يقول الشاعر \
يا قبر قلي عن زمان الاقامه
كم عام يقدر ينتفل منك راعيك
ودي توضح لي شروط السلامه
من ضمتك من ظلمتك من بلاويك
رد القير \
يا ذيب من ينشد يثمن كلامه
راجع خطياتك وراجع حسانيك
تبقى بجوفي لين يوم القيامة
محدن يجي عندك ولا يتصل فيك
رد الشاعر \
وان كانت الاعمال خامه و خامه
منها ذهب صافي ومنها سراميك
ممكن تفيد المعذره و الندامه
بعد نزولي بالكفن في ضواحيك
رد القبر\
فوقك ليا جات النصايب علامه
ثنتين توضع عند راسك ورجليك
ما عاد ينفعك العتب و الملامه
من حين روحك ترتفع عند باريك
رد الشاعر \
يا قبر ما دورت منك الكرامه
ارجوا عفو ربي ولاني براحتك
اللي بديه الامر ماسك زمامه
رب الملوك ورب كل المماليك
رد القبر \
يا ذيب في هذا التحدي غشامه
بلا عمل ما هو مناسب تحديك
اوصيك عهد الله صون التزامه
مني ومن بعدي من النار ينجيك
رد الشاعر \
يا قبر زوت المخاوف جسامه
زدني نصايح نافعه قبل ما جيك
اخاف اجي لك فوق ظهري غرامه
وتسديدها ما يقبل الدفع بالشيك
رد القبر\
اقرأ كتاب الله وافهم نظامه
تلقى الذي يعني لغيرك ويعنيك
واختار ما يعنيك وامسك خطامه
ما دمت حي خطام الاعمال بيديك ....