• مرحبا ٬ في حال تعتذر تسجيل الدخول ، يرجى عمل استرجاع كلمه المرور هنا

مدونتـے كـ(عــآصــۈف آڷشِرآتـے)

الصيـاد

๑ . . نائب المدير العام. . ๑
طاقم الإدارة
التسجيل
28 ديسمبر 2002
رقم العضوية
60
المشاركات
13,018
مستوى التفاعل
10,253
العمر
40
الجنس
الإقامة
Ooحيث أناoO
الموقع الالكتروني
رد: مدونتـے كـ(عــآصــۈف آڷشِرآتـے)


..
..
..
..
السلام عليكم ورحمة الله وبركاتة
.
.
.

اليوم بتاريخ 22-2-2010

كملت سنتان (عامين) من توظفت ولله الحمد
.
.
ان شاء الله اترقى اكثر واكثر ، واكون رئيس القسم بحاله ..ههه


بس هذا الي عندي اليوم
..
..
..
..
 

الصيـاد

๑ . . نائب المدير العام. . ๑
طاقم الإدارة
التسجيل
28 ديسمبر 2002
رقم العضوية
60
المشاركات
13,018
مستوى التفاعل
10,253
العمر
40
الجنس
الإقامة
Ooحيث أناoO
الموقع الالكتروني
رد: مدونتـے كـ(عــآصــۈف آڷشِرآتـے)

بسم الله الرحمن الرحيم

السلام عليكم ورحمة الله وبركاته







من فتره تعلمت شي من فنون التصوير الفوتوغرافي .يطلق عليه سلوشتر
اعوذ بالله من ها الفن !!!



مرتقد فيه رقده ، ما اصدق اصلي المغرب ولا الفجر
الا وتشوفوني مرتز على اي شاطئ انا والكاااااااام .. حتى الوالد مستغرب مني :00eek: يقول شو فيك انته ؟
تطلع وانته سامت وشال معك الكاميرا والقاعده ، وترد متخرس ماي بحر ؟!:012:

أقول له شو اسوي ، الملل وما يفعل .!!





أليكم بعض الصور

اول صوره اليوم بعد صلاة الفجر بشوي .

albarzah-439cafffbd.jpg


وهذه الي تحت قبل البارحه المغرب

albarzah-1364cffe75.jpg


وهذه قديمه (اول يوم اطبق فن السلوشتر)

albarzah-be81e1fa7d.jpg



توجد تطبيقات عديده ، منها بموضوع

صيد الكاميرا

&

[الـشـحي&الصيـاد] و [ Slow Shutter]حصريا






وهذا كل ما في هذه المشاركه .

ولنا لقاء قريب بإذن الله.
 

الصيـاد

๑ . . نائب المدير العام. . ๑
طاقم الإدارة
التسجيل
28 ديسمبر 2002
رقم العضوية
60
المشاركات
13,018
مستوى التفاعل
10,253
العمر
40
الجنس
الإقامة
Ooحيث أناoO
الموقع الالكتروني
رد: مدونتـے كـ(عــآصــۈف آڷشِرآتـے)


:eh_s(6):




تذكرت قصه صارت من فتره بداية عام 2002 بس ما متذكر اي شهر بالضبط،ذكرتني فيها حطام السفينه الي بالصوره .

بختصر القصه ،عشان ما يتملل القارئ .


يوم من الايام كنا ياين من راس الخيمه ومتجهين صوب بخه ، الموسم كان شتاء وبرد وبنفس اليوم كانت ضربة شمال
رياااح شديده جدا جدا .

المهم من طفنا عن الحدود انا عاد لازم اطالع البحر واشوف حالاته .

واشوف اضواء سفينة كانت تقارب الشاطئ .!!!!
بصراحه قلت للي يسوق السياره اوقف الله يخليك شوي ، هذه السفينه غريب أمرها .!!
كيف تقارب الشاطئ واصلا هي معترضه بالبحر بطريقة خاطئه وخطره ، وكانت تسحب وراها مقطوره
محمله بمواد سيراميك يايه من أيران ، مثل هذه السفينه نقول عنها (تـك) وحد يقول (دوبـه)


المهم

وقفنا الا ونلاحظ ان السفينه متعطله .!!!!!! محركها مب قادر يسحب الوزن الي وراه خصوصا ان الريح كانت قويه جدا وخطره ، والرياااح كانت تدفع المقطوره الي ورى السفينه مما يزيد من الثقل على المحرك الى ان ادى الى تلف المحرك بالكامل ، عدا مولد للكهرباء كان يعمل .

كيف الترتيب يا شباب .؟

هذه سفينه ونحن ما نقدر نسوي شي ، لو قارب يمكن نجازف قليلا، فخلونا نتصل للشرطه (العين الساهر والي تخدم الشعب) .


ألو... نعم معاك مركز شرطة بخه .
الطيب حبينا نبلغ عن سفينه متعطله بعرض البحر ، قبالة سواحل (الداره) بعد نقطة الحدود مباشرة ، بالتحديد عند (الميناء الكوريه) .

الشرطه .. نعم نعم .. عندنا علم بذلك ، قد تلقينا برقيه من السفينه قبل وصلها الى السواحل .!!!! ، وقد ابلغونا بالعطل المفاجأ .

نعم أخوي .؟! انا استغربت لاني ما حصلت حد هناك او ما حصلت خفر السواحل او اي قوة للانقاذ .

المهم . نهينا المكالمه عن الشرطه ، وقعدنا نطالع ونفكر .... الا ان وصلت الي فخدمة الشعب ، بالاستيشن طبعا
لاند كروزر .. وكانوا 3 اشخاص تقريبا.


سألناهم شو الترتيب يا جماعه ؟ قالوا والله اتصلنا بالقياده في خصب ، لكن دوريات خفر السواحل ما تقدر تبحر لان البحر مضرب جدا ، بيكون خطر لطاقم الدوريه. (عيل ليش انتو مسماين خفر السواحل) لا بعد اسم الدوريه(الذئب)ذئب طــل.:^^:

المهم ، الوقت كان يطوف الى ان قاربت السفينه الشاطئ أمتار بسيطه لا تتعدى 100 متر تقريبا .

والشرطه يطالعون وكافتين ايديهم من ( البرد ) . وانا و ربيعي نتنافض من البرد بعد ولا بسين (جاكيتات) يداااد نقع بنفس اليوم ما خذيها .:cry:

يلسنا نفكر نفكر نفكر .. والي يخطف على الشارع يوقف عندنا .

المهم ، تمينا نزقر الي بالسفينه عشان نقول لهم طريقة ننقذهم ونخلصهم من المصيبه الي هم فيها، خوفا من انفجار السفينه او تحطمها وهم بالداخل .

الجماعه ما يعرفوا عربي ولا هندي ... يتكلمون ايراني .
ما عرفنا كيف نتافهم معهم .

المهم تمينا نأشر لهم (بأن يربط حبل طويل من جانب السفينه والطرف الاخر يعطوها حقنا نحن ).

الحمدلله الجماعه فهموا ، ونزل واحد من البحاره الى جوف السفينه ، وحصل لكنه قصير جدا .
قلنا ما عليه اربطه وعق الطرف لنا .

ما قصر وحليله ، لكن المصيبه شو .....؟


هو عق لنا الحبل لكنا نحن بعيد وبصراحه ما قدرنا نخاطر وندش البحر .
السبب

اولا

لان الموج كاااان قوي جدا ، يضرب الصخور ولما يرجع مره ثانيه يسحب اي وزن يلاقيه .!!!
ثانيا

السفينه خلاص قاربة جدا الساحل وقعدت على القاع ، لكنها تترامي يمين ويسار ، وهنيه الخوف ، لو حد منا دش البحر احتمال يغط تحت السفينه حين ما تترامي ويروح فيها .!!



شو سوينا عاااد . نسينا البرد ونسينا كل شي . وصممنا اهم شي ننقذ الناس بالسفينه ، كان عددهم اعتقد (6) بحاره والقبطان.

المهم .... تكاتفنا جميعا نحن الشباب كل واحد يمسك بيد الثاني ونعمل مثل السلسله ، عشان كل واحد يمسك الثاني لو سحبه البحر ، ويعاون اخوه .

المهم انا شخصيا كنت بالبحر ولكن مب في المقدمه ، على حسب ذاكرتي اخوي كان راس الحربه وهو الي بالمقدمه ، ومسك الحبل .

الحمدلله ... وسحبنا انفسنا من البحر، وشدينا الحبل ، جلعناه مستقيم .وقلنا لهم يالله شخص شخص ينزل من السفينه
يدلي نفسه ويوصل لنا عن طريق الحبل .



فجـــــــأه
واحد من البحاره ، رمى نفسه من سطح السفينه وسيييييييييييده البحر .كككك
غط مره وحده ! ، لكن الحمدلله ما صار له شي جروح بسيطه اثرت عليه الصخور.
شفنا الريال تحت السفينه مره ومب قادر يحمل نفسه ، بسبب الموج ، والسفينه لما تترامي كانت تشفط الماء لما يحركها الموج
.

رجعنا وشكلنا السلسله مره ثانيه .
هنا عاد الموقف كان حرج وخطر جدا جدا . لاننا بنقارب السفينه وايد واحتمال مفاجأ ان واحد منا يهلك .
لكن الخوف خليناه على الشاطئ ،المهم وتكاتفنا من يديد ويالله يالله بالسلامه
ومسكنا بأيد البحار الي غامر بنفسه ، الحمدلله هو نفسه شد حيله وقاربنا شوي .

مسكين كان يتنافض وحليله من البرد والخوف والألم .


سحبنا انفسنا مره ثانيه ، وشدينا الحبل ، وشوي شوي ينزلوا
والفكره نجحت الحمدلله وانقذنا الطاقم بأكلمله (بفضل الله طبعا) وبتعاون الشباب والله ما قصروا الربع .



المصيبه الكبيره .


كابتن السفينه ما طاع ينزل من السفينه .!!!
نقول له حوووووووووووووه .. شو تتريا انته يالله لا تهلكنا بعد ، هلكنا من كثر ما نشد ، حد ريله تشخل دم .
وحد متعور بساقه من وعارة المكان وحدة الصخور.

حسسني الكابتن انه قبطان تايتنك .!! ، يا بن الحلال انقز وخلصنا .
راسه يابس .
نقول لو اشتغلت السفينه مستحيل انها تبحر من ها المكان ، لكن المشكله لا يفهم لنا .

اصلا كيف هذا يكون كابتن سفينه ما اعرف .!!؟ مب من شجاعتة انه يظل
خلاص الطاقم كامل في بر الامان المفروض ينزل خلاص . الريال خايف على جنطه فيها اوراق ومستندات الدخول
وتخليص البضاعه والجوازات ....الخ .


هو يأشر لنا بالجنطه ، وكنه يقول هاي كيف اعطيكم اياها ، وانا بمسك الحبل .؟
كككككككك
وحليله هو يأشر بالجنطه جان يتزحلق واطيح عنه الجنطه في البحر ، والريح ما قصرت طيرت كل شي صوب .
ككككككك

سلم روحك يا بن الحلال . ولا (ترى المال يفنى والنشاما اتيبه)

المهم حظه عاثر هو بعد ، المهم اخير تشجع ومسك الحبل وقام يقاربنا شوي شوي
الى ان قارب الى الوصول الا ويهد الحبل ، وايي داخل البحر .ككككك بخاطري اقول (دويك وقلعت عينك)(هلكتنو من متى ونحن بالبحر).
المهم مسألته كانت قريبه وشديناه وسحبناه الى الشاطئ.



وهذه هي القصه .. ما قدرت اختصر اكثر من جي .!!








تصدقون كل ها الي غامرنا فيه وضحينا فيه ، والشرطه كانت اطالعنا وكاتفه الايد .!!
اظني واحد كان ماسك معنا الحبل .

واحد من الربع يقول للشرطه افزعونا انزين بأي شي ..رد عليه الشرطي(تو مو نسوي له يوم ما يعرف يتصرف)!!:1577_1186768770:
وقهراااااااااه ، يحرم يكون شرطي .

المهم .. أجرنا مع رب العالمين ، وحبيت اسرد القصه للمعرفه مب للتفاخر بشي (ولا هناك العديد من القصص المشابهه).





وتذكرت شي غيره

لما نقز اول واحد وخاطر بنفسه ، ربيعي (سعيد) كان بالشاطئ وقريب منه ، عطاه الجاكيت الجديد ماله ، عشان يدفيه من البرد .

لما خلصنا من عملية الانقاذ وركبنا سيارتنا ،يقول الصيـاد(خبااااااااأ للجاكيت يديد ما تهنيت بيه بأدي) كككك
اقول له سوى خير وعقه بحر .

وصلنا البيت اقول له (سعيد) وين القحفيه مالي الي خذيتها من السوق .؟ احيده قحفيه ماخذها عن البرد مكتوب عليه(No Fear):cry:
يقول اووووووووه .. داخل الجاكيت بعد.:1577_1186768770:

اقوله الله ياخذك يا الايراني ، حتى القحفيه خذيتها:212:
كككككككككككككك

اظني ضاع الاجر كله .


وهذة هي القصه كلها .
السفينة اصبحت حطام ، والمقطوره تم اصلاحها والابحار بها من جديد واغلب البضاعه سلمت.
وهذه صورة للسفينه بعد فتره من الحادثه والمياه تغمر جوفها وسطحها.( الصوره من الموبايل القديم اعتقد نوكيا 6600).



albarzah-f0bd9c070f.jpg




وهذا وان شاء الله استمتعتم مع احدى بطولات أخيكم الصيـاد .

وحياااااااكم الله
 

الصيـاد

๑ . . نائب المدير العام. . ๑
طاقم الإدارة
التسجيل
28 ديسمبر 2002
رقم العضوية
60
المشاركات
13,018
مستوى التفاعل
10,253
العمر
40
الجنس
الإقامة
Ooحيث أناoO
الموقع الالكتروني
رد: مدونتـے كـ(عــآصــۈف آڷشِرآتـے)


..
..
..
..
السلام عليكم ورحمة الله وبركاتة
.
.
.
شحاك يا اللي تقرى المدونه ؟
طيب ان شاء الله .

المهم ما اقدر اتكلم واكتب وايد .

صورت كذا صوره لـ ( سفينة الصحراء) ما نزلتهن بموضوع بقسم التصوير ، لان الصور قليله

لان العدد القليل ما اقتنع فيه ، لازم ازخ الموضوع بالصور . :gooddw:


المهم اتركم مع الصور :-

[1]

albarzah-c7428fb478.jpg


نيــو قعود :00cool:

[2]

albarzah-e37b56cdb3.jpg


ها الناقه أم القعود الي بالصوره الاولى

[3]

albarzah-1a239f832b.jpg


هذه الناقه من سلاله سعوديه ، وجريب ان شاء الله تولد خخخخ :h015:

[4]

albarzah-ca06c5116f.jpg


أخر صوره صورة للطيور ..المكان روعه ، لكنه بعيد جدا من المكان الي انا واقف عليه ، فما قدرت التقط صوره زينه
خصوصا ان التصوير بدون قاعده والزوووم كان عالاخر .





الى هنا وانتهي
هالله هالله بالتقاييم

:Afkr:


.
.
تحياتيـ لكمـ
الصيـاد
..
..
..
..
 

الصيـاد

๑ . . نائب المدير العام. . ๑
طاقم الإدارة
التسجيل
28 ديسمبر 2002
رقم العضوية
60
المشاركات
13,018
مستوى التفاعل
10,253
العمر
40
الجنس
الإقامة
Ooحيث أناoO
الموقع الالكتروني
رد: مدونتـے كـ(عــآصــۈف آڷشِرآتـے)

بسم الله الرحمن الرحيم

السلام عليكم ورحمة الله وبركاته







يالس ادور بالكرسي بالمكتب حاليا .. وأتذكر بدايات البرزة ، واتذكر المواقف الي صارت لنا مع الاعضاء
من افراح و احزان .


وتميت اتذكر الا ان خطرت فبالي اختي الغاليه علينا جميعا (بيشوقة) رحمة الله عليها .

كانت معنا عند اول تأسيس للبرزة قبل تسمية البرزه بهذا الاسم ، حيث كنا نطلق على البرزة (منتديات الشحوح) ، وكانت منتديات الشحوح منتدى يحمل اسم نطاق اخر .

المهم ... حزنت والله لما ياني طاريها ، كانت نعم الاخت .
جيمع اعضائنا كسبوا محبتها في الله من طيب اخلاقها و اسلوبها الجميل في التحاور .





وصلنا خبر وفاتها عن طريق احدى صديقاتها (علياء) ايضا مشتركه معنا بنفس المنتدى .
طرحت موضوع بالبرزة ينص بخبر الوفاااه .!!!


محد صدق الخبر منا نهائيا ، والاغلب قال : (حجة لترك المنتدى ) ..!

انا عن نفسي نفيت الخبر نهائيا ، وقلت احد المقالب البايخه ، وما رديت عالموضوع نهائيا .


بعد يومين من الخبر .. كنت يالس باللوبي الخاص بالجامعه ، كنت دايما اجلس وحدي منفرد عن القروبات الي كانوا الشباب يجلسون فيها

المهم شفت احدى الزميلات يايه صوبي (أ.د) .

سلمت عليه ، وقالت ..بسألك
انته شحي صح ؟ عندك اهل في دبي ؟

طبعا جاوبتها نعم ، اغلب اهالينا في دبي طال عمرج .
ليش ؟


انزين لك حد يسكن المنطقه الفلانيه في دبي ؟

أممممممم .. قلت والله هاي منطقه يديده اظني حد يبني هناك الان ، لكن ما اعتقد ان حد ساكن فيها.

اكرر لها سؤالي ..ليش ها الاسلئه يا (أ.د).

تقول لا لا عادي اخويه .. بس امسات وحده مسويه حادث ، كانت معي بالثانويه العامه
وهي شحيه ايضا .


المهم .. سارت عني الاخت (أ.د) ، فزيت انا من الكرسي وازقرها .لو سمحتي ، ممكن تفاصيل اكثر عن البنت الي توفت ؟

قالت اسمها (........ الشحي) ، قلت لا ها الاسم اول مره اسمع فيه .
تقول لي انزين انته مشترك بمنتديات الشحوح ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
انا هنا انصدمت ، ما قدرت استوعب ..ولا اجمع الموضوع قلت لها نعم .
تقول البنت الي توفت مشتركه معكم بأسم ..(بيشوقه) .!!!



:a050: :a050: :a050:


تميت فتره ما ادش البرزة ، عقب ادش كزائر فقط واقرى مشاركاتها.

صدمة كبيره كانت لنا كلنا في البرزة ، محد قدر ينساها للان .

رحمة الله عليج اختي بيشوقة ، والله يغمد روحج الجنة .











انزين مدام اني مطول شوي بالقعده اليوم ، واتلفلف بالكرسي بقول لكم سالفة غير
صدفة استوت لي .




هذا الله يسلمكم بعد سنة وشوي من وفاة الاخت ، سكنت مع اخوي في بيت ايجار بمنطقة البرشاء في دبي
المهم كنا نحن 7 اشخاص تقريبا الي ساكنين الفيلا .

ويخطفوا لنا شباب ربعنا ، نتيلس بحديقة البيت .




المهم



الشباب كانوا كلهم مرشحين بالاكادميه الا انا كنت طالب بأحدى الجامعات الخاصه .
فمره خطف علينا احدى اصدقاء المرشحين (محمد الشحي) ، جلس معنا و عنك ودونك والسوالف تاخذ وتعطي
المهم انا اول مره اتلقي فيه ، وكنا نتلكم بالشحي انا وهو .. الشباب الباقين مب فاهمين نحن شو نقول ,:hm00mm:

شفت علامه جرح كبير بذراع محمد اقول له
شو فيك ، الجرح كيف استوى لك .؟

يقول الله يطول عمرك ها صار لي بحادث ، انجلبت بالسياره وكنت شايل معي العائله ، وللاسف توفت اختي الي كانت معي السياره

انا استحيت منه لاني ذكرته بالحادث وبأخته رحمة الله عليها ، قلت اسف يا اخوي ترى من غير قصد بس الفضول .
لان الجرح كان مسويه له علامه غريبه وكبيره .

المهم طولنا بالجلسه ، يقول لي تعال براويك صور الحادث ، شفت معاه صور السياره
الله لا يراويكم . سيارته كانت السيار نوع نيسان بترول اخضر اللون .







يقول هيه اتذكرت تعال بخبرك:
اخوك الي معي بالاكادميه يقول لي انك مشترك فبرزة الشحوح؟
قلت له هيه امبلا مشترك بالبرزة
كنت عضو و عقب مشرف بالتصميم والبرامج و الحين حطوني اداري .

يقول لي انزين .. تعرف عضوه كانت معكم اسمها .. بيشوقة .. ؟؟

رديت عليه انا ، رحمة الله عليها . كانت ونعم الاخت ، وخبر وفاته اثر علينا .
بس انته شدراك بعد .؟؟

يقول لي انا معكم بالبرزة لاه .
قلت له .لاه ما شاء الله شوف الصدف كيف .. شو اسمك بالبرزة انزين ؟
جااان يقول لي اسمي (بيشوق) .!!
قلت له وليش يعني مختار نفس اسم الاخت الي توفت ؟
يقول لي لاني اخوها ، وكنت اجلس معها لما تشارك معكم .!!!!!


يالله كيف الدنيا صغيره .




غيرت السالفه ما بغيت اسمع زياده .





والسموحه منكم انتو بعد .. بس حبيت افضفض
واسجل بالمدونه الي خطر فبالي فجأه .





وبحفظ الله.


 

الصيـاد

๑ . . نائب المدير العام. . ๑
طاقم الإدارة
التسجيل
28 ديسمبر 2002
رقم العضوية
60
المشاركات
13,018
مستوى التفاعل
10,253
العمر
40
الجنس
الإقامة
Ooحيث أناoO
الموقع الالكتروني
رد: مدونتـے كـ(عــآصــۈف آڷشِرآتـے)


.
..
..
..
..
السلام عليكم و رحمة الله وبركاتة
.
.
.


[ من روائع الفن و الادب الحضرمي ]


[align=justify]يالمحبين دلونا طريق السوى
لاجل قلبي يحصل مناكم ما نوى
منكم ما قنع قلبي قفاكم مكاني

عانك الله يالعاشق على ما تعاني
اسمحوا باالتلاقي في لقاكم دوا
حس قلبي من الهجران لما انكوى
اشفقوا و الطفوا بي عندي الحال فاني

عانك الله يالعاشق على ما تعاني
لا تذكرتكم دمعي بكثره خوى
من عيوني سكب على الخد لما ارتوى
كالمطر يوم تستقوى و تلقي مزاني

عانك الله يالعاشق على ما تعاني
جسمي الا من الفرقا سخن و اشتوى
عاد تشكي ليمن في الحال عند الهوى
تم عمري و ذل عمري يا ناس فاني

عانك الله يالعاشق على ما تعاني
بت قبلي طريح الفرش مثل الغوى
سقمي العيش و المشروب لي مهتوى
و العسل و لا به الذوق الصبر في لساني

عانك الله يالعاشق على ما تعاني

[/align]

.
.
.
.
.
.
.
.
.

همسة : عجبتني الكلمات ، و حبيت ادونها .:21:​
 

الصيـاد

๑ . . نائب المدير العام. . ๑
طاقم الإدارة
التسجيل
28 ديسمبر 2002
رقم العضوية
60
المشاركات
13,018
مستوى التفاعل
10,253
العمر
40
الجنس
الإقامة
Ooحيث أناoO
الموقع الالكتروني

.
..
..
..
..
السلام عليكم و رحمة الله وبركاتة
.
.
.
:a040: اسميني بحثت عنج يا مدونتي ، زين يوم لقيتج :a040:

ترى ما متفيق اكتب شي ، اليوم تفيقت شوي .
قلت بخبر اعضائنا الاعزاء
اني اشتريت كاميرا جديده :eh_s(6):

نوعها : Nikon
موديلها: D 3000

كانوا مسوين عليها عرض مع ملحقات :gooddw:
هذه هي و ملحقاتها :
albarzah-c7642ee3c9.jpg



اشوفها مناسبة لي ، على فكرة ما تصور فيديو .
.
.
.
.
.
بحفظ الله
الصيـاد
..
..
..
..
.
 

الصيـاد

๑ . . نائب المدير العام. . ๑
طاقم الإدارة
التسجيل
28 ديسمبر 2002
رقم العضوية
60
المشاركات
13,018
مستوى التفاعل
10,253
العمر
40
الجنس
الإقامة
Ooحيث أناoO
الموقع الالكتروني

.
..
..
..
..
انزيييييييييييين
بحط هنيه صور من الكاميره الجديد نزلتها بموضوع صيد كيمراتكم .

بسم الله نبدأ .
.
.
.
هذا غروووب
albarzah-3e18df9de3.jpg


وهذه لما كنت بالضاحية

albarzah-1c58a5c5b1.jpg


قوطي بيبسي

albarzah-283c94edac.jpg


قبل اسبوعين لما كان الجو مغيم

albarzah-f8a207c680.jpg


هذه بعد بنفس اليوم ، بس غيرت باعدادات الكاميرا

albarzah-c277063f1c.jpg


لقطة من منتصف شاطئ غمضه :eek:io:

albarzah-9f22080d70.jpg


وهذا من ميناء غمضه :h015:

albarzah-eae8a314dd.jpg


عااااااد هنيه محد يرمسني لما كنت اصور ، والصوره عايبتني مررررررره

albarzah-72607605cc.jpg


كنت متفيق نااش من الرقاد بالعزبه ، بطلت الدريشه وجاان اخذ لي لقطه .

albarzah-dd6b6b908c.jpg


حصن القلعه في بخه

albarzah-19fcf22531.jpg


مينـاء بخه .

albarzah-22c8d503a5.jpg


سلو شتر ( الغالق البطئ)

albarzah-ac3c4a70db.jpg


وهــكـــــــــذاااااا

باقي الصور بعدها فالكام ، ما سنحت لي الفرصه ان انزلها للاب .:eh_s(6):
.
.
.
.
.
بحفظ الله
الصيـاد
..
..
..
..
.
 

الصيـاد

๑ . . نائب المدير العام. . ๑
طاقم الإدارة
التسجيل
28 ديسمبر 2002
رقم العضوية
60
المشاركات
13,018
مستوى التفاعل
10,253
العمر
40
الجنس
الإقامة
Ooحيث أناoO
الموقع الالكتروني

.
..
..
..
..
السلام عليكم و رحمة الله وبركاتة
.
.
.
albarzah-ffee75d51b.jpg

وناااسه والله .. الررررررقده

مشكورين جميييييييعا .
في حد مسوي لي تقييم ، و شكله يبى يسحر الكاميرا .
اقول له لا تقرب ، عن اصكك بعيوني واجلبك تلسكوب هع .
.
.
.
.
.
بحفظ الله
الصيـاد
..
..
..
..
.
 

الصيـاد

๑ . . نائب المدير العام. . ๑
طاقم الإدارة
التسجيل
28 ديسمبر 2002
رقم العضوية
60
المشاركات
13,018
مستوى التفاعل
10,253
العمر
40
الجنس
الإقامة
Ooحيث أناoO
الموقع الالكتروني

.
..
..
..
..
السلام عليكم و رحمة الله وبركاتة
.
.
.
اللهم بارك و زد
albarzah-09c9707be6.jpg


مشكووووورين جميعا ع التقاييم ، ما عليكم زود
الصبح 13 تقييم ، وفالليل 14 = 27 تقييم بيوم واحد .
اسمئني مرتقد و بصك نفسي بعين . cat:)
اكرر شوووكررري لكم.
.
.
.

انزين بدون شو كلمات هنيه .

قبل يومين الله يسلمكم ، انتهى طرادي من الصيانة واصبح جااهزاا للملاحه في عرض البحاااار . حلوه عرض البحار

انا وطالع من الميناء ، شفت لكم هذه السفينة العجيبه . اعتقد سياحيه .

albarzah-89c636c0ef.jpg


بس وينك يا راعي العوايد ما شفتك موجود خخخ .

وهنا قلت باخذ لي لقطه للجبال الرواسي .

albarzah-bf8a9a0b6b.jpg


ما خذيت راحتي بالتصوير ، اولا لاني منشغل بالقياده و ثانيه الشمس كانت فوجهي مباشرة
شفت هذه السفينة معترضه بوسط البحر ، شكل الطاقم ينتظر اذن الدخول .

albarzah-c25dd2e962.jpg


وهذه بعد اعتقد نفس الحال .. هنا وقفت الطراد عشان اخذ لقطة زوينه .

albarzah-438ed5ee50.jpg


الا شوي واشوف لكم شي كبير بطريقي . :00eek: . اكيد سفينه يعني مب باص ولا قطار خخخ :D:
بس غريبه شو يسوي جريب اليبال ومعترض خط الصيادين يعني .

اسم السفينه ( نيوه ) و عليها مكتوب ابوظبي

albarzah-ceb2fe73bb.jpg


وهذه صورة من الصوب الثاني .

albarzah-d3bd7f5883.jpg



عقب واجهت مووج وهواء ما قدرت امسك الكاميرا و المقود ( السكان او الستيرنج)
فقلت عن يدش الكاميرا ماي وهي توها يديده :msgplusimg1434pm9: ، احشم ليي ادخلها بالكيس مالها . :eh_s(6):


قبل لا ادش الميناء اتذكرت شي :a050:

و هــكــذااااااا
.
.
.
.
.
بحفظ الله
الصيـاد
..
..
..
..
.
 
عودة
أعلى