلام عليكم ورحمة الله وبركاته

يوميات أم صويلح (3)
(روح رياضية)

الأحد، 04-01-2009

http://www.alittihad.ae/assets/images/Sports/2009/01/07/260x195/23a-na-61962.jpg



فطوم (زوجة صالح): إلحقي خالتي .. هاي "زلوخ" مطرشتلج مسج.

أم صويلح: يلي ما تستحين عويهج .. شو بعد "زلوخ"؟ أصغر عيالج هي! حرمة عاقلة اشكبرها تقوليلها "زلوخ" .. قولي خالتي "زليخة".

فطوم: زين لا تعصبين،، الحين بتغيرين رايج فيها يوم تقرين المسج.

أم صويلح: وإنتي أصلا ليش تفتحين تليفوني .. ما تقولين هالأشياء اعتداء على الحرية الشخصية!

فطوم: زين خلاص،، آخر مرة، بس بقراه لج، وعقب ما بلمس تلفونج.

أم صويلح: قولي يا "فطوم" .. تقلقلت ضلوعج.

فطوم (بصوت عالي): "اصرخ بعالي الصوت والعلانية .. الكورة خليجية أو حتى اسبانية .. لو تفكر وتاخذ الأمور بعقلانية .. مهما يصير ترا البطولة عمانية".

أم صويلح: ينت "زلوخ" .. أكييييد استخفت!!

فطوم: عييييب خالتي .. ما يصير جي، شو بعد "زلوخ"؟ أصغر عيالج هي! حرمة عاقلة اشكبرها تقوليلها "زلوخ" .. قولي خالتي "زليخة".

أم صويلح: قومي من هني .. قامت قيامتج.

فطوم: أنا ما أدري كيف تحبين الرياضة، وانتي مووووووول ما عندج روح رياضية.

أم صويلح: أنا بلاقيها منج ولا من "زلوخ" ،، أول أمس تغيضني يوم انهم فازوا على منتخبنا لكرة الطائرة ،، صارت "صحار"، هذا وماشي مكان للحريم، وبعد كل شوط تتصل تسمعني أصوات الناس المستانسة، وفي الشوط الأخير ما رديت عليها، قامت طرشت مسج تقولي "إنتي ماعندش روح رياضية".

فطوم: وهاي "أم عبدالله" يت .. ما ضنب ان لها راي غير، وبتقول انج "ما عندج روح رياضية".

أم صويلح: مرحب ملاايين،، هلا "أم عبدالله" حياج الله، شخبارج؟

أم عبدالله (جارة أم صويلح اليمنية): الحمدلله، كل حاجة بخير.

أم صويلح: اشفيج جي ،، مب مرتاحة.

أم عبدالله: يعني ما سمعتي إيش حصل مع منتخبنا اليمني في مطار مسقط، تأخروا الجماعة أكثر من تـــلات ساعات عشان التأشيرة، وزعلوا وكانوا بينسحبوا، ولكن الله سترن لكنهم قالوا: "ستكون المعاملة بالمثل".

أم صويلح: أفااااااا، شو هالرمسة اللي مالها طعم يا أم عبدالله، لا تصدقين كلام الصحافة، ياحبهم لتضخيم الأمور، ومهما صار، أنا ماصدق إن منبع الكرم العربي يقول أرد بالمثل،هايول عرب، والعرب مب جي عوايدهم .. وبعدين خل عندج روح رياضية.

أم عبدالله: أتمنى أشوف هذي الروح الرياضية في مباراة الكرة معكم.

أم صويلح: أكيد بتشوفينها ،، مو نحن بنفوز عليكم ،، أكيد بتكون روحنا الرياضية عالية... انتي بس قولي آمين.



لااا تعصبون.. بجـالي شوي وبخـلص.. Wait Please

[ولهانة زايد]

السلام عليكم ورحمة الله وبركاته

يوميات أم صويلح (4)
(الحبسي وعجب)

الإثنين، 05-01-2009

http://www.alittihad.ae/assets/images/Sports/2009/01/07/260x195/23a-na-61962.jpg



بي بي: كلـّو تمام ماما .. قهوة سمبوسة، بلاليط، لقيمات، شاي حليب، خبز خمير مال أم عبدالله، وتشيز كيك...

أم صويلح: شو بعد هذا ششييس كيك؟!

بي بي: هذا أوردر مال ''سلامة''.

أم صويلح: ومنو قال أن سلامة بتطالع المباراة ويانا؟

سلامة: أفا يدوو.. يعني ما تبيني!

أم صويلح: مب جي السالفة، لكن كلنا حريم.. أمون وأمول وأم عبدالله، شو بتسوين بيننا؟

سلامة: وليش يعني!! البنات ما يطالعون المباريات؟

أم صويلح: ملسونة مثل أمج، منو بيقدر عليج؟!

سلامة: لا يدوو.. أمي تقول أني مثلج.

أم صويلح: مالت عليج وعلى أمج.

سلامة: زين زن يدوو.. أنتي بس خبريني على أي قناة بتشوفين مباراة عمان والكويت؟

أم صويلح: شو هالسؤال الغبي؟! أكيد بشوفها على الفضائية العمانية.

(الجميع ملتف حول المائدة خلال الشوط الثاني)

أمولة (تشجع الكويت): شوها كله يا أم صويلح، هم يركضون في الملعب ونحن هني نزج!

أمونة (تشجع السعودية): ليش ما تقولين نفسج مسدودة يوم ان المنتخب الكويتي ما ياب جول لحين.

أم صويلح: ما ضن نفسها مسدودة، ما تشوفينها تشهق كل ما الكويتي ''أحمد عجب'' ياخذ الكورة.

أمولة: ما تشوفين عمرج شو تسوين يوم الحبسي يزخ الرميات.. خلني ساكتة أحسن! وبعدين توه وقت عسدة النفس.. توه مخلص الشوط الأول.

أم عبدالله: أكيد ''زلوخ'' زعلانة.. ما أشوفها دقت عليش يا أم صويلح!

أم صويلح: صدقج والله، الحرمة من الظهر في الاستاد، وكل شوي تتصل وتسمعني الحشرة الي عندها، وآخر تلفون ياني منها وهي تنشد مع السلام السلطاني.

أم عبدالله: المفروض كانت شافت المباراة من بيتهم، شوفي الكاميرات كيف تغطي الملعب تماما، 22 كاميرا في الملعب، يعني كل حاجة واضحة في التلفزيون.

ام صويلح: أهاااا.. يعني اليمن يوم بتلعب ما بتسيرين الملعب تطالعين المباراة؟!

أم عبدالله: أنا غير، بعدني صغيرة، ونظري تمام.

أمونة: بدينا الخراط.. أقولج أم صويلح.. دقي على ''زلوخ''.. خلنا نشوف شوو السالفة.. وأقولج بعد.. حطي التليفون على السبيكر.




آخر مرة .. آخر مرة .. تـريوا الأخـيرة بعد :mf_tongue ..

[ولهانة زايد]

السلام عليكم ورحمة الله وبركاته

يوميات أم صويلح (5)

الثلاثاء، 06-01-2009

http://www.alittihad.ae/assets/images/Sports/2009/01/07/260x195/23a-na-61962.jpg



فطوم: هذا اللي بتاخذونه من الكوورة.. الحرمة أمسات بغت تموت.

سلامة: أي حرمة.. أمي.. عن منو ترمسين؟

أم صويلح: أمج ترمس عن ''زليخة'' ربيعتي.. أمسات نتصل موبايلها ما ترد.. وآخر الليل ردت بنتها مريوم وقالت إن ''أمها'' مسكينة ارتفع ضغط دمها.. وطاحت عليهم في الملعب.

فطوم: هييي نعم.. ارتفع (عقبال دم بعض الناس) وكانت شرايينها بتنفجر بسبب الجول اللي دخله الكويتي مساعد في الشبكة العمانية.

أم صويلح: احترمي نفسج.. المباراة انتهت بالتعادل.. ما احتسبوا الجـــول.. انتي شـــــو فهمج!

فطوم: المهم ارتفع ضغطها من الجول.. (اللي ما احتسب) عشان ما تزعلين.. وهذا يا سلامة يا بنتي.. قدر كل العيايز اللي يتابعون الكورة.

أم صويلح: انتي ليس نحيسة.. قومي لفررج بشي وخليج تربين أحين.

سلامة: حرام عليج يدوو.. أمي تسولف وياج.

فطوم: خالتي هدي أعصابج.. بتحتاجينها وايد اليوم.

(بعد المغرب.. أم صويلح وربيعاتها قبل المباراة)

أمونة: عيل وين أم عبدالله؟

أم صويلح: ويييي.. تبغينها تشوف المباراة ويانا.. هذا المستحيل بعينه.

أمولة: ليش عاد؟ أمسات مرتزة بقهوتها والخبز خمير مالها.

أم صويلح: اليوم غير حبيبتي.. اليوم بتلعب اليمن مع الإمارات.

أمونة: وإذا بتلعب اليمن.. شو يعني؟

أم صويلح: أنتم ما تعرفون.. أم عبدالله عصبية.. ومتعصبة واااايد لمنتخبها.. وتدري بعمرها بتغلط.. عشان جي ما يت.

أمونة: تصدقين.. قعدتها حلوة، اتصلي فيها، قوليلها تيي.

(بدأت المباراة)

أم صويلح: تصدقون أم عبدالله ما ترد.

أمونة: أخاف استوى فيها شي؟!

أمولة: يمكن ارتفع ضغطها مثل ''زلوخ''!!

أم صويلح: ما ضني.. هي ما فيها ضغط.. ولا سكر.. ما شالله عليها، صحتها زينة.

أمولة: أكيد يتها سكتة قلبية!

أم صويلح: حرام عليج يا أمولة.. ليش ما تدانيها؟!

أمولة: هذا قبل الله يسلمج.. أحين أنا أموت عليها، والدليل.. قومي بنسير بيتها نتطمن عليها.

أم صويلح: تعرفين لو طريتي الأجوال الثلاث الي يبناهم فيهم.. تراني بزعل عليج.

أمولة: عيل بخبرج... ما بسير.

أم صويلح: بس تعرفين.. مب قادرة أيلس.. ابغي اسير اغايضها.. مب قادرة، روحي الرياضية عالية جدا.. وبعدين النونو ما قصر.



آااخ تكسّرت .. يـاللـه تفضـلوا .. هجـووووم
بالــدوور ومحد يـزااحم الثانـي .. خخخخ







~@(( ولهـانـة زاايــد ))@~

[ولهانة زايد]

يالله .. إن شاء الله يعيبكم ..

وأشوووف تـواصلكم ويـــــاي ..


أريــغـاتـووووو

[عميراوي]

في انتظار الحلقات القاااادمة




شكراااا





عميراوي

[ولهانة زايد]

دشيت بالنص
اخرب الموضوووع شوي
خخخخخخخخخخخخخ
بس الموضووووع حلووو
عميراوي
متابع للموضوووع



عــمـيرااوي ؟؟؟؟

شو هالغلاااااااااااسة ؟؟ جـيه دخلت عليي بالنص:h_mynoon:؟؟

هيء هيء خـربت عليي موضوعيييييي:h_waa:


يبــاااااااااالك خـيـزراااانــة محـنايــه الظاهـر :h_6abakha!!!


=======================================




في انتظار الحلقات القاااادمة

شكراااا

عميراوي



بمـا إنـك من أول المتابعـين .. خــلاااااااااااص بــساااامحــك ...

وثــــكـرا" .. ثــكـرا" ...عالـتـواثــل:rolleyes:

[سيف و يرز]

الصراحة ابدااااااااع جمييييييل لي له مثيييييييييييل


عجييييييييييييييييب


فناااااااااااااااااااااان

نااااااااااااااااايس


تسلمين الموضوع والحلقة الجميلة...

[ولهانة زايد]

الصراحة ابدااااااااع جمييييييل لي له مثيييييييييييل
عجييييييييييييييييب
فناااااااااااااااااااااان
نااااااااااااااااايس
تسلمين الموضوع والحلقة الجميلة...



:oupsss: اخـجــلـتنـي تــواضــعاً:oupsss:
مــــــشاااااااركـتك وااايد تــشـجع ...
مــب بعـض النااس اللي يـدخل ومااا يــشــارك :mf_zap:..

تــثـلم .. تــثـلم .. وخلّـك مــتـابـع :004:...

[غزالة الجبال]

http://alshehi.com/gzala/gzala_03.jpg


....

ما شاء الله

يوميات حلوه ووممتعهـ ...^.*...

ما كملت قرايهـ ..

ان شاء الله بكون متابعهـ دايمهـ لج .^.*

عساج عالقوه عنوني ...





(`'•.¸(` '•. ¸ * ¸.•'´)¸.•'´)
«´¨`.¸.* غزوووووووووووووولة *. ¸.´¨`»
(¸. •'´(¸.•'´ * `'•.¸)`'•.¸ )


http://alshehi.com/gzala/gzala_04.jpg

[غرشوبهـ]

مشكووووووووووووووره الغلا ع المجهوووووووود الطيب

[ولهانة زايد]

مشكووووووووووووووره الغلا ع المجهوووووووود الطيب


تــســلـمين الـغلااااااا ...

وإن شاء الله تكونيـن من متابعي اليـوميات :h_gamzah:..

[سطام بن زيد]

بصرااحة ابداااع



يعني .. ما شا ء الله عندج خياال وااسع


ان شاء الله تتنمى فيج هالموهبة


وتوصلين لطموحااتج

ويا حيكم بأاا

[عنابة]

روووعه الصراحه

انا ما ادش هالقسم وااايد .. وبهااليوميات

ان شاء الله بتواصل ويااج

ابداع

[ولهانة زايد]

بصرااحة ابداااع

يعني .. ما شا ء الله عندج خياال وااسع

ان شاء الله تتنمى فيج هالموهبة >> ولاااا طشة

وتوصلين لطموحااتج >>> آااااااااااامــيــيـــيـــيــن

ويا حيكم بأاا


هههههههههههههههههههههه

بـــن سطاااااااام بـــلااااااك؟؟؟
مــتأكد قريـت الموضوع زيــن؟؟؟
والله زيــيــيــيـــيــيــن لــو أنـا اللـي كاتبه هاليـوميااات :mf_cupidh..
سيــر بـحـلق:h_yalahwy على مقدمة الموضوع ... وبتـعرف منو الكاتبة .. << حتى أنا ما اعرفها ..

هههههههه .. خس الله سوااالفك ...

ويااااااا حــيك بأااا >> عقووولــتك !! خخخ

[سطام بن زيد]

خخخ



ويا حيكم بأاا

[طواش]

ممتاز

وتسلم ايدج


بس لو انقفل الموضوع بيكون افضل للقراءه والمتابعة فقط ( بدون ردود علشان يكون سلسل للموضوع )

المهم

تابعي الموضوع حتى النهاية

ومجهود طيب منج

نحياتي

[ولهانة زايد]

روووعه الصراحه

انا ما ادش هالقسم وااايد .. وبهااليوميات

ان شاء الله بتواصل ويااج

ابداع


حيــاااااااااااااااج الله ::عناابـه:: ويــانــا ...

عيل الحــيـن بتعسـكرين فالقســم .. خخخخخخخ

اشـعـليييييج ... استويتـي رياضية .. ككك

[ولهانة زايد]

ممتاز
وتسلم ايدج
بس لو انقفل الموضوع بيكون افضل للقراءه والمتابعة فقط ( بدون ردود علشان يكون سلسل للموضوع )
المهم
تابعي الموضوع حتى النهاية
ومجهود طيب منج
نحياتي

هممممم ... والله ما دري ....

لأنــي حاااطة فبالـي كل يووم أنزل يووم يـديد فموضووع بـرووحـه ..
عسـب نشـووف مشاركااات وتعليـقاات الأعضــااااء ..

جيـه يعــي ... ككك


و رااايـك ... دليــل اهتمــامك ...

تسـسـسـلم .. ويااا حيــّك ..

[ولهانة زايد]

http://alshehi.com/gzala/gzala_03.jpg
ما شاء الله
يوميات حلوه ووممتعهـ ...^.*...
ما كملت قرايهـ ..
ان شاء الله بكون متابعهـ دايمهـ لج .^.*
عساج عالقوه عنوني ...
(`'•.¸(` '•. ¸ * ¸.•'´)¸.•'´)
«´¨`.¸.* غزوووووووووووووولة *. ¸.´¨`»
(¸. •'´(¸.•'´ * `'•.¸)`'•.¸ )
http://alshehi.com/gzala/gzala_04.jpg

هــــلاا والله غزوووووووووووولة ..

ســووووووورييي .. قبل رديت عليج .. وانقطع النت .. ( ما لحقت أعتمد المشاركة:oupsss:)

ههههههههه

وتســلـمين الغــلا .. تسلمــين ..

وحيااااااااااااااااااااااج ويــا كوكـبة المتــابعـين ...

[الرحبي]

ولهانة زايد بصراحه مافيج حيله

ما شاء الله عليج طبعتي كل هذا !!! بل مب اصابع
لعنبو اصابع والا قلم ماسح ضوئي


بس بأمانه يوميات حلوه ومجهود كبير قمتي فيه وتستاهلي الشكر عليه


تقبلي مروري اخوج الرحبي

[ولهانة زايد]

ولهانة زايد بصراحه مافيج حيله
ما شاء الله عليج طبعتي كل هذا !!! بل مب اصابع
لعنبو اصابع والا قلم ماسح ضوئي

تـــــف .. تـــــف .. تـــــففففف ...
اللــه أكـبر علــيييـك .. اذكــر الله قبل لا تنشـلّ أركااانـي :mf_zap:



بس بأمانه يوميات حلوه ومجهود كبير قمتي فيه وتستاهلي الشكر عليه
تقبلي مروري اخوج الرحبي
تس تس تس تسس .. اخجـلتم تواضـعي:oupsss: ..
وحـيااك الله اخووي .. لا خلاا ولا عدم .. إن شاء الله ..

:004:

[عنابة]

حيــاااااااااااااااج الله ::عناابـه:: ويــانــا ...

عيل الحــيـن بتعسـكرين فالقســم .. خخخخخخخ

اشـعـليييييج ... استويتـي رياضية .. ككك

هههههههههههههههه

الله يقطأش ..

عيل ام صويلح هالعيوز احسن مني خخ

[messaoud28]

تتتسلمي الاخت الكريمة على الفكرة..وعلى استعدادك لاكمالها نتمنى لك حظا سعيدا وموفقة

[شحيه من خورفكان]

و عليج السلام و الرحمة

بداية اشكرج على الحماس و على القصة الحلووة

لكن عندي تعليق على بداية القصة .. (( شخصية إماراتية .. ذات ملامح إماراتية وتراثية .. .. .. .. ..

أوووووووووووه .. شوهالسرد الممـل الخااااااااااايس .. بعيد من أول .. ))

في هالجملة حسيت انج نزلتي من مستوى اللغة العربية لغة القران ،، اعتقد انه من اللازم انج ما تبدين القصة جذا ..

اتمنى انج تتقبلين تعليقي ..

و السموحة .

[رهف]

http://www.imagesforme.com/out.php/i238189_Untitled1.gif
.
•
•
.
حلقات حلوة ما شاء الله
تسلمين ع النقل
.
•
•
.
http://www.imagesforme.com/out.php/i238190_Untitled2.gif

[ولهانة زايد]

و عليج السلام و الرحمة
بداية اشكرج على الحماس و على القصة الحلووة
لكن عندي تعليق على بداية القصة .. (( شخصية إماراتية .. ذات ملامح إماراتية وتراثية .. .. .. .. ..
أوووووووووووه .. شوهالسرد الممـل الخااااااااااايس .. بعيد من أول .. ))
في هالجملة حسيت انج نزلتي من مستوى اللغة العربية لغة القران ،، اعتقد انه من اللازم انج ما تبدين القصة جذا ..
اتمنى انج تتقبلين تعليقي ..
و السموحة .


هــلا شحية من خور فكاان ..

لــغة القرآن مـسـوااه عالــي ومحفـووظ ... وانــا تكـلمت عن الـسرد .. يعني طريقة إلـقائـي .. مب من اللغـة؟؟؟

وإذا في حاال من الأحوال تعليقي غلط .. فـ كاان بـدوون قصد .. ( مع إنــي أشووف تعليقي بعيد عن اللي قلتيـه:h_waa:) ..

مــاعليـه الغلا .. أكــيييييييــد تقبـلت تعليقـج ..

والـسـموووحــة ..

[ولهانة زايد]

:: messaoud28 ::
&
:: رهــــــووفــه ::


تســلــمـوووون .....

[الجارح2003]

خخخخخ

يسلمو عاليوميات الحلوة صراحة

وناااسة

بس كله مباريات ماشي غير

أخوكم الجارح2003