- التسجيل
- 11 ديسمبر 2005
- رقم العضوية
- 4474
- المشاركات
- 6,796
- مستوى التفاعل
- 1,908
- الجنس
- الإقامة
- زايـــ قلب ــــد
السلام عليكم ورحمة الله وبركاته
يوميات أم صويلح (13)
(الفرصة .. لمنـو؟!)
الأربعاء، 14-01-2009
جريدة الإتحاد: للكاتبة بنت المنهالي
(مكالمة بين سلامة وأم صويلح)
أم صويلح: وشو مسوية في امتحاناتج؟
سلامة: ما سويت زين في الامتحان الأخير.
أم صويلح: وليش ان شالله؟
سلامة: نفسيتي تعبت عقب خسارتنا أمسات
أم صويلح: عقولة المصريين.. ''حجة البليد مسح التختة''
سلامة: شو يعني؟
أم صويلح: هذا المثل يقولونه يوم الفاشل يبرر فشله بحجج تافهة! والكسلان يوم يسآلونه ليش ما حليت الواجب يرد يقول..
كنت امسح السبورة.. والظاهر إن الكل كان يمسح السبورة!!
سلامة: ماشالله عليج يدو.. شغالة ع كل اللهجات؟!
أم صويلح: لا تقصين علي وتغيرين الموضوع.. انتبهي لمتحاناتج.. وعن المصاخة.
سلامة: أمي تبغي تكلمج.
أم صويلح: وأنا ما ابغي اكلمها.....
فطوم: ليش خالتي ما تبين تكلميني؟!.. صدقيني تولهت عليج.. البيت مب شي وإنتي ماحد.. شخبارج؟
أم صويلح: مرتاحة.. وأموري طيبة.. والصراحة ''زلوخ'' وبنتها مو مقصريين وياي.
فطوم: متى بتردين؟
أم صويلح: وين أرد.. بعده البطولة ما خلصت.. يوووووم السبت الياي برد.
فطوم: خلاص خالتي.. مو انتهت السالفة وطلعتوا من الدور الأول.. ورد منتخبنا الوطني في جنح الظلام!
أم صويلح: وأنا أقول ليش متولهة علىِ.. تبغين تغايضيني!!
فطوم: مب جي خالتي.. لكن أحس ماله داعي تتمين.. كلهم يسألون عنج.
أم صويلح: جزاج الله خير.. والي يسألون عني تراهم يرمسون وياي في التلفون.
فطوم: يمكن تتضايج منج ''زلوخ''.. وخصوصا ان حضورج ماكان ويهه حلو على منتخبنا.. فأكيد ما بتتفائل فيج.
أم صويلح: أقولج.. سلمي علي صويلح.. وقوليله حصلتله عروس عمانية غاااوية تنطبق كل المواصفات عليها.
فطوم: شووووو؟!!!
(أم صويلح وزليخة في نقاش رياضي)
زليخة: فرصنا في الفوز أكثر عن قطر؟!
أم صويلح: منو قال؟.. انتم في كل بطولات كاس الخليج لعبتوا 16 مباراة، فازوا عليكم في 13 مباراة.. وانتم فزتم في ثلاث بس!
زليخة: أعرف يالفالحة.. أقصد إنهم خذوا فرص كفاية من قبل.. بسهم.. أحين هاي فرصتنا.. وخصوصا إن عندنا الحبسي وربيع
وكانو وبشير والميمني والعجمي.. ولوروا ما بيقصر.. بيسوي خلطة لهم الزين.
أم صويلح: تصدقين.. فعلا زبدة ''لورا'' وايد زينة حق الطبخ
بانتظـااار تعـلـيقاتكم لأم صويلح ....
وتـرقـبوا .. "أم صويلح (14)" .. بـاجـر إن شاء الله ..
يوميات أم صويلح (13)
(الفرصة .. لمنـو؟!)
الأربعاء، 14-01-2009
جريدة الإتحاد: للكاتبة بنت المنهالي
(مكالمة بين سلامة وأم صويلح)
أم صويلح: وشو مسوية في امتحاناتج؟
سلامة: ما سويت زين في الامتحان الأخير.
أم صويلح: وليش ان شالله؟
سلامة: نفسيتي تعبت عقب خسارتنا أمسات
أم صويلح: عقولة المصريين.. ''حجة البليد مسح التختة''
سلامة: شو يعني؟
أم صويلح: هذا المثل يقولونه يوم الفاشل يبرر فشله بحجج تافهة! والكسلان يوم يسآلونه ليش ما حليت الواجب يرد يقول..
كنت امسح السبورة.. والظاهر إن الكل كان يمسح السبورة!!
سلامة: ماشالله عليج يدو.. شغالة ع كل اللهجات؟!
أم صويلح: لا تقصين علي وتغيرين الموضوع.. انتبهي لمتحاناتج.. وعن المصاخة.
سلامة: أمي تبغي تكلمج.
أم صويلح: وأنا ما ابغي اكلمها.....
فطوم: ليش خالتي ما تبين تكلميني؟!.. صدقيني تولهت عليج.. البيت مب شي وإنتي ماحد.. شخبارج؟
أم صويلح: مرتاحة.. وأموري طيبة.. والصراحة ''زلوخ'' وبنتها مو مقصريين وياي.
فطوم: متى بتردين؟
أم صويلح: وين أرد.. بعده البطولة ما خلصت.. يوووووم السبت الياي برد.
فطوم: خلاص خالتي.. مو انتهت السالفة وطلعتوا من الدور الأول.. ورد منتخبنا الوطني في جنح الظلام!
أم صويلح: وأنا أقول ليش متولهة علىِ.. تبغين تغايضيني!!
فطوم: مب جي خالتي.. لكن أحس ماله داعي تتمين.. كلهم يسألون عنج.
أم صويلح: جزاج الله خير.. والي يسألون عني تراهم يرمسون وياي في التلفون.
فطوم: يمكن تتضايج منج ''زلوخ''.. وخصوصا ان حضورج ماكان ويهه حلو على منتخبنا.. فأكيد ما بتتفائل فيج.
أم صويلح: أقولج.. سلمي علي صويلح.. وقوليله حصلتله عروس عمانية غاااوية تنطبق كل المواصفات عليها.
فطوم: شووووو؟!!!
(أم صويلح وزليخة في نقاش رياضي)
زليخة: فرصنا في الفوز أكثر عن قطر؟!
أم صويلح: منو قال؟.. انتم في كل بطولات كاس الخليج لعبتوا 16 مباراة، فازوا عليكم في 13 مباراة.. وانتم فزتم في ثلاث بس!
زليخة: أعرف يالفالحة.. أقصد إنهم خذوا فرص كفاية من قبل.. بسهم.. أحين هاي فرصتنا.. وخصوصا إن عندنا الحبسي وربيع
وكانو وبشير والميمني والعجمي.. ولوروا ما بيقصر.. بيسوي خلطة لهم الزين.
أم صويلح: تصدقين.. فعلا زبدة ''لورا'' وايد زينة حق الطبخ
بانتظـااار تعـلـيقاتكم لأم صويلح ....
وتـرقـبوا .. "أم صويلح (14)" .. بـاجـر إن شاء الله ..