غلطآنه اللي تعشق اليوم رجآل !!

[همسة حنين]

غلطآنه اللي تعشق اليوم رجآل !!


اليوم لك ثاني مع راحة البال
وانا بعد همي له اليوم ثاني..


اليوم تاركني اناظر بالاطلال
صورة,, رساله ,,حلم ,,جرح واماني !

ليلي قضيته بين همٍ وغربال
واقول في نفسي حبيبي نساني!!

غنيت انا عقبك من الضيق موال
يومك تسمع للطرب والاغاني!!..

لي دمعةٍ من فوق الاوجان تختال
يومك تلاعب مترفات المباني..

وبي عبرة منها المخاليق تهتال
ياعبرتي لاتفضحيني عشاني! :

ياعبرتي خلي لك الصدر منزال
لاهوب بك داري ولاهوب عاني!!

مشغول له في ترفة حالها حال
:ماهوب فاضي لعبرتي او جناني!!

في يوم واحد نسته كل الامال!!
وش عاد لو يدري بشوق غشاني؟؟

ماهوب مثل اول هذاك الغلا زال!!
عزاه كيف الود زال بثواني؟؟؟؟؟؟

اربع سنينٍ طوال ياكيف تنزال؟؟
وتحط في قلبك فلانه مكاني؟؟!!..

ماكنت اظنك تجحد الود لا طال!
اثرك على طريف وتبيني اعاني!

قد قالوا ان البعد والصد قتال
وانا اشهد انه علة بالمحاني!!

يومي اشوفك لابس بشت وعقال!!!!
والشارب الاسود وزول سباني..

وعروستك من الحيا ترخي الشال:
( وترسل لها بسمه تزيد امتحاني

دمعي بلا علمي على وجنتي سال!!!!
اشتقت لك ليتك تحس بحناني..

ليتك تشوف الحال يامتلف الحال!!
بس التفت لي شوف شالله بلاني..

نصيتها تضحك لها لاهيٍ سال،،
واقول ياليته حبيبي نصاني!! :

(الله يادنيا التعاسه والاهوال،،
الله يستر وش يخبي زماني..

غلطانه اللي تعشق اليوم رجال:
(مهما حلف بالود يبقى اناني..

وقلب الرجل مابه من الحب مثقال!!
والبنت ترفه قلبها مايداني :

حاولت اعبر والقلم في يدي مال،،
من هول مابي انعقد بي لساني

 

[حدود الخيال]

السلام عليكم ورحمة الله وبركاته

ما شاء الله ..
روعَة ..
يسلم قلمج حبيبتي ..


اربع سنينٍ طوال ياكيف تنزال؟؟
وتحط في قلبك فلانه مكاني؟؟!!..

ماكنت اظنك تجحد الود لا طال!
اثرك على طريف وتبيني اعاني!

قد قالوا ان البعد والصد قتال
وانا اشهد انه علة بالمحاني!!

يومي اشوفك لابس بشت وعقال!!!!
والشارب الاسود وزول سباني..

وعروستك من الحيا ترخي الشال:
( وترسل لها بسمه تزيد امتحاني

 

[الطوفان]

السلام عليكم ورحمة الله وبركاته صح السانك اقبال الناموس

 

[انسانية]

ما شاء الله حلوه الكلامتج هع

 

[ابو ماضي]

روووعه مشكوره

 

[شحيه الوادي]

ماكنت اظنك تجحد الود لا طال!
اثرك على طريف وتبيني اعاني!

قد قالوا ان البعد والصد قتال
وانا اشهد انه علة بالمحاني!!

يومي اشوفك لابس بشت وعقال!!!!
والشارب الاسود وزول سباني..

وعروستك من الحيا ترخي الشال:
( وترسل لها بسمه تزيد امتحاني



صــــحْ لســـآآنجْ..كـــلمـآآآت قويــــه مليئه بالمشـآآعر المكنونــه
وتســلمْ أنــآآآملج على القصيده الجميله
ويعطــيجْ ألف عـآآفيه..دمتي بحفظ الرحمن^^