• مرحبا ٬ في حال تعتذر تسجيل الدخول ، يرجى عمل استرجاع كلمه المرور هنا

مطــــــــبــــــــخ الــــبرزة ؟؟ تفضلو يالربع

بنت مسندم

๑ . . عضو مجتهد . . ๑
التسجيل
3 سبتمبر 2005
رقم العضوية
3959
المشاركات
895
مستوى التفاعل
27
الجنس
الإقامة
حيث انا
رد: مطــــــــبــــــــخ الــــبرزة ؟؟ تفضلو يالربع

السلام العليكم ورحمه الله ووبركاته


اليوم يبت لكم أكلة ولا ألذ الصراحة طعمها يهبل واظني الاغلبية يعرفها وطبعا ها الاكله ما تصلح غير حق الصيف وبس يعني موسم الرطب .

يلا نبدأ بالوصفة .


عنوان الاكله : نحن نسميها الرنجيلة بس انتوا ما أدري شو اتسمونها

المقادير :

مكوناتها قليلة وهي رطب مستوي كامل يعني ما فيه لون أحمر ولا أصفر + زيت حسب الكمية + طحين هم حسب الكمية يعني تقريبا كوب حق الصحن الواحد

الطريقة

1- اولا تسيرون تيبون من النخلة سلة تعرفون شو السل صح؟؟
2- بعدين تشيلون قشر الرطب بأيدكم طبعا وتنزعون نواة الرطب بالسلة وأذا ما شي عندكم سل شيلوها بأشي له قمة واذا ما حصلتوا بعد مولية تشيلونها بأيدكم
3- عقب تصفون الرطب بشكل دائري على صحن دائري أو كيفكم أي صحن بس أنا أفضل الدائري عشان يكون شكله أحلى .
4 - وبعد ما تخلصون من ها الخطوة تنتقلون للخطوة الي بعدها . تحمصون الطحين لين ما يصير لونه بني وبعدين على طول تصبون عليه الزيت وتخلطوه مع بعض.
5_ وأخيرا صبوا مزيج الطحين والزيت على الرطب . وقدموه على طول أو حطوا في الثلاجة لين يبرد بس ألأصح انكم على طول تقدمونه
ملاحظة :

في طرقة ثانية يسون فيها الرنجلة طرقة العيايز وهي سهله وبسيطة حق الكسولات .الله يسلمكم تيبون الرطب بقشرة وبنواته وتحطونه في الصفرية وتهرسوه بالملعقة وبعدين تصبون عليه الطحين المحمص وعقبها الزيت وتخلطونهم مع بعض ((وطبعا ها ذا كله على النار)) وعقب تحطونه في صحن التقديم
.

بالهنا والعافة عسى بس محد نزل ها الأكله قبلي.

يلا عاد حياكم انا الحين بسير أسوي الرنجبلة يدي قاعد يتنقي لي الرطب عشان اسويها وانا قايلة له بسير أبند الكمبيوتر ورد والظاهر اني رقدت ع الكمبيوتر ((الحين بيذبحني)).


سووها ودعوا لي

بنت مسندم
 
التعديل الأخير:
عودة
أعلى