(القماط) ماوصيكم هالله هالله على عيالكم

[غاية]

(القماط) ماوصيكم هالله هالله على عيالكم


القماط : هوه عباره عن قطعة قماش بيضاء الون ناعمه تصنع من القطن
طولها في حدود المتر تقريبا وتكون مستطيلة الشكل واحيانا
على شكل مثلث .

وهذي عادتنا من الول كانو اهلينا يلفونا (بالقماط ) اي كانو يلفون
الطفل حديث الولاده وتقوم الام بخياط (القماط ) الول بالابره والهدب
أما الحين اليهال مبطرينهم يخذولهم القماط والكندوره طقم أشكال
ولوان ماشالله هذا بعد أذا يقمطونهم.

ليش كانو يلفونا (بالقماط)؟
يقولون الاولين انه القماط يقوي عضلات اليد والريل عند الطفل وبعد
يقولون انه يحافظ على ويهم وعيونهم من التشميخ والتيريح لانه
الطفل مثل ماتعرفون تكون ظفوره طويله.

كيف يستخدمون (القماط)؟
القماط الله يسلمكم تحط الأم القماط لي هيه قطعة القماش تحت
الصبي الطفل بحيث يوصل لين ريوله وتحط يديه على ينبينه يعني
يكون الطفل في وضع مستقيم بحيث مايقدر يحركهن ويلف القماط
حول جسمه بلف اطرافه حول جسمه على بعض وبعدين تربط الخيط
على الطفل بحيث يكون ثابت ولا يتحرك ولا يقدر يفكه بسهوله.

[الملاك الحنون]

السلام عليكم

مشكورة اختي على الموضوع الحلو

بس الحين اعتقد انه محد يعني يستخدم القماط مثل أول الناس تتطورت

وبصراحة في رأيي الخاص أتعذب يوم أشوف طفل يعني بيبي بعده ومحطوط في القماط أحس إنه مكتوم وحركته مقيدة يعني حليله ما يقدر يتحرك ولا يسوي شي

وعن نفسي مستحيل أستخدم القماط مع أطفالي

لأنه تعذيب

تقبلوا رأيي الخاص

تحياتي للجميع

[ابن الامارات]

بصراحة انا اشوف القماط احسن حق الطفل لانه اللي نسمعة ونشوفة ان الطفل

كثير الحركة وما يرقد واذا قمطوه يهدا وينام
ومشكورة يا غاية علي هالمعلومة

[ذياب]

انا أشوف القماط زين لانه يقوي عضلات اليد والريل عند الطفل و يحافظ على ويهم من التشميخ

مشكوره غايه على الموضوع

تحيــــ ذياب ــــاتي

[العوسج]

صدقت ذياب...

القماط زين وهذي من علاعادات والتقاليد والبن ولا الييريه لازم تتقمط من صئرها لاسباب امنيه

واهلي قمطوني يوم كنت صغير بس كنت افج القماط من القوه الزايده اللي فيني وكنت العب واشمخ ويهي وارفع اثقال ..

ايام عجيبه الصراحه...

يسلموووووو على الموضوع

[سواح]

تسلمين أختي غاية علي الموضوع ..

تحياتي

سواح

[بن ماكس]

مشكوره على الموضوع

كل يوم تعالي

[حبيبت الشحي]

هذاك اول يقمطون اليهال
الحينه الحرمه يوم بتقول لها قمطي ولدج عسب يطلع مصطلب
اتقولك ليش ولد الانجليز ما قمطوه وطالع مصطلب احسن من اعيالنا
الله كريم
الي ماله اول ماله تالي
اسميه امهاتنا قمطونا

[خيماويه حبوبه]

هيييييييييهيه اسميه شي القماط والله ايام الصراحه

يالله احتي تسلمين على الموضوع اللي ذكرني بايام الطفوله

[شيخة الشحيات]

مرحبا

والله انا من رايي ان القماط زين حق اليهاليه بس في بعض الامهات يوم يقمطون عيالهم يرصون عليهم رص وانا يغمضني الياهل احس انه متعذب داخل القماط بس هو اخير عشان العظلات وجذا والمفروض من الام ماترص على الياهل رص بالقماط تخف عليه شوي

اسمحولي لاني طولت عليكم بالرمسه



وداعت الله

[غاية]

اشكرك كل من مر على هذا الموضوع والله يعطيكم العافية دوم يا رب ..

بس اخص بالذكر الاخت الملاك الحنون .. واقول لها ان نحن نسمع من يداتنا بانهم يقمطون اليهال علشان ريولهم ما تظهر كرفة عقب.. شو في عيال الانجليز كيف كرف.. عفانا الله واياكم ...


غاية

[بنت لشحووح]

بصرااااحة موضوع حلو ومفيد بالفعل..


وعن نفسي .. إحنا للحين نقمط عيالنا والحمد لله ما في واحد منهم طلع محتاااااااااس ولا في عيب..


ومشكوووووووووورة يا اخت غاية على الموضوع الحلو هذا

[غاية]

اشكرج اختي بنت لشحووح

اختج غاية

[بيشوق]

الصراحه يوم كنت صغير الوالده قمطتني وما قصرت وأنا من المؤيدين للحرمات خاصه الحيور وهل اليبال اللي يقمطن عيالهن من يوم هم صغار الأنه في فايده حق الياهل والله
أخوكم بيشــــــــــوق

[غاية]

اخوي بيشوق تسلم على راييك والله يعطيك العافية على المرور

غاية

[DaRk_ANgLE]

الصراحه القماط شي مهم جدا للطفل يقوي عضلاته ويمنعه من الحركه الزائده
وشي ثاني هذي قطعه القماش الي يلفونها حول بعضها ويكونون دائره مثل التاير مفتوحه بالنصف ومغلوقة الحواف
علشان تساوي الراس ..نسيت الاسم!
اشوف بنات هالايام لا يستخدموون القماط ولا هذي الفي حق الراس ..وكل طفل يطلع راسه متشوه ..يعني متعرج.
وجسمه صعيف..

اوصي كل بنت تشوف هالموضووع انها تستخدم هالاشياء عى الطفل ...ومافي شي اسمه تطور ما تطور ..هالشي في مصلحة طفلكم..

والسمووحه

الركن المعتم

[الصيـاد]

..
..
..
..
السلام عليكم ورحمة الله وبركاته
.
.
.
الصراحه القماط شي مهم جدا للطفل يقوي عضلاته يومنعه من الحركه الزائده
وشي ثاني هذي قطعه القماش الي يلفونها حول بعضها ويكونون دائره مثل التاير مفتوحه بالنصف ومغلوقة الحواف
علشان تساوي الراس ..نسيت الاسم!
اعتقد اسمها (( الكنانة))

.
.
.
تمنياتي لكم بالتوفيق
الصيـاد
..
..
..

[DaRk_ANgLE]

صــــــح لسانك

الكنانه

مهم لتسوية الراس وجعله دائري غير متعرج!