• مرحبا ٬ في حال تعتذر تسجيل الدخول ، يرجى عمل استرجاع كلمه المرور هنا

قصيده لا ردج الله

  • بادئ الموضوع Scotland
  • تاريخ البدء
  • الردود: الردود 17
  • المشاهدات: المشاهدات 2K

Scotland

:: شخصية هامة ::
التسجيل
12 فبراير 2005
رقم العضوية
3109
المشاركات
3,389
مستوى التفاعل
4
الجنس
السلام عليكم اخواني واخواتي

من كثر ما احب هالقصيده واحب اسمعها بصوت الشاعر محمد بورحيمه

حبيتكم تسمعوها وياي





لا ردك الله لا ولا اطلب تردين
ادعي عليك بعثرة فـي صلاتـي

عثره تشلك ما بعدها تقوميـن
يا قاتلتني يوم صرتي حياتــي

خدان لك بالقلب كانت بساتين
وريضان وغصونا بها يانعاتـي

كنتي مناة القلب والروح والعين
واليوم عينك يعلها ما تباتـــي

كنت أحسبك للعهد والحب توفين
قلتي الغدر بالحب ماهي بسواتي

وحلفتي يمين الله ما منك ثنتين
وانك ملاك دون كل البناتـــي

وانك على عهد المودة تسيرين
ولا تسمعين أهل الحسد والوشاتي

وصار اليمين ستار خلفه توارين
ورماح غدرك بالخفا مشرعاتـي

وبان الغدر سم جرى بالشرايين
الله عسى يسقيك سم الفعاتـــي

كلي سقيتك حب واليوم تنسيـن
تقولين حلم ايام واليوم فاتـــي

خذتي الهوى لعبه على ما تحبين
لين عصفت بالهوى عاصفاتـي

من زينك يا بنت بالشعر تزيين
من صورك بابياته لطايلاتــي

انا من غرامي قلت كانك تذكرين
قلت الخجل صاب البدر من مناتي

وصرتي بشعري في العذاري تباهين
تقولين انا شمس العصر في حلاتي

زينتك بشعري ولا غربك الزين
ما زانتك صبغات حمر الشفاتــي

صورتك بالشعر حزام ورياحين
واثرك هضاب وشوك ما به هداتي

رسمتك سحابه خير قطر تنفين
فزت لك الصحراء زهور ونباتـي

رسمتك مهاه للجميله تقودين
واثرك قطيعه وضيعتها الرعاتي

واثرك غراب يوم سدل الجناحين
كنت احسب اني شايف لي قطاتي

بالشعر غليتك على كل غاليين
واثرك دنيه وتعشقين الدناتــي

وبالشعر عاتبتك عتاب المحبين
انا من يسوم الروح لك يا غناتي

توسلت لك خايف على حب عامين
عامين لكن في حسابي مئاتــي

ناديت لكن لي ابد ما تسمعين
عمري وروحي فكري في ثباتي

حذراك للشينات عمري تماشين
عديمات اصل اخلاقهن دانياتي

غاب الولي عنهن ولعبن بحبلين
يا خس واليهن وخس الولاتي

ما همهن في الناس زين ولا شين
وقلوبهن من حقدهن مظلماتي

وقلتي وربك لو يكونا ملايين
ما غيرن بالطباعهن من سماتي

تحسبين انك بالمهافه ترقين
كيف الصعود يكون للهاوياتي

وخنتي وبعتي كل عهد وايامين
ما عاد يفرق بين ماضي واتي

وصرتي مثل غيرك برخص تبيعين
يا مرخصتني ما بقى لك غلاتي

صبري نفذ واليوم ثارت براكين
مظلوم انا وباكر تحل دعواتي

سمعي عسى من بعدها ما تسمعين
سمعي دعا من صار قلبه حصاتي

ادعي عسى من ناضرك ما تشوفين
وتطحن بك الايام طحن الرحاتي

وعساك عوق منه ما عاد تبرين
عوق تشافق له قلوب العداتي

ويالله عسى يحتار فيك لمداوين
تبين الممات ولا يجيك المماتي

ويالله عسى كف الندامه تعضين
تندمين يوم انه يفوت الفواتي

وتبكين دم يسيل من مقلة العين
وتحتار امك عن عناك وتحاتي

عسى ما تلاقي من له القلب تهدين
وان هو حصل ادعي عساك الشتاتي

يا بلوة اللي وسط بيته تعيشين
ساهي وحوله شب جمر الغضاتي

عسى بعمرك ساعه ما تهنين
وتمضي حياتك بين هم وشقاتي

يا بنت قلبي وين مثله تلاقين
قلبا عطاك الحب ما قال هاتي

جيتك وروحي شلتها لك بكفين
وفي التاليه رمح الخيانه جزاتي

يالله عساك النار يا أم وجهين
كله انكشف لا ما تفيد العباتي

ويالله عسى تلبسك جن وشياطين
وتكونين مدعاة الحكي والشماتي

يا حية رقطا تقود الثعابين
باكر تحن ايامك المعتماتي

وباكر على فعلك بمثله تجازين
ظلم المشاعر ما تحكمه قضاتي

بيني وبينك تحكم ايام وسنين
وانا شاهدي قلبا من الغدر ماتي

ويا دمعة التمساح لالا تذرفين
العيون رغم ادموعها كاذباتي

لا ما عرفتي الحب لا ما تحسين
وغدرك تعدى غدر ذيب الفلاتي

الذيب يعوي قبل يغدر بمسكين
وانتي غدرتي خافقي في سباتي

لو كان غدرك في كفوف الموازين
لكان رجح كل غدر البناتي

انتي السبب سقتي على القلب جرحين
غدر الغرام وموجع الذكرياتي

وانتي السبب واليوم لالا تلومين
وان جاك باكر شوفي اشلون يأتي

والله لاكتب وافضحك في دواوين
وارقص واغني يوم خبر الوفاتي

وارسم لاهل العشق قلبا وسهمين
وقصة خيانه ما روتها الرواتي

ويمين لانشر فوق اسمك عناوين
واشهرك من قاصي اليمن للفراتي

ومن غرب هالدنيا الى قاصي الصين
ديوان غدر فيه كل اللغاتي

والبادي اظلم سنة العين بالعين
والا فذي لا عادتي ولا صفاتي

ويا شبه انسانه برأس ورجلين
اعوذ بالرحمن منك بصلاتي


وتحياتي لكم

Scotland
 

الريـّــام

:: مشرفه سابقة ::
التسجيل
18 يناير 2005
رقم العضوية
2947
المشاركات
3,639
مستوى التفاعل
79
العمر
40
الجنس
الإقامة
+..UAE..+
مشاركة: قصيده لا ردج الله

تسلم يااخوووي وماقصرت


بس الله يهديه ما خلاا دعاوي ما دعااهااا على البنت بتاخذون اثمها خخخخخخخخخخخخخخ

تحياتي

الريام
 

أم هزاع

๑ . . زائر . . ๑
التسجيل
31 ديسمبر 2004
رقم العضوية
2800
المشاركات
2,593
مستوى التفاعل
4
الجنس
مشاركة: قصيده لا ردج الله

ههههههههههههههه


والله مسكييينه عااا البنت




بس انشاالله اترد ليك
وتاخد حقها









أم هزاع
 

Scotland

:: شخصية هامة ::
التسجيل
12 فبراير 2005
رقم العضوية
3109
المشاركات
3,389
مستوى التفاعل
4
الجنس
مشاركة: قصيده لا ردج الله

تشكرااااتي اخواتي الريام وام هزاع

عالمرور وعالرد

تستاهل والله كان يحبها موت الريال واخرتها تقص عليه

صدق ومن الحب ما قتل

your brother Scotland
 

ريــم الدمــاني

๑ . . عضو نشيط . . ๑
التسجيل
13 فبراير 2005
رقم العضوية
3120
المشاركات
211
مستوى التفاعل
2
الجنس
الإقامة
XX رووس الشـــرايــفXX
مشاركة: قصيده لا ردج الله

مشكــــــــــــــــــــــور على هالقصيدة وانا سمعيتها


والله ان القصيـــــــــــدة قــــــــــــوية
 

غزالة الجبال

๑ . . إدارية. . ๑
التسجيل
15 يوليو 2004
رقم العضوية
2007
المشاركات
56,666
مستوى التفاعل
1,834
الجنس
الإقامة
RAK
مشاركة: قصيده لا ردج الله

anyaflower373.gif


تسلم اخوي عالقصــــــــــيده،..



غزوووووووووووووووولة



anyaflower373.gif
 

سعود

๑ . . عضو مؤسس . . ๑
التسجيل
7 أكتوبر 2003
رقم العضوية
614
المشاركات
12,011
مستوى التفاعل
68
العمر
39
الجنس
الإقامة
دبي - الخوانيج
الموقع الالكتروني
مشاركة: قصيده لا ردج الله

السلام عليكم ورحمة الله وبركاته





مشكور على المشاركة الطيبة أخوي Scotland ...





اللي تجرّع سم الخيانة .. يكتب أكثر من جي ..





بس بو رحيمة حشـــّم شوي .. ههههه





أخوكم ..






























سعــــــــــــــــــــــود بن عبد العزيز
 

Scotland

:: شخصية هامة ::
التسجيل
12 فبراير 2005
رقم العضوية
3109
المشاركات
3,389
مستوى التفاعل
4
الجنس
مشاركة: قصيده لا ردج الله

السلام عليكم

ريم الدماني وغزوووووله وسعود

الف شكر عالمرور

والصراحه انا كل شي ولا اشوف الخيانه

تدبحني

تحياتي
 

الشحي المزيون

๑ . . عضو نشيط . . ๑
التسجيل
4 أغسطس 2003
رقم العضوية
496
المشاركات
239
مستوى التفاعل
0
العمر
44
الجنس
الإقامة
خيماوي
الموقع الالكتروني
مشاركة: قصيده لا ردج الله

ويالله عسى تلبسك جن وشياطين
وتكونين مدعاة الحكي والشماتي



















أتمنى هالشي في فلانه :)













يالله مشكووور أخوي
 

Scotland

:: شخصية هامة ::
التسجيل
12 فبراير 2005
رقم العضوية
3109
المشاركات
3,389
مستوى التفاعل
4
الجنس
مشاركة: قصيده لا ردج الله

والله انا اتمنى الناس كلها تعقل وتدور بلاوي الحب

ما ايي من وراه الا البلا

ومشكور اخوي الشحي المزيون عالمرور

تحياتي
 
عودة
أعلى