مدونتي بخاوي2004 حكايتي فراق ومن ثم لقاء

السلام عليكم ورحمة الله وبركاته

الحمدلله والصلاة والسلام على رسول الله وعلى آله وصحبه أجمعين

هنا اضع بين ايديكم ما تخطه يداي


تابعونا

رد: مدونتي بخاوي2004 حكايتي فراق ومن ثم لقاء

[align=center]السلام عليكم ورحمة الله وبركاته

عندي اجازة اربع ايام اخترت وين اروح ( وين اضرب براسي ) ليلة الجمعه تميت اتجلب على الفراش افكر وين بسير في الاجازة رقدت ورسيت على بر .......

نشيت الصبح من بطلت عيني ونه اقول وين بسير في الاجازة اليوم السبت المهم بعد تفكير عميق من كل النواحي قررت اني اروح مدينه اسمهاا mobile في نفس الولايه المهم طلعت من البيت على الساعه 10 الصبح وتجهت الي مدينة برمنجهام ( مب اللي في بريطانيا ) خذيت حوالي ساعه ونص وطول الدرب مطر قوي الصراحه خفت وفي لحظات ضعفت وقررت اني ارجع البيت بس بعدين تذكرت الاجازة اربع ايام ........

كملت طريقي الي motegomery ( منته قمري ) وفي الطريج بعد كان مطر وصلتها بعد ثلاث ساعات من السواقه الممله تمشي بس 70 ميل في الساعه من تسرع شوي ما تدري من وين يطلعون لك الدوريات ويوم يوقفونك كانك مجرم حطو رادارات وفكو الخلق بحياتي ما شفت رادار في امريكا وهي الدوله العظمي ( ادري ) المهم وصلت (منته قمري) وريحت فيهاا نص ساعه وبعدهااا كملت وباجي لي 180 ميل لحد mobile ونه اسوق سرحت في الطريج وقلت انا اللحين رايح موبيل شو اسوي اصلن شو فيهااا موبيل عشان اقطع ها الدرب كله لهااا اقول حق عمري بسير outlet والسفينه الحربيه انزيه وبعدين وين بتروح يا بو راشد ها المكانين بيوم واحد ونته عندك اربع ايام اجازة وتميت افكر وافكر وافكر .........

خطرت على بالي فكره بس يبالهاا قلب قوي ( قلت انا لهااا باذن الله )

orlando , florida

وينك يا gps

حط ارولاندو فيهااا وشوف كم ميل وكم ساعه
حطيت الوجه الجديده وسميت بسم الله وطلع لي اني بوصل الساعه 11 ليلا بتوقيت فلوريدا واللحين عندي الساعه 3 العصر سميت بسم الله وتوكلت على الله واضرب على (go )

بعدهااا ب 5 ميل عطاني الجهاز لف يسار وبعد خمس ميل لفيت يسار تفاجأت بشارع طريق واحد رايح جاي دشيت في هالطريج وشوي استوا ضيج وشوف نفسي بوسط احراش وغابه مظلمة قلت بمشي 2 ميل اذا ما شفت بيوت برد وبعد اثنين ميل شقت بيوت وناس كملت الطريج وندمت اني كملت الطريج تميت امشي على هذا الشارع يمكن ثلاث ساعات محد مر علي ومحد جاوزني لا سمح الله بنجرت او اخترب الموتر بيكون عشقي احمر في خبر كان ( منو بيطعم عيالي ) الله يحفظهم ..... ان شاء الله


المهم بعد ثلاث ساعات من المعاناة وصلت ال high way i 10 شارع مرتب ب ثلاث حارت ومرات حارتين رايج جاي خمس ساعات عاد ضربت بالقوانين عرض الحائط ومشي 100 الي 80 مايل في الساعه اذا مشيت 70 متى بوصل ( بعد شهر ) وبعد 5 ساعات وصلت مفترق جورجيا فلوريدا والشوراع مالهم ماتخلص المهم ( مالكم في الطويله ) ......


وصلت اورلاند الساعه 1130 ليلا وحجزت في الهوليدي ان واللحين يالس افكر وين بسير باجر في ارولاندو عندي اربع ايام اجازه بس اللجين نقصو يوم بس ثلاث ايام

ةهذي صوره وحده من الجوجل ايرث تبين خط السير ومن باجر ان شاء الله بكمل معاكم التقرير مدعم بصور كثيره ان شاء الله تعالي

بس ادعو لي ارد البيت بحفظ الله ورعايته[/align]

رد: مدونتي بخاوي2004 حكايتي فراق ومن ثم لقاء

السلام عليكم ورحمة الله وبركاته


الغربه منو يقدر يستحمل الغربه خبروني اوني اقول انا شجاع وريال ما ينخاف علي وبستحمل الغربه
لكن امام اول اختبار حقيقي سقط صريعا مغشى عليه من هول الصدمه البشر من اطباعهم يصمدون قليلا ومن ثم يبدا الانهيار الحقيقي ونه منهم صمدت وذا انا انهار يوم بعد يوم اطفالي وزوجتي اكيد هم سبب انفعالاتي والسبب الذي لزم لي الكتابه بما يجول في خاطري الان ( انا تعبان ) من صدج


الليله الفائتة لم اذق طعم النوم برغم من شدة تعبي لماذا لم استطع النوم لا ادري بس اعتقد فبل ليلة البارحه كنت مع صديق لي وتحتم علينا الوضع في الذهاب الي فندق لكي نقضي ليلتنا ( ما شاء الله عليه ) من غمضت عيوني على طول رقدت وما حسيت الا الصبح اول ما وعيت اسمع ربيعي يقولي انته شو تشتري الرقادج بفلوس قلت له استغفر ربك يا ريال شو هاي الرمسه قال صدق صدق من حطيت راسك على المخده شاخرت المهم اعتقد انه هو السبب اللي ما خلاني ارقد امس فليل يعني تخيلو من الساعه 3 الفجر ونه اتجلب لين الساعه 11 الصبح ( الله كريم )


نشيت الساعه 11 الصبح صليت ركعتين صح متاخر لكن لازم اصليهااا بدون صلاة الصبح مزاجي يتعكر طول اليوم واحسن اني بموت على شرك طلعت برع على الساعه 3 العصر وتغديت وتعرفت لناس عرب طيبين في المطعم صدفه ومع اني دشيت هذا المطعم كذا مره بس ما اعرف ليش ما عرفتهم برغم انا الطاقم معظمه عربي والمالك عربي صدفه خير من الف ميعاد وصاحب المطعم قام يشكيلي معناته مع محل عقارت في مدينة الشارقه وكيف تم النصب عليه بعد الازمه العالميه التي ادت الي ايقاف بعض المشاريع فهمت من كلامة انه يبا مساعده مني ( ما يعرف راس مالي راتبي ) المهم ودعت الرجل ولم يلخذ حساب الغدا بس يوم لزمت عليه شل من الفاتورة 7 دولار ( زوينات حق السجاير ) الله بلاني فيهااا مريض من يومين ومن سبتهااا المشكله اكح اكح روحي بتطلع وصلب السجارة في ايدي وبعد ما اخلص من الكحه اشفط لي مزه ما ادري وين العقل الله يهديني ان شاء الله ومن بعدهاااا رحت محل اسمه بيست باي للاكترونيات وشتريت لي وصله من الاي فون ( مب مالي ) راس مالي نوكيا e66 عشان انزل صور تصورتهااا انا وربيعي في رحلتنا الاخير الي Orlando و daytona beach وصلت الشقه وكان برد ومطر غريب عجيب اعتقد اني خذيت منهاا الزجمه اليوم نزلت الصور في الاب وعلى الساعه 6 المغرب نمت ونسيت باب البلكون مفتوح ونمت في وزار بس قمت على الساعه 11 المسا يعني قبل ساعه ونص وانا ارتجف رجفه ( حمى ) قلت لا يحوشك ما عندي 1000 دولار عشان اسير المستشفي واليوم احد يعني ما في امل اتعالج في عيادة العمل المهم قمت وانا ارتجف من البرد عظام رجلي تنتفض مب رايم اوقفهااا ركضت البلكونه وسكرتهااا وشغلت الدفايه على وعسى وسويت لي قهوه مع ماي ورد وزعفران اونه عشان ادفيني وسويت لي خبز براتا حبتين ( ينباع مثلج ونته اتي وتحطه على التاوه وتجلبه مرتين وخلاص ) وقرص بيض وتعشيت بعد عشان يدفي جسمي ما شي فايده بعدي ارتجف من البرد سويت لي شاي اخضر ومن بعدهااا نسكافي حليب واللحين الحمدالله اهون احس براحه جسديه

ليش اكتب هذا كله


ما عندي حد افضفض له بما يجول بخاطري يعني انا لو كنت في الامارات بيستوي هذا فيني ما اعتقد ولو استوا عندي حد يداريني ويسهر عشاني اصلان كم تسوى شوفت عيالك ينسيك كل شي


اسمحولي بس حبيت افضفض ولنا لقاء
__________________

السلام عليكم

يا هووو عمر يطوف ولا تحس فيه

كنت مضيع الباسورد والاسبوع الماضي حصلته الحمدالله

اكتب والدمع يجري على خدي لانها ذكريات

اه يا زمن

ولنا لقاء مع مدونتي