ما هو دوركم من حملات لمكافحة «ترامادول» ؟؟

[✿βạņ๑๑ŧạ✿]

السلام عليكم ورحمة الله وبركاته

من خلال الآونة الاخيرة يمكن الكل لاحظ انه قمنا وايد نسمع عن حملات لمكافحة استخدام الخاطئ لــ«ترامادول» ..

نبذة عن الدواء :-

الترامادول هو مسكن ألم مركزي له مفعول مقارب للكوديين،.ويصنف ضمن مسكنات الألم يؤثر على نفس مستقبلات المورفين ، وهو يسبب ادمانا عليه وينوصف في المستشفيات ويتم وصفه لتسكين الالم ..

الكل يعرف باقي اسماء وانواع المخدرات بس يمكن هالاسم ما انتشر الا في خلال هذه الاعوام ؟؟

لكن ،.،

قاموا شبابنا يستخدمونه كنوع من انواع المخدرات وانتشر بشكل كبير بين طلاب المدارس لانه ينباع من قبل تجار المخدرات بسعر زهيد لا يتجاوز 50 درهم .. واصبح من ضمن لستة المخدرات ويعتبر من المواد المؤثرة عقلياً، ويعاقب عليه القانون ..

خبر اليوم شد انتباهي انه جمارك دبي ومؤسسة دبي للاعلام قايمة بدور فعال عن طريق حملات توعية في المدارس للحد من انتشار هذه الظاهرة حيث ان هذا الدواء يعتبر قاتل بدون وصفة" تزامناً مع اليوم العالمي لمكافحة المخدرات..
وقبلها شرطة دبي قامت بدور فعال للحد من هذه الظاهرة ونشر المعرفة بين طلاب المدارس عشان يعرفون انه لهذا الدواء مخاطر كبيرة ويعتبر نوع من انواع المخدرات ..

.
.
.

يا ترى السؤال اللي ينطرح ..

ليش طلاب المدارس قاموا يتجهون لمثل هذا النوع من المخدرات او الدواء اللي يسكن الالم ؟؟

وهل الكل يعرف مخاطر هذا الدواء ؟؟

وين دور الاهل من توعية ابناءهم لمثل هذه الظاهرة المنتشرة ؟؟

وهل تعتقدون الحملات التوعوية كافية للحد من هذه الظاهرة ؟؟

وهل باقي الامارات قامت بنفس الحملات في مدارسها ولا لازال الجهل موجود بين طلاب المدارس وما يعرفون مخاطر هذا الدواء ؟؟

وشو دورنا نحن كمجتمع من هذه الظاهرة الغريبة اللي قامت نتنتشر بين عيالنا ؟؟

/
/
/

انتظر تفاعلكم ومشاركاتكم واتمنى انه هالموضوع يكون نوع من انواع حملات الدعائية الداعمة لمثل هذه الظاهرة والكل يثقف ويعرف مخاطر هذا الدواء ..


للعلم : هذا اول موضوع نقاشي لي وان شاء الله يكون عند حسن ضن الجميع ..


حقوق الطبع محفوظة .،.

 

[Berjwaze]

اول مره اجوفه بحياتي وعمري ماسمعت عنه timo


،


بسير اشتريه wahh

:3nb:

 

[عايشة]

اول مره اسمع عنه ...

 

[عيوز مشتطه]

اول مره اسمع به هذا


الله يغربل تجار المخدرات

 

[ReaL DaY]

وخلاف بيي دور البندول

شو نبلع عيل

هاييلا كل شيي بيدمنونه

 

[ريح هوجاء]

هالتجـــــــــار شو بيستفيدوا من ورا تجارتهم الرخيصه

حسبي الله عليهم

 

[✿βạņ๑๑ŧạ✿]

اول مره اجوفه بحياتي وعمري ماسمعت عنه timo


،


بسير اشتريه wahh

:3nb:

لا حول ولا قوة هذا موضوع نقاشي مش موضوع دعائي للدواء .،.

هذيلة عيالنا اللي ما يصدقون يسمعون شيء على طول يفسرونه ويكتشفونه بروحهم ..

مب زين هالدواء وين بتروح تشتريه :ta'7:

الله المستعان .،.

 

[✿βạņ๑๑ŧạ✿]

اول مره اسمع عنه ...

ترى في بعض الناس ما يعرفون عنه وممكن ينخدعون عشان جي الدولة قامت اتسوي حملات اتبين مخاطر هذا الدواء ..

مشكورة على المرور واتمنى انج تثقفين من هذا الدواء واثقفين اخوانج عشان ما يكونون ضحية من ضحايا هذا السم ..

 

[✿βạņ๑๑ŧạ✿]

اول مره اسمع به هذا


الله يغربل تجار المخدرات

حسبي الله ونعم الوكيل فيهم ..

مشكورة على التواصل ونفس ما قلت حق الاخت ( عايشة ) لازم تثقفين واثقفين اللي حولج من اهلج وربعج عشان تنتشر المعلومة بين فئات المجتمع وننتبه حق هذا لادواء لان يعتبر نوع من انواع المخدرات ..

 

[✿βạņ๑๑ŧạ✿]

وخلاف بيي دور البندول

شو نبلع عيل

هاييلا كل شيي بيدمنونه

ترى عيالنا ما يصدقون دواء يسبب التخدير ويدمنون عليه ..

الاستخدام الخاطىء هو اللي يولد الادمان ولا تلومينهم يوم يمنعون اضرار الادوية جدا خطيرة واصحاب القلوب الضعيفة تفترس عيالنا اللي مش مثقفين واتقص عليهم باي شيء عشان اتخليهم يدمنون ومن اجل المردود المادي ..

مشكورة على المرور ..