نقاطك السوده قامت تزيد عندي مب باقي الا تكه وتصير صفحتك فحمه ,, بعدها الله يعيينك
وايد تحط علي .. وانا صاابره ..
من كثر ما اصبر عليك الله ينعمني بهاللون بنكي الجميل cat
وايد تقول اني دفشه صدق عقب بتطلع دفاشي بس مب على اي حد عليك
وتحمل :a050:
يا ويلك بكرا من ربّكْ يارامي الرّحمة من قلبكْ
من بعد سنين
أشواق وحنين
سايبني لمين
وانا بحبّكْ ؟
وقف عن تتحسب اهداء هاي اغنيه
بس شو دخلها الحين !!
المهم طوف انت :yaw:
نرجع لمحور حديثنا
خلك مع الحمام والغنم احسن من المناطحه باماكن غير مجديه ..
وبعدين بسألك في شي محيرني
انت شايف حد ويهه عريض ؟؟
حاولت اتخيل انسان ويهه عريض .!!
بليوت مب ويه cat
و احب اقولك ..
يا عايشه ما يهزج ريييييح <-- يعني لا تحاول :mf_farmer
متلعوزه ويى تلفوني النوكياا مخترب .. كل ما ارمس حد فضحني يوشوش الربع شكو فيني ساكنه داخل كهف !!
واعلي صوتي تقولون سيلانيه ترمس بلادها :g_chub:
وفوق كل هذا اقولهم تلفونكم انتو الخربان ومالي يديد ومن اهناك ولا طشه
غبر تلفوني ومضى عليه الدهر ولين الحين متمسكه فيه واشد ازري بكلمه اللي ماله ماضي ماله حاضر لازم اخليه وياي ..
على طول ما شي كاني ماني اشتريت لي تلفون يديد .. n8
بعد ما اشتريت التلفون .. اشوف تلفوين الجديم احترم نفسه واعتدل !!
معقوله الغيره تسوي كل ها هههههههههههههههههههههههههههههه
والحين بقولكم اسرار من اسرار روتيني اليومي ..
لازم بعد الغدى اشرب عصير برتقال فرررش ..
حد يبى ؟؟
يدفع 5 دراهم .. تدرون نفس سعر الكفتيرياا ما غشيتكم بشي .. الود ودي اغلي بس عن الحرام والحلال
انا و اعوذ بالله من كلمة اخاف ربي ..
شكلي بحول وياك الحين ل محاضره دينيه
ولا ما يحتاي ما فيني كل واحد منكم يشيك على ذنوبه ويروح فيها cat
وهييييييييييييييييييييي كيف ما قلت لكم
حدث تاريخي اصبروا خلوني اكتب التاريخ اهني
12/6/2011 يووم الاحد
انهوو لتاريخ منهم لدى عائلة ........................................ واللي هيا عايشه بنتهم
دخلت المطبخ وسوت العشى .. :h_6abakha
تصدقون اصلا من اول امس وانا حاشره البقعه فالبيت اني بسوي عشى :3faree:
وها يى اليوم الموعود ودخلت المطبخ من اوسع ابواابه
بس طلع انماا اييييييييييييه كلت صبعي بس عقب حسيت انه صبعي .. cat
بقولكم سالفه تذكرتها الحين اسميني متت من الضحك بلحظتها وكل ما اتذكرها اضحك ..
انا مطلعه لي رقم يديد قلت بطرش لنص ربيعاتي مسج بقولهم ان هذا رقمي ونصهم اللي مال سوالف وربشه بسوي لهم مقلب وبروحي بدق ..
فـ اتصلت على وحده وغيرت موجة الصوت لوحده لبنانيه ..
وربيعتي المسكينه مصدقه .. :3faree:
قلتها هذا رقم فلانه بنت فلان ( طبعا الاسم مب اسمها اسم اختها على شان تصدق المقلب ) تمت ساكته وبعدها قالت لي هيه
قلتها معاكي mbc لتحقيق الاحلام وانتي الرابحه الخامسه .. cat
:009:
زين ما طلعت لي بالتلفون وباست ريولي وايدي .. وانا حاطها ايدي ع خشمي على شان ما انفجر من الضحك . . خصوصا يوم شفت ردت فعها >> طيره من الفرحه
صدق ضحك
المهم
قلتلها شو كان حلمكم اللي بتتمنو انو يتحقق !! هي ترى ما تعرف بالدنيا تتحرى اختها اللي مسجله .. قالت لي نسيت ذكريني قلتلها انتي كاتبه تربحي مليون درهم نقدا + فيلا الاحلام ويكون ملك اليك ... :a040:
اليوم ما حصلت خنافس اصورهم شكلهم كانو يتغدون :h035:
قمت متاخر ودخلت المطبخ على طول اسوي سلطه للغدى .. وما كنت ناويه اتغدى بس من شفت المشوى ما قدرت اقاوم
وفوقه بالخمس خخخخخخخخ
ومن خلصت غدى قلت ياريتني ما تغديت لاني ابى انقص وزني 5 كيلوا وما شي فايده كل يوم اقول ما باكل وايد من اشوف طبخ امي ما اقدر اقااوم .. فديتها والله .. الله يحفظه ويطول بعمرها ..
ما احب اكل وايد من اكل برع لا مطاعم ولا اكل بيوت جيرانا..... واخواني الشباب سيم مي ..
من بعد هالاكل الدسم والحلوو لازم الواحد يريح ويشوف التلفزيون .. اتم اشوف التلفزيون لين العصر ..
والظهر كله مسلسلات تركيه طالعه ...
والله اشوف هالمسلسلات واستغرب .. تركيا مب دوله مسلمه وكانت معلم اسلامي ..؟؟؟
لبسهم غير فالتوووه على قولتهم :00eek:
بس ليش ؟؟
والبنت تحمل وعقب تشاور الريال تزوجها زين ما تزوجها كيفه قلت بخاطري لو سويت جي ابوي شو بيسوي فيني ؟؟
بعدني افكر فجأه اسمع صوت ابوي يصارخ ع اختي زغت قلت ولا بفكر اصلا شو بيسوي فيني
احسن لي اشوف المسلسل واستغفر cat
والعصر محد تم فالبيت كلهم طلعوا الا انا وابوي .. مجابله ابوي وابوي مجابلني قلت له قم يا الله سرينا برع نحاوط صوب البحر ونمر الجمعيه .. قالي يا الله كم عواش عندي <-- لانه فاضي بس قال هالكلام io:
رحت الجمعيه الحراميه .. وكشفت الهندي اللي يحاسب زايد بالسعر وعصبت عليها خليته يعيد يحسب من اول
ابوي يمسكني من ايدي يقولي بس بس الناس تشوف ويبتسم وما صار شي ...
بس كنت معصبه منه خلص لـ حساب قلت له مره ثانيه اشوفك تسويها براويك شغلك .. :m_mosala7
وبعدها تمشينا صوب البحر .. وقبل لا نرجع البيت كنت اسولف ويى ابوي ..
قالي عن النخل فيه ( شي خاص خخخ ) قالي خل نمر نشوف شرايج ..؟
قلت له زين من زمان ما رحت :h_ttmasha
من وصلنا صدق ضحك ما رمت امشي لابسه كعب ..
امشي شوي شوي وكنت بطيح بعد خخخخ
ما اشوف الا لهنود يشوفوني خخخخخخخخخخخخخخخخخخخخ
ولا ابوي شاخطني يمشي .. وخالني مبتليه بنفسي <-- ما عنده اتيكيت يترك بنت بروحها :h_down:
وبعدها وصلتني هالهديه ..
>> ما البس وايد ساعات الا بالمناسبات بس سبحان الله الهدايا ما توصلني الا ساعات .. <<