• مرحبا ٬ في حال تعتذر تسجيل الدخول ، يرجى عمل استرجاع كلمه المرور هنا

ولــد بوظبي ..

  • بادئ الموضوع A.D
  • تاريخ البدء
  • الردود: الردود 86
  • المشاهدات: المشاهدات 64K

A.D

๑ . . مشرف برزة تــعلــم اللغـــات . . ๑
مشرف
التسجيل
14 يونيو 2009
رقم العضوية
10559
المشاركات
4,552
مستوى التفاعل
1,201
الجنس
الإقامة
بوظبــي
موقف فالمسيد ذكرته

صلآة العشآ ..

كنآ تقريبآ 3 سطور ..

الامآم متوهق في نص السوره يعيد ..( واذآ جآء ..واذآ جآء ..واذآ جآء ..واذآ جآء ..)

وااللي ورآ الامآم على طول منو ..؟؟

انا و5 من الربع ..--> كلنآ مفهيـــــيين ..عيسى يبا يصحح للأمآم قآل --> ( واذآ جآء نصر الله والـ ..) وسكت عرف انه مغلط خخخ

عن نفسي اللي اعرفهآ ( اذآ جآء نصر الله والفتح ) غير جي مآعرف بس هذي في البدايه تكون ..المهم

بو خميس ملل في السطر الثآلث ..

والامآم معلق ( اذآ جآء ..اذآ جآء ..)

بو خميس عصب ..صرخ من ورآ ..يآخي واذآ مآ جآء مو نسويله ؟ نخلي عيآلنآ فالبيت ونجلس هنآ ..؟

خخخخخخخخ استغفر الله ..

ظحكو النآس فالمسيد ..

الشي الغريب .. بو خميس سآر عند الامآم قآله ترآ صلآتي في ذمتك الحين .. محد يصلي ورآكم انتوآ بالوآسطه ومدري شو خخخخ ..وطلع من المسيد

وعدنآ الصلآه .. عقب الامآم صلى صلآة بو خميس بروحه ..

____________________________________________
 

A.D

๑ . . مشرف برزة تــعلــم اللغـــات . . ๑
مشرف
التسجيل
14 يونيو 2009
رقم العضوية
10559
المشاركات
4,552
مستوى التفاعل
1,201
الجنس
الإقامة
بوظبــي
صبآحكم ورد .


اليوم اول f اشوفه في ويهي


كنت متوقع في هالمآده ..اهم شي اني مآتفآجأت ههه كله ولا الصدمآت

كنت اقدر انجح ..الدكتور مريض نفسي ..يحب يشوف حد يترجآه ويمدحه ويجآمله

وانا مآ احفله .. انا خآيس في هالجآمعه خآيس ..يت على هالمآده يعني !!

البآرحه خطفت عليهم في السكن اشوف الكل لآهي والدنيآ هآديه .. وانا وعوآس ندور حد يلعب ورقه:yaw:

واليوم فالامتحآن الشبآب متخوفين وذآبحين اعمآرهم وانا اللي مآدرست خلصت اول وآحد وسلمت الورقه ههه حسيت اني بطل والله

مدري سهل كآن الامتحآن .. الامور فالسستم مثل مآيقولون ...

من البآرحه موآصل :cm: .. دشيت الشقه بآآآرده جو رقآآآد ,,بس ضربني اليوع اتريآ المطعم ايي بآكل وبنخمد

دعوآتكم بالتوفيق ..بآقي امتحآن وآحد وعقب بححححححح للجآمعه


بتبع هوآ قلبي بس مآعلي من النآس ..كذب للي يقولون المحبه لهآ مقيآس > على السآني هالغنيه من بديت الامتحآنآت مدري ليش :ha:
 

A.D

๑ . . مشرف برزة تــعلــم اللغـــات . . ๑
مشرف
التسجيل
14 يونيو 2009
رقم العضوية
10559
المشاركات
4,552
مستوى التفاعل
1,201
الجنس
الإقامة
بوظبــي
ابي أعرف
متى تسكن رياحك
وابي أعرف
غرورك هو متى يطلق سراحك
و ابي أعرف
متى تعصف
متى تعطف
متى تنزف جراحك
و ابي أعرف
إذا باقي في بحرك موج اكسر فيه مجدافي
و ابي أعرف
إذا باقي في همك هم ماشالته أكتافي
و ابي أعرف
إذا باقي في هالدنيا حزن ما مرني و استوطن أطرافي
و ابي أعرف
إذا باقي من المعجز في هالدنيا
سوى العنقاء
و الا الغول
و الا خلك الوافي
بقايا زيف أشواقي
سما أمطار أحداقي
شبية الريح وش باقي ؟!

سنيني يم
و قلبي المركب المتعب و انت الريح
مجاديفي عذاب و هم
و زادي الوجد و التبريح
و صبري صبر بحّارة
بغوا في اليم محّارة
غشاهم موج كان من الغضب أغضب
و كانوا للهلاك أقرب
لولا كثروا التسبيح
شبية الريح
حبيبي الأصدق الأكذب
عجزت اوصل شواطي طبعك الأعذب
تعبت أنطر في وسط العاصفة
قلب و شعور و عاطفة
تعبت أجمع ألم كل الموادع
في المواني و أحضن أطيافك
تعبت السهد في ليل الشوارع
و الثواني تنطر انصافك
تعبت الظلم و اجحافك
شبية الريح
أنا ودي أكدر صفوك العاصف
شبية الريح
أنا كني نسيت إحساسك الجارف
بقايا زيف أشواقي
سما أمطار أحداقي
شبية الريح
كيف أسألك : وش باقي ؟
وأنا الباقي من إحساسي
ذرته الريح


المبدع : الامير عبد الرحمن بن مسآعد
 

A.D

๑ . . مشرف برزة تــعلــم اللغـــات . . ๑
مشرف
التسجيل
14 يونيو 2009
رقم العضوية
10559
المشاركات
4,552
مستوى التفاعل
1,201
الجنس
الإقامة
بوظبــي
حآليآ ..

مودي عآلي ..مودي موآل ..مودي كلآم كبير

_______________________________

نظري الى وجه الحبيب نعيم .. وفرآق من اهوآه علي عظيم

وانا اللذي مآكنت ارحم عآشقآ ..حتى عشقت وانا المرحوم

يآزآرع الريحآن حول خيآمنآ .. لاتزرع الريحآن فـ لست مقيم

______________________________________
 

A.D

๑ . . مشرف برزة تــعلــم اللغـــات . . ๑
مشرف
التسجيل
14 يونيو 2009
رقم العضوية
10559
المشاركات
4,552
مستوى التفاعل
1,201
الجنس
الإقامة
بوظبــي
سآعه ادور مدونتي .. رآحت تحت .. اسفل السآفلين خخ

مبآرك عليكم الشهر .. ينعآد عليكم وانتو بصحه ..

تصومون انشآ الله ..؟

هع

رمضآن هذآ غيير .. تعب حتى الثمآله يآ الاخوآن ..

فوق رآسي بنآ البيت .. مشآوير للبلديه من صبآح الله خير .. البنك .. مكتب استشآره .. شآيل الهم على صغري

غلط من قآل آخر العنقود دلوع ..اكبر غلللط هذآ خخخ

الله يعييني ع مخ البنقآل .. احسس اني بعق وآحد من فوق السطح ..

وعندنآ وآحد صعيدي يشبه القذآفي مسك بنقآلي ..كسررر ويهه عشان زقآره ..بس عيبني الصعيدي يضرب البنقآلي قدآم ربعه ومحد فيهم سوآ شي ..ذييييب ذيييب خخخ

قلت لابوي انت يآيب لي محششين يبنون ؟

بس اليلسه ويآهم فللله والله خخخ ضحك في ضحك .. كنت اقول مآفي حد اغبى مني ..بس طلعو وآيد ..

مآ بآركتوولي خذت اي مآآآآآك

آخر قنبله من شركة آبل ..

لاهي فيه ..ممتآآز جمييل ..جيد ..اخترآع عبقري .. قوي قووي قوي .. بخليه حق قيمز ..

كآن آخر وآحد بآقي فالمحل ..ييت رمست الريآل اللي يبيع قلتله خلاص بآخذه .. شوي وتدخل حرمه .. تقوله ابا هذآ الاي مآك اشوفهآ تأشر بآيدهآ عليه ..قلت ايوآآ يآخوفي يبيعني الزلمه

قآلهآ والله هالريآل يآي يبآ يآخذه ..قآلتله حرآم الله يخليك ابيه هديه لزوجي .. --> حسيت انهآ مسجله فسيدآت الامآرآت خخخخخ

قآلهآ تفآهمي ويآ الريآل يمكن يتنآزل عن الاي مآك ..قآلتلي يآخوي ابيه هديه لزوجي وجي مستعيله عيد ميلاده مدري شو ..ابتسمت ابتسآمه شريره خخ

ووالتفت لهآ قآئلا : ابيه للوآلده خآطرهآ بـ آي مآك .. صدمتهآ هههه بتقول هذآ كم عمره .. وامه كم بيكون عمرهآ تبا اي مآك ..اممي مطوره يآخخيي اهم شي مآشي اي مآك لـ ريلج ..ويو

ورديت البيت حآمللنه بكرتونه ..

ابوي قآلي وش هذآ ؟ قلتله اي مآك .. قآلي انته كم مره تشتري منه هذآ ؟ قلتله لا هذآك اي فون ..قآلي والثآني قلتله اي بود ..قآلي والثآلث ؟ قلتله اي بآد

وهذا اي مآك خخخ في خآطره يقول شهآ الطفل ..
قلتله طولي عمرك ايلس تعآل برآويك التكنلووجيآ الحديثه ..بس ايلس معآي وشوفه .. قردنته .. زحلقته بكم كلمه .. هههه حليله ابوي

لا يطوفكم .. ..حمآس الاي مآك ..

انشآ الله عقب كم يوم بسير ديآر بو متعب .. 3 ايآم عمره عالسرييع وبرجع ..بس اتريآ الضو الاخضر من الشبآب ..

توصون شي ؟

برب بشرب مآي --> اسولف خخ
 

A.D

๑ . . مشرف برزة تــعلــم اللغـــات . . ๑
مشرف
التسجيل
14 يونيو 2009
رقم العضوية
10559
المشاركات
4,552
مستوى التفاعل
1,201
الجنس
الإقامة
بوظبــي
عوده حميده ..

كيف الحآل ..؟

والصحه ..؟

اليوم برشلونه تعآدل مع ميلان ..وقبلهآ لعب وتعآدل ..

وبعدييين يعني ؟

بس استمتع بلمسآتهم ..فديتهم انا

الجآمعه فتحت ابوآبهآ .. وانا رآقد فالبيت .. يالاخوآن مآلي خلق اكمل خخخ

عوآس مرض علينآ ..

نبذه عن عوآس : عوآس صديقي من عمر ال3 سنوآت خخ .. يعني تقريبآ 20 سنه ربآعه .. دخلنآ الدوره مع بعض .. وانطردنآ مع بعض ..

دخلنآ الجآمعه ربآعه اصبح وامسي على ويهه .. غير الطلعآت والسفرآت مع بعض .. اعزه اكثر من اخوآني

صآبه مـــس .. المــس سببله سرطآن ف الكبد .. كيف سببله محد فينآ صدق .. اللي صآر انه اخوآنه اتصلو على اكثر من شيخ في عمآن

وهل عمآن معروفين في السحر والعين والحسد وخبرتهم .. المهم انقآل لي شي صدمني

اخوه يحكيلي السآلفه ..

الله يسلمكم قآل : كل مآ نخبر شيخ بالسآلفه يقول عطوني اسمه الكآمل .. يعطونه الاسم .. يقولهم اخوكم موآصفآته كذآ وكذآ وكذآ ..يدرس في العين ..كآن في السكن ..وعقب حول شقه .. هو وفلان الفلآني ..---> اللي هو انا ..اسأله اقوله الشيخ قآل اسمي ..؟ يقولي هيه قآل اسمك الكآمل .. هسترت انا

قآلولهم انه في مس والمس سببله السرطآن وبهذله

والمس كآن من السكن .. عقب حولنآ شقه وويآه مس ثآني ..

هو الحين هلكآآن حييل ..مايقدر يتكلم ولا يتحرك ..

الله يعينه ويعيني على هالحآل .. مآ اييني رقآد المود زفت ..


دعوآتكم محتآج دعوآتكم .. والله اني شآرد من الدوآم مآبآ ادخل السكن ولا الشقه فالعين .. كيف بنآم وانا ادري انه المس صآبه من هالسرير اللي عدآلي ..

ادعوله تكفون ..

واوصيكم بالتحصين قبل لا تطلعون من البيت .. العين مشكله .. العين حق ..

واي حد في سكن الجآمعه يشغل قرآن دوم ويقرآ ويحصن عمره ..يمكن انا بالوصف هذآ ماآ اوصل ..سكنآت الجآمعه انا كليت منهآ تبن كنت اشوف الويل .. بس الحمد لله حولت السكن ..وارتحت ..

المهم لاتنسون دعوآتكم .. الدعآء يرد القضآء

فمآن الله
 

A.D

๑ . . مشرف برزة تــعلــم اللغـــات . . ๑
مشرف
التسجيل
14 يونيو 2009
رقم العضوية
10559
المشاركات
4,552
مستوى التفاعل
1,201
الجنس
الإقامة
بوظبــي
11-11-2011

احم كل عآم وانا بخير

استقبل الهدآيآ لين 2012 خخخ
 

A.D

๑ . . مشرف برزة تــعلــم اللغـــات . . ๑
مشرف
التسجيل
14 يونيو 2009
رقم العضوية
10559
المشاركات
4,552
مستوى التفاعل
1,201
الجنس
الإقامة
بوظبــي
كيف حآلكووم .. واخبآركووم ..==> شييعي انا تشيعت خلاص خخ ..

كيف ترتيب يآ حلوين ؟ ... منو بيدلني ع مكآن يبيع مسدسآت مآآي سنعه

تعبت وانا ادور صآرلي شهريين ..اطول وآحد ع طول ايدي ..

ومن سعره ينعرف انه بينكسر ثآني يوم ..

تكفون اللي عنده خبره يخبرني ..نآآآويلهم على نيه انا هههه

اوه صح برآويكم جديييييدي





سآمآن الشتآآ .. اللللللله يستر

وآثق الخطوه خلك جآهز احس اني بييك اعآني

خخخ



هههه
 

A.D

๑ . . مشرف برزة تــعلــم اللغـــات . . ๑
مشرف
التسجيل
14 يونيو 2009
رقم العضوية
10559
المشاركات
4,552
مستوى التفاعل
1,201
الجنس
الإقامة
بوظبــي
يسلمو للي اسألو عن عوآس ..

مدري وش اقول لكم .. الله كريم .. يكلمنآ وهو يدمع .. مآيقدر يتحرك ..

كله بأيد الله ..اللي خلقه مآ بينسآه ..

وبخصوص اللي فوق خخخ لا سكري ولا فيني مرض الحمدلله زي الحوصآن ع قولة اخوآنآ الفرآعنه
 

A.D

๑ . . مشرف برزة تــعلــم اللغـــات . . ๑
مشرف
التسجيل
14 يونيو 2009
رقم العضوية
10559
المشاركات
4,552
مستوى التفاعل
1,201
الجنس
الإقامة
بوظبــي
عيسى توفى ..

ادعوله ..
 
عودة
أعلى