• مرحبا ٬ في حال تعتذر تسجيل الدخول ، يرجى عمل استرجاع كلمه المرور هنا

مصافحة أولى - عشق مستور

سبيكة الشحي

๑ . . عضو بقراطيسة . . ๑
التسجيل
10 مايو 2012
رقم العضوية
14484
المشاركات
1
مستوى التفاعل
0
الجنس
السلآم عليكم و رحمة الله و بركاته ..

أبناء قبيلتي الأعزاء يسعدني تواجدي بينكم في هذا المنتدى الذي يعتبر بمثابة الملتقى للشحوح

و أتمنى أن تحوز أول مشاركة لي بينكم على إعجابكم


و هي بعنوان " عشق مستور "



ينتابنا في بعض الأوقات عشقٌ لا نفضل الإعتراف به حتى لأنفسنا ،،




لا صارت غرفتي عتمة ،، و ودّي تمتلي بالنور !
تطريتك ، وجا طيفك ينوّر عتمة الغرفه


ياحب ٍ مرّض إحساسي ، ولا ينفع معه دكتور !
أبي صرفة مع " عشقك " : يا عشقه شوف لي صرفه !


وش الدبرة مع طيفك؟ يلاحقني في كل الدور ..
أغمض عنّه عيوني ! : و يجيني شوق و آوصفه !


فكل لحظة معي حاضر ، فكل نسمه ، فكل شعور !
أحطّ الكون في كفّه ، و حبك وحده فكفّه ..


أنا من كثر ما أعشق غرامك إنكتب دستور ..
يحتّم في حياتي عالمشاعر تحتمي خلفه


و إذا ما مرّت اطيوفك ،، أشوف الصبح ذا ديجور ..
يطيح النور من عيني .. و أحس بشي ما اعرفه


أفكر في نهايتنا ؟ متى حلمي يشوف النور ؟
بيحضن قلبك قليبي بكل الحب و اللهفة ؟


و إذا قلبك بيبكي لي إذا دمعي غدى مأسور؟
وإذا ضاقت علي دنياي من بيمد لي كفّه ؟


كثير اللي تحدّوني ، وقالوا : عايشه في دور !
و أمانه ! .. كنت أتدرب ! لجل ما أنصدم صدفة !


لأني أجهل إحساسك ، ولا أدري داخلك شـ يدور؟
و أدري باني من شفتك ،، عشقتك لكن بعفّه ..


كأنّ الله كتب لك في فؤادي " تستحل قصور "
و كنّه ما انخلق غيرك و لا اي شخص ٍاعرفه !


خفوقي / ينبض باسمك ، و لكن هالعشق مستور !
أخاف أطيح من عينك : إذا في يـــوم تكتشفه


صحيــــح أني كذا خجلى ، و لكنّــــي أكن شعور
تــــدور العالم بكبره ، ما تلقى ذرة من عطفه !


تخيل حتى في نومي : تخيلتك تجيني تزور !
تمنيتك تجي حلمي نجوب الكون و نلفه ..


تخيلت انها / ايديك تلملم حسي المنثور ،،
و إني عشت في كونك ،، و قلبك راد بي رأفه !


و لكن حتى أحلامي تعاند قلبي المكسور !
هويت النوم : لعيونك ! ، و عيا حلمي تشرفه ..


و إذا ما همّك إحساسي ،، ترى ما انته أبد مجبور
ما ودّي أجرح احساسك ، بدوّر لي معي صرفه


لـ / سبيكة بنت محمد الشحي
 

برووق

๑ . . مراقب البرزات الادبية . . ๑
التسجيل
31 مايو 2010
رقم العضوية
12162
المشاركات
4,031
مستوى التفاعل
489
الجنس
الإقامة
شعـــــــم
وعليكم السلام ورحمة الله وبركاته

الصراحه استوقفتني القصيده قراتها مرات من جزالتها

وغزارة معانيها من شاعره متمكنه فعلا

كأنّ الله كتب لك في فؤادي " تستحل قصور "
و كنّه ما انخلق غيرك و لا اي شخص ٍاعرفه !


كل بيت يقول الزود عندي كلها درر ماشالله عليج

تقبلي مروري على القصيده اختي الكريمه

ننتظر جديدك وداعه الرحمن
 

الشيخي الزهراني

๑ . . عضو نشيط . . ๑
التسجيل
19 يونيو 2010
رقم العضوية
12245
المشاركات
319
مستوى التفاعل
87
الجنس
الإقامة
بلاد الحرمممممممممين
اب اب شي شي ماشالله


ابداااااع والله

تقبلي مروري
 
عودة
أعلى