ذكرت الود وايام التصابي

[برووق]

☄☄☄☄☄☄☄☄

يا صاحبي لا تزيدني هم
جسمي تعب والفكر حيران

لا فادني خال ن ولا عم
ولا مطوع وسط نجران

✍🏻 علي الشيبه بو خالد


مثلك انا متجرع السم
واحس وسط الصدر نيران

ويزيدني هم على هم
يوم يواعدني ولا يبان

كم صبرت وكم وكم
ع شوفهم لفؤاد عطشان

آهوم مادري وين ماعلم
كني سفينه دون ربان

✍🏻 صالح الحصن الشحي


يا بو حسن لا تشكي الهم
وتصيح ماضي يالخوي كان

لنسان لو يدري و يعلم
عن حادثات وصرف لزمان

ماريت يوف الليل لعتم
فيه اطلبوا رحمه وغفران

✍🏻 راشد بن عمير الشامسي


البارحه دمعي جرى دم
يدفق على الخدين وديان

آشوف بنياني إتهدم
لاتم لا ساس ولا أركان

يوم نطق لي وقال بالفم
انسى المحبه وكنه ماكان

✍🏻 صالح الحصن الشحي

☄☄☄☄☄☄☄☄

__________________

[برووق]

☄☄☄☄☄☄☄☄

وينه إبن مشروم سالم
شاعر جزل يبدع ف لبيات

عساه دوم يكون سالم
ع البال ذكره بكل لوقات

خبروه عوقي قام يآلم
وآنوح نوح الراعبيات

حظي عسم ماهو موالم
يعدل ويقلب سبع قلبات

✍🏻 صالح الحصن الشحي


يالحصن رب الكون عالم
واللي رفع سبع السماوات

الكم قدر وأن قلت سالم
يمكن ترا مشغول أوقات

تشكي الحال وعوق يالم
واضح وعوقك له علامات

ولاكل عشق أيجي موالم
بعض العشق يتلفك بالذات

✍🏻 سالم بن مشروم الكعبي


البارحه في النوم حالم
حلم تعدي سبع ساعات

الرب سبحانه وعالم
بالجهر ولا بالخفيات

أصعد الى الجو بسلالم
واخر من الجو بسهالات

سالتلي مطوع وعالم
بتفسير حلمي والاشارات

قال لي تحبه صار ظالم
ولفراق بانت له علامات

✍🏻صالح الحصن الشحي

☄☄☄☄☄☄☄☄

__________________

[برووق]

☄☄☄☄☄☄☄☄

يوم خلق الله قد نامت
زارني طيفك بلحلامي

النفس عن غيركم صامت
وين يالغايب من أيامي

من سنين النفس بك هامت
ارقبك كني على زامي

ع الفراق النفس ما رامت
الدقايق كنها عامي

✍🏻 صالح الحصن الشحي

☄☄☄☄☄☄☄☄

__________________

[برووق]

☄☄☄☄☄☄☄☄

اشتاق مثل الناس تشتاق
لي قلب لي إحساس مثلك

الناس يالمحبوب أذواق
وانا اعشقك انته مع اهلك

عيني على الردفين والساق
آموت من تمشي ع مهلك

وخدين كنهن شمس لشراق
لي شفتهن آآمووت وأهلك

✍🏻 صالح الحصن الشحي

☄☄☄☄☄☄☄☄

__________________

[برووق]

ياليت عنا حد يسال
أو يفتقدنا يوم غبنا

لكن ما يينا على البال
وانهد صرح كان يبنا

يا قلب لا تطرد ورى اللال
إمن البداية انهيت حبنا

مدام فيها قيل وقال
عن حبكم يازين تبنا

✍🏻صالح عبدالله الحصن الشحي

__________________

[برووق]

☄💫✨💫✨💫✨💫☄

البارحه والناس نيـــــام
اطرى على بالي إمحبوبي

فزيت لنه طيف لحلام
يايب خيال الزين صوبي

تميت كني قابض الزام
خايف على قلبي يذوبي

الشوق خذني صوبه وحام
عاني جدا يالريم الينوبي

ما فادني إمسكن لﻵلام
وكم قلت أنا عنه بتوبي

من كثر شوقي بعض ليام
يركب على راسي هبوبي

الشاعر / صالح عبدالله الحصن الشحي

☄💫✨💫✨💫✨💫☄

__________________

[برووق]

☄☄☄☄☄☄☄☄

عاش يا سلطان سمعني جديدك
الغـــرام وياك عندك له مكـــانه

دوم زاخر بالشعر كامـل رصيدك
صب لي من دلـة الحب ستكانه

✍🏻 *ناصر المقبالي أبو عبدالله*

مرحبا ولاهان يا ناصــر قصيدك
والشعر عندك ترى مرفوع شـانه

والا أنا ف الحـب ما أقدر أفيدك
الغـــرام العــذري مروّح زمــــانه

وش يفيد الليخ دام بعيد صيدك
ووش يفيد الحب لي فيه المهانه

✍🏻 *سلطان_سليمان_العيسائي*

دوم بو سليمان مستانس أحيدك
تزاور المحبوب توصل له مكانه

دق سلفه دام مفتاحه بإيدك
وخل ابومحضار يغني دان دانه

قام حظك يوم محبوبك يرديك
ولا انا والحظ مستلعن لعانه

✍🏻 *صالح الحصن الشحي*

اشهد انه واضح وبارز جديدك
موضح المعنى ووافي به بيانه

مول بو سليمان ما يبرد حديدك
في بريد الشعر متذخر امانه

منتقى حرفه ومتميز فريدك
صف لولو فايق دره وجمانه

✍🏻 *محمد_البادي ابو قصي*

☄☄☄☄☄☄☄☄

__________________

[برووق]

☄☄☄☄☄☄☄☄

الحصن يالذهلي مطوّع
يدرس التاريخ والسيره

وان طروله الزين يتروّع
وباقي ايقصّر كناديره.

✍🏻 ابوخالد


الحصن .. بو خالد اينوع
هوب مثله لي شرا غيره

لو تشوفه شخصن امطوع
بعض وقته يخلفه سيره

✍🏻 راشد بن عمير الشامسي


بو محمد شوفله مطوع
او طبيبن فن تصويره

الحقه مادامه اتروع
لايشوم ويترك الديره


✍🏻 عبدالله الدرعي

المحبه دربها مروع
يتعبك من كثرة الغيره

والحصن يوم انه اطوع
لازم يقصر كناديره

✍🏻 سالم البلوشي


كلكم طحتو ب المطوع
اتركوه ودورو غيره

لا يتم يوم يتصوع
ان زعل يرفع بناديره

✍🏻 ابو ناصراليحيائي


ولعو الدخان متصوع
والشعر بكتب تعابيره

بأجزل الابيات بانوع
تدعي العقال في حيره

كلما يينا بنتطوع
صرتو كالشيطان في الديره

بين لمحيطات ما أبوع
والهوي يضرب مزاميره

غصت ف مصيره ولا اتروع
بين يريوره وهواميره

✍🏻 صالح الحصن الشحي



الحصن بأسلـوبه يـروّع
الفكر بأسبابه ف حـيره

شيخ دين وغادي مطوّع
والهوى يحكم بتكفــيره

وإن طروله طير يتجوّع
طاح مغرم في هوا طيره


✍🏻 سلطان_سليمان_العيسائي

☄☄☄☄☄☄☄☄

__________________

[برووق]

⚡⚡⚡⚡⚡⚡⚡⚡

حَطِّيت قلبي ف المزادي
اعْلنتْ ابِيِعه وارْتاحْ منِّه

ناوي عَليِّه ب النَّفَادي
اشُوفنِي با يُوز ... عنَّه

كل يُوم حَالي في نَكادِي
قُوتِي وشرابي عايفنَّه

شهرين ماذَقت الرَّقادي
أون ونَّه فُوق ... وَنَّه

كِلَّه السَّبب منَّك فؤادي
درب العشق ما تيوز عنَّه

✍🏻الشيخ سعيد محمد الذهلي


م الدمع يريت المدادي
وخطيت من نظمي وفنه

أبيات من قاصي فؤادي
سبة عشق لي متلفنه


واشوفك الذهلي تنادي
بتبيع قلب مالكنه

مثلك انا عايف بلادي
دايم معه حنه ورنه

قلبي ماظنه إيبات هادي
وابياتك الي حركنه

✍🏻صالح عبدالله الحصن الشحي

⚡⚡⚡⚡⚡⚡⚡⚡

__________________

[برووق]

✨✨✨✨ ✨✨✨✨

حد منكم شاف لي الذهلي
ماظهر كم يوم ع الشاشه

شاعر معروف مب سهلي
كنه الا محصل إقماشه

يقضي إموره على مهلي
جوكره يقضي على الباشه

والحصن عايش بلا خلي
ماسي يتقلب على فراشه

✍🏻 صالح الحصن الشحي

⚡⚡⚡⚡⚡⚡⚡⚡

حي لِي يسأل عن الذهلي
ما لمح لِي شي ع الشَّاشَه

حق صالح قمت ب اهلِّي
حي بِهْ وحي مطْراشه

له فرَشْت الورد والفلِّي
وفي وصوله روحي بشَّاشه

وفي غيابي ارجوك تفْطنلِّي
كنت أفكّْ اضرْابه وهواشه

✍🏻 الشيخ سعيد محمد الذهلي

⚡⚡⚡⚡⚡⚡⚡⚡

مرحبا ويا حي لمهلي
ياني وراكض برشاشه

بو محمد قبل لا يصلي
مستوي مصلح ب لهواشه

دوم للصعبات ويحلي
م الشرق للغرب مطراشه

بس قلبه رهيف ويزلي
لي نظر مريم وعواشه

✍🏻 صالح الحصن الشحي

⚡⚡⚡⚡⚡⚡⚡⚡

الْمزن ب السيل ينْهلِّي
وياني الوادي بخرباشه

يا لحصن اشويَّه امْهلِّي
ما بضرب بس برْواشه

كان بوْصلْك وإلا توْصلِّي
المَسْأله كلَّها اطْماشَه

والْغظِي لِي كامل الدِّلِّي
بوْصله حتَّى على شاشه

✍🏻الشيخ سعيد محمد الذهلي

✨✨✨✨ ✨✨✨✨

__________________