الهواتف والأطفال

[أحلام]

[align=center]السلام عليكم ورحمة الله وبركاته

بالفعل التفكير في هالأمور وانتشار وسائل الاتصالات بانواعها بين الأطفال شي يدمي القلب

ما نقدر نغير اللي حوالينا بس نقدر نبدأ بأنفسنا ونعقد العزم والنية إن هالشي ما نسمح به لأطفالنا

قال لي أستاذ أكن له كل التقدير ،، حفظي الطفل القرآن والله بيحفظه من أي شر ،،

القرآن وغرس الإيمان في الطفل منذ نعومة أظافره راح تحميه من شر هالوسائل حتى لو كانت بين ايديه [/align]

 

[وصآل الروح]

و عليكم السلآم و رحمة الله و بركآته ..،
،
كل شي بهالدنيآ له إيجآبياته و سلبياته .،
و اذا عن هالاجهزة يوم انه الكبآر و العقآل و الدارسين تأثروا بها بشكل سلبي فمآ بالكم بالأطفال ؟!
،
و الموضوع تمام البعد عن الثقة، طبعاً كلنا نثق بعيآلنا و تربيتنا لهم ..!
لكن هالشي ما يعني ان نعطيهم مطلق الحرية ف استخدام هالاجهزة ..،
مثلا الحين معظم البرامج او نقدر نقول كل البرامج فيها دعايات و اعلانات و ما نروم نتحكم بهالاعلانات او نمنعها من البرنامج ..،*
و اغلبية الإعلانات مآ تليق لنا .، و لا للأطفال، و الطفل معروف عنه الفضول بيلعب براسه و بيدخل و بيجوف و مآعرف شو ..،
،
ف أنا من رآايي انه نعطيهم ما نحرمهم من شي لكن كل شي له حدود،. --> و هالشي اللي نطبقه ف بيتنا .
الآيباد مثلاً كل اليهال يتشاركونه، مب كل واحد له ايباد خاص فيه.. و فونات طبعاً ماشي عندهم بعدهم صغار ع الفون .،
و مثل ما ذكرت الأخت ( أحلام )، نزرع فيهم ان هالشي صح و هذا غلط و عيب و حرام و نعلمهم و بيتعلمون .،
،

و اذا مثلاً احد بيقول لي ما توثقين بعيالكم من جي ما عاطتنهم الحرية ف هالأمور .،
أقولهم لا، عندي تمام الثقة فيهم و بتربيتنآ لكن مآ اوثق ب الأشخاص اللي يقابلونهم و يلعبون ويآهم يومياً ..،
و الطفل معروف عنه ينجرف ورا كل شي، ما يفكر ..!
ما بيلس اعلم و افهم كل اللي مثلا اختي الصغيرة تعرفهم و ترابعهم .! و خاصة ربيعاتها فالمدرسة و الآيباد صاير من الضروريات فالمدرسة ..
ف من الأساس بعلمها الصح من الغلط و ما بعطيها مطلق الحرية ف استخدام هالاجهزة، و مردهآ بتكبر و بتعرف ليش سوينا وياها جي ..،

و أرجع و أقول الشي ماله علاقة أبداً بالثقة .،
يآ ما اهالي قالوا واثقين بعيالنا و تربيتنا و آخر شي ...!!!

^
و يعطيك العافيه ..

 

[x-noun]

هيهااء وعلى ايامنا أتاري وسيكل ولا بعد ف ايام الامتحانات يشلوه عنها
عسب نذاكر سلامي على ذاك الزمان :cry:

 

[بنت الأكابر]

أنا أحس ما في بديل تعوض الطفل في خصوصا به الزمن


زمان كان الرمل والبحر والأدوات القديمة والأخشاب والمزارع هي متعتنا


لكن الحين أصبحت التكنولوجياا شر لابد منه



لأن حتى بالمدارس يطلبون منهم الايبااااد



أنا ما أقول نسلم للأمر لكن مع رقابة الأم والأب






Sent from my iPhone using Tapatalk

 

[۝ لــصـمـيــة ۝]

السلام عليكم ورحمة الله وبركاته ..

هالاجهزه تأثر ع الأطفال بشكل كبير خصوصا انهم بعمر ما يعرفون فيه شي ..

واي شي يشوفونه اييهم فضول ويبون يعرفونه ولو من غير قصد ..

ومواقع المحادثات كثيره فيها الشباب والبنات منهم المحترم ومنهم قليل الادب ..

ولو تلاحظ اغلب الأهالي متساهلين ومدلعين عيالهم ومستبعدين عنهم هالاشيا عاطينهم كل الثقه ..

انا مع ثقة الأهالي بأبنائهم بس مع المتابعه ..

يعطيك العافيه أخوي ع الموضوع ..