• مرحبا ٬ في حال تعتذر تسجيل الدخول ، يرجى عمل استرجاع كلمه المرور هنا

ɱẏ Ṑώѝ ῴṓƦḺԀ

رآعي العوآيد

๑ . . شخصية هامة . . ๑
التسجيل
10 مارس 2010
رقم العضوية
11715
المشاركات
1,868
مستوى التفاعل
1,642
الجنس
الإقامة
КҺαśαβ
صباحكم آخر جمعه فـ هالشهر الكريم :(



للحين ما ياني رقاد .. قلت بواصل إلين صلاة الجمعه
واذا ما قدرت برقد وبحط اكثر من منبه غير اني لازم اخبر حد يوعيني -.-"
اخاف تفوتني الصلاه ..


\

وش فيهم ربعنا كلما طرينا فلسطين والاقصى سكتوني!
كني طاري لهم ملك الموت @_@"
احين انا فـ خاطري حكي وااااااااااااايد
بكتبه بدفتري الخاص وبقفل عليه ^^
ما فينا بعد , يقطونا ورا الشمس -.-"

\

وبعد . .
ابا ازور يدتي :(
اذا نهيت لها راك عقب المغرب بصلي هناك العشا
واخاف يفوتني القيام , وما تسدني ساعه < بيلستي وياها ^^
بنشوف كيف الترتيب
انا كل يوم اقول ان شاء الله بروح لهاا , وما اروح -.-"

\

خاطري عقب العيد . .
اطلع رحلة اغير فيها جو قبل بدايه الدوام
وبالمره تكون رحلة تصوير :)
فـ مادري انهي النخل ولا اليبل ولا البحر < وايد عليك خخ :p

\

ومابقى على الشهر إلا ايام معدوده :(
عسى الله يتقبل منا ومنكم صالح الاعمال
وعسى الله يعيد عليناا وعلى امة محمد عليه الصلاة والسلام
الشهر الكريم :)


اممم

بقلكم من احين :

كـل عــام وإنتم بـألف خير
بمناسبة قرب عيد الفطر

مادري يمكن ما احدر المنتدى هالكم يوم ^^"
لاني للحين ما خلصت شغل العيد وغيره من الاشغال


همسه لـ اصحاب المدونات :
انـا متابع لـ مدوناتكم بصمت
واكيد اغلبهاا تعجبني ..
السموحه منكم على القصور
^_^




\


اللهم انك عفو كريم تحب العفو فاعفو عنا . .]ْ~


:ax:
 

رآعي العوآيد

๑ . . شخصية هامة . . ๑
التسجيل
10 مارس 2010
رقم العضوية
11715
المشاركات
1,868
مستوى التفاعل
1,642
الجنس
الإقامة
КҺαśαβ
صبـآحكم عيـد < بعده لااه

وطابت جمعتكم < انعيد عيدين ^_*



كـل عـام وإنتوا بخير , إخوتي

وعسـاكم من عواده


.
.

وخلصت ربشة العيد , تقريباً

هالعيد احسه غير مب نفس كل الاعياد

الشي الحلو فيه , ان نحن عايدنا على اللي ما كنا نشوفهم من اهلناا قبل ف العيد

يعني ضربنا خطوط هالمره ^.^ .. والحمدلله

وعن يدتي الله يحفظهاا . .

نهيت لها بعدما وصلتني رسالتها من 4 اشخاص انها تتشره مني وايد .. كانت مريضه :\

اول ما وصلت عندها دمعت عينهاا :( .. وعرفت اني حفيدها المفضل هع هع ^.^

ويلست وياها وخذيت علومهاا . . وكان عمي محمد ويانا . . ويدتي تبا ترمس حرمته

هو عنده آي فون . . واتصل وعط يدتي التلفون ..

يدتي تمت اطاااااالع . . تقول ها فوق ولا تحت خخخ

تقول فوق نفس تحت ماعرفناا له هههه . . مستغربه من الشكل ^^

وطلعنا من عندها . . وانا بعدني كان خاطري اتم اكثر

يعني 3 شهور ماشفتهاا , واتم وياها نص ساعه < اكيد ما تسد

بس إللي وياي كانوا مستعيلين : عمر اخوي و خالي كريموه و معاذ و احمد ولد خال ابوي . .

همتني يدتي , لما قلنا لهاا بنرجع فيج خصب . . حسيتهاا تحمست للرجعه

وسألت إذا كرسيها المتحرك يسد بالموتر ولا . . همتني صدق صدق . .

ما احيد عندها كرسي متحرك قبل , كانت تمشي ع العكاز مادري شـ سمه -.-"

الله يشفيها ويعافيهاا يااااااا رب

للأسف . . هونت وقالت بترد يوم ربنا بيعافيهاا من الحمه

عمي يقول هاي مب حمه , إنتي متولهه لـ بيتج ^^


وعقب ما طلعناا من عندهاا , نهيناا عيماان وزرناا خالتي . . وتيلسنا عندهم مال ساعتين تقريباً

وريـل خالتي تم يحكي لناا عن خصب قبل < مستوي من اهل خصب هو .. بس هاجر مع المهاجرين قبل الاتحاد ^^

اصلاً محد تم من اهلناا فـ خصب . . إلا نحن وبيت عمتي وبيت عمي بس

وباقي اهلناا كلهم فـ الامارات . . من راااك لييين بوظبي ^^


المهم . .

طلعناا من عندهم . . ونهيناا صوب ستي عيمان بس عسب ناخذ آيسكريم

كانوا يفكرون بالباسكن بس انا خبلت بهم وقلت لهم ناخذ بنك بيري . . احلى

وتميت امدح هالايسكريم لين اقتنعوا وصدق طلع لذييييييييييييذ ^.^

انا خذيت اوريجنال + رمان . . رهيييب ياخوووتي ^^


وانا طالع خطفت ع محل الالكترونيات لي اخذ منه اغراض للكاام . . وشريت هالقطعه الدائريه مادري شـ اسمهاا

تسوي 5 شغلاات تعكس الضوء و و و و مادري شو وفيها قطعه لي تكسر الضوء بعد ..

يعني مثلاً . .يوم اصور بالاضاءه الطبيعيه . . الضوء ياخذ جزء من الشي لي بصوره

فـ هالقطعه [ .. تعبت من الكتابه ماعرف وش وظيفتهاا بالضبط يالربع ..] المهم هالقطعه تعالج هالشي خخخ ^^"

شرح تمام ولا ما تمام ؟ ^_*



ان شاء الله بحط صور من رحلتناا وبحط صورة هالشي لي حشرتكم فيه خخ
فـ مدونتي اليوم او بـاجر متى ما ربنا راد ^^




\

ادري ادري وايدين حاطين ف خاطرهم مني
ما اقدر اقول لهم غير : السموحه . . :angel:
خلوني ارضي ربي و والديني .. وها اهم شي
ورضاكم لاحقين عليه :mf_tongue

خخ سوالف ^_*





[. . اللهم اشف مرضانا ومرضا المسلمين . .
وارحم موتانا وموتى المسلمين برحمتك يا رحمن يا رحيم
. .]





و

كل عام والجميع بـ خيـر


:rose:​
 

رآعي العوآيد

๑ . . شخصية هامة . . ๑
التسجيل
10 مارس 2010
رقم العضوية
11715
المشاركات
1,868
مستوى التفاعل
1,642
الجنس
الإقامة
КҺαśαβ
صبآحكم . .



طالع لي ضرس ملعوزني >< ..

مفتر مادري كيه مسوي -.-" . . مادري هذآ هو ضرس العقل ولا

يعني اذا هذا هو ضرس العقل يعني خلاص بستوي عاقل ؟ < هع

تبون الصدق : احسني شييبت . . بس من المنتديات -.-"

ما تشوفون كيه مقصر ويييد . . ومادري كيه ارتب اموري . . !



\


ربيعي البارحه يحاول معي يباني اسافر وياه تايلند مادري وين

يبا يتعالج مادري من شو . . ويباني اروح وياه -.-"

اقله انا من صغري حاط ف بالي انه هاذيك البلدااان فيها ناس من آكلي لحوم البشر

وسبحان الله للحين لاصقه ف بالي هالفكره خخخ .. ما اداني اروح

يقولون جوهم عجيب وسيول ومادري شو . .

بس انا عن نفسي ما مطمن .. حدي وحدودي الخليج اي خليج انا ماطلعت من عمان والامارات إلا مرتين

المرتين إللي نهيت فيهم العمره وبس س س ^.^

احلى شي صدقوني . .


\


ومخبرتكم عن اختي الصغيره . .

واخيراً .. رضوا يدخلونها المدرسه . . بعدما كملت 10 سنوات وحليلها ^^

بدت دواماتهم الاثنين الماضي . . راحت الاثنين والثلاثاء والاربعاء وينج يا بت !! ..

راقده مب راضيه تروح خخ .. شكلهاا ملت او يمكن تتحرى المدرسه شي ثاني

معطينها واجب .. وانا اشوفها فاهمه عليهم ماشاء الله عليهاا

حتى المدرسه مالها تمدحهاا تقول الحمدلله حالتها احسن شوي عن لي وياها بالصف

عدد طلاب صفهم 6 بس .. وكلهم نفس حالتهاا تقريباً . .


الله يشفيهم ويعافيهم ويكمل بعقولهم




\


من شويات رادين من البحر . .

كنت احاول ويا عمر اخوي , قوم ننهي يا ريال بيدخل عليناا لشتاا ونحن ما سبحنا بالبحر

واشوف الاخ تحرك من مكانه بعد سبات عميق خخ ..

وسحبت وياي ميود ومعاذ كالعاده .. ومهنا الراقد ما يحصل إلا المغرب بس

يعني ما كان ضمن المجموعه .. ^^



\


البارحه يبت النيسان بعد غيابه شهر تقريباً . .

هيه يستوي له شهر اظني .. لانه من اول رمضان مستوي عند عمي

يوم رديت من العمره , يبته وتم عندي يومين اظني . . وعقب رد خذاه عني

إلين البارحه بس رديته , يوم نهيت له كان يشكي لي الحال وهمني :(

وعصبت وخذت المفتاح وحاولت اشغله ف البدايه ما رضى يشتغل

يعني زعله كان كاايد .. وحليله ^^

وراضينااه واليوم وديناه البحر بعد وش يبغي اكثر من كذا

< كني اتكلم عن آدمي

استغفر الله العظيم . . بتخبل انا خخ ><"


\


يوم الاثنين القادم ..

إن الله راد . . كاميرتي بتسافر

البارحه اتصل بي فيصل ولد عمتي < شقيق معاذ

وقال لا تنهي مكان ولا تعطيها لـ حد انا حاجزنها من اليوم

قلت له : تـم ..

ويا لي عسب اعلمه للكاميره . . يقول هاي كبيره عن تنسرق عني

قلت لا بالله . . فلسنا منهاا عياا -.* . . قلت له اتحمل بها كما تتحمل ف عيالك -.*

يقول افاا عليك بس اهم شي زهبهاا يوم الاحد باخذها لني يوم الاثنين بسافر



\


وخلصت اظني . . ^_^

ان جد جديد وانكتب لنا تواجد . .

بنخبركم فيه بعدين إن الله راد



sos3
 

رآعي العوآيد

๑ . . شخصية هامة . . ๑
التسجيل
10 مارس 2010
رقم العضوية
11715
المشاركات
1,868
مستوى التفاعل
1,642
الجنس
الإقامة
КҺαśαβ
صبـآحكم ..


بعد اجتماع يوم الجمعه نهيت لـ يدتي . .
لما دخلت غرفتها وسلمت عليها , ماعرفتني :(
اول مره اشوفها على هالحاله . .
هي من تشوف عيالها مجتمعين
تحاتي خاصه يوم يكون اجتماع طاري خخ

همتني صدق . . عسى الله يشفيهاا . .



\


يقلكم . . اليوم ذكرى ميلاد فتى اليبل
راعي اليرز والسيف . . قائد حركة تحرير الاقصى الشريف < :p
اليوم ذكرى ميلادي لااه .. ^.^
كملت 230 سنه خخخ .. شيبت صدق
حتى شي شعر ابيض براسي :\
المهم كل عام وانا بخير ^.^
ارويكم تهآني الخبل لي بالبيبي ولا مايحتاي ؟

برويكم لي صورتهم بس



من تفجير فجراوي ^^




من عمر اخوي




من قسووم الغآفري ^^




محمد ولد خآلتي


وشي غيرهم بعد . . بس ها لي لحقت عليه



\


اليوم كنت بروح عيمان .. عسب تسجيل مواد
بداا الكووورس . . وبداا الكرااف
بس ربنا ما راد , وتعرقلت بكم شغله
وإن شاء الله بـاجر بعد ما اخلص شغلي لي ف لبلاد
بنهي . . متوكلاً على الله ^.^
وامس بعد يانا ولد عمتي من بوظبي . وحمسني اكثر للدراسه
وغير النصايح والارشادات لي توصلني بـ شكل يومي تقريباً ^.^
والله ولي التوفيق . .



\

عن ولد عمتي لي يانا البارحه
ها ما اشوفه الا ف المناسبات -.-"
زين ما نسى اسمي .. خخ
آخر مره شفته يمكن عيد الفطر العآم المآضي -_-"
وخوانه ما اشوفهم الا ف عرس او ف عزاء @@"
وليد اخوه < ويقولون مغير اسمه لـ هزاع
آخر مره شفته فيها يمكن يوم وفآة يدي الله يرحمه
يعني من 7 اسنين تقريباً ..
انا يوم انهي بيت عمتي , ما احصل حد فيهم
بس عمتي وريـلهاا .. لـ هالدرجه الاشغال
ما تخلنا نشوف اهلناا @@ . .
الله المستعان


\


احين خلوني آخذ لفه فـ الـبـرزه . .

وان جد جديد بخبركم فيه بعدين ان الله رآد



:00100:
 

رآعي العوآيد

๑ . . شخصية هامة . . ๑
التسجيل
10 مارس 2010
رقم العضوية
11715
المشاركات
1,868
مستوى التفاعل
1,642
الجنس
الإقامة
КҺαśαβ
مسـآكم ..



اليوم نهيت الجآمعه وخلصت شغلي ..
وسجلت وتقريباً مستعد للدوام . . والحمدلله


\


يدتي امس كانت امرقده بالمستشفى ومن شفتها
صابني حزن حتى البارحه ما رقدت عدل , محلي اتذكرها
اول مره اشوفها مرقده بالمستشفى , مستوي عندها اغلب سنين عمري
ولا مره شفتها بالمستشفى :( . . واليوم وانا راد من عيمان اسمعهم فـ البيت
يقولون . . انه جآسم ولد عمتي وداهاا الشارجه لـ مستشفى زليخه
يقولون انها تعبت وولد عمتي مدح لهم هالمستشفى .. امي تقول كانت تقول لهم ودوني البيت . .
وهي ما تدري انها مروحه الشارجه . . ويقولون انها ما كلت شي من يومين
وما اطيع تشرب شي .. اليوم بس بالغصب شربوها شوربه وملعقه وحده بس!!
صدق صدق احين هامتني
عسى الله يشفيها ويردها لـ بيتها سالمه ومعافااه . .
.. دعواتكم لها هاذي امي لـ تربيت عندها ..


\

وعن يوم ميلادي
شاكر لكل من قام بالتهنيه فـ هالمناسبه :)
عسى الله لا يحرمني من طيبة قلوبكم اخوتي




\


خآرج النص :

مّاكِلْ جَرّحٍ يّطْيّبْ مِنْ عِذْر عْادِيّ
وُمّاكِلْ غَلّطَه عِذْرّهَا اليّوُمْ مَقْبْوّلْ
 

رآعي العوآيد

๑ . . شخصية هامة . . ๑
التسجيل
10 مارس 2010
رقم العضوية
11715
المشاركات
1,868
مستوى التفاعل
1,642
الجنس
الإقامة
КҺαśαβ
[align=right]صبـآحكم ..


\

من البـارحه وانـا مخبـرنهم انـي ابـا ازور يـدتي ..
وهم مرتبشين ومحطينـاا انا ومعاذ ومهنـا بـ الاحتيـاط
اليـوم الصبح قلت لـ الوالد . . انـا بـروح وبـاخذ ويـاي معـاذ
ومهنـا شكله مـا بيـروح لانه وراه خط لـ مسقط بـاجر ..
قـال زيـن إذا بتـروح مـر على عمـك أحمـد بيـروح ويـاكم
احيـن حـارق تلفونـاتهم ولا واحد يـرد . .
وللحيـن احـاول -.-"


\

يـوم الاحد يبدا دوامنـاا
وانـا اتشـاور ما انهي لانه اول اسبوع قزز -.-"
ماشي دكاتره وماشي طلاب . . ومحد يحضر . .
بعدني اتشاور , يمكن ما احضر لسبووع الاولي بطوله
يقولون المواد لي ماخذنها دسمه .. هالشي لي يخليني اروح بس
اما الاسبوع الاول ما به شي يشجع على الروحه ^^
وربنا كريم وربنا ولي التوفيق


\

اتمنى يدتي تظهر من المستشفى قبل دواماتناا
ابـا اطمن عليها اكثر :(
عسى الله يشفيها ويردها لـ بيتها سالمه معافاه






خآرج النص :

أنـا ادري ان [ البـعد ] لابد لابـد
لابد من يـوم"ن" يجي وبتصدي

خلاص قلها كل شي"ن" وله حد
قلي ترآ صـبري نفذ..ضـقت حـدي
[/align]
 

رآعي العوآيد

๑ . . شخصية هامة . . ๑
التسجيل
10 مارس 2010
رقم العضوية
11715
المشاركات
1,868
مستوى التفاعل
1,642
الجنس
الإقامة
КҺαśαβ
الحمدلله على كل حال

مسـآكم ..


\


يومين زرت يدتي . . والحمدلله البارحه حالتها شوي احسن
حركت ايدينهاا . . وشوي ترد على لي يكلمهاا . .
ويقول الدكتور ان حالة قلبها مستقره . . ويبغي لها راعية وراحة نفسيه و . . .إلخ
قامت تتضايق من هالوايرات لي موصله لها . . إللي فـ خشمها وإللي فـ ايدهاا
نحن نحاول انحسسها ان ما فيها شي عسب نفسيتها ترد شوي
وهي الله يهديها ويطول بعمرها ما اطيع تشرب للحين . .
حتى احسها ضعفت شوي . . الله يعينها ان شاء الله
احتمال بـاجر يرخصونها .. إن شاء الله
واليوم اعمومتي بياخذون لها سرير طبي . . واغراض تحتاجها
لانها ما بترد مثل ما كانت على حسب كلام الدكتور . .
يعني يبالها فترة علاج طبيعي إلين تقدر توقف على ريولها وتمشي
عسى الله يشفيها ويشفي مرضى المسلمين ..



\


اليوم إن شاء الله بروح عيمان
بـاجر اول ايـام الدوام . . -.-" . . واحسني ما لي رغبه بالنهيه
كنت بكنسل وبخلها بـاجر . . لكن نسيبي مويود عندنا وماعنده موتر
البـارحه راد ويـانا لما كنا عند يدتي . . واليوم اجبـاري اوديه عسب دوامه بعد لااه
وإن شاء الله خير .. والله كريم .. دعواتكم لنا بالتوفيق ^.^


\


بخبركم . . بـ سالفه
لكن بيعقوني ورا الشمس خخ ..
يقلكم من كم يوم امطرشين لنـا مسجـات من وزارة القوى العامله
عندكم مقـابلات بتـاريخ 17 \ 9 . . فـ المكان لفلاني الساعه لفلانيه فـ خصب . .
قلنـا زيـن . . ونهينا وترييناا قلنا يمكن تطلع لنـا وظيفه زينه . . بعد لي سووه ذيآبة صحار خخ
50 الف وظيفه مب اشوي خخ . . المهم
يوا ثلاث اشخاص يمثلون ثلاث شركات عندنا فـ خصب .. !
وعرفنا انه ماشي وظايف بالحكومه . . قلنا ماعليه بنشوف شو من وظايف عندهم
انا غسلت ايدي من السالفه لان شغل هالشركات معروف نظامهم نظام الشفتات
ف خفت اخرب على دراستي المهم . . نهيت وسألت شو من وظايف عندكم . .
وكانو موزعين علينا استمارات
واغلبهم كتبوا السبب عدم الرغبه بـ هالوظايف : نرغب بوظايف في القطاع الحكومي
بخبركم بوظايف وحده من الشركات
يقلكم يبون عمال نظافه و مرتب غرف و طباخ و موظف استقبال واحد < هاي الشركه لي مستلمه الفندق ..
ونفس الوظايف تقريباً فـ الشركات الثانيه . .
بذمتكم .. حد بيرضى يشتغل فـ هالشغلات .. !

وعقب لي ما رضوا بـ هالشغلات .. وزعوا لهم اوراق فيها تدريب لـ عدة وظايف



بصراحه . . حسيت ان نحن لازم نكون صوب الهند أو بـاكستان وربعهم . .
نحن دوله خليجيه نحن ؟؟؟ .. خخخخ


استغفر الله العظيم .. اللهم لا اعتراض ..




ان اختفيت اترحموا عليه
ولا ليش اختفي انا شو قلت اصلاً ..
شي صدق مستوي ما ألفت رمسه من عندي :shut:


..[ مجرد فضفضه ]..



نشوفكم على خير إن شاء الله


:sos3:​
 

رآعي العوآيد

๑ . . شخصية هامة . . ๑
التسجيل
10 مارس 2010
رقم العضوية
11715
المشاركات
1,868
مستوى التفاعل
1,642
الجنس
الإقامة
КҺαśαβ
الحمدلله على كل حال

عدنـاا ..



غبت انا لان صارت عندنا حالة وفاة من صوب الوالده
توفت خالتها الله يرحمها ويغمد روحها الجنه . . وعقب اختربت نفسيتي
وعرفت اني ما بسوي شي ان حردت المنتدى وانا معتفس خلقي -.-"
يالس اسأل عمري . . لو انا ما قط شفت خالة امي ولا شفتها . . هل بتحزن عليها ؟
عسى الله يرحمها ويغمد روحها الجنه يـاا رب. . أكبـر خوات يدتي ام امي..
يدتي ام امي ما شفتها انـا , , حتي امي ما تذكرها . . توفت وهي بـالـ20ـات عسى حسب كلام اكبر خالاتي . .
وتذكرت يدي وخالي وحسون ولد عمتي وابراهيم ولد خالتي :(
الله يرحمهم ويرحم موتى المسلمين . .


\

وعن يدتي . .
البـارحه وانـا راد من عيمـان مريت عليهـا مرقده فـ مستشفى راك ..
الحمدلله حالتها احسن عن قبل ,, ترمسنا وكذا . .
بس بعدها احس يبالها راعية اكثر . . عنيده ما تاكل و تشرب ويوم يقولولها اكلي , تقول بسني شبعانه
مع انها مب ماكله شي . . الله يعينها ويشفيها بس وترد بيتها بالسلامه . .

\

وعن الدراسه . .
بدينـاا الحمدلله . . واشوفني متحمس هالكورس اكثر عن كل كورس ^^
وان شاء الله خير . . يقولون الحماس الزايد يخرب هع هع :p
مستوي بطل هالكورس والله يستر ^.^
هالكورس صدق صدق لازم اشد حيلي
ودعواتكم لنا بالتوفيق . . ^_^


\


اليوم اتصل بي ولد عمتي لي مستعير كاميرتي الصبح
وانا كنت غافل . . يسألني عن الكاميره . .
وانا اقول الكوابيس المرعبه وش كان تفسيرها
يقول : كنت ع ظهر الخيل والكام عندي . .
. . وطاحت . . *___*
سويت عمري ما مهتم بسالفة الطيحه وكملت رمستي ويـاه
وااقلبي على حبيبتي كاميرتي :‘(
المهم يقول ما مستوي فيها شي . . والله يستر منه . .
وان شاء الله يرد من السفر بالسلامه وكاميرتي بعد ترد لي سالمه


\


احين رخصوني خلوني انهي
اشوفني مصطل -.- ..

تصبحون على خير اخوتي ^__^


خـآرج النص :

أدري .. انه كل درب وله نهايه
بس انا باقي معك لـ آخر دروبي



::Afkr::
 

رآعي العوآيد

๑ . . شخصية هامة . . ๑
التسجيل
10 مارس 2010
رقم العضوية
11715
المشاركات
1,868
مستوى التفاعل
1,642
الجنس
الإقامة
КҺαśαβ
[align=right]صبـآحكم\مسـآكم آيفون 5 ولا 4s @_@ . .


السالفه إللي شاغله اخوي وحاشرني فيها من البارحه اول ما وصلت البيت
من يومين يالربع نزل الايفوون ليديد وسمووه آيفوون 4 اس .. نسخه مطوره ان صح التعبير من آيفون 4 . .
انا شفت مواصفاته وعجبتني بصراحه . .
واليوم اخوي يوعيني من رقادي . . يقول : عوف .. ستيف جوبز مات .. قلت له : منو ها بعد
يقول هذا لي مسوي الايفون مادري المدير التنفيذي لـ آبل ماذكر شو قال بالضبط ..
المهم حشرني . . @@"

احين . .
نـاخذ آيفون ولا ما نـاخذ ..؟ خخ



\


وعن الدراسه . .
الحمدلله احس امورها طيبه وربنا يكتب لنا التوفيق فـ هالكورس وبقية الكورسات :)
علي امتحان الاسبوع اليـاي . وإللي عقبة علي امتحانين اظني . .
فـ المواد إللي تحدد . . اما بقية المواد بعدهم ما خبرونا متى موعد الامتحان
والله ولي التوفيق ..


\

وعن يدتي . .
الحمدلله ردت بيتهاا بالسلامه . . عسى الله يشفيهاا يا رب
عيالها مرتبين لها غرفتها . . إللي يدخلها يحس انه فـ غرفة خاصه فـ مستشفى
وهي نفسيتها دااااوون من المستشفيات -_-"
بس الحمدلله حالتها تحسنت وترمسنا احين عادي . . بس كله ع السرير ما تقدر تقوم :(
والحمدلله على كل حال ..







اللهم رب الناس أذهب البأس اشفِ مرضانا ومرضى المسلمين
أنت الشافي لا شفاء إلا شفاؤك ، شفاء لا يغادر سقما






.


.

دمتم بحفظ الله

^_^
[/align]
 

رآعي العوآيد

๑ . . شخصية هامة . . ๑
التسجيل
10 مارس 2010
رقم العضوية
11715
المشاركات
1,868
مستوى التفاعل
1,642
الجنس
الإقامة
КҺαśαβ
[align=right]مسـاكم الله بـالخيـر . .


تووه اتصل ولد عمتي. .يطمني ع الكاميره
رد من سريلانكا . . ويقول يمكن ينهي الاردن اربع ايـام
يعني الشغله امطوله حبتين . . لكن الصبر زين
والحمدلله اني ارتحت من قال لي ان الكاميره بخير :)



وعن يدتي . .
اليوم كنت عندهاا . . وشربتهاا ماي بإيديني قلتهاا لازم تبلين ريقج
شربت شوووي بس . . قلت لها : حبوه اذا تبغين اتيين بيتنا خبريني بيي آخذج
تقول بـاجر ان شاء الله بييكم < واعليها :( . . انا الود ودي اتم فـ بيتنا
هي بخير احين الحمدلله .. بس الدكتور يقول طلعوها من هالحاله النفسيه لي صايبتنها
وبترد ان شاء الله شرات قبل واحسن .. عسى الله يشفيها ويشفي مرضانا ومرضى المسلمين


وعن الدراسه
بنهي اذاكر انا احين ^^" . . علي امتحان يوم الاثنين ..
دعواتكم لنا بالتوفيق . .

وعن قلة تواجدي ف البرزة
اسمحولي اسمحولي اسمحولي من خاطركم -.-"
الدراسه شاغله معظم وقتي وجدولي مب عايبني -_-"
وبعد .. ماشي نت بـ غرفتي@@" . بس ان شاءالله ان شاء الله
بحاول احدر بشكل يومي .. اوعدكم بالمحاوله ..::eek:ko::







اللهم لا سهل إلا ما جعلت سهلا
وأنت تجعل الحزن إذا شئت سهلا[/align]
 
عودة
أعلى