غناتي..سلوشتر [الأرشيف] - برزة الشحوح

مشاهدة النسخة كاملة : غناتي..سلوشتر

غيـث

21-12-2009, 10:49 PM

بسم الله الرحمن الرحيم..

السلام عليكم ورحمة الله وبركاته..

بما أن الأخت غناتي طلبت درس عن السلوشتر.. وعشان نوفي الدرس حقه من الشرح.. مانقدر نخليه من ضمن دروس الدورة..لأنه يباله تفصيل.. والدورة مختصرة نوعا ما تجنبا للأطالة..
فقلت أخصص درس مستقل يقدر الجميع يستفيد منه..والإستفادة الكامله بتكون إن شاء الله بعد متابعتكم للدورة عشان في مصطلحات بسيطة لازم تكونون ملمين فيها..

السلوشتر..أو التعريض الطويل.. تقنية في التصوير تستخدم أساسا لتعويض النقص في الإضاءة .. ويستخدمها المصورون أيضا لإضافة لمسة جمالية على صورهم لجعلها نابضة بالحياة.. وأحيانا لإبراز حركة الكادر المراد تصويره..
بعيد عن المصطلحات المعقدة بشرحها لكم ببساطة..
يوم تضغط على زر التصوير شو تسمع..كليك..صح..
هذا الصوت ناجم عن حركة الغالق..أحيانا تضغط على زر التصوير وخاصة في ظروف الإضاءة المنخفضة يعني الوقت مظلم شوي تسمع أن صوت الكليك تأخر خاصة في الكاميرات البسيطة من نوع صوب وصور واللي يستخدمها أغلبكم..يعني مب كاميرات الأس أل آر..خاصة إذا كان اللي يصور مخلنها على الوضع الأوتوماتيكي..
ويوم تستعرض الصورة في الكمبيوتر تشوفها مهتزة ومافيها وضوح نهائيا خاصة أن أغلبكم مايستخدم الحامل الثلاثي..طيب ليش..!!!!
الجواب بكل بساطة أن الكاميرا تعوض النقص الحاصل في الإضاءة بإستخدام غالق بطيء أو سلو شتر..

فهمنا شو يعني السلو شتر.. طيب كيف أستخدم السلوشتر لإضافة لمسة جمالية على صوري..

هناك أشياء يجب توفرها للحصول على لقطة سلوشتر مميزة..
أول شي الحامل الثلاثي..أو الترايبود..ماعندك لا تتعب نفسك..لأنك لو مااستخدمته بتحصل أفضل صورة مهتزة وغير واضحة المعالم على مستوى العالم..أستويت شاعر..:^^:

http://i732.photobucket.com/albums/ww327/syad12/50/ft666-b.jpg

ثاني شي مايصلح تاخذ هذا النوع من اللقطات في حالات الإضاءة الجيدة ..لكن لا تفقد الأمل هناك حيلة بسيطة تقدر تفوز بواسطتها بلقطة سلو شتر في عز الظهر..بكل بساطة أستخدم فلتر N-D وهذي صورته..

http://i732.photobucket.com/albums/ww327/syad12/50/028f02-1.jpg

للي مايعرف هو عبارة عن غطاء زجاجي قيمة النوعية الجيدة منه ماتتجاوز 200درهم في المحلات الكبرى أو أي محل يبيع مستلزمات التصوير..وشغلته أنه يقلل الإضاءة الداخلة للكاميرا مما يعطيك الحرية لأستخدام سرعة غالق بطيئة نوعا ما..
وتختلف درجاته يعني في الغامق والفاتح شوي ويتقسم كالتالي..2x - 4x - 8x..( من فوائد فلتر الـــN.D آيضا تركيز الألوان - يعني تشوف السماء أكثر زرقة والأشجار أكثر أخضرار..وخاصة للي يصورون الظهر أو في جو الإمارات في الصيف والغبار - نصيحة من القلب لاتفوتونه..واخذوا ( 4x ) وبتشكروني بعدين)
بعد فلتر البولرايزر يقوم بنفس المهمة وإن بدرجة أقل ..ولكن فائدته في تقليل الأنعكاس عن سطح الماء أو الزجاج ( هالفلترين تقريبا لازم يكونون أهم شي في عدتك بعد الكاميرا والعدسات)

http://i732.photobucket.com/albums/ww327/syad12/50/7039imgcache.jpg

ثالث شي في ظروف الإضاءة المتوسطة تقدر تستخدم أصغر فتحة عدسة تسمح فيها عدستك يعني إذا كانت أكبر فتحة عدسة عندك f-2.8 وأصغر فتحة f-22 تخليها f-22 وتخلي الآيزو على أقل قيمة تسمح بها الكاميرا وتعوض النقص بإستخدام السلوشتر..

ماعرفت تضبط.. لا تتعب نفسك.. أختر وضعية أولوية الغالق رمزها TV في الكانون و خل سرعة الغالق 3ث مثلا يعني ثلاث ثواني أو 2ث أو أكثر لو شفت أن مؤشر ضبط الإضاءة مب في النص ..والكاميرا بتضبط الباقي..

http://i732.photobucket.com/albums/ww327/syad12/50/TV2006083115211800.gif

يستخدم السلو شتر لإضافة مظهر حريري يوحي بالحركة للشلالات وأمواج البحر والأودية الناتجة عن هطول الأمطار..

http://i732.photobucket.com/albums/ww327/syad12/50/waterflowslow.jpg

أيضا يستخدم عندما تود أن تظهر حركة جسم ما بإستخدام تقنية الملاحقة (تطويق الحركة ) أو (panning)..

http://i732.photobucket.com/albums/ww327/syad12/50/DSC_0388.jpg

أيضا يستخدم لإضافة لمسة فنية على حركة السحب والنجوم بإستخدام غالق بطيء قد يستمر ساعات..

http://i732.photobucket.com/albums/ww327/syad12/50/MJM_8823.jpg

وهناك أستخدامات أخرى كثيرة نقتصر على ما ذكرناه منها..

أتمنى أكون قدرت أوصل لكم الفكرة..
وأي أستفسار أنا حاضر..

والسموحة على القصور..

امرؤ القيسے

21-12-2009, 11:55 PM

والله الدرس جميل وحلوو

واستمتعت ف قرايته واستفدت الصراااحه الكثير

عندي سؤال لك يا ولد العم ~

بالنسبه للفلاتر انا ما اعرف عنها شي بس خذيت فلتر واحد واحس ما منه فايده

تعرف ليش لانه عادي شفاف ما عليه مخفي ولا لون ~ بشو اقدر استفيد منهـ ؟

والسموحه

امرؤ القيس

غيـث

22-12-2009, 12:19 AM

حياك بن عمي..

بالنسبة للفلاتر مثل ما قلت في الشرح..

أهم فلترين لازم يكونون في عدتك .. فلتر الــnd وفلتر الــ بولاريزر ..

الأول يفيدك وايد في تركيز الألوان وإظهار التباين.. والثاني يفيدك في تقليل الأنعكاس من سطح الماء والواجهات الزجاجية للبنايات والمحلات والسيارات حتى..

بالنسبة للفلتر الشفاف اللي عندك مهم جدا.. حيث أنه يقوم بحماية زجاج العدسة من الخدش والكسر ..

كانت عندي عدسة الكانون من 70-200مم تيليفوتو..قيمتها بحدود 7000 وشوية وكنت مركب عليها فلتر الحماية.. وسبحان الله مرة كنت مركب الكاميرا على الترايبود وانشغلت شوي.. وطاحت الكاميرا مع العدسة ..بس الحمد لله أنكسر الفلتر وماصار شي للعدسة.. تخيل لو فلتر الحماية مب مركب عليها شو ممكن يصير..
بعد فايدته يقلل من الأشعة البنفسجية واللي تأثر على العين..

إن شاء الله أكون قدرت أفيدك بشي..

امرؤ القيسے

22-12-2009, 12:36 AM

الله يحيك ~

الصراحه استفيد منك الكثير ~ بالنسبه للفلترين المهمين باخذ وبجربهم ~

والشفاف للحمايه زين خبرتني توني ركبته على العدسه ككك ~

مشكور وما قصرت ~ وربي يحفظك ~

امرؤ

•●Ł7n๑ДŁm6r●•

22-12-2009, 12:56 AM

♥
♥
♥
♥

مشرفنا الفاضل / غيث ..^_^

ما شاء الله عليك ..
دكتور تصوير..
و الصراحة استفدنا منك..
يبالنا نشتري كيمرا مال المحترفين شراتكم ...
بس مب احين ..
لما افضي ان شاء الله
^_^

و الله يعطيك العافية..♥
♥
♥
♥
♥

غيـث

22-12-2009, 01:35 PM

الله يحيك ~

الصراحه استفيد منك الكثير ~ بالنسبه للفلترين المهمين باخذ وبجربهم ~

والشفاف للحمايه زين خبرتني توني ركبته على العدسه ككك ~

مشكور وما قصرت ~ وربي يحفظك ~

امرؤ

بالتوفيق إن شاء الله بن عمي..

غيـث

22-12-2009, 01:37 PM

•●Ł7n๑ДŁm6r●•

مشكورة أختي على الكلام الطيب..وحسن الظن..

إن شاء الله تتوفقين في كاميرا زينه..:)

الله يعافيج..

رهف

22-12-2009, 09:55 PM

http://www.imagesforme.com/out.php/i238189_Untitled1.gif
.
•
•
.
اهااا
الحين عرفت ليش صورك الاخيره غلب عليها الطابع الحرير *.~

بيني وبينك قلت بنفسي .. هاا بعد قام يلعب بصوره بالفوتوشب واايد شرات غيره ... افاا بس افاا .. خخخخ بس ما حبيت اسأل بمواضيعك خخخ

بس اشوف غناتي تسأل واايد عن هااا .. قلت بترياا وبشوف شوو بيطلع ..~

شي حلوو وحركة حلوة الصراحه

بس خلني اعرف قبل للازرار الي بالكام الي عندي قبل كلها عقب اشتري هالاضافات وادرب عليها ..*~

تسلم مبدعنا
.
•
•
.
http://www.imagesforme.com/out.php/i238190_Untitled2.gif

»ǾùTlâw«

22-12-2009, 10:07 PM

,

أستاذ أبومحمد
.
الله يعطيك الصحه و العافيه
مساء النور و السرور~
.
درس جميل الصراحه و شرحك للدرس
مفهووم مب معقد نفس الاخرين . و ان شاء
الله بتشوف تطبيق للدرس قريبا . بالتوفيق

غيـث

22-12-2009, 11:50 PM

الرائعة رهف..
منورة الموضوع..

ياصبرج الصراحة.. يعني لين ألحين ماعرفتي لأزرار الكاميرا اللي عندك..
كملت سنه على ماأظن ألحين..
متى ناويه تتعلمين إن شاء الله..

الظاهر أني بنزل درس خاص في الــg9 :)

ومشكورة على المرور..

غيـث

22-12-2009, 11:54 PM

الغالي عبد العزيز..

حياك ..
مساك الله بالخير والعافية..
الحمد لله أن الشرح بسيط ومفهوم..
وأتمنى أني أفدتكم بشي..وأنتوا ماشاء الله عليكم ماعليكم قصور..

إن شاء الله نشوف تطبيقاتكم ..ويسعدني هالشي..
على الأقل أحس أنكم أستوعبتوا الدرس صح..

ولهانة زايد

23-12-2009, 12:16 AM

::: أ. غـــيـــث :::

هاااااااي الدرووس اللي تحس نفهم منها ..

مب اللي فالنت .. نقراها وانصدع .. وعقبها انبطل احلوجنا..!!

خخخخخخخخخ

تسلــم استاذي ع الدرس ..

وان شاء الله نحاوول انطبق فالامطار :yaw: ..

الظاهر أني بنزل درس خاص في الــg9 :)

:mf_w00t2: :mf_w00t2:

نتريااااكـ عيل .. خخخخخخ

غيـث

23-12-2009, 03:49 AM

غنَاتْيـے

23-12-2009, 08:46 AM

رهف

23-12-2009, 05:34 PM

هلا ولهانة..

ضحكتيني..:)

الله يسعد قلبك يارب..

طلعتي من أصحاب الـG9 :)

عموما هذا كاتلوج باللغة العربية لنفس الكاميرا..رفعته لكم على موقع الميديا فير..

أعتقد بيفيدكم أكثر..

http://www.mediafire.com/?dezjrrizimn

بعد ينفع لأصحاب الـG10 مثل أخونا الشحي.. والـG11

تمنياتي لكم بالفائدة..

http://www.imagesforme.com/out.php/i238189_Untitled1.gif
.
•
•
.
ميغسي اوي

الظهر حملت ..
وهو يتحمل انا اشارك بالبرزة ونسيته عقب وسكرت اللاب .. وعقب تذكرته
ويوم رديت بحمله عقب الغداا الصفحة متغربله للحين
يوم اضغط تحميل .. يستوي رفرش للصفحة ولا اكثر من 5 مرات ..!

بصلي المغرب وبجرب
.
•
•
.
http://www.imagesforme.com/out.php/i238190_Untitled2.gif

غيـث

23-12-2009, 11:45 PM

وعَليكمْ السَلامْ ورحمة الله وبركاته . .
صباحكْ خير وسعاده استاذي غيث :ax:

يعطيك العافيه يارب . .
وألف شكر ع الدرس المفيد اللي ان شاءلله الكل يتعلم منه =)

استفدت كثير . .
وأعدك بأنه لي تجربه قريبه بإذن الله . . :122:

panning ضبطت معايه بشكل جيّد تقريباً بنسبة 50 %. .
مثل هالصوره . . شو رايك استاذي :eh_s(6):

http://www.alamuae.com/up/uplong/IMG_3079f212631932834541.jpg

شكراً مره اخرى . . واسمحلي تعبتك . .
لاعدمنا حضورك المميز والمفيد دايماً استاذي :Afkr:

مبدعتنا غناتي..

الله يعافيك ..

إن شاء الله الكل يستفيد..

والعفو ماسويت شي..هذا واجبي طال عمرج..

وفي أنتظار تطبيقج للدرس..

بالنسبة للـــpanning ..

ممتاز..بس لو مطلعة شي ثابت من خلفية الصورة عشان تبين حركة الملاحقة للسكوتر بيكون بيرفكت..

والتوسيط ماخدم الصورة أبد..

كان المفروض تخلين مساحة أكبر جدام السكوتر عشان تكون الصورة مريحة..

عجبني أنك طلعتي المقدمة وهي جزء من الشاطيء..

أنا أدري أنك ناوية تحترفين .. وعندك مقومات الأحتراف على فكرة..

وأدري أنك بتتقبلين كلامي بصدر رحب جدا..

مو معناة هالشي أني كامل وماعندي أخطاء.. أحيانا الأنسان يكسر القواعد في التصوير عشان يخدم الصورة..

حلو نتعلم من بعض..

يعني مب أحط صورة فيها أخطاء تقنية والكل يمدحني..

لأني مابتعلم شي..وبتم على نفس الأخطاء..

صح أن النقد ماينقص من جمال الصورة.. لكن يخدمني كثير في تفادي الأخطاء مستقبلا..

غيـث

23-12-2009, 11:53 PM

هلا بك رهف مرة ثانية..

تدرين توني أنتبهت للمخفي ..:eh_s(6):

أبد والله..مب لعب فوتوشوب..

وأصلا ماأحب أبالغ في التعديل..ولا أحب الصور اللي ينلعب فيها وايد..

كل اللي أسويه في صوري..

تعديل الإضاءة لو ناقصة شوي..وأزيد الحدة .. وتشبع لوني خفيف..وبس..

وقد ماأقدر أحاول أصور صح.. عشان ماأتعب عمري في التعديل..:D:

بالنسبة للكاتلوج حاولي تحملينه ..

بتستفيدين منه وايد..

عشان تطلع صورك حريرية..:h015:

چھٱٳڒ ٱٳݥݩ ٱڷډۇڵہ

24-12-2009, 11:39 AM

مشكوور ع الدرس اخوي

يعطيك ربيي العافية

غنَاتْيـے

24-12-2009, 01:13 PM

حياك الله استاذي . .
يسعد لي أيامك يارب :)

الصوره كانت عشوائية . .
وماكنت حاطه في بالي المعايير اللي ذكرتها واللي استفدت منها . .

واكيد مش بس انا اللي استفيد من ردودك . .
لاي واحد يتابع ممكن ياخذ اشيا تنفعه . .

بالعكس يا بومحمد ملاحظاتك تساعدني وتدفعني لـ تقديم الأفضل . .
لاهانك آدمي . . وان شاءلله محاولتي اليايه احسن . .

شكراً لك مره اخرى . .

غيـث

25-12-2009, 04:28 AM

رعد..
حياك الله أخوي..

تسلم لي والله على مرورك الحلو..

الله يحفظك..

مبدعتنا غناتي..
الله يبارك فيج..
العفو أختي..

وإن شاء الله نوصل مع بعض لمستويات ترضينا أن شاء الله..
الله يوفقج..

ولهانة زايد

25-12-2009, 05:33 AM

هلا ولهانة..

ضحكتيني..:)

الله يسعد قلبك يارب..

طلعتي من أصحاب الـG9 :)

عموما هذا كاتلوج باللغة العربية لنفس الكاميرا..رفعته لكم على موقع الميديا فير..

أعتقد بيفيدكم أكثر..

http://www.mediafire.com/?dezjrrizimn

بعد ينفع لأصحاب الـG10 مثل أخونا الشحي.. والـG11

تمنياتي لكم بالفائدة..

::: أ. غيــث :::

عساها ضحكة داايمه ياارب ..

مشكووور عالكتلووج .. نزلته بنفس اليوم ..

بس نسيت عنه وما شفته للحين :eh_s(6): ..

لا عدمنــــــــــاكـ استاذي :bt:

سحروتـــه

27-12-2009, 07:11 PM

•
♥
•

آڷڛڷآمِ عڷيْـڪمِ ۈرحمِة [آڷڷه] ۈبرڪآته

مرحبا أخوي غيث

ما شاء الله شرح مبسط لدرس سلو شتر

ونحن مب محترفين علشان نطبقها خخخ

لكن لو تطورنا مستقبلاً في التصوير خخخ إن شاء الله نلجأ لدروسك

وربي يعطيك العافيه على الشرح

ويا مرحبا بك..~

•
♥
•

رهف

27-12-2009, 07:29 PM

http://www.imagesforme.com/out.php/i238189_Untitled1.gif
.
•
•
.
الحين تحمل
عندي هالكتالوج

ويتني فتره يلست اطبق وعقب تعرف عاد المشاغل وما اعرف شوو فانشغلت عنه
ان شاء الله امر ع الي ما قريته

ومشكووور بو محمد
.
•
•
.
http://www.imagesforme.com/out.php/i238190_Untitled2.gif