غنَاتْيـے
مُصورَه فُوتُوغرَافيه ♥
- التسجيل
- 1 أغسطس 2005
- رقم العضوية
- 3845
- المشاركات
- 14,841
- مستوى التفاعل
- 4,076
- الجنس
- الإقامة
- بــوظَبيـے . . *~
السَلامْ عَليكمْ ورَحمة الله وبَركاته . .
مسَاكمْ وصباحكمْ ورد أحمر يا أجمل أعضاء وعضوات :rose:
إشحالكمْ عساكم بخير . . ؟
هالموضوع بيكون بمثابة تعويض عن الأيام اللي طافن . .
وعشان نثبت لـ الإداره انه نحن قد الثقه ونستاهل التميز هذا الشهر oo:
قائمتنا بتكون منوعه وان شاءلله تنال على رضاكم . .
بسم الله نبدا timo
- قَائمة الطَعامْ [
- سلطة . .
- جيز كيك الشوكليت بالمكسرات . .
- كيكة قرص عقيلي بالنوتيلا . .
- سويت التمر . .
- نسكافيه . .
- قهوة المالتيزر . .
بنبدا بالشغل على حسب قائمة الطعامْ :gooddw:
- المقَاديرْ [
- علبة ذرة / عبلة حمص / علبة فاصوليا حمرا
دقوس / خردل / خل أبيض / روب / راس بصل وفص ثوم
سماق / فلفل أبيض / ملح / خس ( نسيت اصوره ) . .
- الطَريقة [
- نخلط مكونات السلطة واتخلص من كمية الماي الموجوده في العلبه خاصه الفاصوليا الحمرا اغسلوها عدل . .
اضيف لهم شوية ملح وفلفل واخليهم ع يمب . .
- ع النار اسخّن زيت زيتون واضيف كل المكونات الباقيه ما عدا الروب . . لين مايبدا البصل يذبل اضيف علبة الروب عليه . .
اخليه ع النار شوي لين يغلض السوس . . واضيفه ع السلطة واخلطها . .
الشكَل النهائي :
- المقَاديرْ [
- بسكوت شاهي / جلكسي بالمكسرات . .
- حليب بارد / قشطة / ليمونه . .
- كريم شانتي / جبن كيري . .
- الطَريقة [
- اطحن البسكوت واضيف له الزبدة . .
ادهن القالب بالزيت او الزبدة حسب اختياركم . . وابدا ارص البسكوت في قاع القالب . .
في المضرب الكهربائي :
- علبتين قشطة مغلفين كريم شانتيه . . بس حبيت انبّه ع نقطة ترى الكريم شانتيه مختلف تماماً عن الدريم ويب . .
وهو نفسه اللي حطيته في الصوره فوق . . ودائماً هو اللي يستخدم في خلطات الجيز كيك . .
- اضيف نص كاس حليب و 8 حبات جبن كيري واعصر شويّة ليمون مش كلها . . واستمر بالخلط لين تذوب كل حبات الجبن . .
وادخلها الثلاجه تقريباً ساعة كاملة . .
- على حمام مائي اذوق جلكسي البندق مع شوية زبده . .
واصب الخليط ع طبقة الكريمة وارجع ادخلها الثلاجة مدة 3 ساعات او اكثر . .
الشكَل النهائي :
- المقَاديرْ [
- نوتيلا . .
- زعفران ( ربع خاشوقة شاهي )
- ملعقة كبيره زنجبيل باودر . .
- ملعقة كبيرة هيل باودر . .
- كوب سكّر ناعم / ربع كوب زيت / كوب وربع طحين . .
- 6 بيضات
- ملعقة كبيره باكنج باورد / شوية فانييليا
- سمسم
- الطَريقة [
- أول شي اخفق البيض بسرعه عاليه . . واضيف له كوب السكّر الناعم . .
اضيف الهيل والزعفران والزنجبيل . . واستمر بالخفق . . اصب فوقهم الزيت . .
اخلط الباكنج باودر مع الطحين واقلل سرعة الخلاط واضيفه بالتدريج . .
ادهن القالب بشوية زيت وطحين وارش فيه السمسم . .
ادخل الكيكه الفرن لين ماتنخبز . . وازينها بالنوتيلا . . بشكل عشوائي انا ماكان النوتيلا عندي سايح وايد فـ ماطلع بالشكل المطلوب . .
الشكَل النهائي :
- المقَاديرْ [
هالسويت طعمه واايد عجيب . .
بس في الصورة هب واضح عدل لاني سويته في الليل ابى اخذه الصبح حق الدوام . . فـ الإضاءه سيئة . .
لكن طعمه صدق لذييييييييييذ وانصحكم اجربونه . .
اكبر دليل يوم طرشت السويت الكل اتصل يسأل كيف الطريقه . .
وطرشتها لهم بالإيميل :MsgPlus_Img0919:
- بسكوت دايجستيف . .
- قرفه . .
- بيضتين . .
- جوز . .
- جبن كيري . .
- حليب مكثف . .
- تمر . .
- الطَريقة [
- اطحن البسكوت واضيف له الزبده . . واصفه بالبايركس . .
اصف فوقه التمر منزوع النواه ----> حبيتها :ta'7:
انا استخدمت التمر اللي في الصورة هب اللي فوق طبعاً . . لانه ماكنت اعرف وين مكانه لين امايه يت وطلعته :boredsmiley:
واضيف الجوز . . انا حمسّته فوق النار طشونه عسب يتحمص احسه احلى جيه . .
وفي الخلاط . . علبة حليب مركز و 12 حبة جبن كيري + بيضتين وشوية فانييلا . .
اضيف الخليط في الصينيه وارش الجرفة . . ( الجرفة ارشها قبل ما ادخلها الفرن ) . .
واحط البايركس في الفرن من تحت تقريباً من 10 الى ربع ساعه هب اكثر . .
الشكَل النهَائي :
- المقَاديرْ [
نسكافيه بطريقه حلوة ومختلفه . .
( المقادير لكل كوب واحد )
- حليب بارد . .
- خاشوقة سكّر . .
- خاشوقة قشطة . .
- خاشوقة ونص حليب مرّكز . .
- جبنة كيري . .
- خاشوقة نسكافيه او اكثر حسب الرغبة . .
- الطَريقة [
- افوّر الحليب ع النار . .
وفي الخلاط احط باقي المقادير بإستثاء النسكافيه . . بعد مايفور الحليب اضيفه في الخلاط واحط النسكافيه واخلط طشونه . .
طبعاً الحليب بيبرد شوي فـ ارد افوّر كل المقادير عشان يكون حار . .
الشَكل النهائي :
- المقَاديرْ [
- حليب بارد . .
- مالتيزر . .
- نسكويك . .
- الطَريقة [
- أفوّر كل المقادير ع النار . .
اللي في الصورة بتلاحظون وايد ملتيزر لانه مسويه كذا كوب . .
بس لكل كوب 10 حبات ملتيزر و خاشوقة نسكويك يكفي . .
الشَكل النهائي :
وهيك بنكون خلصنا ----> بخصوص هيك :ko::
اتمنى اني وفقت في اختيار قائمة الطعام لليوم . .
أي سؤال انا في الخدمة . . والسموحه ع القصور . .
كانت معاكمْ غناة الـبرزة :ah: