هل يحق الأخ تفتيش هاتف أخته !!!!

[*فارسة الشارقة*]

بسم الله الرحمن الرحيم
السلام عليكم ورحمة الله وبركاته


اليوم حبيت اطرحلكم نقاش وان شاء الله يكون التفائل موجود

هل يحق الاخ تفتيش هاتف اخته؟

اكيد الكل يعلم انه في بعض الاخوان فيهم مثل ما نقول وسوسة او شك او فضول او لقافه بانه يفتش
تلفون اخته سواء بالرسايل او الارقام والمكالمات او أي شي ثاني واليكم احبتي اعضاء برزة الشحوح الكرام هذه الأسئلة ...
هل يحق الاخ تفتيش هاتف اخته؟
ماذا ستفعلني لو اكتشفتي ان اخاك يفعل هذا بصراحه ؟
هل نقول على من يفعل هذا الشي مريض او عدم الثقه ؟ او ماذا؟
للشباب:فالمستقبل هل ستفعل هذا مع زوجتك ؟
وهل تؤيد هذا الفعل ايها الشاب؟


للبنات: فالمستقبل هل تقبلين مثل هذا التصرف من زوجك؟
وماذا ستفعلين اذا يتصرف معك الزوج المستقبل مثل هذا التصرف؟
لكم ودي وتقديري لكم وانتظر رودودكم القيمة والجميلة

 

[*فارسة الشارقة*]

السلام عليكم ورحمة الله وبركاته


عن تجربتي في حياتي الزوجية والتي مضت منذ 17 سنة ,,, لم أرى راعي البيت أنه تتطاول في يوم من الأيام على هاتفي المتحرك أو مذاكرتي ,,, ولله الحمد ,,,


اترك القلم لكم يا أحبة ,,,

 

[نسيم البحر]

عيب

عيب

عيب

 

[ظبية_الإمارات]

تسلمين حبوبه على الطرح وأنا من وجهه نظري أشوف أنه عيب يشوف ويتجسس على تليفونات غيره سواء إخته أو أخوه لأنه لازم أولاً يثق بتربية رب البيت أما أذا ما يثق بتربية أهله هذا كلام ثاني ، وإذا شاف العيبه أو أنه في حد يخرب ممكن يخبر أمه أو أهله هذا أولا ً ولا حظت إنه أغلب اللي يتجسسون :ta'7: أنه هو يسوي نفس الشي لأنه أكيد يغازل ويتحسب أويوهم نفسه إنه إخته تغازل طبعاً كل يرى الناس بعين طبعه الطيب يشوف الناس طيبين أما الخبيث يشوف الناس خبثاء مثله ... والحمد لله ما عدنا مثل هاي النوعية من الأخوان ... wahh

 

[محمد عبيد زيد ا]

:3jeb:[align=center]بالصراحة عــــــــــــيــــــــــــــب الا اذا كان يشك في تربية اهله فقط يتجسس فهوا يعرف على ماذا شو يحصل ........؟ [/align]

 

[استراتيجية مفكر]

لا مب زين

ولايجوز

يمكن الاخ اللي يفتش موبايل اخته يشووف اخته تتكلم بالفوون واايد ولساعات طويله

وتعرفون الشباب شايفين حاليا الانفتاح والشك والريبه من اللي ينظرونها حولهم

 

[عايشة]

في بنات ما ينعطون الثقه
فلازم الواحد يراقبهم خصوصا يوم يرابعون ناس زبايل ..

اصلا

الريال سواء كان زوج او اخ ما بيفتش الا لو كان شاك او في شي خلاه يشك ..
ولو ما حصل شي ما بيفتش مره ثانيه ..

نقطه انتهى

 

[نظرة غرآم]

لآ طَبْعآ مِشْ مِنْ حَقَهْ

بَسْ الِلِيْ بَتَغْلَطْ ، تِسْتآهَلْ الِلِيْ اييهآ

بَسْ ايي مِنِيْ وَالطِريجْ يِفَتِشْ ، مِسْتَحييلْ

وَمآشِيْ أُخو بَيْسَوِيْ هَالْحَرَكآتْ مَعَ اخْتَهْ

إِلآ لِسَببينْ :/

1- يآ إِنَ شآكْ بِتَصَرِفآتْ اخْتَهْ ، اللهْ يِعِزْنآ جَميعآ
2- يآ إِنَ يِغْلَطْ وِيآ بَنآتْ النآسْ ، وَيِخآفْ عَلَى خَوآتَهْ تِسْتِوِيْ شَرآتْهُمْ

 

[فايز الظّهـوري‘]

فيه مثل يقول

ما في دخان من غير نار !!

انا عندي كم سؤال لأخواتي البنات هنا ومن خلال الاجوبه بتعرفين اذا اخوج له حق يفتّش التيلفون

شخصيتج شفافه ولا غامضه ؟

تجلسين مع اهلج فالبيت ام مندسّه بالغرفه ؟

يوم ترمسين بالفون يكون بصوت عادي ولا خفيف ؟

تعقّين فونج باي مكان ولا وايد حريصه عليه ؟

مسويه له باسوورد ام لا ؟



يعني البنت اللي تكون شخصيتها شفافه وواضحه ‘ هذي اخوها ماعتقد يشك فيها

لكن فيه نوعية من البنات للاسف ..
شخصياتهن غامضه ودايمن يندسّن في غرفهن مع تلفوناتهن
وتلاقيها مسويه باسوورد لفـونها ‘

وعلى فكرة كل هذا ويمكن تلاقيها المسكينه ماعندها شي ياغير انه طبعها جذه

ياغير ان هذا يثير الاستغراب ..

وبالنهايه تقول البنت اهلي ما يثقون فيني ..


نوووكومنت *_*

 

[ذوق ونظرتي فوق✿]

بسم الله الرحمن الرحيم
وعليكم السلام ورحمه الله وبركاته

أكيد لا
بس في ناس تحب نحط نفسها ضمن دائره الشك ويسمح لشكوكه تسيطر عليه

فمان الله