غنَاتْيـے
مُصورَه فُوتُوغرَافيه ♥
- التسجيل
- 1 أغسطس 2005
- رقم العضوية
- 3845
- المشاركات
- 14,841
- مستوى التفاعل
- 4,076
- الجنس
- الإقامة
- بــوظَبيـے . . *~
.
.
♥
.
.
السَلامْ عَليكمْ ورَحمة الله وبَركاته . .
صبَحكم ومسّاكم ربي بالخير والسعاده جميعاً :shyy:
غبرت الدنيا صح . . . ؟
تولهت ع برزة الطبـخ أكثر شـي في الدنيا :a050:
تدرون تقريباً اكثر من 10 انواع ( Sweet ) كنت مسوتنهن ومصوره كل شي شرات ماعودتكم . .
بس كمبيوتريه اخترب ويوم صلحوه كل شـي ذهب أدراج الرياح :cRy:
ماعلينا . . أمس كنت في مود طـبخ . .
قلت يالله غناتي خلي عنج الكسـل . . فديتك يا مطبخنا :qlb:
بنسوي ورود الجلكسي -----> الإسم من اختراعها ViV
وقهوة المـارس ;`
( مقادير ورود الجلكسي وقهوة المارس معاً )
- جلكسي
- سويس رول ( افضّل الفانييلا ) بس ماكان شي فـ الدكان -_-"
- حليب مركز
- 6 حبات جبن كيري
- نسكافيه
- حليب بارد
- مارس
- اوريو ----> ماصورته في البدايه ابطو لين يابوه لي :h3:
- قوالب سيلكون
نبدا بالسويت wahh
الطريقه جداً سهله . . وفي النهاية طعمها شي عجيييب . .
كأنها جاهزة :gooddw:
أول شي بنذوب الجلكسي بحمام مائي . .
نحط شوية زبدة ونبدا نذوبه . .
مثل ماوضحت لكم بالصورة . .
الطريقه كالتالي . .
ندهن قوالب السيلكون بالجلكسي اللي ذوبناه . .
بالفرشاه الخاصة بالدهن . .
انا عندي وايد اشكال منهن وكنت ابى اسوي في مال ميكي بس حسيتهن شوي يابسات ومافيه اخاطر ويخترب كل شي . .
بحاول اجرب مره ثانيه . .
الشكل اللي اشتغل عليه حالياً كنت ماخذتنه من معرض فتحوه في بوظبي والريال عنده وايد اشكال واشيا حلوة تخص الطبخ . .
وندخله الفريزر عشان يجمد . .
خلال هالفتره ابدا ازهب محتوى القوالب . .
في الخلاط نحط حليب مركز مع 6 حبات كيري . .
وارد اظهر قوالب السيلكون من الفريزر . .
احط مقدار خاشوقه من الخليط لي سويته في كل ورده . . وحط شوي من السويس رول . .
وارجع ادخل القوالب في الفريزر . . واشتغل ع الطبقة الأخيره . .
للطبقة الأخيره بحتاج حليب + بسكوت اوريو . .
وعلى النار . .
احط الحليب وأكسر فيه الووريو وبتلاحظون ع طول بيذوب . .
اتم احوثه لين يختلطون عدل واشوفه استوا غليظ ابند عنه النار . .
واطلح القوالب من الثلاجه واسكر فيه شكل الورده كامل . .
ملاحظة : حلو الخليط الأخير وهو حار عشان اذا برد بيستوي جامد ويتكتل ماترومون تتحكمون فيه . .
نرجع القوالب في الفريزر . . لمدة 10 دقايق يكفيهن . . ( بسرعه يجمدن )
نطلعهن ونجلب شكل الورود وبيطلع بهاي الطريقه 58g
واااايد كيوووت صح :rbshah:
وطعمهن احلى واحلى . . يوم تاكلونه طعمه شرات الآيسكريم :hap:
بنسوي اللحينه قهوة المارس . .
أسهل منها ماشي . .
أفوّر الحليب ع النار . .
لين مايفور في الخلاط احط مارس ( لكل كوب 1 مارس + 1 ملعقة نسكافيه ) . .
اذا كنتو تحبون تحطون نسكافيه زياده ترومون تزودون حسب الرغبه . .
لين يفور الحليب . . احطه في الخلاط مع المارس والنسكافيه . .
اخلطه لين يكوّن رغوه . . وخلاف ارده شوي ع النار . .
وجيه نكون انتهينا
oo:
اتمنى انه عودتيه لـ برزة الطبخ لاقت على رضاكم . .
أي سؤال انا موجوده لا تترددون timo
فمان الله o
.
.
♥
.
.
