من رداة الحظ وافتنا حصاة . . ~

[جرحي جديم..!]

(((بالفندق باللوبي الي تحت ..)))

نور :: قاعده بالكرسي تنطر حمود وبدووري الي طرشتهم يجبوون لنــا أكل ..
أميــره :: مرحبآآ ..
نور<< كشرت :: أهليــن ..
اسما :: أقوول نونو تنطريــن خوااتج ..!!
أميــره :: هههههه هذيــل شنوو كل هذا لبس ..
نور<< على راسها مليوون تعجب من متى هالميــانه ..!!

نور:: إيــه انطرهم خيــر عندكم شي ..
اسماا :: آآآ مو ممنوع تطلعوون برروحكم << وابتسمت >>.. إلآآ ويــن بترووحوون ..؟؟
نور<< استوعبت الساالفه وقررت تنتقم على ضحكهم عليناا امس بس بغت تتأكد بالاول ..
نور:: خوااتي ألحيــن بيجون ..
أميــره بعجله:: آآ منو بيرووح معاكم ..آآآ... أقصد .. ويــن بترووحوون؟؟
نور :: احنا بنتسووق بالموول القريب من الفندق ، مو بااجر بنساافر وماشريناا هدايا لعياال خوواتي ..
أميــره :: آآآ .. حلوو بس بترووحون برروحكم ..!!
نور<< بغبااء مصطنع ..:: هآآ لأ فارس وفهيــد وعبدالله بيرووحوون معانا ..
اسماا :: آآآ حتى احنا بنتسووق .. بس بنسبقكم .. سلااااام

اميره << بعصبيه اتساسرهاا:: اشعندج مشيتي خلينــآ ننطرهم ..
أسماا :: لا بعديــن بيقولوون هذيــل يتلزقوون .. خليهم يولوون نسبقهم ونتلاقاا بالسووق
أحسن ..
أميرره :: يووووه .. والله لو ننطر أحسن ...
اسماا << سحبتهاا من يديهاا بدوون لاتعبرهاا أو ترد عليهآآ..

.. بجنااح الشباب ..

عبدالله :: شباب محد شااف بدر ..؟؟
فهيــد :: توه طلع مع حموود ..
عبدالله :: طيب ماتدري وين رااح ..؟؟
نااصر :: أوله جت نوور ونادته وطلع معاهاا ..
عبدالله << عصب وقلب وجهه أحمر :: وان شالله الحبيبه طاالعه وماخذتهم معااها محاارم ..
ناصر :: عبيد هد ياخووك ماظنتي عقب زفت أمس بتطلع برووحهآآ ..
فارس :: هه هه هذيــل رووسهم قوويــه ومايفيد فيهآآ كثر الزف ..!!
عبدلله << طلع من الجنااح وهوو مفووول منهاا ..

نزل بسررعه من الفندق وباللبوبي ..
نور شافت العياال جوو ورااحت شالت معاهم الأكيــاس وقعدت اتسووالف وتضحك معاهم ..

عبدلله بهدووء مصطنع :: ماشالله .. مامدااه ابووج سكت .. امدااج نسيتني ..!!
نور طيرت حاجبهاا باستغراب :: خيــر شعندك ..؟؟
عبدلله وجهه نظره للعياال :: شنوو هذيــل لا يكوون محارم ..!!
نور بعصبيه :: اخووي ولد خالي شبيطلعوون أجانب يعني ..!!
عبدالله :: كم عمرهم ..عشاان استووعب اذا القانون الي حطينااه أمس يمشي عليهم ولا لأ..
نور <<فهمت قصده وهم كملت استهباال بتغثه :: بدر 11 سنه وحموود بيكمل العشر ولو
تجمعهم بيصروون 21 يعني فووق العشريــن والقانون يمشي عليهم اذا كانوو مع بعض ،، سلاااا
ااام ..<< ابتسمت بخبث .. وصعدت فوووق .. ومانتبهت للي اشتعل قلبه ناار وقهر منهآآ وصعد
يلحقهاا ...

:::: قدام باب الجناح ::::

عبدالله :: اقوول نويـــر ..
نور<< لايكوون يقصدني أبــووكـ يالعقااده يعني يدلع كش وجه.. طقت باب الجناح بدوون
لاترد عليــهـ ..
عبدالله بهدووء حاول قد مايقدر يمثله:: أعتقد يا أنسه نور في بني آدم نادااج ..
نور لفت عليــه :: خيــر ..!!
عبدلله :: كثر الله خيــرج بس بغيــت أقوولج ان .. هالمره بعديــهآ بمزااجي وثااني مره
تطلعيـن برى الفندق بدوون محرم سنع ماتلوميــن إلا نفسج .. مو ناقصنــآ فضاايــح يابنت
عمتي..<<< نور لفت وعطته ظهره بترد اطق الباب ..

عبدالله :: يا آنسه نوور اعتقد في بني آدم لازال يكلمج ..!!
نور زهقت من تحكمه السخيــف وتبي اتلف الموضووع :: خيــر تبيني أقوول حيــآك عالغدى ترى
مو عامله حساابك الاذا بتاكل مع حموود وتقاسم معاه وجبته هذا شي ثااني..!!

عبدالله باستغرااب :: أنــآ من اليووم أكلمج وانتي اتفكريــن بالأكل .. هذاا حدج هذا كل تفكيــرج
متى بتكبريـــن ..؟؟ << أشر على راسهاا >> متى الي هني بيستووعب مثل الناس وبيفكر بشي
ثااني !!<<عطاها ظهره ومشى وخلاهااا وهوو بينفجر منهآآ

نور :: اووووووووووووف هذي فكرته عني ..!! هههههههههههههه احسن يستآهل
هههههههههههههههههههههه...

 

[جرحي جديم..!]

دخلت نوور ..الجنااح وماقالت لاحد عن الي صار بينهاا وبيــن عبدالله ماتبي اتضحك البنات
عليــهآآ ..
على أذاان العصر ،، لبسنــآ وطلعناا برا الجنااح أمي وخالتي اسبقوونا من قبل يأذن وإحنــآ مقاام
عليــنا الحد فما يصير نطلع برووحنــآ ..

دانه :: بنات وحده ترووح لجنااح الشباب وتشووف منوو فيــه ..
ديمه :: طبعاا مو أنا ..
فرح ::وأكيــد مو أنــآ ..
نوور:: لو تمووتوون ما راح أرووح أنــآ ..
<< وقعندنــآ انتهااوش منو تروح فيــنا ولا وحده راضيه اتضحي ..!!

فرح بابتساامه ::خلاص لقيــت لكم حل ..
دانه :: شنو ..؟؟
فرح :: انقوول لاسووم ولا أميروووه والله بيحطوونا فووق رووسهم على هالطلب..!!
<< وكملناا هوااش منو بيرووح يقوولهم ...!! و ماانتبهنــآ للاثنيــن الي واقفيــن فووق رووسنــآ يتضحكوون عليــنآآ ..لفيــنا ...

دانه << بغت تموووووووت من الاحرااج ...
ديمه<<غصب اتسووي لرووحهاا برستيــج .. ولا اهتمت منو يعني .. نفخت خشمها ومشت ..
أنــا << سكت .. وكلت هوواا ولاقدرت ابطل فمي .........!!

نوور يعني بترقع :: آآ.. جابكم الله .. بنرووح انصلي ..
عبدالله بلامبالاه :: وو منوو قاضبكم ..؟؟
نور انقهرت من تلميحااته يعني بيذكرهاا:: ... آآآآآ .. بنرووح انصلي بتوصلوونا ولا انرووح
برووحنــآ ..
عبدالله :: بروووحكم خخخخخخ انسي.. " طير حاجبه " يلا امشوو جداامي ..
فهيــد << شافنــآ منحرجيــن فما علق على أي شي ..
طووول الطريق الي هو عبااره عن أقل من دقيقتيــن وحسينا انهم أكثر من سااعتيــن ..

.......الشيــخ عبدالله ،،<<<<<<
امشوو سيداا ..
لفي لاتصقعيــن بهالعبد ..
اشوي اشوي ..
لاتخافوون ماراح اطفوكم الصلاه ...
أقوول الي على اليميــن تعاالي يم خوااتج لاتضيعيــن ...
انتي الي راده ورااى امسكي يد اختج الي قدام ..
يابنت ...تعااااااااااااااااالي..لاتعجليــن ..
لحظه وقفوو في زحمه ..<<< ببسااطه جننا خرفااااااااااااااااااااااااااااااااااااااان .. حتى الخرفان
مايسوون لهم جذي ..

نور :: شايفه هالسخيف شيسووي ..
ديمه :: يافضحي لايشووفني أحد يعرفني ..
فرح :: بنااات تكفوون سكتووه فضحنــآ ..
دانه ::ههههه .. هذا عبيــد وما أدراك ما عبيــد محد يقدر عليــه حتى يووم طقني محد قاله
شي ..أقوول بس امشوو على كلامه لايفضحكم .. اسألووو مجرررررررب ..هههههههههههههه..

نور::: ومستانسه بتجربتج انتي وجههج.. ديمه لفي زفيــه ..
ديمه :: لا لا فشله وبعديــن فهيــد معااه احرااااااج ..
فرح :: اقول نور لفي وقوولي للفهيــد يجعم راعي الغنم الي معااه فضحنــآ ..
عبدالله :: بسكم تساااسر .. وامشووا عدددل فضحتونا الله يفضحكم ..
اقوول نوير انتبهي و سدي خشمج ترى بنمر صووب مطعم بعد شووي..

انا والبنات وفهيــد :: كا\\\\\\\\\\\\\\\\\\\\\\\\\\\\\\\\\\\\\\\\\\\\\\\\ \\\\\\\\\\\\\\ \\
\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\ \\\\\\\\\\\\\\\\\\\\\\\\\\\\\\\\\\
\\\\\\\\\\\\\ك << انصدمنــآ ولاقدرنـآ نمسك ضحكتنــآ ..!!

نور .. انقهررررت يعني من اليووم ينغز البناات عشاان يغثهاا .. ولفت عليــه :: ليــه شنو
شايفني ..!!
عبدالله << انصدم من الي قاله:: آآ .. امشي وانتي سااكته لااطوفيــن عليــنــا الصلاه ..
نور قالت بعصبيه :: صلاه صلك ربي قل آآميــن .. اقوول يالشيــخ ترى محنا بوحده من مزاارع
أبوووك وتكلم عددل .. ولا اشتقت للغنم الي كنت اتلاحقهم ترى البني آدميــن غير الغنم .. ولا
صعب عليــك اتميــز بعد..!!
عبدالله << سكت مايبي يكبر السالفه لانه عاارف ان كلمت غلط ..:: اقوول عن البربره الي ع
الفاضي والمليـــان يلاه بس لا انطووف الصلاه ..

قدآآم ،، الحرم ..

عبدالله يلاه بنات امشوو قداامي..
نور مسكت دانه ..بس دانه انحااشت لفت على ديمه مالقت غيــر غبرتهآ ..مابقى غيــر فرح..
لفت عليهــآآ وو هي تبي اتنحش حالهاا حال خواتهاا بس ماقدرت ,,

نوور:: فرووح عن الهباال اليوم غديتج وسفهت البناات بتنحاشين مثلهم والله اندمج صرفيــني
تكفيــــــن ..
فرح :: آآ .. عبدالله احنا بنصلي اهني ..
عبدالله :: خيــر .. اقوول امشي قدامي لايفوول الحرم وماتحصلوون مكاان بعديــن انا برووح اصلي
اخلصي واتبعي خوااتج ..
فرح :: ما احب زحمه دااخل ..
عبدلله ::لايكثر ويلاا امشي ..
فرح << يعني نوور مالقت غيــري..يووه بلعنتهاا اقط فلوسهاا بوجههاا :: خلاص ـأنا برووح ..
<<مشيــت وردت اسحبتني نور بس هالمره ماعبرتهاا ورحت وخليتهــآآ ..

عبدالله :: يعني مابقى غيرج يالشيخه .. يلاااا امشي ورى خواتج ..
فهيــد :: يلاه نور بنلحق عالصلاه ..
نور :: خلاص آآ مو جنه الحرم انترس مالي خلق عالرووحه والرده انا بصلي اهني عشان اتجمع
انا وخوااتي بعد الصلااه لانضيــع ونلقااكم بنفس المكاان ..
عبدالله طير حااجبه:: ادخلي ورى خوااتج خلصيــني ..
فهيــد :: شكلكم مطوليــن انا برووح لاطوفني الصلااااه ..<< ومشى ولاعبر عبدالله وانطره
عبدالله ::يلا يابنت ورى خوااتج ..
نور<< بتقلب السالفه واتضيع وقت :: لا والله غصب يعني ..
عبدالله :: الي اتسميــنه .. يلاااااااااااااااااااه ..

.. داخل الحرم ..
فرح : بنات ياعزي عن نوور ..
ديمه :: خل اتولي ليش تجي معانا للصلاه وهي ماتصلي ..
دانه :: هههههههههه اتخيــل شكل عبدالله وهي تعترف ,,كا\\\\\\\ك والله مايصلي ليــن يردهــآآ للفندق .. ويتأكد انهآآ بالجناح ساعتهاا ممكن يرد ..
فرح بصدمه:: لالا ماتوقع تقوول مستحيــــــل ..
ديمه :: حرام فرح رووحي انقذيهاا
فرح :: زفنييييي وفشلني بعد ..!! شتبين اسوي يعني ..؟؟
دانه :: لا خلج احسن خل تاكلهاا نوور ..
ديمه :: فرح روحي ..بسرررررعه..
فرح << اذكرت وجهه نور واكسرت خاطرهآآ وراحت لهاا بسرررعه ..

قدام الحرم .؛؛؛

عبدالله :: نوور لا اطلعيــني من طووري ترى بالياله متحملج ..
نور:: ياسلاام محد قالك .. تحمل روح وانا ماراح اصلي الا هني ..
فرح << شافتهم وقطت وجهها عليهم :: آآآ .. نونو ترى بصلي معااج ماكوو مكاان بالحرم ..
عبدالله :: لا والله بزر عندكم الحرم بطووله وعرضه مافيه مكان لثنتيــن زوود.. امشي انا اطلع
لكم مكاان .!!
نوور :: خيــــ.. << ماكملت كلمتهاا الا الامام ..

استووووووووووووووووووووووووووووووووى ..

نور ابتسمت ..وامسكت يد فرح ولفت وعطته ظهرهاا ودشت وسط صفه ..
عبدالله << عصب ::هيــن يانوور بتمشيــن كلمتج علي " علا صووته " انا أوريــج ..

صلينــا العصر ونوور كانت متربعه وطقطق بتلفوني خلصت صلاه ولفيــت عليهـآ ..
فرح :: نور ياويليج عبدالله كان معصب ..
نور :: نعم شبيسوي يعني والله لو اعلم أبوي على حركته فيني ليفرك في وجهه القااع ..
فرح:: اقوول اعقلي ..
نورر :: اخييييييه وصل رااعي الغنم ..
عبدالله :: تقبل الله ..
نور لفت وابتسمت ابتسامت انتصاار :: مناا ومنكم ..
فرح <<اترقع بتغير السالفه لاتقلب هوشه بينهم :: ماشالله امدااك اتلحق عالصلاه ..
عبدالله :: ايه الحمدلله بس ماصلت بالحرم ولارحت لانه مفووووول مافيه مجاااال كلش <<لف على نور وطير حاجبهاا يعني بيرد الحركه << ... صليت بالصفه الي عاليمين بالعموود الثالث
وراكم !!
نور طالعته بصدمه !! :: ماشالله مالقيــت لنفسك مكاان ..<< لفت على فرح <<هههههههههههههههه لا ويبي يسحبنا مثل الجهاال يحشرنا ويدور لنــا مكاان الحمدلله اننا
مارحنا ..
فرح << حست بنوور الي تبي اتصرف عبدالله بأي شي لايقوول انه ماشافهاا اتصلي :: اشرايج انرووح انتمشى بالموول ليــن صلاة المغرب ..
نور ::تدرين نفسي بريــد امشي ...

عبدالله << واقف مصدووم مشينا ولاعبرنااه ولا كأنه معانــآ..
عبدالله :: هوووووووب هوووووووووب <<.. ووقف قدامنــآ >> على ويــن ان شالله ..
فرح :: هآآ .. بنتمشى بالموول ..
عبدالله :: ومنوو معاكم ..
نور لفت يميــن يساار :: شايف احد معانا غيــرك ..

عبدالله :: ماني راايــح ويلاه قداامي عالفندق .. لاتضيــعوون نفس أمس محنــآ ناقصيــن ترى ..
عصير ضيعكم ست ساعات برد شبيسووي فيكم ..
فرح بمساسر ::نور امشي بلا فضيااح الاوادم قاااعد اطالع فينــآ ..
نور :: ياسلاام وليـه انرد الفندق على كيفه ومصدق روحهه بيتحكم فينــآ .."علت صوتهاا " ماني
مااشيه لين يجوون دانه وديمه ..
عبدالله ابتسم بيقهرها :: هذيل هم ورااج يلاا ..

ورديـنـــــــآآ للفندق .. ورااعي الغنم لازال يماارس عادته ..
اقوول يالخواات ثنتين ثتنين لا أضيع فيكم ..
انتي لاترديــن ..
وانت ليه وقفتي ..
نور عصبت وقفت ولفت عليه :: عبدالله اسكت ارد وأذكرك ترنا مو غنم عند أبووك ..
عبدالله مسكين كان على نياته وعباله انه لاقي طريقه سنعه يمشيناا فيهــآ ..:: لا مو قصدي بس
عشاان لاتضيعوون بالزحمه !! ..
نور :: انت وظيفتك اذا ضيعنا ادلنــآ للطريق واذا خربطنــآ اتنبهنــآ ..،، وبس مو تقعد تتحكم
حتى بنفسناا ..
ورديــنــآ كملنـآ طريقنــآ للفندق وعبدالله سااااااااااااكت ..

ديمه بونااسه :: بعدي نور سكتيــه ..
دانه ::حساافه لو داريه انج تقدريــن عليه كنت خليتج ترديــني اطرااقي ..
فرح << سكتت وظلت اترااقب نوور الي بتنفجر واهي تمشي ..
نور<< ماعلقت على أي شي دخلت الفندق وركض للجناح ولا ردت على أحد ..

،،،،.... على صلاة المغرب .. طلعنــآ من الجناح ونادينــآ حمود ينادي احد من عيال عمي يوديــنآآ للحرم .. واحنـآ بننطره باللوبي تحت ..
نزلنــآ للوبي .. خمس دقايق الا حموود نازل مع واحد من عياال عمي ..

ناصر بابتسآآمه :: مرحبــآ .. مسااكم الله بخيــر
دانه << على طوول لفت وعطته ظهرهاا وركككض للباب ..
ديمه <<لحقت فيــهآآ
فرح :: آآآآ .. مساك الله بالنوو..
نور بمساسر :: جب ياقليلة الادب
فرح بصدمه ::هآآ .. ليش أنا شقلت ؟؟
نور :: استحى على وجهج زووج اختج واتميعيــن معااه !!
فرح :: نــــــعم . ليــه رقمته وانا مدري وعبالي عندج سالفه امشي بس امشي ..

ومشيناا للحرم هالمره بلا احرااج او تفشل او أي شي يقص الوجه ناصر كان يمشي ورنا وهوو
سااكت ومابطل فمه بكلمه ..صليـنـــا كلنا بالصحن وقعدناا ننطر اذاان العشاا وبلغناا ناصر اننا
نبي نتسووق بعد الصلااه ..وتواعدناا بمكاان عقب صلااة العشاا وهو بيجينا فيه ..

صليــنا العشاا ووقفنــآ عند المكان الي تواعدناا فيــه ..
وصل ناصر بس ..بروحه الاخ زهق بالرووحه فهالمره جاايب الشله كلهــا<< بعد بالسووق ينخااف
علينــآ لا لا ماينلاام..

نور :: امانه اشرااح تشتروون وهذيــل كلهم يراقبوووون ..
ديمه ::يوووووه ماراح نستانس شوفي كم عيــن علينـآ ..
دانه :: هه هه بناات برد الفندق عني ماشريت شي ..؟؟
فرح :: بناات لاتكبروون السالفه ..الحمدلله والشكر رقابه من بعيد ومحد بيدش معاكم بالمحلات.. عن الخباال بس ..
نور :: يلاه قلعتهم اهم شي انتحرك اشووي زهقت من الفندق ..

... وصلنــآآ للموول ...
عيال عمي << كانوو يمشوون ورنآآ وكانت المساافه بيناا اشوي كبيره عشاان ناخذ راحتناا بالتسووق ، يعني رقاابه من بعيــــد لبعيــد وأي أحد يشوفهم مايتووقع انه معااناا ..

نور :: بناات وناسه والله لوشتسوون مادروو عنكم ..
دانه :: أقوول اعقلي وعن الخباال ، صحيح ابعااد بس عيوونهم امبطله على العشر ..
ديمه .. بتوتر :: دانه ،موجنهم هذيل الي لحقوني أنا ويااج أمس ..!!
دانه :: امبلى ..
ديمه :: طيب ليه يخزووني جذي !!
نور ::ألحيــن هذيل الخرفاان الي ضيعووج أمس ؟؟ صج ماعندج ساالفه
ديمه :: يووه الله يستر .. بناات جب ولاكلمه ..<< دخلوو البناات لمحل ملابس ،ديمه مصدقه روحهاا بتشتري وقااعده واتقلب ومن خووفهاا جنهاا مسويه جريمه ..
دانه بتوتر ::ديووم مو جنهم دشو ورناا ..
ديمه:: خلج ثقه وخل يولوون مايقدروون يسوون شي ..
فرح تساسر البناات :: بناات في باب ثاني من ورى خل نطلع منه وانضيعهم ..
نور ::ايه صح امشوو والله ان شافوهم عياال عمي بتصير هووشه وبننفضح بالله وخلقه ..
<< طلعناا من الباب الخلفي للمحل ..

؛؛؛؛؛ بالسعووديه .. بالريااض ؛؛؛؛؛
في بيــت عمتي نجلا ..
سارا كانت قااعده بغرفتهاا ومصكره الباب وتقرى بمسجاات حمد القديمه << صارت هذي حالتهاا ع طوول اذا ماكلمهــآآ .. وبما ان لهاا أكثر من ثلاث أيــآم ماكلمته فقضت وقتهاا
بهالثلاث أياام واهي تقرى .. قررت بالاخيــر انهاا ادق واتكلمه مع انهــآ عمرهــآآ مادقت عليــهـ ..
دقت في البداايه .. واندمت من الدقه الاولى وبعدهاا الثاانيه وبعدهاا استغربت انه مارد عليهآآ العاده من اول رنه يرد لا وهوو مو مصدق نفسه وبيطر من الفرحه.. وفصل وردت دقت وهي مستغربه انه
مايرد عليــهآآ في البداايه خافت وبعديــن عاندت ياهي ياهوو وضلت تدق وتدق .. ومااكوو رد ..

‘‘ في أحد المولات التجاريه بمكه ‘‘

عبدالله :: شباب مو جنهم البناات تأخروو بالمحل ..
فهيــد :: صااج مو معقووله كل هذاا تشري ..
ناصر :: الله يعين قلبي جان كل هذاا بمحل واحد لا وماطلعت ليل ألحيــن ...
عبدالله :: أقوول بدر ادخل وشووف البناات وعجل عليهم اذا على هالحال بنصلي الفجر واهم ما اخلصوو ..

 

[جرحي جديم..!]

<<دخل بدر وسحب حموود معااه وطلع بعد أقل من دقيقتيـن ..
بدر :: البناات مو دااااخل ..
عبدالله :: شنو مو دااخل انت متأكد !!
بدر:: ياخي المحل قووطي ومو مصدقني ادخل وجيك ..
<<دخل عبدالله ودخل معااه نااصر وفروو المحل ومالقوو أحد دخل بعدهم فاارس ..
فاارس :: خخخخخخخخ .. والله انهم دااهيه شف شكلهم ادخلوو من هالباب واطلعوو من الثااني .. ناوين يناحشوون على انهم ضااعو مره ثاانيه ..
فهيــد:: فاارس كل تبن .. << ولف وسأل صاحب المحل وأكد له ان احنا طلعنا من الباب الثاني ..
فاارس بابتساامه:: الله الله هاا شقالك صاحب المحل ووجهك ليــه قلب ؟؟ ..

...... قدام احد المولات التجااريه ...
البناات لازالوو يمووشون بيضعوو الخرفاان الي وراهم وبعد مايضيعونهم بيردوون للمول وهالمره كل
وحده مشغله عيوونهاا عالعشر و اتحفظ كل الي حولها لاضيعوون ..
ديمه وقفت:: بناات وقفوو ..
دانه :: الله ياخذج تراهم ورناا ..
ديمه:: ماراح اخليهم يلعبوون عليناا ويضعووني نفس المره الي طاافت .. وبعدهاا باكل تبن وزف
من أهلي يخسوون موو كل مره تسلم الجره ..
نوور ::صاجه خلونا انلف ونوكلهم تبن نفس ما أكلنا من سبتهم كلهم كم خرووف ..
<< لفينــآآ ورديناا لطريقناا وهم لا زالوو ورناا وبدوو يقطوون نغزاات ، بس وصلنــآ قداام الموول
وتطمنت ديمه ان عيال عمي قرااب اذا صاار شي بننحاش ونروح لهم لفت عليهم ديمه ..

ديمه بحقد :: أقوول يالخرووف انت والي معااك يلا اذلف لا أقووم الدنيــآ على رووسكم ..
سعيــد :: خخخخ .. لا لا ياقمر مايطلع منك شي ..
نور:: "اتقلد صوت" قممر .. اقوول اذلف عننا انت و الحمير الي ورااك ..
أبو صقر لف على ابو جاسم ::أفا تقوول عني انا ويااك حميــر ..
فرح وداانه << ....... لا تعليق ..
نور :: لا يالغالي الحماار محشووم منك ومن أشكاالك ..
ابو جاسم وسعيــد ::كا\\\\\\\\\\\\\\\\\\\\\\\\\\\\\\\\\\\\\\\\\\\\\\ \\\\\\\\\\\\ك
<< فطسوو من الضحك عليــنـــــآآ

.. بنهااية الشارع ..
عبدالله :: شباب مو هذيل بنات عمتي ..؟؟
لفوو للجهه الي يأشر عليهآآ ..
فهيــد :: امبلى ..
فاارس بعصبيه:: وليــــــــه .. هذيــل متى بيفكوونا من سوالفهم .. تبن بوجيهم ..
ناصر وعبدالله وفهيــد << منصدميــن من المووقف ومشوو بدوون مايعلقوون وعيونهم بتطلع من مكانهاا وكاتميــن عصبيتهم ..

 

[جرحي جديم..!]

>>>>>>>> الجزء الثالث عشر <<<<<<<<

في الرياض ،، بيت عمتي نجلاا

سارا لازالــت ادق على حمد وخاايفه انه يكوون صابه شي لاسمح الله
وبعد سااعه من المحاولات الفااشله رد ..

حمد بلا مبالاه:: يعني مصرره ..!!
سارا تفشلت وماعرفت شتقوول :: ..آآآآآ.. اذا ازعجتك اصكر ..
حمد ::ازعآآآآج .. حراام عليــج لهدرجه مو عاارفه قيمتك عندي ..!!
سارا بصدمه ::هآآ .. آآآ .. " ابتسمت " لاتصير نايم او مشغوول وانا ازعجتك ..
حمد :: انا مو ناايم ولامشغوول والجوال بجيبي شفت رقمك ولا أبي أرد ..

سارا << انصدمت وخنقتهاا العبره :: أأأ ... آسفه خفت لاتكوون مريض ولا فيك شي ثلاث أياام
ماكلمتني .. ماتوقعت ان الساالفه سالفة مزااج .. أنـ
حمد قطع كلامهاا :: سارا انا ما ادق عليــك لاني سبق وقلت لك بعطيــك فرصه تقعديــن مع
نفسك وتفكريــن بإلي سبق و قلت لك عليــه ..
سارا :: حمد مستحيــل .. مستحيــل مقدر مقدر!!
حمد بهدوووووووء :: مافي شي مستحيل ومافي بنت ماتقدر على أمهآآ ..
سارا << قالت بحزم:: حمد انت عاارف امي!! من البدايه وانا ماغشيتك بشي ولاكذبت عليكـ
حمد :: وارد واقوول اعرفي لامك تقدري عليهآ ..

سارا :: اوعدك اني أحاول بس ما اوعدك اني بقدر .. بس ابي فرصه وشوية وقت ..
حمد بعبط :: ممممممم .. فرصه وانا شكنت معطيــك ..
سارا بانزعااج ::لا مو تقطع فيني كذا ..ياااااربي انا قصدي اني انا بعطي امي فرصه ..لين انرد
من السفر ..
حمد بقرف::أهآآ .. قصدك ليـــن اتعرضك على فهيــد ويرفضك..

..... بأحد شواارع مكه التجااريــه ..

نور بصرااخ :: ماأعتقد انه في كلامي شي يضحكك ..
دانه بطفش :: أقوول بناات هذيــل أقل من اننا نعطيهم من وقتنا وانرد عليهم ..
فرح :: آآآ .. صااجه بناات لاتقزرونهاا على كم دلخ والله ماتسوى عليناا لو يشوفناا احد يعرفنـآآ..
ههههههههههههههههه.. امشووا يلااا << توهم دشوو بالساالفه ..

ديمه<< وكأنهاا ارتاحت بعد مازفتهم وحسستهم انهم ولاشي وانهاا مستحيــل تخاف منهم مثل أمس .. : بناات امشو خلوناا انرد .. قبل لايحسوون عيال عمي ..
نور << بدت اطبق كلام هوشااتهاا الي بالمسن والجات :: لا واخساارة هالشاارب ماطلع على رجاال .. مالت عليك منك له ..
فرح :: ايه والله مالت ياخساارة امه ترجت الدنياا برجاال وهذي اخرته .. دلخ ,,هههههه بنات يلا<<بصرااحه مدري من ويــن جتني هالقوه ومدري شلوون قلت جذي ..
(آلشباااب بغو ينجلطوون من القهر وودهم يذبحوونه وحده وحده)
ديمه :: أقوول ياتبن ان لفيــت ولقيتك ورااي ماراح اتلووم الا نفسك ..
نور:: شنوو تبن التبن محشووم عن هالاشكاال .. أقوول ياهيه ضف نفسك انت والي معك <<بصرااخ >> فاااااااهم ..

<< ماخلصت كلمتهاا ..الا وايد عبدالله ساحبتهاا على ورى .. والاخ ايد ساحب فيهاا نوور و
الثانيه لفررح ..ولوو كان عنده زوود مااقصر
<< فهيــد ونااصر لفوو وإلحقوو الشباب الي من شافووهم انحااشوو ..
نور:: أقوول فك ..<<دزته عنهاا وفكهاا هي وفرح ..
فرح وديمه وداانه << ساكتاات نوور ماشالله ماعطتهم مجاال أصلاا ..
نور:: لا والله بعدي ياولد خالي بدال ماتنتفهم تنتيف محوول علينا اتنتفنــآ ..
فارس بصدمه :: ينتفهم على شنوو .. على وقفتكم مع الغرب اتضحوكوون معااهم ..انتوو شنوو ؟؟؟
<< كمل بعصبيه>>ماتستحوون ماعد فيكم حياا ماعاد فيكم حشيمه سودتوو وجيهناا الله يسود
وجيهكم ..

ناصر بهدووء :: فارس كل تبن .. " اخذ تنهيــده طوويــــله بعدهاا قال " بنات شصاار ؟؟
فارس :: وتسألهم بعد اكيد بيقوولوون ضااعو ولا مادروو ولاغصب عنهم ولا ووو..من الاعذاار الي
مادش مخ وااحد فيه ذرة عقل ..!!!..
فهيد بصراااخ:: فاااارس اكرمنــآ بسكوتك !!
نور<< قالت لهم الساالفه كامله من ضيعت ديمه لين هوشتنا مع الشباب ..

نور بنبره تكسر الخااطر:: لا والله بعدي ياعياال عمي اذا انتوو قلتوو عننا جذي .. أجل شنرجي من الغريب.. << تمثيل متقن عشاان اتفشلهم عدددل ...
عبدالله تفشل ثااني مره يحط نفسه بهالمووقف :: ماعليش سووء تفااهم ..
فهيــد بابتساامه:: عادي بناات تصيــر بس ماكان المفرووض تطلعوون من الموول بسبتهم ..
ناصر ::هذا واحناا معاكم .." ابتسم " .. حصل خيــر بناات ..يلآآ ماتبوون نرد للموول ..
<< لفينــآ ورديــنآآ للمول ..<< يابخت دانوه فيه
فارس قرب من فرح وهمس لهآآ :: خخخ .. لا والله وصدقت قصتكم .. يالحبيبه ترى ريحتكم خلااااااص فااحت ..خخخخخخخخخ << ومشآآ بعيـــــــد عنهآآ
فرح << وقفت بين مصدوومه ومو مصدقه ..وتفكر اتعلم البناات شنوو هذا مجنونلا بالله موو
صااحي شيقوول .. لالا ماني قايله لهم أخااف ينتقموون منه ويفضحوناا بالله وخلق ..
وبعدهآآ رديــنآآ للموول نتسووق ...


في الريااض .. بيت عمتي نجلا ..،، غرفة ساارا

سارا عصبت ::حمد انت شقااعد تقوول ..
حمد :: انا ولا انتي مو انتي بنتطريــن لين فهيــد يردك ، بعدهآآ بتحااولي تقنعين امك ؟؟
وتبيني أووقف اصفق لك على هالمخطط ؟؟..لا والله ياسعد عينك ياحمد شوف منو بتتزوج ؟؟
سارا << قممممممممة الصدمه من كلامه حمد .. ثقل لساانهاا ولاقدرت اتسكته وحمد ..لازال
يقط عليهاا كلام وكل كلمه اقوى من الثاانيــه ..

سارا .. بصووت مبحووح وكااتمه بكيتهاا :: حمد أنآ اسفه .. لازم اصكر .. سلاااام
<< صكرت الخط بدوووون لاتعطيــه فرصه يرد عليهآآ.. وقعدت تبكي ..
من قهرها من غباائهاا واكيــد من ندمهآآ ماكان المفرووض انهاا تقوول له أي شي ماكان المفرووض اتذل نفسهاا عشاان ترضيــهـ ..
بعدهآآ ردت لتلفوونهآآ الي ماوقف مسجاات من حمد يبيهاا اترد عليه ..
ارسلت لها مسج ..

ليه من بعد ((الوفـــا والطيــب)) وفعولي الجليلهـ ..

من يدين اللي حشمتهـ ....

....................................اول طعـــوني تجيني؟؟

 

[جرحي جديم..!]

<<< صكرت جهآزها ولاردت عليــهـ ..
<< دخلت عليــهآ سعااد وصفقت الباب ..

سارا مسحت دمووعهاا بسرعه لاتلاحظهم سعااد :: خيــر اشعندك.. وش قلت الادب هذي ..؟؟
سعااد :: ليــه انا ألحين صرت قليلة ادب ..
سارا بعصبيه :: الي سويــته غلط داشه بدوون لااطقين الباب وتصفقيــن فيــه بعد ..!!
سعاد ببروود ::طيب اذا صفقت الباب عندك قلة أدب .. هالمسجاات الي لك ساعتيــن اتقلبيــن فيهم وشوو.. أدب وحشمه ولا وشوو ..؟؟

سارا بصدمه :: ليه حراام اقلب في مسجااتي ..
سعااد ببروود:: سارووونه حيااتوو .. اذا كل الي في هالبيــت مادروو عن شي ..ترى انا غيــر ..
سارا بربكه حاولت قد ماتقدر انهاا تخفيــهآ :: وش قصدك .. ؟؟
سعاد :: انا حالي حالك مثل ماانتي محبووسه في هالبيت انا بعد محبووسه
سارا :: وشدخل ذي بذي ..!!
سعااد :: اذا الوحده كانت متعووده اربعه وعشرين سااعه تقضي وقتهاا مع اختهاا
.. وفجأه ماتشوفهآ الا دقايق وأحيانا تمر أيام وماتشوفها خير شر ..تتوقعيــن بيكوون الوضع
عااادي .. ماراح اتفكر الاخت ليه اختهاا انقلب حالهاا كذا ولا راح ادوور السبب الي قلب اختهاا
؟؟ وماترتاح ليــن اتعرفه برايك .. حتى الغبي بيسوي كذاا صح..<< وقالت بنبرة حزم شديده
>> أنا بسكت لين تجي بنفسك وتقولي لي او لين تعقلين عن الي قاعده اتسوينه لانه لاهوو مو
عادتنا ولا من تربيتناا فااهمه ..

سارا بخووف ماقدرت تخفيه عن اختها:: سعااد انتي عاارفه اني بأخر سنه .. وطبيعي انا انعزل
اشوي لدراستي انا برووح الجاامعه لازم اجيــب درجاات عاااليـــه ..
سعاد همست بإذن اختهآآ :: بس على هالحاال مارح راح تجيــبي غيــر الخيــبه الي انتي فيهآ
ههههه لاتحاولي تمثلي علي خبز يديني !! ..
<< وطلعت برى الغرفه واتركت ساارا المصدوومه من كلام اختهاا وشكوكهاا ان اختهاا اتعرف شي ..!!
سارا اطلعت تلحق باختهاا بس ادخلت ولقتهاا قااعده مع أمهآآ اتسوولف ..

سعااد :: شفتي يمه مو قلت لك برووح وأقنعهآآ تجي تقعد معانا ..
نجلا :: دووم ان شالله..
سارا :: أهليــن يمه اخباارك ..
نجلا :: اقوول انتي دراستك بعدهاا مابدت .. وعن خباال البناات والدراسه قبل وقت بتتعبك
وبتأذيــك وانتي لاتقصين على نفسك منتي برايعت درااسه ..

سارا<< حمدت ربهاا ان سعاد ماقالت لامهاا شي :: يمه انا أبدخل الجاامعه لازم اجيــب نسبه
عاليه ..
نجلا :: بلا جامعه بلا خراابيــط بس تتزوجيــن فهيــد بتروحيــن هناك وهو يدخلك بأي دوره
ولا معهد ولا ان مارضى عاادي اصلا ماااله دااعي فلووووووسهم على جبووودهم اشكثرهاا ومو
بحااجه شغلك ..

سارا :: يمه الله يخليكي بلا ماتجيب الطاري .. انا بساافر عشاان خاطرك بس .. واذا ماصار الي تبينه اتخليــني على كيفي .. ولاعاد تجيبي طااريــه عندي اتفقنــآ..
نجلا وبخبث :: اتفقنآ بس بشرط ..
سارا :: وشوو ؟؟
نجلا بابتساامه :: انك اطبقيــن كل الي أقووله لك ، وتمشيــن على وصااتي وأنآ اجيب لك رااسه لحد مطااك وتمشينه على كيفك بعد ..
سارا "بضيق وبتصريف عاارفه امهاا مستحيــل تتركها في حالهاا ":: خلاص يمه تم ..

 

[جرحي جديم..!]

سعاد << حست بوجهه سارا الي ماعاد الا ينفجر من القهر :: أفآآآ .. يمييي وانا وين رحت اتظبطينهاا واتخليــني .. بنت البطه السووده أنـآ ..
نجلا :: اقول اتركي عنك سوالف الكبار بعدك بززر اعقلي وعن هذرت الحريم وقومي يلا صلحي لنــآ الشااي ..


... بأحد مجمعاات مكه التجآآريــه ..

قعدنا انفرر بدوون لاندخل أي محل .. لان من بعد الساالفه الي صاارت كل مادخلنا محل رز
وجهه واحد من عيال عمناا المصونيــن المحل وطلعنا منه ...
بعدهاا دخلنا محل مكيااجي .. وهالمره دخل معنــآ عبدالله ..
وجا واحد من الي يشتغلوون بالمحل ..

الرجال :: تفضلي ياختي هذا عطر تووه ناازل ماصاارله يوميــن تجربيــنه ..
نور <<لفت وشاافت الرجال سعودي ومملوح وماحبت تكسر بخااطره مع انهاا مابغت تشتري عطر
نور :: خلاص .. اوكي عطني اجرب ..
الرجال << بخ على ورقه صغير ومدهآآ لهآآ ..
عبدالله << وبحركه سررريعه سحب الورقه من يد الرجاال شمهاا وبعديــن مدهآ لنــور :: تفضلي..
نور << طالعتــهآ بنص عيــن :: خلهاا لك .. يمكن يعجبك وتشتريــه ..<< وطلعت من المحل
وهي معصبه ..
<<بعدهآآ طفشنــا من رحلة التسووق الي اكثر مايقاال عنهآآ سخيــــفه وفااشله محد قدر يشتري
شي ومحد قدر يتفرج على راحته وصعدنا للدور المطـــاعم ... وقلنــا نقعد وانتعشى احسن لنــآ
بمليـــــوون مره من السخيــفيــن الي كل شوي داشين لنــا عرض ..

بالمطاعم قعدنــا عالطااوله وطبعاا لازم صااده وعلى زاويه وكل شوي يقوومنا عبدالله وينقلناا من
وحده لثاانيه موناقص الا يحطناا بقفص لا وكل هذا عشان لانضيــع .. اخذ حموود مننا الطلبات
وراح اهو وبدر وعبدالله يطلبوون لنــآ ...

<< ماشالله كل هذاا لبس يابناات حصوووه ...
<< لا وتاليــن الشله الكريــمه كلهآ ورااكم .. (( الشله الكريـمه <<عيال عمي وعبدالله وبدر ))
لفت ديمه ببروود:: خيــر حيااتي .. بغيتي شي ..!!
اميــره ::هآآآ .. آآآ لا بس بغيــت أسأل من متى وانتوو هني ..
نور:: من يوم شفتج اليوم العصر ..
أسماا بقهر:: بتقنعيني كل هذا كنتي تنطرينهم او كنتي بالموول ولا شفنااج ..!!
نور بابتساامه :: يقولوون اضحك تبلى .. وانا ضحكت فيكم والله بلاني ...
اسماا << سحبت كرسي وحطته على طاولتــنآ وقعدت السالفه مطوووله:: وعلى شنوو ضحكتي
يا اخت نوور ..

دانه<< لفت اتغير السالفه ماتبي نور اتقط عليهاا كلام قوي وبعدهاا بنكلهاا كلنا :: سوري
يالحبيبه .. شايفه الطاوله اتحمل اكثر من اربع انفاار ..!!
ديمه :: لاماظنتي اتحمل زووود ولا اشراايج فرووح ..ههههه
فرح :: امبلى بس شتقووليــن .. " طيرت حاجبهاا لاسماا " ناس ماتفهم ..اوووووووووف
نور :: وبعدين يالشيخاات احنى بنتعشى وانتوو راعياات رجيم وماتحبوون الاكل..
اميره :: قطع انتي مخج مايشتغل الا عالاكل ..؟؟
ديمه بعصبيه::يقطعج ..
فرح باندفاعيه :: بعدين اختي صااجه ناس تبي تااكل ..تبي اتقابل وجيه تفتح النفس ..
نور طيرت حاجبهاا:: ماظنتي وجيه السفيره واختهاا من ظمن المقصووديــن ..
دانه :: فرقوونا بريحه عدددله يلا ..

اميــره :: خيــر انتي ويااهاا تطردوونا ..
دانه :: هههههه .. من يقوول يتراوالج يالحبيبه ..
ديمه ::ترى حمود اهوو الي بيجيب لنــا الاكل ..
نوور بنص عيــن:: وعياال عمي قاعديــن بالصووب الثااني وبتلقوون حولهم طاولات فاظيه ..
ماله الدااعي الغلا الزايد الي سااحبكم صوبناا ..

اسما :: ليه شنو شايفتناا نفسج انتي وخوااتج منحااشيــن من الفندق .. اتراكضوون ورى
الريااجيــل..ياقليلات الادب !!
اميــره :: ايه وكلش قصة انهم ضاعوو ومادرو عن رووحهم ومكه اشصغرهاا ((لفت طالعت بديمه ))
ترى محد مصدقهاا.. << احنا صج كنا ضايعين بس بعد مالقينا الفندق اكتشفناا ان المكاان كان قريب واننا كنا نفر حوول نفسناا .. وبعدين كل المبااني اتشاابه بالليــــل ..

اسما :: ايه ولا اختهاا الا ناازله من سياارة شباب ..
اميــره :: تف تف تف اسمالله عليــنا لاتضحكيــن ربي يبليــج ..
اسما :: يؤيؤيؤيؤ .. ياربي لاتبلااناا محناا ناقصين بلااوي زوود ..

نور :: اقوول يالعنز انتي واختج بتضفيــن وجهج ولا بفلقج بالشطه ..؟؟
حمود << جاا ماسك صنية الاكل :: نور حرام عليــج علبة الشطه بتدفعين غرامه رياليــن ..
فرح ::ههههههههههههه وجهها مايستاهل تقطيــن عليه رياليــن .. والله خسااره فيه
اسما <<لفت ع اميــره وقامت من كرسيها :: حتى هالبزر بيرفع حسه عليــنا .. تفوو عليكم من
بناات ..
نور:: تفوو على وجههجيالهووديــه..
اميــره بصرااخ ونست نفسهآآ :: بنااااااات شواارع .. شنااطره منهم يعني امشي اسووم..

عبدالله << كان جاي وجايب معاه باقي الاكل لان حموود وبدوور تأخروو عليــه :: اقوول أميــره
تعوودي هالالفااظ الزبااله على بنات عمتي لا أتل لساانج واقطعه من عرقه ..<< احيانا يعجبني 
اسما << لفت عليه :: خيــر ان شالله مو ناقصناا غيره ..
أميـره بقهر :: اكملت ..
عبدالله :: والله لو انكم مو حريــم كنت رديــت عليــكم ..
اميــره :: فيك خيــر افتح فمك ..
عبدالله ::فيني خيــر بس .. بس خيري موو على كيــفج يا مره .. " وبنبرة جديه " وانتي عاارفه انا لاقلت الكمله ما أثنيهآآ.. " كمل بهدووء "اسما ضفي اختج وانقلعي انتي ويااهاا لا أعلمج صج
منو عبدالله .. فيفضل انج تحشمين نفسج عالاقل قدام الي جايه اترززيــن قداامه ..!!

اسماا حاولت اتغطي خوفهاا وبدت اتصارخ:: نعم ..آآآآ.. شوفو شقأأأعد يقوول ..آآ.. الاخوو ..
نور :: لابالله ماغلط ..
ديمه :: صاااااااااج ..
دانه :: ليه احد قال غير جذي ..
حمود:: من شااف وجههاا اشلوون قلب ..خخخخخخخخخ
فرح :: ياااااااااااااااااي طلعتي مجكوكه ..ههههههههههههههههههههههه
ديمه :: تصدقيــن عبالي محد داري غيرناا ..
دانه :: كولكت يووور فيس هني ..كا\\\\\\\\\ك ..
نوور:: بالعربي لقطي وجهج << اول مره تفهم انقليــزي ..

<< كااااااااااك كلينااهاا .. و المسكيــنه اسحبت اختهاا رااحوو بدوون لايردوون لاننا ببساطه
ماعطينااهم وجه وانحااشو خايفين من عبدالله وخايفين انمصخرهم زوووود .. تعشينى وردينا
الفندق وحطينا روسنا ونمنا لان بكرى ورناا دررب للكويت ..

 

[جرحي جديم..!]

ثاني يووم قمنــآ الصبح الساعه 9 وطلعنـآ على طوول للريآض ، جدتي " ام ابووي كانت مريضه ومنومينهاا بالمستشفى .. فكنسلنا طلعتنا للكويت ورحنــآ الريااض ...

×× الرياض .. مستشفى الـ.. ..قسم العناايه الفائقه ..

<<دخل أبووي ..وانا وخوااتي ظليناا قاعدين برى ننطر أبووي لانه مايصير يكثر النفس عليهاا
بالغرفه ...
عبدالله بقلق :: هاا ياعمه شفتيهاا ؟؟
ام وليد::لا والله ياوليدي مادخل عليهاا غير بو وليد وليه الحيــن ماطلع ..
عبدالله :: ان شالله مافيهاا الا كل خيــر .. يآآربي اتقومهاا بالسلاامه ..<< ((جدتي ام أبوي اتصير عمة أمي يعني تحرم لعبدالله "عمة ابوه" صحيح انهاا كبيره بالسن لاكنهاا حبوبه وقعدتها
ماتنمل مو نفس بعض العجاايز الي من تقعد ودك تقووم من عندهم .. ))

<< طلع أبووي وطمناا عليهاا بعدهآ دخلنا عليهاا وحده وحده .. طمنا الدكتوور انهاا مرت بجلطه خفيفه وومن بكرى بيطلعونهاا عالجنااح وان شالله ما راح اطول بالمستشفى جدتي ..

دانه بضيقة خلق :: يبا خلناا نرووح انريح بفندق ..
ديمه :: صح قعدتنا مالهاا دااعي ..
أبووي :: فندق و بيت امي موجود ..
دانه ::هآآ..آآ لا يبا مو قصدنا بس بيت جدتي صغير .. ووآآ..
ديمه:: يبا مانبي نحرج عمتنا بجيتنا احنا ماشالله اشكثرنا ووآآ..
دانه بقرف :: يييييي ..أي بيت الله يهداكم كلهاا ثلاث غرف وحووش ..
فرح باستغرااب :: وانتي اشدارااج ؟؟
دانه:: علمي فيهم يومي بزر ..
فرح :: اووووووووف تذكريــن
دانه :أي صج انا أتذكر شغلات من قبل أيام الغزوو << قويـــــــــــــــــــــه دانه ماتمت 3
سنين أياام الغزو اشلوون اتذكر الي صار من قبل ..
ديمه:: وانتي صدقتي هالخبله تلاقيــن أبوي متكلم قدامها او احد واصفه لهاا ، الا صج يبا
اشلوون بنقعد فيه ولا غيروو البيت ..

أبوي وبدا يعصب :: بيت أمي مثل ماهوو من يوومك صغاار ماتغير ومافيه غير اختي شيخه وماني
مخليهاا في البيت لحالهاا تبوون أهلا وسهلا ماتبوون طقوو روسكم بالطووفه وهم بتجوون غصبن
عنكم ..
امي "حصوص":: آآآ .. الله يهداك يابو فيصل البنات مايقصدن .. << وقعدت اتغمز للبنات يجوون ويعتذروون من ابوهم على حركااتهم السخيفه ..

(( وصلنــآ للبيــت للي كان متوااضع حيييل وبنياانه قديم وكان باحد حواري الريااض القديمه ، دخلنــآ البيت ولقيناا مره كبيره في السن يعني 45 او 46 سلمنــآ عليهاا وقعدنــآ ))
........................ ماكان في بيناا أي حوار الوضع كاان كله خجل كل وحده خايفه تقوول شي تنقد عليهاا هالعجووز ، وهم خايفين نسكت تحسبنا نافخيــن ريشنا عليهاا ..

أبووي:: أقوول شيووخ .. دلي نوور مكان الفرش خل اتضبط لي فرااش بالدوانيـه قفلت وبنام ..
عمتي شيخه :: أفا عليك يافيصل انا اسويه لك بنفسي ..
قامت نور :: لا والله ياعمه ماتقومين بس قولي لي الفرش وين صاايره وانا برووح ..
عمتي شيخه :: لا ههههههه<<قرصت خد نوور >> من متى هالادب .. معليش حبيبتي انا بسوي فراش اخووي وفرشكم انتوو بتسونهاا ..
<< طلع أبووي واخته ..

نور لفت على امي :: يمه تتطنز علي ..؟؟
فرح ::هههههههههه امانه شدرااهاا عن قلة ادبج ..
ديمه :: الله الله يانوور .. على جبهتج مكتووب قليلة أدب ..
دانه << من دشت واهي تفكر ولا بطلت فمهاا بكلمه وبعد ماقامت من غفوتهاا واحنى انتطنز على نوور ..
دانه :: يمه .. عمتي شيخه مو متزووجه !!
امي ::امبلى كانت متزوجه بس ترملت من زماان ..مات زووجها وولدهاا في حادث وماتزوجت
عقبه ..
شيخه <<دخلت وقطعت كلاامناا بابتساامه واسعه::ياحيالله بنات اخووي اخبااركم ؟؟
البنات << الحمدلله بخير ياعمه ..
دانه :: اخبارج انتي ..؟؟
عمتي :: الحمدلله بخير بس مو لمه اتعرفووني عليكم بالأول ..
دانه :: انا ازين وحده بناات ابووي .. داانه
عمتي :: انتي دانه ههههههههههههههههههههههههههههههههههههههههههههههه اخبارك واخباار نااصر ؟؟
دانه << استحت من كلام عمتي :: انا الحمدلله بخير ونااصر اسأليــه هوو ..
عمتي :: الله يوفقك ان شالله وييسر اموورك ..
<< وكملناا السهره واكتشفناا انهاا حبووبه حيييييل وبصرااحه استانسناا عليهاا ..

بعد يوميــن من جيتنـآ الريااض الي من وصلنااها ارتحنا ماقمناا انشوف لاعمتى خزنه ولا بنااتها ولاحتى عيال عمي سعد وعبدالله كان يجي يسلم على امي وجدتي ويطلع مايطوول.. وقرر ابوي في
الوقت الضاايع انه يطلع يخيم مع خواله الي له أكثر 5 سنين ماشافهم ..

نور ::اوووووووووف يالطفش ماخلصناا من خوالي وعيالهم وقلنا بنطلع مع عمامي فري .. طلعوو خواال أبووي ..
ديمه :: ويـــــــــع .. اما بر سعووديه وناس مانعرفهم ويناا ووين الونااسه ..
فرح :: ألحيــن ابووي مالقى يقرر الا الحيــن طفش محد نعرفه هنااك ..
دانه :: على هوا واستحووى على وجيهكم ابووكم خمس سنين ماشافهم وانتوو ماهمكم الا نفسكم
وبعديــن اشدرااكم يمكن عياالهم مزين ..
نور :: وانتي شلج بالريااجيل يالصاايعه ..<< كملنا تحلطم عالفاضي والمليان وبعدهاا طلعناا انخيــم عندهم ..

عمي سعد << بس درى عن تخيمنا طلع هو وخاالتي لنا وواعد عيااله يسبقوونه هناك متفشل من خوااله ومن متى وهوو يأجل فيهم وداام ابووي طلع قال بيطلع ورااه ..
عمتي خزنه << كانت بطريقهاا للكويت بس لما درت ان عيال عمي سعد هونو عن ردته خذت فووق تحت وجت ..>>ماتبيناا انتوحد بعياال اخووها .. مدري شبنسوي فيهم
وعمتي نجلاا <<استانست اننا بنخيم بالسعووديه اقرب لهاا وسبقتناا هنااك ..
سارا << وبعد محااولات حمد الكثيــره انه يعتذر منهاا اقبلت اعتذاره ووعدته انها بس اترد من طلعت المخيــم بتخليه يجي ويخطبهآآ ..
عبدالله << مر معانا بيقط حمود وبدر وبيقعد يومين وبعدهاا بيرد للكويــت

؛؛؛؛؛؛ في أحد مناطق السعووديــه

بمخيماات خوال ابووي .. كانت مخيمااتهم كبيــره وعيــالهم كثااار طقتنا حوله وعجزناا انثبت على واحد منهم بس كلهم كانت اشكالهم عااديــه وماكان في احد بينهم يلفت الانتبااه ..
نزلنــآ لمخيمناا ومن سووء الحظ كان مخيمناا عبااره خيمتيين يعني وحده للنوم ووحده للقعده بس الاخواان الي قطوو وجيهم ظيقوو عليناا فصارت خيمه للحريم وخيمه للرياجيل ..

دخل علينا واحد من خوال ابوي ::السلام عليكم ..
ابوي :: وعليكم السلام .. أهليــن بو خالد ..
ابو خالد:: اعذرنا يابو وليد عبالي انك جاي مع ام العيال والبنات وكنا مجهزين مخيم على قدكم
ابوي<< قلب وجهه :: لا لا ضيق ولا شي بالعكس أحلى جذي والبر كله التمشي والخياام للنوم وأنا والأهل مرتااحين جذي ..
ابوو خالد :: انا وصيت العيال يحجزوو لكم كم خيمه ..
ابوي << عصب :: علي الحراام والطلاق انك اتردهن واذا مو عاجبك نقعد جذي ولانرد وانت وكيفك ..
ابو خالد بابتساامه :: افا عليك بس .. ولايهمك ولاتحط في بالك انا الحين ادق عليهم وألغي الحجز بس ابيك توعدني متى ماضااق عليكم المكاان تقوولي ..
ابوي << اوعده مع انه مستحيــل يقوول ..

<< طلعوو الرياجيــل وامي وصت نوور تطلع وتظبط اغرااض ابووي بخيمتهم بس نوور عيت واحلفت انها ماترووح فشله واحرااج ومن هالكلام وبالاخير اقنعت امي انهاا ترسل حموود ويضبط اغرااضه مع ان حموود مايعرف يعدل مخدته ..
<< اسما واميــره طلعوو يجيكوون على قسم الرياجيل طبعاا بخرووه وعطرووه وخمووه وجو قطوو فرشهم فووق بعض ولا حتى عدلووهاا ؛؛ " جيدهم لعيال عمي حتى امهم ماسوو فراشهاا "

دخلت عليناا بنت حليوه بس ماعرفنااها بالبدايه ..
البنت : السلام عليكم ..
الكل :: وعليكم السلام ..<< مرت البنت وقمنا كلنا سلمنا عليهاا ..
ديمه ::سوري ما اتذكرج انتي من بناات خوال ابووي .
البنت ::ههههه لا مو منهم وبعدين عاادي حتى انا اخربط فيكم ..
فرح :: طيب يالي اتخربطين فيناا هذي انا فرح وهذي نور وهذي دانه ..الخ ..
نور :: الحين ان خربطتي فيناا فهذا من تناحتج << قوووووويه مسرعه طيحت الميانه ..
البنت <<انصدمت من نوور :: آآآ.. لا لاتخافين ماراح اخربط ..آآ أنآ سارا بنت عمتكم ام سالم ..
الكل << كأنكم كابــين عليهم ماي باارد ..
ديمه<< ماعلقت وسكتت ..
دانه ::آآآآ أنا من زماان اسمع فيج ونفسي اتعرف عليج ..
فرح :: هآآ .. إيــه ..اذكر ان عندج اخت وينهاا ماجت معااج..
سارا :: لا ماجت جيت انا وامي وبس هي قعدت مع اخووي ساالم .. تعرفيــن سالم مستحيل
امي تتركه لحاله ..
نور:: سارا وكأن امج تناديـج ..!!
سارا ::آسفه ما انتبهت ..<<طلعت ولقت امهاا محظره صنيبة قهوه وجااي وتمر وحلا وحااطه كل شي .. ياله وقفي عند الباب وناادي أحد ياخذهاا منك خلهم يعرفوون سنع بنت نجلا ""
ياااااااااي يتفكيرهم الوحده ماتنخطب الا اذا صارت سنعه عني ماتسنعت " ..
سارا << خذت الصنيه وفهمت حركت امهاا وقالت بابتساامه:: ان شالله ..<< ودخلت علينا شايلتها ..

سارا ::آآآ فرح ماعليش تنادي اخووك الصغير ياخذهاا داخل للرجال .
فرح ::آآ ايه <<رفست نوور >> قومي نادي حمود ..
<< وبعدهاا قعدناا نسووالف ونحش ببنات خزنه الي انصدمنا ان سارا قامت تحش فيهم
وبحركااتهم لا وجابت لنا سوالف مادرينــآ عنهآآ ..
سارابقهر وعصبيه:: والله لوشايفنهاا اشلوون سحبت الصنيه من حموود ووقفت عند الخيمه تنادي
واحد من الشباب ياخذهاا كان مالمتيني .. مصخره وقلة حياا ..
البناات << كا\\\\\\\\\\\\\\\\\\\\\\\\\\\\\\\\\\ك .. " هذي وهي بأول يووم اجل بعدين
شبتقوول ..
سارا ::بناات انا ماقطيــت نكته يومكم تضحكوون علي كذا.. بس تدروون .. ان اسما ماتدخل
كثير على العياال ولاتقط وجهها كثير بس احسهاا خبيثه ونجسه ونظراتهاا ماتعجبني بالمرره ..،،
ااما أميره احسهاا خبله مع الخيل ياشقرا احسهاا تقلد الرواياات على امل ان احد ينعمي ويدبس
فيهآآ مسكينه احسهاا مريضه ولا هذا تفكيــر وحده عاااقله ، والله عني ماتزووجت ولا اني اسوي
برووحي كذاا ))...

نور :: اقوول بنات فكووني من حشكم الخايس امشوو انتمشى وانتفرج على شباب الشرقيــه مو
معقووله مالقطناا وجهه عددل من جينآآ ..
سار << بصدمه :: نـــــــعم ألحين انا لي سااعه اطنز على اسماا واميره وطلعتوو طبقه وحده ..
فرح ودانه ونور وديمه << تزلغت وجيهم ..
سارا :: هههههههههههههههههه .. وجيهكم اتجنن وانتو متفشلات .. يلا قومو خل نقز على
قولتكم شوي قبل لايجي اللليل وبعدهاا بتاكلوون هواا .. يلا ..
<< طبعاا ماصدقناا خبــر قمنا انتمشى بعد ماتلثمناا ((مدري ليش بس حركة خباال )) ..
اسما واميره << قضوو طلعتنا شغل وكرااف وسنع عالفااضي والمليـــان ..

^^^^^ ثاني يووم لنــآ في البر ..
العصر .. السااعه 2ونص بالليل.. مخيــم الريااجيـــل ..
عمي سعد وابووي وفهيد وخالد وفاارس وعبدالله وابو خالد "خال ابووي" قاعديــن يتقهوون ويسولفوون ...
<<بصرااحه ازعجوني انا خواتي وساارا عجزناا ننام من كثر ما اصواتهم عاليه ..
ديمه ::يووووووه .. سكتووهم حلت السوالف ألحيــن ..
فرح بمساسر ::ديمه قومي وشووفي شريفاات مكه يطلطلن عالرياجيــل ..
نوور:: ايه والله لاحياا ولامستحاا ..<< غطت رااسهاا بالبطاانيه وردت تنام ..اما انا فطاار مني النووم وقعدت بفرااشي اقلب بالتلفوون واقرى رواايتي ..

××× بقسم الريااجيــــل ×××
... دق تلفوون ابووي ... الي كاان قريب من فاارس ..
فارس :: سم عمي .. تللفوونك ..
ابوي بحكم ان نظره ضعيف ومايقرى من غير نظااره ..اخذ التلفوون :: منو الي دااق ..
فارس :: ابوعبدالعزيز <<ابو ديمه >>
ابوي:: ألووو ..
ابو عبدالعزيز :: هلااااا عمي اخبااركم علوومكم .. عسااكم طيبيــن ..؟؟
ابوي :: ياهلاا ...والله بأحسن حاال ..يسلمك ..
ابو عبدالعزيز :: ماصاارت متى ناويــن تردوون..؟؟ ترآآي اشتقتنا لكم ..
ابووي بابتساامه:: تشتااق لك العافيــه والله ان شالله عقب ثلاث اياام بنرد محناا ناوين انطوول اهني .. لحظه اودي التلفوون لديمه ..
ابو عبدالعزيز :: لالا ماني بمكلمهاا أنا أبيك انت ..طال عمرك ..
ابوي :هلا خيــر وش تبي ..؟؟

ابو عبدالعزيز :: وش راايك بسعوود ولد اخووي خلف ..
ابووي :: والله رجاال والنعم فيه ..
ابو عبدالعزيز :: وأنـآ بعد قلت جذي ، خطب ديمه وانا وافقت رجاال ومااعليه كلام وقلت اعطيك خبر تخلي عمتي تبلغها ال .. انتو جدانهاا ولكم رااي ودامك معااي اجل المووضووع تم ..
ابوي :: ان شالله انا بقولهاا بس لما انرد مابيهاا تشغل بالهاا من ألحيــن ..
ابو عبدالعزيز بانفعاليــه :: وشووووو ليين ترد تقوولهاا الولد مستعجل وبس ترد بملك لهاا على طوول ..
ابوي بحزم :: انا مو معك البنت لازم تاخذ وقتهاا واتفكر وبعدين شنوو سالفت مستعجل هي بداله جااي ياخذهاا ويمشي ..
ابوعبدالعزيز :: عمي الله يخليك دامك موشاايف ع الرجاال شي خلك محضر خير اشووله اطوول الساالفه ..وبعديــن دلع البناات انا مالي فيهاا ..
ابوي ::انا ماراح اقووف لا معااك ولاضدك .. وكلامك بنقله لهاا وبس ..
<< بهاللحظ >> انخطف وجه فهيــد ونزل الفنجال الي بيده ونسى كل الي حووله وقعد يركز عالمكاالمه من اولهآآ وقلبه نااااغزه بس كان يقنع نفسه بانهاا بترفض وألحيــن بتنغصب لأ لأ
مو معقوووووووول ..
ابو عبدالعزيز :: قل لهاا اني مو شاايف عل الولد شي .. وانه دااش مزااجي ، وان الي اناا اشووفه بيصر ما اطوول عليك يابو وليــد .. مع السلاامه
ابووي:: يسلمك <<صكر التلفوون ..وبعدهاا وبكل برووووود مد فنجال لفاارس يصب له ..

××× بقسم الحريــم ×××
من صكر ابووي السمااعه واميييييره اتنااقز من الونااسه ماعاد الاتسوي عرس ..انا شكيــت في المووضووع فقومت ديمه ونغزت نوور وسويناا نفسناا انرتب الفرش قريب من قسم الريااجيــل ونوور اتسمع ..
<<بعدهاا بخمس دقايق اسماا واميــره اطلعوو برى يتمشوون ..
ديمه بمساسر ::هاا نوور شسمعتي..
نور :ولا شي ..
فرح :: وجدري ان شالله ساعه انغطي عليج وانضبط الفرش واخرتهاا ماسمعتي شي ..والله مارقصت اميره ولاعبتهاا اسماا من شووي ..
سارا توهها تنتبه لناا فزت من فرااشهاا :: بناات اشفيــكم ..
نور::اش اش ..<< وهالمره انا وديمه وسارا قعدنا انتسمع معاهاا ..

 

[جرحي جديم..!]

××× بقسم الريااجيـــل ×××
عمي سعد :: عسا ماشر يابوو وليــد شصار ..
ابوي ::خير ان شالله ..
عمي سعد اشر للشباب عشاان ياخذ راحته ابووي بالسوالف .. والشباب اطلعوا ..
<< فهيـــد لف من ورى الخيم وقعد يتسمع ..
<<فارس انتبه لخووه ولحق ورااه ..

ابوي :: ابوعبدالعزيز .. بيملك لديمه على ولد عمهآآ ..
عمي سعد :: وشووو ..؟؟ وأي من عياال عمهاا ..
ابوي :: سعوود ولد خلف اخووه ..
عمي سعد :: وانت ليه مضاايق نفسك ، بنت ومصيرهاا بتتزوج والرجال ماعليه كلام
ابووي :: ديمه مستحيـــل اتوافق على واحد ماتعرفه ولا سمعت عنه .. وبعديــن ابووها جايزتله السالفه وبس انرد بيملك لهاا ماارااح يعطيهاا فرصه حتى اتفكر ..حرااام نظلمهاا بهالعرس.. هذا زوااج ومستقبل موولعب او حرب منوو بيمشي رايه فيهاا ..
عمي سعد :: وطيب لا تكبر السالفه انت عاارف ابوهاا وعاارف انه لاشااف الشي صح مايغيره ولو تدخلت ماراح تسوى عليك ..خلك في حاالك وخلك على بناات الي شوورهم بيدك ..وترى الرجال
والنعم فيه ماله داعي ديمه تعند بعد ورفضك للسالفه ماله داعي
ابووي:: صدقت .. بس مدري اشلوون بقوول لديمه ..
عمي سعد :: تبي نصيحتي ، دامك ماراح تقدر ترده لاتوقف ضده مو عشاان ابوعبدالعزيز عشاان ديمه يمكن اتقبل الفكره لاصرت رااضي عليهاا وخل ام وليد هي الي تكلمها ..
ابووي:: هذا الي كنت افكر فيــه ..



فهيــد << ركب سياارته وحركك بعيد عن المخيــم ..

اميره واسماا كانوو يتمشوون ويسولفوون ويضحكوون والارض مو شايلتهم ..
اميــره ::بسم الله من هالمهبوول الي سايق جذي ..؟؟
اسماا :: هذي سياارت عبدالله ..
اميره ::عزالله عرق حصوص مايجي من ورااه الا الهباال ..
اسماا ::مو جنه فهيـد الي يسووووق ..
امير << انقههههرت :: امانه ليه ؟؟ يسوي جذي ؟؟وعلى شنوو ؟؟ من زينهاا ديمه الخاايسه الله ياخذهاا ان شالله ..
اسماا بخبث ::هدي لايطق فيج عرق .. انا اوريـج ان ماخليته يرد ويتفل بوجهها مااكون بنت امي وابووي ..امشي خل انرد للمخيــم وانا اعلمج الشغل ..

 

[جرحي جديم..!]

>>>>>> الجزء الرابع عشر <<<<<

××× بقسم الحريــم ×××

ديمه << من درت بالسالفه وهي معصبه وتصيــح :: موناقصني إلا يجي ابووي ويغصبني لا وفرصه أفكر فيهآآ دلع بناات وماله دااعي .. شالتخلف ..!!
"وكملت وهي مصدوومه " :: هوو الي بيتزووج ولا انا ليه يتدخل جذي ليــه !!لا وبيملك لي على ولد اخووه الي ما أعرفه ولا قط سمعت عنه ..

<< ماعبرتناا وطلعت برى انا لحقتهاا ودانه وسارا ونوور لحقوني بس أشرت لهم انها معصبه واني انا بحااول اهديهاا ..
<< البناات راحوو للمطبخ يظبطوون القهووه قبل لاتطلع امي وتامرهم وطبعاا وقتهاا بيقعدوون عماتي يقطوون كلام عالفااضي والمليــان ..

؛؛؛ فهيـــد وقف السياره ونزل منهاا وقعد يتمشى برووحه ..
كان متضاايق حيـــل اكثر رفضهاا له اول مره .. كان متأكد هالمره انهاا مارااح اترده كان وااثق انه اذاا خطبهاا بتطير من الفرحه وبتواافق كان حااس انهاا تحبه..

عالرغم من انه مامر بينهم أي نقااش ولاتلاقت عيوونهم ببعض بس .. كان يقنع نفسه انهاا اتخبي عيونهاا
عنه لايكشفهاا وتسكت عشاان نبرة صووتهآآ ماتفضحهآآ، وكاان حااط في بااله انهاا ارفضته لانهاا ماتعرفه
وو بس ..

هالسفره غيرت في حيااته كثيــر وهم غيرته في أراء ديمه وتوقعااتهاا كثير ..

فهيــد أخذ نفس طويـــــــــــل وبدا يتنهد ويهمس :: مارااح ياخذهااا ..مستحيــــــل ترضى
<< وحاول يقنع نفسه بجمل ترفع من معنوياته وتبدل ضيقته بفرح ..


،،بالمطبخ .. الي هوو عبااره عن خيمه بالنص قريبه من الكل واطل على كل الخياام..
دانه :: نوور انا بسووي القهوو وانتي ضبطي صنية الفناجيــل والرطب ..
اسما:: ماشالله من متى هالسنع ..<<اسماا اميــره كانوو قاعدين بالمطبخ يسولفوون والعااده مايطلعوون من
المطبخ خير شر مسووين حزب رقاابه فيه ..
امير <<مسحت ادمووعهاا لاينتبهوون البناات ونزلت خصل من شعرهاا على وجهها :: آآآ .. اسوووم
امشي مالي خلق اقاابل هالساحرااات..

سارا باندفاعيه :: لاتكفيــــــن بنمووت على قعدتك معااناا .. فرقااكي عيد ..
اسماا:: لو اني راايقه كنت هزءتكـ . بس ماني براايقه لك ولاشكاالك <<طلعت برى..

....... بعيـــــد عن المخيم ..."فرح وديمه "
فرح ::... خلص ماتبينه ماراح تاخذينه ..ليه كل هالبجي
ديمه <<ماردت على فرح سكتت فتره وبعدهاا ،،، بدت تبجي ..
فرح ::ديووم ..شالخباال ترى مايسووى لو يمووت ابووج اذا ماتبينه ماراح تاخذيــنه ..شنوو الدنيا
فووضه ؟؟
ديمه :: انتي مو عااارفه ابووي ..
فرح بابتساامه ::مو عاارفه ابووج صح بس اعرفج انتي ..واعرف ان رااسج الياابس ماولدته امه الي يقدر
عليه ..
ديمه قالت بيأس وبضيقة خلق :: إلا أبوووي ..
(( أبوو ديمه انساان عصبي ومايتحمل النقااش مع أي احد .. داايم هو صح والكل غلط ويمشي كلمته ع
الكبيــر قبل الصغير .. ديمه ماتسوولف عنه كثير ومادق عليه او تشووفه الا بالمناسباات او اذا زفهاا اخوهاا
عبدالعزيز .. عمرهآ ما احتاجة له او اشتاقت له لان ابوي عمره ماقصر عنهاا بشي ومعتبرهاا مثلناا لا ويمكن
أعز .. ))

فرح ::طيب انتي ليــه مضيقه خلقج خلاااص الي صاار صاار ..وانتي استخري واذا ماارتحتي يحلهاا الف
حلال ..
ديمه أخذت تنهيـده طويــــــله :: ايه يصير خير ..
فرح ابتسمت :: وينج وين الخير وانتي قاعده تتبجبجيــن هني .. يلا ديووم فليــهآآ ..امشي
ديمه :: فرح بليــز حدي ضاايقه مالي خلق ..
<<بس فرح ماخلتهاا لين سحبتهاا معاهاا للبناات عشاان اطلعهاا من الجوو الي هي فيه ..

.....،، فارس طلع من مخيــم الشباب ركب سيارته ومشى عالطريق الي مشي فيه فهيــد ،،
ووصل ولقى فهيد واقف ومستند على السيارره ..

فارس :: مرحبآآ .. اووووه ورااك شاايل الدنياا على ظهرك ؟؟
فهيــد:: فاارس انقلع عن وجههي ..
فارس تكلم بثقه::اقوول عن الخباال واحمد ربك.. يومه فكك منهاا ومن اهلهاا لا وصل ركعتين شكر بعد..
فهيد بتهديــد :: ترى مليــــت منك من ألغاازك السخيفه، انت شايف شي ؟؟
فارس بهدووء مصطنع :: هووووووووهووووو إلا شاايف أشيآآء خلني ساكت بس ..
فهيد<<سحب فاارس من كتوفه وحطه قداامه :: وشنوو هالاشيااء "وصرخ"خلصنييييي ...

 

[جرحي جديم..!]

‘‘‘ .... بالمخيم ،، بالمطبخ ..

البناات كانوو يسوولفوون ويطنزوون على اميــره و اسماا وقالبينهاا فله ..
<<دخلت عليهم عمتي شيخه ..
عمتي :: هههههااي بسكم ذنووب ياويلكم من الله ..
نور::عمه احناا مو قااعديــن نحش ..
سارا ::ههههههههااي اجل شكنآآ انسوي ؟؟
دانه:: هآآ .. أنسووالف ..
عمتي شيخه :: ههههه يلا عاد نسيتووني شكنت جاايه ابيه ..

سارا::خير خااله أمريني ..
عمتي ::مايامر عليك ظاالم ،،ويــن البقلااوه ..
سارا :: امم بالدرج ..بقووم اجيبهاا لج ..
نور :: لااااااا بخيمتناا .. ورى جناطنا ..
سارا :: منو حطهم هنااك ..؟؟ انا شافتهم امس بالدرج حتى شووفي << ورااحت اطلعهم
دانه:: لالا سوسو انا خشيتهاا بخيمتنا ..

عمتي :: خاشتهاا ...!!!!!...
دانه :: ايه جننتني اميــره تحطهاا في المطبخ وماتحط لنآآ شي وتوديهاا كلهاا للريااجيل والي يزيد اتخشه وترد ثاني يووم اتحطه سفرتهم عامره ماشالله واحنا تقووول سفرة طراراات ..
نور :: كا\\\\\\\\\\\\\\\\\\\\\\\\\\\\\\\\\\\\\ك ..زين اتسويــن ..
سارا ::هههههه .. ايه والله زين اتسوين طاحت سعبوولتي على الحلووى ولاذقتهاا عمري ماشفتهاا مع قهوتناا وكل ماجيت المطبخ ادورهاا ما ألقهاا .. شكلهم يخشوونهااا هههههههههه..

عمتي ::انتوو الي يقعد عندكم مايطلع ارووح اخذ البقلااوه احسن لي ..
سارا:: خلج انا بقووم ..
عمتي :: لاويــن تقووميــن خيمتكم قريبه من جلسة ام خالد " زوجة خال ابووي" وبطريقي وانا راايحه
خلج مع البناات ..<<وطلعت ..

....‘‘‘.. بمكااان بعيــد من المخيــم ..
فارس وو فهيــد ...

فارس بقهر:: خلني سااكت ياخووي لاني لو تكلمت بتكره أهلك نفسك بتستحقر رووحك ..
فهيــد لف وحذفه على كبووت السيااره:: انا سكتت وطنشت بمافيه الكاافيه والله لو ماتكلمت لأكوون ذاابحك ..يلا انطق تكلم!! ..
(( فارس بعد ماشااف عصبية اخووه وعرف انه مااله أي مجاال يأجل او يطنش مثل كل مره ..))

فارس :: تدري ليه تركت فرح ..؟؟؟
فهد <<جا بيتكلم . بس اشر له فاارس وو سكته ..
فارس :: انا ماخطبتهاا الا عن قنااعه .. قلت بنت عمي ادب وحشمه واخلاق وثقافه والواحد شيبي اكثر
من جذي ..
فهيــد << ترك فاارس ووقف قدامه وقال باستغرااب :: ووين المشكله ..؟؟
فارس :: خلني اكمل ولا تقاطعني ..

وكمل بكل هدووء :: انا ماخطبت فرح إلا عن قنااعه وكنت متأمل اني أخذ من بناات عمي فيصل من بعد
زوااج خاالد من عاليــه ، وانت عاارف السبب ..
فهيــد :: ارد و أقوول ووين المشكله ..؟؟
فارس :: المشكله اني استعجلت .. او احس اني استعلجت خبر خطووبتك من ديمه وهي ماتفرق عن فرح
الا بأقل من سنه حمسني وخلاني اعجل في السالفه بذاات اني متخرج ومتووظف وامووري تماام .. صحيح
من نفسك بس امشي الحاال ..
ماكنت متحمس قدك ولا حتى ربعك ..!!..
بس حمااسك للزوااج ونسني ..وانصدمت يوم ارفضت ديمه يمكن انت زعلت من الساالفه بس صدقني مو
كثري ، قلبت الدنياا وقعدهاا وقلت لامي ادق وتفصخ الخطبه ماكنت مقتنع براايي عشاان جذي تركت
البيت ومشيــت ما أبي احد يتشره علي مابي أي نقااش بالمووضووع لاني عاارف انهم بيغلبووني وبالذاات
واإني متأكد و عاارف على غلط ..

فهيــد بصدمه :: بصرااااااااااحه مالك دااعي ..
فارس تكلم ببروود:: موقلت لك لاتتكلم لين أخلص ..

" لف فاارس وعطاا فهيد ظهره "...
وكمل :: بعدهاا رديــت للبيت وقعدت مع امي وحااولت اسحبهاا بالكلام وعرفت انهم ماقاالوو شي لعمي
.. استاانست حيل وحسيت ان الارض مو شايلتني من الفرحه طوول الوقت اناا احتاي هالساالفه ما أبي
اصغر بعين احد ، وما أبي احرج نفسي او احرج ابووي وأفشل عمي الي كان مساتنس من مواافقة بنته ..

فهيــد :: بس ماكان هذاا تصرفك وانت كنت مصرر عل كل شي وترى أبووي ليل ألحيــن ماقال لعمي شي
وانت بيدك اتصلح كل الي غلطت فيــه ..
فارس لف وااطاالع فهيــد بنظرة عصبيه :: يمكن اكوون غلطت في البداايه بس اناا مصر على الزوااج من اسماا وانت ان طعتني ، تزووج اميــره وخل ديمه لنصيبهاا .. ماللك بهالاشكاال يافهيـــد ..
<< رنة sms .. ابتسم فاارس بمصخره ..
فارس << رد ع المسج وحط فوونه سايلنت بعدهآآ رد يكمل سوالفه مع فهيــد ...