• مرحبا ٬ في حال تعتذر تسجيل الدخول ، يرجى عمل استرجاع كلمه المرور هنا

ما تسوى حياتي دونج..

  • بادئ الموضوع معاني
  • تاريخ البدء
  • الردود: الردود 127
  • المشاهدات: المشاهدات 81K

عذوبه

๑ . . عضو بقراطيسة . . ๑
التسجيل
12 مارس 2005
رقم العضوية
3264
المشاركات
31
مستوى التفاعل
0
الجنس
مشاركة: ما تسوى حياتي دونج..

مشكورة حبيبتي ع القصه
ويالله شدي حيلج نبا انعرف البببببببباجي
 

معاني

::أديبة البرزة ::
التسجيل
24 نوفمبر 2004
رقم العضوية
2489
المشاركات
7,525
مستوى التفاعل
39
الجنس
الإقامة
قلب زايـد
مشاركة: ما تسوى حياتي دونج..

راعي الويلات..


زهرة الشحوح..

قلب تيبات..

عذوبه..

يا حيكم و الله و مشكورين ع المتابعه... :tongue:
 

بو هزاع

๑ . . زائر . . ๑
التسجيل
9 أغسطس 2004
رقم العضوية
2059
المشاركات
7,494
مستوى التفاعل
45
الجنس
الإقامة
دبي
مشاركة: ما تسوى حياتي دونج..

لا الصراحة قصة عجيبة الصراحة يعني ما عليها كلام الصراحة يعني مادري كيف الصراحة كتبتيها يعني ما شاء الله عليها يعني الصراحة روعة يعني


بوهزاع
 

معاني

::أديبة البرزة ::
التسجيل
24 نوفمبر 2004
رقم العضوية
2489
المشاركات
7,525
مستوى التفاعل
39
الجنس
الإقامة
قلب زايـد
مشاركة: ما تسوى حياتي دونج..

الـجزء السادس..

يلست ساره في حجرتها اتفكر..بلي صار اليوم..مرات تضحك يوم تذكر كلامها لـ هزاع..و احينا تتنرفز ليش ما ردت عليه..

اتذكرت شنطتها..ما خطر ع بالها انه ناوي ينتقم منها..لانها نست السالفه ..ابتسمت يوم تذكرت ان المصفوع عمره ما ينسى..

انزين شو بيسوي في الشنطه...يمكن بيخليهـا معاه..اويه يمكن يحبها و يبا يتذكرها بالشنطه يلست تضحك مستانسه ع افكارهـا..

دشت عليها فتون الحجره.
فتون: ماما شو اتسوين.
ساره: افكر باشياء سخيفه.

فتون: شو اتقولين..؟

ساره(تضحك) تعالي اشتبين.انتو ما اتييون الا تبون طلعه من البيت.

فتون(شويه وبتصيح) ضربني حمودي.

ساره: وين ضربج.

فتون(ترويها ايدها) منـي يعورني.

ساره: روحي قوليله ما بطلعك معاي.

ركضت فتون برع الحجره..

يلست ساره ادندن و تغني..ما اتعرف ليش هي مستانسه..اليوم..

فكرت تطلع برع ..اطلع اليهال معاها..يلسوا يتمشون في الشارع..ومرت الدكان وشرت لهم..اكـل..

يلسوا يضحكون و يلعبون..

وردوا البيت في وقت متأخـر..

فكرت ادق لـ بو هزاع تطمن عليه..جافت الساعه بعدها 8 العشىى..

رن الموبايل...كانت مغمضه عيونها..فتحت عيونها يوم سمعت صوت هزاع ايرد ع الموبايل..

صكرت ساره التلفون ع طول ..من غير تفكير..

ابيه شو سويت انا..عـادي ما يعرف رقم موبايلي ..يمكن بوهزاع مخزننه عنده اكيـــــــد..بس هو ليش رد ع الموبايل..

استغربت ساره انه ما رجع يدق مره ثانيه..بس حست بالراحـه عشان ما يسوي لها سالفه..

حاولت ترقد بس ما قدرت كانت اتفكر بـ هزاع..و شو بيصير لها باجر معاه.


وفي اليوم الثانـي..مشت الامور كالعاده..لان هزاع اليوم مب موجود..

ما كانت اتعرف ساره اذا مرتاحه ع انه موجود او مفتقده ضرابتها معاه..

اتفاجات يوم جافت الساعه 11 وهزاع داش المكتب وقفت بس طنشها اتوقعت انه يفكر بشي و يمكن ما انتبه لوجودهـا

دشت وراه المكتب..

هزاع: حق شو داقه البارحه.؟

ساره(مب متوقعه سؤاله) اتطمن ع بوهزاع.
هزاع: ليش شو تبين فيه..مب البارحه زيارتينه بالمستشفى.

ساره: حبيت اعرف اخباره.

هزاع(منفعل) الحين انا مديرج و بوهزاع خلاص يعني ما في داعي للاتصالات كان يجمعكم الشغل و الحين هو ما يشتغل ..فهمتي قصدي.

ساره: (بصوت متردد) الي بيني و بين بوهزاع اكثر من شغل.

رجعت ورا ساره خايفه يوم جافت هزاع محرج ووقف بمكانه.

هزاع:وضحي لي كيف يعني اكثر من شغل.
ساره: انا اعتبر بو هزاع شرات الوالد الله يرحمه.

هزاع(يصرخ عليهـا) ابوج مات و بو هزاع له ثلاث عيال بس.

نزلت ساره راسها بالارض كانت بتطلع من المكتب بس وقفها هزاع.

هزاع"رافع مفتاح"من وين لج هـا.
ساره"تهمس"شـــــو هـا.

هزاع:تستهبلين من وين لج مفتاح بريدي.كيف وصل شنطتج.

ساره(مستغربه) ما ادري.

هزاع:- لا و اللــــــــه عيل منو يدري ."يتطنز"شرايج نسال المفتاح يمكن يرد علينا.

عضت ساره ع شفايفهـا محرجه ما اتعرف تطلع من المكتب وتقدم استقالتها ..ولا شو اتسوي.

هزاع: ع بالج شي اوراق مهمه تقدرين توصلين لها في صندوق بريدي ولا شي بيزات.

ساره"تذكر انها حاولت تفتح صندوق بريدها بس ما قدرت هاك اليوم يعني ها مفتاح هزاع بس كيف وصل عندهـا"

هزاع: وايد اتحبين البيزات.

ساره(تصيح) انا ما اعرف كيف وصل مفتاحك عندي.
هزاع:- امسحي دموعج وعن ها حركات الممثلين ترا ابد ما تعيبني.

ساره: يالله كيف اخليك اتصدقني.

هزاع:- ع بالج انا بو هزاع يصدقج ..لا الشيخه انا هزاع..

ساره: (تاخذ نفس) انا عندي شغل تبا شي..

هزاع يطالعها نزلت ساره راسها حست انه يدور شي في بملامح ويها يبا يقرا او يصدقهـا ..بس هزاع موليه ماخذ عنها فكره سيئه..

هزاع(بصوت خفيف) لو مب خايف ع صحة الوالد ومب موصيني عليج..كنت من زمان رغتج من الشركه.

ساره"بنفس نبرة صوت هزاع"لو مب الحاجه كنت من زمان قدمت استقالتي..

هزاع"يبتسم" عشان جي تحولتي استغلاليه وسراقه..صح؟؟

طلعت من مكتبه من غير ما اترد عليه..حاولت تكتم مشاعرها و احساسها بالضيج و الهم ..بس ما قدرت حست الدنيا ضايجه بها.

ما اتعرف كيف تتصرف بو هزاع الوحيد بيساعدها ..بس هزاع امسكر كل الطرق بويهها..

اتنهدت ..كانت كل وقت اتجوف الساعه عشان تفتك ..من ها المكان ..كانت تتريا متى يخلص الدوام..

اخيرا وقفت اتشل اغراضهـا عشان تطلع من المكتب ..طلع هزاع..وقفت اتشل شنطتها عشان تطلع وراه..

هزاع:- خذي هالملف..انسخيه.

ساره: "اطالع الساعه" ماشي وقت..بس ما عليه الطباعه ما تاخذ وقت.

هزاع"يفر الفايل ع المكتب" قلت انسخيه بخط ايدج مرتين ..لا تظهرين من المكتب لا بعد ما اتخلصين شغلج.

طلع من المكتب من غير ما يتريـا ردها..يلست ع كرسيهـا متنهده..حست انه كان يرمسهـا من طرف خشمه..كانه مشمئز منها..

اتصلت بامهـا اتخبرها انها بتتأخر حاولي ساعه..

فتحت الملف وجافت حوالي خمسين ورقه..قالت اترمس عمرها."ابيــــــــه اشكثر كم بكتب متى بخلص ما اقــــــدر وايد.."

عرفت ساره ان هزاع اتعمد يخليها تنسخ الملف ..عشان يعاقبها ع سالفه المفتاح..

يلست تكتب من غير ما اتحس بعمرهـا ..رن موبايلهاا..
ساره: الـــــــووو

ام ساره: وينج يمه طافت 3 ساعات..

ساره: و الله ما حسيت بالوقت...امايه باجي لي شويه وبخلص ما يهمج..

ام ساره: يالله نترياج...

حست ساره بتعب من اليلسه ..يلست اتصيح بصوت عالي ..حست انها وحيده بها العالم ..كانت تكتب شويه و تمسح دموعها شويه..

بها اللحظه بس عرفت ان الدنيا اشكثر قاسيه عليها..محملتنها فوق طاقتها..و الظروف طرشت لها هزاع..يزيد احزانها ..و همها..

كانت اتفكر بطريقه تتخلص من هاي الشركه ..بس كانت تعرف الطريق مسدود..واوراقها عند هزاع..

خلصت الساعه 6 من شغلهـا ....وصلت البيت وحست بتعب بحياتها ما عانت مثله..

حطت لها نوفا الغـدا..ابتسمت تتطنز ها وقت عشا ولا غـدا..

بعد ما كلت..رن موبايلهاا جافت المتصل رقم فقالت ها اكيد هزاع..صكرت الموبايل بويهه وغلقته..

ورقدت..
**
ما توقعت ساره اتواصل رقاد لليوم الثاني..قالت في خاطرها ..ويه يوم الاربعاء باجر راحه من ويه هـزاع و من الشغل..

اول مره ساره تحسب حساب لاجازه..لانها مع بو هزاع كانت تنسى التعب ..بالعكس بوهزاع حببها بالشغـل عكس هـزاع..

دشت مكتبها حست بنشاط..لانها راقده وايد بعد تعب البارحـه

كانت اطالع الملف الي يالسه طول النهار تنسخه..جافته مرتب ..وخط واضح يمكن ها الي اخرهـا لانها كانت تكتب شويه شويه..

رفعت راسها يوم سمعت صوت هزاع.
هزاع: اطلبي لي قهوه.

ساره: ان شا الله..

اشويه ودشت مكتب هزاع شاله معها البريد و الملف الي نسخته...

حطتهم ع طاوله.
هزاع: شو هـا؟؟

ساره: البريد و ها الملف الي نسخته قلت انك تبا اليوم ضروري..

فتح هزاع الملف ويلس يتصفحه ..كانت ساره تتريـا كلمة شكر لانها صج البارحه هالانسان تعباها و اقل شي تستاهل كلمة شكر..

هزاع:"يفر الفايل ع الطاوله" بذمتج هالخط ينفهم .؟؟

ساره"اطالع الفايل و بعدين اطالع هزاع."

هزاع"محرج" انا مب قايلنج اباه اليـوم..
ساره"بصوت خفيف" ترا جاهز..

هزاع: شو جاهـز منو يقدر يقرا هالجلام المكتوب جنه نقش حنه.

ساره: بالعكس انا حاولت اكتبه بخط مرتب..

هزاع"يتطنز"بذمتج ها خط مرتب..

ساره منزله راسها بالارض..
رجع هزاع وشل الفايل ويلس يفر الصفحات ..تعالي اقري لي شو هالكلمه..

اجدمت ساره تقرا الكلمة سكتت اطالع وبعدين قالت
ساره:- الموافق..

هزاع:- جي تنكتب كلمة موافق.

ساره"محتجه" انا قلتلك بالطباعه احسن و اسرع.

هزاع"يصرخ عليها":- انا الي اقرر مب انتــــي .
تمت ساره ساكته مضايجه بنفس الوقت مب قادره اترد عليه لان الكلمات ضاعت منها..

هزاع: روحي جوفي شغلج.

طلعت ساره ويلست ع كرسيها تتأمل مكتبهـا وتذكر كلام هزاع لها..نزلت دموع من عيونها..ويلست اتصيح بصوت خفيف..

شويه وطلع هزاع من مكتبه..جاف ساره اتصيح..يلس بالكرسي المجابل لمكتبها..

هزاع"يسالها" متى خلصتي البارحه.
ساره"تمسح دموعها":- الساعه ست..

هزاع "امبطل عيونه" ليش كم ورقه بالفايل.

ساره" بصوت متقطع":- خمسين.

هزاع"بصوت حنون"اتصدقيـن ما ادري هالكثر كنت خليت محمد يساعدج.

تمت ساره ساكته..ماسكه القلم بايدها وتخربط ع الورقه الي حذالها..
هزاع:"بصوت ناعم" انا اســــــف ساره.
حست ساره بشي يتحرك بداخلهـا يوم سمعت هزاع ينطق باسمها بهاي الطريقه..ابتسمت مستحيه ..

هزاع: "بنفس نبرة الصوت"اقبلــــي اعتذاري.
ساره مرتبكه ما توقعت ان هزاع ألي دوم يحاوول يغثها الحين يالس يعتذر منها.

هزاع"ايير القلم منها" ياللـــــــــه عــــاد حقج علي.
ساره: اتحس بعمرها ميت مستحه" انزين خلاص طاح الحطب.

هزاع:- شو ما سمعت علي صوت.

ساره"تضحك":- تدلـــــــع.

هزاع:"يسالها" مب من حقي.
ساره"اتفكر" امممم لا
هزاع: "وقف"ما عليه استاهل ...بس صج اول مره احس اني قسيت عليج..مشكوره ع الملف..

ساره:"بصوت واطي" العفــــــــــو.

يتبع >>>
 

رهف

♣ القلمـ الخجول ♣
التسجيل
27 نوفمبر 2004
رقم العضوية
2513
المشاركات
21,478
مستوى التفاعل
1,455
الجنس
الإقامة
ღ. راك .ღ.
مشاركة: ما تسوى حياتي دونج..

الجزء حلوو ورهيب

والاحداث متسلسلة

تسلم ايدج يالغلا

ولا تبطين علينا

نتريا التكملة



رهووووووفه
 

سما الوفى

๑ . . عضو ذهبي . . ๑
التسجيل
12 يونيو 2004
رقم العضوية
1860
المشاركات
3,497
مستوى التفاعل
39
الجنس
مشاركة: ما تسوى حياتي دونج..

الصراحة حلوة القصة و أخيرا هزاع يحس بغيره والله يعين ساره عليه في الأيام اليايه
متى بتيي ابقية القصة
 

ولـد الشـيخ

๑ . . عضو ماسي . . ๑
التسجيل
23 ديسمبر 2003
رقم العضوية
904
المشاركات
1,292
مستوى التفاعل
4
العمر
39
الجنس
الإقامة
بلاد الـدم
الموقع الالكتروني
مشاركة: ما تسوى حياتي دونج..

تسلمي أختي ((معاني )) على هااا القصــة الجميل

بس والله تعبت من كثر ما أقـراه ، بس الصراحه قصه شيقة وتجذب الواحد لقرايتهااا وتكملة القصه كااااامل

أنا أنتظر الفصل السابع معاني لا تتأخري علي باجر دراسة من الصـبح

تحيااااااااااااااااتي

المعند الشحــي
 

الوصلاوية

๑ . . عضو قيادي . . ๑
التسجيل
8 نوفمبر 2004
رقم العضوية
2415
المشاركات
5,353
مستوى التفاعل
67
العمر
35
الجنس
الإقامة
أرض الله الواسعة
مشاركة: ما تسوى حياتي دونج..

مشكوووووووووووووره معاني ونتريا التكملة واسمحيلى ع القصور
الوصلاوية
 

عســـــــوله

๑ . . عضو نشيط . . ๑
التسجيل
10 يناير 2005
رقم العضوية
2889
المشاركات
290
مستوى التفاعل
4
الجنس
مشاركة: ما تسوى حياتي دونج..

شكرا ع القصة الحلو :tongue:
 

راعي الويلات

๑ . . عضو إمبراطوري . . ๑
التسجيل
5 فبراير 2005
رقم العضوية
3071
المشاركات
4,222
مستوى التفاعل
21
العمر
42
الجنس
الإقامة
بوظبي داري
مشاركة: ما تسوى حياتي دونج..

مشكوره معاني

ما توقعت هذا التصرف من هزاع !!!!!! لا يكون بس .........

ع العموم تستاهل ساره .

يلاه شدي حيلج نتريا الجزاء الباقيه


راعي الويلات
 
عودة
أعلى