طبعاً عبدالله مارام يتحمل زياده مهمن كان هذا ابوه … فماخلاها عذمته طلقها والله كتب ان الياهل ميتم فبطنها .. بعد فتره حاول انه يردها .. هي ما طاعت ... وبوها علي بعد ماطاع .. بعد كمن محاوله .. اظاهر ان ظبيه غيرت رايها وقررت انها ترد لعبدالله بس علي تم متمسك برايه وقال ان مستحيل بعد اللي صار يفكر انه يرد ظبيه لعبدالله … مرت لسنين وماكان بين ظبيه وطليقها غير المكاتيب .. ظبيه كانت بعدها فالثنويه ياها ريل أكبر من أبوها .. علي على طول وافق بدون مايخذ شور بنته .. عبدالله اظاهر استخبر .. مارام يتحمل فهاجر سار دلما .. مطر ريل ظبيه كان عايش فالكويت مع ناس كباريه فماخذ طبايعهم كان 24 ساعه فالبارات .. كان عصبي .. السب عنده ابيزه .. وفأول اسبوع له مع مرته وداها واحد من فنادق لفجيره يباها تسكر وياه طبعن هي ماطاعت .. المهم انه سكنها فالشاجر تعرفتلها عناس (( يرانهم )) الحمد الله ظهرو وايد أوكي .. قامت اسير وتي وياهم .. حتا يوم ريلها كان يطلع الفليل كانت اسير اتبات فبيتهم .. بناتهم قامو يسيرولها عاملوها عساس انها بنتهم مب وحده غريبه .. فحست معاهم بالأمان .. قررت ظبيه بعد فتره انها تاخذ نظام صفين منازل وفعلن كملت دراستها وخذت الشهاده … وتعلمت السواقه … فهذيج الفتره محد من حريم عايلتها كانت اسوق فقامو الناس ينقدون عليها … طنشتهم ظبيه … حملت … تعبت فالحمال وفهذيج الأيام كانت فجامعه العين .. قالولها لازم انعق الياهل لنه لو تم فبطنج يمكن تظهر معاه عيوب خلقيه أو أنه يظهر فيه مرظ .. المهم ان هي جازفت وماطاعت اتعق الياهل .. والله كتب ان الجنين يتم فبطنها .. وظهرت بنت … عقب 4 سنين حصه بنت ظبيه قامت تشكا من ويع كان اييها فراسها .. ظبيه اهتمت وودتها المستشفى اجيك عبنتها .. قالولها والله بنتج فيها اللوكيميا (( سرطان فالدم )) … ظبيه تعبت نفسياً وقررت انها تودي بنتها لنداً .. ودتها وتمت تتعالج هناك .. ظبيه عقب مايابت حصه بسنتين يابت بنت وولد .. الولد كان يدوب توه يمشي .. والبنت كانت صغيره .. وظبيه ففترة العلاج كانت حامل فقررت انها تودر بنتها مريم فراس الخيمه عند بنت خالتها .. المهم ان مريم طول فترة العلاج (( 6 شهور )) تمت بعيده عن أمها .. مارامت ظبيه تتحمل فطرشت مطر أبو مريم عسب اييب مريم لندن .. وفعلن سار ويابها .. فمطار هيثرو (( أظني )) فلندن ظبيه كانت تتريا بنتها مريم .. كانت شالتنها الفلبينيه فيوم يت اشلها ظبيه ماطاعت مريم اسير مع امها (( ماعرفتها )) ها الحركه خلت ظبيه اطيح ويغمى عليها … وطول ها الفتره محد من أهلا ولا حتا ابوها حاول انه يسأل عنها ولا حتا ابوها .. اللا بنت خالتها اللي مادرت انها موجوده أصلن .. اللا يوم التقت صدفه بولد خالتها فلندن .. وعرفت انه من أهلها …
مشاركة: الجزء الثاني من قصة سندرلا حقيقيه .. بس هالمره شحيه
مممممممممممممممم
راسي دار بين ظبية وعبد الله ومطر وحصة ومريم واخوها ما عرفت الساس من الكرياس ما عرفت هم ساكنين بالفجيرة والا براس الخيمة والا شو السالفة بس الظاهر هاي قصة حقيقة شو صدق مستوية يعني والله حالة هاي الدنيا فيها نفس هاي الحالات الله يستر علينا لاحول ولا قوة الا بالله
مشاركة: الجزء الثاني من قصة سندرلا حقيقيه .. بس هالمره شحيه
شووووووووووووووووووووووووووووووووووو
100 %
هاي القصة صحيحة لاحول الله الله يستر علينا وانتي من وين تعرفين ظبية وعبد الله ومريم لاحول الله يحليلهم انا تراني بسرعة اتاثر بصيييييييييح لاحول الله يحليلهم والله ما يستاهلون الدنيا ما فيها خير وتعالي انتي بتكملين القصة وبسرعة بعد مب تخيسينا شهور ودهور شرات القصة الاولية والله حالة تكتب قصة سنة 2004 وتكملها بسنة 2005 احين الله يستر الجزء الثاني متى بعد ليكون بعد بسنة 2006 الله كريم