غنَاتْيـے
مُصورَه فُوتُوغرَافيه ♥
- التسجيل
- 1 أغسطس 2005
- رقم العضوية
- 3845
- المشاركات
- 14,841
- مستوى التفاعل
- 4,076
- الجنس
- الإقامة
- بــوظَبيـے . . *~
.
.
♥
.
.
السَلامْ عَليكمْ ورَحمة الله وبـركاته :ax:
مسَاكمْ سكّر زياده يا أعضـاء ويا عضـوات برزَتنا الغاليه . .
لا تخافُون مابتفتكُون من ويهِي هني . .
بعدنِي أحب المطبخ حتى لو أحدر في الـ weekend :eh_s(6):
يمكن الكِل يستغرب من العنوانْ :wnash:
اليوم بنسوي سـويت على شكل بيضْ عيون . . so cute . . مع انّي هب من محبّي البيض أبداً timo
حتى الصغاريه استانسو ع شكله . . وطعمه حلو يا حلوين . .
وبنسوي مشروب ساخن أيضاً ----> كم انتي كبيره يا غناتي hh12
سويت بيض عيُون . . بسمْ الله نِبدا :
مقادير يا قلب العنَا مقادير وش ذَنبي أنا :ml7:
- بسكوت دايجستف . .
- بسكوت شاهي . .
- زبده . .
- كريم كراميل . .
- قشطة . .
- حليب مركز . .
- جبن كيري
أول شـي نسويه نطحن النوعين من البسكوت . .
وبعدين اذوّب زبدة كمية مناسبة واصب الزبده ع البسكوت واخلطهم . .
لين ما احسب البسكوت اتماسك مع بعض . .
اييب قوالب الورق مال الكب كيك وابدا ارص فيهن البسكوت . .
وانا في المطبخ اسمع هزاع يدافن ويدابغ مع اخوانه . .
وعشان اشلّه رأس الفتنه زقرته عسب يساعدني :think:
تراه نفّاع وهب ريح يحب هالسوالف . .
وبهاي الطريقه نكون خلصنا من الطبقة الأولى . .
بعدها في الخلاط أحط علبه كاملة من الحليب المركز . .
و 12 حبة جبن كيري . .
وبدا اترس الأكواب بالخلطه . .
ادخلها الفرن من تحت بس لمدة 15 دقيقه تكفي . .
وفي هالوقت أسوي صفار البيض :3nb:
بنحتاج خاشوقتين كبار قشطة . . و كيس كريم كراميل كامل . .
اخلطهم وبيغدي لونهم برتقالي كِذا :eh_s(6):
بعد ربع ساعه اظهر البيض آآآآآ أقصد الأكواب من الفرن . .
وأبدا احط دائرة صغيره في النص . . تبون تشوفون كيف استوت :a040:
هذا الشكل النهائي ViV
ههههههههههههه حلو صح ؟!
وبالهنا والشافيه . . آ آ آ قصد بالهنا والعافيه :==:
بنسوي مشروب ساخن طعمه إنمّا إيييه . .
يوم وصلتني الطريقه من ربيعتيه كاتبين قهوة التويكس . . انزين ماشي قهوه في الموضوع . .
شغل المحششين هذا انا ماحبه :h015:
- حليب بارد . .
- تويكس حسب الرغبه . .
- ظرف دريم ويب . .
- كريم كراميل . .
مافي أسهل من كذا . .
اخلط كل المقادير بالخلاط . . يعني ع حسب اذا شخص واحد نحط طبعاً كوب حليب . .
وبالنسبه للتويكس احس اصبعين او 3 يكفي للشخص عسب مايظهرواايد حلو ( [mark=#FFCC00]يحزي[/mark] :eh_s(6)
وخلاف افورهن ع النار . .
بـ أقل من عشر دقايق نكون خلصنا هذا الشي اللذيذ . .
:a040:
أتمنى ماقدمته اليوم عيبكم . . والسُموحه ع القصُور . .
ومثل ما اقول لكم دايماً اي سؤال انا حاضره من عيوني الحولة بجاوب timo
فمان الله hh12
.
.
♥
.
.
