شرح برنامج صانع الثيمات مع بعض الملحلقات

السلام عليكم و رحمة الله و بركاته

صبحكم الله بالخير جميعا

المهم

الشحي ما قصر و حط لكم برنامج صانع الثيمات و أنا حبيت أعطيكم نبذه عنه مع البعض الملحقات إلي ممكن تفيدكم




طبعا هذه صورة واجهة البرنامج بعد ما تحملونه على كمبيوتركم << ملاحظة بسيطة مكان صورة واجهة البرزة بيكون فاضي أي رمادي

اول ما تدخلون البرنامج تضغطون على open وعندكم ملف اسمه microforum برفقه لكم صيغته mbm هذا الملف تدخلون عليه و تدعدلون على الصور الموجودة فيه بحيث تكون صيغة الصور المضافة bmp وعلى نفس القياسات الموجودة في البرنامج


فنبدى standby عبارة عن الواجهة فاختاروا الصورة إلي تبون تحطوها فيها و هي عبارة عن ثلاث أجزاء حسب المقاسات المذكورة و الصغية

بعدها menu و اختاروا الصورة إلي تبونها تظهر لما ترحون للقائمة الرئيسة


speed dial و اختاروا الصورة إلي تبونها تظهر في الاتصال السريع


go to نفس الشيء اختاروا الصورة إلي تبونها تظهر في قائمة الذهاب إلي


calender مكان الصورة إلي بتكون في التقويم


clock هو شكل الساعة المربعات الكبيرة تحطون فيها صورة الساعة التناظرية و المستطيلات إلي تحتها تحطون فيها الأرقام من صفر لتسعة و بالألوان إلي تبونها << وايد بياخذ منكم وقت و يباله تركيز شوي

icone اهنية اختاروا صورة للبطارية و صورة للارسال يعني تكون بنفس الشكل المعهود للبطارية و الارسال شيء يكون واضح يعني و تكون بنفس المقاسات
وفي ال icon and mask حطوا صور لأيقونات بشرط تكون بنفس المقاسات و من كل شيء اثتين يعني أول واحد صورة الأيقون و إلي بعده نفس الأيقون لكن بأسود و أبيض


level اختاروا صورة للمستويات باللون إلي ترغبون فيه بحيث لما تعلون أو توطون من الصوت يكون اللون راكب مع لون الصورة الأصلية و حطوا اثنين واحد عادي و واحد أسود و أبيض


في ال separators بالعادة نخليه فاضي و هو لون الفواصل إلي تكون تحت الساعة و في القائمة الرئيسية


وال box اختاروا ألوان المربعات و المستطيلات إلي تضهر في قوائم الاختيار من هذا النوع يعني و لازم تكون بالمقاسات المطلوبة


color اذا عندكم لون محدد اضغطوا مكان المربع الضغير و حطوه أو اضغطوا على capture عسب تختارون لون من إلي موجود في البرنامج


بعد ما تعبون كل المطلوب اضغطوا على make sis فهو بيحول لكم إلي سوتوا لصيغة موضوع يناسب الهاتف المتحرك بعد ما يكتمل الحفظ أضغطوا على save as واحفظوا الملف بصيغة mbm للتعديل عليه مرة ثانية



هذا باختصار شرح البرنامج ومع الممارسة بتتعلمون عليه أكثر

واي سؤال او استفسار أنا حاظر


بارفق لكم أول ملف وهذا إلي ممكن تعدلون عليه

http://www.alshohooh-upload.com/05-2006/shohooh-8_5_2006-1147074114.zip


وهنا اشكال ساعات ممكن تفيدكم

http://www.alshohooh-upload.com/05-2006/shohooh-8_5_2006-1147074348.zip

وهنا بطاريات و ارسال

http://www.alshohooh-upload.com/05-2006/shohooh-8_5_2006-1147074290.zip


طبعا الصور اختاروا أي صورة و حولوهم بالفوتوشوب للصيفة bmp



ان شاء الله يفيدكم شرحي


والسموحة ع القصور ما عرفت أشرح بالصور

رد : شرح برنامج صانع الثيمات مع بعض الملحلقات

نقطة مهمة للمهتم بالموضوع :

ممكن انك تضغط على الصورة إلي في النموذج المرفق بعد ما تفتحها في البرنامج رايت كلك و تحفظها و سوي عليها تعديلات في الفتوشوب من حيث الألوان بيوفر عليك وقت وايد

رد : شرح برنامج صانع الثيمات مع بعض الملحلقات

بارك الله فيك اخوي همتي دمتي على الشرح الوافي



الشحي

رد : شرح برنامج صانع الثيمات مع بعض الملحلقات





يااامرحبااااااااااااااا الساع

احيييك اخوي عالمجهود الطيب والبادره الجميله في شرح
كل ماهو مفيد.. تسلمـ ولد العمـ ربي لاهاانك.. ان شاء الله
يستفيد منه الاعضاء..


دمت بود

^_^





(`'•.¸(` '•. ¸ * ¸.•'´)¸.•'´)
«´¨`.¸.* غزوووووووووووووولة *. ¸.´¨`»
(¸. •'´(¸.•'´ * `'•.¸)`'•.¸ )

رد : شرح برنامج صانع الثيمات مع بعض الملحلقات

السلام عليكم ورحمة الله وبركاته ..

بارك الله فيك اخوي همتي دمتي على الشرح الوافي وما قصرت كفيت ووفيت ..


وانا من يوم البارحة سويت ثيم خاص فيني لكن المشكلة لما اخترت صورة ال Menu واللي هي تكون في واجهة الموبايل .. ما طلعت الصورة بكبر الموابايل يعني تاخذ مساحة مربعة بس ..

وراح أرفق لك صورة الثيم علشان تشوفه بنفسك >>>




هاي الأرقام 123 هي الفواصل اللي انا ما أباها تكون موجودة أنا أبغي الصورة اللي بحطيها تاخذ الحيز كله وتكون كبيرة وعلى كامل الموبايل مثل هذه >>>>




فكيف تصير السالفة هذي ؟؟ ممكن تخبرني اذا كنت تعرف يعني ؟؟ لو سمحت ؟؟:smile:




وما تقصر ..

رد : شرح برنامج صانع الثيمات مع بعض الملحلقات

اختي بنت الشحوح

لازم الصورة تكون على مقاس 176×144
علشان تكون كامله في الواجهه



الشحي

رد : شرح برنامج صانع الثيمات مع بعض الملحلقات

مرحبا اخوي الشحي أشكرك على الرد والأهتمام ..

بس انا سويت اللي قلتلي عليه والنتيجة >>>




يعني بعد مو ماخذة الشاشة كلها لازم يكون فيها فواصل فوق وتحت !!!

وانا هذا اللي ما أباااااااه !!

يمكن البرنامج هذا ما يسوي الصورة كاملة كلها ؟؟!!


والا شو الساااااااالفة ؟؟!!

رد : شرح برنامج صانع الثيمات مع بعض الملحلقات

الشحي

عزالة الجبال

أشكر تواجدكم وردكم الطيب لا هنتوا

واجبنا طال عمركم

رد : شرح برنامج صانع الثيمات مع بعض الملحلقات

بنت لشحوح

بالنسبة لسؤالج عندي طريقة اشتغل عليها يعني ان شاء الله تفيدج

الصورة إلي تبين تحطينها على الواجهة لازم تراعين فيها المقاسات المذكورة فوق واذا كان غير جذيه لازم بتواجهين المشكلة إلي واجهتيها

واذا تبين الصورة كاملة على الواجهة ركزي شوي

الصورة الأصلية خلي عرضها 176 و طولها اجمعي على 144 + 44 + 20

يعني مقاسات الصورة بتكون 176 في 208 اوكي

بعدين افتحي فايل ثاني بمقاس 176 في 44 إلي هو الجزء العلوي كلها هذا بالفوتوشوب

وروحي للصورة الصلية و قصي منها جزء العلوي بحيث يكون بنفس المقاسات و سويله لصق في الفايل إلي فتحتيه

فهمتي علي ؟

وكرري نفس الطريقة للجزء إلي تحت بحيث تكون المقاسات 176 في 20


يعني الصورة الأصلية بتقسمينها لثلاث أجزاء تراعين فيها المقاسات المطلوبة و احفظي كلن على حده

وبعدها حطيها في برنامج الثيم بالترتيب بتكون عندج الصورة متكامله

كل شيء واضح ؟

اتمنى هذا

وأي يسؤال حاضرين


والسموحة منج أختي

رد : شرح برنامج صانع الثيمات مع بعض الملحلقات

شكرااااااااااااااا