فترة العصر رجع خليفه عند زايد الي قلت المحاولات عليه للعصبيه الزايده الي تعرض الها
اما نور ما استسلمت واجتهدت بالدعا اكثر ان الله يسخره ويوافق وطلبت من خليفه انه يرتب لسفرها في حال وافق زايد اتكون اهيه جاهزه
على المسا نزلت اليازي الساعه وحده المطبخ وهيه تحس بجوع وتفاجئت بالي قاعد يطبخ قربت امنه مستغربه
اليازي:فــــــــهد شو تسوي
التفت الها:ايعااان واسويليه بيض وطماط
اليازي:الحين فليل
فهد:شو اسوي
تمت اليازي تتلفت:معناه ماشي اكل
فهد:انتي ايعانه بعد
اليازي:امممم يعني
فهد:ازيدلج؟
اليازي:لاااا حد ياكل هذا فليل
فهد:المهم عيشه
مسك فهد الملاحه وفتحها كامله وتوه بيحط ملح انفتحت الملاحه وانجب الملح كله صرخ
فهد:لاااااااا
التفتت اليازي للغاز وضحكت:هههههه تستاااهل
ابتسم فهد:مش مشكله امبونيه متعايز اروح كوخ البرجر اخذليه وجبه بس الحين تنشطت وبروح
سكتت اليازي:ماحب اكله
فهد وهو يعق المقلى ويروح ايغسل ايديه:صدق!!!؟ عيل شو تحبين
اليازي:لييييش؟
فهد:يعني يمكن افكر اعزمج ونروح نتعشى برا؟
اليازي:تطنز؟
التفت الها وهو يسند ايديه على الرخام وراه:اذا عزمتج بكون عند كلمتيه
اليازي:هيييه هذا اذا عزمتنيه وانته اكيد ما بتعزم؟
فهــد:اذا كانو العرب الي بعزمهم بيلبون الدعوه اكيد بعزمهم
اليازي بقصد انها تستفزه:وشو المشكله انهم ما يلبونها؟
فهد:النحاسه الي فيهم
تمت اطالعه بقهر:جرب مابتخسر شي
ابتسم فهد:اوكيه تسمحين اتروحين معايه نتعشى برا
التفتت عنه بتطلع وولع نار وهو يمسكها ويلفها ناحيته بغيض:الياااازي
اليازي:بروح اييب عباتيه وشيلتيه ولا تبانيه اروح جذيه
هدا شوي فهد:يعني ماتعرفين قبل اتقولين انزين
تمت اطالعه وتنتظره يترك يدها
فهد:ياله روحي بنتظرج في السياره وشوي شوي لاتخلين حديدريبج ولا تسحبيليه ميوه ورويض ترا ما شي سيره عقب
التفتت عنه وراحت ...وقف فهد عند المرايه الكبيره الي في المدخل وكان لابس كندوره سودا وسفره حمرا وتم يكور سفرته
نزلت اليازي بعد مالبست عباتها المسكره ولفت شيلتها على راسها وتوجهو للسياره بسرعه
في السياره:ماشي غشوه ياليازي
اليازي:بتغشى بشيلتيه
فهد:بروحها شيلتج صغيره شو بتغطي
اليازي:خلاص انزين رجعنيه ماريد اروح
فهد:بنروح مابرجع بس المره اليايه انتبهي وخليها دائما مع عباتج
اليازي:امــــــــر يعني هذا؟
سكت فهد وتم ومارد عليها ومسك الشارع الي يودي للكورنيش
اليازي:ويين بنروح
فهد:اهنيه قريب
اليازي:المارينا؟
ابتسم فهد:وماشي مناك الا المارينا
ماتدري ليش اليازي حست بشعور غريب وهم يمشون على الشارع والشارع خالي الا من بعض السيارات
توجه معاها لمطعم السفينه وحجز مكام منعزل مثل الكبينه وراحلها السياره وقالها تنزل
اليازي:وييين؟
فهد:تعالي انزلي
كانت متردده وشي غريب عليها اول مانزلت مسكها من يدها حاولت تسحبها لاكنه مسكها بقو
ومشاها معاه...في الكبينه
فهد:تعالي اقعدي وعقي غشوتج محد اهنيه ايشوفج
اليازي وعيونها مبهوره والدريشه اطل على البحر
اليازي:احنا ويييين
فهد:في السفينه
اليازي:هاااه؟
فهد:ما قد ييتي اهنيه
طالعته بنظره ورجعت اطالع تحت
فهد:يزوي اذا تبين اتعقين عباتج وشيلج عقيهن عاادي
بنظراتها الي كانت اتشوفه ابها سالته شوووه اتريد تختبرنيه زييين
وقفت وعقت العباه والشيله وصنفتهن
فتحت شعرها ورتبته وخلته مفتوح غياااااظ بتشوفه شو بيسوي
اما فهد وهو ايطالعها مع اضاءة الشموع كان مبهور ابها بحركات عيونها الي فيهن تحدي
ابتسم ونزل راسه تحت وهو يمسك المنيوم فهم الها ولتفكيرها
فهد:شو تبينا نطلب
اليازي:مادري؟
فهد:تبين باستا بالخضروات ولا بالدياي؟
اليازي:اممم بالدياي
فهد:وبعد شو تبين
فتحت اليازي المنيوم واختارت كذا نوع بعد من السلطات والمقبلات
فهد:بس
اليازي:بس كم باكل بعد؟
فهد:انزييين
قام فهد وطلع وعقب شوي رجع وتم ايطالعها وعيونها اطالع برا وكل ما التفتت له انه ايطالعها صدت بنظرها برا
بدت اتحس بتوتر وتندمت انه وافقت اتروح معاه ياترا اهو ليش قال الها اتروح معاه اكيد ايريد يختبرها
التفتت له:متى بنرجع؟
فهد:اليازي تونا يايين عدنا ماتعشينا
اليازي:انا ما اريد عشى رجعنيه البيت
فهد:اليــــــــــازي لعب عيال اهو اقعدي لين انخلص
رجعت اليازي وقعدت..المره هذي صد عنها فهد بنظره للشموع الي جدامه
رن تيلفونه وشله وكلمه واحد من ربعه
فهد:انا عند الكاسر انتو وييين؟.....خلاص عيل اكيد بتلاقى معاكم وانا طالع عند الكورنيش طيب طيب
اليازي:شوووه؟
فهد:ماااشي؟
حطو العشى وتعشى فهد
فهد:اليازي اتعشي ياله والله انا ماييت اهنيه الا علشانج
اليازي مدت يدها للشوكه وهيه تقول في خاطرها جذاااب تضحك عليه
بعد ما خلصو من العشا طلعو وشكل فهد كان على عيله اول ما طلعو من الشارع الي راجع من الكاسر كانت جدامهم مسيره
للشباب لفوز المنتخب
التفت فهد لورا وسحب سفره حمرا كانت ورا اعطاها اليازي
فهد وهو يتلثم بسفرته
فهد:يزوي البسي السفره وتلثمي ابها وخذي النظرات هذي البسيهن بندخل المسيره
اليازي متفاجئه:هاااه؟
فهد:البسيها ماعليييج انتي لابسه عباه بيتحسبونها كندوره سودا
اليازي:ا انا ما ما اعرف
فهد:انتي اتلثمي ابها وخلااااص
لفت اليازي السفره على راسها وتلثمت ابها واعطاها فهد نظرات لبستهن وكانت بوووووي
على طول فهد دخل بين المسيره وهو يهرن معاهم اليازي اندهشت من الي يسونه في المسيره وكيف العالم مندمجه ويهيصون ونصف الشباب فوق السيارات واشكالهم غريبه بدت اتحس بالوناسه وبراحه انها ماتسوي هذا الشي من وراهم
فهد معاها وسامح الها بهذا الشي
فهد:تبين اتشوفييين لاعبين المنتخب التفتي عدالج
وبالفعل التفتت اليازي وكانو في باص مظهرين روسهم من الدرايش الكل في زيطه وزنبليطه
الله يهديهم بس المهم يزوي استانست
ومثل ما دخلو المسيره فجئه طلعو منها فجئه ومسك فهد الشارع الي يرجعهم للبيت
سكر الدرايش وعقت اليازي السفره:جناااااان اجوااء غريبه ماكنت متخيلتنها جذيه
ابتسم فهد انها عبرت عن وناستها
اليازي:يااااي بحر رويض اهيه الي تحب اتابع المباريات بقول الها شفت المنتخب
فهد:وبتقولين الها انج كنتي معايه؟
سكتت وماردت عليه وقريب البيت التفتت له
اليازي:الا شو نتيجت الاختبار؟
فهد:اي اختبار؟
اليازي:يعني انته مودنيه معاك لله مش نيتك تختبرنيه عشان باجر اتقول لعميه والله انا وديتها وماعارضت وصار وصار وصار وانا ما اتشرف اتكون حرمتيه
تم فهد ايطالعها:اقول انزلي انزلي
نزلت وصفقت بالباب بقو وركضت داخل
فهد:اوففففف الهم طولج ياروووح ...مافي فايده
.................................................. ....................................
نزل خليفه من فوق وشاف نوره مع لعيال اتريقهم شعرها مفتوح وشكله خرسان مانشفته زييين هذا غير ريحة العطر التابع للمستحضرات الي يابهن الها اتفوح في المكان
تمت مشغوله اتسوي السندويجات وتصبلهم حليب ومش معطيتنه ويه خليفه تم ايفكر هذي شو سالفتها متسبحه على هالصبح في البرد هذا ناويه تذبحنيه الحين
عيونه مافارقتها وهيه لاهيه مع اليهال نظراته تتبعها في كل حركه اتسويها وكل شوي الخدامه تي وتاخذ حد من اليهال اتوديه السياره لين ماقربو كلهم ايروحون اتلاقت نظراتها معاه
خليفه:ليش متسبحه في هالبرد؟
التفتت له:فطامي زاعت عليه
رجعت اتخلص شغلتها وعقب التفتت له وخلت عيونها مثبته في عيونه تساله ليش حسيت باثاره وانا جذيه
رد عليها بعيونه الا انا منثار وخاااالص
نزلت عيونه عنه بسرعه وشلت فطامي وهيه تقول في خاطرها عيل الشرده نص المريله
وعلى طوووول راحت لقسم الضيوف وقفلت الباب عليهن
خليفه بعد ماخلص ترتيبات الجوازات والفيز رجع لزايد في المسا على اساس السفر ايكون باجر وقال انه بيحاول معاه في موضوع نور
خليفه:زااايد مافكرت في الملجه
تم زايد ساكت ومارد عليه
خليفه:يا زايد ماشي باقي عن السفر ...ماشي وقت والمسكينه منحرقه اتقول الا تقنعونه
زايد:خلهاااا ات اتوليييييي
خليفه:زايد والله ان نور محد شراتها انته لو تحصلك حد غيرها مثلها محد بيهتم فيييك لو شفتها انته عقب الحادث شو سوت طول الليل والنهار مجتهده بالدعاء ويومين اتيي اهنيه تقرا علييك البقره
زايد:مـ محد قاااالهاااا
خليفه:كله كان عشانك
زايد:يــ يوووووووه تــتراااكم اذيييتوووونيه بالساااالفه هذي
عصب خليفه عليه:انته المفروض اتحمد الله وتشكره الي نجاااك بفضلها وفضل قرايتها عليك ليل ونهار الا مستقوي ولا كان شي صااار لك
ولا تفكر انك خلاااص نجيت من الموت انته مجبل على عمليه بتحدد مصيرك ياتعيش طبيعي مثل الناس ياتنشل وطالع عاده عقب منوه بيتم معاااك
زايد:اطلع برااااااااااا
دخل بدر عليهم
خليفه:هاه يابدر خلصت كل شي
بدر وهو مقهووور:لااا الطياره مش جاهزه لازم اندور طياره خاصه غيرهاا
خليفه:لحووووه الصبح قالو كل شي فيها زييين
زايد:هــ هـــاذي اهيه هــ هاذي حوباتهااااا قالت مابتسااافر الا وانا معااااك سر سر هااااتها وخلصوووونيه اريد اسااافر واخلص
بدر:شو تقصد يا زايد
زايد:نوووور هاتها وهات المليج خلصوووونيه
ابتسم خليفه:اخيرا اقتنعت
زايد :هييه اقتنعت لانيه ا اد ادري ان انيه مابساااافر الا وهيه لاااازم اتسااافر الكلبه والله لا ارويها نجوم القااااايله اهنااااك
بدر وخليفه ضحكو واستانسو انه وافق اخيرا في اليوم الثاني يابو المليج ويابو نور وبعد الملجه طلع الشيخ وتم زايد يسمع الكل ايبارك لنور الي كانت تضحك وترد عليهم
زايد:نـ نوووور
التفتت ناحيته ورفعت غطاها بعد ما طلع الكل
زايد:تـ تتحسبييين انتييي كل شييي خلص مـ ماااعليييه برويييج انا عقب شـ شغلج بطلع الشعررر الابييض من رااااسج
ابتسمت واهيه اطالعه:لا يهمني المهم ان ابقى الى جانبك
زايد وهو يغمض عيونه:مــماااعليييه بتعرفييين عمرج عقب...ي يالله اطلعيييي براااا فاااارجي
التفتت عنه نور وهيه مبتسمه وكلااامه مثل العسل على قلبها
دخلت نور بيت زايد وهيه تنادي هنيه بسعاده
نور:هنـــــــــــــــــــيه...هنـــــــــيه بنت ياهنيه انتي فييييييين
طلعت هنيه وركضت لنور متروعه
هنيه:في ايييه في اييييه مالك يابنت بتصرخي لييييه
نور وهيه تمسك هنيه:هنيه عليك ان تباركي لي ...لقد تزوجت
هنيه منصدمه:ايييه اتجوزتي امتا يابنت؟
نور بابتسامه:الان هنيه الان انا قادمه من هناك
هنيه:واتجوزتي مييين يابنت؟
نور بخجل:لقد تزوجت من السيد هنيه
هنيه بعدها متنحه:سيد مييين؟
نور:السيد هنيه زيد ابن عمي
خبطت هنيه بقو على صدرها:يالااااهوي اتجوزتي ميييييين ؟؟انتي عايزه تاطعي الخلف مني يابنت يا نور؟؟اتجوزتي الباشه ازاااااي وهو
بين الحيا والمووووت مش قاااادر يحرك راسه
نور:لقد فعلتها هنيه وطلبت من السيد ان يتزوجني وقد تزوجنا
هنيه :بتقوووولي ايييييه ازااااي طلبتي منه هو لعب عياااال يابنت؟
نور:هنيه ...لا اعرف كيف اقول لك كان الامر
قعدت نور مع هنيه على الكراسي
نور:اقتربي هنيه سوف اوضح لك الامر...هنيه زيد ابن عمي وهو في حاجتي الان يجب ان تكون امراءه قريبه منه في رحلة العلاج هذه
استطيع ان اذهب معه هاكذا ولااكن هنيه هولا يجعل بيني وبينه حدووود ولا يراعي للحرومه بيننا...كان يجب ان نتزوج كي استطيع ان اقترب منه بدون خوفا من الله في ان
ارتكب ذنبا.....سكتت نور شوي ورجعت تتكلم
نور:هنيه انا من طلبت من السيد ان يتزوجني الامر كان محرج ولاكن لا اعرف كيف قلت له ماقلت
لقد جلست مع جدتي وتكلمت معها بانه يجب ان تسافر معه امراءه تعتني به وبكت جدتي لقلة حيلتها كنت اريد ان اقول لها
لو يتزوجني السيد سوف استطيع الذهاب معه ولاكن ايضا هنيه انعقد لساني ولم اعرف كيف اقول ...حتى عمي هنيه عندما بدات احاول ان اوضح له الامر خجلت وقال لا عليك هو سيهتم به ....ولاكن اقسم لك هنيه
لا اعرف كيف فعلتها مع السيد ولم اجد هناك حاجزا يمنعني
هنيه:والك روحي جيبي المازووون وتعالي نملك؟
نور:لااا هنيه طردني وغضبا غضبا شديدا...هو لا يريد ان يتزوج ابنة اعجميه لقد تزوجته رغما عنه
هنيه:بتقووووولي اييييه يااااااحلااااااااااوتك ...اتجوزتيه رغما عنه ايه الحلااااوه دي كلهاااااا الباشه اتجوز رغما عنه دنتي ليلتك سووووده
نور:اعلم هنيه لقد توعدني بما فيه من الكفاااايه
هنيه:توعدك؟؟ ياحلاوتك ياحلوتك...انتي يابنت بتحبي الباشه؟؟
ابتسمت نور ونزلت نظرها تحت عقب رفعت راسها اطالع فوق وعيونها فيها لمعه غريبه
وهيه ترجع ابها الذكريات لباكستان
كانت قاعده في الحوش في بيت وحده من جاراتهن قريب منهن كانت الزراعه في الحوش والمكان متروس دياي يمشي في كل مكان
كانت الامهات قاعدات ايسولفن وكل وحده في يدها شغله اما نور وصديقاتها قاعدات على جنب يتضاحكن وعادة نور وصديقاتها اذا كانن ايريدن يتكلمن في موضوع بدون ماتفهم الهن الامهات يجلبن للغه العربيه الفصحى
زينب:نوووور
نور:همم
زينب بهمس:هل رايتي صورة ابن عمك التي احضرتها عائشه؟
نور:عن اي صوره تتحدثين؟
زينب:تلك التي كان بها بلاباس رسمي يال تلك ربطة العنق التي كان يرتديها
اعشق اللون الحمر
فريحه:هبلااااا لا تنظر الا لربطات العنق
نور:اين تلك الصوره؟
فريحه:سوف احضرها الان ارجو ان لا تنتبه والدتي لها
زينب:احضريها سوف نجعل جلستنا مقابله للجدار
راحت فريحه ويابت الصوره وشكلها وهيه تمشي بين الامهات امسويه مصيبه زعقت عليها امها وقالت الها شو لمصيبه الي مسوتنهاوقفت فريحه بسرعه وتمت تقسم لامها انها ما سوت مصيبه وركضت لنور وزينب الي كانن يتضاحكن عليها
فريحه:خذي ان والدتي تعلم بي عندما اكون متوتره
زينب:الا تنظرين لنفسك كيف تمشييين؟
فريحه مستغربه:كيف؟
زينب وهيه تقلد فريحه:تمشييين وانتي منحنيه الظهر كان المصيبه التي تحظرينها تضعينها على ظهرك
ضحكت نور وفريحه بعدها اتحاول تستوعب كلام زينب
فتحت نور الورقه وعيونها تختلس بعض النظرات للامهات عن لا يكتشفن هن شو يسون
وكانت صورة زايد الي سكرتها نور بسرعه
زينب:ماذا هناك نور لما لا تنظري الى الصوره؟
نور:اشعر بخفقان قلبي كلما نظرت الى صوره اخشى ان تزني عيني بالنظر فلا يجوووز
زينب:نووور انتي مجبره هو ابن عمك عليك ان تنظري اليه
نور:لقد رايت الكثير من صوره ...ولا احتمل ان اراااها كثيرا فخفقان قلبي يتعبني
فريحه:ارجو ان لا يكون متزوج كي تتزوجين منه نووور
احمرت خدوود نور:حمقااا لما تقولي ذلك؟
فريحه:هو يشبهك كثيرا انتي مخلوقه من ظلعه
زينب:كفا تفلسف يا فتااه هي تشبه والدها وابن عمها يشبه والدها ايضا ...التفتت لنور...حقا نور العمه طاااهره تعلم بقصة والدك مع والدتك
دعينا نذهب اليها لتحكي لنا كيف تزوجا؟
نور:حسنا انا اريد ذالك ايضا ولاكن العمه طاهره تسكن في اعلى الجبل ...علينا ان نسرع كي نعود قبل ان تغيب الشمس
اتفقت البنات انهن ايروحن وبعد ساعه راحن طالعات الجبل صوب العمه طااهره الي كانت صديقة ام نور الروح بالروح وهيه مدرسه ادرس في المدرسه اللغه العربيه الفصحى وكان الها دور كبير في تعليم نور اللغه
استانست العمه طاهره بالبنات وبنور اكثر لحبها لصديقتها ام نور وبعد فتره من جلوسهن طلبن منها اتقص عليهن قصة ابو نور وكيف اتزوج ام نور
طاهره:يا الاهي كانت ايام حقا لا تنسى...في تلك الايام كنت انا ووالدتك دائمامعا وكنا نبلغ من العمر السادسة عشر كنا صغيرات
ذات يوم احضر رجال القريه رجلا مصاب بطلق ناري وكان بين الحياه والموت وقد اعتنى به جد والدتك يانور
لم يكن معه احدا ولم نكن نفهم لما يقول والجد لديه خبره في علاج المرضى لم تكن حالته تسمح بان ينقل الى المدينه فاعتنى به الجد حتى اصبح يستطيع ان
يدرك ما حوله ولاكنه كان قد فقد الذاكره لارتطام راسه بالصخره التي وقع عليها بعد ان اصييب بالطلق الناري
حقيقة يانور والدك كان صعب المراس كان كثير الصراخ لا يعجبه شيا اضطرت والدتك ان تحضر له دائما الطعام والشراب وقد كانت والدتك تدخل عليه وهيه متلثمه
وكان لا يمر يوما عليهما الا والصراخ بينهما قد اشتد والدتك كانت تخجل منه وهو كلما احضرت له الطعام كان يرميه على الارض وبدورها اخذت تصرخ عليه كل واحدا منهم لم يكن يفهم ما يعني الاخر
هو لم يكن يريد الطعام بالفلفل وكان يرميه حتى تفهم ذلك ولاكنها لم تفهم حتى اضطر هو لاكل الطعام وقد اعتاد عليه
كما انه اعتاد على والدتك دائما تاتي له بالطعام وفي احدا الايام لم تكن والدتك تعلم بانه استطاع ان يقف وان يطل براسه للخارج ههههه حيث كانت هيه من دون حجاب وهيه تلحق بالدجاج
لتخرجه خارج السور وعندما سقطت وهيه تحاول ان تمسك بالدجاجه سمعت صوت والدك وهو يضحك بصوت عاالي فانحرجت منه واخذت تشتمه وهيه تركض الى غرفتها
في ذالك اليوم كان عم والد والدتك ضيف عندهم وعلم بامر الغريب المصاب وطلب حينها من جدك ان يمنع والدتك من الدخول على ذالك الغريب ..لانه كان رجل دين ولم يحبب فكرة ان تدخل عليه في خلوته فمنع جدك دخولها عليه وافتقدها والدك كثير واعتقد بانها ربما تكون قد خجلت من رويته لها
فتكلم مع جدها وقال له بانهم منعوها لانه لا يجوز دخولها عليه
لم يكن يعلم والدك بان الامر كان صعبا عليه فلم يستطع ان يحتمل فراقها فطلب يدها من الجد وبانه في حاجتها فعقد قرانهما بعد ذلك
فريحه:يااااالاهي يالها من حكاية عشق ...اين نحن من هذه الحكايه من قبل
زينب:عمه طاهره وكيف استطاع والد نور ان يتفاهم مع والدتها؟
ضحكت العمه طاهره:كانت العيون هيه التي تتحدث ...رحمة الله عليهما ...قد انجبا فتاه ثمرة ذالك الحب
نور بعيون قربت تدمع:ولاكنهما لم يبقيا قد رحلا جميعا
العمه طاهره:عندما عادت الذاكره لوالدك وقد كنتي طفله صغيره في المهد عزم على العوده الى الديار لكي يخبر اهله بزواجه لم يكن والدك نور كبيرا في السن كان مازال شابا صغيرا يبلغ من العمر التاسعة عشر
لا اعلم مالذي حدث معه هناك ولاكننا تلقينا خبر وفاته وكان يوما عصيبا علينا ونحن نرا والدتك
منهارة القوء لا تستطيع التحدث ومن اجلك نور استطعنا ان نجعلها تجتاز تلك المحنه وان تبقى من اجلك ولاكن المرض وحبها الشديد لوالدك
اتعبها ولم ترحل الا وهيه مطمئنه على صغيرتها...لقد تكبلت انا وجدتك عنايتك حتى تزوجت انا ولم اكن ارغب بالزواج من اجلك ولاكن والدي ارغمني
كنت دائما ادعو الله بان يحفضك وان ييسر لك كل طرق السلامه وان يجعلك ممن يحب ويرضى
نووور هل حقا تريدين العوده الى ديار والدك؟
رفعت نور عيونها الي كانت تدمع
نور:ارغب بان التقي باهلي كما انني ارغب بان تكون لي جده واقارب ....انا اعلم بانني هنا بين اهلي واحبابي ولاكن هناك رغبة قويه تلح علي بان اعود الى هناك
دقت فريحه زينب وحركت حواجبها تقصد ابن العم فتحت الها زينب عيونها عشان تنجب
العمه طاهره:اتمنى لك يا نور التوفيق من كل قلبي وان ييسر لك امورك ...ولقد رايت صور ابن عمك هو كثيرا يشبه والدك كما انكما تملكان نفس الاعين
نزلت نور راسها تحت مستحيه ودقات قلبها اعلنت وجودهن
هنيه:يخرب بيتك يانووور هو انا بكلم ميييين
التفتت نور لهنيه:هاااه هنيه ماذا هنااك؟
هنيه:دنا اعده من الصبح بتكلم وبتكلم وبتكلم وبقول يا حوووه وياهوووه يا خوانا حد بيسمعنا
دنتي خاااالص مش معاااايه
ابتسمت نور:هنيه انا هنا اسمعك
هنيه:عليه الرفجه الي بتقولها ام راشد انك مكنتييييش هنا
نور:حسنا ماذا تريدييين؟
هنيه:دنا بقول يعني ممكن ازغرد
نور:ماذا تعنيييين؟
هنيه:يعني ممكن اقوووول يللولولولولولولولولولولووووووووشييييييي
نور:هنيه ما هذا؟
هنيه:دي الزغاريد يابنت
رن تيلفون خليفه وهو راجع البيت على المسا
خليفه:الو.....الووووو
ّ:خــــــــــــــــــــــــــذني معـــــــــــــــــــــــــــــــــــــــــاك خذني ارفع شرااااعك طييييير ارفع شراعك طير
خــــــــــــــــــــــــــــذني معاااااااااك خذني خــــــــــــــــــــذني بلاااااااااا تفكيييير
اثــــــــــــــــــــر غرامك في قلبي بالغ الــــــــــــــــــــــــتاثييير اثر غرااااامك وانته ياسيد سيدي نقطة التاثييير
خليفه:الووووو منو معااايه
اميره:حبيبي يعني منو بيكون معاااك
خليفه:اميييره
اميره:فهمت لكلمات الاغنيه...شرايك تاخذنيه معاااك
خليفه:هههه ياليت لو كنت في ظرف ثاني
اميره:خليفه بليييز خلنيه اسافر معاااك انا اشوف المانيا احسن مكان بيكون لشهر العسل
خليفه:اميره...انا مش رايح سياحه انا ورايه ريال عويق وراه عمليات ووقفه اي شهر العسل الي تتكلمين عنه
اميره:انزين حبيبي...بصبر لين اتمر الازمه وعقب بناخذ راحتنا مع بعض
خليفه:يا اميره انتي شبلاااج وين اميره الي كانت تبا الملجه بحفله لا صارت ولا استوت تبين العرس بعد بدون حفله
اميره:لاحقييين حبيبي يوم بنرد بنسوي الحفله
خليفه:لا يا اميره الكلام هذا مايصييير
اميره بعصبيه:وانته يا خليفه اتشوف نفسك مثل لول وين خليفه الي كل يوم تيلفونات وترجي عشان العرس
خليفه:لحوووووه اميره انتي تدرين بالضرف الي انا فيه الحييين
اميره:لااا انا ادري بالحرمه الي في بيتك وقاعده اتفر راسك وانته ماتدري
خليفه بعصبيه:يعني متى بنخلص من هالسالفه؟
اميره:طلقها طلقها يا خليفه عشان ارتااااح انته ماتهمك راحتيه
خليفه:اميره باجر الفجر طيارتنا وين الوقت الي عنديه عشان اطلق وادبر امور اليهال و و و...بليز يا اميره انا الحين هامنيه زايد
انتي تتحسبين موضوع نقله بالطياره سهل الله يستر بس مايستوي شي له ادناة حركه غلط بتاثر عليه بالشلل
اميره:الله يشفيه وليش ما قلتليه ان طيارتكم الفجر متى بشوفك؟
خليفه:تونا درينا بموعد الطياره والسفره تغيرت وجهتها للندن عشان ناخذ وقت اقل في الطياره ..اهناك الدكتور بينا وبيسويله العمليه ادعيلنا يا اميره بالتوفيق
اميره:يعني مافي امل اشوفك؟
خليفه:والله منهد حيليه ولا جان مريت عليكم
بدت عاده عقب اميره اتصيح وتشتكيله انها بتشتااااق له
والله يعينك يا خلوف على ذالنشبه
..............................................
في بيت خليفه اليهال كلهم كانو متسدحين عند التلفزون يطالعون فلم الولد الي بسبب اختراعات ابوه تم ينمو ويكبر بحجم كبييير وكانو اليهال مستانسين عليه
وكانو يايبين اللحف ومتلحفين ابهن لبرودة الجو خليفه استانس عليهم وانكت عدال دانوه معاها في اللحاف مدعي انه بردان وهيه تضحك وهو يكت راسه في حضنها
نوره كانت في القسم ورجعت الهم وهيه لابسه بجامه قطعتين وفاتحه شعرها وانكتت معاهم في اللحاف وكانت معصبه من الي قاعدين يتضاحكون تحت اللحاف
الاناره كانت خافته الامن نور التلفزون والابجوره الي بين الكراسي
نوره وهيه تخبطهم:ايييه انتو وبعدين مع هالازعاااج صكو ياله
خليفه ما صدق انها اهيه الي انكتت وراه التفت الها بسرعه ورفع لفراش وكان متكي على ايديه ورافع راسه ايطالعها
فتحت نوره عيونها منصدمه من وجوده معاهم
نوره: ا انـ انتته
ابتسم خليفه:اشوف مسوين جو ممكن انضم الكو؟
نوره وهيه تسحب نفسها من عداله وتعتدل:خذ راحتك
وقامت وراحت لواحد من الكراسي وقعدت عليه نظراته تبعتها ما قدر يمنعها من الحركه من عداله
رجع ايحبب البنات وقام
خليفه:ردي لمكانج انا بروح فوق
والتفت عنهم وراح فوق
على الساعه اربع نزل خليفه وهو لابس بدلة السفر ومعاه شنطته وحصل الكل راقد جدام التلفزون
تم واقف يتاملهم وهو مبتسم وقرب من نوره شكلها وهيه راقده بينهم كانها ياهل منهم...يا ترا كيف بروح وبخليهم وكيف بتقدر هالياهل تعتني ابهم
قرب منها وهيه حاضنه فطامي ووحده من ريولها مطلعتنها فوق اللحاف ....خذ راحته في القعده وهو ضام ركبه لصدره وتم يتاملها مش متخيل انها
في يوم كانت راقده في حضنه كان ايريد ايوعيها ويوصيها على اليهال لاكن شكلها جذيه منعه ايريد يستمتع بشوفتها قد مايقدر من الوقت لاكن الوقت مايسمح
دقها بشوش وفتحت عيونها واعتدلت بسرعه وهيه اتشوفه متفاجئه من لبسه
خليفه:انا بسافر طيارتنا بعد كم ساعه
حست نوره بقلبها غاااص في الارض هذا شو قاعد ايقول اي سفر يقصد؟
عدلت فطامي في رقادها والتفتت له وهيه ترفع شعرها على جنب
نوره:وييين؟
خليفه بصوت متحشرج وهو منبهر من جمالها وهيه قريبه جذيه امنه:مع زايد بنسافر لندن عشان العمليه
نوره نزلت راسها تحت ماتعرف شو تقوله؟
ابتسم خليفه:نور ملجنابها على زايد وبتروح معانا كنت اتمنى لو كانت معاج بس انا وصيت بنات اخويه ايمرنج كل يوم وهذي ارقام اخويه راشد وفهد ولده اذا احتجتي لاي شي سويلهم تيلفون انا وصيتهم بعد عليكم واذا تقدرين اتروحون زياره صوبهم روحو
رفعت نوره راسها اطالعه وتنزل نظرها تحت
نوره:بطولووون؟
خليفه:الله اعلم دعواتكم النا بالتوفيق وان الله يقوم زايد بالسلامه
نوره:ان شالله
تم خليفه يتلفت حواليه ايطالع اليهال وهو مبتسم
خليفه:بتوله عليهم
عقب رجع وطالعها وهو يتمنى لو يقدر ايقول وعلى خالتهم لاكن لسانه كان مربوط
خليفه وهو يستعد يوقف:ياله ردي كملي رقادج وتحملو على عماركم
بعد ماوقف خليفه كانت نوره قاعده ورافعه راسها فوق اطالعه وهيه تحس بغصه ماتدري من وين يايتنها يمكن لانه فاجئها بالسفر تم واقف ايطالعها ورجع
وقعد مجابلنها
خليفه:نوووره في شي؟
هزت راسها بلا ونزلت نظرها تحت
خليفه:اذا احتجتو اي شي سويليه تيلفون خطيه بخليه مفتوح
هزت راسها بان شالله
وهو قريب قاعد منها ويتامل ويهها اجتاحته رغبه انه يودعها بقبله لاكن بعد حس بحاجز يمنعه
وقام بسرعه وهو ايقول مع السلامه وطلع بدون مايلتفت وراه
..................................................
بالنسبه للمسافرين اتقرر ان اليازي اترافقهم بعد عشان نور عارض فهد في البدايه لاكنه وافق عقب وهو يدري ان نور معاها
وبعد هذي فرصه يبتعد عنها عشان يعرف يحدد مشاعره ناحيتها لانه اشتكى لواحد من اصدقاءه الحال الي بينه وبين بنت عمه وقاله ربيعه انك مابتعرف تحل المشكله الا اذا كنت اتحبها صدق لان الحب هو الي يصنع المعجزات
وما كان فهد يدري بنفسه هل هو يحبها ولا متلوم من الي سواه فيها
السفر كان على طياره خاصه تنقل بس طقم اطباء للطواري والمريض الي تقرر تخديره طول فترة السفر منعا لاي حركه وخليفه ومعاه نور واليازي اما بدر كثرة الاشغال الي ظهرت عقب ما وقفو الانتخابات منعته من السفر
وعلى اعصابهم طول فترة النقل والسفر ما قصرت نور طول الوقت قراءة قران واستغفار والحااح على الله انه يوصله
بالسلامه
واخييييرا تم كل شي على احسن مايكون وصل المريض للمستشفي بالسلامه واطمن خليفه على كل اوضاعه وقالو الهم انه بكره الصبح بيقوم من البنج وطلع عقب خليفه بالبنات للفندق الي حجز فيه قريب من المستشفي
خليفه:نور لا ترقدن انا بروح اييب عشى وبايي
اليازي:انا تعباااانه ما اقدرارييد ارقد
خليفه:فديتج يزوي انتي ماكلتي شي في الطياره بس ارقبينيه عشر دقايق ياله انا طالع
التفتت نور لليازي:هل تريدين ان تنامي وانتي لم تصلي فرضا من فروضك؟
اليازي:اوووه نور باجر باجر بجمعهن
نور:وهل تضمنين عمرا لغدا هيا اتركي هذا التكاسل وقومي امامي لكي تتوضي
اليازي:ييييييه شبيفكنيه عاده من حشرج
نور:ماذا قلتي ماذا تعنييين؟
اليازي:ماشي ماشي ياله بقوووم وامري لله والله انه مافيه حييييل
في نفس اليوم هذا وقت المغرب كانت مي رايحه بيت ام بدر اموديه كيكه ومعاها الخدامه في حوش ام بدر كانت مبنايه خيمه وفيها جلسه حلوه وتلفزون وتنور على جنب الشتا بادي عندهم
قالتلها الخدامه ان ام بدر في الخيمه وراحت الها مروان كان مع امه وهو يضبط الرسيفر ومسك مخده وحطها مجابل التلفزون وانسدح ايصفي القنوات دخلت مي وسلمت عليهم
ام بدر:يامرحبا يامرحبا بالغاليه
مروان دق قلبه وهو يسمع صوتها وقرر انه ما يلتفت ناحيتهن ويتجاهلها
مي:شحالج خالوه مبروك الخيمه
ام بدر:الله يباركلج فديتج اقربي فديتج
مي:اميه قالتليه اعطيج هذا الكيس ويبتلكم بعد كيكه
ام بدر:تسلمييين فديتج تعالي اقعدي...الحين بيي بدر ..وان درا انج ييتي وماشافج بيحتشر عليه
غمض مروان عيونه مش عاجبنه الكلام
مي:الخدامه ترقبنيه مره ثانيه خالوه
كان قلبها عند الي منسدح ولا معبرنهم بنظره مادري اهيه يتهيا الها الي صار في المستشفي ولا كان صدق اكيد انه كان خيال
ام بدر:لا والله انج تقعدين انا مسويه عصيده ومابتروحين لين تطعمين منها بروح اغرفها اكيد خلصت
مي:اروح عنج
ام بدر:لا فديتج انا بغرفها وبحط عليها دهنه طيبه اقعدي انتي وتقهوي الدلال مترسه
طلعت ام بدر وبعدها عيونها عنده وهو يفرفر في القنوات تمت ساكته واطالع تحت وابدا ما التفت ناحيتها ما تدري ليش حست انها متضايقه
اما اهو عيونه ما فارقتها وهو يشوف صورتها المعكوسه على طرف زجاج المكتبه الي جدامه
بعد اشوي دخلت ام بدر يايبه العصيده وقعدت عدالها وغرفت الها
ام بدر:مروان ما بس عليك من التلفزون تعال اتقهوا
ما رد علها وتم في شغلته
في نفس الوقت سمعو صوت سيارة بدر الي دخل عليهم عقب
بدر:السلام عليكم اوه اوه اوووه منو عندنا
ابتسمت مي وقامت
ام بدر:عقب الموت قدرت امسكها لين تي
المشهد كان جدام عينه منعكس وهو يشوف اخوه ايلف يده حوالين اكتافها ويضمها له وهو يقبلها والله مسخره هذولا
بدر:شحالج ميمي
مي باحراج :بخيير
بدر:تعالي تعالي انا متوووووله عليج
التفت لمروان المنسدح عند التلفزون
بدر:السلام عليكم يا عرب
رفع مروان يده فوق ايرد السلام ورجع لوضعه
قعد بدر وقعد مي عداله
بدر:اخبارج الغناه؟
مي:الحمدلله
قعد بدر يسولف معاها ومع امه ويعطيهم احوال سفرة زايد وياكل من كيكة مي الي استانس عليها
بدر:فديييتج ياميمي والله انج شليتي الهم الي في قلبيه منحرق من الصبح على زايد وانيه ما قدرت اسافر معاه
قام مروان وهو يتحنحن وقرب منهم شكله كان متغير قعد نص قعده متكي على ريوله وهو يمسك الدله والفنيال ويصب لعمره قهوه
كان بدر ملتفت لامه يوم وجه مروان لمي نظره حااااره حست بحرارتها تسري في جسمها ونزلت راسها تحت التفت بدر لمروان
بدر:علوومك
مروان بدون نفس:ما عنديه علووم
بدر:اووف شبلاك معصب جذيه؟
كان مروان ايصب فنياله ويشربه بسرعه متجاهل حرارة لقهوه
مروان رفع اكتافه ان مافيه شي
بدر:شوووه عندكم ضغط في الشغل
وجه مروان نظره للتلفزون مايريد يتكلم ايحس لو يتكلم بيغلط عليهم
التفت بدر لامه:شبلاااه الاخ؟
ام بدر:مافيه شي من اصبح وهو ايسولف
مي كانت متوتره وماتعرف ليش اتحس انه معصب عليها وكانت النظره الثانيه دليل الها يوم وجهها الها وخلتها تنتفض وتوقف بسرعه
مي:انا انا بروووح الخدامه ا اكيييد ترقبنيه
وبسرعه طلعت شارده عن نظراته تمت تمشي بسرعه ناسيه الخدامه وقلبها ايدق من الخوف
اول ما دخلت باب بيتهم تساندت على الجدار عدال النخله وبدت دموعها تنزل وهيه تقعد على الارض مستسلمه اكثر لدموعها تدري انه غلط الي تسويه وان سلامها لبدر وزايد غلط وحرام لاكنها ماتقدر تمنع نفسها حاولت وااايد لاكن ما قدرت هم في ثنينه خص الهم معزه غيير ومتعوده من يوم اهيه صغيره عليهم ما تحس
بحاجز بينها وبينهم لاكن الوضع الحين تغير وجسمها السنه هذي بدا يكبر وطولها زاد عكس روضه الي بعده جسمها صغير وطولها عادي والي بيشوفهن بيقول هذي اكبر من هذي لاكن ليش هم مش حاسيين نظرات مروان ذبحتها خلاص ماتريد اتشوفه مره ثانيه وماتريد اتروح اهناك مره ثانيه
ركضت رايحه داخل وعلى طول لغرفتها احسن شي اسويه احبس نفسيه لين اوصل لقرار انا كبيره ولا صغيره
.................................................. ......................
في لندن اليوم الثاني كانت اليازي في المطبخ اتحاول اتوصل وصلة الكهربه للفيشه ومانتبهت لايديها الخايسه ماي وكان ما لايحمد عقباه صرخت واهتزت كذا هزه وطاحت دخلت نور وخليفه المطبخ على صريخها وتفاجئو بطيحتها وريحة الشواااط
نور بفزع:عماااه ربما اصابتها الكهربا بالتماس كهربائي
خليفه:روحي عنها بعيد خلينيه اسحب السلك
سحب خليفه السلك وشلها بسرعه
خليفه:هاتي شيلتها بسرعه بوديها المستشفي
حطت نور الشيله عليها بسرعه وطلع خليفه ركيض من الشقه الي في الفندق حافي بدون نعول على المستشفي الي كان قريب
صاح تيلفون خليفه الي في الشقه وشلته نور بسرعه وهيه توها كانت
بتطلع تلحقهم
ابو فهد:هلا خليفه الووو منو معايه نوور....شووه اليازي
التفت فهد وروضه الي كانو قاعدين معاه في الميلس وقف ابو فهد
ابو فهد:شبلاها اليازي هاااه كهربه شووووه التفت ابو فهد لروضه
ابو فهد:تعالي طالعي شو تقول انا ماعرف لها
روضه:الووو هلا نوور اخباركم شوووه اليازي
وقف فهد وقرب منها
روضه :وعميه وداها المستشفي انزين انزين طمنونا عليها ياله فمان الله
سكرت
ابو فهد وفهد:شووو صاير
روضه:اتقول اليازي شفطتها الكهربه وعميه خليفه وداها المستشفي وهيه الحين بتلحقهم
فهد:كيف يعني شفطتها؟
روضه:شدرانيه
فهد التفت عنهم واتصل على خليفه الي كان تيلفونه ايرن ومحد ايرد عليه حس فهد بتوتر وخوف
وتم كل شوي ايسوي تيلفونات
فهد:اهيه شو قالتلج بالضبط
روضه بملل:اتقول شفطتها وعلى طول عميه شلها ركيض للمستشفي الي عدالهم
ابو فهد:لا حول ولا قوة الا بالله احنا نبا نطمن على المريض نغتث بعد باليازي طايحه ابويه فهد سو تيلفون على المستشفي الي هم فيه طالع بدر يمكن عنده رقم المستشفي
طلع عنهم فهد وخلاهم متحرقصين بروحهم بعد ساعه ونصف اتصل خليفه عليهم وطمنهم ان اليازي بخير ومنومه عندهم
الكل كلمها وتحمد الها بالسلامه
الا فهد اول ما طلب ايكلمها اليازي اعطت السماعه لنور ماتريد اتكلمه اطمن ليها عن طريق نور وسكر وهو يحس بغصه منها
نوره طول اليوم كانت تنتظر اتصال من خليفه عشان تطمن عليهم وخليفه مع الاحوال الي صارت الهم نسى يتصل
وانشغل عقب مع زايد الي تحددت عمليته في اليوم الثاني
على المساء دخلت نور على زايد الي بعده البنج ماثر عليه يوعا شوي وينام فتره طويله خليفه تم عنداليازي عشان ايسولها فحوصات اخيره قبل لا تطلع
قربت نور من زايد وتمت واقفه اطالعه
نور:زيد هل تسمعني؟
بعد شوي فتح زايد عيونه ووجه نظره لنور
زايد: خـ خلصـــ ت الــــ عمليييه؟
نور:غدا باذن الله سوف تكون العمليه
زايد:لحوووووو يــ يعنييي شــ شووو ليييينه ب بتممم على هالحااااااله
نور:عليك الصبر زيد هذا امر الله الزم الاستغفار وباذن الله معافى.....لم يتبقى الا القليل
تنهد زايد وفتح عينه وهو يشوفها
زايد وهو يحرك اصابعه:هــ هاااتييي ييدج
اقتربت نور امنه اكثر ومدت يدها ليده مستغربه من طلبه
زايد:نووور ما ماااافيييه حييييل خلي ييدج و وسط يديه
ارتعشت نور وهيه اتحط يدها وسط يده وتحس به ايدخل اصابعه بين اصابعها
زايد:انـ انـــــــــا تعبااااااان خليييييج عدااااليه
وغمض عيونه وهو يضغط اكثر على يدها
نور وبدت عيونها تتجمع فيها الدموع:لن ابتعد عنك زيد سابقى بجانبك لا عليك
من بعد ما غمض عيونه ما فتحهن
سحبت نور الكرسي الي كان قريب وما زالت يدها في يده وقعدت عليه وهيه تساند براسها عدال جتفه وبدات في ترتيل سورة البقره بصوت خافت وهيه ماتقدر تمنع دموعها اتوقف
بعد ساعه هزها خليفه ورفعت راسها
خليفه:ياله انروح اليازي رخصوها
نور وبعدها يدها في يد زايد:سوف ابقا عماه لا اريد ان اتركه لوحده
خليفه:ماعليه شر يانور اهو مش حاس بشي لين باجر
نور:اريد ان ابقى عماه هو لا يريدني ان ابتعد عنه
خليفه مستغرب:منوووه زايد؟
نور:اجل طلب مني ان ابقى الى جانبه
ابتسم خليفه:نور انتي تدرين انه مايحس بشي الحين وهذا كله هذيان
نور:اريد البقاء
خليفه:بس هذا ممنوع المستشفي مايريد حد عنده
نور:سوف يجعل الله بيني وبينهم سدا ولن يعلمو بامري
ضحك خليفه:فديييت انا الناس الواثقين...انزين واذا طردوج في نصايف الليل
نور:عماااه لا تصعب الامر علي اريد البقا ولن اذهب بل لن اترك يده من بعد ان امسك بها
خليفه:والله ان امركم عجيييب ...ليت زايد يدري ويقدر كل الي تسوينه
طلع خليفه وبند الليت وهو يدعولها بالتوفيق ومر على اليازي الي كانت قاعده على الكرسي الي عند الاصانصير
خليفه:ياله يزوي
اليازي:ونور؟
خليفه:بتم عند زايد ماتريد اتخليه
اليازي:وعادي سامحين اتبات عنده
خليفه:لا مش عادي بس نور يوم تبا الشي محد يقدر ايردها عنه ...يزوي فيج اتروحين معايه لين الجمعيه ناخذ اغراض للشقه
اليازي:هيييه عادي
خليفه:مش تعبانه؟
اليازي:لا اريد امشي واغير جو
خليفه :ياله عيل خلينا نلحق انوقف تكسي وهو بيدلنا على الجمعيه
استانست اليازي مع عمها خليفه في الجمعيه وهم يترسون العربانه من كل شي
خليفه:يزوي اتعرفين تطبخين؟
اليازي:ههه لا اكيد وييين انا والطباااخ اصلا انا مابدخل المطبخ من عقب الي صار اليه فييه
خليفه:افااا يعني انا بتوهق بالمطبخ
اليازي:عميييه العالم اطورت خلنا نتغدى ونتعشى في المطاعم
خليفه:واتخيييس بطونا من اكل المطاعم
طاح نظر خليفه في طرف الجمعيه على محل للهواتف
خليفه:زيييين محل تيلفونات تعالي اختاري لج تيلفون ولنور واحد
اليازي متفاجئه:اليه انا؟
خليفه:هيييه فديتج احنا في سفر ولازم كل واحده منكن ايكون عندها تيلفون عشان انعرف نتواصل
اليازي فكرت على طول في فهد لو يدري اكيد مابيوافق
اليازي:ما يحتاي عميه انا بتم مع نور دوووم
خليفه :لا فديتج احنا في الغربه واكيد انج بتحتاجيين له مايندرا بالدنيا لو يصير شي بعدين فهد حاشرنيه من الصبح
وموصي اخذلج واحد عشان تتواصلين معاه بعد
وقفت اليازي منصدمه منو الي قال فهد لاا مستحيييل
خليفه:ياله يا يزوووي تعالي طالعي الي ناسب لج
تمت اليازي اطالع التيلفونات ووقف خليفه على طرف واتصل على البيت ويوم ما شله حد اتصل على تيلفون نوره كانت الساعات الاولى من الصبح في الامارات
نوره بصوت نعسان:الوووو
انتفضت اوتار قلبه
نوره:الووو
خليفه:هلا نوره
اعتدلت نوره بسرعه:خليييفه
كان صوتها فيه لهفه حاول خليفه يقنع نفسه انه مايتوهم
خليفه:وعيتج من الرقاد؟
نوره بتوتر:هااه لا ماعليه
خليفه:اخبار اليهال؟
نوره:احمم بخيير ايسرك حالهم
خليفه:اتصدقين مانتبهت ان الوقت عندكم غير عن وقتنا اكيد عندكم الحين الفجر
نوره:هييه
خليفه:اموركم كلها زينه؟
نوره:الحمدلله
خليفه تم ساكت ماعرف شو يقول
نوره:ا اخبااار مريضكم ان شالله بخير؟
خليفه:الحمدلله بخير وعمليته باجر
نوره:ونور بخير؟
خليفه ايحس انه ذااااايب من صوتها
خليفه:بخير وماتشكي باس
تمت نوره عقب ساكته ومايسمع الا تنفسها
خليفه:نوووره
نوره:هممم
خليفه:انتي بخير؟
هزت راسها بلا
خليفه:نوووره
نوره:الحمد لله بخير
خليفه بعد صمت:انزيين شي اتوصينيه فييه؟
نوره:سلااامتك
سكر عنها وقلبه يرقع بقو كان كان ناوي يتصل عقب على اميره لاكنه حس انه ماله خاطر ايسوي على حد من عقب ماسمع صوتها
اليازي:عميه شرايك في هذا
خليفه:هاااه اوكيه عجبج
اليازي:هييه
خليفه:انزين ناخذ لنور نفسه ولا بتختارين الها غيره
اليازي:هذا بعد حلو واحسبه ايناسب لنور
خليفه:زين زين بناخذهن كلهن
في اليوم الثاني سوو العمليه والحمدلله نجحت بفضل الله نور كان حيلها منهد من البارحه ما حست انها رقدت رجعت للشقه ورقدت كم ساعه ومن عقبها رجعو عند زايد الي ظل طول اليوم تحت تاثير البنج يوعا شويه ويرجع ايغط في النوووم
في غرفة مي كانت روضه عندها وهيه تفتح عيونها منصدمه من كلام مي
روضه:شووووه رشوووه حسبي الله عليها معلمه وانا اقول السالفه فيها شي
مي:تخيلي البنات عاجبتنهن السالفه وولا وحده تكلمت
روضه:عناالله ابو الي مايعرفها ملعونة الصير انتي ادلين بيتها؟
مي:ليييش؟
روضه:انا بقولج ليييش قومي ياله لبسي عباتج
مي:روضوووه شو بتسويين؟
روضه:قومي انتي وانا بقولج بعدين
مي:لا رويض ادريبج بتهدين عليه ارجوووج مافيه مشاكل معاها بروحها علاماتيه خافستبهن
روضه بصرخه افزعت مي:قووومي اقولج ولا ترانيه باجر في الاداره بتكلم
مي:لا لا لا روضه حرام عليج لا تخلينيه اندم انيه قلتلج
روضه:اصلا انا ادري بعلومها من زمان ياله قومي اتحركي
طلعت روضه وهيه تسب وتشتم ولبست عباتها ولحقتها مي وطلعن مع الدريول متوجهات لبيت المدرسه الي كانت ماجره في احد البيوت السكنيه وكان بيتها عباره عن حوش صغير فيه بعض النباتات
وطاوله وحوليها كراسي وصاله وغرفة نوم
دقت روضه الباب الحديدي وفتحت المدرسه سلمت عليها روضه ودخلت ووراها مي الي كانت ميته من الاحراج المدرسه ابتسمت شكل البنت فهمت اخيرا اهيه شو تريد
الحوش كانت فيه بعض المدرسات قاعدات على الكراسي وباب الصاله مفتوح وبعض الطالبات قاعدات داخل وفي ايديهن اوراق رحبت المدرسه ابهن وضيفتهن داخل بعد ما طلعن البنات للحوش بعض البنات كانن ربيعات مي
اول شي بدت روضه تتكلم معاها وتاخذ من وراها لين ما فهمت السالفه بتوضيح قوي من المدرسه
وقفت روضه وعيونها يتطاير منها الشرار
روضه:يعني يا ابله رشوووه؟
عصبت المدرسه من اسلوب روضه ورجعت روضه تناقش الموضوع مع المدرسه بصوت عالي وغيض وقهر لين ما عصبت المدرسه وطردت روضه ومي من بيتها وهيه تصارخ على روضه وتتوعد انها ترسب مي
روضه وهيه طالعه في الحوش تمت اتصارخ على بقية المدرسات وانهن بعد من نفس الطينه وتتوعدهن انها بتكشف امرهن في الاداره
المدرسه عصبت اكثر وقامت تقذف روضه بعبارات ماقدرت روضه تستحملها وردت معصبه في محاوله انها تتضارب مع المدرسه الا ان البنات الي كانن حاضرات منعنها وسحبنها لين الباب وهن
يحاولن ايهدنها
روضه بصراخ:اتخسي الكلبه ملعونة الصييير انا بنت حرام يالي ماتعرفين الحلال من الحرام وقسما بالااااااه ان موتج ايكون على يديه واللــــــــــــــــــه لا اذبحج بايديه
وانيه ازهقج روحج يا ملعوووونه
البنات كانن بسحبنها بعيد عن المدرسه الي بدا اهيه صوتها يعلو وهيه تشتم وتسب وروضه ركبها مليوووون عفريت بس اتريدهن يتركنها عشان تمسكها من رقبتها وتذبحها
الكلام الي قالته المدرسه في حقها ذبحها وخلاها تحلف وتتوعد بدون ماتحس بنفسها
مي وهيه ادز روضه لبرا مع البنات:ياربييييي بس يارويض اقلعييييها فارقت ويهها
روضه:بذبحها الحيوانه ...بطلنيه بطلع روحها اليووووم بطليييينيه اقووول
مي:ياربيييي حرام عليج ياروضه بس عاده خلينا انروح
مقاومه عنيفه البنات حصلنها من روضه الي كانت تدفع نفسها ناحية المدرسه وهن يسحبنها لبرا
روضه:انا بنت شوارع بطلنيه خلنيه اعلمها منو بنت الشوارع هذي مدرسه هذي الفاظها جذيه بطلنيييييه
اخيرا قدرت شلة البنات يطلعن ابها برا البيت وصوت المدرسه طار اذنيهن وبالغصب ركبنها السياره وسكرن الباب وراها ركبت مي السياره بسرعه وهيه تقول للدريول يمشي بسرعه
تمت روضه طول الطريق تنافخ وتسب وتتوعد وكل ما كلمتها مي صرخت عليها
جدام البيت كان بدر توه طالع من الميلس وتفاجئ بالاعصار الي نزل من السياره وهيه تصفق بالباب وتمر من عداله ومليون شتيمه على لسانها بدون ماتحس اهيه عدال منو مرت
كان واقف فاتح عيونه منصدم والتفت لمي
بدر:منو هذي؟؟!!!ّ
مي وهيه منزله راسها تحت:هـ هااذي روضه
بدر بعده منصدم منها:وشبلااها جذيه
مي:تواقعت مع المدرسه
بدر:هااه
رد والتفت للباب الي دخلت امنه
بدر:وهيه دوم حياتها وقعات عشان جذيه اظن السقوط دائما
نزل بدر السلمات الباقيه وهو يحس انه متضايق من روضه هذي شوووه صدق انه وهق عمره معاها معقوله في انسانه جذيه اسلوبها
هذي ما يصلح معاها لا تاديب ولا غيره ابرك شي انه يحصل طريقه يطلقها ويريح راسه
................................
في المسا في نفس اليوم الي كانت فيه العمليه كان خليفه واليازي ونور عند زايد الي دخل عليه الدكتور الي سوا له العمليه وكانت جنسيته اردني
دكتور شاطر ومن ابهر الدكاتره قدرت الدول الاوربيه تكسبه وهيه توفرله وتفتح له اوسع المجالات
لمهنته في سبيل الاستفاده امنه
الدكتور:زااايد يازاااايد تسمعني
فتح زايد عيونه بصعوبه
الدكتور:كيفك يازااايد
هز زايد راسه باوكيه
الدكتور:الف الحمدلله على السلامه
غمض زايد عيونه
الدكتور:زايد الحمدلله العمليه نجحت وانته عديت كل مرحلة الخطر بس تحتاج لشوية تمارين طبيعيه وباذن الله راح اتقوم بالسلامه
هز زايد راسه وهو يغمض عيونه ويفتحهن
الدكتور:زايد تعرف الي موجودين عندك اليوم مين هذا الرجال الي واقف جنبك؟
زايد التفت لخليفه الي ابتسم له
زايد:خـ خلـــــــــيييفه عــعميييه
الدكتور:وهذي الصبيه الي جنبه
وجه زايد نظره لليازي
زايد:الــــــــــ اليااااااازيي
الدكتور:والثااانيه
كانت نور مغطيه ويها زايد تم ساكت ومارد
الدكتور:ماعرفتها لانها متغطيه؟
زايد وهو ايطالع الدكتور:هــ هـذي ز زوو زووجتتييه
حست نور ان قلبها رفرف فووووق وتمنت اتكون بس اهيه معاه ومحد معاهم استانست وتجمعت الدموع في عيونها
الدكتور:اااه انته متزوج يا زااايد ...الحمدلله على سلامتك يارياال
طلع بعده الدكتور وغمض زايد عيونه مستسلم للنوم
رفعت نور غطاها:هل سمعت عماه ماذا قااال ؟؟
خليفه:ههههه عليه رفجه انه هب صاحي...المهم نور خلينا نرجع الشقه الحمدلله اهو بخير الحين وباجر من غبشه بنكون عنده
نور:اريد ان ابقى قليلا عماه
خليفه:يانور الوقت تاخر وانتي ماكلتي شي اليوم وبعض الناس ماطاعو يدخلون المطبخ هههه
في اليوم الثاني اول ما دخلت نور الغرفه على زايد شافته فاتح عيونه ويطالع التلفزون وبعده الي على رقبته محاوطبها
اقتربت امنه
نور بابتسامه:اسعدت صباحا كيف حالك اليوم؟
التفت الها بنظره ورجع ايطالع التلفزون بدون مايرد عليها
نور خلعت قفازاتها وغطاها وحطتهن على طرف
نور:هل افطرت؟
تم ساكت ومارد عليها
التفتت للمرضه الي دخلت وسالتها وردت عليها بانه مافطر
نور:حسنا سوف اقوم انا بمساعدتك على الافطار لابد بانك تتلوى من الجوووع
فتحت نور الغطا عن الافطار وشكل الفطور اكل مهروس لان اول ايام العمليه الحلج ايكون ملتهب
قربت نور الطاوله جدامه وحطت الاكل
نور:انه طعام شهي ماذا تريدني ان اطعمك اولا؟
رفع زايد يده ايرويها انه يقدر يحرك ايديه يعني يقدر ياكل بروحه ابتسمت
نور:حسنا وما المانع من ان اطعمك انا؟
عدها يده كانت مرفوعه نزلها ومسك ابها طرف الصنيه ورفعها وفرها على جنب الصنيه وبكل الاكل الي فيها والاواني الزجاجيه من صحن وكوب كله تناثر على الارض مسوي ضجه عاليه بتكسير الزجاج وانتثار الاكل في كل مكان
الممرضه الي كانت بعدها في الغرفه شهقت رافضه الي تشوفه ..نور حست بقلبها وقف امازايد رجع ولا كانه سوا شي والتفت للتلفزون ايطالعه
تمت نظرات نور على الفوضه الي سواها في الارض والاكل المتناثر طلعت الممرضه وهيه تتحرطم
ورجعت نور اطالع زايد:لما فعلت ذالك؟
مارد عليها وتم ساكت
نور:حسنا ربما لم يعجبك الطعام؟
نزلت نور على الارض وتمت تجمع قطع الزجاج وتلم الاكل في كيس والاشيا الي حست انها ماتضررت حطتها في الصنيه ورفعتها على طاوله في الطرف ورجعت اتنظف الارض
وهيه تحس ان قلبها مقبوض ليش سوا جذيه معقوله رجع مثل اول بلعت ريجها ووقفت اطالعه
نور:هل تحتاج الى شيا اخر؟
بعده تام ساكت ومتجاهلنها
ماعرفت شو تسوي له وراحت وقعدت على واحد من الكراسي ولزمت الصمت
بند زايد التلفزون من الريموت الي عنده وبند الليتات لانه عنده نقطة التحكم بالاناره
تمت الغرفه في ظلام شكله ايريد يرقد رفعت نور اريولها من على الارض وضمتهن الها وغطت عينها بعد ما حست بالنعاس
وعت نور على صوت الممرضه اتكلم زايد والي طلب منها اتساعده ايروح للحمام
قامت نور وقربت منهم وهيه تقول للمرضه اتروح وهيه بتتولاا الامر لاكن زايد مسك الممرضه بغيض من يدها مانعنها اتروح
والتفت لنور بنظرات معصبه لاكنه ماتكلم
الممرضه فهمت له وساعدته بالنزول على الكرسي ومن بعدها راحت به لين باب الحمام
عصبت نور ولحقتهم وهيه تطلب من الممرضه اتفارج وتخلي ممرض يحضر بدالها
تنرفزت الممرضه وطلعت
زايد:ا انـــانتيييي ماااالج خــخص
نور:انا زوجتك احق من هذه الكافره بان اساعدك
زايد:ا انتييي بنت باااكستااانيه ماااريد منج اي خدمممه
نور:اعلم اني ابنة باكستانيه لما تذكرني بهذا الامر كل حييين ولاكنني زوجتك
زايد:انقلعييي براااا
نور:اريد مساعدتك
زايد:ماااريييد منج اييي مسااااعده انقلعيييي
نور باستعطاف:زيد لما تفعل هذا انا لم اتي معك الا من اجلك لما تريد ان تمنعني من مساعدتك؟
زايد:مـمن البدااايه ماااكنت اريييد منج ايي مساااعده طـطلعييي برااااااا
سحب زايد الخيط الي يعطي لجرس الانذار عشان اييه حد غيرها ودخل عليه المره هذي ممرض
زايد:طلعييي براااااا
نور:حسنا
التفتت عنه ولبست غطاها وطلعت من الغرفه وتمت تمشي في الممرمتضايقه
خليفه ومعاه اليازي:نووور شو تسوييين اهنيه؟
نور:زيد ...لقد طردني من الغرفه
خليفه حاول انه يمنع نفسه مايضحك لانه يعرف زايد
خليفه:افا ياذا العلم يطردج وانا موجود ماعليج تعالي وانا بسنعه لج
دخل خليفه ومعاه البنات وحصلو زايد على سريره ايطالع التلفزون وسلم عليه
خليفه:الحمدلله على السلامه انا عاده اليوووم ابصم بالعشره انك بخيييير مليون بالميه هههههه
ابتسم زايد
خليفه:هاك كلم بدر حاشرنيه من البارحه ايريد ايكلمك
اليازي طلعت الدلال الي يابوهن وقامت معاها نور ورتبن صنيه صغيره وحطن فيها اكواب وفناييل وطبعا مله صغيره فيها تمروعلبة حلويات
تم زايد ايكلم بدر وشافت نور ان نفسيته تحسنت شويه ولسانه بدا ينطلق اكثر في الحروف
قرب خليفه من نور واليازي:اقول بنات شرايكن اتروحن الشقه لان ريايل بيون ايسلمون على زايد ويتحمدون له بالسلامه..ناس انعرفهم من السفاره ومعارف زايد اهنيه واييد
نور:ولاكن عماه هو لا يزال متعب
خليفه:لا ماعلييج من ايشوف العرب بيغادي بخير بسرعه فديتكن الجماعه يايين في الطريق
طلعت نور واليازي وراحن للشقه وكان الاتصال بينهن وبين خليفه الي اذا احتاج قهوه وشاي طلب منهن ايسون ويرجعلهن ياخذهن ويرجع عند زايد الي ماشالله زاره ناس وااايد من الي يعرفونه وضامين صوتهم للتصوييت له
حس زايد في اخر اليوم بتعب واستسلم للنوم ونور حشرت خليفه كل شوي تساله اذا كل شي او لاا سوتله شوربه وطرشتها له وقالها خليفه انه شربها
في اليوم الثالث في الامارات اتصل مروان في الساعات الاولى من الصباح على بدر الي توه واعي ويتجهز للدوام
مروان:بدر..انته ويييين
بدر:مرواان شبلاااك شكلك عندك شي؟
مروان:اااخ شو بقولك؟
بدر:يا اخي ارمس
مروان:مصييييبه
بدر:مروان لاترفع ضغطيه
مروان:مصيبخ مايت على البال يا خويه
بدر:لحووووووه وبعدين يعني؟
مروان خذ نفس وتكلم:بدر امس المغرب صارت جريمة قتل والقضيه خذها حسن السعدوني قبل لا اوصل المخفر
بدر:انزين الزبده
مروان:حرمتك متهمه بجريمة القتل هذي
وقف بدر مش مستوعب مروان شو يقول:شووووو؟
مروان:روضه بنت راشد يارنا الي انته مالج عليها متهمه بقتل المدرسه
بدر:انته شو قاعد اتخربط وتقووول
مروان:اسمعنيه بدر الموضوع ومافيه ان لبنيه امس كانت عند المدرسه وهددتها بالقتل حسب كلام المدرسات الي كانن عندها والطالبات ايقولن استوت وقعه بينهن كبيره وروضه هددتها انها تذبحها والبارحه المغرب المدرسه حصلوها ميته
ماكله بيتزا وفيها سم
بدر:عاده اهيه مش مينونه لهدرجه عشان اتروح تذبحها عسب وقعه
مروان:البنات قالن ان المدرسه غلطت على روضه بالفاظ بذيئه خلت لبنيه اتهد عليها في نفس الوقت وهيه تقول بذبحج وان موتج بيكون على يديه
بدر بغيض:يا مروان انته مصدق هالخرابيط
مروان:المهم انا اقولك حسن السعدوني مش هين وانته تدري ان بينيه وبينه مشاكل من العام والريال من درا انها حرمة اخويه مصبح جدام بيت ابو فهد من غبشه وهم الحين ايحاولون ياخذون روضه للمخفر
كانت هذي ضربه قويه على راس بدر
بدر:شو هالكلام الفاضي الي انته قاعد اتقوله..على اي اساس ايشلها وهو ماعنده ادله وبراهين لعب عيال اهو
مروان:تراااه سبااال ويريد ياخذها للمخفر عشان التحقيق
بدر بغيض وقهر:سكر يامروان انا بروح وبشوف شو السالفه
وبسرعه بسرعه لبس بدر ثوبه وتم يعقم ازرار الثوب وهو متوتر ولبس سفرته وعقاله ونزل بسرعه تحت وطلع لسيارته وهو لاف لبيت ابو فهد كان يتمنى انه مايشوف حد جدامه وان هذا كله مقلب من مروان لاكنه انصعق من عدد السيارات والشرطه الي واقفين غير الصحافه الي مانسو ان هذا البيت كان اخر بيت طلع امنه زايد قبل الحادث
حس ان في شي يضغط على جسمه وشي يكبت على صدره ويحاول يخنقه
على طووول اتوجه من بعد مانزل من السياره للضابط حسن الي كان فاتح باب سيارته ومنزل ريوله برا وينتظر البنات الشرطيات الي طرشهن داخل اييبن روضه سلم بدر على حسن
بدر:شوووه ياحضرة الضابط حسن ياي تقبض على عصابه
التفت الضابط حسن لبدر وهو يدري انه اخو مروان الي دائما بينهم عداوه
حسن:نعم يا استاذ بدر انا قاعد اطبق القانون
بدر:والقانون ايقولك تعال خذ بنت ناس عرب من قبايل وهل الدار بالطريقه هذي
حسن:والله اهيه المتهمه الاولى
بدر:عندك ادله يا حضرة الضابط تثبت التهمه عليها
حسن بنظرات مايهمه شي:عنديه شهووود
بدر:بالعقل ....بتاخذ تهديدات وحده معصبه من كلام انقال الها على محمل الجد وين احنا عايشييين
حسن:اوووه انته بتبدا بالدفاع الحين تو الناس عدنا جدامنا وقت طويل
بدر:انا ما اسمحلك تاخذها من البيت بالطريقه هذي وجدام العالم هذي كلها وانته ماعندك اي دليل يثبت ادانتها
حسن:قلتلك عنديه شهوووود وانا ماعليه من حد الي في راسيه بسويه والبنت بتطلع بتطلع برضاها بالقوه بتطلع
قعد بدر محتشر معاه ويحاول معاه بكل الطرق عشان ايرده عن الي ياي ايسويه لاكن مافي فايده في البيت داخل اول ماطبت البنات العسكريات على روضه وطلبن منها اتروح معاهن وعرفت بالسالفه
فتحت عيونها منصعقه والتفتت لمي اتشوف شو ردة فعلها والتفتت الهن
روضه:انا ذبحتها؟؟!!!ّ
العسكريه:انتي المتهمه الاولى والمدرسات شهدن انج هددتيها بالقتل
روضه بسخريه:لاااا انا قتلتها وكيف قتلتها قطعتها بالسجيين وحطيتها في اكياس
العسكريه بحزم:امشي لبسي عباتج احنا ماعندنا وقت وكل الي تبين اتقولينه قوليه في المخفر
روضه:لا والله على كيفكن انا اتفضلن انتن طلعن برا
العسكريه:لاتخلينا نستعمل معاج العنف
روضه:اميه وين ابووويه؟
ام فهد الي تمت اتصيح من الوضع:ابوج وفهد البارحه راحو قطربالسياره يااااااله بسترك
العسكريه:انا انذرج لاخر مره لبسي عباتج وامشي جداميه
روضه:انا هب طالعه من اهنيه وابويه محد انقلعن انتن برا
التفتت العسكريه لام فهد:يا حجه هاتي عبات بنتج وخليها تلبسها لاننا مظطرين ناخذها بالقوه
روضه:واللــــــــــــهما اشبر معاكن شبر لين ايي ابويه انا ماليه خص فيها روحن طالعن منو الي بحها
اميه ترا كل الي ايقولنه جذب انا ما ذبحتها
كانت مي اتصييح بصوت خافت وهيه لاويه على امها من ورا
روضه هزت مي:مي تكلمي قولي شي انا ذبحتها انتي بتصدقين كلامهن
التفتت الام لمي:سيري يابنتيه هاتي عباتها
روضه:لاااا اميه بتخلينهم ياخذونيه انتي صدقتيهم
ام فهد:يابنتيه اتقول باخذها بالغصب انا ما اباهم يطلعونج جذيه بدون ستر
روضه وهيه بدت تنتفض من شكل امها الي تصيح ومي:ماعليج منهن انا اصلا مش طالعه بيبطوووون انا اروح مخفر شرطه والله لايذبحنيه ابويه اندرا قوليلهن يطلعن برا انتي راعية البيت طلعيهن
العسكريه تمت اتكلم الضابط حسن برا وتقوله ان البنت مش راضيه تطلع وصرخ عليها هاتيها بالقوه ولا بدخل انا اطلعها بالقو
عاده في هذي اللحظه كان مروان قريب منهم توه واصل وسمع الضابط حسن ايقول جذيه ومانتبه على البوكس الي ياه من مروان
مروان:جان فيك خير ادخل داخل وانا بعلمك السنع عدل
التفت مجموعه من الشرطه على مروان يمنعون الضرابه الي متعودين عليها دايما وابعدوه عنه بعيد
بدر:يامروان الله ايهديك احنا الحين فكار وقعاتك
مروان:هذا سبااااال لو تكلمه من اليوم لين باجر مايفهم
قام الضابط حسن واتصل على البنات داخل وهو يقول الكن خمس دقايق ولا تراه اهو بيدخل
مروان والشرطه يمسكونه مانعينه يقرب من حسن:يا حقيييير انته ماتستحي على ويهك والله لو السالفه وصلت الشيوخ انهم ايفنشونك اليوم قبل باجر
حسن ما عبرهم وتقدم بخطواته ناحية البيت في الوقت هذا قدرت ام فهد اتلبس روضه عباتها وهيه تترجاها لان الشرطيات سحبنها اول شي لين الباب
تمت روضه تلبس العباه ويابتلها مي الغطوه من فوق الشيله والعباه ولبستها واول ما خطت روضه خطوه برا وشافت الي برا التفتت اتريد تدخل وهيه تصرخ ماريد ماريد
بدر انتبه لصرختها وهو كان واقف ايكلم واحد من المسؤلين في التلفون بند التيلفون وركض ناحيتها راقي السلمات وصرخ على العسكريه
بدر وهو يلفها ناحيته وياخذها في حضنه:بطليييهااااا
روضه مثل الي ماتحس بشي حوليها يتها حاله هستيريه وهيه تصييح ماريد ماريد
بدر وهو يلمها اكثر لحضنه وكان واقف معاها في مدخل البيت ورا الباب الي كان مفتووح
بدر:روضه روضه خلااص اهدي انامعااااج
روضه:اريد ابويه اريد ابويه ماريد اروح معاهم ماااااارييييييد انا ماذبحتها والله ماذبحتها
بدر:الله يغربلهم خلاااص انزييين لاتخاقين انا معاااج وانتي بتروحييين معايه مابخليهم ياخذونج
ماكانت تدري اهيه في حضن منوووه ولا منو هذا الي يكلمها اخيرا استوعبت وابتعدت نه شوي
روضه بخوف:انته منووووه؟
لفها اكثر لحضنه وهو يحس بمقاومتها
بدر:انا بدر ياروضه بدر زووووجج لا تخافييين
بدت ترتعش اكثر وتحس انها في دوامه وقريب تفقد وعيها ورجعت تستسلم لدموعها
روضه:ارييييد ابووويه ماريد اروووح معاهم ياربي انا شو سويييت والله ماذبحتهااااا
بدر:خلاص انزين خلاص لاتخافين انتي بتروحين معايه وبترجعين معايه بس اهيه جلسة تحقيق وبينتهي كل شي وبردج البيت تعالي تعالي معايه لسيارتيه
مشت روضه معاه وهو لافنها بيديه ومعدي ابها بينهم متجه لسيارته لاكنها قبل لا توصل السياره وقفت رافضه اتكمل
بدر:وبعدين يا روضه امشي خلي هاليوم ايعدي على خييير
حسن:على وييين يا استاذ بدر ماخذ المتهمه؟
بدر:خذت اذن من المسؤل انيه اوديها معايه شل حشدك انته وتوكلو
ركبها السياره ودار للجنب الثاني وركب قرب امنه مروان ونزل ايكلمه من الدريشه وعينه عليها وهيه تنتفض
مروان:فارقت ويهه انا بحاول اكلم العقيد سالم يدخل في السالفه قبل لا يهبب هذا فيها
بدر بضيقة خاطر:ماعليه ...الله يشوفلنا
تم بدر ايسوق وهو ايحس بغيض يتصاعد فيه
روضه وهيه تشاهق:انا ما ذبحتهاااا
بدر بغيض:انتييي لسانج متبري منج ولا في وحده تهدد بالقتل
روضه:انا ماكنت اعنيييه انا كنت مغتاضه عليها انته ماسمعت شو قالت اليه هذي تمت تسبنيه
وطعنتنيه في شرفيه ...تستااااهل والله انها تستاااهل الموووت
بدر:جب ولا كلمه انتي اي كلمه اتقولينها الحين محسوبه عليج ...ماريدج تتكلمين باي كلمه خليج منطمه وخلاااص
انا بمسك القضيه وانا بتولا الكلام عنج تسمعييين مااريد اي كلمه اتقولينها
روضه:يعني انته كيف بتتكلم عنيه
بدر:بصفتيه محاميج فهمتي
سكتت روضه وهيه تحس بغصه ...معقوله عقب كل الي ياه منيه ايكون اول واحد واقف في صفيه
لين الحين بسبب دموعها والغطوه الثقيله الي يابتها مي ماحددت ملامحه
في المخفر مروان وداهم لغرفه صغيره فيها طاوله وكرسيين عشان بدر ياخذ كل اقوالها قبل التحقيق
بدر:قعدي يا روضه انا بروح شويه وبرجع
روضه:ما اريد اقعد بروحيه
بدر:لا تتروعين انا موجود بس بتفاهم مع الضابط عشان اخذ اقوالج قبل
"اكيد لوحد في الشرطه بيقرا القصه بيفطس من الضحك على الخربطان الي قاعده اكتبه ماعليه ماعليه تاليف كله ...المره الي فاتت عرب ضحكو على وايرات السياره المره هذي الله يستر"
تمت روضه تحاول اتهدي نفسها وهيه تحس براحه من وجود بدر معاها وهيه تفرك ايديها
دخل بدر وفي يده شنطه سودا اول ما حطها على الطاوله ابتسم
بدر:هااه راعي الشنطه السودا ياااج بافي النظرات نسيتهن في البيت
روضه في خاطرها "والله قاعد اينكت هذا"ّ
فتح بدر الشنطه بعد ما قعد وطلع منها بعض الاوراق وطلع ورقه وقلم ودزهن جدامها
بدر:روضه ملي هالاورقه
روضه:ليييش؟
بدر:لا ما عليج هذي ورقه تخص موافقتج انيه اكون محاميج
روضه:لاا انا ماريد جذيه انا ماجتلتها ليش اتسوليه جذيه انا ماريد اتم اهنيه اريد ارجع البيت
بدر:على كيفج اهو ياماما السالفه فيها قتل
روضه:انزين انا ماذبحتها
بدر:ومنو الي بيصدقج هذي مش مدرسه وحده الي شهدت ضدج اربع مدرسات وثلاث طالبات
والكلام الي قالنه مش هين كلامج كان الها انج بتذبحينها بتذبحينها هذا غير القسم الي قسمتيه بان موتها بيكون على يدج
روضه:قسما بالله ماكنت احس بالي اقوله
بدر:عاده هي مشكلتج اذا كنتي ماتحسين بالي تقولينه بليز خلصي لورقه اليه عشان اوديها
مسكت روضه القلم بيد ترتجف وسحبت لورقه وقبل لا تكتب رفعت راسها له
روضه:عادي ارفع الغشوه حد بيدخل
مايدري ليش بدر حس برجفه خفيفه تسري في جسمه وهو قاعد يقرا الاوراق جدامه
بدر:كيفج
روضه:محد بيدخل
بدر وهو يحس بالتوتر رجعله:لاااا
تم مثبت عيونه على الاوراق ويحس انه بدا مايفهم شي من الي يقراه وهو يلمح انها كشفت غشوتها
روضه تنحت اول ما طاحت عينها عليه وهو منزل نظره تحت يقرا الاوراق...منووو هذا؟؟...هاااه لحضه لحضه
هذا.....الحيييين.....اهو......بدر...لالالا انا يمكن من الي فيه يتخيل اليه هذا شاب ومزيووووون الموووووت هذا فوق الزييين وين عيل المحامي الشيبه
بدر وعيونه على اوراقه ايحس ان عيونه شي ماسكنها عن لا يرفعهن ناحيتها:خلصي لورقه بسرعه
روضه:هااه
بدر :شوووه هاااه خلصي لورقه
روضه وهيه تهز راسها انزييين مسكت القلم وبدت تكتب وكل شوي ترفع نظرها له لاحظت اخيرا انه مارفع عينه فيها ووقفت من الكتابه ليش ما طالعها؟
بدر وهو يجلب لااوراق الي ضيع كل المعلومات الي فيهن ومايدري شو صارله:خلصتي
روضه:هااه لا بعدنيه
بدر:عن التتنيح وياله خلصي ماعنديه وقت
روضه:انـ انزيين
اول ما خلصت رفعت نظرها اطالعه وهو يقرا الاوراق ويعض على طرف شفايفه
روضه:بدر
على طول كانت الاستجابه انه رفع نظره الها عشان ينصعق اهو بالي يشوفه...بيبي فيييس اخر شي يتخيله ان روضه ويهها ايكون طفولي بالصوره هذي عيونها كانت لوزيه ولونهن اسووود ويههها دائري
والها غمازيتين ملفتااات للنظراسنانها الهن صفه غريبه تجذب الواحد يوم تتكلم الى جانب شفايفها الناعمه ونظراتها الطفوليه
بدر بعدم استيعاب:انتي روضه
احمر ويهها:ليييش؟
بدر:منو الي اكبر انتي ولا مي
روضه:انا طبعا الكبيره
بدر:متاكده؟؟!!!ّ
كان منصعق على لسانها الي متبري منها تطلع هذي روضه بحجمها الصغير الي توه بدا يستوعبه وشكلها الطفولي
روضه:انته شبلاااك اطالعنيه جذيه؟
حط الاوراق وتم يتفحصها اكثر
بدر:انتي روضه ؟؟؟انا قلت هالملسونه والي قاعده تهدد وتتوعد .انسااانه ثانيه بشكل ثاني تطلعين انتي الي يشوفج ايقول هذي عدها ماطلعت من الارض يطلع منج كل هالمشاكل انتي من وين يايبه الثقه في نفسج عشان اتسوين كل الي تسوينه
وقفت روضه معصبه:شقصدك يعني ..يعني مش ماليه عينك
بدر:هاه هاه هدي هدي الحين مش وقت اننا نتواقع خلينا اول شي نطلع من لمصيبه الي يبتيها وعقب بنتفاهم
قعدت روضه وهيه معصبه وكان شكلها وهيه معصبه رهيييييب ...بدر حاول انه يسيطر على قلبه الي ما استاذن وبدا ايدق بالقو
ايحس كل شي اتخربط من حوله.......................................
اول ما حطت نور الاكل جدام زايد على طووول فر الصنيه عشان اطيح على الارض
زايد بصراخ:انتي ماتفهمييين قلتلج ما اريد اكل
نور:ولاكنك لم تاكل شيا
زايد:مالج خص فيه اكل على كيفيه انتي شخصج انقلعي من جداميه ما اريد اشوووف ويهج
في اللحضه هذي حس زايد بويع قوي في ظهره وصرخ
زايد:ااااخ ظهري
ركضت نور ناحيته متروعه
نور:زيد ماذا بك
زايد وهو يحاول ايقاوم الويع:لاتقولين اليه زيد لوعتي بجبديه اسميه زااااايد زاااااايد انتي تفهمين ولا ماتفهمييين
نور:حسنا حسنا زااايد
نطقها للاسم كان غلط
زايد:انتي تبين تقهرينيه تنطقين باسميه جذيه
نور:لقد قلت لك لا استطيع ان انطقه كما يجب ان انطقه لذالك افضل اسم زيد
زايد:وانا مش على كيفج وعلى كيف نطقج الاحسن انج تفارجييين ولا تنطقين به ابدا اااه
نور:سوف استدعي الطبيب
بعد ما رجعت نور دخل عقب دكتور وكانت جنسيته باكستاني تم يتكلم مع زايد بكلام عربي مكسر وقال لزايد انه باكستاني
كان طويل وحليو بدون لحيه وكل شوي يلتفت لنور وهو مبتسم
زايد تم على اعصابه لين كشف عليه وعطاه ابره وخلص وقبل لا يطلع التفت لنور وكلمها بالباكستاني جاوبت نور على كل اسالته بعد بالباكستاني وعقب طلع وهو مبتسم
بعد ما طلع قربت من زايد ورفعت غطاها
نور:هل تشعر بتحسن الان؟
طالعها بطرف عينه وتم ساكت وعقب غمض عينه ..راحت نور وقعدت على الكرسي وهيه اطالعه بعد نصف ساعه قعد زايد والتفت ناحيتها
زايد:سيري سكري الباب زييين
نور بنظرات استفهام:لماذا؟
زايد وبصوت هادي مرتاح من عقب الابره الي خذها:سكري الباب يانور زيين وتعالي ابااج
التفتت للباب وسكرته زين
زايد:غفليه ان كان فيه مفتاح
نور:حسنا
رجعت له:ماذا هناك؟
زايد:ماشي اريدج اتعقين شيلتج مش صرتي زوجتيه وحلال اشوفج
نور وبعدها مستغربه:هنا؟
زايد:هيه اهنيه عقي العباه والشيله اريد اشوفج زييين
تمت واقفه متردده
نور:هل اخلع حجابي فقط كي استطيع لبسه بسرعه انحضر احدهم
زايد:هممم ماعليه عقي لحجاب
التفتت عنه وراحت لين الطاوله وفصخت الحجاب وهيه تحس بتوتر رتبت شعرها زين والتفتت له
تم ايطالعها
زايد:افتحي شعرج
نور:زيد لما تطلب مني هذا الان؟
زايد:مش زوجج واليه الحق اشوفج
نور:اجل ...حسنا
فتحت نور شعرها الي كان رهيب واتذكر زايد هذاك اليوم يوم كان يراقبها من ورا الباب الزجاجي
بدا ويه نور يحمر من الاحراج وزايد قاعد ايطالعها بنظرات غريبه
زايد:تعالي
توترت ومشت ناحيته وهيه تحس بالتوتر
زايد:قربي اهنيه عداليه
نور وهيه كل شوي رفعت نظرها ناحيته منحرجه اقتربت اكثر
زايد وهو يتفحصها:تعالي عداليه اقعدي
بدا قلب نور يرتجف هذا شو يريد منها
قربت اكثر وقعدت في المكان الي كان ياشر عليه مجابلتنه وهيه منزله راسها تحت مد زايد يده ورفع راسها فوق ايطالعها بشكلها المثير وشعرها مهدود حوالين ويهها عقب مد يده ودخلها في شعرها ونور تحس برجفه قويه تتملكها من لمساته قرب راسها ناحيته لين صار ويهها مجابل ويهه واحمرار ويهها ايزيد اكثر ونظرات عيونها تحت
لاكن في شي غريب حستبه في راسها وهو يشد شعرها بقو وزاد اكثر لين حست بالويع
نور:اااه زيد انك تولمني
شد شعرها اكثر واقو من قبل
زايد:ياحماره بتقولين اليه هالباكستاني من وين متعرفه عليه؟
نور:اااه زيد انك تولمني حقا
زايد:من وييين متعرفه عليييه؟
نور:اتركني انته عن من تتحدث؟
زايد:عن الهيس الي قاعده ترطنين معاه قبل اشوي
نور:انا لا اعرفه اااه راسي يولمني
زايد:جذااابه اتعرفينه وهو متشقق من الوناسه بتقولين من وين عيل عرف انتي باكستانيه وشو كنتو تقولووون
نور:اقسم لك زيد انا لا اعرفه ...هو علم بوجودي من السفاره وقد استفسر هذا مني قبل قليل لم يقل لي شيا اخر ارجوووك زيد اترك شعري انك تولمني
زايد:لااا والله وهو ماصدق على طووول ياي ايشوفج ووين اتواعد معاج عشان ايشوفج عدل؟
نور:الا تخجل ...م مما تقووول...هل ت تعتقد باننيي كما تقووول
زايد:هيه ليش لا وانا شعرفنيه اصلا بج وشدرانيه ان هذا الي تسوينه كله مش قناااع
بدت دموع نور تنزل من الويع والتهمه الي يوجهها زايد الها
نور:ساااامحك الله هو يعلم بحاالي
دز زايد نور بالقو على الارض
زايد:حقيره ...لبسي شيلتج وانثبري على الكرسي وياويييلج ان تحركتي امنه ولا كلمتي حد خلينيه بس اقوم من الشبريه وانا بعرف اربيج عدل
لبست نور شيلتها وهيه تصييح وقعدت على الكرسي مثل ما قال الها مش متخيله تفكيره الحقير عليها
رجع وحط ظهره على الشبريه وهو يحس بالويع رجع له مره ثانيه
في مخفر الشرطه وفي الغرفه الي كان فيها بدر وروضه كان بدر منزل راسه ومندمج في تملية استمارات واوراق كانت روضه تتامله
مش مصدقه انه هذا اهو بدر...كان حديثها مع نفسها"خيبه تخيبج يارويض الحين هذا اهو بدر الي كان خاطبنيه وانا احتشرت وسويتلهم حفله صدق ماعنديه سالفه
لا والمسكين متصل متاذي من لعلوم الي وصلته وانا اعلن رفضيه عند الكل وطلع بعد سامع صريخيه وانا اقول ما اباااه...يالفشييييله والله صدق
وانا اقول ماعليه شيبه لابس نظرات وعنده شنطه سودا بس تدرون انا متعقده من الفلم الي اتابعه المحامي الي في الفلم كان شكله جذيه لابس نظرات وعنده شنطه محنتره سودا صدق انيه خبلا
شو الي بييب الي في التلفزون عندنا في البيت...بس انا اعتقد كل المحامين شواااب...هذا شو يبا ايصير محامي...يخرب بيته والله انه مزيوون
وفوق الزين بعد لحووووه احس قلبيه ايدق وانا اشوفه
كان بدر يدري انها اتراقبه وهذا موترنه ومخلنه مش قادر يسيطر على الي يقراه ويكتبه...ولا هذي طلعت روضه
صدق الي قال يضع سره في اصغر خلقه ...عيل هذي النتفه مسويتليه كل العصبيه الي فاتت وانا كل يوم افكر كيف بادبها وبنتقم من اسلوبها وطريقة كلامها الزفته معايه تطلع في الاخير
اهيه هذي
رفع نظره الها وتلاقت نظراتهم وبسرعه كل واحد صد عن الثاني لشحنات انرسلت بينهم
تم بدر ايلم اوراقه ويحطهن في الشنطه وهو متضايق من الاحساس الغريب الي بدا يتملكه كل ما طاحت عينه عليها
يوم ايصد بنظره عنها ايقول لاا هذي لازم ما اسويلها سالفه لاكنه اول مايلمح نظراتها الطفوليه
يبدا الاحساس الغريب يسري فيه
حط كل اوراقه في الشنطه ووقف ووقفت اهيه على طول وهيه اطالعه مترقبه شو بيقول؟؟
بدر:انا بروح اشويه وبايي خليج اهنيه
روضه:لا ماريد اقعد بروحيه اريد اروح البيت
رجع والتفت الها:وين اتروحين؟؟؟انتي متى بتفهمين الوضع الي انتي فيه؟؟
روضه:انا ماليه خص اريد اروح البيت
بدر بطنازه:تبين اتروحين البيت اكوه الباب اقبضيه ياله روحي البيت
روضه:احسلك عن الطنازه هذي
بدر:مش انتي الي تقولين اريد اروح البيت؟
روضه:انته تتحسب بس انته المحامي في الدوله عشان تكلمنيه جذيه؟
بدر:واللــــــــــــــه ومن وين بتيبين المحامي حضرتج؟
روضه:ابويه بييب اليه احسن محامي
بدر:ايووووا ابوج وابوج وينه الحين قده على طريق السعوديه رايح يشتريله بوش وهو مايدري بسالفتج لين الحين شرايج عيل ترقبينه كم يوم واتوكل انا لين ايي ابوج؟؟
روضه عصبت:انته ليش تتكلم معايه جذيه شو تشوفنيه جدامك ياهل؟؟
التفت الها وهو ماسك قبضة الباب وبنظرات استخفاف وهو رافع حواجبه تم ايطالعها من فوق لتحت وابتسامه ساخره على طرف شفايفه يعني قصده وشو الفرق ...فهمتله وزادت عصبيتها عليه
وقبل لا تقول كلمه التفت عنها وطلع مسكر الباب وراه
التفتت معصبه وحاولت انها ماتستسلم لدموعها...شقصده هذا بنظراته هذي ...حقيييير يعني ايشوفنيه الحين قصيره اصلا انا طوليه عادي
اهو ليش مايشوف طوله هذا الي واصل حداد الباب وقاعد ايطالعنيه من فوق لتحت ااااه والله انه يقهر
قعدت على الكرسي وهيه تحس انها بدت تتعب البارحه رقدت متاخر ومن الصبح موعينها عشان الشرطه ييت اتحس بالنعاس بدا يسيطر عليها غير صوت
بطنها الي يعلن الجوع صحيح اهيه شكلها صغير لاكنها تاكل اكل اربعة اشخاص ومايطلع عليها واهم وجبه عندها الريوق
ماتريد ترقد لازم تطلع من اهنيه راحت ووقفت عدال الجدار سانده ظهرها عليه وغمضت عيونها
بدر تاخر وااايد وهو في مواجهات مع حسن السعدوني الي عقد له الامور كلها ومش راضي يتعاون معاه
رجع للغرفه متضايق وماشافها جدامه
بدر:روضه
قفزت من وقفتها:هاااه
التفت على طرف وشافها وتقدم للغرفه داخل رايح للطاوله:شو تسوين اهناك تعالي اباج
قربت وقعدت مواجهتنه انصدم من نظراتها المترقبه طفــــــــــــــــــــــــله والله ان الي جدامه طفله مع نظراتها هذي
ماعرف باي طريقه يتكلم معاها
روضه:متى بروووح البيت انا خلاااص تعبت؟
بدر:الموضوع مش سهل ياروضه الموضوع طلع متعقد زياااده
انفعلت وقامت واقفه تصرخ:انا ماذبحتها والله العظيم ماذبحتها انتو ليش ماتريدون تفهموون انا اريد ارجع البيت انا ماليه خص في السالفه هذي كلها
بدر:اهدي واقعدي خلينيه اعرف اتفاهم معاااج
روضه:انته ليش مسولهم سالفه ودنيه البيت؟
صرخ عليها:روووووضه
قفزت من صرخته ووقفت اطالعه
بدر:قعدي وحطي عقلج في راسج مره وحده انتي عن شووووه تتكلمين هذي جريمة قتل مش لعب عياااال تفهميييين
روضه بصوت متعبر:انزين انا ماذبحتها
بدر:ومنوه الي تبينه ايصدقج؟
روضه:شمعنا انا الي بذبحها
بدر:انتي الي هددتي واقسمتي انج تذبحينها
هزت راسها بلاا:والله العظيم ماذبحتها...انا ماكنت احس بالي اقوله
بدر بتوتر:انا كنت اقدر اطلعج وانكمل التحقيق معاج في البيت لاكن طلعت امور عقدت بالسالفه كلها
روضه وهيه تمسح دمعتها:شوووه؟
بدر:روضه انتي طلبتي بتزا من الكفتريا البارحه قبل المغرب
طالعته روضه وهيه تحاول تتذكر:هييه
غمض عيونه:ومنو الي كلها؟
روضه:انا
بدر:حد معااج؟
روضه:لااا بس انا
بدر:ووين بقايا البيتزا
روضه:ماشي بقا منها
بدر باستغراب:كلتيها كلها بروحج اهيه اي حجم كانت
كان عنده امل ان الي طلبتها بحجم صغير عكس الي كانت عند المدرسه ولقو فيها نسبه من السم...اكيد الكفتريا بياكد هذا الهم
روضه وهيه مفتشله:من الحجم الكبير
بدر:وكلتيها كلهااااا؟؟؟!!!!ّ
روضه بنظرات بدت توتر بدر:انزييين انا ماكنت متغديه وكنت ايعااانه
بدر:هذا مايعني انج بتاكلينها كلها ومابتخلين شي منها
روضه:انته شو تريد من البيتزا كلتها كلها ولا نصفها؟
بدر:لان المدرسه يا روضه ميته بالبيتزا الي محطوط فيها سم
شهقت ووقفت واقفه:قصدك انيه انا ذبحتها بالطريقه هذي!!!! ليش وين عقليه وانا ناويه اذبحها جذيه؟؟؟ انا فكرت انها ماتت مقطعه بالسجاجين يمكن هذاك اليوم وانا مغتاااضه عليها وعنديه سجين اذبحها وانا ما احس بعمريه وانتفها لك ميت قطعه
قام بدر بسرعه وقرب منها وهو ايحط يده على ثمها يمنعها من الكلااام
بدر:اصصصص ولااا كلمه مجرمه صدق
تمت فاتحه عيونها وهو مسكر على ثمها واطالعه
بدر همس الها:اصصصص ولا كلمه....انتي مصيبه...ولسانج هذا صدق اكبر مصيبه ...شو هذا الي قاعده اتهببينه وتقولينه
هزت راسها
بدر:خلاص...اريدج تنكتميييين ولا تطلع منج اي كلمه
هزت راسها باوكيه اصلا اهيه ضاعت كل علومها من لفها بيده وقربها كل هالقرب امنه وهو كاتم على ثمها تم قلبها ايدق
بدر وهو بعده على نفس الوضع معاها:روضه ترا كل كلمه اتقولينها بتنحسب عليج ارجووووج لاتصعبين الامور اليه وخلينا نطلع من هالمصيبه باي شكل من الاشكااال
هزت راسها انزيين
بدر وهو ايحس ان الوضع عاجبنه مع بداية خفقان قلبه:توعدييينيه؟
هزت راسها انزين
تم يتامل عيونها القريبه امنه وعيونها غايصه في عيونه لثواني نسو انفسهم وبدت يده ترتخي عن ثمها واحساس قوي غريب بدا يتملكه
واول ما ابتعدت يده عن شفايفها عضت عليهن ووضحت الغمازيه على طرف خدها مسك راسها وضغطبه على صدره في محاوله انه يسيطر على نفسه
بدر:اوعدج انيه اطلعج من السالفه بس انتي خليييج واثقه فيه
في اثنينه كانو يرتجفون تركها بسرعه ودار لمكانه وهو يحاول ويحاول ايسيطر على نفسه وتم ايطلع الاوراق من الشنطه بدون ما يدري ليش ايطلعهن
رفع نظره الها ووقف:انا بروح اشوي وبرجع
طلع بسرعه مشاااعره قويه ماتخيل انه بيواجه مثل هالمشاعر مايدري وين ايروح ولا شو يسوي اول مره ينسى شنطته وراه مفتوحه
ركب سيارته وحط يده ماسك راسه
لمصيبه انه الحين لازم ايحصل حل للمشكله تطلع له مشكلة مشاعره الغريبه هذي مش وقته يابدر
فتح مروان الباب الي عداله وركب
مروان:بدر...شو صااار؟
التفت له ونظره مشتت:هااه
مروان همه اخوه اول مره يشوفه جذيه:بدر اعتقد انها قضيه تافهه تقدر تطلع منها
...ولا لان السالفه فيها ارتباط اسمك بالمتهمه
بدر:لا تقول متهمه....
رجع وغمض عيونه ومسك راسه
مروان حس بغيض يسري في جسمه:تبانيه اروح اسنعهم لك؟؟
بدر:لا يامروان...لا تعقد اليه الامور...انته تعتبر الحين اخو زوجها يعني لا تحاااول...انا بس الي اريده انيه اطلعها منيه واخلي بقية التحقيقات معاها في البيت وهذا حسن ابدا مش متعاون
مرواان:ااااخ بس اصبر عليه لين يخلص الموضوع برويك فيه
هز بدر راسه:لا تعق عمرك في مشاكل انته في غنى عنها
مروان:زين ان قدرت امسك نفسيه لين يخلص الموضوع....على العموووم انا بروح وبستفسر من راعي الكفتريا نفسه
تدري انا بقوله شو نوع البيتزا الي طلبتها روضه وبشوف نوع البيتزا الي كلتها المجني عليها
بدر بضيقه خاطر:لا تحاول نفس النوعيه وبعد نفس الحجم
مروان:لا تشل هم انا بسوي الي اقدر عليه بس من بعيد لبعيد ترا هذا حسن ثووور خلاص حطها اهيه في راسه ومابيتحرك ايدور اي ادله ثانيه...بخليك
نزل مروان وتم بدر لدقايق ايفكر...مايقدر ايحرك ويروح ويخليها بروحها لازم يرجع عندها
قبل لا يدخل الغرفه عندها ناداه احمد ربيع مروان
احمد:بدر كوب نسكافيه؟
بدر:ايوالله شدرااك انيه مصدع ومحتاج له
خذ بدر الكوب ودخل كانت قاعده واول ما شافته وقفت وقربت امنه وخذت الكوب من يده وهو كانه مادنه الها
روضه:ماشي بعد سندويج معاه؟
تم بدر متنح ايطالعها وهيه ترجع لمكانها ماسكه الكوب وتبادله بنظراتها الي باتت تذبحه
طالع الساعه وشاف انها وصلت اثنعشر الظهر
بدر:ايعااانه؟
روضه:بموووت من اليووع
بدر:انا ماكلت شي من الصبح واحس نفسيه منسده وانتي عادي عندج؟
سكتت روضه وهيه منزله راسها تحت وبدت الدموع تتجمع في عيونها
تنهد بدر بضيقه لشكلها وقام:بروح اييب سندويجات
روضه:لا خلاااص مارييد
بدر:مش اتقولين ايعااانه؟
روضه:خلااص انسدت النفس...رجعت ورفعت نظرها له
روضه:مافي امل نروح البيت؟؟
بدر:بحاول انيه ما اخليهم ايخلونج اتباتيين اهنيه
روضه بصدمه:اباات وييين ؟؟؟اهنيه ؟؟؟لا مستحييييل انته قلت بتكملون معايه في البيت
بدر:لو بيديه الحين وديتج البيت ...بس هم عدهم في تحقيقات ...وكل الادله تقول انج انتي المتهمه الوحيده محد له مصلحه يقتلها
روضه في محاوله تمنع دموعها:منووو قااال ؟؟؟هذي بلوه انته ماتدري شووو مسويه؟؟ وكم من الناس ماذيه؟؟
قرب راسه منها من ورا الطاوله:اصصص انا شو قلت؟
روضه وهيه تقرب راسها امنه بعد من ورا الطاوله وتهمس:صدقنيه وااايد معلماات متاذيات منها ومستغلتنهن وتاخذ الي وراهن ودونهن
بدر قرب ايين:لحووووه روضه وبعديييين؟؟
روضه:ليييش ماتبانيه اتكلم وتم ساكته؟
بدر:انتي وعدتينيه ...اكيد التحقيقات بتسال عن كل الي حوليها وعن اسلوبها وطريقة معاملتها للكل اكيد انهم بيدورون عن اكثر الناس متضررين منها
روضه:وانا اتم اهنيه لين ايحصلون حد؟؟
بدر:خلاااص عاااده لمي ثمج
حطت يدها على ثمها ودزت الكوب صوبه معصبه ماتباه بعد...يعني انا عزمت عليج من اصله
في لندن في المستشفي غرفة زايد كان قاعد ايطالع التلفزون ونور قاعده على الكرسي قبل لا اييهم خليفه ياخذ نور
لين الحين ايحس انه معصب عليها وبعده ايحس ما طلع الي في خاطره وهو طول اليوم مارحمها من الصريخ عليها وحذف اي شي تيبه له
وقفت وقربت امنه
نور:هل تريد شيا قبل ان اذهب؟؟
زايد:فرقااااج عيد هذي الحاااجه الي اباااها وبس
نزلت راسها تحت
نور:حسنا قريبا سياتي عمي واذهب
رجعت لكرسيها وتم ايطالع التلفزون ومندمج فيه ماعنده شغله غير هالتلفزون ايفرفر في قنواته
في انتظار يستعيد عافيته كلها ويتخلص من الجبس الي على ريله وبيعرف عقب كيف يادبها منقهرانها تزوجته غصبا عنه ومنقهر من سالفة البكستاني الي تمت ترطن معاه
نور لاحت في راسها حاجه وقامت مندفعه لزايد اتقولها له
نور:زيد...الا تستطيع ان تعيد فروضك التي لم تؤديها؟
التفت الها يعني انا ياله ياله بالع الي سويتيه يايه بعد تتفلسفين عليه بمحضرات دينيه
زايد:اقدر ولا ما اقدر انتي ماااااااالج خص
نور:باستطاعتي ان اساعدك ...وان اتذكر معك كل فرضا فات عليك...يجب علييك ان تعيد تلك الفروض قبل ان تتراكم عليك...انته الان في احسن حااال وباستطاعتك ان توديها حتى ولو كنت ممدادا على الفراش
غمض عيونه يحاول يمسك غيضه عن لا ينفجر
زايد:تعالي اهنيه
قربت امنه ومسكها من شعرها من ورا حجابها وهو يفج حجابها ويستحكم في مسكته ويده تتخلل شعرها
صرخت نور:لاااا زيد اسالك بالله لا تفعل بي ذلك مرة اخرى
زايد:انا شو اقوووول لج ما اقول مالج خص وبعدييين انا خلاااص ما اريد اشوف ويهج اهنيه انثبري في البيت لاتييين مش في حاجتج تفهميييين
نور بالم:حسنا حسنا لن اتي اترك شعري
يعني ماكفااه الي سواه فيها الصبح لازم يختم اليوم بنفس المسكه اهيه ياله ياله قدرت تنسى ويع شده لشعرها الصبح
تركها في اللحظه الي دخل فيها خليفه وكان شكلهم يبعث للريبه
خليفه:شووو صااار؟
كانت نور ملتفته للجهه الثانيه تحاول تمنع دموعها وهيه ترتب حجابها على راسها بينما كان الغضب واضح على ويه زايد
خليفه:زااايد شبلاها نووور؟
زايد بغيض:هذي ماريد اشوف ويهها اهنيه منو قااال انيه في حايتهااا هاااه؟؟
خليفه عصب:يعني شوووه مش في حايتها منو ان شالله ايقوم في خدمتك طول اليوم؟
زايد:انا ما اباهاااا مستغني عنها خلها تنثبر في البيت احسن عنديه الممرضات الي مابيقولن لااا
خليفه:هيييه تصدق حتى انا راحمنها واتمنى تاخذلها يوم ترتاح فيه....سمعتي يا نور الاستاذ مستغني عن خدماتج خلاص ياماما هذي رحمه نزلت عليج من الله ترتاحين فيها وانتي طول اليوم
صالبه طولج عنده
زايد وعينه عند التلفزون:محد طلب منها حاجه وجودها وعدم وجودها وااحد
لبست نور غشوتها وغفازاتها واستسلمت لدموعها من تحت الغطا وهيه متجهه ناحية الباب
نور:سوف انتظرك عماه في الخارج
زايد:منووو قااال؟؟ تمي على الكرسي لين ايروح عماااه...تبينها من الله انتي القعده برا
تمت نور واقفه عند الباب منصدمه من كلامه
قرب منها خليفه وحاوطها بيده وهو يفتح الباب
خليفه:مشينا ماعليه شر عنده الممرضات بيشوفنه اذا احتاج شي
وطلعو عنه وشبت ناااار في صدره مايدري بسببها خاااطره بس حد عداله يفج غيضه فيه لوتدخل عليه اي وحده من الممرضات بتعرف اهيه مع اي مريض تتعامل
وماجن خليفه ماخذ راحته وهو يلفها بيده
.................................................. ....................................
اليوم مر وروضه على حالها في مخفر الشرطه وبدر كل محاولاته انه مايخليها اليوم اتبات في المخفر
محاولات مع حسن النحس ومع بعض المسؤلين الي كان يتامل بدر يحصل منهم اي تعاون وهو يتعهد انها تكون على كفالته لاكن لا حياة لمن تنادي المجموعه الي حاول معاهم بدر مسكره مخوههم وبعضهم من النوع المتشدد
ما قصر معاها يابلها اكل وعصائر واهيه مع مرور الوقت بدت تستوعب المصيبه الي اهيه فيها وبدت نفسيتها تنسد عن الاكل وعن الكلام
قريب صلاةا العشا غفت عينها وهيه سانده ظهرها على الجدار وقاعده على الارض
ودخلت في احلام غريبه شافت انها في زنزانه فيها حريم مجرمات وشافت تصرفاتهن معاها غلط وهن كل وحده اتجرها ناحيتها اتريد تكتسبها لين ما حست انها في صراااع معاهن والمدرسه نفسها قاعده مجابلتنها وتضحك عليها بصوت عاااالي وجسمها كله دم غير الافعى الكبيره الي كانت منطويه في زاوية الغرفه وموجهه نظرها لروضه وفي اي لحظه احتمال تنقض عليها
روضه بصرخه بعد ما قفزت من نومها:لااااااااااا
وقفت بسرعه وركضت للباب وفتحته وتلقت الها الشرطيه الي عند الباب ومسكتها مانعتنها من الركيض في الممر
بدر كان قاعد مع مروان في احد ممرات المخفر وسمع صرختها وركض بسرعه للمكان الي اهيه فيه
سحبها من يد الشرطيه ولفها بيديه لحضنه ودخل معاها للغرفه وسكر الباب مساند ظهره عليه وهيه في حضنه تنتفض
بدر:روووضه روووضه اهدي
تمت تشاهق في حضنه:ماااارييييييد ماريييييد اباااات اهنيه ارجووووووك بدر ارجوووووووك طلعنيه منيه والله العظييييم ما ذبحتها والله العظييييم ارجوووووك
قطعت قلبه مايعرف كيف يتصرف يدري انها بريئه ومتاكد ...لاكن مافي يده حيله
بدر:انا ارجووووج يا روضه ...انا وعدتج انيه اطلعج منها بس اصبري عليه
روضه:مارييييد ابااات اهنيه ماريييد السجن مارييييد ابات عند المجرمااااات
بدر:لا لا منو قااااال انتي ماثبتت التهمه عليج لين الحين وصدقينيه اوعدج الاقي حل حق امبيتج برا المخفر بس ارجوووج اصبري شويه
تمت اتصيييح في حضنه وتهدا شوي شوي وهو كل ما حس لمعناتها لمها لصدره اكثر وهو يمسح على راسها
هدت اخيرا بعد فتره طويله وتمت ساكته وبعدها في حضنه وحست ان عينها بدت تغفو لاكن في ريحه من بين ريحة عطوراته الي فيه بدت اتشمها بطريقه اقوء ريحة دهن العود
ماتدري ليش اتذكرت نور لان نور اتموووت في ريحة دهن العود اتقول لروضه انها حصلت غرشه صغيره من بقايا ابوها فيها نفس هالريحه ومن يومها ارتبطت عندها الريحه هذي بابوها وانها اول مايت فلة زايد كانت اتشم هالريحه وايد في البيت واكتشفت عقب ان زايد يستعمل هالعطر
تذكرت روضه نور وابتسمت اااااه وينج يانور لو كنتي عنديه اكيد بتساعدينيه وبتقولين عليك ان تتوجهي يا
فتاه بالدعا لله لانه هو مفرج كل الكربات وان الله قريب في عون العبد مادام العبد في حاجته فكرت روضه ان نور ماتكلمها الحين وانها عمرها ماقالت الها هذا الشي
لاكن منو الي قاعد ايكلمها الحين اكيد عقلها الباطن هو الي يكلمها على ان نور اهيه تكلمها
سحبت روضه نفسها بقو من حضن بدر
روضه:بــــــــــــدر انا ما صليت اليوووم
تنح وهو يشوفها مستغرب:هاااه
روضه وبدت ترتجف:ياوييييييليه امنه والله انه كان ايطالعنيه بعيونه
بدر مستغرب:منووو هذا؟
روضه وهيه تبتعد عنه: اهوه اهوه انا متاكده انه اهوه انا كل فروضيه اليوم ما صليتها ولا فرض وقاعده انتظر الفرج الله يخليك اريد اصلي اريد اتوضا واريد سياده
استغرب منها:انزين اوكيه ماعليه بييب لج سياده بس قوليليه منوو اهوه؟
روضه:الشجاع الاقرع
بدر:هاااه اي شجااع
تمت تنتفض:ارجووووووك اريد اصلي ارجوووووك انا خااااايفه
الشجاع الاقرع هذا اهو الحنيش الي بيكون في قبر الانسان وبيكون مسلط لتارك الصلاه او المتهاون فيها وهو حنش طويل يلف الانسان من راسه لين قدميه اعاذنا الله امنه احنا مانستحمل ملمسه حتى لو كان مش سام فكيف بحال الانسان بافعى مسلطه لعذابه
بدر:ماعليه يا روضه بس انتي اهدي
روضه:واريد اتوضى
بدر وهو يهز راسه:بخلي الشرطيه اتوديج
روضه:لا لا انته ودنيه انا اخاف منها
ابتسم:ماعليه بنستاذن منها وبوديج
بعد ما توضت روضه ورجعت للغرفه حصلت السياده جدامها التفتت لبدر
روضه:اريد اتم بروحيه وماريد حد يدخل عليه الله يخليك
بدر وهو مستغرب منها:ماعليه خذي راحتج
طلع عنها وفرشت سيادتها وبدت تادي كل فروضها الي فاتت عليها وهيه متلومه وندمانه كيف ضيعت صلاة اليوم
بعد ما خلصت تمت قاعده على السياده الحين لازم تتوجه بالدعا لله عشان يفرج كربتها
اول مارفعت ايديها وهيه تستفتح الدعا بالحمد والصلاه على النبي
روضه:يارب....ياااااارب.....ياااارب
بدت الدموع تتجمع في عيونها وهيه تتذكر كيف كانت نور في ليله بايته عندها وفارشه سيادتها وتدعو بحرقه وهيه اتصييح عشان الله يشفي زايد
فكرت روضه واصابعها بدت تنثني"ويييين انا والدعا الصادق الي كانت نور تدعو به انا ما اعرف شو اقول ولا باي ويه ادعو وانا اعرف نفسيه انيه مقصره مع الله هذيج نور
الي ربيه راضي عليها وعمرها ما اذنبت متعمده وكل حياتها في طاعة الله ومتجنبه كل الي مايرضي الله وين انا ووين اهيه على شوووه انا بدعو الله على
كثر ذنوبيه الي اسويها وانا مش مفتكره على سماعيه للاغاني وشوفتيه للافلام الي ماترضي الله ولا على الجذب الي ماخذتنه عاده
ولا على الصوت العالي الي ارفعه على الصغير والكبير...ولا على قلة ادبيه مع ناااس وايد
نزلت دموعها حسره على نفسها وكملت"ولا مشالله على صلاتيه الي دووووم فايتنيه وصلاة الصبح الي عمريه ماصليتها في وقتها غير تقصيريه في قراية القران وتضيييع اغلب وقتيه
في لهو الدنيا اااااه باي ويه انا برفع ايديه الحين وبدعو الله ...وهل بتكون اهناك اصلا استجابه اليه
انتحبت روضه بصوت عاااالي مستحيه من الله انها ترفع ايديها له
روضه بصوت تسمعه:يارب شوووو اسووووي ياااااارب انا ماااااليه غيرك....والله انيه مستحيه يارب منك شووو بقولك اصلا ماليه ويه اطلبك
وزاد نحيبها
رجعت ورفعت ايديها وهيه ترفع نظرها:يااااارب ما اعرف شو اقووول ولا شوووو اسوي ياااارب انا مقصره مقصره اعترفلك واستاااهل كل الي يصيرليه
وبدت شهقاتها اتزيد ودموعها غرقت ويهها
روضه:ياااارب انا ما اريد شي بس اريدك ترضى عنيه...سامحنيه ياالله سامحنيه واغفر اليه اعترف انيه مقصره ارجووووك يارب والله ما اعرف شو اقووول حتى الدعا انا مقصره فيه ومش عارفه شو اقولك بس انا يارب سمعت نور اتقول اثني ياروضه على الله في الدعا وانا ما اعرف شو تقصد هل اثني عليك بالمدح يارب
بشووو ياربي ببدا ولا بشوووه انته يارب عظيم عظيم واحنا بشر تافهين انته يارب كل شي عطيتنا اياه ولا قصرت علينا بشي خلقتنا من العدم
شهقاات متتاليه بين كل كلمه وكلمه
روضه:خلقتنا ياربي وانعمت علييييينا بكل شي ...واحناااا غافلين ياربي عن هالنعم هيييه والله اننا غافلين
ومش حاسييين بشي...نوبه ثانيه من البكا
روضه:يارب انته خلقت النا الارض وانعمت علينا بكل النعم الي فيها ...خلقت النا السما ...يارب شوووو اقوووول...انته عظيم يارب عظيم واكبر نعمه يارب انك خلقتنا مسلمين اااااه
ومن امة محمد ونشهد انه لا اله الا الله وان محمد رسوووووول اللــــــــــــــه...يارب انته ما قصرت فييينا
رويتنا الطريق الصح والطريق الغلط لاكننا اغبيا ماعرفنا طريقنا الصح....يارب يارب نعمك كثيره وانته تستحق المدح والثنا وانا المقصره يارب في مدحك
انا الي ما اعرف شي ...يارب يارب ارجووووووك ساااامحنيه واعفو عنيه...يارب اهدينيه للي تحبه وترضااااه
حطت ايديها على ويهها وتمت اتصيييح بحرقه
روضه:يارب شو تنتظر من انسانه تافهه ماتعرف مصلحتها ومضيعه عمرها في لهو الدنيا ...نفسي يارب غلبتنيه غلبتنيه وسيرتنيه وراااها وماجنيت من وراها شي...يارب انا اليووووم مش قادره على موقف مثل الي صار اليه اليوم...كيف باجر يوم بوقف بين ايديك كيف بيكون الحسااااب
كيف بيكون وضعيه في القبر كيف ياربي انا ادري بعذاب القبر وادري بمنكر ونكير ...وادري ان كل اعضائيه بتشهد يوم القيامه بكل شي اسويه في الدنيا....يعني سمعيه بيشهد عليه ونظريه بيشهد عليه ويديه بتشهد عليه وريليه بتشهد عليه...يارب متى بينصلح حاليه...والله ياربيه انه ماعنديه طاقه للي يصير اليه على وجه الارض فكيف بيكون حاليه تحت الارض ويوووووم العرض ...لييييش ياربي الغفله الي احنا فييييهاااا ليييييش
متى ياربي بننتبه ..متى بنحاااسب على افعالنا احنا ياربي الذنوب اهلكتنا عيل متى بنحصد النا حسناااات يارب احس بالنهااايه قربت واحنا بعدنا في الغفله...ارجووووك ياربيه ارجوووك اتسامحنيه وتاخذ بيديه لك ساعدنيه يارب ساعدنيه واهدينيه انا ما اريد شي الحين غير الهدايه وانك ترضى عنيه
روضه:والله انيه مستحيه ياربي انيه اقولك فرج كربتيه وانا استاهل الي يصيييير اليه بس يارب انا كاسر ظهريه ابويه ااااه ابووووويه
مايستاهل الي بيصير له ابويه مووووته ولا الي صااار ياااارب ابويه انساااان صاااالح عمره مافرط في صلاة الصبح وعمره ماقطع رحمه ودايما ايعلمنا الصح من الغلط ارجوووك يارب عشان خاطر ابويه...ارجوووك يارب عشان خاطر اميه وانته تعرف اميه يارب انساااانه طيبه عمرها ماردت على حد حتى لو غلط عليها ماقصرت في تربيتنا ارجووووك يارب انا ما اعرف شو اسوي ولا شووو اقووووول
سامحنيه يارب سامحنيه سامحنيه
اول ما سمعت الباب فتح حطت ايديها على ويهها وهيه تختم دعاها بالحمد والصلاة على النبي
وتمت على وضعها في شهقات خافته ماتعرف شو قالت ولا هل هذا كله الي قالته بيستجاب له تدري انها مش راضيه عن دعاها وانها ما دعت الدعا الي يستحق الاجابه
هدت اشويه وهيه تسمع بدر ايناديها
بدر:روووضه
التفتت له بويه وعيون محمره
بدر:خلاص ياروضه ...فرجت عطونا اذن تطلعين البيت بكفاله
فتحت عيونها اتريد تستوعب شو يقول وفجئه حست برجفه قويه تهزها وقشعرييره تسري في جسمها مش مصدقه الي تسمعه معقوله الاستجابه تيها بهذي السرعه
رجعت وحطت ايديها على ويهها وانتحبت مره ثانيه
بدر ما استحمل منظرها وطلع بسرعه برا
روضه من بين شهقاتها:اللهم لك الحمد والشكر اللهم لك الحمد والشكر يارب انته عظيم عظيم وانا والله ما استاهل
وعلى طوووول سجدة لله سجدة شكر
في لندن كانت عندهم فترة العصر اليوم نور ماراحت عند زايد على حسب ما طلب وطبعا عصبية زايد انتقلت على كل الي حوليه من ممرضه لمدرب التمارين الطبيعيه وللخال خليفه الي قرب ايين من اسلوب زايد
خليفه:انا اريد اعرف حاجه وحده انته شبلااااك شعندك على الريال مش راضي تستجيب لتمارينه
زايد:خلااااص انا قلت ردونيه الغرفه
خليفه:انته ماتريد تفتك بسرعه ليش ماتساعد نفسك؟
زايد:لحوووووووه غصب يعني اهو قلت ردونيه الغرفه يعني ردونيه انا تمارين مع هالخايس ماريد
خليفه:شبلاه الريال والله ان تمارينه زينه
زايد:لاتفقع جبديه معاه خلاااص عاد
خليفه:خلاص خلاص براحتك اظاهر ان المستشفي عاجبنك وماتريد تطلع امنه
وهم رادين للغرفه وخليفه ايدز زايد على الكرسي لمح زايد الباكستاني واقف يتكلم في التيلفون بلهجته الباكستانيه ويضحك حس بقهر من ضحكته وبدون مايحس
زايد:هذا منووو قاعد ايكلم؟؟
خليفه:ههههههه حلوه هذي كثر منها قال منو يكلم هههه
لف زايد نظره لخليفه مستغرب هو كيف سمع شو قال؟
وفي الغرفه
زايد:البنات وييين
خليفه:البنات ماعليهن شر مسكتهن الشارع الي عدال الفندق ايروحن لين اخره ويرجعن لان الشارع كله محلات ملابس
زايد بنظره معصبه:لا والله وعلى كيفك تعطي الاذن ايروحن بدون شوريه
خليفه:افاااا ليش مش عمهن انا
زايد:لك حكم على اليازي اما نور محد له حكم عليها غيريه وانا ما اباها تطلع من الشقه ابدا
خليفه:تعاقبها يعني
زايد:انا حر مش حرمتيه وزوجتونيه اياها...بعدين كيف تسمح لنفسها تطلع بدون ماتشاورنيه هااه
خليفه استصاب من كلام زايد:زايد انته من صدقك قاعد تتكلم الحين
زايد:هيه نعم مالها تسوي اي شي بدون شوريه ...وبعدين تعال انته صدق ماخذلها تيلفون
خليفه:هيه نعم...عندك مانع
زايد:طبعا ...منو سمحلها تاخذه
وقف خليفه:لااا اظاهر ان تاثير العمليه بعده فييك والدليل انك قمت اتخور في الرمسه
زايد:عطنيه رقمها
خليفه:اقلع لبنيه في حالها وخلها ترتاح منك اليوم
زايد بعصبيه:قلت عطنيه رقمها قبل لا اسوي شي تندمون عليه كلكم
قرب خليفه من زايد وهو معصب وخذ تيلفونه وخزن رقم نور وطلع وهو يتحرطم
تم زايد ايطالع الرقم والاسم الي خزنه خليفه "نـــــــــــــور"ّ
كل شي فيها غير وغريب حتى اسمها
بتردد اتصل وحصل التلفون مشغول
وزادت عصبيته:زييين والله بعد مشغووول انا ارويج يابنت الباكستانيه
بعد كذا اتصلات
نور:السلام عليكم ورحمة الله وبركاته
زايد سكت شويه
نور:السلام عليكم
زايد:مع منووو قاعده تتكلمين من الصبح؟
تفاجئت نور بصوته
نور:زيـــــــــــد!!!؟
غمض عيونه لقشعريره سرت في جسمه
زايد:زيد ايقولج مرض وسلااااال
وبصرخه
زايد:انتــــــــــــــــــي ويييين؟؟
ارتبكت:ا ا انا هنا قريب من الفندق عائده اليه
زايد:منووو سمحلج تطلعين بدون شوريه هاااه وييين طاعت الزوووج ماتعرفين شي اسمه الاستاذااان
نور:زيد ارجو ان تسامحني انني حقا مخطئه ولاكن اعتقدت بان عمي قد اخبرك...ارجو ان تعذرني
سكر التيلفون في ويههها ...ماتوقع انها بتطلب العفو
اتصلت عليه بعد اشوي
زايد:الووو
نور:زيد هل استطيع ان اتي اليك؟
زايد:لاااااا
وسكر في ويهها
يدري انه اليوم مفتقدنها ومكابر ومايريد يوضح هذا الشي
تمت نور ماسكه التيلفون واهيه قاعده في الصاله وعيونها اطالع تحت اتحاول تمنع دموعها
(تدري احبك لكن المــوت ذلي
ادوس انا قلبي لو الشوق جامــح ..
الله عطاك الحظ وأصبحت خلي والله عطانياك طاغي ملامح ..
سالتني يـ ياسميني وفلي ياكيف يشفي الورد والشوك جارح ... مثل العيــون اللي لها كل كلي
زايد حلاها لكــن الدمع مالح ... وش تنتظر يكفي دلال وتغلي
الوقت ماهو للوصل دوم سانح
كل الشكر لمن اهدتنا هذه الكلمات
في السياره وهم راجعين للبيت على الساعه عشر المسا
التفت بدر لروضه الي كانت لافنها الصمت
بدر:تبينا انمر مطعم نتعشى
هزت راسها بلا
هز راسه والتفت جدام ايكمل سواقته
روضه:بدر
بدر:هممم
روضه:بعد ماتنتهي القضيه شو بتسوي؟
بدر:يعني شو بسوي مافهمت لج؟
روضه:بطلقنيه؟
تم ساكت بعدها رد عليها:مش هذا الي اتفقنا عليه
روضه:وعلشانيه دخلت مخافر شرطه
بدر:هذا الموضوع ماله خص احنا اتفاقنا كان من قبل..مش انتي الي كنتي تبين جذيه؟
التفتت له:لا بدر ارجووووك شو بيقولون الناس بيقولون طلقها عشان انيه كنت متهمه في جريمة قتل
بدر:يعني انتي ماتبينيه اطلق عشان كلام الناس؟
روضه:اكيد انهم بيتمون يتكلمون علينا اتخيل كيف بيكون حال ابويه عقب بيتمون دائما ايذلونيه بهالسالفه
بدر:ان طلعتي من الموضوع براءه محد بيقدر ايقول شي...بعدين لا تخافين انا مابطلق على طووول بناخذ فتره بعد شهر شهرين واذا تبين اكثر ماعنديه مانع متى ماتبين ايكون الطلاق انا مستعد....ولا انتي نسيتي سالفة حبيب القلب
روضه:اي حبيب قلب
بدر باستغراب:حبيب القلب الي اعلنتي رفضج اليه عشانه وقمتي ونشرتي سبب رفضج عند الكل والي عشانه رفضتي تطبقين شروطيه
روضه باندفاع:لا بدر انا كنت اكذب عليك انا ماعنديه حبيب قلب صدقنيه كنت اكذب
بدربعدم تصديق:واااااال كل هذا بس عشان الناس ماتتكلم عليج..صدقينيه بناخذ وقت طويل مع بعض ومحد بيشك عقب انا ليش طلقت لاتخافين بتطلع براءتج وهو جان ايحبج صدق مابياثر عليه هالموضوع
كانت روضه ملتفته لبدر واطالعه بنظرات منصدمه انه ما صدقها
روضه:انا ما اجذب عليك
بدر بابتسامه وهو متضايق:اسمعينيه زين لا تحاولين انا فاهم السالفه كلها ...انتي تبين تتجنبين كلام الناس ومستعده ادوسين على قلبج وتتتخلين عن حبيب القلب
روضه:انته ليش ماتريد اتصدق؟
وبانفعال:اصدق شوووه جذبه يديده انا اسف...شوفي الي خايفه امنه مابيصير اوعدج انا مابعطي الناس اي مجال تتكلم في الي صار الج والدليل اننا بنسوي حفلة ملجه اول ما يرجع زايد...انتي نسيتي اننا ماسوينا حفله...والعرس بقولهم بعد ماتخلصين الدراسه هااه شرايج؟؟
تمت روضه اطالعه بنظرات مش مصدقه الي يصير الها هذا كيف بيفهم؟
بدر:ولين يوم العرس اكيد بنلاقي اسباب وايد اتخلينا ننفصل
عورها قلبها وماتدري ليش غمضت عيونها بالم والتفتت عنه وهيه تنزل غطاها على ويهها وتلتفت للجهه الثانيه...شبلاج يارويض مش هذا الي كنتي تبينه ليش متضايقه؟
بعد شوي
بدر:روووضه شبلاااج؟
هزت راسها
بدر:ماقلتيليه رايج في لقتراح؟
روضه:انته تريد اطلقنيه بس عشان الي صار اليه..
فتح بدر عيونه مندهش:علشان شوووه ؟؟تعالي انتي ماكان هذا اتفاقنا من قبل؟
روضه:خلاص انزين خلاص سو الي تباه..على كيفك
حس بغيض عليها وهيه تقهره بكلامها هذا يعني الحين انا السبب
تمو ساكتين لين وصلو البيت شاف الباب الرئيسي مسكر وغير اتجاهه للباب الخلفي وبر البيت وقف السياره
بدر:روضه وصلنا الباب الوراني تعتقدين مفتوح
لاكن محد رد عليه
بدر:روضه انتي رقدتي؟
بعد محد رد عليه وابتسم نزل من السياره ولف لبابها وفتحه وجثى على ركبه ايطالعها وهيه صاده ناحية الباب وكاشفه شوي عن ويهها وفي سابع نومه
حتى وهيه راقده البرائه ظاهره فيها ونعومة الاطفال في ملامحها نزلت دمعه على خدها وحس بقرصه في قلبه وقف وهو متوتر وطلع تيلفونه واتصل على الرقم الي عطاه مي
مي:الووو
بدر وهو يبتعد عن السياره ويروح ايشوف الباب اذا مفتوح او لاا:هلا ميمي
مي وهيه على وشك اتصيييح:وين روووضه لاتقول بتبات عندهم؟
بدر:لا لا افا عليج قلتلج انيه مابخليها اتبات عندهم احنا في السياره عند الباب الوراني وهو مغفول تعالي افتحيه لين اوعي روضه
مي بفرحه:انزين انا يايه
رجع بدر عند روضه وتم ايطالعها ورجع جثى على ركبه عدالها
بدر:روضه روضه
ما زالت راقده
بدر:روضه قومي ياله احنا وصلنا
تحركت جفونها وبدت تفتح عيونها بصعوبه
بدر:اذا ما قمتي ترانيه بشلج؟
فتحت عيونها وانصدمت انه مجابلنها وقفزت قاعده عدل
روضه:شووه انا وييين؟
وقف وهو مبتسم:ترانا وصلنا من الصبح وانتي بعدج راقده
انتبهت روضه للباب ينفتح وتطلع امنه مي الي ركضت ناحيتهم فرحانه طلعت روضه بسرعه وتلاوت مع مي وتمن ايصيحن مع بعض
بدر تم واقف ايطالعهن ايريد يستوعب روضه بيبي ولا مي صارت كبيره نفس الطول تقريبا لا شكل مي اطول شوي عنها وعلى وشك تطول اكثر
بعد ما خلصن من الصياح ابتعدت مي عن روضه والتفتت لبدر الي خذها بدوره في حضنه ايهديها
بدر:خلاص فديتج هذيه رويض بخير ومافيها شي وان شالله كل شي بينتهي قريب
ابتعدت عنه ومسحت دموعها
لف بدر لباب سيارته:ياله روحن داخل وتصبحن على خير
وهو منشغل يشغل سيارته تفاجئت مي بدحه قويه على ظهرها
مي :اااي شبلااااج
روضه بعيون يطاير منها الشرر:ياحماااره ليش اتخلين الريال يلوي عليج ويحبج؟؟
انحرجت مي ونزلت راسها تحت هذا الي كانت خايفه امنه
مي:ع عااا عااادي
روضه بنظرات استنكار:لاااا عااادي هاااه ماتشوفين عمرج كبر لبقره وتقولين عااادي من متى؟
مي باحراج اكثر:من يوم انا صغيره وانا اسلم عليه اهو وزايد
روضه:والله وشحقه ماتروحين اتوايهين الطباخ تراه من يوم كنتي صغيره عندنا وشالنج دوم مودنج الدكان
مي منحرجه:روووضه
فتحت روضه عيونها اكثر:سباااااال ماعليه انا بعلمج السنع زيييين
فتح بدر دريشته قبل لا يمشي:هااه بلاكن واقفات ياله روحن داخل وانا اشوفكن
التفتت روضه لجهة الباب ويرة مي وراها بغيض تم ايطالعهن مستغرب من حركة روضه
واول ماسكرت الباب وراهن التفتت لمي
روضه:والله ياميووووه والله ان شفتج سلمتي عليه مره ثانيه ولا دريت انج اتشوفين شي ماشفتيه
مشت عنها مثل الاعصار وتمت مي واقفه وهيه منحرجه ياليتج تدرين ياروضه ان هالخطوه من زمان وانا افكر فيها ومش عااارفه
التفتت عليها وصرخت:امشــــــــــــــــــي
شنقول عاده ياروضه ان شالله ماتنسين وقفتج بين ايدين الله من قبل وتذللج له وماتضلمين ميمي معاج اوووف هذي الغيره اظن
.............................................
في شقة نور وخليفه واليازي طلعت نور من غرفتهن واتجهت لخليفه الي كان مندمج مع اليازي ايطالعون فلم
قعدت عداله
نور:عماااه اريد رقم زوجتك نوره اريد ان اتحدث معها قليلا
دق قلبه ااااه ياليت بس اترد على المكالمات من يومين وهو يتصل وتخلي اليهال هم الي يردون واكثر شي فطامي الي مايقدر يتفجج منها عجبته الفكره وقال بيشوف اذا كانت قاصده ماترد عليه ولا التيلفون دائما عند فطامي
مسك تيلفون نور واتصل وحطه سبيك
ابتسمت نور يوم سمعت الصوت عالي ودرت انه ايريد يسمع صوتها
نوره:الووو
نور:السلام عليكم ورحمة الله وبركاااته
نوره بفرحه:نووووور وعليكم السلام ورحمة الله
نور:كيف حالك يا زوجة عمي الجميله
ابتسم خليفه وعينه على الفلم وسمعه طبعا عندهن
نوره:نووور فديت انا الصوووت كيف حالكي يا فتااه
نور:بخير والحمدلله اخبريني عنك انتي وابنا عمي الصغار
نوره:احنا بخير فديتج ومشتاقين الكم
نور ونظرها عند عمها:هل اشتقتي لنا حقا؟
نوره:اكيد فديتج
نور:اممممم وعماااه هل اشتقتي له؟
نوره:هههه طبعا اذا ما اشتقت له حق منووو بشتاااق
تشقق خليفه وهو يشبك ايديه ورا راسه ونظره عند التلفزون ومش منتبه لنظرات اليازي وهيه ترفع حواجبها وترجع تلتفت للتلفزون
اليازي:عاااااااشوووووو ههههه
طالعها منتبه الها ولكلمتها وابتسم ماتدرين ياليازي بالشعور الحلو الي حسيتبه وانا اسمع صوتها ولا ضحكتها هذي خبلتبيه من زمان قبل لا اشوفها ويييين الحين وصورتها في خياليه وذكريات
ليله ماتنسى شعور قوي عصف فيه وقشعريره بدت تسري فييه بدون توقف ما قدر وقف راح لغرفته ولبس بالطوه الطويل وطلع عنهن برا الشقه ايريد يمشي ويرتاح من الشعور الي رغم انه حلو لاكنه متعبنه كيف يستانس بهذا الشعور عقب كل الي سواه الها
والظلم الي حس انه ظلمها فيه كل مارجعت ذكرياته لعصبيته عليها هذاك اليوم كره نفسه وكره الي سواه والي قاله....الشعور بالذنب هذا مابيروح لين اتسامحنيه وصعب انها اتسامحنيه بالسهوله هذي....بعد شارعين
والوقت كان عنده العصر قبل المغرب بشوي شاف اسوار حديقة الهايد بارك وراحلها مشىبين اشجارها مار بالبحيره ووقف ايطالع البط وتفكيره مش عنده تنهد بصوت
عالي وهو يكمل مشيه ايحاول في هالجو الحلو يبعد تفكيره عنها شوي لفت انتباهه امريكي يمشي مع وحده افريقيه مافيها من الزين شي وهو حاط يده على بطنها البارز وهو مستانس
رغم كل الاحاسيس الي حسيتها معاها قبل لا اشوفها الا ان تفكيريه توقف على شكلها وين هالناس عن تفكيريه هذا ناس عايشه على مشاعرها واحاسيسها وياما ناس حصلو الجمال لاكن انعدمت هالمشاعر بينهم...واكبر دليل مشاعريه
المنعدمه مع اميره حتى من قبل لا اعرف نوره واحس بالي احسبه كان كل هميه زواج وتاسيس اسره وبس ماكنت ادري بالشعور الي حسيتبه مع نوره....ابتسم...الحينه مش بس مشاعر الحين بعد جمال رباني يبهر ويذبح انوجد بس اعتقد عشان يذبحنيه ويعلمنيه بكبر الغلط الي سويته...استاااهل استاهل اعيش مع اميره بلا مشاعر واشوف مشاعريه جدام عينيه وما اقدر اوصل الها
زادت الضيقه على خليفه الي قرر يرجع بعكس الشارع الي كان يمشي فيه ويرجع للشقه
بعد ما سكرت نور عن نوره رن تيلفونها
نور:السلام علــــــ........ّ
زايد:مع منوووووه من الصبح اتهربديييين؟؟
نور ارتجفت من صرخته القويه:زيد
زايد:والله يانووور ان كنتي جداميه انيه اخليج اتعرفين تمسكين التلفون مره ثانيه تتكلمين فيه
نور بارتباااك:كنت اتحدث مع..........ّ
زايد:جــــــــــــب ولا كلمه الحين تغلقين التلفون ولا تتكلمين فيه وان اتصلت وحصلته ايرن ولا مشغووول ياويييييلج
نور:حسنا حسنا سوف اغلقه
سكر في ويهها ووقفت بسرعه متجهه لليازي
نور:هيا اغلقيه بسرعه ارجوووك
اليازي بنظرات مستغربه:ليييش؟
نور:لا تكثري معي الحديث اغلقيه اولا ثم ساقووول لك
خذت اليازي التلفون واغلقته
نور:هل انتهيتي منه
اليازي:هيييه هذا الفص يغلقه ويفتحه
قعدت نور:الحمدلله
اليازي:شووو صار يانور؟
نور:زيد يريدني ان اغلقه لا يريدني ان اتحدث فيه
اليازي:واااايد معطيتنه ويه
نور:ماذا تعنييين؟؟
اليازي:انتي وايد مسويه له سالفه
نور:اليس زوجي؟
اليازي:انزين عاده مش لهدرجه يتحكم فييج يحمد ربه انج عشانه اتزوجتيه وانتي ليل ونهار قاعده اتصلين وتدعين له هو ليش مايريد يفهم انا لوعنج بعطيه بو لبااااس ايخسي يتحكم فيه وانا مسويه كل الي مسويتنه
نور:اليازيه لا تقولي ذالك .... انه زوجي وعلى الزوجه طاعة زوجها مهما كان الامر
اليازي:عاده شو لينه اتذلين نفسج عشانه؟
نور بالم واضح على ويهها:دعيه يفعل مايريد انا ارجو الثواب من الله وما على الزوجه الا ان تطيع زوجها لقد ربطت نفسي معه برباط مقدس
والله يدعو الى طاعة الزوج
قعدت نور عقب اتكلم اليازي عن حقوق الزوج وكيف المراءه لازم اطيع زوجها في كل شي الافي معصيه لله وقالتلها عن الاجورالي تحصلها الزوجه من طاعة زوجها وانها اذا ماتت وزوجها راضي عنها دخلت من اي باب من ابوب الجنه تريد
اليازي:نور صعب صعب اطيعه وانا شي في خاطريه عليه...انا ماعرف انتي كيف متحمله انا عنيه ما اقدرمستحيل في يوم عقب الي سواه فيه فهد ارضخ له ولا اسمع كلامه
استاااانس يوم اناااحسه احس انيه ابرد شوي من الي في قلبيه
نور:ولاكن كل ذالك سوف تحاسبين عليه...اليازيه انسي ذلك واحتسبي الاجر من الله وسوف ترين كيف ان الله قادر على ان يغير مافي قلوبكما
اليازي:لا لا لا انا ماريده ايغير...انا ما احبه وبظل طووول عمريه ما احبه
نور بنظرات مشفقه وهيه تحس بمعاناة اليازي الي ولا شي عند الي تحسبه اهيه من معاناه
نور:اصلح الله حالكما ووفقكما لما يحب ويرضى
رجعت نور لغرفتها وتمت اليازي اتابع الفلم وهيه تفكر في كلام نور ماتدرين يانور انه من يومين حاشرنيه بالاتصالات وانا ماريد ارد عليه وكم رساله يتنيه ايواقع فيها ويتوعدنيه ان مارديت عليه...خله يولي مايقدر يوصلنيه اهنيه
عشان ينسى نوره اتصل على خميره قصدي اميره يمكن ينسى واتمنى انه ماتصل بعد ماتمت اميره اتلومه على تاخيره بالاتصال
خليفه:يا اميره قلتلج انشغلت مع زايد
اميره:احلف انك ماتصلت على بيتك وكلمت الي ماتتسمى
زفر بضيقه:امييييره ارجوج عاده يكفي انا تعبااان وانتي مش حاااسه
اميره:شبلاااك حبيبي عسى ماشر؟
خليفه:ماشي ماشي بكلمج مره ثانيه سلمي على خالتيه
ماعطاها فرصه وسكر وكمل طريقه وهو يفكر ايمر على زايد قبل
اول ما دخل عنده عقب ماصلى المغرب في المسيد التابع للمستشفي والي كان بانينه حياة الشيخ زايد طيب الله ثراه
زايد:حمدلله على السلاااامه افاااا ليش يالخاااال متعب عمرك وياي خلك مرتاااح معاهن وانا ماعليه شر
خليفه ماعبر زايد في الي يقوله وراح سيده عند الدلال وصبله كوب شاي والتفت للتلفزون ايطالعه
زايد:بـــــــــــــعد سايلنت.... شحقه متعب عمرك وياي
دخل لحضتها الدكتور الباكستاني وهو يكلم الممرضه الي معاه
زايد:عاده انته الي باقي ناقصنيه
ابتسم خليفه
التفت الدكتور:كيف حالك اليوم؟
زايد:عفوا دكتور انا ما احيد انك انته الي تابع حالتيه
هز خليفه راسه اكيد انه بيفضحهم اليوم مع الدكتور
الدكتور وهو يحاول ان كلماته تكون صح:اردتو ان اتطمن ععليك
زايد بنظره مستهتره:لاااا فيك الخير شي في خاطرك بعد؟
تم الدكتور ايطالع زايد ما يعرف شو يقول وطالع خليفه وابتسم
الدكتور:هل انته بخير اذا اردت شي اخبرني؟
زايد تم ايطالع الدكتور ويضوق عيونه شكله هذا يتكلم بالفصحى وامس اكثر كلامه عربي مكسر وانجليزي شو السالفه؟
تخربط الدكتور من نظرات زايد والتفت وهو مبتسم عشان يطلع عقب رجع والتفت الهم
الدكتور:الاخت نور هل هيه هنا؟
فتح زايد عيونه واتدارك خليفه الوضع عقب ما فهم ليش زايد مش بالع الدكتور ووقف متقرب من الدكتور
خليفه:عفوا يا دكتور انته تعرف نور؟
ابتسم الدكتور:التقيت بها في المره السابقه
خليفه:انزين يا دكتور احنا عرب ومايوز النا حد غريب يسال عن حريمنا في شي ضروري تباه من نور؟
الدكتور وتوه ادرك هو بعد لنظرات زايد:لا لا لاتفهموني بالغلط انا اسال عنها لان اختي تريد روئيتها
زايد:لا والله وبعد امك ماتبا اتشوفها وخالتك وعمتك
التفت الدكتور لزايد مش فاهم شي
قرب امنه خليفه وطلب امنه يطلع معاه برا وهناك وضح له ان مريضهم انسان غيور مايعجبه حد يكلم زوجته
استحى الدكتور واعتذر وراح ولا عاد حد شافه
خليفه وهو مبتسم:ولا السالفه فيها غيره
زايد بنظرة استنكار:نــــــــــعم!!!؟ غيره على منوووه؟
خليفه:هههههه تدري انا ما احب اتجادل معاك انته اكيد كلامك هو الصح وانا الغلطان
التفت عنه زايد وتم ايطالع التلفزون
خليفه:كلمك بدر اليوم؟
زايد:لا
خليفه:سمعت في الاخبار ان في محامي مشهور عندنا حرمته متهمه بالقتل
زايد والموضوع مش هامنه:وشواسويلهم تبانيه؟
خليفه:لا انا بس حبيت اعطيك علم لان المحامي هذا محاميك الشخصي
زايد التفت له:شووووه؟؟!!!بدر!!!روضه
خبر عقب خليفه زايد بالسالفه وفهمه شو صار اخر شي
كانت ردة فعله انه تم ايطالع خليفه وهو سااكت ورجع والتفت ايطالع التلفزون وباله مش عنده
خليفه تندم انه قال له وهو مش عارف شو فيه ايفكر بالعاده زايد بيتم ايصارخ مش عاجبنه الي يصير وان هذا بيضر سمعته واسمه لاكن زايد كان همنه لحضتها صديقه والمشكله الي اهو فيها ومش متخيل ان روضه تكون في الموقف الي اهيه فيه
قبل لا يرقد بدر عزم انه يكلم مي ويسالها عن احوال روضه اذا رقدت عقب اليوم الي مرت فيه
لاكن الي ردت عليه اهيه روضه نفسها عقب ما واقعت مي على التيلفون واتوعدتها ان شلته مره ثانيه ياويلها كانت توها ناويه ترقد ومنسدحه على السريريوم رن تيلفونها وقعدت بسرعه وهيه تشوف الاسم ورفعت شعرها فوق
روضه:الووو
اعتدل اهوه بسرعه وكان ناوي اهو بعد يرقد ومنسدح على السرير
بدر:روضه؟؟
زادت دقات قلبه وتضايق من دقاتها
روضه وحالها مثل حاله وهيه عارفه الصوت:منوو معايه؟
رجع بدر وساند بظهره على راس السرير وهو يعدل المخدات وراه
بدر:ماعرفتينيه؟
روضه بارتباك:بـ بدر؟؟
بدر:يعني اول مره تسمعين صوتيه؟
روضه واهيه تنكت تحت اللحاف وتغطي راسها:لا بس لانيه يمكن نعسانه
بدر استغرب الصوت الي وطى:روضه وين انتي؟
روضه:اهنيه
بدر:وين اهنيه صوتج صار بعيد
كشفت اللحاف:ا ا ا انا كنت متلحفه بالحاف
بدر:اااه يعني راقده؟
روضه:يعني على وشك
انسدح بدر وتلحف اهو بعد بالحاف:عيل انا بعد بتلحف بالحاف
روضه وهيه ترجع تتلحف:ههههه وبنتم نتكلم جذيه من تحت اللحاف
بدر:ليش مارقدتي انا قلت الحين في سابع نومه؟
روضه:وانته ليش مارقدت؟
بدر:من الصبح قاعد مع اميه ومروان...حصلتي حد واعي؟
روضه:هييه حصلت اميه ويدوه ويدوه تمت اتواقعنيه ماتدري بالسالفه تتحسبنيه متاخره عند صديقتيه
بدر:وانتي عادتا تتاخرين عند صديقاتج؟
روضه:انا اصلا ما اروح عندهن الا في المناسبات اتاخر عندهن ليش؟
بدر:يعني في بنات يهيتن لين اخر الليل عند صديقاتهن
روضه:بسم الله عليه انا مش مثلهن
بدر:لا مشاالله عليج انتي وايد مثاليه
روضه:تطنز حضرتك؟
بدر:انا اطنز !!!انا اقول يعني اذا ماكنتي مثلهن اكيد بتكونين مثاليه وايد
روضه:انته ماتعرف عنيه وايد اشياء
بدر:مثل شوووه يعني؟
روضه:انا ما احب اتكلم عن نفسيه
بدر:واذا انا قلتلج عرفينيه على نفسج؟
روضه:مش لازم
كلام عادي كان بدر وروضه يتكلمون فيه وتاخر الوقت وكل واحد مايريد ايسكر عن الثاني
بدر وهو يكشف اللحاف عشان ينصدم ان الساعه ثلاث ونصف
بدر:روووضه تدرين ان الساعه ثلاث ونص؟
روضه:هاااه مسرع الوقت مشى
بدر:زين جذيه سهرتينيه وانا لازم اكون من غبشه في المخفر
روضه:والله انا ما سهرتك انته بروحك داق
بدر:انا كنت داق اسال عن احوالج واوصي مي تقولج ترقدين من وقت عشان باجر الصبح يمكن تيج حرمه محققه اتحقق معاج
روضه:وليش ما وصيتنيه وانتهى الموضوع؟
بدر:شدرانيبج تميتي اتسولفين
قعدت روضه معصبه:انا تميت اسولف؟؟!!!ّ
بدر:هيه انتي ولا انا ماعرف السهر وارقد دوم من وقت ياله تصبحين على خير
سكر عنها وعصبت زياده وتمت اتصارخ على التيلفون
روضه:انته شوووو فاكر نفسك اااه والله انه يقهر
اما هو ابتسم وهو ينسدح وعقب رجع يضحك...... مينووووونه
تمت روضه تفكر فيه عقب انتبهت لنفسها وقامت بسرعه للحمام اتوضت وفرشت السياده صلة ركعتين شكر وتمت تدعو الله وتشكره وتطلب امنه انه يفرج كربتها بعد الي صارلها اليوم حست بثقتها في الله وان الله مابيخيب املها رغم انها مقصره لاكنها تمت تدعوه وتستغفر امنه وتطلب السماح والعفو
.................................................. ...........................
في اليوم الثاني بدر اجل مقابلة التحقيق لانه يدري ان روضه بتكون راقده الساعه اثنعشر كان قاعد في الميلس وطلب ايشوف روضه كانت توها نازله وقالولها ان بدر ايريدها ماتدري ليش حست انها متخربطه
وبعد ماراحت الخدامه التفتت للمرايه الي على الجدار وتمت اتشوف نفسها حطت يدها على قلبها
روضه:ياربي شو فيه وقته الحين
عدلت من ليلال الي لابستنه والي كان لونه بلون ثوبها واتوجهت للميلس وهيه متوتره
دخلت عليه وكان قاعد يتقهوا
روضه:احم السلام عليكم
التفت الها وقلبه بدا يرقع وشافها اليوم غييير ويهها كان هادي وعيونها الي ذبحته البارحه اليوم مزيننها لجحال الي صدق يننه اليوم وقف وهو ايطالعها بدون العباه اليوم شكلها مختلف
بدر:وعليكم السلام ...تعالي روضه
لفت من ورا الطاوله الي جدامه وقعدت مجابلتنه على الطرف الثاني بعيد قعد وعيونه عليها وهيه اطالعه وحست بنظراته غير استحت ونزلت راسها تحت
تم قاعد بس يتاملها
رفعت راسها وبتوتر:ا انته قلت اليوم بتي الي بتحقق معايه
بدر:اجلت التحقيق لين باجر
روضه:ليييش؟؟؟خلهم ايخلصون وافتك
بدر:لازم اول شي نتفق ميصير ايحققون معاج وانتي مش فاهمه لاسلوبهم
روضه:بعد اي اسلوب انا ماذبحتها والي عنديه بقوله كله
بدر:انا مااريدج اتقولين شي
روضه:يعني شوووه؟
بدر:احنا منريد انطول السالفه معاهم وانتي اي كلمه بتقولينها بتكون محسوبه عليج ولين انفهمهم المقصد من هالكلمه يبالنا وقت طويل
فاحسن شي اتمين ساكته وانا بتوكل بكل شي
روضه:ليش التعقيد هذا؟؟ على اي اساس بيصدقونك انته؟
بدر:انا محاميج
روضه:وفي التحقيق بتم ساكته
بدر:لا طبعا اباج اتردين على قد السؤال ماريد اطولين الهم السالفه
روضه:مافهمت؟
تم بدر يشرح الها ويفهمها واهيه اطالعه ومستغربه
روضه:افرض انا ذبحتها... يعني كيف بيوصلون للحقيقه؟
قام بدر وهذا الي كان ايريده وقعد عدالها
بدر:وبعدين ياروضه لا عاااد تعيدين الي قلتيه قبل اشوي
اتوترت امنه وهو قاعد قريب منها وتمت اطالعه بنظراتها الطفوليه
بدر....لحوووووه انا شو الي يابنيه وقعدنيه عدالها انا وانا اهناك مش في حاله ايي واعق عمريه في الضو لييش؟؟؟
التفت بدر وتم ايطالع في الميلس بتوتر:ا ا ا
ابتسمت وبانة الغمازيه...صد بنظره اول ما شاف ابتسامتها
بدر:ا ا فهمتيليه؟
روضه:يعني
بدر وهو يحط عيونه في عيونها ويحاول يكبت مشاعره:ترا المحققه مش هينه ويمكن تيبلج نفس السؤال اربع مرات على اساس اتخربط بج انتبهي وخلي اجابتج مختصره ووحده
هزت راسها وهيه اطالع تحت
لف بنظره في الصاله ورجع الها
بدر:شبعتي رقاااد؟
روضه:هيييه وانته من متى واعي
بدر:من ثمان وسرحت الهم تونيه ياي
روضه:تريقت؟
بدر:لا
وقفت روضه بسرعه:بروح ايبلك ريوق
مسكها من يدها:تعالي اهنيه اي ريوق الحين دخلنا وقت الغدا
روضه وهيه اطالع يدها الي ماسكنها:بسويلك سندويجات
وقف بدر وتم مجابلنها وهيه اقصر امنه ورفعت راسها فوق اطالعه
بدر:انا ما اتريق بالعاده
سحبت يدها وحس ابها وتركها
ابتسم
بدر:الحين اريد اعرف انتي قصيره ولا انا طويل؟
نزلت راسها تحت منحرجه ومعصبه في نفس الوقت
مد يده ورفع راسها عشان اطالعه:معصبه؟؟السموحه
كان ملاحظ تنفسها وصدرها الي يرتفع وينزل
بدر:رووووضه لاتسويبيه جذيه؟
حس ان تنفسه اهو الي بيوقف
بدر:ياله انا بروح ...ولا تنسين الي قلتلج اياه
على طول طلع وحاله مش في حاله
ياليييييييييييييل الشقى يابدييير
مي كانت برا في الممر ويوم سمعت صوته شردت واندست
.................................................. ..................
دخل خليفه على زايد في اليوم الثاني وكان بروحه
زايد:وينها؟
خليفه باستغراب:منيه؟؟
زايد:حرمنا المصون عجبتها القعده في الشقه
خليفه:شقصدك؟؟
زايد:انتو ليش مزوجينيه اياها عشان تاخذ راحتها في الشقه وانا اتم محتاس اهنيه شو فايدة الزواج هذا؟
خليفه:مش انته الي طلبت ماتشوفها واتم في الشقه احسن الها؟
زايد:وانا قلت ماريد اتزوجها وانجبرت على زواجها شمعنى الحين كل الي بقوله بيمشي عندها
خليفه:زايد ترا انا خلاااص ماعدت اقدر استحملك ولا استحمل تطلباتك هذي
زايد:حد مانعنك اترد تبانيه احجزلك على حسابيه؟؟
خليفه:لحول ولا قوة الا بالله....
قام خليفه وطلع دلال القهوه والشاي
خليفه:اصبلك قهوه
مارد عليه زايد
خليفه:يابويه شبلاك شو مضيقبك ؟؟...راح الكثير ومابقى الا القليل...اصبر وساعد نفسك تبا تخلص من الحال الي انته فيه خلهم
ياخذون راحتهم معاك في التمارين الطبيعيه واخلص يا اخي
زايد:سر وهات نور
خليفه:بسير وبيبها اي اوامر ثانيه؟
شغل التلفزون وتم ايطالعه
طلع عنه خليفه وهو يفكر ان زايد يتصرف تصرفات يهاااال وده ايقوله جذيه بس ايخاف من ردة فعله
استانست نور يوم قالها خليفه تجهز لان زايد ايريدها
خليفه:اليازي وين؟
نور:انها نائمه هيه لا تستيقض الا متاخره
خليفه:عيل بوديج وبرجع عندها اخلصي انتي بسرعه والله يعينج على زياد
نور:حسنا
دخلت نور على زايد وكشفت غطاها والقت السلام وتمت اطالعه وهو ملتفت للتلفزون ايطالعه ولا رد عليها
كانت خيبة امل عندها عدم رده عليها سكرت الباب وراحت لطرف الغرفه وخلعت الغطا وقفازاتها وقعدت على الكرسي
زايد:بتمين قاعده جذيه...حق شووو يايه عيل
وقفت وقربت امنه:هل تريد مني شيا؟؟
زايد:هاتيليه ثياب اريد ابدل
ابتسمت:حسنا
راحت ويابتله وماعجبنه وعيزت لين حصلت شي رضى به
زايد:ساعدينيه
نور بدهشه:ماذا!!!؟
زايد:اريد اعق القميص تعالي ساعدينيه
كان قاصد يحرجها ويخليها اتشوفه وهو بدون قميص
واول ما رفعت نور عنه قميصه احمر ويهها وهيه تحاول اتصد بنظرها بعيد عنه كانت عيونه مركزه عليها وابتسامه خبيثه على شفايفه
زايد:نووور
نور وهيه نظرها تحت:ماذا هناك؟
زايد:الي يكلمج قاعد تحت الشبريه اطالعينه؟
رفعت نظرها ناحيته منحرجه وحاولت اتثبت نظرها على ويهه
نور:هل تريد شيا؟
زايد:طالعي اهنيه في صدريه
التفتت للجهه الثانيه:زيد ماذا تريد؟
زايد:قلت......طالعي .....يااااي
التفتت له
زايد:سيري عند الممرضه وهاتي اليه المطهر والكريم وحطيليه على هالجروح ولا عاجبنج الممرضات كل يوم ايحطن اليه
حطت عينها في عينه وفكرة ان الممرضات يلمسنه مش عاجبتنها
نور:كان عليك من البدايه ان تطلب مني ذالك
زايد:وانتي وين عشان اطلب منج ...ماخذه راحتج في الشقه
نور:الم تطلب مني ذالك
زايد:هييه لاكنج يوم ماتبين اتسوين الحاجه محد يقدر يغصبج عليها شمعنا قعدة البيت عجبتج؟
نور:انا احاول ان ارضيك بما تريد
زايد:لا تكثرين الرمسه وروحي ياله هاتي الادويه من عند الممرضات
نور:حسنا
راحت نور وعرفت من الممرضات طريقة تنظيف الجروح وكيفية حط الكريم وقالتلها الممرضه انه ماكان يرضى انهن ايساعدنه في تنظيف الجروح وكانت ردة فعلها انها ابتسمت
دخلت عليه وقربت امنه وهيه تحط الادويه عدالها على الطاوله
رفع نصف السرير وراه وانسدح عليه وعيونه عليها اتراقبها التفتت له واتلاقت نظراتهم ببعض وتمو شويه على هالحال عقب وجهت نور نظرها لصدره وهيه منحرجه وبدت اتنظف الجروح بالمعقم
زايد:حطيليه المرهم بصبعج ماريد بالقطنه
هزت راسها:حسنا
طول الوقت كانت متوتره وهو ايراقبها مستانس على وضعها المحرج
زايد""بعدج ماشفتي شي يانور
نور:حسنا انتهيت
زايد:زييين سيري هاتيليه الريوق
نور:الم تفطر؟
زايد:شرايج بفطر مرتين
نور:حسنا
طول اليوم وهو ملعوزنها بطلباته وتشريطاته وياويلها ان قالت بطلع برا
على الليل
زايد:ان يا خليفه وقالج نرجع البيت قوليله ببات اهنيه
نور:ماذا ولاكن انا
زايد:شوووه؟ عيل حق شوووه انتي يايه
نور:حسنا ...ولاكن المستشفي لا يرضى
زايد:ماعليج منهم خلي حد ايي ويقولج طلعي انا بتصرف معاهم
نور:حسنا
اقنعت نور خليفه عقب محاولات انه ايخليها اتبات وزايد طول الوقت كان ساكت ونظره عند شاشة التلفزون
خليفه:على كيفج يانور بس انا ما اعتقد انهم بيرضون ايخلونج
نور:عماااه لم تكن المره الاولى لي سبق وامضيت ليلتا هنا
التفت الهم زايد:متى صار هالكلام؟
خليفه:ليلة العمليه الي سوها لك
زايد وعيونه على نور:بتي اهنيه
نور:اجل
زايد:ووين تميتي طول الليل؟
كانه قاعد يحاسبها على طول الوقت الي مضته في المستشفي
نور:امضيته بجانبك
زايد:جذابه وين كنتي طول الوقت
خليفه:زااااايد انته شو الي قاعد اتخرف واتقوله لبنيه طول الليل قاعده عدالك
زايد:عاده انا مش بتاني تضحكون عليه
خليفه:لاحول ولا قوة الا بالله العلي العظيم
التفت لنور:بعدج اتريدين اتباتين عنده
هزت راسها بنعم
قام خليفه وتوجه للباب وقبل لا يطلع التفت لزايد
خليفه:لا تفكر انيه بسكت وانا راضيليه الي تقوله ..بس ساعات في ناس ما تستاهل انعور روسنا معاها
طلع وخلاهم
تم زايد ايطالعها في انتظار ايحصل اجابه من عندها
نور:هل حقا انته لا تعلم اين قضيت ليلتي تلك؟
زايد:قالولج كنت صاحي اعرف وين رحتي ووين ييتي؟
نور:يؤلمني حقا ماتعتقده بي
دخلت حينها الممرضه وحست نور ان الله ارسلها لانها نفس الممرضه الي كانت موجوده ليلة العمليه
كلمت نور الممرضه باللغه الانجليزيهوسالتها ان كانت اهيه نفسها الممرضه الي ناوبت ليلة العمليه وطلبت منها اتقول لزايد وين اهيه قضت ليلتها هذيج
ابتسمت الممرضه والتفتت لزايد :الم اخبرك يومها ان زوجتك امضت ليلتها بجانبك وانته ممسك بيدها
توه اتذكر كلامها التفت عنهن ووجه نظره للتلفزون معلن انتها اي نقاش
طلعت الممرضه ورجعت نور تقعد على الكرسي وهيه تحس بغصه في صدرها بعد رغم كل هذا ماقال اي كلمه
كان الوقت متاخر والزيارات انتهت وزايد من قناه لقناه ثانيه متجاهل الي قاعده معاه تمت قاعده على الكرسي واتفكر كيف بتقضي ليلتها بدون فراش ولا سرير
بطرف عينه لمحها وهيه قاعده وساكته وشكلها مشغوله باذكارها لاحة في باله فكره خبيثه وعلى طول نفذها
حط على قناة للاغاني وعلى على الصوت عشان تعلو اصوات الموسيقى في الغرفه
حست نور بانزعاج قوي وتمنت انه ايبدل القناه لاكنه كان مستمتع بسماع الاغاني وقفت وقربت امنه
نور:زيد هلا ابدلت عن هذه الاغاني
زايد:انا مستطرب اريد اتسمعها
نور:ولاكنها حرام
زايد:لحووووه تراج اذيتينيه انا بكيفيه اريد اتسمع
نور:انا لا اريد ان اسمع ما حرم الله
زايد:خذي من القطن اكوه وسدي به اذنيج مافي مشكله
نور:لما تفعل بي ذلك؟
زايد:عن الحشره يالله
التفتت عنه وهيه متضايقه عقب رجعت والتفتت له:
نور:هل استطيع ان اخرج الى الخارج حتى تنتهي من سماعها
زايد:واللــــــــــــــه هذا الي تبينه عاده انتي
نور:غفرانك ربي
رجعت وقعدت على الكرسي وهيه تحط ايديها على اذنيها وتستغفر
نور"اللهم انك عفوا تحب العفو فاعفو عنا اللهم اغفر لزوجي واهديه طريقك المستقيم اللهم لا تواخذه فانه لا يعلم وتجاوز عن سياته واهديه يارب العالمين
تمت نور تستغفر وتدعو الله في سرها لين ما حست ان الصوت بدا يختفي لاكن لعانة ابليس بعدها فيه التفتت للتلفزون اطالع ليش اهو مبتسم وشافت شي خلاها توقف بدون شعور
كان حاط على قناه لبنات بلملابس الداخليه يستعرضن على المسرح والهن حركات قبيحه
نور:استغفرك يارب زيد مالذي تشاهده الا تخشى من غضب الله
ابتسم زايد وعيونه على التلفزون:شبلاج انتي خلينا انطالع ونستانس
نور:اتريد ان تستانس بما يغضب الله
زايد:الحين محد جبرج اتشوفين صدي بنظرج اهناك وماعليج منيه
نور:انته رجل وحرامن عليك رؤية تلك النساء
زايد:عادي هن بروحهن ماعندهن مانع
نور:انهن غواني كافرات لايخشن من شي
زايد:تراج صدق قذا
نور:اتقى الله ان العين تزني وزناها النظر الى ماحرم الله
زايد:عاده شو اسوي اريد اشووف واذا الحرام حرام وين عيل الحلال
وطالعها بطرف عينه
فهمتله نور ونزلت راسها تحت
زايد:مستعد ما اشوف الحرام اذا الحلال بيغنينيه عن شوفة الحرام
انتفضت نور وكرهة اسلوبه
نور:الن تراعي حيائي
زايد:عيل اتركينيه في حاليه ولاتمين اليه حشره
رفعت نور نظرها للتلفزون وشافت اجسام البنات كانت منحرقه فوووول من شوفته الهن وخايفه من غضب الله عليه
نور:حسنا سوف افعل ما تريد عليك اولا ان تطفئ ذالك الجهاز
ابتسم زايد وعلى طول بند التلفزون وشبك ايديه ورا ظهره في انتظار شو بتسوي مستمتع باحراجها
راحت نور لين الباب وغفلته ونظرات عيونه تتبعها وهيه منزله راسها تحت وتمشي وهيه ميته من المستحى وراحت لين الدريشه وتاكدت من ان الستاره مسكره زين
نور كانت متخربطه وماتعرف على شوووه مجبله كانت تدعو من الله ان في شي ايوقف الي بتسويه خلعت عباتها وكانت لابسه تحت العباه بنطلون جنز اسود وقميص مشجر طويل لين الركبه ومن تحته بلوزه سودا هاي نك وباينه من عند اكمامها
فتحت شعرها ونثرته كان شكلها رووووعه انبهر ابها زايد التفتت للجهه الثانيه وبدت تفتح ازرار القميص وهيه مستمره في الدعا والاستغفار
خلعت القميص وتمت واقفه تحاول تسحب نفسها وزايد مسمت ايطالعها في انتظار شو بتسوي
رفعت البلوزه لفوق وخلعتها وفتح عيونه زايد وهو يشوف بياض ظهرها
صرخ عليها:ايييييه انتي شوووو بتسويييين؟
ابتسمت الفرج ياي
سحبت ايديها من البلوزه وهيه صاده عنه للجهه الثانيهونزل شعرها على ظهرها ساترنه
نوروبعده ويهها للجهه الثانيه :الاتريد رؤية الحلال بدلا من الحرام
زايد:يا حماااره اتريدين اتثيرينيه وانا بالحاله هذي ماتشوفين ريليه مكسوره وتونيه مسوي عمليه
غصبا عنها ضحكت:انته تريد ذالك
زايد وهو يصد بويهه عنها بعد ما التفتت له وبعده البنطلون عليها وقطعه من الملابس الداخليه ساتره صدرها:لبسي ثيابج
نو وهيه تقرب امنه:زيد الا تريد رؤية ما احل الله لك بدلا من رؤية الحرام
زايد:نور انا ما العب معاااج قلتلج البسي ثيابج وانقلعي عن ويهيه
نور:امن بعد ان جعلتني اترك حيائي من اجلك تريدني ان انصرف
التفت الها وسحبها من شعرها صوبه وهو يحط عيونه في عيونها
زايد:قلتلج يانور لا تلعبين معايه انقلعي البسي ثيابج
ركضت عنه ودخلت الحمام ويتها موجه صياح قويه من الحال الي هيه فيه
تم قاعد ساكت وهو يحاول يكبت المشاعر القويه الي اجتاحته والرجفه الي في ايديه حاول يطلع من هالحاله وشغل التلفزون وعنادا فيها حط على نفس القناه وطول على التلفزون عشان اتعرف اهو شو يطالع لاكنه ماكان ايطالع شي عقب ما شافها
الي جدامه ولا شي
غمض عيونه وهو بعده يسمع صوت صياحها في الحمام طال الوقت وهيه بعدها في الحمام الا انها هدت اخيرا وحس براحه شويه بعد ماسمعها سكتت حتى التلفزون بنده ايريدها تسكت وتطلع وطاااااال انتظاره
تحامل على نفسه ونزل من الشبريه واتكى على العكازه وراح لين الحمام
دق الباب:نووور........نوووور
دق الباب مره ثانيه بصوت اعلى:نووور
فتحت الباب وطلت امنه وعيونها محمره ومتورمه وهيه حاطه منشفه صغيره على صدرها وماسكتنها
زايد:ممكن اريد الحمام
فتحت الباب وطلعت بخطوات تعبانه وميته من الاحراج تعداها ودخل للحمام سكر الباب عليه وتم واقف مسكر عيونه ومتضااااايق على الاخر
لبست نور ثيابها ولبست العباه وانطوت على الكرسي الصغيرلامه ريولها لحضنها ومغمضه عيونها مابتكلمه لو شوما قال ولا طلب منها خلااااص طاقتها اليوم انهدت امنه
عيونه عليها اول ما طلع يدري انها ناويه ترقد ووضعها ما عجبه بس شو بيسوي مستحيييل يعطيها حل حق رقدتها
انسدح على السرير وتم ايراقبها طول الليل لين ماغفت عينه
الصبح اول ما قامت صرخت من الويع الي في ظهرها وفتح زايد عيونه
زايد:شبلاااج؟
نور:لا شي يبدو انه شد عضلي يالااااهي انه مؤلم
تمت تمشي بخطوات بطيئه وهيه تحس بالويع ايزيد وهيه منحنيه شوي
ماعرف شو يسوي ولا شو يقولها وتم بس يراقبها لين ما وصلت للحمام والتفتت له
نور:هل تريد الحمام؟
هز راسه بسرعه بلا
نور:حسنا اريد ان اتوضى للصلاه
زايد:وانتي جذيه؟
نوروهيه اطالعه مستغربه:هل ادع صلاتي من اجل وجعا بسيط سوف يذهب الان
غفت عينه وهو ينتظرها واول مافتح عينه شافها قاعده على سيادتها الي كانت يايبتنها معاها الويع عندها خف لاكن مع بعض الحركات الها اتحس به رجع
.................................................. .
في الامارات كان فهد وابوه توهم واصلين بعد ما وصلهم خبر روضه فهد طول الطريق ايسوق وهو معصب والي زاده ابوه الي تم
طول الوقت ايقول ان روضه فضحتهم ووين بيودون ويوههم من الناس
في الصاله كانت الام وبناتها والجده قاعدين توه بدر مسكر عنهم وقالهم ان كل شي ماشي زين
دخل فهد وكان شيطان راكبنه ووراه ابوه على طول ما سوا تفاهم ومسك روضه وانهال عليها بالضرب والشتم والتكفيخات على الصريخ في الصاله بين الام وفهد وهو يصارخ ويهدد ويتوعد
روضه وهيه تشاهق من الصياح:انا ما ذبحتها والله انا مظلوووومه
فهد:جــــــــــــــــــــتب انتي فضحتينا وخليتي طارينا على كل السان يلحمااااره
روضه وهيه تلتفت لابوها وتترجاه وهيه تصيييح:ابوووويه انا ماذبحتها والله ماذبحتها لاطالعونيه جذيه
ابو فهد:فضحتينا ياروضه فضحتينا ليش تيبين النا الرمسه انا ادري انج ما ذبحتيها لاكنج انتي السبب في كل هذا الي يصير
روضه:والله ماليه ذنب
ابو فهد:لوما طولة لسانج جان ماصار هذا الشي انا الغلطان الي مدلعنج ومحقق لج كل الي تبينه
الحين وين تبينيه اودي ويهيه من العرب
روضه وهيه منهاره بعد الظرب وكلام ابوها:وقسما بالله ماذبحتها
وعلى طول اغمى عليها
ركضتلها الام ومي ايشوفن شو فيها فهد على طول طلع فوق لغرفته اما ابو فهد راح الميلس ميت من الفضيحه عقب شوي دخل عليه بدر ايبشره ببراءة روضه وايقوله انه اتصل عليهم ومحد رد عليه
الابو طلع كل الي في خاطرهوانه فتشل من الي صار وقال لبدر انه لويريد يطلق البنت محد بيلومه
بدر:لا ياعميه اطلقها ليش اهيه مالها ذنب براءتها طلعت وانا متاكد من برائتها من البدايه
ابو فهد:جزاك الله خير يا ولديه ماعرف وين اودي جمايلك بس انته محد بيلومك ان كنت اتريد اطلقها
ضحك بدر:لا ياعميه تبانيه افرط في روضه لو الموووت حرمتيه ومابتخلا عنها
ابو فهد:والله انيه مفتضح وماعرف وين اودي ويهيه من الناس
بدر:الناس مابتلومك ياعميه دامنها بريئه هذي سالفه وبتنساها الناس عقب المهم اننا طلعنا منها
ابو فهد:ومنوالي ذبح لمعلمه
بدر:وحده من صديقاتها بينهن سوالف وبلاوي استقلت الفرصه هذاك اليوم يوم روضه اتواقعت مع لمعلمه وسوت الي سوته وكانت اول شاهده ضد روضه
ابو فهد:حسبي الله عليها كنا بنذبح لبنيه بسبتها والله ستر
بدر:ليش عميه شو صار؟
ابو فهد:فهد ..............ضربها لين طاحت علينا ومادري شو مسويه الحين داخل
وقف بدر رافض الي يسمعه:لا يا عميه شو هالكلام اهيه شو ذنبها؟
ابو فهد:عاده يا ولديه صار الي صار وزين انه ما ذبحها واهيه لوما طولت لسانها ماصار الي صار
اتضايق بدر وطلع والله ياب فهد في طريقه وكانت اول مره من بدر انه يرفع يده على حد غير مروان ويعطي فهد بكس على ويهه خلاه ايطيح على الارض
بدر بتهديد:قسما بالله ان مديت يدك عليها مره ثانيه انه اييك شي ماشفته في حياتك
اتوجه عقبها بدر لسيارته وركبها صافق بالباب بقو وهو يريوس بسرعه طالع من البيت
فهد تم طايح متكي على ايديه ويمسح الدم الي طلع من خشمه منصدم من ردة فعل بدر
اتصل بدر على تيلفون روضه ومحد رد عليه واستمرت محاولاته لين ردت عليه مي
بدر وقلبه يحسبه يهوي:هلا ميمي وين انتن عن التيلفون؟
مي وهيه تصيح:روووضه روضه يابدر تعبااانه فهد ظربها قو وانا واميه من الصبح انحاول انقعدها روضه وااايد تعبانه ومن قعدت وهيه تصيييح
حس بدر بقهر واتمنى انه ظرب فهد اكثر من الظربه الي يته
بدر:ميمي عطينيه روضه
مي:ماتقدر اتكلمك وايد تعبانه واميه من الصبح اتحاول اتهديها
بدر:اوفففف زين بكلمها بعدين.
.................................................. ...............
بعد ما قامت نور من على سيادتها كانت اتحس بويع خفيف
دخل الممرض وطلب من زايد يستعد حق التمارين الطبيعيه وبعد ماركب الكرسي التفت الها
زايد:ان يا خليفه اهنيه ردي معاه والعصر تعالي
رجع والتفت عشان يطلع ووقف عند الباب
زايد:سمعتي شو قلت ماريد احصلج يوم ارجع
تمت نور واقفه اطالع للجهه الي طلع منها وكشفت غطاها مش فاهمتله اهو شو يريد بس فكرة انها اتروح الشقه عجبتها على الاقل اشويه تفرد ظهرها وتتخلص من الويع الي يروح ويرجع
بعد مارجع زايد ماحصلها وارتاح انها راحت على طول راح للحمام وتوضا وادى فروضه الي فاتت عليه بعدها رجع وتكلم مع بدر الي حس انه مش طبيعي في كلامه
زايد:بدر شبلااك؟
بدر:ماشي فديتك
زايد:عليه... متضايق من موضوع رويض ...بدر اذا تبا اطلقها ترا محد بيلومك
عصب بدر:انتو شو فيكم لبنيه ما اذنبت عشان كل ساعه واحد فيكم قالليه طلقها...انا هب مطلقنها وقريب بسوي حفلة الملجه
زايد:انزين انزين خلاص شعندك معصب؟
خبر بدر زايد بالي سواه فهد في روضه وانه متضايق وايد من هذا الشي
تم زايد يضحك:يخرب بيتها رويض والله وقدرت اتفر راسك هههههه شفتها يابدر صدقنيه ماتصلح لك انته يبالك وحده طويله وحرمه مش ياهل مثل رويض
بدر بابتسامه:بس اهيه مش ياهل
زايد:شكلا بيبي لاكن في العمر كبيره
بدر:المهم انها كبيره
زايد:وملسونه
غمض بدر عيونه وقشعريره تسري في جسمه:بسنعها عقب
كل واحد كان محتاج ايسولف مع الثاني ويفضفض له
بدر:واخبار نور معاك؟
زايد:ماجنا طولنا وايد في الرمسه؟
بدر:ههههه افا ماتريد تعطينيه علومك معاها تمااااام على راحتك
زايد:ياله فمان الله
تنهد بدر بعد ماسكر عن زايد وهو يفكر في روضه الي خربطت كيانه مع انه يدري ان قلبها مملكتنه لشخص ثاني
.................................................. .
دخلت اميره لبيت خليفه ومعاها كذا عامل طلعت ابهم فوق للدور الفوقي خبرت الخدامه نوره الي طلعت وتمت واقفه تسمع اصواتهم يتكلمون فوق
نوره:هذي شو تبا وشو ناويه عليه؟
نزلت اميره والعمال بعدهم فوق وابتسمت لنوره الي واقفه تحت
اميره:هااااي
نوره:الناس اتسلم بالسلام عليكم
اميره:يااااي انا حره ...ااه على فكره اكيد اتريدين اتعرفين ليش العمال فووق...صح مش مجبوره اقولج بس بقول عشان اتسووون حسابهم في الاكل وتسووون الهم شاي
نوره بنظرة استفسار:شو قصدج؟
اميره:بما انيه راعية البيت وحرمة خليفه الاصل والبيت هذا بيييتيه انا حبيت اسوي مفاجئه لخلوووفي قبل لا يرجع من السفر واعدل السويت الي فوق اليه وله بس وزين انج نزلتي مع اليهال تحت
علشان اول ما يرجع انسوي العرس وانتقل لسويتيه بدون تاخييير فهمتيييي
نوره وهيه اطالعها وتحاول تستوعب كلامها
اميره:ليش اطالعينيه جذيه ان شالله تبينيه اعيد كلاميه
نوره:لا مايحتاي اتعيدينه لانه مابيتنفذ اصلا
اميره:نعم نعم سمعيني شو قلتي لييييش ان شالله مابيتنفذ؟
نوره:لان راعي البيت مش موجود وانا مستحيل اخلي العمال داخله طالعه واحنا بروحنا اهنيه خليفه حتى العمال الي برا وقف شغلهم لين ايي تبين تبينهم عندنا داخل اسفه
اميره:ومنو قال عاده انيه باخذ شورج اسمعينيه زييين ...انتي تنثبرين داخل قسم الضيوف
وانا الامره الناهيه اهنيه تسمعييين ...وقريب ان شالله اعقج انتي والحثاله الي معاج برا ...برا البيت مش في الملحق
عصبت نوره وصرخة عليها صرخه:برااااااا انتي الي بتطلعييييين برا وهالعماااال الحين بيطلعون برا وبشوف منوالي بيمشي كلامه ياله انقلعي براا
ميييييينااااا سيري الحين فوق وقولي للعمال يطلعووون برا وان شفت واحد فيهم اهنيه اتصلت
على الشرطه
اميره طلعت عيونها مش متخيله ردت فعل نوره:انتي تبين اتكسرين كلاميه
نوره:ومنو انتي عششان اكسره اتفضلي اطلعي برا.....برااااا
اميره :زييين والله لا اخبر عليج خليفه ياحقييييره انا تطردينيه من بيتيه هين ...بعدج ماعرفتي منيه اهيه اميره
التفتت عنها نوره وراحت لقسم الضيوف بعد ما اكدت على الخدامات بطرد العمال
في السياره اتصلت اميره على خليفه وهيه تشاهق من الصياح
خليفه:الوووو
اميره:خلييييييفه اااااه اهي اهي اهي
وقف خليفه مرتاع من صوت صياحها:اميره شبلااااج؟
اميره:خلاااااص يا خليفه طلقنيه طلقنيه الحياه صارت مستحييييله الله يسامحك انا ما اقدر استحمل اكثر من جذيه
خليفه:اميره شبلااااج؟
اميره وهيه تشاااهق:انا انا يا خليفه زوجتك والي كنت خطيبتك وطول عمريه حبيبتك اتسويبيه جذيه
الي ماتتسمى
خليفه:اميره شو السالفه فهمينيه؟
اميره من بين شهقاتها:خلاص يا خليفه انا مااقدر اعيش بالوضع هذا اكثر طلقنيه وخلنيه ارتاح
خليفه:الله يرحم والديج خبرينيه شو الساااالفه
اميره:حرمتك حرمتك خالة عيال اخوك طردتنيه من البيت انا انطرد يا خليفه من بيتيه ترضاها انته انا مستحييييييل ارجع للبيت هذا مره ثانيه
خليفه مستغرب:طردتج ليش يا اميره شو صاير؟
اميره:ماصار شي يا خليفه انا يبت عمال عشان ايرتبون القسم فوق ومن سمعت اصواتهم معايه نقزت اليه مثل الشيطان وتمت اتروق العمال وتصارخ عليه طلعي برا...اااااه انا انطرد يا خليفه
خليفه:اميره اهدي الله يخليج اهيه الي تطلع وانتي الي اتمييين...سكري الحين وانا بتفاهم معاها
اميره:لا انا ما اريد مشاكل اكثر من جذيه انته محتاج الها عشان لعيال انا شو فايدتيه راضها اهيه وانا خلاص طلقنيه وارتاح من هميه
خليفه:اميره عن الخربطان هذا الي قاعده اتقولينه سكري انتي الحين ومايهمج انا بتفاهم معاها
سكر عنها واتصل على نوره مليون مره ومافي فايده لين ارتفع ضغطه عليها وحس بالغيظ يتملكه اتصل اخر شي على الدريول وبصوت معصب طلب امنه ايودي التلفون داخل
وصل الدريول التلفون عند الخدامات وطلب توصيله لنوره الي تفاجئت بالتيلفون الي ياها
نوره:الووو
خليفه:ممكن افهم شو الي سويتيه؟؟؟ وباي حق تطردين اميره؟؟؟وليييش ماتردين على التيلفون من الصبح؟؟
تفاجئت نوره باسلوبه وطريقة كلامه الحاد
نوره:هـ هيه كانت يايبه العمال عـ عشااان يشتغلووون فوق
خليفه:ويااابت العمااال شو المشكله مش بيتها وتريد اترتب فيه؟؟
نوره:اا انته راضي يعني؟
خليفه:وليش ما اكون راضي؟
نوره:بس احنا مانريد عمال داخله طالعه علينا انته نسيت اننا بروحنا في البيت
خليفه بعصبيه اكثر:ومافي طريقه ثانيه تتفاهمين معاها فيها غير الطرد...جان سويتيليه تيلفون
نوره وهيه تحس بقهر:انزيين انا اسفه ...المفروض انيه اسويلك بس انا لا زلت اقولك اننا مانريد عمال تدخل وتطلع علينا
خليفه:انا الي اعطي قرار في هذا الشي تفهمييين
نوره وقربت دمعتها تنزل:انزيين
من الغيظ ماحس انه سكر في ويهها تم واقف متضايق ومايعرف شو يسوي لبس بالطوه وطلع من الشقه
فترة العصر مرت وخليفه مارجع وتيلفونه يعطي مغلق ونور على اعصابها لان زايد قال الها ترجع العصر وهذا اهوه المغرب ياذن وتمر ساعتين من بعد اذانه
اليازي:انروح انا وانتي مشي
نور:لااا لا استطيع ربما ذلك يغضبهم ولاكن ماذا حصل لعمي خليفه الا ترين بان هناك امرا ما
اما زايد فصدق صار حريقه والوقت ايمر ونور بعده مايت اتصل على خليفه الي تيلفونه مغلق ونور بعد مغلق باقي اليازي الي مايعرف رقمها
زايد:هين يانور تتحسبين ليلتج هذي بتعدي على خييير ...ماعليه بعدج ماعرفتي منوه زايد
بعد نصف ساعه دخل عليه خليفه ونور
التفت الهم والشرر يتطاير من عيونه خليفه ماانتبه له لاكن نور على طووول فهمت لنظراته
التفت الهم خليفه:تبون شي انا برجع للشقه؟
زايد:سلامتك اتوكل انته
نور حست بتوتر واتمنت ان عمها يتكلم ويقول سبب التاخير لاكن شكله كان تعبان ومش متفيق الهم
طلع خليفه وتم زايد ايطالع التلفزون بدون اي كلمه وهذا خلا التوتر ايزيد عند نور اقتربت امنه
نور:لـ لقد تاخر عمي بالمجيييئ الى البيت لذالك تاخرت عن القدوم
ما رد عليها
نور وهيه تقرب امنه اكثر:زيد هل سامحتني لتاخري؟
التفت الها وتم ايطالعها بنظرات حاااره ونزلت اهيه نظرها تحت وهيه تحس بنظراته الحاره
رفعت راسها ولاحت له دمعتها الي على وشك انها اطيح
زايد:تحملي مره ثانيه اتعيدينها
ابتسمت نور :حسنا ..لـ لقد احضرت ملابسي لن اعود الى الشقه الا معك
زايد:ايكون احسن
التفتت نور للمكان المعتاد الي تحط فيه غطاها وقفازاتها وبعد ماحطتهن التفتت له وهيه مبتسمه
نور:هل احضر لك العشاء؟
زايد بعد صمت :لاااا
نور وهيه تحاول اتخليه يكلمها:كيف امضيت نهارك هل اتاك زوار؟
مارد عليها وتم ساكت تنهدت ورجعت وقعدت على كرسيها وعيونها اتراقبه وهو مندمج في التلفزون اليوم الحمدلله حاط على برنامج نقاش
كانت اطالعه وهيه تحس بقلبها كل شوي اتزيد دقاته ليش اتحبه تسالت بينها وبين نفسها وهو ايعاملها هالمعامله سبحان الله هذا الحب ماتدري كيف انوجد في قلبها يمكن لانه من بقية اهلها ومالها غيره...بس نفسها يغير من معاملته معاها وهذا الشي مستبعدتنه مع شخصيته المتحكمه والمغروره تكبر عجيب
وحب للذات يتملكه بس رغم كل هذا تحس انها اتحبه دقات قلبها زادت اكثر وهيه تشوف رموش عيونه تتحرك وهو ايطالع التلفزون
"ليتك ايها الزايد تشعر بقليل من الذي يشعر به قلبي"
شي غريب صار فيه وهو يحس بدقات قلبه تزيد وتزيد وهذا الشي ضايقه التفت الها وبصوت حاد
زايد:شوووه بتمين وايد اطالعينيه؟
وقفت نور:هل هناك شيا تريده؟
رجع ايطالع التلفزون:ماريد شي
رجعت وقعدت ونزلت نظرها تحت
زايد:كم الساعه؟
نور وهيه اطالع ساعتها :الحادية عشر الا ثلث
زايد:ما اعتقد حد بيي من الدكاتره قومي اغفلي الباب
نور وهيه تتجه للباب:حسنا
وبعد ما غفلته
زايد:بتسهرين؟
نور:هل تريد ان تنام؟
زايد:هيه
نور:حسنا اتريدني ان اطفئ النور؟
زايد:لااا عقي عباتج وتعالي ارقدي عداليه
انصعقت هذا شو يقوووول؟
نور:ماذاااا!!!؟؟
زايد وهو ينسدح بعد ما اغلق التلفزون:اظنيه سمعتينيه زين مافيه بعد باجر اتمين تتشكين من ويع ظهرج
نور:هو لا يوجعني سوف انام على ذالك الكرسي
زايد بصوت صارم:وانا قلت بترقدين عداليه
نور:ولاكن السرير صغير ...لا اريد ان اضيق عليك المكان
زايد:نور عن اللف والدوران قلت بترقدين يعني بترقديين تفهمييين؟
"يا الاهي الى متى هذا الرجل يعذبني"
خلعت نور عباتها وتفاجئ زايد انها لابسه تحت العباه لبس الباكستاني
زايد:انتي شو لابسه؟
نور وهيه منزله راسها تحت اكيد انه بيرفض انها ترقد عداله وهيه بالبس هذا
نور:ملابسي
زايد:عدج ماودرتيه؟
نور:اجد راحتي في ملابسي هذه
زايد وهو ايطالعها:زين تعالي ارقدي
تقربت امنه وهيه مستحيه ولز اهو الها تارك الها مكان كانت تنتفض وهيه تقرب امنه اكثر واكثر
لين ماحطت راسها وصار ويهها مجابل ويهه حط يده ورا ظهرها وسحبها له وهيه تشهق بصوت عالي
زايد:اعصابج انا بس سحبتج عشان ماطيحين وانتي راقده على الحفه
تنفست نور بتنفس ملحوظ:حسنا لا باس
سحب يده من وراها وحط صبعه علىلخياط الي على جنب لبسها ومرر يده على لخياط نازل تحت وهيه تحس بلمسته وتحاول تكتم شهقتها المره هذي
زايد:ما جن لبسج ضيق وااايد؟
نور بتلعثم واضح:هـ هوه هاكذااا يلبس كما انني لا اخرج به الا بلباس فوقه ساتر
زايد وصبعه رجعت اتمر على الخط صاعده ماره بخصرها:وفي باكستان كنتي تلبسينه؟
نور:اجل وكنت البس عليه شال كبير يستره
زايد:عيل شو فايدته؟
عضت على شفايفها:لا اعرف هو هاكذا يباع على قياسي
زايد:شبلاج؟
بويه محمر:لا شيء
ونزلت نظرها تحت وتفاجئت بيده تتسلل لداخل خصلات شعرها وشدها عشان ترفع نظرها له
تمت عيونهم تناظر بعض ورجعت مره ثانيه بنظرها لتحت لاكنه شدها مره ثانيه عشان ترفع نظرها لعيونه
شو هالعذاب يازايد يكفي قربك عذاب كل ماحاولت تصدبنظرها عنه كان يشد شعرها عشان ترجع اطالعه
نور:انك تولمني
زايد:تستاهلين
نور:الى متى ساظل على هذا الحال؟
زايد:لين تستسلمين وتتركينيه في حاليه
نور:لم تعد فيني طاقه ماذا تريد؟
زايد:الحينه كل الي اريده غصبا عنج بتمشين عليه
نور:هل استطيع ان اغمض عيني؟
شد شعرها قو وغمضت عيونها متالمه لاكنه كان شادنه عشان ايحط يده الثانيه تحت راسها
ثبت يبهته على يبهتها وارتخت يده من شد شعرها وغمض عيونه
زايد:ارقدي يانور ارقدي وخلي هالليله تعدي على خير
حاولت قد ماتقدر انها تكتم شهقات اتريد تطلع من صدرها وهيه تحاول تمنعها
اهوه كان ايحس ابها ويحس برجفاتها ودموعها الي غرقت يده لف يده الثانيه ورا ظهرها وشدها اكثر ناحيته وشوي شوي صارت راقده في حضنه همس الها
زايد:خلاص يانوووور اهدي
تمت لازمه الاستغفار ولاحول ولا قوة الا بالله لين ما ارقدت
اول ما وعى زايد الصبح تفاجئ انها محوطه خصره بيدها ولامه نفسها في حضنه وصوت تنفسها واضح انها راقده
ابتسم وشعور غريب طغى عليه تخللت يده شعرها وحاول يبعد راسها عن حضنه عشان ايشوفها وماقدر
مد يده للجهاز وشغل التلفزون وتم ايطالعه في انتظار المدام توعى
كانت تحس بشي يرتفع وينزل وهو صدره القريب منها واول ما استوعبت قعدت بسرعه وهيه تشهق وتنزل من السرير
زايد:ااااي ريليه ...شبلاااااج؟
نور:لما لم توقضني؟
زايد:اكثر من الي سويته مطيت شعرج ونقت وزاعقت لاكن مافي فايده صايره لوووح
نور وهيه ترفع شعرها ورا اذنها:اعتذر لم اكن اعلم بان نومي ثقيل
زايد:هذي مشكلتج عاده
ورجع ايطالع التلفزون
نور:اريد ان اذهب لاصلي
زايد:حد ماسكنج اتوكلي
نور:حسنا
وتركته وراحت اتصلي وعيونه كل ماتحركت في الغرفه تتبعها عقبها بدلت ثيابها ولبست بنجابي بالون الاحمر ولمت شعرها ورا في ذيل الفرس لاكن واطي
بعد ما خلصت رجعت وقعدت على الكرسي ونظرها شويه ترفعه صوبه وشويه تنزله تحت ليش قاعد ايطالعها ومايطالع التلفزون شو سالفته؟
زايد:قربيليه الكرسي
قامت نور بسرعه وقربت له الكرسي وراح للحمام وتفاجئت انه بعد ما طلع اتوجه للقبله وهو على الكرسي وصلى حست بشعور غريب وفرحه كبيره
بعد ما خلص التفت الها
زايد:تعتقدين اذا قلتلهم ايطلعونيه بيطلعونيه
نور:والتمارين الطبيعيه
زايد:ايحطوليه مواعيد وبييهم فيها انا اشوف قعدتيه اهنيه مالها لازمه وبصراحه ضقت من هالمكان اريد اغير مكان واروح اتحوط في شوارع لندن
نور:ارجو ان يسمحو لك بالخروج
اول مايا بدر ايحط راسه يرقد قرر يتصل على تيلفون روضه يمكن اترد ردت عليه مي وهيه تتكلم بصوت خافت
بدر:شبلاج يامي انتي ويين؟
مي:انا عند روضه في المستشفي تعبت وايد ورقدوها
قام واقف:تعبت من ظرب فهد ولا من شوووه؟
مي:مادري بس كله اتصيييح وراحت عند ابويه وتمت اتصييح ليم ما طاحت مره ثانيه وكانت تعبانه وايد وعلى طول ابويه وداها المستشفي
بدر:انتي بروحج عندها؟
مي:هيه
بدر:طيب انا ياي
سكر عنها ولبس ثوبه وطلع
مروان:على ويين؟
بدر:بتخاوينيه؟
مروان:اخاويك ليش لا
وقريب المستشفي عرف مروان هم عند منو رايحين لاكن بدر ماقاله ان فهد ظربها
اتصل بدر على مي وخبرته اهيه في اي دور واي غرفه
وفي القسم
مروان:بنتظرك في غرفة الاستراحه
توجه بدر لغرفة روضه ودخل وكل تفكيره وعقله عندها تم واقف ايشوفها وهيه طايحه على السرير وكدمه بسيطه على جانب ويهها لان اكثر
الظرب كان على جسمها مي كانت واقفه ورا السرير وقررت انها ماتقرب امنه اتوايهه اهو ما انتبه لهذا الشي لان قلبه كان عند روضه الي قرب منها وسحب الكرسي وقعد قريب منها وهو ايطالعها
اول مره ايشوفها بدون حجاب شكل شعرها قصير مدرج يوصل لين اكتافها ويتعداه شوي
بدر:هذا شو سوابها؟
مي:اهيه زعلانه لان ابويه واقعها وماتوقعت انه بيواقعها
مد بدر يده ليد روضه ومسكها واهنيه انسحبت مي من الغرفه مقرره اتروح لغرفة الاستراحه الي في نفس القسم
اول ما دخلت شافت شرطي قاعد توها بترجع لمحها
مروان:مي
وقفت ولفت بسرعه وشافته
ابتسم الها:حياج
بتردد خطت خطوتين داخل:انااا ما كنت ادري انك اهنيه
مروان وقلبه بدا يزعجه:تعالي اقعدي
تقدمت امنه وقعدت على اقرب كرسي الها وتمت ساكته وهيه تلاحظ ان مروان انشغل في تلفونه ماتدري شو يسوي المهم متجاهلنها
كانت اتفكر فرق بين هذا الشخص والشخص الي شافته اول مره هذا مره معطنيه بو لباس
مروان ما خلا لعبه مافتحها ولعب فيها شويه وخسر وماخلا رساله ماعاد قرايتها وماخلا شي في التلفون ماسواه في سبيل يشغل نفسه عنها ورغم كل هذا الا انه يحس ان روحه بتطلع ودقات قلبه اتزيد واتزيد زجر نفسه كم مره وفهمها كذا مره ان هذي ياهل وغلط
الي يحس فيه لاكن مافي فايده
بطرف عينه وجه نظره الها وكانت اطالع تحت وهيه سرحانه اوووووف عذاااااب
وقف ورفعت نظرها له
مروان:اختج تعبانه وايد؟
هزت راسها بنعم بدون اي كلمه
مروان:اهيه واعيه؟
هزت راسها بلا
تم واقف وايطالع ساعته مستبطي بدر الي ما طلع لين الحين
اما بدر فكانت عيونه اتجول على كل ملامحها ويده ترتفع عشان تلمس الكدمه الي في طرف ويهها
واول ما مرت صبعه على شفايفها فتحت عيونها وتمت اطالعه تحاول تستوعب منو هذا
بدر بابتسامه:الحمدلله على السلامه
حست بقلبها ايدق:بــــــــ بدر
بدر:سلامات يبالها يد اخوج كسر اظن
دمعت عيونها وصدت بنظرها للطرف الثاني
روضه:وانا الي كنت اقول اريد ابويه مادري كيف كان بيعاملنيه في هذاك اليوم؟
بدر:اشششش خلاص انتهى كل شي لازم الصدمه وعدم تقبل الامر بتخلي ردة فعلهم جذيه
انتبهت ان يدها ساكنه وسط يده ويوم حس برجفه بسيطه من يدها ضغط عليها قوي
بدر:بعدج تعبانه؟
روضه:متضايقه ...ابويه عمره ما واقعنيه ولا فهد قد مد يده عليه
بدر:مدلعينج بزياده وهذي نتيجة الدلع
تمت اطالعه بنظرات طفوليه وتعض على شفايفها وحاولت تسحب يدها الا انه مسكها بقو
التفتت للجهه الثانيه وهيه متوتره وشوي شوي ترك يدها وهو يتذكر سالفة حبيب القلب
وقف واقف:انا بروووح تبين شي؟
التفتت له وهزت راسها بلا
تم واقف متخربط يبا ايتم ومنيه لازم مايخدع نفسه بالي قاعد ايسويه
بدر:ياله تصبحين على خير
وقبل لا يطلع قرب منها وطبع قبله على جبينها على السريع وطلع وهو متالم من دقات قلبه
دخل الاستراحه وكان مثل الي مايشوف شي او كان حد يلحقه
مروان حس ان بدر فيه شي لاكنه اتضايق يوم شافه قرب من مي وسلم عليها ومي كالعاده ضعفت وما قدرت تمنعه
بدر:مشينا؟
رفعت مي نظرها لمروان الي نفخ خدوده ونفث الهوا بضيقه واضحه
وبما انه مافي فرق بينه وبين عمر بدر اول ما قرب منهم طالع سحب مي من يد بدر ولوا عليها وهو يقبلها على خدها ويوصيها تاخذ بالها على نفسها كانه قاعد يوصي ياهل تركها فجئه مثل مامسكها وطلع قبلهم ماشي بخطوات سريعه ومتضايقه اما بدر فحركة مروان ما حس فيها وهو اصلا باله مش عنده بالنسبه لمي
حست ان الدم جمد فيها وصعوبه في سحب اي نفس لين ما ابتعدو عنها في اثنينه
قعدت على الكرسي وهيه تنتفض ليييش سوابها جذيه؟؟؟
كانت اتحاول تمنع نفسها ماتصيح وهيه تحس انها اتريد اتصييح
انتبهت لتيلفون مروان عدالها وتمت اطالعه متفاجئه انه نساه
لاكن فجئه حست باعصار داخل شل التيلفون وطلع بسرعه
بدر ومروان كانو راجعين من المستشفي وكل واحد فيهم حالته ازفت من الثاني
في اليوم الثاني اتصل خليفه على نوره وبعد اتصالين ردة عليه
خليفه:انتي قاصده ماتردين عليه ولا شو سالفتج؟
نوره:لعيال طول الوقت ياخذونه يلعبون بالالعاب ويضيعونه
خليفه:اعتقد كل واحد عنده لعبه تغنيه عن لعبة التيلفون
نوره:اتريد شي؟
خليفه:بتيج اميره الحين واعتذري الها
نوره:واذا ما اعتذرت؟
خليفه:انتي غلطتي في حقها وطردتيها من بيتها
نوره:ما اريد اعتذر واعتذاريه قدمته لك رغم انك انسان ماتعرف شو معنى الاعتذار
خليفه:شو قصدج يا نوره؟
نوره:ما اقصد شي بس انا قلتلك اعتذار الها مابعتذر
خليفه:انتي مش خايفه من عواقب رفضج هذا؟ولا لان اليهال عندج تتحسبين انيه ما اقدر اسوي شي
تمت نوره ساكته وهيه مش متوقعه كلامه هذا
خليفه:اكلمج؟
نوره:سو الي تريد اتسويه مابعتذر الها
خليفه:حتى لو حرمتج من اليهال؟
دمعت عيونها:على راحتك سو الي تباه
خليفه:زين يانوره
سكر عنها وهو يحس بضيقه مايدري الي يسويه صح ولا غلط من البارحه وخالته واميره اتصالات عليه يطلبن امنه يا اما يطلق نوره ولا يطلق اميره وهو شاف انه يخلي نوره تعتذر اسلم حل لاكن نوره ما مشت على كيفه
قرر انه يتصل على فهد ويطلب امنه ايي مكانه عشان يرجع ويحل الامور الي صارت عقبه وفهد رحب بالفكره
زايد طلب من الدكاتره ترخيصه على انه بيستمر بمتابعة التمارين الطبيعيه كل يوم وبعد ما وافقو اتصل على خليفه عشان يحجز له شقه له بروحه ولنور
خليفه:تبانا ننتقل لشقه كبيره النا كلنا؟
زايد وعيونه عند نور الي توترت يوم سمعت طلبه:لا بس انا وحرمتيه نبا انكون بروحنا
خليفه:ماعليه بحجزها موقت واذا رجعت انا للبلاد بنقلكم كلكم لشقه وحده
زايد:خير لين اترد المهم انا الحين اريد اطلع خلص الحجز لو سمحت بسرعه وتعال شلنا
بعد فتره كان زايد في الحمام يوم اندفع شخص داخل الغرفه بدون استاذان وفاجئ نور انه في وسط الغرفه شهقت نور وركضت بسرعه بعد ما شافها لين غطاها ولبسته وزين انها كانت لابسه عباتها لاكنه شافها
ورجع وطلع بسرعه وهو ميت من الجمال الي شافه
عقب ما طلع زايد وركب على سريره كانت نور واقفه وحاطه غطاها على راسها
زايد:شبلاج؟
نور:هناك شخص لم يستاذن تفاجئت به في وسط الغرفه و وقد راني
فتح زايد عيونه:بيت ابوه اهو يدخل بدون استاذان منو هذا؟
نور:لا اعرف
زايد:كله منج ماخذه راحتج والباب مفتوح
نور:عادتا كل من يقدم يطرق الباب
زايد:ومستانسه انه شافج
نور:زيد لا تقول ذالك انته تعلم بحرصي على حجابي ولا تعلم مدى ضيقتي مما حصل الان
زايد:سيري غفلي الباب اكيد بيرجع الحين
غفلت نور الباب لاكن محد ياهم
بعدها ياهم خليفه ونقلهم لشقته لين ايرتبون شقة زايد ارتاح زايد في الشقه الي عجبته وهيه مطله على الخارج بنوافذها الطويله وكان الجو روعه
تمو سوالف وطبخت نور واليازي الغدا وتغدو بعد الغدا قال خليفه انه بيروح ايشوف موضوع الشقه اذا خلصت واليازي دخلت لغرفتها قعدت نور عدال زايد الي فارد ريله المجبسه على الطاوله
التفت الها:انتي ليش لين الحين بعباتج؟
نور:من عجلتي لم احضر ملابس واسعه كي اخذ راحتي بها من دون عباه
زايد:انزين انتي وين قاعده تراج قاعده في الشقه
نور باستنكار:وهل تريدني ان اخلع العباه وانا البس ما انا لابسته
زايد:وشو المشكله؟
نور:انا اخجل ان اكون عند عمي بهذا المظهر ملابسي ضيقه
زايد:بس مش حرام عمج
نور:قلت لك اخجل ان اكون بها امامه
تم زايد ايطالعها مستغرب منها
زايد:وانا؟؟
نزلت راسها تحت:انته زوجي
زايد:زوجج بس مش دوووم ..هيه فتره وكل واحد بيروح في طريقه
رفعت نظرها متفاجئه من كلامه:ماذا تعني
ضحك زايد:ماذا اعني ...ليش ياماما انتي فكرتي انج خلاص امتلكتينيه...لاااا مب زايد الي يتزوج بالطريقه هذي ومب زااايد بن محمد الي تكون زوجته الابديه مش عربيه اصل
انا زوجتيه الي بتكون زوجتيه بكل فخر عربيه ميه بالميه
نور ونظراتها متجمده عليه:الست ابنة عمك؟
زايد:عاد شو اسوي بعميه الله يهديه ماخذ بنت عرب عشان اشرفه واخذ بنته
سكتت نور ونزلت نظرها تحت بالعه غصتها وهو يراقبها وينتظر منها جواب رجعت ورفعت نظرها له
نور:اتريد ان تذهب الى الغرفه لترتاح قليلا حتى ينتهي عماه من امر الشقه؟
قهرته بردها:لاااااا
نور:هل تريد شيا اخر؟
زايد بصراخ:اباج تنقلعين عن ويهيه
قامت وتوجهة للمطبخ دخلته وسكرت الباب عليها
زفر بضيق وقهر من برودها اهو تعب وهيه بعدها ماتعبت
نقلهم عقب خليفه للشقه الثانيه والي كانت مجاوره للشقه الاولى وكان فيها غرفه وصاله بس ومطبخ صغير
ساعد خليفه زايد ومدده على السرير
خليفه:مرتاح؟
زايد:خل نور تي
خليفه:ماعليه ماعليه نور مابتطير الحين بتي
طلع خليفه ودخلت نور بعد ما سكرت باب الشقه طلت عليه وهو متمدد على السرير وبعدها بالعباه
زايد:بتمين واقفه وايد تعالي اعدلي المخده تحت ريليه
دخلت وتوجهت للمخدات
زايد:وهذي الخيمه متى بتعقينها
نور:انها عباه وليست خيمه ماهي مشكلتك معها
زايد:عقيها
نور:حسنا اولا دعني اساعدك في وضع المخده تحت رجلك هل تريدها هاكذا؟
زايد:زييين
نور:سوف ابقى في الخارج نم انته قليلا
زايد:عقي عباتج وتعالي اهنيه عنديه
نور:لا اريد ان انام
زايد:انتي شوووه تبين اتعاندينيه وبس؟
نور باستسلام:حسنا حسنا ساتي طلعت وعقت عباتها ورجعت عنده
وقفت اطالعه
زايد:اظنيه الشبريه عوده اتكفي عشره تعالي وحطي راسج
هزت راسها بانزين وخلعت شالها الصغير وانكتت في لفراش عداله مبتعده عنه شويه ومغطيه راسها تم ايطالعها شوي وعقب استسلم للرقاد
العصر سحبت نور نفسها من لفراش وراحت اتصلي وهو بعده راقد وعقبها طلعت لشقة خليفه عشان اتسوي القهوه والشاي
خليفه:هلا نور اخبار زايد؟
نور:مازال نائم...اين اليازيه
خليفه:بعدها راقده
نور:حسنا اتيت اريد صنع الشاي والقهوه
رن تيلفونه وتم يتكلم فيه
خليفه:شوووه فهد سوا حادث متى هالكلام؟؟
التفتت نور له مرتعبه وانتبه خليفه ان صوته كان عالي
التفت لنور:انا بطلع برا ما اريد اليازي تسمعنيه لاتقولين شي
وطلع من الشقه لاكن للاسف اليازي سمعته يوم صرخ وسمعت شو قال وشو وصى عليه نور حست ان شي ايعورها في صدرها فهد سوا حااادث...سوا حااادث...حااادث...
قعدت على السرير وهيه مستغربه من الرجفه الي يتها ومن الضيقه الي تملكت صدرها تخيلت حادث زايد وشكله يوم الحادث مش قادره تتخيل فهد بالوضع هذا حطت يدها على ثمها تمنع شهقه
حست انها مش قادره تواجه حد ولا تسال حد وكان السرير اقرب شي الها انكتت فيه وتمت مليون صوره وصوره تخطر في بالها ياترا شو صارله وليش عمها قال مايريدها تدري او تسمع شي شووووو صاااار؟؟؟
الويع في قلبها قام ايزيد ويزيد ومدت يدها لتيلفونها اتشوف كثرة الاتصالات الي يتها من عنده وماردة عليه وكم رساله توعدها فيها الا اخر رساله قالها فيها ردي انا تعبان....لاااا يارب ماصارله شي يارب انا شبلانيه ليش احس بهذا الشعور لااا حرام
عميه بيزعل وايد اذا صارله شي وبعد حرمة عميه اكيد بيتعبون يارب ماصار شي ياربييييي غصبا عنها استسلمت لدموعها وهيه تحت لفراش رافضه حد ايشوفها بالوضع هذا
خليفه تم ايواقع مكتوم صديق فهد الي كان اينكت عليه وقاله فهد سوا حادث يقصد به انه دعم واحد بنغالي وتصاقعت روسهم
مكتوم وهو يضحك:هههه انته ماشفت الشرار الي طلع من روسهم
خليفه:الله يهديك يا مجتوم روعتنيه وقلت احنا هب ناقصين حوادث
مكتوم:هههه السموحه امزح معاك هاك فهيدان كلمه الريال مرتبش انه بيسافر
دخلت نور للشقه وراحت طلت على زايد الي بعده راقد وحطت القهوه والشاي الي سوتهن لشقتهم وقعدت تنتظر زايد بعد شوي ناداها وقامت رايحه له
زايد:وين رحتي؟
نور:هنا قريبه
زايد:ااااخ الشبريه مش مريحه ظهريه عورنيه
نور:هل تريد مني شيا ؟
هاتي العكاز وتعالي ساعدينيه اوقف
ساعدته على الوقفه وتمسك فيها وهو يقربها من حضنه لين صكبها اكثر في حضنه
نور:يـ يجب ان تسرع قبل ان تفوتك صلاة العصر
زايد وهو يبعدها عنه:وليش ما وعيتينيه يوم قمتي؟
نور:لا اعلم ربما انته لا تريد
زايد:خلاص عيل صلاتيه في ذمتج
تمت اطالعه وتجاهلته ملتفته طالعه عنه وهو يتبعها وهو يعكز متوجه للحمام
مر اليوم وخليفه وضح المزحه لنور وتسكر الموضوع بدون مايدرون ان اليازي درت بالحادث الي ماكان له صحه
بعد المغرب اليازي طلعت الهم وهم مجتمعين كلهم في هذي الشقه لاتساعها وتمت قاعده وبالعه قصتها شكلهم ولا كان شي مستوي اكيد ايمثلون جدامها عشان ماتحس بشي واكيد زايد بعد مايدري نفسها تسال لاكن عنادها مش اقل منعناد زايد ورفضة تسال وهيه ميته اتريد تعرف اي شي...حتى اتصالاته انقطعت معناته سو الحادث ياترا كيف اهو الحادث
بعد صلاة العشى حس زايد بارهاق وطلب من نور اتوديه الشقه صلى ونام على طول
.................................................. .......
خالة خليفه قررت اتزور نوره وتوقفها عند حدها دامها رفضت تعتذر تمت قاعده في الصاله وتنتظر وفجئه شافت ريال طالع من قسم الضيوف
وطلع برا البيت
زقرت الخدامه وسالتها منو هذا وقالتلها الخدامه انها ماتعرفه
الخاله:ووين مدام نوره
الخدامه: داخل غرفه ميبي سبح
الخاله:واااايه ياله بسترك منووو هالريال الي طالع جن البيت بيته
طلعت الخاله وعلى طوووول اتصلت على خليفه
خليفه:هلا خالتيه شحالج
الخاله:بخير يعنيه افداك الا بقولك ياولديه حاجه ومستحيه
خليفه:قولي يا خالتيه ولا تستحين انا مثل ولدج
الخاله :والله مادري شو اقولك يا خليفه...ا ا انته ماقلت ان خالة عيال اخوك مالها حد من القرايب
خليفه باستغراب:هيه مالها حد
الخاله:ولا حد ابدا اخو عم خال
خليفه:لا يا خالتيه مالها حد شو السالفه؟
الخاله:والله ياولديه انا ما اريد اظلم لبنيه بس انا كنت قبل اشوي في بيتك وشفت ريال طالع من قسم الضيوف وشكله ماخذ راحته وطلع ويوم سالت الخدامات قالن مايعرفنه وانه من الصبح داخل قسم الضيوف
وقف خليفه منصدم من كلام خالته:خالتيه انتي شو تقولين؟
الخاله:يالله انك ماتحطها في ذمتيه ياولديه انا ما اكلمك على انيه ام حرمتك لا انا اكلمك على انيه خالتك وسمعتك اتهمنيه اولا واخيرا وانته هالبنيه مادريبك من وين مضونها؟
حس بحراره قويه تطلع من جسمه
خليفه:انتي في البيت يا خالووه؟
الخاله:برا في الحوش
خليفه:عطينيه وحده من الخدامات
دخلت الخاله بسرعه داخل واعطت الخدامه التيلفون
خليفه:الووو
الخدامه:الو سير
خليفه:منو الريال الي دخل البيت
الخدامه:مافي معلوم
خليفه:متى يا
الخدامه:قبل واحد ساعه هو ييجي قول وين ماما نوره انا خبر داخل قسم ضيوف هو روح داخل وهو يغني صوت عالي
خليفه بصدمه اقوا:نعم نعم ايغني انتي ماقد شفتيه؟
الخدامه:لا باباه
خليفه:ومدام نوره وين؟
الخدامه :داخل غرفه
سكر في ويهها واتصل على نوره الي طلعت من الحمام وشلت التيلفون بسرعه
خليفه:انتي وين من الصبح؟
نوره:اتسبح
خليفه:الحيييين؟
كان الوقت عندها ضحى
نوره:فطامي زاعت عليه
خليفه:لاااااا وفطامي مره دوم اتزوع
نوره مستغربه من نبرة صوته:خليفه شبلاك ليش اتكلمنيه جذيه؟
خليفه:منو الريال الي كان عندكو قبل اشوي؟
نوره:ريال اي ريال؟
اهنيه عصب زياده وهيه تنكروصرخ:اي رااااال تسالينيه انا اي رياااال....زين يانوره زين انا ياي قريب وبعرف منو الريال هذا؟
سكر في ويهها وهيه مستغربه امنه
اتصل على اخوه:فهد متى بيي...؟؟لازم في اقرب وقت ايي
هذا الكلام الي سمعته اليازي وبدا قلبها ايعورها زياده شكل حالة فهد صعبه وايد وشكلهم بيبونه لندن شكل زايد
طلعت نوره للصاله وحصلت خالة خليفه كانت تريد تسال اذا في ريال ياهم وهيه ماتدريتجاهلت خالة خليفه وسالة الخدامه اذا حد ريال يا
وعلى طول تكلمت الخاله وتمت اتعق كلام قوي على نوره وتطعنها في شرفها وفهمت ليش خليفه معصب معقوله اهو لهدرجه شك فيها
الخاله:هيييه ضاحكه على خليفه من قبل ومادري كيف يبتي راسه والحين قاعده تلعبين لعوبج
نوره:براااااا طلعي برااااااا انتي حقيره
الخاله:واااااايه انا اتقولين اليه حقيره يامسودة الويه ماعليه ماعليه بنشووووف منيه اهيه الي برا
طلعت الخاله وهيه تتوعد وتهدد انهارت حينها نوره على اقرب كرسي وتمت اتصيييح الا الشرف هذا الي ماتخيلت انهن ايودنها فيه
##
##
##
ودمتم وديمه العطا
