• مرحبا ٬ في حال تعتذر تسجيل الدخول ، يرجى عمل استرجاع كلمه المرور هنا

فضفضه .. لمـ حب ـحة ..

لمـ حب ـحة

๑ . . عضو . . ๑
التسجيل
4 ديسمبر 2010
رقم العضوية
12965
المشاركات
41
مستوى التفاعل
14
الجنس
الإقامة
العين
[align=center]


بسم الله الرحمن الرحيم



الصلاه والسلام على اشرف
المرسلين سيدنا محمد صلى
الله عليه وسلم .


بدايه خطوتي ستبدا من هنا
من خلال هذه الصفحات
ستبدا لتعبر عن ذاتي وترسم
بالوانها اصناف الذكريات
وقبل ان اخطوا اود ان اعرف
عن نفسي بكلمتين ....

الاسمـ : لمحهـ حب
العمر : ساعات وثواني
المهنه : استاذه في تجبير الكسور
الشخصيه : مزوحيه ، متقلبه المزاج احياناً ، متفاهمه .
[/align]
 

لمـ حب ـحة

๑ . . عضو . . ๑
التسجيل
4 ديسمبر 2010
رقم العضوية
12965
المشاركات
41
مستوى التفاعل
14
الجنس
الإقامة
العين
ملاحظه عابره ....


اولا شكراً على كل من قيمني

بصراحه انا ما توقعت اني راح

اشوف هلاقبال في المنتدى

مندون مجامله منتدى ولله

الحمد نشيط والله ويشجعون

العضو اليديد انه يشترك

ويبدع فعساهم على القوه .
 

لمـ حب ـحة

๑ . . عضو . . ๑
التسجيل
4 ديسمبر 2010
رقم العضوية
12965
المشاركات
41
مستوى التفاعل
14
الجنس
الإقامة
العين


اولا ابي اقول شي طبعا انا ما عرفت هالمنتدى الا من ربيعتيه جورجي

الي انا وياها ما خليننا منتدى الا وانا وهي دشينا عقب ما تسكر منتدانا

الاولي وربي حرام تعبنا بهذاك المنتدى ، وشغلنا فيه شغل وتسكر

وربي حرق جوفي بعد ما كثرت مشاركاتنا ،

عقب لقينا منتداين من بينهم هالمنتدى وشاركنا بلاثنين

نجرب حظنا بصراحه هي مدحت هالمنتدى وهي الي

شجعتني عليه عقب ما مليت وما كان عندي امل القى منتدى

شرات العالم لان المنتديات استوت ممله تكتب الموضوع ويتم شهر

محد معبر الموضوع غير واحد متخطف وعبر عليه عبور السلام .



********************

المهم طبعا ربيعتيه ما ادري شو فيها اليوم

ماده بوز عاد بوزها شبر ما ادري شو ياها

بس ما عليكم انا عارفه اشلون اراضيها

هيه خبيله شراتي تزعل وترضى بسرعه <<< قولوا ما شاء الله لا تصكوها عين :3faree:

على فكره انا الحين يالسه ارمسها وانا اكتب

والحين الحمد الله فكة النونه مالتها وقالتلي

انها معزومه عند بنت خالتها عاد انا ضحكت

عليها دومي اتضارب وياها عسب العزايم

والاكل هم كل مناسبه او حفله يسوون

بوفيه .. عاد انا اناشبها عليه ، اشلون يسوون

بوفيه ولا تعزمني <<< الي يسمعني يقلي ما شايفه خير :^^:

وهي يا ويل حالي تخاف كله ولا اقلها هيه

كله بوفيه واكل وتزطي ولا تذكريني يحليلها

خايفه اصكها عين الحبيبه خايفه على مستقبلها

المهني الا وهو الاكل << مع انها ضعيفه ما يبان عليها هلاكل كله

يمه لو عرفت اني رمست عنها يا ويل حالي

بستوي كباب عيناااوي :050103hm_

طبعا هي حالياً هب وياي بندت سارت تتغدا

من الحينه عسب تفضي بطنها للبوفيه cat:)


ملاحظه :

ان شفتوني ما شاركت اليوم اعرفوا

اني في اول صيخ كباب عند اول مطعم

بالعين ...
 

لمـ حب ـحة

๑ . . عضو . . ๑
التسجيل
4 ديسمبر 2010
رقم العضوية
12965
المشاركات
41
مستوى التفاعل
14
الجنس
الإقامة
العين

شرات كل يوم يمضي يومي عادي واوصل عند نقطه

اليل يوم الكل يبدا يدشوا غرفهم يستعدوا للرقاد

وانا ما اعرف للنوم مكان ، كيف ارقد وقبري

يا ناس مفتوح ، كيف ارقد وعيوني تذوق

النوم وانا ما اعرف ان كان ربي راضي

عني او لا ، اخاف كثير من الغفله اخاف

انسى قبري انسى حسابي انسى وقوفي

بين يده ، اخاف يسالني عن لحظه عشتها

بعيده عن ذكره ، كيف ارقد وعينه سهرانه

انا مب خايفه من الموت انا خايفه اقصر

في حقه خايفه يبعثني وانا على غفله

صدقوني صح ان الكل يحب ربي ،

بس والله اني احبه زود احبه حب

تعشقه فيها عروقي تعشقه فيها

كل جزء مني عشقته ويشهد اني

عشقته ، ما افكر غير فيه سبحانه

ما ابي حد يشغل تفكيري عنه ، هو

ملكني وملك كل شي فيني ، حتى اني

يوم اكون وحدي ابند الغرفه علي

ما ابي حد يحس اني اصلي ما ابي

حد يحس اني اقرا ما ابي حد يعرف

اني عشقته حتى ما يدخل الشيطان

ويقول هاي تنافق ، من زود ما احبه

اتضايج يوم يزعل حد مني او يفهمني

غلط ، ما ابي حد يكرهني ولا يدعي علي

اخاف من الذنب ، ودي الكل يسامحني

دومي افكر اني اكتب رساله لاهلي لخواتي

لربعي خاطري اقلهم اشياء يمكن ما رمت

اقلهم اياها خاطري نكون قلوب بيضه رغم

قسوه الايام خاطري ما نتزاعل لان الدنيا

ما هي غير بضع يوم او كم يوم وما تستاهل

نضيعها بزعل وضيج نضيعها بكره وحقد

نضيعها بقال وقيل ، هالحظات ما راح نحس

فيها الا بعد ما نفارقها يوم نقول يالتنا نرجع

ونذكر ربي ولا نضيع ثانيه بدون ذكره

ولا نضيع ثانيه بكره وزعل وضيج

يا ربي سامحني روحي ماهي بملكي

هي ملكك فعينها على طاعتك وعينها

على محبتك وعينها على الاخلاص لك

ربي ما انا غير انسانه ضعيفه لا تخليني

للشيطان يعذبني لا تخليه يا كريم عنك

يغفلني ،،

استغفر الله العظيم واتوب اليه

استغفر الله العظيم واتوب اليه

استغفر الله العظيم واتوب اليه

ما اعرف صح الي سويته الحين

وكتبته والا غلط وما اعرف صح

اني قلت الي في خاطري والا كان

علي اسكت بس ما قدرت لان اليل

حواني بظلمته والساعه نافستني

بثوانيها مب عارفه صح الي سويته

والا بتنحسب علي نقطه ضدي

ربي اني اشهدك بان كل ما كتبته

ليس رياء ولكن حب لك واشهدك

باني ما فعلته الا من حب العاشقه

للمعشوق وانت سبحانك اعشق

من عشقت فغفرانك ربي ان

ان اخطات والعفو منك سبحانك


سبحانك اللهم وبحمدك اشهد ان لا اله الا انت استغفرك واتوب اليك​
 

لمـ حب ـحة

๑ . . عضو . . ๑
التسجيل
4 ديسمبر 2010
رقم العضوية
12965
المشاركات
41
مستوى التفاعل
14
الجنس
الإقامة
العين



كلمات اعجبتني


عرفت الهوى مذ عرفت هواك....

وأغلقت قلبي عن من سواك

وبت أناديك يامن ترى ....

خفايا القلوب ولسنا نراك

أحبك حبين حب الهوى....

وحــبــــا لأنـك أهل لـذاك

فأماالذى هو حب الهوى ....

فشغلي بذكرك عمن سواك

وأما الذى أنت أهل له ....

فكشفك لي الحجب حتي أراك

فلا الحمد في ذا ولاذاك لي ...

.ولكنلك الحمد في ذا وذاك

وأشتاق إليك شوق النوى ....

وشوقا لقرب الخطا من حماك

فأما الذى هو شوق النوى....

فنار حياتي غدت في ضياك

وأما اشتياقي لقرب الحما....

فما ترى الدموع لطول نواك

فلاالحمد في ذا ولاذاك لي ....

ولكن لك الحمد في ذا وذاك
 
عودة
أعلى