الشحوح والبرتغاليين 000

[الفهر]

[ALIGN=CENTER] السلام عليكم ورحمة الله وبركاته [/ALIGN]اول شي احب انوه ان الموضوع كان في المنتدى القديم 00 وصاحب الموضوع عضو اسمه ( اليرز ) 000 الله يذكره بالخير 000

والموضوع كان على هيئه سؤال 0000

لماذا يقال على الشحوح انهم من اصل برتغالي 000 وما قصة اختلاط البرتغاليين بالشحوح 000 وما سر العيون الخضر والزرق لدى بعض الشحوح 000 ولماذا تطلق على مساكن الشحوح اسم المستوطنات 000 وهل كل ما ذكر حقيقه او من نسج الخيال 0000 وما المطلوب منا بعد كل هذه التلفيقات 0000 هل نظل صامتين ام نصل باصواتنا الى مسامع الكل 00 ؟؟؟

واتمنى ان الموضوع يحوز على اهتمامكم 000 وتطرحون المشاركات المفيده والشافيه 000

اخوكم الفهر

 

[شيخ روحي]

انا عندي جواب لبعض الاساله

اللي اعرف
انه في يوم من الاياام استوت حرب في الامارات خاصة راس خيمه(جلفار
وكانوا الاعداء البرتغاليين فيوم دخلوا راحوا صوب مناطق الشحوح وراحوا يجتلونهم
ويذبحونهم وسكنوا معاهم بالقوه وبعد ما طلعوا تموا الناس يقولون ان الشحوح اصلهم
برتغاليين وانه صار تزاوج بينهم وهذا كله تاليف ضرب تاليف
ما يدرون ان الشحوح من زمن عمر بن الخطاب كانوا موجودين
ما يدرون ان في قبيله كبيره رفضت انها تدفع الجزيه ويو قال عمر بن الخطاب (على حد علمي
انه راح يحاربهم يت مجموعه من هاي القبيله وقالوا له انهم ما ارتدوا عن الاسلام
وانهم راح يدفعون الجزيه فسماااااااااااهم عمر بن الخطااااب (الشحوووووووح)
ماااااااااا يدرون ان علماء اللغه حصلوا الكلمات اللثي يستخدمونها الشحوح في الاحاديث والقرآآآآآآآآآآن والمعجم
آآآآآآآآآآآه منهم اللي يغاروووووون من الشحووووووووووح
وآسف

 

[قوطي براقع]

للأسف الى الأن هذه المعلومات لا تقال لمن يسألنا مثل تلك الأسئله ! ببساطة لأن الكثير منا لا يعرف الحقيقة رغم الأجوبة عليها كثيرة!

عموما من الغباء(مع احترامي لمن يعتقد بارتباط الشحوح بالبرتغاليين) أن نربط الشكل الأشقر بأصول الشحوح لأن ببساطة البرتغاليين حالهم حال الأسبان والأيطاليين وغيرهم من الأوروبيين الغير شقر أصلا ! ليس كل الأوروبيين شقر بل الكثير منهم وخاصة من يتكلمون اللغة غير الانجليزية مثل الأسبان والبرتغال والايطاليين يشبهون العرب في ملامحهم ولون بشرتهم ! حتى أسامي الشحوح مالها أي أثر وبقايا من أسامي البرتغاليين الغربية!
الأهالي عندنا تستنكر ذلك وتستغرب من اسئلتنا لهم ويقولون من يقول! تخبلتوون مو ؟

هذه المعلومة اللي انتشرت بدون ما يكون لها أي أساس من الصحة!أعتقد من الواجب علينا احنا الشباب اللي نختلط بالناس من حوالينا وبالقبايل الثانية انا نوضح لهم الفكرة ونبدي استنكارنا ! مب نضحك وما نعرف نرد! وبعدين بالنسبة للأحتمال الضعيف في نظري ان شكل الشحوح الاشقر (رغم انهم أقلية) يرجع لتزاوجهم بالبرتغاليين هو أن كيف يكون في تزاوج والبرتغال ناس مسيحيين !؟ بتقولون رجالنا تزوجوا من نسائهم ؟ مستحيل !! لأن ببساطة الحريم في القرون الغابرة في أوروبا ما كانوا يجون ويحاربون مع الرجال!شو يجيبهم عندنا أصلا ..أنا أعتقد يمكن صارت حالات أغتصاب وما شابه!أو يمكن مثل ما قالت اختي بنت الفريج لقربها من ايران ! رغم الأيرانيين شكلهم بعد قريب للعرب نوعا ما! يعني انا صادفت بنات عرب وقبايل مثل المناصير والقبيسيين شقر ! ليش ما حد شك في أصلهم؟ بصراحة ... ما قريت ولا سمعت ان لنساء البرتغال وجود في بلادنا ايام استعمارهم لبلادنا لا بارك الله فيهم جابولنا سمعة

 

[الفهر]

هلا جماعه 0000 انا طبعا ضد هاذي الاكاذيب 0000 لكن بضطر اني امثل هاي الفئه من الناس وبتكلم عنهم 000 واناقش الردود 000
فاعتبروني اني انا الغريب اللي قال عنكم الكلام كله وحد منكم يحاول انه يقنعني او يسكتني 000

 

[الفهر]

اخوي شيخ روحي 0000

انت روحك قلتها ان البرتغالين سكنوا مع الشحوح بالغصب 000 يعني اكيد صار تزاوج واختلاط 000 وهذا اللي انا اقوله 000 بتقولي انهم مستحيل يتزاوجون 0000 انا اقولك يقدرون دام انهم قدروا يسكنون معاكم بالغصب 000

 

[بنت_رأس الخيمه]

معلومات يديده اول مره اعرفها عن الشحوح !!

بصراحه انا بعد سمعت هذا كله وما كنت اعرف مصدره وسببه ..

شكرا لكم للتوضيح ..

 

[الفهر]

اختي قوطي براقع 000

صحيح ان مب كل البرتغاليين شقر 00 لكن ما نقدر انقول ان محد فيهم اشقر 000 ولو كانت هاي الصفه اللي في الشحوح مب من البرتغاليين فمن منوا بتكون ؟؟

وعن وجود الحريم مع البرتغاليين 000 انا اقولج ان الحريم بعد كانوا معاهم 000 لان البرتغاليين كانوا يايين ايحاربون و يستعمرون واللي يستعمر 00 هذا ياي يسكن في المنطقه ومن المفروض انه يجلب الكل عشان يقدر ايشكل مستعمره 000

 

[الفهر]

اختي بنت راس الخيمه 000 مشكوره على المداخله وانتضري حتى النهايه عشان تعرفين الصح من الغلط 000

 

[بوخالد السلحدي]

هذه امور تسيئ للشحوح

وكل واحد يعرف اصله وفصله ....


واللي يقول ان الشحوح برتغاليين ما حد غيره البرتغالي ......




واللي مب عايبنه الكلام يشرب ماي البحر ولا ادله ولا هم يحزنون

 

[المـهــــــا]

موضوع جيد أخوي الفهر ..
الكلام اللي انته قلته .. هوه نفس الكلام اللي انا اسمعه دوم .. انه الشحوح اصلهم برتغالي بسبب الاستعمار البرتغالي و التزاوج اللي صار بين أهل جلفار و البرتغاليين ... بس المعلومات اللي عطونا اياها الاخوان تكفي لاثبات عكس هذا الشي ..الله يخليكم ذخر للوطن يا الشحوح

تحياتي ..
المـهـــــــا