ســقــيــم الــحــال

[زعيم القاعدة]

السلام عليكم ورحمة الله وبركاته

حبيت أشارك بقصيدة من قصايدي وعسى أن تنال إعجابكم

[BIMG]http://almannsi888.jeeran.com/حاجز.gif[/BIMG]

ســـقــيــم الــحـــال

سهران في همي وآهاتي ... والحزن في قلبي إرتضيته

والــعين هـــلت بعــبراتي ... باســباب خـلي إللي هويته

أبكي حسافه وإحـسـراتي ... على الـذي بحــبي كسيــته

راعي العيون الناعساتي ... هــد الـذي لـــجــله بـنـيـته

هــده وحطــم أمنــيــــاتي ... وترَك طـريقي إللي مشيته

حبـيـت شخصٍ ما يحاتي ... هــو باعـنـي وأنــا شـريته

يـدعـي عـليَه بالـمـماتي ... وانـا الــذي بروحـي فـديته

لا طاب لي شرب ومقاتي ... ولا يـوم في بـعـده قضيته

ولا ياز لي صوم وصلاتي ... وقرآن في صحوه قـريته

ومن بعد ذيــك الـذكرياتي ... كل الـذي بقلبي مــحـيـته

لا يــا غــناتي يا شـفـاتي ... ما أرد عـن حــذوٍ حــذيته

وأوعدك لو طالت حياتي ... بالـشين إسـمك ما طريته
[BIMG]http://almannsi888.jeeran.com/تحياتي1.gif[/BIMG]
زعيم القاعدة

 

[أدركت القـ م ـر]

مشاركة: ســقــيــم الــحــال



يا ويلي ع الحب .. هذا الحب وإلا بلاش =)


روعه الصراحه وذوق راقي في اختيار الكلمات .. و العبارات المفعمه بالاحساس



الى الامام دايماً أخويه وعساك ع القوه دووم



والي يبيعك بيعه ولا تدير بالك عليه ^^


وانا دووم اقول .. من باعنا بعناه لو كان غالي !




اواشيه

 

[منايه]

مشاركة: ســقــيــم الــحــال

الله الله الله تسسسسلم والله يا خوي والله شو هذا الكلام اللي يعذب لووول عيبتني القصيده كاااااااااامله بس اكثر شي
هذا البيتين :
يـدعـي عـليَه بالـمـماتي ... وانـا الــذي بروحـي فـديته

لا طاب لي شرب ومقاتي ... ولا يـوم في بـعـده قضيته

تسلم والله يا شاااااااااااااااااااااااااااااااااااااعر المنتدى لووول
اختك منايه العسل لووول

 

[رماااايل]

مشاركة: ســقــيــم الــحــال

ماشاااااااااااااااااء الله عليك
الصراااااااااااااحه قصيده روعه
وااايد عجبتني
حبيت البيت اللي تقول فيه:
واوعدك لو طالت حياتي بالشين اسمك ماطريته
انشاء الله ننتظر مساهماتك اليايه بس لا تطوووووول

الله يوفقك

اختك
رمااااااااااااااايل الشحوح

 

[سعود]

مشاركة: ســقــيــم الــحــال

السلام عليكم ورحمة الله وبركاته




أخوي زعيم القاعدة ...




أبدعت يا خوي .. أبدعت وأنا أشهد لك ..




بس ..




نظرتي .. غير عنك ..




أنا قلت ::




نهيتك .. ثم نفيتك .. حرقتك مع أحزاني

******************************* وصرتي كالتاريخ .. وأبعد من بعيــــــده


مجرّد .. ماضي .. أدوسه المرّة والثاني

****************************** كاللذي ايدوس "خصمه" .. وودّه ايزيده




والسموحة منك يا زعيم القاعدة ..




والله الله عليييييييييييك .. عيني عليك باردة =)




أخوكم
























سعـــــــــــــــــــــود بن عبد العزيز

 

[زعيم القاعدة]

مشاركة: ســقــيــم الــحــال

مشكورين على ردودكم وتشجيعكم لي

وإنشا الله إنكون عند حسن ظنكم

تحياتي.. زعيم القاعدة

 

[رفيع الشان]

مشاركة: ســقــيــم الــحــال

تبا الصدق

قصيده ولا اروع

وصح لسانك

وربي لا هانك

ونتريا المزيد من قصايدك وابدعاتك

ويلا حيــــــــــــــــــــّــــــه

 

[زعيم القاعدة]

رد: ســقــيــم الــحــال

صح بدنك يا رفيع الشان

الله لا هانك ورفع من شانك

وشكرا على المرور الطيب

تحياتي زعيم القاعدة