7 -1 اليوم الامبراطوري

[عاشقة جميرا]

سلامي و تحياتي العشقية .معكم عاشقة جميرا اجمل اميرة على وجه المجره ..^__* يا سلام وكأنها بيت شعري ..ليت عبدالمجيد يغنيها .هيهيهيه

اوكي ادخل في الموضوع ..
الوضوع هو ان يوم ميلادي المجيد ..بيكون باجر ..الموفق لـ 7 -1 - 2004
وبما اني اميرة مغروره فلا اعتقد اني سأحصل على هديه او كلمه حلوه !؟ ومن يحب المغرورين!!!!!!!

ولكني احب ان ابلغكم باني سعيده كوني معكم .ومن الغد تبدء اجازتي العشقية ...وسأشتاق لكم
بكون اليوم في المنتدى من هذي اللحظه و حتى 12 من منتصف الليل
(دراكولا هب عاشقة !) ..

المهم حبيت اسلم قبل ان اغيب
عشوقة

[DEMoOoN]

الهديه انشالله بتوصل الساعه 12 إلا


جيكي على برزة الجرافيكس...


تحياتي :mf_scotsm

[عاشقة جميرا]

؟ صدق بتهديني هدية ...
لو اني اخاف منكم يا الشحوح .. تفجروني او شي بس بجيك ..على الجرافيك ..

اعرف اني على طول سيرتي العشقية بمنتدى الشحوح ..كانت لي مخالفات و تاريخ مجيد من الافعال الشريره .. لو انها كانت دفاع عن نفسي العشقية

و لكن اقولك يا ديمون مرسي اوي اوي
وتحياتي

عاشقة جميرا

[الحلوه]

كل عااااااااااااااام وانتي بخير يا عاشقه

وااايد عليج هذه الهديه



بس أخبرج إن المنتدى ما حلوووووووو من دونج



تحياتي لج..............

[عاشقة جميرا]

مرسي يا الحلوه

وفعلا اكتفي بهديتج ..^_^
لاني بالفعل ما كنت اتوقع ان تهديني هل كلمات اللطيفة

تسلمين يا الغاليه
وهلله هلله بالمنتدى :)

ومازلت وياك الى الساعه 12 ^_^ والحين 2 :53 الظهر

جاو

[ذياب]

السلام عليكم

كل عام ونتي بخير ياعاشقة جميرا

والله يجعل ايامج سعيده انشاله



ذياب

[عاشقة جميرا]

مرسي اوي يا ذياب

ويزالك الله خير يا الطيب

و تحياتي
عشوقة

[srmoood]

كل عام ونتي بخير كل عام ونتي بخير كل عام ونتي بخير كل عام ونتي بخير كل عام ونتي بخير

i will miss you

see u

[عاشقة جميرا]

اوه سرمود ......^_^ مرسي ..
على كلامك و تهنئتك لي .. هذي ثاني مره التقي فيك بالمنتدى
تشرفت باقائك

و I will miss you too
حياتي
الاميرة

[شحية البرزه]

إلى امبراطوريه العشق

كل عام وانت بألف خير وصحة وسلامة

لا اطويلي الغيبه ورح افتقدج ما بحصل احد اتناقر وياه

لا تشيلي في خاطرج مني

تراني ما احمل لج إلا كل خير

ذبحتيني من ساعتين ادور لج هذي البطاقة ضيعت وقتي الصراحة حظج وايد حلو

اتمنى تعجبج البطاقة


تحياتي

شحية البرزه




http://www.mjnon.com/e-m.html

[Mr.king]

كل عام وانتي بخير عشوقة

http://www.alshohooh.com/vb/attachment.php?attachmentid=875&stc=1

[شحية البرزه]

شـــرجـــاوي

يل ما تستح على ويهك ليش ما خذ بطاقتي

[بحر الشوق]

مــــــــــــــــــــبروك عــــــــــــشوقه............وعــــــقبال مـــــــــليون سنه

عــــــطينا العنوان على سب إنطرش الهديه

بحر الشوق

[عاشقة جميرا]

والله تسلمين يا شحية البرزه ..فديتج والله ونستيني ..لو اني من شوي كنت واايد واايد زعلانه
بس تسلمين ..لي يا الغاليه ..
وانا بصراحه اقولها ..والله يعلم كم كنت متضايقة من شوي ..بس بمجرد ما شفت بطاقتج وكلماتج الحلوه دمعة عيوني ..من الفرحه يمكن ...

احب اشكرج يا شحية البرزة ..وانا عاشقة اعرف ان قلبج طيب ..يمكن عشوقة شوي شريره ..بس ترى نحن خوات ..وتسلمين لي يا الغاليه ) ....ولو اقول مليون مره شكرا والله ما تكفي ..لانج صدق فرحتيني ..:)
.......

وكلمه اقولها لج ..تصدقين اني بشتاق لج وااااااااااااااااااااااايد ..وبشتاق حتى يوم تعصبين عليه ..حتى لو شو تقولين ..بعد بشتاق لج ..

شكرا يا شرجاوي ..بس الله يهديك حد يسرق عيني عينك .........!!

بحر الشوق مشكوره على تهنئج لي ..يله عشوقه كبرت و استوت عيوز !!
هيهيهي ..بس بعد عيوز متكبره !!شفتي عاد!

وشكرا لكم جميعا
عاشقة جميرا

[راعي شما]

غيابج مؤثر يا عاشقه..اكيد راح نفتقد الأميره

كل عام وانتي بخير

يمكن ما عندي هديه...اعذريني

راعي شما

[almofeker]

الف مبروك - عاشقة جميرا

تستهلين كل الخير واتمنى لك عمر مديد مع كل اللي يعزونك وحبوك

تحياتي لشخصكم الجميل دائما

[الحلوه]

و الله الموقف وايد مؤثر جدا جدا جدا .....

شو أقول ما أعرف ... (بين شحية البرزه و عاشقة جميرا)





بس أحبيت أعرف ليش يا عاشقه ما تتوقع مني ها الكلام؟؟؟؟







تحياتـــــــــــــــــــــــــ الحلوه ــــــــــــــــــــــــــي

[العوسج]

السلام عليكم ورحمة الله وبركاته

كل عام وانتي بالف صحه وخير وعقبال مااشوفج تمشين على عكاز معتوي واتمنالج الخير فحياتج وكل عام وانتي بخير عشوقه .....

الهديه وجودي في هالموضوع ..

الرجاء تقبيليها لانها هديه ثمينه ..
_______________________

وين بتقضين الاجازه يااميرة البرزه ؟؟؟؟؟؟؟؟؟


بس عن التاخير يالعيوز .... اعطيج يومين وبس .. يكفونج ..

العوسج

[عاشقة جميرا]

مسموح يا راعي شما :) تكفيني زيارتك للموضوع و تهنئتك :)

سلامي لك
عشوقة

[عاشقة جميرا]

المفكر ..زميلي و صديقي العزيز ..مرسي اوي لوجودك ..و تهنئتك لي ..بس انته لازم تسلمني الهديه ..وضعك مختلف : هيهيهي !

الحلوه ..تعرفين ليش ما توقعت ..يمكن لانج الصبح كنتي معصبه ..بس الحين لا ^_^ المهم فرحانه بكلامج لي ..

العوسج ..فعلا وجودك اكبر هديه .. ووجود الجميع الي ردوا و الي ما ردوا عليه ..لاني بالاساس احبكم كلكم ..و اعتبر نفسي محظوظه اني من بينكم ..." ولا بعد ادلع !" وان شاء الله اعيش و اشوف عيالك و اشلهم و يزقروني يدوه عاشقة ...^____*

[قاريءالكلمة]

السلام عليكم ورحمة الله وبركاته..

قاريءالكلمة...آخر من يعلم :mf_seehea

كل عام وانتي بخير يا عاشقه شحي..وعقبال مليون سنه...ما أتخيل :mf_turban

أتمنى لج كل التوفيق..وجودج في البرزه له طعم خاص..صح انج مشاكسه نوعا ما..وأكيد ابتعادج عن البرزه راح يؤثر على البرزه....معذوره كل العذر

نشوفج على خير...الهديه امممممم راح توصلج ان شاء الله..

مع تحياتي
قاريءالكلمة

[الزرافي]

السلام عليكم ورحمة الله وبركاته

والله وكبرتي يا عاشقة و صرتي عيوز

وطارت سنة من عمرج

يالله هاي الدنيا شو نسوي بعد والله يرحم ايامنا اللي قضيناها

ويالله شدي حيلج باللي باجي من عمرج وان شا الله تكوني ممن طال عمرهم

وحسن عملهم وبالتوفيق الهي وطبعا ردي هذا مب لأني أأيد أيام الميلاد

وأدري انها خرابيط بس يالله واجب نرد على أميرة البرزة

وأما عن هدية اسمحيلي ما اهدي بنات عيب يعني

[عاشقة جميرا]

مرسي يا قارئ الكلمة ..

والله اشكرك على كلامك ......توني اعرف انك تعتبرني مشاغبة ..
ما عليه بسامحك هل مره :) ..

واعذرني لو سميتك سميد بس انته فعلا سميد
عشوقة

[عاشقة جميرا]

مرسي يا الزرافي ..كلك ذوق والله
واشكرك على كلامك المعبر ..وانا اتمنى كل الخيرلك ..ان شاء الله في المستقبل البعيد ..تشوف " عاشقة " مع عيالها في البرزه

هيهيهي
الله يعينكم !

مرسي اوي
عشوقة

[الإمبراطور]

كل عام وانتي بخير.. وان شاء الله السنين الجايه تكون سرور وافراح.. وعقبال المليون سنه

[شبيه الريح]

http://www.ktaakeet.com/montada/images/smilies/gif_30_12.gif عيد ميلاد سعيد http://www.ktaakeet.com/montada/images/smilies/gif_30_12.gif




http://www.mamarocks.com/group_hoedown_lg_clr.gif


كل عام وانت بالف خير http://www.mamarocks.com/group_hoedown_lg_clr.gif







http://www.mamarocks.com/electric-guitar.gif وعقبال مليوووووووووووووون سنة http://www.mamarocks.com/george-ani.gif






سنه حلوه تمر عليك وهذي روحي بين ايديك

وادعي من الله حبيبي يحفظك من كل عين

[الصيـاد]

.
.
.
السلام عليكم ورحمة الله وبركاته
http://alamuae.org/upload/alam2/saaw.gif
.
.
كل عام وانتي بخير يا عاشقة جميرا
After 7 days
عيد ميلادي لا تنسوا شباب
.
.
http://alamuae.org/upload/alam2/saaaw.gif
مع أطيب التمنيات لكم بالتوفيق
الصيـاد © برزة الشحوح™
.
.
.
.

[شهلة]

كل عام وانتي بخير .. وعقبال المليون ..


وسوري يت متاخرة لاني ما ادخل البرزة وايد تعرفين الامتحانات وارفها ..





شهووولة

[عاشقة جميرا]

مرسي يا الامبراطور ........لا تنسى التاج الي قلت انك بتيبه لي .. خلاص الحين انا كبرت ولازم البس التاج !!!

الصياد ...مرسي اوي اوي على التهنئة ^_______* عيل انته مولود في 14 - 1
هيهيهي انا اكبر منك لازم تسمع كلامي

شهله والله معذوره و تسلمين على التهنئة الحلوه و الرقيقة منج

سلامي للجميع
عشوقة

قايمه من الفجر علشان اشوف البرزه

[عاشقة جميرا]

شكرا يا شبية الريح على الفرقة الموسيقيه
والله استانست عليهم

مشكوررررررررررررررررررررررررررررررررررررررر _^_^ عندي مشاكل في نطق حرف الراء
جاو
عشوقة

[نجمة السهره]

زعلان مني أو علي .. لا شك لي مثلي يلام
لو قصر بحق الذي يهواه لحدود الـــغــرق

يمكن بدر مني غلط .. ما هو على المخطي حرام
لو طالب بدمح الخطا .. طفل يبي يمشي وزلق




ألــــــــــــف مــــــــبروك اختي اميرة البرزه وعقبال مليون سنه...



يالله كل اللي فى البرزه معزوم فى بيتنا اليوم عقب صلاة المغرب ..بوفيه مفتوحه..
.................................................. ........................الدعوة عاااااامه..





تحياتي نجمة السهره...