شيخة البنات
๑ . . عضو مؤسس . . ๑
السلام عليكم ورحمة الله وبركاااته
مدخل
( احسن لكم لا تدخلوا ماراح تخلصوا خخخ )
اليوم العصر بالصدفه يالسه افرفر بهالنت وشفت موضوع لطريقة البراتاا
وقلت دشي يا شوشو شوفي كيف يسوي صوفي البراتااا
بس كان مجرد حب استطلاع ومافي اي نية اجربها واسويها
لو بغيت طشة اتصال حق صوفي وركض ايييب لي البراتا لين البيت هع هع هع
:msgplusimg1434pm9:
ومن شفت الطريقه الاكثر من سهله ماشفت عمري الا في المطبخ انا ولابتوبي خخخخخ :eh_s(6):
اصلا لو تشوفوا اللابتوب الطحين متخشش بين الدقم او البتنز هع هع هع للي ثقافته انجلش
:msgplusimg1434pm9:
طبعا الطريقه والادوات سهله جدا بس متعبه في العجن والطرق
يااالله طاحن كتوفي لين ماخلصتهم :a050:
بس المحاوله كانت تستحق المثابره والنجاح كان بدرجو امتياز بشهادة اخواني وخواتي
فقررت
اني ابيع الهم ثلاث حبات براتااا ب نص ريال
( وصوفي يبيعهم بمية بيسه خخخ )
وطبعا الارتفاع في السعر ما جاء من فراغ
والاسباب كثيره منها :
استخدامي لادوات نظيفه مليون فالميه
ماستخدم اشياء بايته من زيت وغيره
النظافه الاكيده للي يشتغل في العجن اللي هو انا :eh_s(6):
واخر شي يكفي ان شيخة البنات هي اللي امسويه هالشي بايدها الحلوه وهذا بروحه بميتين بيسه خخخخ
عاد شوفوا رد الاوباش اللي عندنا فالبيت :a050:
اخواني قالوا بنحرم لج جبدج خخخخخ بنشتري من عند صوفي الفقير ولا انتي الطماعه وخلي نظافتج لج خخخخ
اصبت باحباط :bad:
وقررت ان هذي اخر مره اسوي البراتاااا لانهم مايستاهلوا . . . اهم شي اني تعلمتها وعرفتها وبسويها حق ريلي فديته بس <<< متى بيشرف هالمخلوق الفضائي :ah:
مخرج
( الحمدلله مابغت تخلص هذي كيف لو امسويه غوزي:msgplusimg1434pm9
( الحمدلله مابغت تخلص هذي كيف لو امسويه غوزي:msgplusimg1434pm9
بعد هالمقدمه الحماسيه
اخليكم مع صور البراتااا اللي سويته اليوم واتمنى اشوف ارائكم :msgplusimg1434pm9:
وطبعا انا اموووووووووووووت على البراتاااا ع الريووق لا سيما مع بيض طماط اللي ابدع فيه واتفنن :a040:
ولا بد من الشاهي العجيب قصدي الجاااهي هع هع هع حتى يكتمل الطعم اللذيذ وتحسوا بطعم البراتاااااااا
شو رايكم ؟
وطبعا عشان نوفاني فديتها مصاحبه لي في كل طبخي احب اعودها على المطبخ من يوم صغيره :==: فسويت لها كيكة على السريع وحطيت الها كريمه في الوسط وع السطح حطيت جوكليت باشكال مختلفه مثل ماهو واضح . . . وطبعا نوفاني تستانس على هالكيك لانه يذكرها بعيد ميلادها ههههه
وسلامتكم
اللي يبى طريقة عمل البراتاااا يخبرني بطرشله اللنك
بس يبالج حد يساعدج فيها وخاصه لما تطرقيها . . . انا دقيت صدري وسويتها وحدي والحين تعبانه امسويه مطارة ماي حار خخخخ من التعب :msgplusimg1434pm9:
شوشو