• مرحبا ٬ في حال تعتذر تسجيل الدخول ، يرجى عمل استرجاع كلمه المرور هنا

رواية نور / للكاتبة : وديمة العطا..؛

دلع بنوتة

๑ . . عضو مخضرم . . ๑
التسجيل
3 ديسمبر 2007
رقم العضوية
8117
المشاركات
6,155
مستوى التفاعل
391
العمر
28
الجنس
الجزء الخامس والعشرون


بعد ماهدت نوره اتصلت على خليفه
خليفه بدون خاطر:الووو
نوره:انته اتشك فيه يا خليفه؟؟؟
تخربط خليفه
نوره:متصل تسال عن الريال علشانك شاك فيه؟؟
خليفه:اريد اعرف منوووه؟
نوره:وانا شدرانيه بخالتك وبنتها وبلاويهن
خليفه:نوره احترمي نفسج خالتيه وبنتها هب راعيات هالسوالف
نوره:ولا انا مثل ما تتخيل...انته تدري عمريه ماكان اليه علاقات ...بستخف الحين يعني وبسويليه علاقات...بعدين انته ماتدري انا شو يانيه من خالتك وبنتها
خليفه:يوم برجع بنتفاهم في هالموضوع
نوره:ياخساره ياخليفه ما كنت اتصور انك جذيه...شفت منك وايد وصبرت لاكن شكك ما اقدر اتحمله...الله يسامحكو الله يسامحك
وسكرت عنه عشان اتزيد الضيقه عنده
طلعت اليازي وشافت خليفه مش في حاله
اليازي:عميه شبلاك صاير شي؟
خليفه:لا ياليازي ماشي صاير
اليازي:الفجر قرب يطلع وانته مارقدت
خليفه:ماعليه برقد الحين
قام وراح لغرفته وتمت اهيه توسوس انه اكيد باله مشغول بفهد ياترا شو صار لك يا فهد؟


.................................................. ......


في المستشفي وقبل لا يتوجه فهد للمطار راح لروضه
مي:روضه فهد بيي
دخل فهد الي كان شال صنية حلاوا وباقة ورد دخل وسلم على مي وقرب من روضه الي صدت بويهها عنه للجهه الثانيه حبها على راسها وحط الي في يده وقعد على الكرسي بدون مايقول شي
مي:اصبلك شاي؟
طالعها فهد:صبي
تمو قاعدين ولازمين السكوت
مي:بتسافر اليوم؟
فهد:هيه
مي:زين سلم على نور واليازي
فهد:ان شالله
ورجعو مره ثانيه ساكتين بعدها بكم دقيقه وقف فهد
فهد:ياله انا بروح اتوصنيه في شي؟
مي:سلامتك
التفت لروضه الي كانت صاده عنه وقرب منها ورجع حبها على راسها وعيونه على عيونها
فهد:توصين في شي؟
ما ردت عليه وتمت اطالع تحت مشكلته مايعرف يعتذر
فهد:ياله فمان الله
طلع وهو متضايق ان الوضع بينه وبين روضه صار جذيه وعلى طول راح للمطار موصلنه مكتوم

بعد ما راح فهد بساعه دخل بدر عليهن وهو شال باقة ورد وكان الوقت ظهر
بدر:السلام عليكم
اعتدلت روضه وبدت دقات قلبها ادق ولفت الشال على راسها زين ابتسم الها بدر والتفت لمي الي ماقربت امنه وكان مستغرب
بدر:اخباركن؟
روضه:الحمدلله
كانت مي واقفه عند الدلال اترتبها وتشل بقايا اكلهن قرب منها بدر ولفها ناحيته وحبها على خدها
بدر:مافي سلام اليوم؟
ابتسمت مي:كنت اريد ارتب الصنيه
بدر:مروان ايريدج في الاستراحه ايقول يايبلج شي
رجع والتفت لروضه الي دخنت من حركتهم وعلى طول مي طلعت
روضه:هذي وين رايحه؟
بدر:مروان يباها
روضه:والله ومنو مروان عشان اتروحله؟
ضحك بدر:شبلاااج مروان اخويه؟
روضه:اخوك انزين مش ريال؟
بدر:اخويه ريال هيه نعم شو المشكله؟
روضه:ومي حرمه مش ياهل؟
ضحك بدر من الخاطر:ميمي لا لا حرام عليج ميمي بعدها ياهل توها السنه يمكن لابسه لحجاب
روضه:وليش لبسته مش لانها صارت حرمه؟
تم بدر ايطالعها مبتسم"فديت انا الحرمه اول شي اقنعينيه انج انتي حرمه
روضه:شبلاك اطالعنيه جذيه؟
بدر بابتسامه:علومج انتي ؟احسن اليوم؟

دخلت مي للاستراحه وهيه متردده
رفع مروان نظره الها وكان لابس لبس الشورت والفانيله الكت رغم ان الدنيا شتا وبرد لاكن شكله كان ايسوي رياضه
وهو قاعد كان ماسك في يده كيس امبين ان فيه حلويات وشبس وعصير
مروان:شوووه مابتسلمين عليه؟
تمت واقفه وماتحركت من مكانها متوتره ونزلت نظرها تحت
مروان:تعالي طالعي شو يبت الج
ورفع الكيس فوق عشان اتقرب
وميمي على نياتها قربت امنه وقعدت قريب
مد الها بالكيس وبعد تردد خذته
مي:شكرا
اهو ايريد يقهرها ويطنز ابها لاكنها اصدمته يوم اتجاوبت مع عطيته وكانها استانست بالي يابه
بطرف عينه تم ايطالعها
مروان:عجبج؟
مي تمت اطالع شو في الكيس الي كان شفاف وعرفت محتوياته
مي:هيه احب انا سنكرس
ضغط على قبضة يده بقو خاطره ايقوم ايكفخها والله استانست على الحلويات
وبعديييييين اظاهر انها صدق بيبي وانا مسوي الها سالفه
رجع ايطالع جدامه يعني متى بتتركها في حالها يامروان...انزين شو اسوي بهذا الي مغربلنيه وحاليه الي مهب حال
قام واقف:انا بروح
وعلى طول طلع مخلنها وراه وصدق بيشق ثيابه لورجع ولقاها تاكل من الحلويات

بدر:متى بتطلعين؟
روضه:مادري
التفت بدر للورد وصنية الحلاوا وتمت روضه تفكر في كلام ابوها البارحه يوم زارها..قال الها انه مفتضح في بدر
الي اكيد سالفتها بتضره في سمعته وهو محامي معروف وطلب منها اطالع اي طريقه اتخليه ايطلقها لان السالفه الناس بعدها تتكلم فيها وهو مقدر ان بدر رافض ايطلق عشان العشره والجيره بس الي صار بياثر على سمعة شغله
التفتت روضه لبدر:متى بطلقنيه؟
انصدم من سؤالها:بعده بكير على هالكلام
روضه:وليش التاخير خلاص الناس اتكلمت بما فيه الكفايه وهليه عاذرينك اذا بتطلق انا اشوف انها فرصه الحين مابتلاقي عقب فرصه احسن من هالفرصه ومنيه عشان تلحق على سمعتك
وقف بدر وهو يحس بغيظ
بدر:شوووه وصلتج اخبار عن الحبيب ان الي صار الج مابياثر بشي؟
سكتت وماردت وهيه خاطرها اتقول ان مافي حبيب لاكن عشانه وعشان الي قدمه الها وخوفا على سمعته تمت ساكته
بدر:اسمعينيه ياروضه انا طلاق الحين مابطلق مش علشانج ولا علشان التفاهات الي قاعده اتقولينها عشان ناس بينيه وبينهم عشره ومخوه ما بطلق لين اقرر انا ولوسمحتي اذا تبين الطلاق ايتم لا تيبين طاريته ابدا وخليج ماشيه في الدور طبيعي تحاملي على نفسج ومثلي دور الراضيه ويوم الانفصال اوعدج لا انا بتظرر ولا انتي اوكييييه
التفت عنها وطلع

.....................................

اول ما قام زايد من الرقاد التفت ايدور نور عداله وماحصلها اتذكر انه رقد قبلها طلع للصاله وشافها راقده على الكرسي
زايد:نووور ........نووور
قعدت بسرعه:اجل ماذا هناك؟
زايد:ليش مارقدتي داخل؟
اعتدلت وتمت تستوعب اهيه وين
نور:لم ارد ان ازعجك
زايد:هذي اخر مره اتسوينها
نور:حسنا
زايد:صليتي؟
نور:اجل
زايد:وليش ما وعيتينيه انا ماقلت صلاتيه في ذمتج
نور:هل تريد ان اجهز لك الافطار
كان ايريد يدخل لاكنه رجع وتم ايطالعها
زايد:ماجاوبتينيه؟
نور:لا اعرف كيف اوقضك؟
زايد:ااه يعني تستحين
احمر ويهها
وراح زايد داخل عشان يتوضا ويصلي
نور دخلت المطبخ وغسلت ويهها وبدت اتسوي القهوه والشاي وتجهز الفطور
طلع زايد وتم ايشوف ترتيبها للفطور
نور:هل تريد شيا؟
زايد:لا
نور:حسنا
وراحت داخل اتسبحت وبدلت ثيابها وطلعت له بلبس بنجابي رووووعه وهو جامع كل الالوان وكانت مثيره فيه وشعرها مفتوح
نور:الم تفطر؟
زايد واحاسيس غريبه تلهب قلبه ومشاعره:انتظرج
قربت نور وقعدت على الكرسي الثاني
زايد:تعالي قعدي عداليه
قامت وهيه منحرجه وقعدت عداله واول ما قعدت بشوي مد يده ودخلها في شعرها وسحبها ناحيته وهو يشم العطر الي ورا اذنها
زايد باستغراب:حاطه دهن العود!!!؟
نور:اجل هو عطر ابي الذي تبقا لي
تم ايطالعها ويده تشد شعرها شوي وشوي ترتخي في محاوله منه انه ايقاوم رغبه تقبيلها
كان كل مايلم اصابعه ينشد شعرها وتغمض ويوم يرخي اصابعه ويفردهن تفتح اعيونها وتم على هالحال شوي عقب تركها وقام
نور:الى اين الا تريد ان تفطر؟
بعصبيه رد عليها:وانتي تسمين هذا ريوق
نور:انه ماهو متوفر حاليا
زايد:ووين انا قالولج عايش عشان افطر هالفطور ...خليه حقج هذا انا بروح افطر في مكان ايعرفون هله الفطور المناسب اليه
نور محتجه:ولاكنك لست في حال يسمح لك بان تذهب اينما تريد
زايد:ومنو قال انيه ما اقدر اروح وين ما اريد ؟؟ سيري بس طلعيليه ثياب
قامت نور داخل ولحقها زايد وكانت اتساعده وهو يبدل ملابسه قربها امنه وهو متمسك فيها وهيه اتساعده وطغت ريحة العطر
زايد:مره ثانيه ياويلج ان حطيتي العطر هذا
رفعت نظرها له:لماذا؟
زايد:بس
نور:انه يذكرني بابي
زايد:وكيف تتذكرينه وانتي صغيره يوم ايموت؟
نور:اشعر بدفء وجوده معي
تم ايطالعها:هب صاحيه صدق...المهم طول ما انتي قاعده معايه وقريبه منيه لا تحطينه
نور:الاانك تستحقرني لاتريد ان اضع عطرا انته تحبه ايضا
التفت الها منصدم:انا استحقرج!!!؟
تمت عيونها ونظرها في عيونه المنصدمه
نور:اوليس الامر هاكذا؟
زايد:وكيف مستحمله اتمين مع واحد مستحقرنج؟
نور وهيه تنزل راسها تحت:انني اتالم لذالك ولاكن انته بحاجتي
قعد زايد على طرف السرير وهوايحس انه منهد وسحبها لحضنه
زايد:نووووور انا ما استحقرج...انا انا ...انا مادري شو فيه
غمرت نور لحضتها سعاده طيرت قلبها للسمابعد راسها عنه شويه وتم ايطالع ويهها
زايد:انا ما استحقرج ....بس انا وانتي مش لبعض ومافيه اعيد السالفه دامنج تتحسبين كلاميه
يعني انيه استحقرج
نور:هل تعني باننا سنفترق؟
زايد:انا عنديه طموح يا نور....ووجودج معايه مابيوصلنيه للي اباه...كرسي الشعب لازم اخذه ولازم الزوجه الي بتكون زوجتيه مستواها عالي في المجتمع يعني بنت سفير ولا وزير ولا واحد من الروس لكباريه
ولازم اتكون عربيه اصل
قامت نور بسرعه من بين حضنه واقفه وتفاجئ من حركتها ورفع راسه ايطالعها
زايد:زعلتي؟؟...انا اريد اكون صريح معاج
ابتسمت نور:حسنا افعل ما تشاء وهل ستطلقني عندما تنوي الزواج؟
زايد:يييعنييي ما اريد اظلمج معايه بحياه غير مستقره
نور:حسنا لا تطلقني الا عندما تنوي الزواج عدني زيد بذالك واعدك ان اكون كما تريد في السمع والطاعه
زايد:عادي عندج كل الي قلته؟
نور:ماذا تريدني ان افعل..؟؟.انته تريد ذالك...كما انه ان طلقتني ربما اعود الى ديار والدتي لن استطيع العيش هنا
زايد وكلماتها ايحس انه مش بالعنهن:وووين اتردييين؟
نور:هل تريدني ان ابقا؟
زايد:نووور ممكن ما نتكلم في شي الا في وقته انسي الي قلناه الحين كله
نور:حسنا...هل تريدني ان اخرج معك؟
زايد:لا خلاص مابطلع
نور:والافطار؟
زايد:بشرب قهوه ما اشتهي شي...ويمكن اروح التمارين
نور:اتريدني ان ارافقك
زايد:لا بتصل حق واحد متفق معاه ايينيه
طلع زايد بعد ماياه الريال وتمت نور وعقب راحت عند اليازي الي حست ان فيها شي وماطاعت اتقول الها شو فيها
على الظهر يا زايد وهو مرهق صلى وتغدا وعلى طول رقد العصر اول مايت نور اتوعيه فتح عيونه شوي شوي وتم ايطالعها
زايد:شووووه؟
نور:هيا قم للصلاه
زايد:اااااه
نور:هل هناك شيا يؤلمك؟
زايد:تعالي ارقدي عداليه
نور:الن تقوم للصلاه؟
زايد:بس خمس دقايق تعالي
نور بارتباك:الـ...اليازيه في الخارج جالسه
زايد بملل:شو يايبنها اهنيه؟
نور:هيييه اخفض صوتك...انها هنا لان عمي اخبرنا بان هناك رجلا سياتي من اجل رؤيتك:
زايد:بيي الحين؟
نور:ربما بعد قليل
زايد:ياله بقوم الحين
في شقة خليفه كان خليفه مجهز القهوه والفاله لصديقهم منصور الي مسافر من زمان لفرنسا ويوم عرف عن زايد قرر ايسافرله ويزوره وصار عند منصور ياليل الشقى يامنصور يوم شاف نور في المستشفي
اتلاقى الاصدقا بصديقهم ورحبو به واستانسو معاه طول الوقت اما نور واليازي كانن في الشقه الثانيه اليازي طول الوقت سرحانه وكم مره لمحت نور الها دمعه اتحاول تخفيها وهيه ذابحنها التفكير في فهد وان اجتماع الاصدقا الثلاثه يمكن عشان ايرتبون لموضوع فهد وكيف بيستقبلونه وشو بيسون؟؟افكار تاخذها وتردها وهيه كاتمه في صدرها
نور:اليازيه الى متى سوف تبقين على حالك هذا؟
اليازي:ليش انا شو فيه؟
نور:ارا انك مهمومه كثيرا هل تفكرين في امرا ما؟
اليازي:ااااه متى بيروح هالريال عيزت اريد اروح ارقد
نور:تستطيعين النوم هنا
اليازي:لاا اخاف زايد ايي الحين
نور:لا عليك سوف اوقضك ان حضر
منصور خذ علومهم وعرف ان الي شافها في المستشفي زوجة زايد بعد ماقالو له انها بنت عمه
منصور"بنت عمه وتشبهه مررره دووووم حضك يازايد يفلج الحصى واحنا مرره مالنا حظ في شويه من الي عندك اما هالزوجه تغني عن كل النعم الي انته فيها ااااه وليش ما احسدك وديه ان عينيه تصيب وتتركها يمكن ايكون اليه فيها نصيب
خليفه:منصور وين رحت تنحت جذيه؟
منصور:هاااه لا اهنيه اتخيل الحادث الي صار لزايد والله يوم شفناه قلنا مستحيل يطلع امنه
التفت له زايد:وين شفتوه؟
منصور:الاخبار كانت شغاله تعرضه ...لحضه انا صورت هذاك اليوم مقطع من التلفزون انته ماشفت الحادث زايد؟
زايد:لا
قام منصور وقعد عدال زايد ورواه مقطع التصوير الي عنده..ابدا ابدا ماتخيل زايد ان الحادث بيكون بهاذي الصوره السياره كانت منعدمه تم
ايطالع منصدم والاحساس الي كان ايحسبه قبل لا ينجلب رجع له كيف كان يحس انه مودع خلاص من الدنيا
التفت له منصور:والله انكتب لك عمر ثاني يازايد
زايد"معقووووله كل هذا استواليه وانا قايم كان ماشي صار....كيف عشت عقب الحادث هذا وكيف انا صاحي لين الحين
سحب خليفه التلفون من ايديهم:ياجماعه احنا ماهقينا نسينا السالفه ليش اتذكرونا ابها
تم زايد ايطالع عمه خليفه"وااااال ياعميه شفتو الويل معايه وبعدكم متحملينيه وصابرين عليه وانا ابدا ماجن شي صار...ونووووور نوووور شو كان حالها وحال الكل ايامها...انا كيف نجيت
زايد:خليفه...هات اليه العكاز احس انيه تعبان ومرهق اسمحوليه بروح ارتاح شويه
منصور:سلامات يازايد اخاف انك تعبت من شوفة الحادث
زايد:لا لا انا من قبل احس بتعب
منصور"دوم ان شالله ....عنبوووه ارضي قايم من الحادث ولا كان شي صارله"
راح زايد مع خليفه للشقه الثانيه ودخل زايد للغرفه ويوم طلع
نور:ماذا به عماه؟
خليفه:مادري ايقول انه تعبان...نور اهو ياكل ادويته
نور:نعم انني اعطيه اياها في اوقاتها هل هناك شيا عماه انني اراه تعبا جدا؟
خليفه:لا لا ان شالله بيرتاح وبيقوم مثل لحصان
بعد ماراح منصور انتكست حالة زايد وتم ايصارخ من الويع الي يحسبه في جسمه كله
على طول خليفه طلب الاسعاف وراحو اهو ونور معاه للمستشفي اما اليازي قالت الهم انها تعبانه وتريد ترقد
كانت نور تنتفض وهيه مع عمها واقفين في احد ممرات المستشفي
نور:مالذي اصابه عماه؟
خليفه:مافيه شي يانور كان مستانس ويسولف وفجئه من شاف الحادث في تيلفون منصور انجلب حاله
نور غمضت عيونها وهيه تقرا المعوذات واية الكرسي ويوم دخلت عند زايد الي اعطوه ابره مهدئه ورقد تمت تقرا عليه وتنفث
نور :اعيذك بكلمات الله التامه من كل شيطان وهامه ومن كل عين لامه
بسم الله ارقيك من كل داء يؤذيك ،من شر كل نفس وعين حاسد، بسم الله ارقيك والله يشفيك

في الوقت الي كان فيه خليفه ونور في المستشفي عند زايد وصل فهد وتم يدق الجرس
سحبت اليازي نفسها من لفراش بكسل ولفت شيلتها على راسها وراحت تفتح الباب عشان ترجع بسرعه ترقد
لاكنها اول مافتحت الباب وشافت الشخص الي كان متكي بيديه على حافة الباب وساند راسه عليه
فهد:مرحبا
تمت اطالعه منصدمه وحس فهد ان نظراتها فيهن شي اهو ياي ومشتااااااق الها مايدري انها يوم بتغيب عنه بيتوله عليها هالكثر وبيعرف انه كان ايحبها
فهد وهو يتقدم لداخل ويلاحظ انها تاخر خطوه لورا
فهد:شبلااااج شكلج ماتدرين انيه بايي؟؟
اليازي:انـــ انته ...انــــ
فهد:اليازي شبلاااج؟
حس انها مش مستانسه من شوفته وكانها اتقول ليش ييت وخربت عليه وناستيه
اليازي:لييييش لييييش اتسوووون فيه جذيه؟؟
صرخ عليها:قلتلج شبلااااج ماتريدينيه ايي يعني؟
اليازي:لاااا ما اريدك ...انتو ليش اتسوووون فيه جذيه قاصدييين تضحكون عليه؟
فهد مستغرب:انتي شو سالفتج؟
اندفعت اليازي تضرب فهد على صدره وهيه اتصيييح وتواقع
اليازي:انا مش لعبه عندكو مش لعبه تضحكون عليه اكيد انته قاصد اتسويبيه جذيه لييييش؟
فهد تعب منها وهو ايحاول ايهديها ويمسك ايديها الي تضربه:شبلاااااج ؟؟صكي عااااده انا هب ياي لج انا ياي بنا على طلب عميه رضيتي ولا مارضيتي
اليازي:ليش يجذبون عليه ويقولون انك سويت حادث؟
هدت اليازي وهيه اتصيح قريب حضنه وارتخت مسكته الي كان ماسكنها اياها بقو وقهر
فهد:شووووه؟ اي حادث؟
اليازي وهيه بعدها اتصييح:عميه قال انك سويت حادث وقال لنور ماتقول اليه انا سمعتهم وهم يكتمون على الموضوووع
تفاجئ فهد اكثر وهيه تحوط خصره بيديها وتحط راسها على صدره وتصيييح بصوت خافت
اليازي:انا انا فكرت انهم بيبووونك اهنيه نفس زااايد محد قال اليه شو السالفه بس انا سمعت عميه يقول فهد سوا حادث
اهو في حالة ذهووول وعدم تصديق من الي يصير له معاها قبل اشوي يوم شافها هاده عليه وتضربه لاح في باله يطلقها ويخلص من هالسالفه وشوي شوي التفت ايديه عليها
فهد:لا ياليازي السالفه كانت مزحه مع عميه
رفعت راسها وتمت اطالعه اتريد تستوعب اهو شو يقول عقبها التفتت عنه وركضت للغرفه
دخل اهو وهو بعده مش متخيل الي صار هل هيه تروعت عليه ولا شو سالفتها وتم قاعد في الصاله وينتظر حد ايطل عليه
بعد ساعه طلعت اليازي عقب ماهدت غسلت ويهها كذا مره عشان احمرار عيونها ايروح لاكن بعدها في اثار
قربت امنه واعتدل اول ماشافها داخله عليه وتمت واقفه عند الباب مفتشله من الي صار
فهد:عميه وزايد ويين؟
اليازي:راحو المستشفي شكل زايد تعبان شوي
فهد:شو فيه؟
اليازي:مادري
سكت وتم ايطالع للطرف الثاني
اليازي:ا ا اسويلك جاهي او ايبلك عصير؟
التفت الها مستغرب:هااه هاتي الي بتيبينه
التفتت عنه ودخلت المطبخ وسوتله سندويجات وكوب عصير وطلعته وحطته جدامه رفع نظره ايطالعها وهو يحس بوناسه خفيه ويرجع ايطالع الي يابته
فهد:مابتسويليه جاهي بعد؟
اليازي:اتريد؟
فهد:اذا ممكن
اليازي:انزين
وراحت للمطبخ وتمت اتسوي الشاي ورجعت له به وحطته جدامه وراحت تقعد على واحد من الكراسي وتمت اطالعه
فهد اول مره يتخربط من نظراتها شو سالفتها شكلها اتريد تتاكد انيه بعدنيه حي
دق الجرس وقامت فتحت الباب وكان خليفه الي رحب به وعلى طول راحت داخل
سئل عن زايد وخبره بالاحوال الي صارت له

فتح زايد عيونه وحس براس متكي عدال ذراعه
زايد وهو يتحسس هالراس:نووور
رفعت راسها:هل استيقضت؟
زايد:شو صااار؟
وقفت نور وابتسمت:حمدلله على سلامتك هل تشعر بشي الان؟
زايد:لاااا انا وييين؟
نور:لقد احضرناك الى المستشفي الا تذكر بانك كنت تتالم من وجع اصابك
زايد:لاااا ما اتذكر...خليفه وييين؟
نور:لقد عاد الى البيت
زايد:وانتي؟
نور:سابقى الى جانبك
زايد وهو يحس بضيقه من مواقفها معاه وهو مايستاهل :ليييش اتمييين ماشي دكاتره اهنيه؟
نور:انا لا اريد ان اتركك لوحدك
زايد:انا هب ياهل عشان اتمين كله لاصقه فيه ياله اتصلي على خليفه خليه ايرد ايرجعج
نور:لا املك هاتف ولا اريد العوده
زايد:بتكسرين كلاميه؟
نور:زيد انك تعب عليك ان ترتاح قليلا
زايد:نوووور انا ماريد شفقه خلااااص عاده انا صرت بخير ومافيه شي
نور منصدمه:لما تقول هذا زيد؟
زايد:هيه شفقه ولا مستحيل وحده عقب الي شافته منيه تستحمل الي انتي اتسوينه
نور:انته لا تريد الا ان تتشاجر معي
زايد:هيه وبتم اواقعج طول عمريه بتستحملين ولا اهيه فتره لين اتشوفينيه افتكيت وبتقولين مع السلامه
نور:قد اخبرتك زيد من قبل لا اريد الفراق الا عندما تعقد الهمه انته على ذالك
زايد:ممكن اتبندين الليت وتنقلعين برا
نور:حسنا
طلعت نور بعد مابندت الليت وتمت قاعد في الممر لين مامرت عليها حرمه مواطنه وسلمت عليها وقالت الها تقرب عندها في غرفتهم
الحرمه كان عندها ولد مريض حزنت نور على حاله وتمت اتوصي امه انها تقرا عليه دائما سورة البقره وعلمتها عن فوائدها ووعدتها الحرمه انها تلتزم بقرائتها كل يوم على ولدها
 

دلع بنوتة

๑ . . عضو مخضرم . . ๑
التسجيل
3 ديسمبر 2007
رقم العضوية
8117
المشاركات
6,155
مستوى التفاعل
391
العمر
28
الجنس
روضه طلعت من المستشفي وبعدها تعبانه من موضوعها مع بدر وكل مايتصل بدر اتقول لمي قوليله انيه راقده مش موجوده على كثر مايتصل ومايحصلها عرف انها ماتريد اتكلمه ووقف من الاتصالات

في اليوم الثاني طلع زايد ورجع للشقه وكانت نفسيته زفته ومحد يقدر يكلمه
فهد:عميه متى بترجع؟
خليفه:وين ارجع وزايد هذا حاله انا مادري ليش انجلب حاله من شاف الحادث؟
فهد:تمام
خليفه:زين انا بروح السفاره شويه عنديه شغل وبرجع
بعد ما طلع خليفه دق فهد الباب على اليازي وفتحتله تمت واقفه اطالعه وحج راسه اهو مايعرف شو يقول؟
اليازي:في شي؟
فهد:ا ا انا نسيت اييب فرشاه ومعجون ومشط وبعظ الاشيا من لعيله نسيتهن ...ماتدلين اهنيه جمعيه دكان سبرماركت
اليازي:في دكان صغير موجود اهنيه في المنطقه انا دوم اروح مع عميه خليفه صوبه
فهد:ووين مكانه؟
اليازي:اهنيه قريب...اول ماتنزل من الفندق اتروح يمين وتمشي ليييين اتحصل
وسكتت اتحاول تتذكر
اليازي:لا لا تمشي لين اتحصل ممرمش ممر واحد في ممرين الاول مادري الثاني اهوه
فهد:اليازي ترانيه مافهمت ادلينه انتي؟
اليازي:هيه
فهد:عيل ياله تعالي معايه اذا تقدرين اخاف اضيع
اليازي:انزين بلبس عباتيه وبييك
فهد بفرحه داخليه:اوكيه بنتظرج
بعد شوي نزلو مع بعض وهم ساكتين
فهد:اوووف برد انتي ماتحسين بالبرد؟
اليازي:الابموووت امنه
فهد:وليش ماتلبسين جاكيت
اليازي:ماعنديه
سكت ومارد عليها اظاهر وايد اشيا ياليازي ماتمتلكينها وان شالله بعوضج اياها قريب
فهد:هاااه اي طريق
اليازي:اظن هذا
فهد:اتظنين؟؟
اليازي:ههههه مادري والله يمكن اهو خلنا انجربه
ودخلو في الممر
فهد:وينه دكانج هذا
اليازي:شكله مش الطريق هذا؟
فهد:والحل
اليازي:نرجع
فهد:ووين نرجع انتي دخلتينا في متاهات انا الحين ما اعرف شرق من غرب
اليازي:هههههه
فهد:وبعد تضحكين
اليازي:انا ميته من البرد وين انروح الحييين؟
فهد:انا داري وين انروح تعالي منيه
ومد يده ليدها ومسكها وكانت قطعة ثلج وقف والتفت ناحيتها
فهد:يدج ثلج
وتم يفركها بين ايديه ومدت يدها الثانيه وكتتها بين ايديه ابتسم الها وصدت بنظرها للجهه الثانيه وشفايفها ترتجف وقلبها وكل شي فيها
وشوي ونزل عليهم مطر قوي تمت اليازي اتصارخ اتريد تندس عن المطر وماتعرف وين اتروح سحبها فهد لمظله قريبه من واحد من لبيوت وتمو واقفين تحتها كان ويهها كله مغرق وعباتها وشيلتها
وحتى فهد كامل خاس من المطر واول ما حطت نظرها عليه ضحكت بصوت عالي
فهد بابتسامه:اليوم انتي بس ضحكي شو تبينا الحين انسوي بعد ماضعنا وكبس علينا المطر
اليازي بابتسامه وهيه ترفع اكتافها:مادري
رفع فهد نظره لفوق:شكلنا بنخيس اهنيه
اليازي وهيه ترتجف:اااووو انا بردانه بمووووت
فهد:تعالي
فتح الها الجاكيت الي لابسنه من جدام يدعوها تنضم لحضنه
تمت اطالعه وبتردد اتقدمت شوي شوي وانكتت في حضنه وكان فهد مثل العطشان الها وهو يضمها بقو
امن وراحه وطمانينه حست واهيه في حضنه وتمو على هالحال لين وقف المطر
فهد :يزوووي
اليازي:همممم
فهد:وقف المطر
ابتعدت عنه وهيه اطالعه والتفتت اتشوف الطريق
اليازي:وين بنروح الحين؟
فهد:تعالي انا بشوف الطريق هذا
واول ماعدو من الطرق لقو الدكان جدامهم
اليازي:هذوووه بس كيف ييناه منيه؟
فهد:لانج درتي ابنا من الطريق الثاني والفندق ياحبيبتي اكوه مايباله كل هالدواره
اليازي:هههه انا اصلا ماقد رحت له الامره وحده وقلت اكيد بدله
ابتسم الها ومسك يدها رايحين للدكان
بتقولون شو ياب الدكان في لندن وفي ممرات عادي شفتهن اهناك والي يبيع فيهن هندي هههه

نور خلااااص وقفت طاقتها اليوم مع زايد وهو كل شوي صرخ عليها ولافر اي شي تيبه له
كان قاعد على طرف سريره وهيه واقفه ماسكه كوب الماي عشان يشرب دواه خذ الكوب وحذفه على الجدار ووقف ماسكنها بشعرها بيديه الثنتين
زايد:انتي ماتفهميييين متى متى بتفارجينيه وبتتركينيه في حاليه قلتلج ماريييييد شي
نوربالم من مسكته:يجب ان تاخذ الدواء
زايد:وان ماخذته شو بتسوين بتغرينيه اياه هاااه ياهل انا عندج ياهل...انا ابا افهم حاجه وحده بس انتي ليييييش اتسوين كل هاذا عشااااان شووووه
نور:انته زوجييي
زايد:وليش متزوجتنيه هاااه ليش...عشان سواد عيونيه هاا
نور:زيييييد انته تؤلمني ارفق بي
زايد:مابرفق بج ولا بتشوفينها الرحمه عنديه لين اتقولين لييييش اتسوين كل هذا معايه
نور ودموعها تنزل بقووعيونها مسكره وهيه تتالم من مسكته الي قام ايزيدها اكثر في انتظار ردها:انـــــــــا......انــ.....انا احبك زيد
ارتخت مسكته وكان اخر رد توقع يسمعه:شوووو؟
نور:انني متيمتا بحبك يابن عمي اقسم لك واعلم بانه بلا ابتليت به فليكن في عوني الله كل امر مومن يبتليه الله وكان ابتلائي بمحبتك
كان ايطالع ويهها المرفوع فوق بسبب مسكته لشعرها وشده لتحت دموعها ماوقفت تم يتاملها شوي وعقب زاد اكثر شده لشعرها
زايد:هذا الخربطان ماعاد اريد اسمعه....مافي شي اسمه حب ...في شي اسمه مصلحه وبس...ان كان لج مصلحه من الي تسوينه كله اختصري على نفسج وقوليه
نور:انا لا اريد زيد ....لا اريد محبتك ولا اريد شيا اخر ...وان كنت تريد فراقي فافعل ماتريد ...........ولكن عندما نعود
دزها بقو عنه وهو يحس بجسمه منهد ويرتجف وانكت في لفراش ايحاول ايهدي مشاعره وروحه المتخبطه وكل شي فيه اما اهيه ماهقت انه تركها تمت قاعده على الارض سانده راسها على طرف السرير وتكبت شهقاتها وهيه تحس ان طاقتها نفذت
 

دلع بنوتة

๑ . . عضو مخضرم . . ๑
التسجيل
3 ديسمبر 2007
رقم العضوية
8117
المشاركات
6,155
مستوى التفاعل
391
العمر
28
الجنس
الجزء السادس والعشرون


اخذ فهد واليازي كل الي يريدونه من الدكان وطلعو راجعين للفندق وفي طريقهم شاف فهد بوتيك صغير للملابس الشتويه
فهد:تعالي انطالع شوعند هذا
تبعت اليازي فهد وعجبها المحل وايد
فهد:اليازي شورايج في الجاكيتات هذي
قربت اليازي امنه اطالع الجاكيتات
اليازي:اتجنن بس شكلها غاليه وايد
وبالفعل كانت البضاعه غاليه واظاهر الها زباين خاصين
فهد:اي واحد فيهن حلو
اليازي:كلهن ايجنن
فهد:يعني اختارلج انا على ذوقيه؟
اليازي:اليه انا!!!لا لا انا ما اريد
فهد:بس انا عجبنيه وباخذلج واحد...شرايج في الاسود هذا
اليازي:حلو بس غااالي
تم ايطالعها:مايغلا عليج
شله فهد وتوجه للبياعه وتحاسب معاها وعقب طلعو وكانت اليازي مستااانسه وتحاول ماتبين وناستها

بعد ساعه من رقدة زايد قعد قاعد وتفاجئ ان نور على نفس قعدتها متكيه براسها على طرف السرير وهيه قاعده على الارض
تم دقايق ايطالعها وهو سرحان ويفكر في كل الي صارلهم وفي الكلام الي قالته هل صدق اهيه تحبه
قرب منها وهو بعده قاعد ودقها
زايد:نووور نووور
قفزت خايفه ورفعت نظرها ناحيته وتمت اطالعه
زايد:انااااا ايعااان اريد اكل
وقفت نور بسرعه:حسنا ساحضر لك الطعام
وطلعت بسرعه ولحقها زايد وراح يقعد في الصاله في انتظارها
بعد دقايق رجعت نور وهيه شاله صنيه فيها كل شي من الاكل سندويجات كيك وبسكويت وصحن صغير فواكه غير العصير وكوب النسكافيه
حطت الصنيه جدامه وقعدت اهيه ورا الطاوله على الارض مجابلتنه
زايد:ليش قاعده اهناك؟
وقفت على طول:هاا ..حسنا
التفتت عنه وراحت للمطبخ
اتبعتها نظراته وهو مستغرب شو فيها وليش اهيه قالت حسنا تم زايد ينتظرها يمكن تيب شي بعد لاكن نور تاخرت وايد مسك
عكازته وراح وراها للمطبخ وهو يعكز على العكازه طل براسه للمطبخ وانصدم انها قاعده على الكرسي في الزاويه وهيه سرحانه وشكلها حزين
زايد:نوووور
التفتت له مستغربه انه واقف في مكانه
زايد:ليش قاعده اهنيه؟
نور وهيه توقف:الا تريد انته ذالك؟
زايد:شووو انا !!!؟
نوروعيونها بدت ادمع:انته لا تريد رؤيتي انا ....سوف....
ماكملت جملتها وطاحت من طولها صرخ زايد وهو يقرب منها في محاوله انه يمسكها قبل لا اطيح لاكنه مالحق وطاحت على ارضية المطبخ
زايد:نووووور
حذف زايد العكازه وقعد على الارض قريب منها وهو يفرد ريله المجبسه
زايد وهو يحركها:نووور يانوووور....لحووووه شبلاهااااا
نووور نووور
دور زايد تيلفونه في جيوبه لاكنه مالقاه
زايد:نووور نوووور شبلااااج نووور
صرخ بصوت عالي على امل ان خليفه يسمعه
زايد:خليفاااااااااااااااااه....فهـــــــــــــــــ ـــــــــــــد
التفت الها وهو محصل صعوبه في قعدته على الارض سحبها وحط راسها على ريله
زايد:نوووور نوووور الله يخليج قومي عاده...شووو صارلج؟
فتحت نور عيونها شوي شوي ودمعتها تنزل بسرعه وتمت اطالعه وهيه راسها طايح على ريله
شهقت يوم عرفته وتمت اتصيييح
زايد:نوووور وبعدييين ليش اتصيحيييين؟؟؟
قعدت بسرعه وتمت تتكلم وهيه تزحف لين الثلاجه الي كانت قريبه منها وسندت ظهرها عليها وهيه اطلع كل الي في خاطرها عليه تمت اتلومه واتلومه وهو فاتح عيونه ايطالعها
زايد:انتي شو تقولييين ؟؟
نور ماسكتت وكملت كل كلامها الي كان كله باكستاني وماكان يفهم امنه غير مااااه وباااه
زايد:نووور عن الرطينه هذي انا ما افهم شو تقولين
تمت اتاشر له وتاشر لقلبها وهيه اتصيييح بحرقه وتهز راسها كانها تعاتبه
عصب عليها:بــــــــــس عاااده...قلتلج ما افهملج شو تقولين بتنطميييين ولا اعطيج كف على ويهج
نور ماسكتت لانها ماطلعت كل الي في خاطرها واستمرت اتعاتبه وتلومه وهو مش فاهم شي كان مستغرب وهو ايطالعها تتكلم بلغه ماتعود يسمعها منهالاكنه اخر شي ضحك
زايد وهو يضحك:ياحماااره اقولج ما افهملج
حطت نور ايديها على ويهها وانتحبت شوي
وتم ايطالعها وهو عاض على شفايفه مايعرف شو يقولها
بعدها رجعت اتكمل كلامها بعد بالباكستاني لاكن المره هذي كانت هاديه
وكان كلامها المره هذي وهيه تردد كلمة الله غيييير كانها كانت تضربه بكلامها في قلبه مايفهم شو تقول لاكن الكلام كان له اثره في قلبه
زايد وهو يقرب منها:خلاص خلاص عاده
مسكها ويرها لحضنه وتمت اتصيييح وهو يهديها
زايد:خلاص يانور خلاااص انا مابمد يديه عليج ولا بواقعج مره ثانيه خلاااص الله ايخليييج
تمت اتشاهق في حضنه لين هدت وهو يمسح على راسها ايهديها
هز راسه مستقرب كيف انه اول مره في حياته يتعاطف مع حد بالشكل هذا وهو مش فاهم شو سالفتها
بعد ماهدت كليا رفع ويهها له وتم ايطالعها وايطالع عيونها وويهها المحمرتلاقت نظراتهم مع بعض وابتسم الها
زايد:والله مافهمت غير ماااه وباااه والله هههههه
سحبت نفسها امنه بسرعه ووقفت وطلعت من المطبخ
زايد:تعاااالي وين بتروحين انا ريليه عويج والعكاز مادري وين عقيته
رجعتله
نور:ماذا تريد؟
رفع راسه الها:هاااه رديتي يعني بعدج تتكلمين عربي؟
نور:قلت ماذا تريد؟
زايد:تعالي ساعدينيه اوقف واعطينيه العكاز
قربت امنه نور ومدت ايديها له ومسكهن ووقف واول ما وقف مجابلنها اختل توازنه وطوقها بيديه على اساس ايسيطر على وقفته
زايد وعيونه في عيونها:احمممم اعطينيه العكاز
كان ايحس بفرحه داخله ومايدري شوسببها هل هو اعترافها بحبه
تركها ويابتله العكاز وراح لين الطاوله الي عليها الاكل
زايد وهو يقعد:مابتين تاكلين؟
هزت راسها بلااا
زايد:انزين قعدي
بصوت متشرط:سابقى في الداخل
وراحت عنه داخل
بعدها اجتمع الكل في صالة خليفه وحس خليفه ان نفسية زايد اوكيه لانه كان اينكت ويسولف مع فهد وياخذ علوم يدته
خبرهم خليفه عقب انه بيخلي حجزه في اليوم الثاني
نظرات خفيه كان يتبادلها فهد مع اليازي يوم ايكون الكل غافل وكان لهذي النظرات المفعول لتحريك المشاعر اكثر
اقترح عليهم خليفه انه ينقلهم لشقه وحده لاكن زايد رفض بحجة ان الشقق قريبه من بعض وان فهد واليازي هب يهال ينخاف عليهم
همس عقب خليفه لزايد ان الشيطان شاطر ويمكن ايصير شي
زايد:وصااار يااخي حرمته
خليفه:بس عرسهم ماجل يا زايد فهد وراه دراسه
زايد:ياريااااال دراسة شوووه وخرابيط شوووه وين احنا عايشين خلها تمشي
خليفه:انته اليوم هب صاحي...لا يكون وانته بحالتك هذي سويت شي
ضحك زايد:هههه لا يارياااال ...اورط عمريه معاها ليش وانا ادري اننا مابنتم مع بعض دوم
خليفه:شقصدك؟
زايد:قصديه واضح ...نور مش زوجتيه الدائمه يعني ماتصلح لمستوايه انا لازم اتزوجوحده على مستوا
خليفه:ونور؟
زايد:مادري شو بسوي معاها؟
خليفه:خماااااام وانته وين بتحصل وحده تسوا ظفرها
زايد وهو ايطالع جدامه:زوجتيه لازم اتكون على مستوا ووايدين الي يتمنون قربيه
خليفه:والله انا قلته من قبل الرمسه معاك ضايعه
على الليل تم زايد منسدح على الكرسي برا في الصاله ايتابع فلم وطلب من نور تيبله فراش لان الكرسي عجبه
نفذت طلبه ودخلت عقب داخل
فهد وخليفه بعد كانو ايتابعون فلم واليازي يتهم وتمت قاعده شويه واول ماحس فهد ان خليفه انتباهه للتلفزون استرق بعض النظرات الها وحست اهيه ان قلبها بدا ايدق وزاد توترها وقامت رايحه لغرفتها
على اليوم الثاني راح فهد مع زايد للتمارين الطبيعيه وطلع خليفه يشتري بعض الهدايا لليهال ول ول
وعلى الليل متاخر كانت طيارته وطبعا خليفه ماارتاح الا يوم نقل فهد للشقه الثانيه وطلب من زايد ونور ينقلون للشقه الي كان فيها عند اليازي كان الوقت في الامارات فترة الضحى
استقبله اخوه ابو فهد وراح معاه للبيت تم خليفه ايكلم ابو فهد عن احوال زايد واحوالهم اهناك
وبعد ما وصلو نزلو داخل
خبرت الخدامه نوره ان خليفه وصل ومعاه ريال كانت في المطبخ وطلبت من الخدامه تيب شيلتها ونقابها
طلعت وسلمت عليهم خليفه بدا قلبه ايدق من سمع صوتها لاكنه بعده الغيره ذابحتنه من سالفة الريال
ابو فهد:تعالي يابنتيه اقعدي....يابنتيه اسمحيليه ترانيه مقصر معاكم وانا والله ييت المره الي فاتت وحصلت اليهال بروحهم في حجرتهم وقعدت معاهم ويوم قلتلهم خالتكم وين قالو ان لبنيه الصغيره مريضه وزاعت عليج
نوره تمت اطالعه:انته...انته الي ييت هذاك اليوووم
وتلاقت نظراتها بنظرات خليفه الي كان متفاجئ ومنصدم
ابو فهد:اليهال ماقالو لج؟
نوره:لاااا انا انا قالت اليه الخدامه بس قالت ريال وماتعرفه مايا في باليه ان اليهال شافوك ولا هم قالو انهم شافوك
ابو فهد:هيييه كنت مستعيل عنديه شغل ولا جان رقبناج لين تطلعين
تلاقت نظراتها بنظرات خليفه الي حس انه مستحي منها
نوره بمزح:هههه ياعميه يبتليه الشبهات
ابو فهد:محشووووومه يابنت على انتي بنت عرب حشام وابوج ريال والنعم امنه ينقطع لسانه الي بيب طاريج بالشينه
نوره:ههه امزح معاك عميه اقرب بيبلكم لقهوه
ابو فهد:لا يابنتيه انا مستعيل بروح البوشيه....اليهال اخبارهم
نوره:الحمدلله يا عميه ازمه وعدت علينا ضربهم جدري الما وكل يوم واحد طايح مصخن بس الحمدلله كلهم الحين بخير
تفاجئ خليفه بالي يسمعه وتم ايطالعها:جدري الما وليش ما قلتوليه؟؟
نوره:مابغينا نشغلك وانته في سفر مع مريض
ابو فهد:هيييه يابنتيه فيج الخير وانتي ماقصرتي معاهم الله يحفضج الهم ويحفضهم الج
نوره:امييين يا عميه والله انا ماريد من هالدنيا الا نهم ايكونون بخير تراهم في الذمه وايتام
بعد ما التفت ابو فهد رايح اتلاقت نظراتهم مره ثانيه بس في صوت غثيث سمعوه مع طلعة ابو فهد
اميره وهيه مندفعه داخل:خلييييييفه
التفت الها متفاجئ:هلا اميره
وكانت امها وراها الي كانت مستغربه من الريال نفسه طالع من عندهم
نوره التفتت وراحت داخل
اميره:حبيبي حمدلله على السلامه
خليفه:الله ايسلمج يا اميره
سلم خليفه على خالته وهمستله:منو الريال الي طلع من تو؟
خليفه:اخويه ابو فهد
الخاله:هاااا اخوك!!!!!ّ
خليفه:عرفتيه يا خالتيه؟
الخاله:حشا عليه وانا وين قد شفته من قبل؟
خليفه:هب اهو الريال الي شفتيه المره الي فاتت طالع من اهنيه؟
الخاله:اهوووو؟؟؟ مادري يا ولديه انا ماشفته المره الي فاتت زين شفت زوله بس
خليفه بحرقه:يا خالتيه الريال الي شفتيه كان اخويه ابو فهد ياي يطمن على لعيال
الخاله:هييييه فيه الخير ياحليله....اااا انته علومك يا ولديه ان شالله ماتعبت من السفر
خليفه بخاطر متضايق:الحمدلله مانشكي باس
اميره:وليش ما قلت اليه انك بتي اليوم الله يسامحك
خليفه:عيل شدراج انيه ياي الحين
اميره بارتباك:ااا انا كنت يايه مع اميه نطمن على اليهال
خليفه:وليش يا اميره ماقلتيليه ان اليهال كانو تعبانين
اميره:هاااه تعبانيين منو قالك انا دوووم اشوفهم بخير ومافيهم شي
خليفه:كيف مافيهم شي والحراره لاعبه ابهم
اميره:جذب مافيهم الا العافيه
خليفه:فيهم جدري الماي وتقولين بخير مافيهم شي
انصدمت اميره:هاااه جدري الماي !!!؟؟؟ انا انا انا ما حبيت اروعك
سكت خليفه وهو يحس بغصه صار مش فاهم شي من حوليه
خليفه:اسمحن اليه بروح اتسبح وابدل ارتاحن البيت بيتكن
طلع خليفه فوق وكانت نوره طالعه من قسم الضيوف شاله فطامي الي توها واعيه
همست اميره:اميه سمعتي جدري الماي اخااااف اخاف يعادونيه
الام:يا خبلا انتي ضربج من زمان مايعادي مره ثانيه
اميره:اوف اشوا
الخاله بصوت عالي عشان نوره تسمع:اميره شترقبين فديتج الحقي ريلج وطالعيه توه ياي من السفر اكيد يباج عداله همزيه ودوسيه يمكن السفر هاد حيله والحرمه تعرف اتريح ريلها
اميره بخجل مصطنع:يوووه اميه استحي
الخاله:تستحين من شوووه تراه ريلج ياله سيري له
اميره:عادي اميه
الخاله:نعم عادي ريلج يابنتيه ريلج اتوكلي وانا بتم اهنيه اسنع المطبخ
اميره:ان شالله اميه
وركضت اميره صاعده السلم وحست نوره بروحها بتطلع تجاهلت الوضع وراحت المطبخ
مر الوقت وتمت نوره مع فطامي تنتظر رجعة اليهال من المدرسه واول مارجعو ودتهم داخل وبدلت الهم ملابسهم ورجعو للصاله عشان اتغديهم وسمعت صوت خالة خليفه اتواقع في المطبخ
دخلت نوره عليهم والتفتت الها الخاله
الخاله:شووو هالغدا هذا غدا اتسمينه
نوره:اسمحيلنا يا خاله مادرينا بييتكم وهذا غدا اليهال
الخاله:عنبوووه وراعي البيت شو تبون اتغدونه عيش ابيض ودياي مشواااي
نوره:الحمدلله على النعمه ...لا يهمج راعي البيت بنعوضه مره ثانيه والمره هذي طلبنا له سمج مشوي
الخاله:لاااا والله تبين اتاكلينه اكل مطاعم وخياس اسميه ما كله
نوره:عيل يا خاله ولد اختج اعتبريه في ضيافتج اليوم وطالعيله عيشه على كيفج امبونيه انا مش مسؤله عنه
الخاله:واااايه لا قويتي ماعليه يامسودة الويه انا بخليه ايسنعج عدل
نوره:لو تسمحين انا مش مسودة الويه واحشمي الفاظج
الخاله:والي سوييتيه مع الريال هب سواد ويه
نوره:لا هب سواد ويه انا حرمته وهو الي طلبنيه
وغياض الها
نوره:وطول ما انا حرمته ويريدنيه مابقول له لاااا...
الخاله:ماعليه ماعليه
طلعت نوره لليهال برا وهيه مقهوره من خالة خليفه ورفعت نظرها فوق وشافت خليفه نازل وشكله متسبح ومبدل لبسه بثوب عربي وبدون سفره كان فرحان وهو يشوف اليهال جدامه التفو حوليه وتمو ايحبونه ويلون عليه وهو ايحبهم بشوق وقلبه معورنه على اثار جدري الماي الي كان له بقايه على وجوههم
خليفه:فديييتكم ماتشوفون شر
احمد:عميه شو يبتلنا
خليفه:اووووه يبتلكم العاب وااايد صبرو اشويه
وراح خليفه للكيس الكبير الي كان حاطنه على الطرف وسحبه الهم وبدا ايطلع الالعاب
نوره كان قلبها منحرق وهيه تتخيل شو ممكن صار له مع اميره فوق...ماعليه يا خليفه تحرق قلبه عادي عندك وانته تدري انيه ماسلمتك نفسيه الا وانا اكن لك مشاعر
قرب خليفه من خالته
خليفه:اميره وين؟
همست له الخاله:راحت اتحط راسها فوق شويه
ابتسم وعيونه على لعيال وخااااطره ايوجه نظره الها وهو يدري انها قاعده على جنب بس حس انه مايقدر وخالته موجوده واخيرا التهت الخاله مع تيلفونها ووجه نظره الها لاكنه انصدم بنظراتها الحزينه الي كانت اطالع ابهن تحت وكان هم كبير على راسها
نزلت اميره من فوق ورفعت نوره نظرها الها وشافتها طاويه ليلال على راسها ومتحجبه باحكام مثل الي ماتريد حد يدري ان شعرها خرسان وزاد ويع قلب نوره
قربت اميره وقعدت ورا امها مثل المستحيه خبيثااااات
الخاله:اه انتي شو سويتي وين كنتي؟
اميره:اميه شبلاااج ماصار شي؟
الخاله:وشبلاااج متلفلفه بالشيله جذيه؟
اميره:اميه بلاااج خلينيه احرق قلبها
الخاله:يعل قلبها الحريقه ...ماسمعتي شو قالت اليه...عقب عقب بقولج
قامت نوره ودخلت داخل وتمت قاعده على طرف السرير عقب ركضت للباب وغفلته وهيه تستسلم لدموعها طالعت نفسها في المرايه وتكلمت
نوره:انتي ليش اتصيحين بالطقاق الي يطقهم تراها حرمته وانتي تدرين من البدايه انج يايه حق اليهال بس
رجعت وجاوبت على نفسها:هيه صح انا كنت راضيه بالوضع هذاك بس اهو الي خلف الاتفاق اهو الي تم يحرك احاسيسيه ويتقرب منيه لين صار الي صار انا مش لعبه عنده يلعب ابيه على كيفه وفي الاخير قاعد يقهرنيه
اهو الي تم يترجانيه ويقربنيه امنه اهو يدري انيه ما استسلمت له الا وانا اكن له مشاعر غييير ليش ايسوي ابيه جذيه وفوق هذا عقب ما خذ الي يباه
ايقوليه انسي الي صار انا شوووه ماعنديه احساس امفكر اهو مش كفايه الي سواه فيه ...مش كفايه انه خلانيه اسقط الي في بطنيه
خلاص يانوره خلاااص اقلعيهم وخليج مع عيال اختج هم اهم ....اخليهم كيف مهما كان انا انسانه بشر احس ما اقدر اتجاهل مشاعريه ما اقدر اتجاهل انيه بمووووت من قربه منها اهيه ماتستاهله
حاجه وحده اعرفها ومصره اسويها انيه بحرق قلبها عليه وبحرق قلبه ..هيه خليه ايعرف ان الله حق والله لا اخليه مايعرف راسه من ريوله
غمضت اتصيح وحطت ايديها على ويههها
وبعدين شو بتستفيدين من هذا كله تبين تفترقين عن اليهال...اكيد ان كل الي بتسوينه بيكون له اثر على حياتج معاهم
.....ماعليهم شر الله بيتوكل ابهم وانا بحاول انيه ما ادخلهم بالسالفه

الخاله برا اتصلت على البيت ويابو الغدا وغدت خليفه وتمت تتكلم عن نضام الطبخ عندهم واشتكت من نوره الي قالت الها انا ماليه خص فيه وانتي دبريله غداه
تم خليفه ساكت وما قال شي
عقب قعدت اميره معاه على جنب وفتحتله موضوع العرس
خليفه:ماعليه يا اميره قريب ان شالله...خلي زايد يرجع اول وتستقر الامور
اميره بخجل:انزين خلنيه انا الفتره هذي ازدهب واجهز للعرس
ماعرف خليفه شو يقول ووعدها باجر يسحب الها فلوس عشان تزدهب....معقوله ياخليفه من عقب ماكنت تترجى اميره تملج ومييت على هالسالفه صار الامر الحين عادي حتى موضوع الزهاب عااادي شو الي صار
يابت الخاله الغدا الي طلبته وتغدا خليفه وغدت الخدامات العيال وكانت نظرات الخاله عليهم
الخاله:ماشالله لعيال مستكينين حق الخدامات مره مايبون عبالة حد عليهم..وانا دوم القاهم مع الخدامات
احساس خليفه بدا يزيد ان خالته تلمح ان نوره مالها لازم ففضل السكوت وعدم الرد عليها متجاهل كلامها
اول مره يحس خليفه ان خالته واميره كاتمات عليه وهن مصرات بالقعده وماخذات راحتهن قامت الخاله عقب للمطبخ تصدر اوامر فيه وتمت اميره مع خليفه قاعدين يشربون الشاي
اميره:ياااالله متى بايي وبتم عندك اهنيه على طوووول ..حبيبي وين بنروح شهر العسل
لا لا هذا فوق احتماله:يا اميره بعدنا ريضين على هالكلام
وقفت اميره معصبه:انته مره مش معاااايه وين قلبك بتقول اليه
زجرها:اميييره
رجعت اميره وقعدت على طرف مسويه نفسها زعلانه:خلاص خلاص انا انجب واسكت انته ابدا مش خليفه الي احيده
زفر خليفه وقام وقعد عدالها
خليفه:شبلاااج ...الحينشو صار منيه انتي تتخيلين شي ماصار
سكتت والتفتت عنه للجهه الثانيه
خليفه:اميره ...وبعدين طالعي ياي صوبيه
كانت واقفه وراهم وعيونها عندهم اتريد اتشل فطامي عشان اترقدها ويوم شافت الخاله طالعه شلت لبنيه ودخلت داخل
مازال خليفه يترجى اميره تتكلم معاه وهو يحس بتانيب الضمير ناحيتها
الخاله من وراهم:حسبي الله عليها
التفت خليفه واميره للخاله:شبلاااج يا خالتيه
عنبووووه كيف قاعده اطالعكم وعيونها بتطلع من راسها
وقف خليفه ومشى ناحية خالته:منيه هذي يا خالتيه
الخاله:هذي خالة عيال اخوك
خليفه متفاجئ:كانت اهنيه؟؟
الخاله:يا ولديه جذيه مايوز انته لازم اتخلص الملحق حقهم هذي بتضر بنتيه باجر من الغيره ماشفتها كيف كانت اطالعكم
احاسيس غريبه بدت ادب فيه وهو يتمنى صدق انها غيرانه او انه يعني الها شي
خليفه:لا لا يا خالتيه غيرةشوه الي تتكلمين عنها...اهيه ماتريد شي غير انها اتربي عيال اختها خلنها في حالها
الخاله :قومي قومي يا اميره خلينا نمشي الحين ابوج اكيد بيرد من عزبته
اميره:اميه انا بتم
الخاله:لالالا يابنتيه قومي ياله ان كان يباج ايدل البيت
ابدا ماعارض روحتهن وشكرهن على الغدا وبعد ماراحن التفت لعيال اخوه وتم ايلاعبهم وسال عن فطامي وقالوله ان خالتهم شلتها
انسدح قريب منهم وتم ايفكر لين ماغفت عينه
العصر طلع مع عيال اخوه وصلو ورجع على امل انها تطلع ويشوفها على راحته لاكن نوره تمت طول بقية اليوم داخل وما طلعت وهو مسنتر في الصاله ماتحرك يمين ولا شمال لين ماغط الليل ومافي فايده من شوفتها

...................................
 

دلع بنوتة

๑ . . عضو مخضرم . . ๑
التسجيل
3 ديسمبر 2007
رقم العضوية
8117
المشاركات
6,155
مستوى التفاعل
391
العمر
28
الجنس
دخلت اليازي على نور الغرفه المخصصه الها ولزايد وكانت الغرفه الكبيره ولقتها اترتب الملابس في الكبت
اليازي:ماخلصتي
نور:على وشك
اليازي:ياحليله عميه كان مسولنا جو الحين هذولا كله برا في التدريب ولا قاعدين في الشقه الثانيه
كانت نور تسمعها وهيه متضايقه من الضيقه الي تحس فيها في صدرها هذا الشعور تكرهه ودائما يوم تتكدر من شي اتم اتكلم نفسها وتقنعها ان هذا الشي مايستاهل واتم اتهديها لين تطلع الضيقه لاكن الحين من الصبح وهيه تحاول مع هالنفس لاكن مافي فايده الضيقه بعدها موجوده وعرفت ان هذا بلاء مش هين
نور:استغفر الله ماذا افعل
اليازي:نور شبلاااج
نور:لا اعرف اشعر بانني لست بخير
اليازي:شو يعورج
نور:لا اشعر بالم ولاكن لا اعرف مالذي اريده
اليازي:يمكن مارقدتي زين خذيلج غفوه
نور :ربما
اليازي:زين عيل انا بروح اشوف التلفزون
طلعت اليازي ونزلت دموع نور على طووول
نور:يا الاهي لا اريد الامر ان يصل بي الى هذا الحد
وانكتت بسرعه في لفراش وهيه تستسلم اكثر لدموعها وعبراتها
نور:انه الشيطان اعلم ذالك...اعوذ بعزة الله وقدرته من شر ما اجد واحاذر...اعوذبالله من الشيطان الرجيم
اندق جرس الشقه وقامت اليازي وفتحت الباب وكان زايد متكي على فهد وشكله تعبان
اليازي:شبلاااه؟
فهد:ماشي ارهاق شويه وين حجرته
اليازي:منيه
مشت اليازي جدامهم واول ما وصلو للغرفه
اليازي:نور داخل اكيد انها رقدت بعد اهيه شكلها تعبانه
زايد:شبلاها؟؟؟
اليازي:مادري اتقول انها مش بخير
زايد:خلاص فهد عطنيه العكاز انا بدخل بروحيه
التفت زايد ايريد يدخل ومسك فهد يد اليازي ويرها معاه للصاله واهناك التفت الها وسحبت اهيه يدها اتعدل حجابها ابتسم فهد
فهد:عن منوووه تتحجبين؟
اليازي:هااه عن زايد اكيد
فهد:خلاص راح داخل
اليازي بتوتر:انزين ماعليه
فهد وهو ايطالعها وقلبه ايدق من توترها:شبلااج
اليازي:مـــ مــاشي
فهد وهو يفكر ومايعرف شو يقول:ا ا تبينا نطلع نتمشى
اليازي:هاااه عادي؟
فهد:في حد بيمنعنا؟
اليازي:مااادري؟
فهد:اوكيه انتظرج والبسي جاكيتج
اليازي بتردد:انزين كيف بنروح ونور وزايد شكلهم تعبانين
فهد:يعني شو بنسوي الهم هم خلاص دخلو يرقدون وزايد تعب شويه من التمارين زادوها عليه اليوم
اليازي:مادري
فهد وهو طالع :لا تبطين


اول ما دخل زايد تم يعكز على عكازه وهو تعبااان ومافيه حيل دار للجهه الثانيه ويحس قلبه انشغل عليها
حط العكاز وقعد على طرف السرير وكشف اللحاف وهو ينكت عدالها وكشفه اكثر ايريد ايشوفها وتبادلت معاه النظرات وعيونها خرسانه من الدمع
زايد:نووور شبلاااج؟
اعتدلت قاعده:لا شي
دقات قلبه بدت اتزيد وبقو
زايد:كيف مافي شي ليش اتصيحين؟
نور وهيه اطالع جدام:هيا زيد لا تزد مافي قلبي من اوجاع
ونزلت دموعها اكثر
تم ايطالعها لثواني عقب انسدح والتفت عنها للجهه الثانيه
قربت امنه وهمستله:اريد البقا مع اليازيه في الغرفة الاخرى
زايد تم ساكت اول شي
نور:هل استطيع البقاء هناك؟
زايد بنبره حاده:كيييفج تمي وين تبين
انسحبت من عداله وطلعت
كانت اليازي توها تستعد للطلعه
نور:الى اين؟
اليازي:ا ا فهد قال اليه انروح نطلع اشويه نتمشى
نور:هل تريدين انتي ذالك؟
اليازي:ضقت من القعده في الشقه
نور:حسنا ولاكن انتبهي الى ان الجو في الخارج بردا قارس
اليازي بابتسامه:لا ماعليه خذت اليه جاكيت ياله باااي
نور بابتسامه:في حفظ الله
استانست نور وهيه تشوف اليازي بعد كل الي كانت اتقوله عن فهد انها بدت اتلين معاه
توضت وفرشت سيادتها وتمت اتصلي وبعدها قعدت تقرا قراءن وهيه تدعو الله ان الضيقه الي في صدرها اتروح
بعد نصف ساعه حست براحه شوي وحست بقلبها رفرف وهيه تحس ان في حد فتح باب الغرفه عليها وطل براسه متاكده انها مش اليازي اهو ميه بالميه بس شو الي يابه و ليش ماتكلم ولا حسسها انه ياي ايشوفها وسكر الباب عليها وراح
تمت اشوي لازمه الاستغفار وعقب طوت السياده وطلعت وحصلته قاعد ايشوف التلفزون
التفت الها وابتسمت له وهو ايحس بقلبه انتعش بابتسامتها
نور:هل احضر لك شيا؟
زايد:لا
وكان يشير بيده عداله عشان تي وتقعد عداله
اقتربت امنه بتردد
زايد وتوه انتبه انه اشار الها تي عداله وبعد ماقعدت:اليازي ويين؟
نور:خرجت مع الفهد
ابتسم زايد:انتي الاسامي على كيفج اتقولينها
نور:ماذا تعني؟
زايد:زايد صار زيد واليازي اليازيه وفهد سميتيه الفهد
نور:هل اخطات في ذالك
زايد:لا يعني عادي اناديج نوار او نوره او نوير هههههه
ابتسمت نور وهيه اطالع تحت
زايد:هااه شو عجبج من الاسامي
نور:ادعوني كما تريد
زايد وهو متعجب على قدرتها تغيير مزاجها بسرعه:تدرين يمكن باجر ايعقون الجبس عنيه
نور:وهل ستستطيع المشي عليها
زايد:ايقولون بيسوليه تمارين الها وعقب ان شالله بنرد
نور:اتمنى ذالك فقد اشتقت لجدتي
زايد وذكر يدته بعد انعش قلبه:فدييييتهاا احس ماروم اكلمها وانا بعيد عنها
وقفت نور:هل احضر لك عصير تفاح
زايد:هاتي

فهد واليازي كانو في الهايد بارك وفهد شل معاه قبل لا يطلعون بقايا خبز وسمون وطلب من اليازي تيب عيش واستانست اليازي مع البط والحمام وهم ايكلونهن كان فهد ينثر حبات العيش عليها
ويركض عنها عشان اتحل عليها ملايين الحمام واليازي اتصارخ من الروع



..................................
على المسا نزل خليفه من فوق متوجه للمطبخ وكانت نوره توها طالعه انحشرو مع بعض عند الباب ومر خليفه من جدامها وعيونه عليها وهيه مسنده راسها على حافة الباب في انتظار ايمر لاكن خليفه عوره قلبه من حركتها كانت مغمضه وصاده بويهها وكانها مشمئزه من الي مار من جدامها
وبعد مامر تحركت اهيه رايحه بسرعه لقسم الضيوف تم خليفه واقف في المطبخ متخربط على الاخر ليييييش ليش سوت جذيه اظاهر ان الفجوه بينهم صارت كبيره خلاص
مر اسبوع وخليفه خلاله مش
قادر يلتم مع نوره في مكان كل مادخل وكانت موجوده تروح بسرعه عنهم
واميره ماقصرت في الزيارات والتلميح لنوره عن استعدادها وتجهيزاتها للعرس اما نور والبقيه كان يومهم نفس اليوم ايمر عليهم الصبح زايد وفهد في التمارين ومن بعد مايرجعون يرقد زايد شويه وعقبها ايتم طول اليوم
مع فهد في الشقه الثانيه لقاءات بسيطه يلتقيها فهد مع اليازي من بعد طلعتهم المره الي فاتت
في ليله من الليالي وبينما كان فهد مستانس بتطور العلاقه بينه وبين اليازي طرشلها اول مره رساله فيها "فدييييييت الضحكه انا اليوم ...صدق اتخبلت عليها"الرساله خلت اليازي تختبص على الاخر وانسحبت من لفراش بشويش بدون ماتحس نور وطلعت للصاله طبعا نور كانت تقضي لياليها عند اليازي من بعد ماطلبت من زايد هذا الشي
قعدت اليازي في الصاله وعيونها على التيلفون
اليازي:هذا مينوووون استخف اكيد
فهد"انتي راقده ولا واعيه
اليازي"واااااعيه
فهد"وشو تسوييين؟
اليازي"ماااااشي
فهد"ليش مارقدتي
اليازي"ناس ازعجونيه
فهد"ماينلامووون وهم ايفكرووون فيكم
اليازي"انته استخفيت
فهد"اتسمين الشوق استخفاف
اليازي"وبعدييين
فهد"حرام يعني اقول الي في خاطريه
اليازي"من متى ؟
فهد"من زمن يوم الطفوله
اليازي"اتنكت
فهد"ويوم الوقت احلام وتصور
اليازي"شرايك اتحط راسك وترقد
فهد"تبين ترقدين؟
اليازي"ايقولون
فهد"تصبحين على خيييير والله يصبرنيه لين اشوفج باجر
اليازي"مينوووون
وعلى هالحال في اليوم الثاني مايحصل فهد فرصه يستفرد فيها مع اليازي لالتزامه بزايد طول اليوم لاكنه ازعاج الها في الليل بالرسائل وكانت رسائلها له كلها جاافه

.................................................. ....


كانت اميره وامها كالعاده في بيت خليفه وكان خليفه قاعد معاهن فترة الضحى واميره تتكلم عن كل الي جهزته
وشكلها جهزت كل شي وبسرعه
التفتت انظار خليفه لنوره الي طلعت من قسم الضيوف وهيه لابسه عباتها وماسكه النقاب في يدها ومرت من عدالهم رايحه المطبخ
همست الخاله:لا اله الا الله السلام لله
تم خليفه ايطالعهن وفضول قوي فيه ايريد يعرف وين بتروح
الخاله:وانته مره فاجلها راسها اتروح وين اتريد بدون شووور ولا مشاور
قام خليفه وراح عنهن رايح للمطبخ وشاف نوره وهيه تقعد على الكرسي
نوره:ماقال متى بيي؟
خليفه من وراها:منو هذا؟التفتت له نوره ووقفت اتريد تطلع
خليفه:وين كنتي اتريدين اتروحين؟
نوره:مابروح مكان خلاص
لاول مره مسكها والتفتت له
خليفه:اتكلم معاج ...وينكنتي بتروحين
نوره بدون نفس:اريد اروح عيادة الاسنان والدريول طلع مش موجود
خليفه:ليييش
نوره وهيه تسحب يدها من يده:ضرسيه ايعورنيه
وحطت يدها على مكان الويع
خليفه:وكنتي بروحج بتروحين؟
نوره:لا طبعا باخذ الخدامه معايه
خليفه وهو ايحط ايديه في جيوبه:وايد ايعورج
طالعته بنظره ذبحته:هيييه وااايد
تخربط:انزين ارقبينيه بروح اييب سويجيه وبوديج
تمت ساكته لو ماكانت اميره وامها اهنيه ماخلته بس قالت بتشوف شو بيسوي معاهن
اميره باحتجاج:والدريول وين خله ايوديها
خليفه بتوتر:محد طرشته العزبه
اميره:وهيه ماعرفت اتروح الا الحين
خليفه:ماكانت تدري ان الدريول مش موجود
اميره:ايوووا وانتم احنا اهنيه بروحنا
خليفه:اميره ترا البيت بيتج ماعليج خذي راحتج
اميره:اخذ راحتيه وانته معاها
خليفه:لحووووه بنرد على نفس السالفه
خلاهن وطلع
الخاله:يا العنز اسفهيها لا تحسسينه انج اتغارين منها خليج واثقه من نفسج
اميره:يا اميه خليفه مش اهو الاولي
الخاله :انزيين لازم اتردينه ولغاثتج هذي اهيه الي بتخرب عليج
ركب خليفه وركبت نوره عداله وبدا القلب يستطرب لقربها
خليفه في خاطره"لاااا هذي الاحاسيس مش معقوله ياربي شو اسوي متى بيكون الامر عنديه عادي
خليفه:في مكان معين تريدين اتروحيله
نوره:مادري قلت بقول للدريول ايودينيه اي عياده
خليفه:خلاص عيل انا بوديج عياده الدكتور من ربعيه
نوره:اريد حرمه
خليفه:موجوده اكيد
كان ايحس ابها انها متالمه وايد من ضرسها
خليفه:من زمان ايعورج؟
نوره:من يومين الصبح يهدا الويع وفي اليل ايزيد
خليفه:فارقت ويع الضرس مادانيه
تمت نوره ساكته وكان على امل انها تكمل معاه كلام
وصلو للعياده الي كان شكلها راقي وماتخيلت نوره انها في يوم اتكون فيها على طول فتحو الها ملف
وبعد ماتوجهو للعيادة الاسنان طلب خليفه دكتوره واعتذرو انها مش موجوده
رجع خليفه الها:نوره الدكتوره مش موجوده والدكتور عواد وايد زيين اهو كبير في السن هااه شقلتي
نوره بتردد:مادري
خليفه:ياله خلينا نتوكل على الله مابنحصل عياده احسن من هذي
هزت نوره راسها موافقه ومشت مع خليفه الي كان بس ايحس بوجوده معاها شي ايجنن
في غرفة الفحص دخلت الممرضه وطلبت من نوره تنسدح على كرسي الفحص
لفت نوره نقابها وغطاها وتحجبت زين وانسدحت على الكرسي وعيون خليفه عليها مكيفه من شوفتها
غمضت نوره عيونها وقرب خليفه منها ايطالعها واول مافتحت عيونها اتلاقت بعيونه اختبص
خليفه:ا ا الحييين الحيين اكيد بيي الدكتور
لفت بنظرها للجهه الثانيه
خليفه"ويل حاليه والدكتور بيتم يتملق فيج من كل هالقرب ماعليه ماعليه تراه الا شيبه
لاكنه تفاجئ بدخول شاب طويل حليو
الدكتور فواز:مرحبا كيفكو
تم خليفه ايطالعه وعيونه بدون احساس راحت لنوره
خليفه:اهلين
مد الدكتور يده لخليفه ايسلم عليه ورد خليفه ايسلم عليه
الدكتور:انا الدكتور فواز ابن اخوه للدكتور عواد
خليفه:اهلا وسهلا
التفت الدكتور على طول وسحب الكرسي وقعد عليه
الدكتور:شو فيها الصبيه
كانت نوره متفاجئه من الي قرب منها وخلا ويهه مجابل ويهها في انتظار تفتح فمها وجهت نظراتها لخليفه الي اهو اختبص اكثر منها
وماكان وده ان الدكتور هذا ايقرب منها ناااار حس ابها اشتعلت في صدره لاكن ماكان عنده وقت ايعارض ولا يسوي شي والدكتور على طول سحب العده وقرب الليت من نوره مطالب منها تفتح فمها
غمضت نوره عيونها واستسلمت للامر وهيه تفتح ثمها وطل اهو بنظاراته المكبره في ثمها وقرب صدره منها اكثر
شوي ويدخن خليفه من الي ايشوفه جدامه هذا وييين داز بالويه ومصدق عمره وهو مقرب منها
الدكتور يسال نوره:هيدي السن
نوره:ايوا
الدكتور:هاذا بده ينشل ..مشالله اسنانك عم بتجنن لاكن هدا السن طالع على جنب ومسبب الالم ثواني بس البنج راح يعمل مفعوله واشيله
خليفه ولع"جنانوه تاخذك امين من وييين طالع اليه
قام الدكتور بعد ما اعطى نوره الابره عشان البنج وكان سريع في شغله واتوجه للباب
الدكتور:ثواني بس وراجع
طلع وعلى طول قعد خليفه على الكرسي الي قام امنه الدكتور وقرب من نوره فتحت عيونها وتمت اطالعه مستغربه
تم ايطالعها منالقرب هذا الي يطالعها فيه الدكتور نوره كانت حاطه يدها على خدها
خليفه:ماجن الدكتور وايد لاصق فيج وهو يعالجج
تمت اطالعه مستغربه
خليفه:لا طالعينيه جذيه مستانسه انتي على قربه اظن ريحة عطره ترست راسج
مازالت اطالعه وهيه منذهله ...لاااا اظاهر هذا مصر يشكك في سلوكياتيه هذا وهو الي يايبنيه اهنيه
ماردت عليه لان الدكتور دخل وقام خليفه الي مايدري شو صارله
خليفه:الدكتور عواد وين؟
الدكتور:عمي راح لدبي شووو انته ماعندك ثقه في خبرتي انا تلميذو لعمي واساليبي مطوره كتير
قعد الدكتور وقرب من نوره والمره هذي قربها اكثر وهو يبتدي عملية خلع السن
نوره ماكانت تدري ان الامر بيوصل لخلع السن وضربها خوف من الموضوع لاكنها كتمت خوفها وهيه ميته اما خليفه الي صدق انحرقت اعصابه تم واقف بعيد في انتظار انه ايخلص لاكنه قرب اول ماشاف يد نوره تتخبط حوليها اتريد تمسك في شي ومسك يدها
بين ايديه حاضننها بقو حست نوره ان روحها ردت وهيه ميته من الخوف وخليفه كانت فرحته بيدها اكبر وهو يحس ان غيضه
طاااار مع ملامسته ليدها رجفة يدها كانت واضحه له واخيرا انخلع السن وابتعد الدكتور طالب منها اتقوم اتغسل ثمها
سحبت يدها من يده واعتدلت وهيه متوتره وغسلت وطلب منها الدكتور ترجع مره ثانيه عشان ايشوف اذا تحتاج خياطه مكان السن تم خليفه واقف عدالهم لين ما ابتعد الدكتور ونزل من كرسيه رايح يخلع قفازاته ويغسل ايديه وهو يقول شو سوا وشو الادويه الي بيكتبها الها
التفتت نوره لخليفه بنظراتها وكانت عيونها محمره شويه ونزلت دمعتها قلبه هوا فيه وقرب منها اكثر
خليفه:كنتي خااايفه!!!!؟؟
غمضت بعيونها وصدت للطرف الثاني
خليفه وقلبه عوره:نوووره
لاكنه ماقدر يتكلم نفسه ايطمنها نفسه يعتذر لو عن الكلام الي قاله قبل اشوي لاكن في شي مانعنه التفت للجهه الثانيه صوب الدكتور وهو متضايق من نفسه
اعتدلت نوره وهيه تحس بثقل لسانها وفكها مسحت دموعها واتمنت انها ماتستسلم لدموعها بسرعه عدلت حجابها ولبست الغطا على طول وتمت واقفه في طرف الغرفه تنتظر خليفه ايخلص من كلامه مع الدكتور
وبعد ما خلص التفت الها وقلبه مازال معورنه عليها
خليفه:ياله
طلعو وكان السكوت هو رفيقهم لين البيت
 

دلع بنوتة

๑ . . عضو مخضرم . . ๑
التسجيل
3 ديسمبر 2007
رقم العضوية
8117
المشاركات
6,155
مستوى التفاعل
391
العمر
28
الجنس
الجزء السابع والعشرون


اول ما وصل خليفه للبيت نزلت نوره بسرعه من السياره ودخلت داخل كان يتبعها بعيونه لين ما اختفت داخل
اخذ كيس الادويه الي نسته وحول
في البيت تفاجئ ان خالته واميره بعدهن موجودات
اميره وهيه مقهوره:شوووه اشوف بعد شال الها كيس الادويه
سكت خليفه وهو يشوف كيس الادويه ورجع ايطالع اميره عقب التفت وقعد
خليفه:خالتيه بتتغدون عندنا اليوم
الخاله وهيه توقف:لا لا يا ولديه احنا بس همتنا لبنيه الصغيره قلنا بنقعد لين اتردون وقلنا يمكن بعد اليهال ايردون ومايحصلونكم ياله يا اميره
عاد شوفو انا اقول لا تشوفون بعض لين يوم العرس
اميره:مش الاول يتحدد موعد العرس
الخاله:اكيد ان العرس قريب انتي ماشالله تقريبا كل شي خلصتيه
خليفه:لا يا خالتيه خلي اميره تاخذ راحتها في التجهيز ماورانا عيله عنديه اشغال وايد لازم اخلصها ولين ايرد زايد واطمن على كل اموره وبعد لين ايخلص القسم الخارجي
اميره:شفتي يا ماما تبين تحبسينيه عنه وبعده العرس باقي عليه وايد
الخاله:انزين ياله قومي خلينا انروح
خليفه:قعدن اتغدن يا خالتيه
الخاله :مره ثانيه فديتك
طلعت اميره وامها وتم خليفه قاعد ايفكر وكيس الادويه بعده في ايده بعدها قام واتجه لقسم الضيوف
دخل لغرفتها وما شافها عقب راح للغرفه الثانيه وشافها منسدحه على السرير عدال فطامي الراقده وشكلها رقدت وهيه لابسه العباه تم دقيقه واقف يتاملها عقب حط الكيس وطلع

.................................................

في لندن كان زايد راجع الشقه مع فهد وهو يعرج بالخفيف على ريله بدون العكاز والجبس
زايد:شرايك اليوم انشل البنات ونروح متحف الشمع
فهد وعجبته الفكره :اوكيه في خاطريه اروحله من ييت
زايد:زين عقب المغرب بنطلع
دخلو للشقه الي فيها فهد واتصل فهد على اليازي تيب الهم القهوه وخبروها بمخططهم واستانست
نور بعد عجبتها فكرة انها تطلع
بعد المغرب اتجهزو وراحو لمتحف الشمع
في السياره الي ودتهم طلع فهد كيمره
فهد:اليازي هاج
اليازي وعيونها على الكميره:شو هذي؟
فهد:كيمره للتصوير اكيد بيعجبج المتحف وتبين اتصورين
ابتسمت اليازي وخذت الكيمره مستانسه وتمت اطالعها
قعد فهد يشرح الها كيفية التصوير ابها والتفت زايد لنور
زايد:تبين انتي بعد كيمره؟
هزت راسها بلا ورجع اهو ايطالع جدام
اول ما وصلو فهد واليازي كانو متحمسين يدخلون بسرعه اما نور فتمت واقفه تنتظر زايد ينزل وتمشي معاه
عند مدخل المتحف وقف فهد وطلب من زايد يوقف معاه عشان اليازي اتجرب كيف اتصور بعدها دخلو داخل وانشغلت عيونهم بكل الي تشوفه
اليازي كل ماتشوف شخصيه تعرفها تصرخ هذا فلان وفهد يضحك
التفت زايد ايدور نور وماشافها
زايد:وين نور؟
محد رد عليه لانشغالهم بالتصوير مع الشخصيات الي جدامهم وراح عنهم زايد ايدور نور
زايد:وين راحت هذي
وصل لين المدخل وشافها واقفه برا
زايد:نووور
التفتت له
زايد:شو تسوين اهنيه؟
نور:لما لم تقل لي بانكم ذاهبون لهذا المعبد
زايد:اي معبد هذا متحف
نور:وماذا تفعل تلك الاصنام هناك؟
زايد :هههه اي اصناااام هذا كله شمع
نور:انها لا تختلف عن تلك الاصنام
زايد:ول انتي معصبه الحين؟
نور:لا اريد ان اعود الى هناك ...لا اريد ان اكون في مكان ربما يكون ربي غضبا منه
زايد:لحووووه يا نور ...هذا مكان فيه ابداع ليش انتي معقده الامور
نور:انها اصنام والملائكه لا تطا تلك الاماكن
حج زايد راسه شكلها مصره ماتدخل
زايد:انزين وبعدين بتمين بروحج اهنيه
نور:اريد العوده
زايد بزفره اتصل على فهد:فهد انا ونور بنرجع اخبار اليازي مستانسه؟
فهد:ما خلت حد ما قالت اليه صورنيه عداله مصدقه عمرها
زايد:ههه زين زين خذو راحتكم احنا بنرد العرب الي عنديه مايبون اصنام على قولتهم
فهد:ما عليه
التفت زايد لنور:ياله بتصل للدريول
كانت سياره خاصه من السفاره اهيه الي تنقلهم من مكان لمكان
طلب زايد من الدريول اينزلهم في شارع اكسفورد وهو شارع مشهور بالمحلات التجاريه
بعد مانزلو
نور:لما احضرتنا الى هنا؟
زايد:ماتبين تتسوقين
نور:لا اريد اريد العوده
زايد:انا اريد اتسوق
لحقت نور زايد بعد ما مشى عنها وتمت تلحقه من محل لمحل
على واجهة احد المحلات والي كانت تعرض فستان للبس الاميرات البريطانيه في القديم منفوش ومزين بحركات الدانتيل على الصدر والايدين وفي نهاية الفستان زايد عجبه الفستان وايد
زايد:شو رايج فيه؟
التفتت نور للفستان:جميل جميل هيا بنا نعود لقد مللت من هذه الاصوات
زايد وهو يدخل للمحل:تعالي بنشوف بكم؟
في المحل كانت البياعه حرمه وكانت هناك فساتين اروع واروع بكل الالوان
زايد:تعالي نور عطيها قياساتج
نور باستقراب:لماذا ؟
زايد:عجبنيه الفساتين ياله بناخذ واحد واختاري بعد حق ميمي واحد
نور:انا لا اريد
زايد:بس انا اريد
نور: لا حاجة لي به
زايد:اريد قبل لا نرجع انسوي سهره خاصه ابنا عندج مانع؟
توترت نور وهيه تحس برجفه تسري في جسمها
نور:لما تفعل بي ذالك زيد؟
زايد وهو يلتفت لواحد من الفساتين:اووووه لا تكثرين الرمسه معايه ..ياله اختاري وخلينا نرجع
تمت ساكته وهيه اطالع تحت
التفت زايد للبياعه وكلمها بالانجليزي اطالع قياسات نور
زايد:انا برقبج برا ومي خليها بطالعلها شي ثاني
تركها وطلع وتمت نور واقفه محتاره امنه ومن طلباته الغريبه...البياعه شجعت نور واختارت نور واحد منهن وخذت البياعه قياسها وعطتها الفستان عقب بعد ما لفته
كان زايد قاعد عند المدخل ينتظرها
وشاف الكيس الكبير في يدها ابتسم ودخل يعطي البياعه حساب الفستان
في طريقهم للشقه كانت عيونه تحاول تلمح لون الفستان من الكيس لاكنه ماقدر لانه شكله ملفوف بعد...انشغل عقب بالتفكير كيف بيخصص الهم يوم خاص عشان تلبس له الفستان
واول ما اندمج مع افكاره عقله رفض كل هالافكار وقاله انه مالها داعي
لاكنه رجع وقال ان نور قدمت له وايد ليش ما يسعدها ولو ليوم واحد ويشكرها بطريقته الخاصه وعقب كل واحد في حاله
مسك زايد يد نور وسحبتها على طول وطبيعي ردة فعله انه بيعصب مسكها مره ثانيه بغيض وخلا اصابعه تخلل اصابعها وضغط عليها بقو ..يعني لا تعاندين مره ثانيه رضخت له وتمت صاخه
التفت الها:انتي شبلاااج؟
تمت ساكته
همس الها:اكلم منو انا؟
التفتت له:ماذا تريد
زايد:ليش ماتردين عليه؟
نور:اشعر بوجعا في راسي
زايد:كذابه
نور:انا لا اكذب
ترك يدها والتفت عنها للدريشه الثانيه وهو يحس انه متضايق مايعرف بصراحه اهو شو يبا


..........................................

في متحف الشمع
فهد وهو يشوف السعاده في ويه اليازي:حد بقا ماتصورتي معاه؟
اليازي:لااا كلهم اتصورت معاهم ياربييي احس انهم صدق حقيقيين تخيل انا واقفه مع اليدي ديانا
فهد:انزين ما بقا حد؟
اليازي:لااا
فهد:اكيد
اليازي:هيه اكيد كل الي اريد اتصور معاهم اتصورت
مشى فهد ووقف عدال واحد من الشخصيات وتصنم في وقفته
تمت اليازي اطالعه مستغربه لين ماضحكت وهيه تفهم شو يقصد
عقب التفتت لوحده من المارات وطلبت منها اتصورها مع فهد راحت ووقفت عداله ولفت بيدها خصره وحطت راسها على صدره فهد دقات قلبه وصلت حدها وهو مستحمل لين ماتخلص الحرمه من التصوير مش مصدق
ان اليازي واقفه عداله بهذا الشكل اول ما خلصت من التصوير لفها بيده لحضنه
فهد:حياتي انتي نسيتي انيه انسان بشر احس بكل حركه اتسوينها عداليه
اليازي وهيه تحاول تتفجج من مسكته:فهـــد بطلنيه انته شو تسوي
فهد:انا شو اسوي ولا انتي الي شو كنتي اتسوين
اليازي في محاوله انه يتركها:انزين انزين خلااص بطلنيه انا نسيت نفسيه وصدقت انك منكان ياله عاده بطلنيه الناس قاعده اطالعك
فهد:انا ما اسوي شي اكثر من الي يسوونه
اخيرا قدرت تبعد ايديه عنها وتركض لبعيد عنه ودقات قلبها اتزيد
فهد بابتسامه:تعالي اهنيه وين رايحه
اليازي:خلاص خلاص نرجع الشقه
رجعو للشقه وحصل فهد زايد في الشقه الصغيره يتكلم مع بدر ويرتبون موعد لرجعتهم عقب كم يوم


.................................................. .............
كانت نوره في الصاله الي تحت مع لعيال ادرسهم وكانت عدال دانوه تعلمها الكتابه ثانيه ركبها تحتها وحاطه راسها قريب من
دفتر دانوه وهيه طايحه على صدرها وصبرها نفذ معاها وهيهه اتعلمها
نوره:لا يا دانه الواو مب جذيه يكتبونه قلتلج على الجهه هذي
دانه:خلاااص بمسحه
نوره اعتدلت وجسمها تيبس من الطيحه ورفعت ايديها فوق تمتقط وتفاجئت بالي قاعد مجابلنها يتقهوا وعيونه عليها وجهت عيونها لمكان ثاني وقلبها تم ايدق هذا من متى قاعد الا ان خليفه عيونه مافارقتها وعلى السريع رجعت بنظرها باتجاهه وشافت انه بعده ايطالعها
حركتها وهيه تمتقط وترفع ايديها يننته وخصوصا نظرتها المتخربطه اهو من نزل وهو قاعد بس يتاملها ويسمع كلماتها حق دانوه وينتظر بس ترفع راسها كان ملاحظ التنوره السودا والقميص لمخطط وايديه لونهن اسود صدق انها كانت له عذاب
رجعت نوره اطالع دانوه وتحاول اتكون طبيعيه
دانوه:اروي عميه النجوووم؟
نوره:بعدين حبيبتي اول شي خلصي الحروف هذي
دانوه:لا بعدين عموه بيرووح
وقف خليفه وقرب منهن وقعد عدالهن وجوده كان طاقي بريحة عطره الي ترس المكان
خليفه:هاه حبيبتي شو تبين اتروينيه
دانوه بفرح:النجوووم اهنيه
خليفه:ياسلااااام شاطره يعني؟
دانوه:هيه والابله دوم اتقول انا اشطر وحده
خليفه:ماشالله ماشالله تستاهلين على هالنجاح هديه
دانوه:هيييه
خليفه:قومي قومي اشوف طولج اليوم
وقفت دانوه واخذها خليفه في حضنه بقو
خليفه:اااااااه فديتج يا دندن انتي اليوم ذابحتنيه تعالي اعطينيه شوية حناااان احس انيه تعباااان
توجهت عيونه لنوره الي التفتت بنظرها لجهه ثانيه وهيه تحس بنظراته مربكتنها
ابتعدت دانوه عنه:عميه وين بتروح؟
خليفه:بروح العزبه
دانوه:عيل ودنا معاك
خليفه:ماعنديه مانع اذا خالوه بتروح
التفتت لنوره:خالوه بتروحين؟
هزت نوره راسها بلا
كان خاطره ايقولها ليش مابتروحين لاكنه عجز
دانوه:لااا انريد انروووح
نوره:انزين محد بيمنعج انتي خلصتي واجبج والي خلص واجبه بيروح اما الي ماخلص بيتم
كشرت هند بويهها لانها من الصبح مع دفتر الرسم
هند:اريد اروووح
نوره:لاااا
احمد وهو يفر الدفتر:انا خلااااصت
نوره:وليش اتفر الدفتر جذيه
احمد:اووووه انزين انزين
كانت نظراته عليها وما فارقتها وهيه تحس انه موترنها الحين انا طالعه عشان اوتره يجلب الايه عليه
يعني شو لينه بيتم ايطالعنيه جذيه انزين انا ليش متوتره ليش ما احط عينيه في عينه واخليه يستحي على ويهه
رفعت نظرها له والتقت عيونهم مع بعض ثواني وما قدرت ونزلت نظرها واحمر ويههها بسرعه
خليفه في خاطره"تبين تكسرين نظرتيه يا نوره ماتدرين انيه مش قادر اسيطر على نفسيه وانيه مش في حاله وانا اشوفج من كل هالقرب
لا وبعدج تستحين منيه وويهج يحمر يا ناااااااااس الفزعه الله يخليكو حد ايي يعطينيه كف ايخلينيه اقوم مش قااادر والله انيه مش قااادر
نوره ساعتها وصل توترها حده بنظراته الجريئه عليها لدرجة انها حست انها ماتقدر توقف وهيه قاعده على الارض وهو قاعد قريب منهاوتشرد...صدق انك وقح وبعدييين يعني مع هالحال
التفتت لا حمد وناصر:انـ انتتو بتروحووون خلصتتوو
ناصر:هيه انا خلصت
نوره:انزييين سيرو البسو نعولكم وتجهزوو
هند:اريد اروووح
نوره بغيض من نظرات خليفه:لااا انتي ما بتروحييين
هند:خالوووه فديتج والله اول ما ارد بحله كله فديييتج
نوره وهيه تهز راسها:لا لالالا حلي واجبج اول شي
خليفه وبعده ايطالع نوره:هنوووده خلصي واجبج بنرقبج
نوره وفي خاطرها هذا الي ناقص:شو ترقبونها هذي يبالها ساعتين لين اتخلص
خليفه:ماعليه بنرقبها
زفرت نوره الي خلاااص صار ويههها طماطه من التوتر:خلاص خلاص روحي وهذي اخر مره اتاخرين واجباتج
هند بفرحه:انزين باجر اول ما اعطن من المدرسه بحلهن على طوووول
خليفه وهو مستانس على توترها:مابتروحين معانا
التفتت له وبعصبيه امنه:لاااااا
حاولت توقف واختل توازنها حاولت تتمسك في دانوه القريبه لاكن خليفه كان اقرب واسرع مسكها بسرعه مانع طيحتها
الي ما قدرو ايسيطرون عليها وطاحت في حضنه.......................رفعت راسها وشعرها المتناثر على ويهه وصدره متكيه على صدره اتحاول توقف الا ان مسكته الملتفه على خصرها منعتها ورعشات تسري على طول ظهرها
كانت مفتشله وعيونها في عيونه وهو ايحاول يكبت ابتسامته الا ان ضحكة اليهال عليها خلته غصبا عنه يصدر ضحكه مخنوقه
بعصبيه مدت يدها ليده الي ماسكه خصرها وابعدتها واعتدلت بسرعه ملتفته للي قاعدين يضحكون بصوت عالي
التوتر بعده طاغي عليها وبصعوبه قدرت توقف
نوره:حمير والله انه ولا واحد فيكم ايروووح
وعلى طول ركضت لقسم الضيوف
اعتدل خليفه الي حس ان قلبه وقف من الخفقان الموجع وزفر في محاوله انه يسحب نفس
ناصر:عميه شوووه بنروووح؟
خليفه:لاااا اظاهر انيه حتى انا ماعنديه طاقه للسيره


على المسا التقى معاها في المطبخ وهيه لابسه بجامه من قطعتين وتمت تتحرك بسرعه عشان تطلع لانها شافت انه قعد على الكرسي ونظراته اتراقبها
كانت اتريد اتسخن الحليب لفطامي تمنت انها لابسه قميص نوم بقطعه وحده على الاقل بتكون نظراته ارحم...اهيه مش فاهمه شو سالفة جرئته بنظراته هذي وكان نفسه يسال نفسه انا شو سالفتيه ليش من اشوفها ما اقدر ابعد نظريه عنها ياااااصبر ايوووووب قريب بستخف
كانت كل شوي عدلت قميص البجامه وهيه تنزله تحت كل ما حست انه ارتفع حركاتها وهيه واقفه جدامه ادل على توترها اما هو كان يحاول انها ماتسمع تنفسه الي حس انه صعب يسحبه بسهوله
خلصت نوره بسرعه وطلعت بسرعه من المطبخ رايحه للغرفه اهناك قعدت على السرير وضمت ركبها لصدرها وهيه تفكر"هذا شو سالفته شكله قاعد يلعب لعبه وانا الي كنت ناويه العبها عليه...بس انا ليش هذي الاحاسيس بعدها موجوده المفروض انيه اكرهه بعد كل الي سواه..هيه لازم اكون قويه واواجهه اهو جذيه بيحس انه سهل يضحك عليه مره ثانيه وانا مستحيل استسلمله لوشو ما صاااار

.................................................. ..
 

دلع بنوتة

๑ . . عضو مخضرم . . ๑
التسجيل
3 ديسمبر 2007
رقم العضوية
8117
المشاركات
6,155
مستوى التفاعل
391
العمر
28
الجنس
بعد يومين وكانت اللقاءات بين خليفه ونوره قليله لانها تحس بتوتر اول ماتتواجد معاه في مكان واحد وهو مش مقصر بنظراته الي تتبعها في كل مكان
اميره وهيه راجعه من عند واحد من المصممين:اميه خلينا انمر بيت خليفه
الام:يابنتيه اثقلي كل يوم الروحه اهناك
اميره :ما اقدر اميه احس علوم تستوي من ورايه قلبيه منحرق
الام:اقلعيهم مرده الج اصبري بس خلي العرس يستوي وانا عليه اطفشها من البيت
اميره:بس اريد امر انا يايبه العاب حق اليهال اكيد بيستانس انيه يبتلهم شي
الام:امرنا لله انمر
في بيت خليفه دخلت اميره وامها وسالن الخدامه عن خليفه وقالت الهن انه مش موجود
اميره:خساره...بس ما عليه بنرقبه
الام:يمكن الريال ما ايي الا متاخر
اميره متجاهله كلام امها:اميه شرايج افتح الصاله هذي على الليوان مش احسن
الام:الليوان عود يا اميه ليش بتزيدين اتوسيعه
اميره:انا اريد جذيه...بقول لخليفه اكيد بيستانس
الام:بنتيه انا ما اشوف العمال برا يشتغلون؟
اميره:مهو هذا الي حارق قلبيه مادري متى بيخلص من القسم الخارجي عشان يذلفون برا
كان خليفه عند الباب يزقر الخدامه ودخل وحصل خالته واميره
وقفت اميره الي كانت عاقه العباه وفاتحه شعرها ولابسه بدله حلوه
اميره:هلا حبيبي ابطيت علينا
خليفه:هلا ..هلا خالتيه انتو من متى اهنيه؟
سلم خليفه على خالته وتقدمت امنه اميره عشان تاخذ نصيبها من السلام وعقب قعدو
خليفه:كنت بمر عليكو اليوم
اميره:صدق حبيبي ليتك قلتليه عشان اتم اجهز لييتك احنا كنا مارين وقلت بنزل اشوف اليهال واشوف اذا بتعجبهم الالعاب الي يبتها الهم
ابتسم خليفه:مشكوره يا اميره وشووه عجبتهم؟
اميره:وانا شفت حد ما ادري ابهم رقود ولا ويين بصراحه ما حبيت اروح اهناك عن لا تسويليه خالتهم مشكله تراها مادانينيه وتعق عليه الفاظ ما تعجبنيه
في نفس الوقت هذا طلعت نوره الي كانت كاشخه بتنوره قصتها رهيبه حمرا مورده وقميص ماسك بنص اكمام ورافعه شعرها بذيل فرس وكان شكلها رهيييب صدق مرت من عدالهم رايحه المطبخ وغصبا عنه عيونه تبعتها التفتت اميره لامها وعيونها مفتوحه على وسعهن
وحطت يدها على ركبة امها ادقها مقهوره طالعتها امها
اميره بهمس:شفتييي؟
اشارت الها امها تسكت وتسوي طاف لاكنها ما قدرت اتحس بناااار اتشب فيها
التفت خليفه لخالته وهو يحاول ايهدي دقات قلبه
خليفه:اخباركم يا خالتيه عميه ابو اميره بخير
الخاله :بخير فديتك بس بوشه متعباتنه الايام هذي ايريد ايبيع منهن ومنيه مش هاينات عليه
خليفه:العزبه الي انتو فيها زينه ليش ماتنتقلون حذا عزبتنا المكان اكثر نظيف
تم خليفه ايسولف مع خالته وماحسو باميره وهيه تنسحب لاحقه نوره للمطبخ
كانت نوره فاتحه شعرها وتروي الخدامه الخصايل الي قصتهن وواصلات لين اكتافها بالتدريج
اميره من وراها:ياسلاااام
التفتت الها نوره وتمت اطالعها متجاهله شو تقول ورجعت اطالع الخدامه
اميره:اظنيه انيه قاعده اكلمج
نوره:تبين شي؟
اميره:شو هذا الي مسويتنه بعمرج ؟
طالعت نوره نفسها:شو فيه ما سويت شي
اميره بقهر:اريد اعرف انتي باي حق تلبسين هالبس اهنيه
نوره:ليش انا وين قاعده مش في بيتيه؟
اميره:لا مش في بيتج ...هذا بيتيه انا
نوره:خير لين تين وتقعدين فيه ويصير بيتج ساعتها بتتغير اشيا وايد
اميره:انا ما اسمح لج اتمين تتصقلين عند زوجيه بالمنظر هذا لا تنسين انج اهنيه بس حق اتسدين حاجة اليهال
نوره بابتسامه خبيثه وهيه تاخذ الكفشه من يد الخدامه وتتذوق من الشوربه الي جدامها:انا اهنيه حق سد حاجة اليهال وسد حاجه عمهم اووو قصدي يعنيييي
بغيض صرخت اميره:قصدج شوووه؟
نوره:انا ما قلت شي اقصد يعني انيه انا الحييين انه انا الحين زوجت عمهم ومن حقيه اخذ راحتيه في البيت
اميره:اريد اعرف شو قصدج بسد حاجة عمهم انتي رديتي تلعبين عليه
نوره وهيه تتوجه للغاز اتريد اتسخن ماي :اوووه وبعدين معاج انا ترانيه ماريد مشاكل لا تمين تفهمين كلاميه بالغلط
اميره:انتي شووو قصدج ؟
نوره:اتركينيه في حاليه لو سمحتي
اقتربت اميره المقهوره من نوره ومسكتها من شعرها:ما بتركج لين تلزمين حدودج في هالبيت
تفاجئت نوره بحركة اميره:انتي شو تسوين بطلي شعريه وهذي التصرفات حق اليهال
اميره:مابتركج لين اسمع صريخج واصل اخر الشعبيه
نوره ما استحملت مسكة اميره ومدت يدها بدورها ومسكة شعرها:شو رايج انشوف منو الي بيطلع صريخها اول شي
اميره:يا كلبه بطلي شعريه
نوره: انتي بطلي شعريه اول شي
الخدمات توترن وتمن ايدورن حولين نوره واميره مش عارفات شو يسون لين ما على صريخ اميره
ركض خليفه ومعاه خالته وتوجهو للمطبخ كانت ام اميره اتنادي اميره وهيه يايه واول ما سمعت اميره اصواتهم قربت تركت شعر نوره وتمت تصرخ وتصيييح
الخاله:وااايه حسبي الله علييييها
ركض خليفه ناحيتهن وصرخ:شووو هذاااا فجي شعرهااااا
تركت نوره شعر اميره وكل الغيض متملكنها
خليفه وهو ايطالع نوره:شووو هذا الي قاعده اتسوينه ليش اتمطييين شعرها؟
من الغيض رفعت نوره صبعها جدامها اتهدد وتوجه كلامها لخليفه
نوره:انا مابمط شعرها المره اليايه...وقسما بالله ان تعرضت اليه مره ثانيه ان حتى شعر حواجبها ورموشها انتفهن....تســـــــــــــــــــمع
والتفتت عنه وراحت
تم صاخ ايطالع الباب الي طلعت امنه وقلبه ايدق من روعة شكلها وهيه معصبه وتهدد بصبعها منظرها كان رهييييب مسح اي غيض المفرض يتملكه والتفت لاميره الي قاعده اتصيييح في حضن امها
الخاله:لااااا هذي هب حاله شفتها وهيه تمط شعرها وساكت بعدك عليها
اميره تركت حضن امها وتقدمت من خليفه تهاجمه بكلامها:انته شوووه يا خليفه رجعت معاها رجعت اتخوننيه مره ثانيه
خليفه مستغرب:شقصدج؟
اميره:شو قصديه ؟شو قصدها اهيه من سد حاجة عمهم هاااه
خليفه:انا مش فاهم انتي شو تقولين؟
اميره بعصبيه:اهيه قالت انا مش بس حق سد حاجة اليهال حق سد حاجتهم وسد حاجة عمهم بتقول اليه شو اهيه حاجتك منها
تفاجئ :اهيه قالت جذيه؟
اميره:بتنكر...هاااه بتنكر وهيه لابسه لك هالبس الي لابستنه وماخذه راحتها ....انته خاين خاين خنتنيه من قبل والحين قاعد اتخوننيه مره ثانيه
وتمت اتصيييح بحرقه
اتقرب منها خليفه وحاول يمسكها لاكنها ابتعدت:لا يا اميره انا ما خنتج اقسملج بالله ان مافي شي بينيه وبينها وما صار شي من عقب المره الي فاتت والله ما صار شي
اميره ملتفته لامها:اميه ياله انرووح
وطلعت اميره ولحقتها امها
تم خليفه واقف ايحاول يستوعب كلام نوره لاميره شو قصدها بالكلام هذا تحرق اعصابها بس
طلع من المطبخ ايريد يتغمص شخصية واحد معصب وهو ايحس انه مش معصب بس لازم ايوقفها عند حدها ويمنع هالمشاكل
دورها في غرفتها وماحصلها وشاف باب البلكونه التابع لقسم الضيوف وراحله شافها واقفه والبلكونه كانت واسعه مليانه باحواض الزراعه وطاوله على جنب بكراسي كانت اطالع الحديقه وهيه مكتفه ايديها
غصبا عنه ابتسم اول ماتذكر شكلها وهيه تهدد رافعه صبعها جدامه وتقول بنتف شعر حواجبها ورموشها
ضغط على شفايفه وهو يحاول ايكون معصب واتوجه الها
كانت اتحس انه ايقرب منها وبدا الغيض يتصاعد فيها من بعد ماكانت تحس بحراره تطلع من جسمها....لا يكون بس ياي ايواقع عشان حمارة القايله خله ايقول كلمه وانا برويه
ما قدر يقول اي شي وهو يشوف وقفتها وهزتها لريلها الداله على غيضها الي بعده ما راح
يخرب بيتج والله انج اتجننين
وعقب المووووت قدر يتكلم وليته ماتكلم
خليفه:بخصوووص سد حاجة عم لعيال
اتسعت عيونها على كبرهن مش متوقعه هالوقاحه امنه
خليفه:اناااا انا حلفت الها انه ما صار شي من بعد المره هذيج
خليفه غمض عيونه انا شو قلت وشو هببت
التفتت له معصبه:تصطفل ...تصطفل وماتهمنيه حلفتلها ولا ما حلفتلها
وعلى طول ركضت داخل وهيه تحس برعشه قويه تتملكها
في حين عض خليفه على شفايفه متخربط على الاخر بس اظاهر ان كلمة سد حاجة عم اليهال عجبته

.................................................. ...

يومين وزايد مرابط في الشقه الثانيه واي حاجه ايريدها يطلب من فهد يتصل على اليازي تيبها
كان يفكر ويحاول يتخذ قرار في الي يريد ايسويه راودته فكره انه يحجز ليله في قصر من القصور القديمه الي معرضه للايجار وياخذ نور الها يقضي معاها اهناك ليله ويطلب منها طبعا انهم يسهرون سهره خاصه وهيه لابسه الفستان
رغبه قويه تدفعه انه يسوي هالشي لاكن عقله لين الحين رافض هالشي ومن قهره من نفسه رفض انه يشوفها خلال هاليومين الي فاتت وكل يوم ايمر رغبته اتزيد في تنفيذها
ومرن يومين وبعده الحال على ماهو عليه ونفسية نور كل يوم اتزيد سؤ ماتدري ليش مانعنها من شوفته هل هو ياهلها للي بيصير يوم بيرجعون
نور وهيه قاعده اتفكر بروحها:تبا لك زيد..تبا لك ولروحك المتمرده
وقفت والفكره اكثر اتسيطر عليها:هل حقا ما يفكر به ذالك المغرور المتكبر هل ينوي حقا ان يتركني...تبا له...كيف يتركني وانا لم استطع ان احتمل يوما على فراقه...الا يشعر هذا الرجل بالشوق الايعلم بقلبي النابض بحبه...ان كان حقا يريد فراقي الويل له
تمت نور ادور في الغرفه وهيه تحس بنار في صدرها واخر شي انكتت في لفراش مستسلمه لدموعها ولعبراتها الي ما قدرت اتسيطر عليها
نور:يا الاهي الى متى ساظل على هذا الحال
دخل فهد على زايد الصاله وهو واقف عند الدريشه ايشوف الماره
زايد:هاه اخبار الحجز
فهد:باجر على الليل
فكر زايد انه لازم يتخذ قرار خلاص لان الوقت ايمر ولازم مايتاخر
التفت زايد لفهد:فهــــــد
رفع فهد راسه لزايد:نعم
زايد وهو يمشي لداخل الصاله وكانت مشيته احسن واااايد عن اول يوم ترك فيه الجبس:ماعليك انته واليازي الليله لانيه افكر اخذ نور ونطلع برا المدينه وبنرجع باجر
فهد وهو يفكر بان الفكره مش اوكيه خصوصا وان المشاعر بينه وبين اليازي الحين ملتهبه بعد تطور المسجات بينهم
زايد:هااه
فهد:هااه شعليه ماعندنا مشكله
زايد وهو يرفع تيلفونه:زين عيل انا بخلص كم اتصال وعقب بنمشي
فهد:على راحتك...اخلي اليازي اتقول لنور تتجهز
زايد:لاا انا بكلمها
بعد ما انهى زايد اتصالاته اتصل على اليازي
دخلت اليازي على نور اليكانت تحت اللحاف وتوها عينها غافيه
اليازي:نوووور ......نوووور
رفعت نور اللحاف:ماذا هناك؟
اليازي:زايد ايقولج عندج عشر دقايق اتكونين جاهزه فيهن
اعتدلت نور بسرعه:لماذا؟
قعدت اليازي على طرف السرير:ايقول انكم بتطلعون اتباتون برا المدينه وبترجعون باجر
دقات قلبها بدت تعلن وجودها والابتسامه بدت اتشق طريقها يعني كل الي تفكر فيه خرابيط اكيد الليله هذي هيه الليله الي قال عنها وانها بتكون خاصه
اليازي بابتسامه:شوووه شكلج تدرين بهذا الترتيب
نور:ماذا ....ماذا عليه ان افعل الان؟
اليازي:قومي اتجهزي ماشي وقت
نور وهيه توقف بسرعه:حسنا حسنا ماذا افعل
اليازي متحمسه معاها:يووووه الشنطه هاتي شنطه صغيره وحطي الي تبينه ياله بسرعه
كان زايد وفهد واقفين تحت عند السياره الي بتنقل نور وزايد ينتظرون نور تنزل بعد ما قالو الها تنزل حس زايد بالتوتر يرجعله واحساس ان الي يسويه صح ولا غلط اتضايق من شعوره هذا وحاول يتجاهله لاكنه كان كابت عليه اول مانزلت نور كان لقاءها مع زايد عادي وهو يدور للجنب الثاني ويركب بدون اي كلمه ودعت نور اليازي الي نزلت معاها وركبت السياره وقلبها طبوووول
القت السلام وتمت ساكته بسبب الهدوء الي يلف السياره وزايدالي شكله ابدا مش معاها رجعلها التوتر والتسال عن سبب هذي السيره

التفت فهد لليازي:تبينا انروح ساعة البق بنق
اليازي:صــــــــــدق ؟
فهد بابتسامه:اجذب يعني
اليازي:ياليت
فهد:ياله عيل ماورانا شي

.................................................. ......


في العزبه كانت يدة زايد مع ولدها ابو فهد عند غنمهم مر عليهم مروان وسلم وعقب راح
اليده:منووو هذا؟
ابو فهد:هذا مروان ولد يراننا نسايبنا
اليده:هذا الي يسرق غنميه
ابو فهد:اميه الله يهديج هذي سالفه جديمه يوم كان ياهل الحين الريال غدا ريال
اليده:وبلاااه غادي يابس جذيه
ابو فهد:شدرانيه ياميه
اليده:لاااا انا ما اخبره ايصخ جذيه يوم ايشوفنا احيده ملسووون وريال مليان بلاااه غدا حاله رزي جذيه
ابو فهد:يااميه شدرانيه مشالله عليج شدراج انه هب في حاله لولي
اليده:كيف قالولك عميا انا....الصبي متولع مايسوي بحال الريال جذيه الا الهوا
ضحك ابو فهد:امـــــــــيه الله يهديج شو هالرمسه
اليده:هيييه تحسبنيه ما اعرف ...عيل هذا اهو مروانوه الي نحيده...لااااا الريال مبتلي وطالع شو مضوي من الضوايا يا اما ان الحرمه عرست ولا مخطوبه
ابوفهد:فديتج يا اميه انتي وتحليلاتج ماعليه بنشوف عقب شو سالفته
اليده:هيييه يا ولديه الله الله فيهم ترا ماعندهم ابويعلمهم ويشوف شو بالينهم الدنيا تراها مصيبه وانته الحين مثل ابوهم
ابو فهد:ماعليه يا اميه لا تحاتين انا من زمان وانا اشوفهم مثل اعياليه وهم ماشالله عليهم ريايل ما ينخاف عليهم
اليده:لااا ينخاف يا ولديه الهوا مصييييبه
تم ابو فهد يضحك مع امه الي تمت اتقص عليه قصص الاولين ومشاكلهم مع الحب

.................................................. ...

طول الطريق وزايد لازم السكوت ونور ساكته من سكوته ومحتاره في امره لين ما وصلو عند بوابه محاوطه ابها الزراعه وشكلها رهيب
دخلت السياره داخل وتوجهت للبوابه الداخليه المكان كان روعه ووقفت السياره جدام قصر صغير من العصور الوسطى قمممه في الروعه
نزل الدريول وفتح الباب لزايد ولف عشان ينزل الشنط
نور بعدها محتاره في المكان الي هم فيه
صعد السلمات الي تودي داخل ولحقته وهناك حصلو خدامه في انتظارهم اتكلم معاها زايد شوي بالبريطاني
والتفت لنور
زايد:روحي معاها
نور:هل يوجد في هذا البيت احدا؟
زايد وهو يغير اتجاهه في اتجاه ثاني:لااا محد اهنيه غيرنا احنا وبس والخدامه بعد بعد ماتوصلج لغرفتج بتروووح
تبعت نور الخدامه وهيه ترفع غطاها واطالع المكان الي اهيه فيه مكان مبهر وصعدت ابها للدور الفوقي
كانت غرفه كبيره روووعه في قطع الاثاث الي يدل على انه تاريخي قديم لاكنه في قمة الروعه
غير السجاد الاحمر الي كانت الغرفه مفروشه به والستائر الي معطيه للغرفه فخامه وروعه اكبر
اخبرت الخادمه نور بان الغرفه هذي الها واحضرت الها شنطتها وقالت الها ان السيد ايقولج تفتحين جوالج عشان يكلمج عليه
بعدها نور محتاره من كل الي يصير وكانها دخلت جو مع الاحلام
عرفت نور من رساله وصلتها من زايد انها تكون جاهزه بعد صلاة العشا عشان تنزل عنده تحت للعشا وطبعا عرفت اهيه شو لازم اتسوي
طلعت الفستان وجهزته ومعاه اكسسواراته كان قلبها بعده ايدق وتتسال شو اخرة هالسهره هل بيكون اهناك اعتراف الها بشي
كان زايد قاعد في البلكونه الي كانت الزراعه والورود ماليتنه وهو يفكر شو هذا الي قاعد ايسويه ايريد ايحس باحساس ثاني وانه يستانس بهذي الليله لاكن تفكيره منعه من هذا وان هذا كله غلط اول مره ايحس انه متذبذب في افكاره في العاده الي ايريده ايسويه وماعليه من حد لاكن المره هذي مايريد يجرح مشاعرها ما يدري ليش صارت اتهمه ويخاف على مشاعرها ايخاف انها تبني اوهام على هالسهره ومن عقب تتحطم
لانه مش ناوي من هالسهره الا انه يقدم الها شكر على كل الي سوته له ووقفتها معاه في محنته لاكن كيف ايوضح الها هذا الشي بدون مايكدر خاطرها
 

دلع بنوتة

๑ . . عضو مخضرم . . ๑
التسجيل
3 ديسمبر 2007
رقم العضوية
8117
المشاركات
6,155
مستوى التفاعل
391
العمر
28
الجنس
الجزء الثامن والعشرون


كانت نوره في الحمام يوم دخل خليفه وهو شال فطامي الي رقدت في الصاله واول ماطلعت وهيه تنشف شعرها تفاجئت به وقف وتم ايطالعها رجع وطالع فطامي عشان تفهم اهو ليش اهنيه
تجاهلته وراحت لين التسريحه وقعدت مجابلتنها وهو تم على حاله واقف ايطالعها
تلاقت نظراتهم ورجعت اطالع عمرها في لمرايه وخذت المشط وتمت اتسرح شعرها حست انه طلع وسحبت نفسها بصعوبه عقب ماشافت انه محد
على الساعه وحده ونصف وهيه راقده سمعت رنة تيلفون غريبه ورفعت راسها وشافت تيلفون خليفه الي نساه على الكومدينو وهو يايب فطامي اعتدلت وخذت التيلفون وتفاجئت بالاسم"اميرة قلبي"
حست بنرفزه وعقب تكلمت بصوت نعسان
نوره:الوووو
اميره فتحت عيونها اتريد تستوعب:منووو معااايه
ابتسمت نوره:احم عفوا انتي منووو
اميره:نوووره خلييييييفه وييييييين انا امييييره
نوره:اوووه اميره ....شو صاير انتي ليش متصله الحييين؟
اميره بعصبيه:وييييين خليييييفه؟
نوره:اووووف سوري تحسبت التيلفون تيلفونيه ماركزت زين
اميره:خليفه وييين؟
نوره:في غرفته
اميره:وانتي ويييين؟
نوره :ممكن اعرف انتي ليش قاعده اتحققين معايع على اخر الليل قلتلج خليفه في غرفته وانتهى الموضوع ولو سمحتي اريد ارقد ياله باااي
سكرت في ويههها واغلقت التيلفون على طوووول
نوره وهيه تلتفت للجهه الثانيه:الله يستر

.............................................

ما زال زايد في تردده بخصوص الليله اخيرا قرر ايطرش الها رساله ايوضح فيها الموضوع

"نوووور قبل لا نبد سهرتنا اريد اوضح لج شي ....وهو ان السهره هذي انا ما اقصد منها الاشكرج على كل المجهود وتحملج اليه في فترة علاجيه هذي ادري انج واااايد قاسيتي معايه عشان جذيه انا ماعرفت كيف اشكرج الا بالطريقه هذي وارجوو منج قبول
هذي السهره الي والله حاولت فيها قد ما اقدرمن ترتيبات وتجهيزات عشان تنال رضاج"ّ

نور سمعت صوت المسج لاكنها كانت منشغله باخر لمساتها لشعرها بعد ما لبست الفستان ورفعت شعرها لفوق ونزلت امنه خصايل كلها كيرلي اعطتها شكل غييييير عن ما كان زايد يتخيل ايشوفها فيه وخصوصا ان الفستان كان بعد غير الي يتخيله اختارت فستان الوانه مدرجه من العنابي وتدرجات الفوشي والدانتيل ابيض وشرايط ذهبيه قممممه في الروعه

انتظر زايد ردها وطال به الوقت عقبها دخل يتسبح وقبل لا يلبس ملابسه ازعجه رنين تيلفونه لف الفوده على خصره وطلع
زايد:الووووو
نور وهيه تنتفض من القهر:لماااااا تفعل بي ذلك زييييد ..اسالك بالله اليس لديك قلب
زايد:نووور شبلااااج؟
نور وبدت اتصيييح:كيف تفعل بي هذا الا تخشى الله
زايد بغيض:يا نوووور شبلااااااج؟
نور:اوتسالني ماذا بي...ااحضرتني الى هنا من اجل ان تقدم لي شكر وماذا بعد هذا الشكرفرااااق؟
قعد زايد والي كان خايف امنه صار:نووور اسمعينيه زين
نور:لا اريد ان اسمع شيا زيد انا لا اريد منك شكر ولا اريد منك شيا...انته تريد ان تبرء ذمتك مني بهذا الذي تسميه شكر من قال لك بانني اريد هذا؟؟
زايد:شو تبين بعد اكثر من جذيه ؟.....كفايه انيه بعيشج حياة اميره ما عاشتها بنت في زمانج....انتي تتحسبين كل هذا ما كلفنيه شي؟
نور:لا اريد يا زيد لا اريد ان اكون اميرتا ارجو من الله ان يثبتني على ديني وسوف اكون في جنة الخلد اميرتا الى ابد الابدين....انته تقتلني زيد تقتلني
زايد بعصبيه بدت اتخليه ينتفض من الغيض:لحوووووه انتي شوووو تبين بالضبط؟
نورودموعها بدت تنزل اكثر:اريدك انته زيد... انا لا يهمني كل ماتفعل بي ...كل ما اريده هو ان اظل الى جانبك ما حييت...لا تتركني زيد افعل ما يحلو لك بحياتك ولاكن لا تتركني
زايد:انتي ليش ماتريدين تفهمين الكلااام قلتلج انا وانتي مش لبعض
نور:تبا لك تبالك ايها المتعجرف المغرووور اننني لم اعد استطيع ان اسيطر على نفسي تبا لك لا اريد ان اتحدث معك ولا اريد هذه الامسيه فالتذهب الى...................
حطت يدها على ثمها وانتحبت وسكرت في ويهه
زايد من الغيض حذف التيلفون بقو بعيد عنه لاكن الله ستر انه اصطدم بالستاره ورجع طاح على السجاد الكثيف
تم قاعد على طرف السرير وهو يحس بجسمه ينتفض وحراره تطلع من جسمه مايعرف شو صابه وليش كل هالغيض منكبت في صدره

.................................................. .............

الوناسه كانت من حظ فهد واليازي الي استانسو وهم يركبون اللعبه الكبيره في المنطقه الي حوالين ساعة البق بن
وهيه عباره عن كبينات زجاجيه وسطها كراسي تتسع لثلاث اربع عوائل واللعبه دائريه ترتفع بالكبينات ومن فوق يقدرون ايشوفون كل اجواء لندن اليازي وايد وااايد استانست ومن وناستها صارت اتنادي فهد فهووود الي حس انه مش على الارض من الوناسه
لف معاها كذا محل واشترت اليازي كل الي في خاطرها وعجبها دبدوب جنااان ماتت عليه كبر البيبي
فهد:حق شوووه هذا
اليازي:ايجنن
فهد:نفسي اعرف ليش البنات غرفهن متروسه دبادييب في سر معين في هذا الشي
اليازي:لااا بس ايجننون
فهد:واتباتين لاويه عليه
اليازي:ههههه مادري يمكن؟
فهد:انزين شي في خاطرج بعد
اليازي:امممم لا اريد الشبريه بس احس انيه بمووووت اريد ارقد
فهد في خاطره"الله يعدي هالليله على خير والله انا الي متروع من الرده
فهد:ماعليه خلينا انحوط شويه
اليازي:بس فهد تعبت
تم فهد يتلفت وشاف الباص الي يمر على كذا محطه واختار واحد المده فيه بطوووول لين يوصلون
فهد:ياله انروح نركب في الباص عيل
اليازي:مش التكسي اسرع
فهد وهو يمسكها من يدها ويده الثانيه شاله الاكياس:لا لا زييين الباص يمدحونه
اليازي:هههههه انزين صبر دبدوبيه بيطيييح
فهد:ياذا الدبدوووب الي بديت اغار امنه

...................................


تم زايد واقف في البلكونه متضايق وعداله طاولة العشا الي كانت مجهزه للسهره والجو كان جنااان
راح وقعد على كراسي في الطرف الثاني واتصل على نووور
ترددت نور اترد عليه شلته بدون ماتتكلم
زايد:انزلي اتعشي
نور:لا اريد
زايد:نووور لا تعاندينيه انزلي
نور:هل تريد اجباري؟
زايد:دامنيه زوجج عليج طاعتيه بدون نقاش ولا نسيتي طاعة الزوج
نور:عدني اولا ان تاخذني عمراتا الى بيت الله وسوف اعتبر هذه العمرة هيه شكرك لي
زايد:العمره!!!؟
نور:اجل ...انا لا اريد هذه الامسيه التي لا اتبع فيها الا حياتا لؤلائك الكفره
زايد:نووور لا تخلطين الامور السهره هذي ترتيبيه انا وانا اريد جذيه
نور:هل ستذهب بي الى العمره؟
زايد:بوديييج مره ما طلبتي
ابتسمت نور من الفرحه:حقا زيد؟
زايد:وشو المشكله باجر بغير الحجوزات ومنيه على طووول بنعمر
نور:كم يسعدني هذا
زايد:انزين نزلي ياله قبل لا يبرد العشا
نور:حسنا سوف ابدل ملابسي واتييك
زايد:شو لابسه؟
نور:ماذا تريد انت؟
زايد:اذا كنتي لابسه الفستان لاتبدلين وانزلي
نور:حسنا
وقفت نور وطالعت نفسها في لمرايه :لا اعرف مالذي يريده هذا الرجل يقتلني ويرغمني على العيش رغما عني
عدلت شويه من شكلها ونزلت وكانت خدودها محمره اشويه من اثر الصياح
.............................................

في الباص الي كان ناقل فهد واليازي عند احد المحطات انترس الباص بناس وااايد ونص الركاب كانو واقفين
تفاجئ فهد باليازي توقف وتقعد حرمه عيوز مكانها
فهد:جان قلتيليه انا بوقف
اليازي:لا ماعليه اهيه قريبه من كرسيه
ابتسملها:فديت انا الشهامه
اليازي بحركه دلع:شفت؟
فهد:تعالي اقعدي على ريوليه الطريق طويل ولا تبينيه اوقف بدالج وكل هالحليوات عداليه
اليازي:وااالله تم انا بتم واقفه
فهد:ان ماقعدتي على ريوليه بوقف بدالج
ابتسمت وهو ايرها ويقعدها على ريوله وطبعا كان لازم تقعد وظهرها ناحيته
ابتسم وحط راسه على ظهرها غمضت اليازي من شعور انتابها وتمنت انه مايحرك راسه لاكنه كان يحس برعشة ظهرها وبدا ايحرك خشمه عليه ورجفاتها تزيد وتنتقل له
مدت يدها ودزت صدره عنها
ابتسم وعاندها وطبع قبله على ظهرها وكانت مثل اللسعه الكهربائيه خلتها ترتجف
اليازي:وقح بس عاااده
ضمها بقو له واحساسه ايقول ان مافيه صبر يصبر على الباص ايمر ابهم كل هذيج المحطات
فهد بصوت بدا يتغير:يزوووي خلينا ننزل وناخذ تكسي شكلنا بنطول في الباص
وعلى طول وقفت وهيه ترتجف اول ماوقف الباص ونزلت معاه وهم شالين الاغراض كان ملاحظ خجلها وصدها بنظرها عنه في اي مكان
عدا معاها الشارع رايحين للجهه الثانيه عشان يركبون التكسي الي كان واقف ينتظرهم بعد ما اشار له فهد
دخل فهد الاغراض وتوه بيقول الها تركب تفاجئ ابها تصرخ


..........................................

كان يسمع صوت نعلها وهيه تنزل وصوته يقترب من مكانه تم واقف مجابل الحديقه ورغما عنه ايحس بالتوتر بدا ايزيد فيه وقف صوت نعلها وتم واقف ينتظر منها اي صوت لاكنها تمت واقفه مبهوره بالاجواء الي في المكان الي اهو فيه
وعلى مهله التفت الها وانصدم بالشكل الي ابد ما خطر على باله وتم ايطالعها ويريد يتاكد هل هيه نور ام وحده من الاميرات طلعتله من اللوح اهيه نزلت راسها وبنظرات حزينه تمت اتفرفرها تحت على الارض وترفعها ثواني له وترجع اطالع تحت ...دقايق مرت وهم على هالحال
حتى اهيه انفتنت بمظهره ولمحت نظره غريبه على ويهه نظره اقرب ماتكون نظرة حزن
زايد:نووور
رفعت راسها له
زايد:تعااالي
قربت امنه ووقفت مجابلتنه عيونه تمت تمسحها مسح لين ما وقفت على نحرها والفستان ما قصر كان بارز مفاتنها
حست نور بالاحراج اول ما درت ان نظراته مركزه على مقدمة فستانها وبد الاحمرار يكتسحها
مد زايد يده عند نهاية رقبتها وتم ايحرك مفاصل يده على نحرها
زايد:نسيت اخذلج شي تلبسينه عشان ايزين حلجج
دقات قلبها بدت اتزيد وصدرها تم يعلو وينزل والاحمرار زااااااد
ارتبك وتخربط ومد يده ليدها وسحبها معاه
زايد:تعالي نتعشى
سحبت نفس وهيه تتبعه
من قعد على كرسيه تم ايطالع تحت متجنب انه يرفع نظره الها وبدا يتعشى
اما اهيه تمت تاكل باطراف اصابعها القليل القليل
بعدها بربع ساعه رفع راسه
زايد:خلصتي؟
نور:الحمد لله
زايد:ما كلتي شي
نور:لقد اكتفيت...لما كل هذا الطعام لو ان اليازيه والفهد معنا لكان الطعام ايضا كثير
زايد:ماخليتهم ايون معانا عشان تاخذين راحتج
هزت راسها وهيه مستغنيه عن هالراحه الي يريدها الها
بعدها قامو وقعدو على الطاوله الثانيه والي كانت كراسيها عباره عن كنب كبير وكرسين صغار
نور:اتريدني ان احضر لك شيا تشربه؟
زايد:لااا
سكتت وتمت اطالع تحت ورفع نظره الها وتم يتاملها واول ما رفعت نظرها له وشافته يتاملها ابتسمت له رجع وابتسم غصبا عنه
زايد:حيرتينيه يا نور
نور:ليس اكثر من حيرتي بك
زايد:شو الي محيرنج فيه؟
نور ونظراتها كانت عذاب وهيه اطالع في كل مكان:لا اعرف
زايد:تميتي اتصيحين وايد؟
رفعت نظرها له وهزت راسها بنعم
زايد:نووور انا ادري انيه يوم برجع لحياتيه في لبلاد وبندمج فيها برجع لزايد الي تحيدينه هذي مشكلتيه يوم اسافر وابتعد عن هذاك المحيط احس نفسيه انسان غييير ومن ارجع ارجع لطبعيه الاولي ما اريد اوهمج بحياه وتنصدمين عقب بحياه ثانيه
نوربنظرات توسل:لا تهمني تلك الحياه افعل بي هناك مايحلو لك ولاكنني الان هنا وانا زوجتك اريد ان اعيش كل لحضه بلحضه ولن الؤمك على اي فعل تفعله بي
زايد تم ايطالعها ويحس انها فتحتله باب ما طرا على باله ...مد الها يده يطلبها اتقوم وتقرب امنه وخلاها تقعد على ريوله مجابلتنه
زايد وعيونه تفترسها:تراج انتي الي بتجنين على نفسج
نور بنظرة خجل:لا يهمني
مد يده للمساكه الي رافعه شعرها وحررها ودخل ايديه في شعرها وهو يطالعها حس بقلبه من كثر دقاته بيطلع امنه وهيه تبادله نظرات ذبااااحه مثل مايقولون
زايد وهو ذاااايب على الاخر:يا نور ترانا بدينا نلعب بالنار
نور:الست زوجتك؟
زايد في محاوله ان يتم الوضع على ماهو عليه:بس انا ماريد هذا يصييير
كان يمسك شعرها ويفتحه وينقل الها توتره
نور:تبا لك
دفن ويهها في صدره بقو ومازالت ايديه تشد وترخي شعرها احساسه وصله انه على حافة الجنووون
زايد:وبعديييييييين يا نور مع هالحااااال ليش اتسويبيه جذيه انتي مافهمتي انا شو قلتلج؟
هزت راسها بلا في صدره وعقبها رفعت راسها وتمت اطالعه وتمت اعيونه في عيونها
نور:الن تقبلني؟
شد شعرها بقو ودفن ويهها في رقبته وهو يضمها بقو
زايد:مينوووونه تدرين شو عقبها بيصير؟
بدت دموعها تنزل وشد شعرها بقو وخلا ويهها مجابل ويهه وهو يحاول يتسلح ويبتعد عن هذي الحافه
زايد:لا تلعبين بالنار معايه...احذرج تراج ماتعرفينيه لين الحين زين.....عادي عندج باجر يوم بنرد انيه ادوسج بريوليه هاااه عادي
نور:انته تؤلمني
زايد وهو يرخي شده لشعرها ويصرخ عليها:وبتتالمين وايد يا نوور خليج في السعه عنيه
انفجرت اتصييح في حضنه وهو يلمها بقو له
خلاااص حطمها حالتها حاله وهيه تحاول تسحب نفسها من ايديه الي كانت محاوطه ابها وماتريد تتركها
نور:حسنا زيد قد ارقت من ماء وجهي بما فيه الكفايه من اجلك...انته لا تستحق ذالك...اتركني لا اريد شيا منك
وبصعوبه قدرت تبعد ايديه وتوقف وهيه تنتفض
نور:تصبح على خير
التفتت عنه وراحت وحس ان روحه راحة معاها
بعده صدى صوت دقات قلبه موجوده تم ماسك حافة الكرسي بقو عن لا يتهور ويلحقها


.......................................
 

دلع بنوتة

๑ . . عضو مخضرم . . ๑
التسجيل
3 ديسمبر 2007
رقم العضوية
8117
المشاركات
6,155
مستوى التفاعل
391
العمر
28
الجنس
دخل فهد الاغراض وتوه بيقول الها تركب تفاجئ ابها تصرخ
اليازي:الدبدووووب وينه طاح منيه
والتفتت بسرعه وشافته على الناحيه الثانيه بدون تفكير ركضت للدبدوب وما اعطت حد مجال السيارات كانت في سرعتها الغير متوقعه ان في حد مينووون بيقتحمها
بيييييييييب بييييييييييب
التفت فهد مثل المينون ايدورها وكانت معديه الشارع ووقفت سياره جدامه بصوت قوي حاجبه عنه شو صار وراها وسيارات وااايد تمت توقف وحشرة ناااس شوو صااااار اندعمت اكييييييد مافي مجااااال للشك بصعوبه حرك ريوله وركض لمكان الحادث ما كان ايحس ان قلبه مكانه لاكنه شافها طايحه وتتحرك متالمه من الطيحه الي طاحتها قرب منها بسرعه
فهد:الياااازي اندعمتي
اعتدلت وتمت اطالعه:لاااا بس طحت
وبدون احساس وهو فاقد الاحساس عطاها كـــــــــــــــــف على ويهها
فهد بصراخ:مينووونه انتي راكضه في نص الشارع ماتشوفين السيارااااات
كانت اليازي منصدمه من الكف اكثر من طيحتها على الارض والحال الي اهيه فيه حطت يدها على خدها وصرخت
اليازي:يا حقيييييييير ليش تضربنيه؟
فهد:جـــــــــــب بضربج وبكسر راسج بعد.....وهذي اللعبه الي رابعه الها انا برويج فيها
مسك فهد الدبدوب الي كان قريب منهم وفصل راسه من جسمه وحذفه بعيد
اليازي:اكـــــــــــــــرهك اكرهك ما احبك انا مش لعبه عندك تضربنيه على كيفك
فهد:جب اقولج وياله قومي معايه
وقف وسحبها قوي ايريد ايوقفها
اليازي:اااااي ريليه شوي شوي ريليه تعورنيه
هزها بقو:شبلااااها ريلج بعد
اليازي وهيه تفقد السيطره انها توقف:ماااادري ماااادري ما احس فيهااااا
السواق قرب امنه وقاله انه داس على شي فيها ويمكن اتكون ريلها بعد ما طاحت
التفت الها :دااااس ريلج؟!!!!؟
اليازي وهيه اطيح مره ثانيه:ماااادري اااااي
نزل بسرعه وشلها وركض للتكسي الي كان واقف
مددها وركب عدالها وهو يلعن ويشعن منقهر من تهورها
اليازي:اااااي انا ما احبك ليش تضربنيه
فهد وهو يضربها مره ثانيه:انطمي اقولج
حطت ايديها على ويهها وتمت تنتحب بالصياح والتفت للتكسي ايوديهم على اقرب مستشفي

...........................

مثل الاسد الي يزار كان رايح رااد لين ماقرر انه يلحقها وعند باب غرفتها فتح الباب بشويش وشاف الفستان مخلوع عند طرف السرير
ودخل اكثر للغرفه وتم يمسح بنظره الغرفه لين شافها في الزاويه ساجده على سجادتها بلباس ابيض كامل
سند راسه على حافة الباب تعبااااان خلاااص...مشالله عليج يا نور قويه وبتضلينطول عمرج قويه وانتي تستمدين قوتج من رب العالمين
بعدها سكر الباب وراح لغرفته


كسر بسيط كان عند اليازي في ريلها لفو الها ريلها وجبسوها واعطوها ابرة مهديه ورقدت وفهد قاعد على الكرسي عدالها ويتاملها
ويحاول ايرجع روحه الي طلعت امنه وهو يتخيل انها اندعمت لا محاله


.................................................. .........
من صباح الله خير وبينما كان خليفه قاعد يفطر دخلت عليه اميره التفت الها وتفاجئ
خليفه:اميره؟؟!!!ّ
اميره:بليييييز خليفه بلييييز لا تخلينيه مصخره عندك وعندها
وقف خليفه:شو السالفه؟
قعدت اميره وتمت اتصيييح
قرب منها وقعد عدالها:اميره شو صاير؟
اميره:ليش اتسوي فيه جذيه؟
خليفه:شو سويييت؟
اميره:انته وين بايت البارحه
خليفه:اهنيه طبعا
اميره:اهنيه وييين؟
خليفه:انتي شو سالفتج؟
اميره:انته تضحك عليه يا خليفه
خليفه:لحووووووه شو عندج؟
اميره:انته البارحه كنت بايت معاها
خليفه بنظرات استنكار:منيه هذي؟
اميره:اهيه الي اونك حاطنها حق لعيال بس
وقف خليفه وصبره نفد:على كيفج انتي تالفين قاعده متى بتفهمين قلتلج خلاااص ماشي بينيه وبينها
ولو سمحتي انا لاعت جبديه من السالفه هذي متى يعني بتصدقين اذا بتمين دايما شاكه فيه بتتعبين وايد
اميره:بتفهمنيه عيل ليش اهيه ردت عليه البارحه الساعه وحده ونص من تيلفونك
خليفه:شو هالينان يا اميره شو بيودي تيلفونيه عندها
اميره:لا عاااده ان ما قالتلك انها ردت عليه انا بقولك انا ماينيت عشان تجذببيه انا متاكده انها ردت عليه وهيه نعسانه وحتى تخربطت يوم عرفتنيه
خليفه:لاااا يا اميره الكلام هذا مايدخل المخ هذوه تيلفونيه عنديه ما فارقنيه من البارحه
اميره:عيل اهيه كانت عندك
خليفه:انتي ينيتي؟
اميره:لا ماينيت انا متاكده ميه بالميه
طلعت نوره من قسم الضيوف ومرت من عدالهم
اميره وهيه تمشي ناحيتها:تعالي انتي ...انتي ما رديتي عليه البارحه من تيلفون خليفه
تمت نوره اطالعها بنظرات استخفاف وما ردت عليها
اميره:تكلمي انتو قاعدين تضحكون عليه
لفت عنها نوره وكملت طريقها بصراحه حزنتها والاخ شكله نسى انه ناسي تيلفونه البارحه في غرفتها ومن غبشه راحت وحطت التيلفون عداله على الكومدينو بدون ما يحس...اول مره ادري انيه شريره جذيه
خليفه:خلاص يا اميره خلاااص
اميره:لا مش خلاااص انا الحين متاكده ميه بالميه بخيانتك
خليفه:لااااا انتي بصراحه مخج ظارب خلاااص
شل سفرته وقام متوجه رايح برا

اميره بصراخ:هيييه هذا الي انتو تبونه تبانيه انسحب من حياتك عشانها وتقول في الاخير انيه انا باختياريه تركتك
حس خليفه بحزن عليها معقوله الغيره جيه اتسوي ماتنلام اذا بتغار من نوره رجع وقعد عدالها وهيه اتصييح
خليفه:يا اميره واللــــــــــــــــــــــــــه العظيم ان كل الي تفكرين فيه ما صار انا بايت بروحيه في غرفتيه وتيلفونيه بايت عدالــــــ......سكت خليفه وهو يتذكر انه قبل لا يرقد كان ايدور تيلفونه لاكنه الصبح حصله عداله ونسى سالفة انه مالقاه فليل
خليفه:اميره خلاص فديتج انا اسف اظاهر انيه نسيت انيه كنت ناسي تيلفونيه تحت لاكن والله العظيم وبحلفلج لين باجر ان مافي بينيه وبينها شي
اميره:خلنا نتزوج بسرعه عيل
خليفه ورحم حالها:ماعليه زايد هالايام بيرد ومن عقب بنحدد موعد العرس
ابتسمت اميره:صدق خليفه
خليفه وهو يوقف:اكيد حياتي بس اسمحيليه انا مستعيل بروح عنديه موعد مهم
اميره:خلاااص اتوكل
قام خليفه وهو محتر من نوره الي شكلها تحاول تقنع اميره بوضع غير وضعهم بس شو مقصدها من هذا كله وهيه ماتعطيه ويه
دخلت اميره المطبخ وشافت نوره الي كانت تتريق وتاكل سندويج
اميره:ياشييين العرب الي يحاولون ايخربون العلاقه بس موووتي حره خليفه اليه وقريب بنتزوج وساعتها بتعرفين عمرج زين
تنهدت نوره بصوت عالي وهيه تبتسم وتحاول تكبت ضحكتها
تنرفزت اميره والتفتت وطلعت
وزمت نوره شفايفها معصبه

.................................................. ..............
في اليوم الثاني نزلت نور وهيه شاله شنطتها بعد مايتها رساله من زايد تستعجلها عشان السياره وصلت طول الطريق كانو في صمت لين وصلو وطبعا فهد خبر زايد عن الي صار لليازي وهذا الي خلا زايد يحرك من وقت

قرب فهد من اليازي الي كانت قاعده في فراشها وهيه تتذكر الي صار الها البارحه
كان ماسك صنيه فيها عصير وسندويجات وماي..حط الصنيه جدامها وتفاجئ ابها تبعد الصنيه عنها وهيه تفرها على الارض كانت ردة فعله انه رفع يده ناوي يضربها لاكن يده وقفت في الجو
فهد:لييييش اتسويييين جذيه قولي ما اريد وبس
التفتت عنه للجهه الثانيه
فهد:لاحول ولا قوة الا بالله
دخل زايد ووراه نور وتفاجئو بفهد وهو يلم الي عقته اليازي على الارض
زايد:خييير شو صاير
فهد:ابدا المدام ماعجبها الريوق
تم زايد ايطالع الاكل المتناثر على الارض وشاف نور تنزل وتطلب من فهد انها اهيه تلمه
نور:يبدو ان هناك جينات وراثيه تجمعها بابن عمتها
ابتسم زايد لانها تقصده اهو التفت لليازي
زايد:علوووم يزوووي
اليازي:الناس اتقووول الحمدلله على السلامه اي علوووم هذي الي تباها
ضحك زايد بصوت عالي:ههههههه يا حليلج ياليازي والله انج دواه فهود
التفت له فهد:نعم شو قلت
اليازي:خله ايطلقنيه
التفت الها فهد متفاجئ من الي تطلبه وعلت ضحكت زايد
زايد:انتو شوووه يهاااال بعدكم اي طلاق هذا الي تبينه لعبه الدنيا
اليازي:انا ما اريده وما احبه ...انا اصلا مجبوره عليه
التفت زايد لفهد متفاجئ بكلام اليازي:انته شو مسوبها
اليازي:يضربنيه انا مستحيل اعيش معاه في يوم من الايام والبارحه ماقصر معايه ضربنيه
بنظرات معصبه تم زايد ايطالع فهد:شو هالاكلام يا فهد
قام فهد وهو يحاول يكبت غيضه ومايريد الامور تتطور اكثر من جذيه:انا زوجها وحر اسوي الي اريده ومتى ما احتاج الامر للظرب بتنظرب
اليازي:يا سلااام عشانيه يتيمه ومحد اليه متفرص فيه انا ما سويت شي غلط
فهد:انتي بتنجبين ولا شوووه
زايد بغيظ:فهـــــــــــــــــــد احترم نفسك هذي بنت عمك
وقفت نور وتكلمت وهيه ماتريد تتكلم لاكنها غصبا عنها تكلمت:اجل ايها الفهد ابنة عمك ومن اب وام عربيان لا تختلف عنك بعرق فالتكرمها فانت كل ما تبقا لديها
التفتت عنهم وطلعت وكانت كلماتها مثل السجاجين الحاده الي ظربت في صدر زايد قام على طول ولحقها
في اخر الممر شافها واقفه وقرب منها
زايد:اظن ماكان له داعي الكلام الي قلتيه
نور:اعتذر لم اكن اريد الحديث ولاكن ...كانت فلتة لسان
التفت عنها ورد لفهد واتفق معاه عن موضوع السفر وقاله عن نيتهم بالعمره فهد قاله انه بيتم على حجزهم وبيرد مع اليازي للامارات لانها مابتقدر اتعمر وريلها مكسوره
زايد:عيل انا ونور بنغير حجزنا وبنروح العمره قبل
تمت نور عند اليازي بقية اليوم لين العصر ومن عقبها رجعو للشقه ورتبو اغراضهم وطلعو للمطار كلهم وكان حجز زايد ونور بعدهم بساعه على شركة طيران ثانيه

.....................................


في مطار هيثرو كان يمشي بطوله الفارع وهو بلبس كابتن الطياره وصديقه فيصل يلحقه تركي شاب سعودي مهاجر اهو وابوه لبريطانيا ومعاهم عمته وبنتها الصغيره الا ان العمه توفت من زمان وربى ابو تركي بنت اخته مثل بنته وكل طلباتها مجابه وهيه كثيرة التطلب وطلباتها دايما غريبه والي يسمعها ايقول مستحيل تتنفذ لاكن عند ابو تركي كل شي مجااااب
فيصل:تركي الله يهداك وش له السرعه ذي الطياره مهب طايره وانته كابتن الطياره
تركي:اسكت يا فيصل اسكت والله اني احس اني بنفجر قريب سوووها يا فيصل سوووها ولا عليهم مني
فيصل:من هم ياتركي
تركي:ابوي وبنت اخته الموقره زوير
فيصل:ايه هذي الي خلف ابوك اسمها على واحد من المحلات العالميه
تركي:شفت تراها مصدقه حالها ومقنعه الكل ان كل هالمحلات مكتوبه باسمها
ضحك فيصل:ايييه وش الي غايضك عليهم المره ذي
التفت تركي لفيصل والغيض طالع من عيونه
تركي:تخيل وش هو طلبها الخير
فيصل وهو يضحك ايموووت عليه وهو محرق منهم:وش هو طلبها
تركي:تقول ودها تكون مضيفه للطياره الي انا اسوقها...هذي مدري انجنت ولا وش صابها والمصيبه ان ابوي قال الها غااالي والطلب رخيص يحسبون شركات الطيران تحت امرهم
فيص:هههههه والله انه ايسويها ابو تركي
تركي:اجل ما سواها تخيل اتصل على شركة الطيران الي انا اشتغل عندهم وقال الهم كذا كذا كذا وانه مستعد يدفع لهم الي يبون وهم عاد من درو انه ابوي ما صدقو خبر طرشو له ملابس وحده من البنات وقالوله ابشر
فيصل استمر يضحك
تركي:انت بس فالح الا تضحك لااا وجايبه ابوي معها رازتنه في الطياره تدري اني ناوي ارميها من فوق في البحر الميت
فيصل:هههههههه تركي الله ياخذ شياطينك بس اسكت
توجهت نظرات تركي لبوه اليجاي في اتجاههم ووراه بنت اخته بلبس المضيفه وهيه متشققه من الوناسه
عض على شفايفه مقهور:هذا هم جو
فيصل:ههه اجل ارخصلي ودي الحق على طيارتي قبل لا يفصلوني والله الله اريد تقرير مفصل بالي راح يصير
قرب ابو تركي من تركي واختفت بنت اخته وراه متهربه من نظرات تركي لها تدري انه معصب وتمووووت في شي اسمه تعصيبه
ابو تركي:وين رحت يبا خليتنا وراك نتلفت
تركي:وين ودي يعني اروح الطياره مهم طايره قبل ماتركب فيها مضيفتنا المؤجله
ابو تركي وهو يسمع بنت اخته تتحنحن:ايه فديتها شفت يا تركي لبس المضيفه وشكثر حلو عليها والله ان مضيفات الطياره كلهن مايسون ظفرها
تركي وهو يطلع لبوه ورقه وقلم:اقول يبا وش رايك توقع انت وبنت اختك على ورقة التعهد ذي
ابو تركي:ورقة ايش يا ولدي
تركي:ذي يا يبا ورقة تعهد انكم تطلعولي وحنا راجعين بطلب انها تصير كابتن الطياره ذي فيها ارواااح يا يبا
ابو تركي وهو يضحك:ايييه كل شي يهووون لجل الزوري
ومشى ابو تركي مكمل طريقه وبنت اخته تتبعه ونظرات تقهر وجهتها لتركي

نفس الطياره الي ركبها زايد ونور كان تركي كابتنها ومعاه ابوه وبنت عمته
نور بعد ما قعدت:يا الاهي كم انا سعيده
ابتسم زايد
نوروقلبها يدق بشكل غريب:زيد انني حقا ممتنه لك لهذه العمره...هل اعتمرت من قبل زيد
زايد:قبل لا يموت ابويه بسنه طلعت معاه العمره من زمان
نور:كيف كان شعورك زيد حينها
زايد :مااادري ما اتذكر شعوريه في هذاك الوقت
نور:والان هل انته مشتاق لبيت الله
تم مبتسم وهو يطالع جدام...ليت العالم كلها اتحس باحساسج يا نور
زارا وخالها كانو في نفس الدرجه الي فيها زايد ونور وهذا طلب تركي انها ماتتحرك من مكانها لين اتكون الطياره في الجو ساعتها اتسوي الي تباه
التفتت ناحية المكان الي فيه زايد وتمت اطالعه وابتسمت بعد نصف ساعه التفتت لخالها
زارا :خالي ودي اروح امشي في الطياره
ابو تركي:خذي راحتج يالغلا
ابتسمت وقامت رايحه تعدل من هندامها نظرات اعجاب لحقتها اول ما مرت بين الكراسي وراحت تمشي لمؤخرة الطياره وكل ما مرت من جنب حد ابتسمو الها
وكثرت كلمة لوسمحتي يا اختي من بعض الشباب العرب الي عرفو انها عربيه من حجابها لحليو كانت تلبي طلبه والي مايعجبها تطنشه
والحين التفتت راجعه لمقدمة الطياره وين ما شافته اهناااك
تبادل معاها زايد الابتسامات وهو يلاحظ نظرات الاعجاب في عيونها كل ما مرت وبعد ما راحت
زايد:يا حليلها
نور:هل اعجبت بها كثيرا؟
زايد متفاجئ بنور كيف لمحته ايبادلها الابتسامه:هااه والله لبنيه مزيونه
نور بغيض مكتوم:لا تنسى انك ذاهب للعمره هيا جدد النيه واترك عنك افعال المراهقين
ضحك زايد بصوت عالي:اي افعااااال ههههههههه
التفت الها وهو يحس ان في شي اسمه غيره في صوتها
زايد:بالله عليج انتي ما شفتي انها انسانه مش طبيعيه وتخلي عقل الواحد صدق يفتر من زينها
التفتت نور للدريشه وهيه اتمتم :تبا لك
زايد:هااه جددي النيه انتي رايحه عمره عن السب
تركي وصلته علوم بنت عمته وطلب من المضيفه الي عنده اتروح اتناديها
قربت امنه وهو يسوق الطياره
التفت لصديقه الي معاه وطلب امنه يتركهم بروحهم وطلع صديقه مع المضيفه الثانيه
زارا:احم احم اي خدمه
ابتسم:ممكن كوب ماااي
طيب
قربت الكوب امنه
تركي :اسقيني
وهن مضيفاتك يسقنك الماي دوووم
مو بس يسقني كثير يسون لي
صبت شوي من الماي في يدها وقطرتهن على راسه عصب وقام ماسك يدها
وش الي قاعد تسوينه انجنيتي
الطياره انته تركت مقود الطياره
خليها تطيح يمكن اني افتك منك
تركي اترك عنك الجنان ذا وشف الطياره انت ودك نموووت
ياليييييت
التفت عنها ورجع لمقود الطياره معصب:انقلعي برا
زارا:هين يا تركي ان ما خليت خالي يخليني كابتن الطياره وحنا راجعين ماكون انا زويره
تركي:انقالعي
راحت عنه وهيه معصبه عليه وهو نفس الشي وهذا هو حالهم من يوم ما بدا خالها يدلعها ويسوي الها كل الي تريده وتركي رغم انه كبير وفاهم الا انه مييييت من الغيره منها وقاهرتنه طلباتها
 

اسيـرة الهم..

๑ . . عضو فعال . . ๑
التسجيل
25 أكتوبر 2011
رقم العضوية
14089
المشاركات
473
مستوى التفاعل
41
الجنس
الإقامة
في ارض الله الواســعه
السـلام علكيــم

صرآآحة للحين الرواية عيبتني وااايد

وتوني انتبـه للروايــة الحين

مع اني وصلــت متأخر ... ارجوووا منك تكملة اجزاء الرواية

ومتأسفة للازعاج

تقبلي مروري
 

دلع بنوتة

๑ . . عضو مخضرم . . ๑
التسجيل
3 ديسمبر 2007
رقم العضوية
8117
المشاركات
6,155
مستوى التفاعل
391
العمر
28
الجنس
الجزء التاسع والعشرون


نور وزايد بعد ما احرمو توجهو لمكه المكرمه وكان زايد طول الطريق يحس برجفتها وانها مش طبيعيه
همس الها:نووور شبلااج شي ايعورج
هزت له راسها بلااا
زايد:عيل شبلااج
نور:لا اعلم.....او انني لا اصدق ما يجري لي .....انا لا اصدق بانني ذاهبه الى بيت الله الحرام تارتا اشعر بانني اريد ان اضحك وتاره اريد ان ابكي لا اعلم زيد هناك مشاعرا كثيره تختلجني...الا ان قلبي يرقص طربا
ابتسم زايد وتم ايطالع جدام وين هالشعور عنه...انتي عجيبه يا نور
وكل ما قربو كانت اتحس ان قلبها بيطلع من مكانه وكل هالاحاسيس كان زايد ايحسبهن فيها من رجفة جسمها وقفزاتها اطالع من الدريشه امر غريب ايصير عندها حتى انه خاااف لا يصير الها شي
مد يده ومسك يدها الي كانت تنتفض وهوس عليها
زايد:اهدي يا نووور اهدي بلاااج جنا مودينج حبل المشنقه
نور:انه امر ا جلل يا زيد ان اكون قريبة من بيت الله ...هنا ولد رسول الله
وبدت دموعها تنزل بغزاره
نور:هنا كان الوحي ينزل....ماذا اقول او ماذا اقول زيد الامر ليس سهل لدي اشعر وكان روحي ستصعد الى السماء
زايد:لااااا انتي الحين اهنيه عدنا ما دخلنا الكعبه هذا حالج عيل وين يوم بندخل
نور:اسال الله العظيم ان لا تخرج روحي قبل ان اصل اليها
زايد وكلامها ابدا ما عجبه:انتي مينوووونه جان روحج بتطلع بتطلع بسببج
اهتزت فجئه اتصيييح
زايد:احسن صيحي ولا اتمين ماسكه انفاسج
نور:لا اعلم زيد مالذي يجري لي اقسم لك انا سعيده وهذه السعاده اشعر بها تقتلني
زايد:تعوذي من ابليس وياله استعدي بننزل انكمل مشي
ابتسمت:وهل ستستطيع قدماي ان تحملني
زايد:لا تقولين انج تبينيه اشلج
بحماس اول ما انفتح الباب ولفحهم الهوا
نور:الشووووق يا زيد الشوووق انه اشعر به هو من سيسيرني هيا استعجل
ابتسم زايد وهو ايشوف كيف ان حالها انجلب مره وحده
وانتفض قلبها مره ثانيه وهيه اتشوف مكه من الخارج
وكملو طريقهم وهو يحس بخطواتها تريد تسبقه
زايد:نور اتحسبتج بتكونين رزينه ...حق شووه لعيله هذي الكعبه مابتطير
نور وهيه تخف سيرها:حسنا
لا كنه ابتسم اول ما سمعها افلتت ضحكتها الي تحاول تكبتها معقوله فرحانه هالكثر والله ما عرفتلها من قبل اتصيييح من الفرحه والحين تضحك عيل شو بتسوي داخل
الحماس تحول له اول ما يو يدخلون وطلب منها اتعق نعولها وحطهن في الصندوق برا برودة الارض حستبها اتلامس اوتار قلبها الي كان ايرفرف من السعاده والفرحه كانت ماسكه في زايد بقو متحمسه يمشون اكثر داخل لاكن زايد وقف فجئه والتفت الها
نور:ماذا هناك
زايد وهو يمسك ايديها كل يد بيد وهيه وراه:غمضي عيونج وامشي ورايه
نور وقلبها يرجف:لما زيد
زايد:اسمعي انتي كلاميه
نور:اني في شوق لرؤيتها
زايد:ماعليه اصبري انتي بس عليه
تم ايمشيها وراه وهيه تحس بنفسها عروس تنساق لعريسها وقلبها اتزيد دقاته وتتراقص
اول شي مررها في التوسعه بعدها نزلها سلم صغير وهم يتوجهون للداخل كانت اتشوف تحت بعيونها وهو حاجب عنها الرؤيه ومتحمس اكثر منها لين حست ان المكان حولها باااارد شكل السما ظهرت فوق روسهم
زايد:نووور مستعده
لز عنها والتفت ايطالعها
رفعت راسها دقات قلبها اتزيييد وشافتها وحبست انفاسها بدت الدموووع تتجمع في عيونها وهيه تكبر
حتى زايد تحول له شعور غريب من وقوفه امام الكعبه المشرفه ماتخيل انه بيحس بهذا الشعور وهو يشوفها لف ايريد ايشوف نور وشافها على الارض ساجده خلاها شوي عقب قرب منها وقالها اتقوم عشان يبدون الطواف
كانت في عالم ثااااني ابد مش معاه بس تتبعه ولسانها ماوقف من الدعاء والاستغفار وعيونها ما وقفت من الدموع
زايد:نووور ياله خلصنا الطواف
نور:ابهذه السرعه زيد لاغ اريد الابتعاد عنها
زايد:نووور ورانا السعي عقب بردج ياي
وتوجهو عقب للصفا والمروة قبل لا يخلصون كانت نور تنتحب
زايد:شو فيييج
نور:اني تعبه تعبه
زايد:ايبلج كرسي
نور:لست تعبه من المشي ولاكن اني اتالم لحال تلك المراءه وهيه تسعى بين الصفا والمروء لم اكن اتخيل بان المسافه طويله هاكذا كيف كان حالها زيد
كيف كان حالها وهيه تسعى من الصفى الى المروء سبع مرار على امل ان تجد قطرة ماء لطفلها
زايد:انتي عن منووو تتكلمييين
نور:عن سيدتنا هاجر يا زيد ...اشعر بماساتها وكيف كانت تعاني في ذالك الزمان
زايد انصدم منها :بعدين يا نور بعدين خلينا انخلص الحين
وكملو سعيهم ونور حالتها حاله وهيه تستشعر حال سيدتنا هاجر الامر ما كان سهل وهيه تركض من الجبل هذا للجبل هذاك تبحث عن قطرة ما لرضيعها الي كان يبكي من بعد ماجف صدرها من الحليب كيف كان حالهم في مكان منقطع مافيه انس ولا طير يطير
كيف كان هذا البلا الي ابتلا به سيدنا ابراهيم وهو ان يترك ضناه وزوجته في هذا المكان المنقطع عن العالم ولاكن ما كان امنه الا ان ينفذ امر الله والله صعب على الواحد الحين ان يترك ابنه وزوجته في مكان متروس بالعالم فكيف كان هذا الابتلا لاكنه من ايمانه بالله وانه الله معاهم قدر انه يتركهم ويوكلهم امر الله كما انه دعا بدعا عظيم
وهو ان يجعل الله
اما سيدتنا هاجر الي تفاجئت به يتركها في هذا المكان بدون مايقوللها اي كلمه كانت تلحقه وتساله لمن يتركهم وليش يتركهم لاكن كان امر الله انه مايقول اي كلمه لين سالته بنفسها االله امرك بذالك حينها هز راسه لها فردت عليه وقالت اذا اذهب فان الله لن يضيعنا عشان جذيه ما كانت ياسه من رحمة الله وظلت تركض من راس جبل الصفا الى راس جبل المروء بدون ان تياس وهيه تنتظر الفرج من الله حتى تفجرت مياه زمزم من بين اصابع الرضيع حينها ركضت له وتمت اتحاوط الما بالرمل وهيه تقول زم زم عشان المايتجمع في مكان
عبرات وغصه كانت في صدر نور وهيه تتذكر قصة سيدتنا هاجر ودموعها ما وقفت وعرفت ان الانسان عشان يوصل لمبتغاه لازم يسعى وهو متوكل على الله انه معاه
بعد ما خلصو من السعي وخلصو كل شي التفت زايد على نور الي عوره قلبه عليها من كثر ما صاحت
زايد:لو ادري انج بتصيحين هالكثر جان مايبتج
نور اكتفت انها هزت راسها بدون ماتقدر اتجاوبه
زايد:انروح الفندق
نور هزت راسها رافضه
طبعا اثنا طوافهم وسعيهم صلو صلاة العصر والمغرب والحين كانو منتهين من صلاة العشا
نور :اريد ان ابقى
زايد:بنروح بنرتاح وباجر بنرجع لا تنسين باجر صلاة الجمعه
نور باصرار تمت اتهز راسها:اريد البقا اذهب ان كنت تريد انني هنا في مائمن
زايد:ياله عيل خلينا انروح داخل في الصحن
ابتسمت ومشت معاه وهناك نست نور نفسها وهيه متوجه لله بالصلاه والدعاء قعد زايد يقرا اول شي بعدها التفت الها وانها ابد مش عنده تثاوب وماعرف شو يسوي قاوم قاوم لين ما حس انه مش قادر سحب سياده كانت مفروشه قريب امنه وحطها تحت راسه ورقدبعد ساعات فتح عيونه واعتدل التفتت له نور الي كانت قاعد وابتسمت له
زايد:اوف كم الساعه؟
نور :لم يتبقا عن صلاة الفجر الا القليل
تم يمسد رقبته وعيونه اتجول في المكان الجو كان رهيب وبااارد وناس قليله الموجوده
زايد:ماتبين ترقدين ماتعبتي
ابتسمت:من ماذا تريدني ان اتعب انته لا تعلم بما يخالجني....لو تعلم يا زيد كيف ان قلبي يرقص من السعاده لما قلت هذا
اعتدل وهو مبتسم:كم ركعه صليتي وحق منووو دعيتي وبشووو دعيتي
ابتسمت ونزلت راسها تحت
نور:قد صليت ما كتب لي الله ان اصلي وقد دعوت الله كثيرا بان يرضى عني...تمت ساكته شوي عقب قالت
نور:زيد انا لم ادعو الله بحاجة لي في هذه الدنيا قد عاهدت نفسي من قبل بانه عندما اوفق لزيارة بيته الحرام الا يكون دعائي بمطلب دنيوي وان يكون دعائي لطلب الاخره وان يغفر لوالدي
تم زايد ساكت ويطالعها عقبها التفت ناحية الكعبه وتم ايطالعها بعده بلبس الاحرام
نور :هل تشعر بالبرد؟
التفت الها وتم ايطالعها:لااا ليش؟
نور :ملابسك
زايد وهو ايشوف احرامه بابتسامه:لا معليه
نور:اتعلم زيد ماذا كنت افعل ايضا؟
زايد :شووو لا تقولين انج قمتي من مكانج
نور:لا لا ولاكن وانا انظر الى هذا المكان استحضرت كل تلك القصص التي سمعتها عن رسولنا واصحابه رضوان الله عليهم
اتتخيل يا زيد بان رسول الله كان يمشي هنا وربما جلس في مكاني هذا ياااااالاهي اشعر وكاننني اعوووود الى تلك الفترة الزمنيه التي كان يعيشها رسولنا الكريم هنا زيد حدثت قصة اصحاب الفيل وهنا كان رسول الله يدعو القبائل الى الاسلام
وبنبره حزينه قالت:وهنا زيد كذب اصحاب قريش به وهنا زيد كان جهد الدعوه
ضحكت فجئه وثبت عيونه فيها ايطالعها مبتسم ومستغرب
نووور:ههه اتدري زيد عندما امر رسول الله صحابته بالهجره كانت الهجره في الخفا بسبب مايلاقيه اصحابه من تعذيب
من قريش ولاااكن اتدري ماذا فعل سيدنا عمر بن الخطاب هههههه كان الحدث هذا هنا ياالاااااهي لقد جاء ووقف بين كفار قريش وصرخ بهم وقال من يرد زوجته ان تترمل وان ييتم ابناءه فليلحق بي كان قد نوا على الهجره فذهب ولم تستطع قريش ان تفعل له شيا كان قوي لا يخشى في الله لومة لائم رضووووان الله عليه...قد اطلق عليه رسول الله اسم الفاروق
تمت نور تتكلم وتتكلم وتقص له حكايات كانها اتشوفها اتصير جدام عينها لانها كلها صارت في هذا المكان ايد تم ساكت ايطالعها ويحس بمتعه من كلامها معقوله هذي القصص صارت وهو خبر حير مايدري عنها او ما يتذكر انه سمعها في يوم من الايام
نور:اترا يا زيد كم عانا صحابة رسول الله وكم كانو يفدونه بارواحهم اين نحن منهم ازروووه ووقفو معه وفدووه بارواحهم واموالهم انني في عجب من اؤلائك الذين يسبون اصحاب الرسول وقد بشرهم رسول الله بالجنه
زايد:الله يهدي الجميع...نووور انا بروح اتوضى بتروحييين
هزت راسها بلا
زايد:خليييج اهنيه لا تتحركين
هزت راسها بانزين وتم ايطالعها شوي وعقب راح
اذن الاذان وتوافدو ناااس وايد للصلاه وطلبو من نور تغير مكانها لان المكان الي اهيه فيه مكان للرجال وغيرت وجهتها للمكان المخصص للنسا
عقب ما رجع زايد حس ان كل شي تغير وييين نور تم ايدورها لاكن مافي فايده وبدت الصلاه وعقب ما خلصو انتظر المكان يخلو لاكن كانت في حمله توها واصله وكانت جماعه كبيره تم ايلف ويدور لييين ما ياس انه يحصلها
زايد"وووين راااحت تيلفونها بعد ببطاقة لندن كيف بكلمها الحين
تم زايد واقف ينتظر يمكن اتمر اتدوره اهنيه لاكن مافي فايده...ضاااااعت...لالالا الفكره ماعجبته بيلقاها اكيد بيلقاها يمكن رقدت
كانت نور في هذا الوقت وبعد ماتعبت وهيه اتدور زايد في مكان داخل التوسعه رايحه تجدد وضوءها ومرت في مكان تمت واقفه متعجبه من المنظر الي شافته
مساحه كبيره خاليه نايم في اطرافها ريايل وااايد في كل مكان مشكلين دائره كبيره وهم كل واحد راقد عدال الثاني الي بالطول والي بالعرض والي لام ريوله لصدره ناس ميته وفي سااابع نومه والي استغربت امنه اكثر ان في حرمه مالها خص بالناس الي حوليها حطه تحت راسها شنطه قماش وراقده في سابع نومه معقوله هالمنظر حرمه راقده وحوليها المئات من الرجال
نور بابتسامه"اللهم لك الحمد والشكر ...انه بيت الله فالينعم الجميع بالامااان والطمئنينه
اكيد ان الحرمه ماتدري بحالها راقده بين الريايل الي كانت بينها وبينهم مسافه طويله لاكنها في الاخير بينهم لو كان هذا المنظر في مكان ثاني مستحيل هالحرمه بتحصل الراحه في نومها وريايل قريبين منها اصلا هم مابيقدرون يرقدون وجدامهم حرمه راقده
سبحااااان الله
رجعت نور وهيه مبتسمه وشافته قاعد يصلي شكله ايصلي الضحى قعدت قريب امنه واول ما خلص التفت الها وابتسمت له سحب نفس راحه
زايد:ياله نرجع
نور:اريد البقاء
زايد:يا نور انتي مارقدتي من البارحه
نور:لا اشعر بانني اريد النوم
زايد:خلينا نرجع وارتاحي لننا بنصلي الظهر وبنمشي المدينه
اتسعت عيونها :حقا اسنذهب الى المدينة المنوره
زايد:هيه ترا باجر حجزنا العصر للرده
نور:الن نبقى؟
زايد:اتصلو ابيه وشكلهم مرتبين لرجعتيه قالوليه ارد اليوم لاكن انا قلت باجر ان شالله
نور وهيه تلتفت للكعبه:اذا لن اعود معك سابقى حتى تحين الصلاااه
زايد:وانا وين اروح واخليج اليوم صلاة الجمعه وناس وايد بتي ما بحصلج بسهوله
تمت اطالعه بنظرات حزينه
زايد:خلاص خلااص تمي
نور بابتسامه:وانت
زايد:وانا بتم بعد امرنا لله
التفتت عنه مبتسمه وقامت اتصلي صلاة الضحى سحب نفس ومسك القران الصغير الي عنده وبدا يقرا ومر الوقت وهم مايحسون بمروره لين ما سمعو خطبة الجمعه الي ما قصرت نور فيها بالصياح وبعدها صلو وراحو للفندق بدلو ملابسهم وطلعو للباص الي كانو حاجزين فيه
وبدت رحلة عذاب ثانيه لنور
كل ما مشو مسافه رفعت راسها اتشوف اذا وصلو او لا وشكل الطريق بعده طويل ومر وقت طويل ورفعت راسها يمكن اتشوف شي يوحي الهم انهم قريب يوصلون لاكن بعد شكل الطريق طويل
بدا قلبها ايعورها وكل ما طال ابهم الطريق كل ما زاااد الويع ليييين ما حست انها ما تقدر تستحمل
شهقت مره وحده والتفتو الها وقرب زايد راسه منها
زايد:نوووور
تمت تكبت صيحتها
زايد:شبلاااج
نور:لا شي الم نقترب من المدينه
زايد:لااا بعدنا الطريق طويل جدامنا يبالنا بعد...................انتي شبلاااااج؟
تمت دموعها اتصب وهيه تحط يدها على ثمها
نور:لم اكن اتخيل هذه المسافه زييييييييد المسااااااافه طويييييييييله جدا
لفها بيده وهو يفكر انها يمكن تعبانه لانها مارقدت
زايد:تعبانه يا نور من الطريق ارقدي اذا تبين حطي راسج على جتفيه وارقدي
تمت تهتز وهيه تصييييح ما يدري انها مش معاه من ركبت كل تفكيرها ومشاعرها كانت في الهجره الي هاجروها اصحاب الرسول والرسول معقوله تحملو كل هالطريق الطويل الي ما خطر في يوم في بالها انه بهذا الطول يمكن ربع المسافه الي مشوها بس كانت تتخيل المسافه بين مكه والمدينه قلبها عورها وهيه تشوف الجبال الي صدق كانت اعجاز ان الواحد ايمر بينها معناه ان الطريق كان طوييييل طويل وايد عليهم اي مشقه عناها ارسول واصحابه صدق ان الهجره كانت صعبه واحنا ياغافل لك الله لييين اليوم ماندري وين الله حاطنا وماندري على اي طريق نمشي هل هو صحيح ام خطا وااايد مصدقين عمارنا وكان الجنه قاعده ترقبنا على غفلتنا
وتمسكنا بهذي الدنيا الحين انا بسال نفسيه وبسال كل نفس احنا شو قدمنا جد جد شووو اهو العمل الي نرتجي به ندخل الجنه ونحصل به رضا الله هل هيه صلاتنا انا لين اليوم ما حصلت لذة الصلاه ولا احس انيه
اصلي صلاه مقبوله يتقبلها الله اذا انا من ادخلها لين اخلصها وفكريه منشغل بمليوووون حاجه وينها عيل الصلاه عفوك ياربي او شوووه من الاعمال اي اعمال الله يخليكم الوقت ايمر ويركض واحنا انحس بالضجر والملل واندور اي حاجه نشغل ابها انفسنا تلفزون نت اغاني ولا احسن شي نتصل على فلانه انشوف شو علومها وياسااااتر من الحش والنميمه على فلانه بنت فلااان استغفر الله استغفر الله الله يذكرها بالخير احنا ما نقول شي من عندنا هذا شي صاااير فيها صدق
يا حليلها....خلصنا من التيلفون ما عندنا شغله خلونا انروح انشوف الخدامات شو مسويات اووووه انا اسمع ضحكتهن شاله الدنيا هذيلا وين يتحسبن عمارهن
في بيت ابوهن ويااااك المووووت يا تارك الصلاااه الي في ميلس الريايل سمع الصريخ والوقعه ويوووك خوان شما فازعيين خير شو صاير ...ماشي الخدامات قاعدات يتضاحكن
لحووووه حرام المسكينات يتضاحكن مش حرام الصوت الي وصل ميلس الريايل ياوييييلي على حسن الخلق وين بنحصله
اوووف ملل صح ما شي شغله يخرب ابو النت اهو ليش محطوط خلونا انروح وانعيش معااااه جو
البلاوي وايده مافينا فضايح
الله يعين بس وننتبه لحقيقة امرنا والله اننا ماخلقنا الا لامر عظيم والمشكله الي نعاني منها هيه طول الامل لااا بعدنا بنعيييش مده طويله الله يصلح حالنا فيها وفجئه اتى امر الله وانتهى الامر ساعتها ما ينفع الندم ولا به حد والنفس اتقول رب ارجعوووووون لعلي اعمل صالحا خلاص يابن ادم انتهى اجلك ولو ان الله يدري ان فيك خير جان طول بعمرك وعطاك فرصه
الله يرحمنا برحمته ويهدينا


.................................................. ....

تعبت نور واتعبها الطريق الي كانت تتخيل فيه كم كانت الهجره للرسول صعبه وزايد مش عارف شو فيهاخذتلها غفوه صغيره على كتفه وبعده قامت بعد ما وصلو توجهو للمسجد النبوي وصلو صلاة العصر والمغرب وتمو لين صلاة العشاء ورجعت الفرحه لقلب نور يوم مررها زايد على قبر الرسول وعمر وابو بكر وبعد ما صلو ركعتين الح عليها يرجعون للفندق الي حجزلهم واحد ريال اتعرف عليه زايد في الباص
اتسبح زايد وانسدح على السرير وبعد ما طلعت نور وكان شعرها مبلول قربت امنه وهيه مبتسمه ابتسم الها واشار الها تي وتقعد عداله
زايد:اخبااارج مستانسه
نور:لا تتخيل مدى سعادتي زيد انه انا من يجب ان يشكرك ...لقد حققت لي حلما لطالما تمنيته وانا لا اصدق بانني اعتمرت وانا الان في المدينه المنوره اشكرك زيد
ابتسم زايد الها ابتسامته هذي الي كانت اتخلي قلبها يرتجف بقو من داخل وشعورها بحبه زاد اضعاف الاضعاف عن قبل
نور:زيد انني مدينة لك بشكري...اطلب مني ماتريد
تم زايد ايطالعها ونظره راح لبعيد عقبها بشوي تكلم وكان جدي في كلامه
اعتدل في قعدته مجابلنها
زايد:اسمعينيه يا نور .....احنا باجر بنرد...وانا كل الي اطلبه منج انج ماتزعلين منيه لاننا يوم بنرد بيتغير وضعنا
ابتسمت وتمت اطالع تحت وهيه فاهمه عليه ايريدها تبتعد عن حياته يالله استحملها وايد وردلها جميلها بالعمره هذي وهيه ماشي جدامها غير انها ترضخ لكل الي يريده
نور وهيه توجه له نظره مرتبكه:كيف سيكون الحال بيننا؟
تم ايطالعها ورفع اكتافه:بــ...بنكون مثل لخواان عيال عم واخوان
يارب يارب كانت تدعو الله ان دمعتها ماتنزل واتم مبتسمه راضيه بالي يطلبه مايدري انه قاعد يطعنها الطعنات الاخيره
نور رفعت راسها ومازالت مبتسمه:حسنا زيد لك ماتريد ...ولن اعترض على اي شيا تريده
كل ماتطلبه مني ساكون به تحت السمع والطاعه
ابتسم الها وهو مش راضي عن ردها ما يدري ليش
زايد:اوكيه قومي ياله ارقدي لانج ما رقدتي من البارحه
هزت راسها بابتسامه وقامت رايحه للحمام توضت ورجعت اتصلي ركعتين وعقبها لفت سيادتها وكان زايد راقد وعيونه على المكان الي بتي وبترقد فيه الا انه عنده احساس انها يمكن ترقد على الكنب الموجود في الغرفه بندت نور الليتات وخلت ابجوره صغيره على رف بعيد عن السرير رفعت اللحاف عداله وشافته حاط يده مساندنها على جبينه وعيونه وهو بلبس الوزار والفانيله تمت تتامله شويه وتشوف تنفسه وحركة صدره انسدحت وحس بروحه شي ايصير فيها قربها عذاب بس لازم ايحسسها انها ماتهز فيه شي وان اقتراحه في محله لاكن المصيبه يوم حس ابها اتحط راسها على يده الممدوده عداله رفع يده الثانيه وتم ايطالعها
نور:ماذا بك ...لم نصل الى الديار بعد؟
وحطت راسها وغمضت عيونها وهيه تطوقه بيدها وتاخذلها رقده مريحه قريبه من دقات قلبه الي بدت اتزيد وتعلو لاكنه مصر انه يحسسها ان قربها مايعني له شي رجع على وضعيته القبليه وهو يرجع يده على جبينه وعيونه ويغمضهن
ابتسمت نور وهيه تدري انه يحاول يقنعها بهذا الشي يكفيها دقات قلبه الي كانت فاضحتنه ثوااااني وراحت في عااالم ثاني اول ما حس انها رقدت من تنفسها سحب نفسه بصعوبه وهو يقول الله يعينك يا زايد على هالليله

.................................................. ....

بالنسبه لليازي وفهد الجو كان بينهم متوتر واثنا رجعتهم في الطياره قعدت اليازي الي كانت تعكز على عكاز عدال حرمه بعد ما طلبت من ولدها الي كان عمره اثنعشر ايبدل معاها بالمكان وتم فهد كابت غيضه عليها وهو معصب عليها من قالت لزايد ايخليه ايطلقها
في بيت خليفه وقبل لا توصل طيارتهم بكم ساعه كانت اميره فوق في القسم الفوقي وقبل لا تنزل سمعت صوت نوره تحت تتكلم مع الخدامه على طول التفتت وفتحت ازرار قميصها ونزلت الشيله على جنب ومسكة عباتها وهيه تنكش شعرها شويه وحطت احمر خدود زياااده
نزلت بشكلها المتخربط والمستحي وسوت نفسها انها تفاجئت بنوره وتمت تعدل شعرها وتلم قميصها مفتشله نوره تمت اطالعها وهيه تفكر باسباب شكلها جذيه مرت اميره وهيه متوتره من عدالها والتفتت على الخدامه
اميره باحراج:اا ااا شفتي الدريول يا
الخدامه وافكار نوره تراودها بعد:برا ييجي
اميره:طيب شكرا
طلعت وهيه مستعيله وتعدل من شكلها قعدت نوره وهيه تحس بحزن يكتسحها على حالها "اظاهر انيه قاعده اضحك على عمريه بسالفة الانتقام هذي وشكلهم مادرو ابيه وهم عايشين جو فوق وقريب بتكون اهنيه وطول اليوم معاه
هزت راسها
نوره"لااااا انا لازم اسحب يديه منهم واتركهم في حالهم يصطفلون اهو من البدايه ماوعدنيه بشي انا الخبلا الي انجرفت وراه وهيه ما كانت الا غلطه مثل ما قال .....لازم مايكون تفكيريه الا بعيال اختيه وبس ويمكن هالمشاكل معاهم تيب اليه مصايب انا في غنى عنها بس انا احبه احبه رغم كل الي صار اعترف انيه احبه
خليفه كان ايطالعها وهو نازل وقرب منها رفعت نظرها له واستغرب نظرتها هذي
خليفه:في شي؟
هزت راسها بلا شكله بيطلع مر من عدالها لانه كان ايريد ايروح المطار يستقبل اليازي وفهد
نوره:خليييفه
قلبه دق يارووووح خليفه التفت الها
نوره تمت واقفه ومنزله راسها تحت:ممكن اتكلم معاك اشويه
اشويه بس اخذي العمر كله جانج تبين انا هقيت انج بتعطينيه ويه وبتكلمينيه
خليفه :شووو؟
نوره وهيه اطالعه:البيت الي برا متى بيخلص
خليفه انصدم:شوووه؟
نوره:انا ما اشوف العمال يشتغلون متى بيون وبيخلصووون الصراحه احنا مش مرتاحين في غرف الضيوف وووو وحتى اهنيه بعد مش مرتاحين وعشان بعد حرمتك ترتاح وتاخذ راحتها في ترتيب بيتها
تم ساكت ما يعرف شو يقولها لاكن كلامها ابدا ما عجبه ولا الفكره الي زرعها من زمان في راسها يازتله
بعد صمت طال:تبون اتردون فوق ردو
نوره التفتت له وتمت اطالعه:كيف انرد وحرمتك اترتب فوق
خليفه:ماعليه انتقلو لين ايخلص القسم الي برا
نوره:لا ماعلينا بننتظر في قسم الضيوف بس خلنا انشوف ان في حد يشتغل في القسم الخارجي
خليفه:ماعليه ايصير خيير انا بروح مستعيل
هزت راسها والتفت عنها وراح وتم طول الطريق متضايق العمال اصلا وقف شغلهم من قبل لا يروح وماطلب منهم ايردون ولا يريدهم ايردون مايتخيلهم بعيد عنه هم بس نزلو تحت ايشوفهم طول اليوم وحس انهم راحو عنه بعييييد وايد
وصل المطار واتوجه عشان يستقبل اليازي وفهد بعد ما طلب امنه ابو فهد انه ايروح يستقبلهم وكان بعد متوله على اليازي الي حس انه عرفها في السفر وايد وحس ان الحواجز الي كانت بينهم راحت وهم كل يوم يسهرون مع بعض ويسولفون ومرات ينكتون حتى اليازي ماكانت اتعرف عمها وايد كان بس سلام عادي بينهم اما الحين ماحست بنفسها وهيه ترتمي في احضانه اول ماشافته وتمت اتصيييح
خليفه وهو يلوي عليها ومنصدم من العكاز الي تعكز عليه
خليفه:يزوووووي شبلااااج شبلاها ريلج؟
اليازي:ماريييييده خله ايطلقنيه
التفت فهد الهم معصب شكلها بعدها مستضره
خليفه:شبلااااج شو صاااار
اليازي:فهد يا عميه يضربنيه يرضيييك انه يضربنيه عشانيه يتيمه وماليه حد كله مستقوي عليه
فهد"لحوووووه من هالاسطوانه
خليفه:ايخسي يضربج ومنو قال ان مالج حد والله مايمد يده عليج وراسيه ايشم الهوا
التفت لفهد وهو معصب:شووو يافهد مستقوي على لبنيه ليش انا حاطنك بداليه عشان تفردليه عضلاتك يا بطل
فهد:ما صار شي اهيه بس مكبره الموضوع
خليفه:وليييش ترفع يدك عليها
فهد بتوتر:غصبا عنيه ما حسيت بنفسيه
خليفه:لااااا ومتى بتحس بنفسك
فهد:كانت ردة فعل لانها ركضت في الشارع والسياير تمشي وهذا نتيجة تهورها طاحت ودعستها السياره على ريلها
اليازي:مالك حق تضربنيه انا هب ياهل
خليفه:لا حول ولا قوة الا بالله وانتي يا ماما شمربعنج في الشارع
سكتت اليازي وهيه تشوف عمها جلب عليها وتمت اتصييح لوا عليها خليفه وتم ايهديها
خليفه:خلاص فديتج اهو كان متروع عليج وغصبا عنه ضربج وهذي اخر مره ويا ويله ان رفع يده مره ثانيه
اليازي:ماريييد
خليفه:شو اهو الي ماتريدينه
اليازي:ماريد اروح معاه اريد اروح معاك
التفت الها فهد:بالمشمش يا ماما
غمز له خليفه:بس ما طلبتي وانا كم يزوي عنديه وان ماشليتج على راسيه اشلج في عيونيه
ابتسمت اليازي الي كانت اتحس ان عمها خليفه غيييير وحنوووون
تم فهد ساكت ومنقهر منها واشارله خليفه انه يسكت وما يتكلم ابد وصل فهد للبيت وتم فهد يتحرطم من بعد ما راحو
ابتسم خليفه في خاطره "ماعليه يا فهيدان والله انك تبطي ماتشوفها لين اتحب الدبس واتقول اسف حمار ادريبه مستحيل ايقول اسف ياسلاااام عليه ماجنيه عمه
ارسل خليفه رساله لنوره ايخبرها ان اليازي بتي عندهم وقالها وهو مستانس انها ماتحسس اليازي ان بينهم شي خخخخخخ عرفتو ليش قال بتبطي يا فهيدان
 
عودة
أعلى