• مرحبا ٬ في حال تعتذر تسجيل الدخول ، يرجى عمل استرجاع كلمه المرور هنا

مدرسة المشاغبيــن

الساحق الخاطف

๑ . . عضو ماسي . . ๑
التسجيل
15 مايو 2005
رقم العضوية
3625
المشاركات
1,554
مستوى التفاعل
8
العمر
37
الجنس
الإقامة
My Lovely Country U A E
السلام عليكم ورحمة الله وبركاته

طبعاً الكل عارف مسرحية مدرسة المشاغبين ..
واليوم أنا راح أقص عليكم قصة مدرسة المشاغبين .. بس هذي قصة غير ..

كان يا مكان في قديم الزمان .. كان فيه مدرسة اسمها مدرسة الشحوح .. وكان المدرسة فيها اصناف وأنواع من الطلاب الشطار والفاشلين وطبعاً في بعد مدرسين حارين الله لا يبليكم بواحد منهم وفي مدرسين يا زينهم وحلاتهم ..
وطبعاً في المدرسة لازم فيه بواب وفراشين وفراشات ..
في لحظات الصباح الأولى ..
يوصل البواب يلي هو ذياب .. طبعاً هو يجي من الصبح ويقعد على كرسيه اللي ما يتلحلح منه إلا بالحالات النادرة .. وفي نفس الوقت يوصل الفراشين والفراشات .. رئيس الفراشين طبعاً كلكم تعرفونه هو راعي الويلات ومعاه دارك آنجل والقاضي .. والقاضي دوم يجي متأخر لأنه يقعد يسهر .. يوم تلقاه ويا شلته في السنيما يطالع ايدد فيلم هندي أو قاعد في بيته يلعب راسينج ..
ونجي للفراشات .. ورئستهم شيخة البنات ومعاها معاني وخيالة الشحوح .. ودوم خيالة وشيخة يتضاربون .. ما نلومهم فراشات ..

وقصتنا تبدأ خيوطها من الآن ..
طبعاً تلقى الطلاب والطلبات يدشون المدرسة بفوضى عارمة .. تلقى ولد يدز اللي عداله .. وثاني يمط شعر البنت اللي قدامه .. وبنت ترمي حب شمس على اللي يمشي وراها .. وحالة اللي لا يرويكم ..

طبعاً المدرسة من كبرها فيها صفين .. وللأسف كل صف ما يداني الصف الثاني .. وتلقاهم دوم يتضاربون ودوم بينهم تنافس .. ويا حسرتي أي تنافس ..
في صف (أ ) يبدا الحوار الآتي بين الطلاب والطالبات ..
الزين كله : قود مورنينج
المنسي : استغفر الله .. الناس تقول السلام عليكم ..
الزين كله : اووف .. ان شاء الله .. السلام عليكم (تقولها من دون نفس)
المنسي : وعليكم السلام ورحمة الله وبركاته
الزين كله : أووف .. اليوم جدولنا زفت .. ويلوع بالجبد ..
المنسي : قولي الحمد لله .. اقول .. حليتي واجب الرياضيات ..
وينط لهم فجأة راشد الشحي : منو قال واجب الرياضيات ؟؟
الزين كله : زووول .. رقدتني ..
المنسي : أعوذ بالله من الشيطان الرجيم .. أعوذ بالله من الشيطان الرجيم ..
راشد الشحي : هههههههه ( وهو منحرج )
الزين كله : انت شوفيك ما تعرف تتكلم باسلوب ..
راشد الشحي : آسف ما اقصد .. بس سمعت وحدة منكم تقول واجب الرياضيات .. وأنا ما رمت أحله أمس .. لأنه وايد صعب ..
المنسي : ما عليه ياخوي .. حتى أنا ما رمت أحله .. بس عاد ما تطلع لنا جي .. جنك جني .. طيرتنا ..
راشد الشحي .. يبتسم ابتسامة خجل ويسحب اوراقه ويجلس في مكانه باستحياء شديد ..
وفي زاوية أخرى في الصف ..
جلس الجوكر .. وبيده القلم .. يسرح بخياله إلى البعيد .. ينثر الحروف على .. طاولته .. ويكتب كلمات .. ويرجع يمسح لأنه يدري أن الصياد إذا شاف الخبصة اللي مسويها على طاولته بيعطيه فصل ثلاث ايام ..
شوي وتدش هجران وياها سندريلا الشحوح .. وراهم دانجر مان قاعد يتمشى ويصفر .. وشوي تلتفت له سندريلا الشحوح وتقوله : بسك عاد حشرتنا ..
دانجر مان : خلاص .. سكري اذونج وريحينا ..
ويرجع يصفر الين ما وصل مكانه قرب الملك اللي هو غايب من بداية الفصل الجديد ..
وشوي يدش لهم الأسيف وهو يقول .. : سمعتوا آخر خبر .. أكيد ما سمعتوا .. خلاص لا تعبوا عمرك .. لا تترجوني بقول خلاص بقول ..
ويقاطعه دانجر مان : ادري ادري .. بتقول لي سيارة مفخخة وبنزين محترق ..
الأسيف : لا ما صبت هذي المرة ..
زمان الوصل : هاه شو صاير عاد ؟؟
الأسيف : مدرس الحاسوب اليديد وصل ..
الزين كله ( تنفخ اللبان في تمها ) : ومنو عاد تعيس الحظ هذا ..؟؟
الأسيف (يمشي ويوقف عند طاوله المدرس ) : يقولون عنه انه خبير كومبيوتر وعصبي .. ولا بعد دب ويلبس نظارة ..واسمه أحبكم دوت كوم ..
hand ( وهي توها داشة وواقفة عند الباب ) : واع .. اسميه مدرس .. أنا ما بحضر حصصه من الحين اقولكم ..
وتدش وتجلس عدال الوصلاوية ..
وشوي وتدش حور الامارات وهي معصبة .. وتجلس عدال رفيجتها زمان الوصل ..
زمان الوصل : هو .. شوفيج .. كنج طالعة من حرب ..
حور الامارات : هذا راعي البورش الزفت .. قال لدريول الباص يسير .. وانا كنت داخل البيت .. بس هو يستهبل اونه ما جاف جنطتي بره عند الباب ..
زمان الوصل : هدي شوي .. وانتي منو جابج الحين ؟؟
حور الامارات : شو بعد دبرت لي دريول .. افففف .. الله يغربل ابليسك يا راعي البورش..
شوي يدش طواش وياه بن هدية ..ويسيرون لدانجر مان ..
بن هدية وطواش : السلام عليكم
دانجر مان : وعليكم السلام .. هاه ليش متأخرين يا حضرات ؟؟
طواش : انا اصلا ما كنت بيي .. بس بن هدية دق لي تلفون وقال لي تعال .. قلت يالله يمكن نحصل لنا تسلية نسويها للصف الثاني ..
بن هدية : أنت كل همك لعب ومصخرة ..
طواش : اسكت بس اسكت .. والله باطين جبدي من الفصل اللي طاف .. وابي ارد لهم الصاع صاعين ..
دانجر مان : اووه .. زين زين .. أنا عندي لك خطة مرسومة .. بس اتريا حصة الحاسوب ..
طواش : ليش وصل استاذكم الموقر ..
دانجر مان : هي .. توه الأسيف يرمسنا عنه .. يقولك واحد دب مثل درام الديزل .. ويلبس نظارة مثل الآنسة منشن .. خخخخخخخ
طواش وبن هدية : هههههههههههههه


وفي الصف (ب) .. دار الحديث الآتي بين طلابه وطالباته ..
العوسج : ههههههاي .. هوووووو .. خخخخخخخخخ .. احلف بس .. بموت من السقيع ..
راعي البورش : اسكت بس اسكت .. وانا لما شفت شكل حور واهي شويه وبتصيح .. أما مقلب ما بتنساه بحياتها ..
العوسج : والله قهر .. انا بس لو بيتي بعيد شوي كان ركبت وياكم الباص .. بس انت تعرف الوالد .. ما يحتاي اقولك ..
راعي البورش : أنت اصلا حمار وما تعرف تلعب على ابوك .. أنا لو منك أقوله هي والله بوي .. وبس هو يطلع من هنيه اسير من وراه واركب الباص ..
العوسج : الحمار انت .. بس اسكت .. اسكت ..
وفي زاوية ثانية قعدت رمااايل تبخر الريام بالبخور اللي يابته وياها ..
الريام : بسج بسج سكرتينا ..
رمااايل : اصبري .. بعده ريحته ما طلعت ..
الريام : اقولج بس .. بموت ..
رمااايل : انزين حشرتيا ..الغلط مني يوم ابخرج ..
وشوي تدش بنت شعم .. وتلتفت لرماايل ..
بنت شعم : الله بخور .. لا تقتلي النور .. ادور أتبخر أونا ..
رمااايل : يالله بسرعة .. النار بتموت بعدين ..
وبسرعة تقط بنت شعم شنطتها على ريل داي ..
ريل داي : الله يغربل ابليسج .. بغيتي اتموتيني .. شو فيج .. أول مرة تشوفين بخور ؟؟
بنت شعم سوت لها طاف .. يمكن صدق أول مرة تشوف بخور ..
سراب البيد دخل وهو يتاوب ..
سراب البيد : السلام عليكم يا عرب ..
بن سليمان والقيصر : وعليكم السلام ..
بن سليمان : ابوي .. سير ارقد جان فيك رقاد ..
سراب البيد : هيه عشان احصل لي فصل زين ما زين ..
القيصر : انت ويه مدرسة انت .. كل يومين غبت ..
سراب البيد : يبى أنا لما أجي المدرسة أبى اتعلم .. شو عبالكم أبى اشوف رقعة ويوهكم .. ( ويرجع يتاوب مرة ثانية )
وله النعيمي تدش .. وشوي يدش وراها فتى شعم ..
وله : انت شوفيك كل مرة تسوي حركات للفراشة .. ما تستحي ..
فتى شعم : شوفيها .. عادي .. يلي هي فراشة ..
وله : حليلها معاني .. وهي مصدقة انك بتشتري لها كاكاو جالكسي ..
وتدش بحر الأمل .. وتسير سيده لكرسيها .. وتقعد عليها .. بدون أي كلام ..
أواشي : السلام عليكم بحر ..
بحر الأمل( بعد ما تلتفت لورا) : وعليكم السلام ..
قلب العاصمه : اقول بحر .. سويتي بحث العلوم ؟؟
بحر الأمل : هي سويته .. وترجع تطالع جدام ..
أواشي : يا حظها .. ما ادري من وين يجيها كل هذا النشاط ..
قلب العاصمه : حبيبتي هذا مو نشاط .. هذا حب العلم ..
أواشي : أي علم الله يخليج .. ما اشوفنا تعلمنا شي .. كله كوبي باست ..
قلب العاصمه : هي وانتي الصادجة ..
سعود يدش ويا الرمس .. وهو يلقي أبياته الجديدة ..
سعود : هاه شو رايك حلوة ؟
الرمس : هي حلوة .. بس لو كاتب لك حرف قرآن أفلح لك ..
سعود : انت كله تحبط من قدراتي ..
الرمس : ورينا قدراتك في الدراسة يا حظي ..
سعود : ان شاء الله يا حظي ..

ويدق جرس الطابور .... ترررررررررررررن
ويصطف الصفين قرب بعض .. وتلقى كل واحد يطلع الثاني لاحتقار ..
وتبدى التمارين الصباحية وبعدها النشيد الوطني وبعدين يدق الجرس مرة ثانية ويرجع كل صف لصفه ..

في صف(أ) تبدي الحصة الأولى .. وهي تاريخ ..
تدش الأبلة وهي تقول ..
عاشقة التراث : السلام عليكم
الطلاب والطالبات : وعليكم السلام ورحمة الله وبركاته
عاشقة التراث : كيف اصبحتم ؟؟
الطلاب والطالبات : اصبحنا واصبح الملك لله ..
عاشقة التراث : جلوس
وتوهم الطلاب والطالبات بيردون ..
ينفتح الباب ..
بوهزاع : لا تقولون لي خلص الطابور ..
عاشقة التراث : هيه خلص .. وانت ليش متأخر يا استاذ ؟؟
بوهزاع ( بلا مبالاة ) : سيري كلمي البواب مالكم ..
ويسير ويقعد قرب راشد الشحي ..
عاشقة التراث : ولد انت ما تستحي تكلم ابلتك بهاي الطريقة ؟
بوهزاع .. مسوي طاف للأبلة ..
عاشقة التراث : ما عليه .. ما تبي ترد .. بعد الحصة سير الإدارة .. بترياك مناك ..
بوهزاع ( يهمس من تحت لي تحت ) : وي اميه بخاف .. سيري لا .. اونها بتخوفني ..
عاشقة التراث .. تكمل كلامها .. : جلوس ( وتقولها بعصبية )
الطلاب والطالبات : شكراً
ويقعدون .. وتبدي الأبلة الشرح ..


انتظروا البقية قريباً ..
 

عاشقة التراث

๑ . . شخصية هامه . . ๑
التسجيل
10 سبتمبر 2004
رقم العضوية
2160
المشاركات
21,826
مستوى التفاعل
2,583
العمر
44
الجنس
الإقامة
الامــUAEـارات
مشاركة: مدرسة المشاغبيــن

السلام عليكم ورحمة الله وبركاته

مرحبابك اخوي الساحق الخاطف

القصه جميله والله ضحكت عليهم وبوهزاع خيزرانه على ظهرك لا طول لسانك ((سوالف يا بوهزاع))

ونتريا التكملة .........


عاشقة التراث
 

الأسـيف

๑ . . زائر . . ๑
التسجيل
27 أبريل 2005
رقم العضوية
3521
المشاركات
1,803
مستوى التفاعل
14
الجنس
مشاركة: مدرسة المشاغبيــن

هلا وغلا

شو هالخيال الواسع

تسلم يالزعيم ويسلم خيالك وقصتك

وانت حطيتني بالشخصية المناسبه

برافوا عليك

عسب الكل يخاف مني

نيا اهااههاهاهاها

وجيب التكلمه

ننتظر
 

الساحق الخاطف

๑ . . عضو ماسي . . ๑
التسجيل
15 مايو 2005
رقم العضوية
3625
المشاركات
1,554
مستوى التفاعل
8
العمر
37
الجنس
الإقامة
My Lovely Country U A E
مشاركة: مدرسة المشاغبيــن

أختي عاشقة التراث

وعليكم السلام ورحمة الله وبركاته

أسعدني وجودك أختي .. وزين يوم القصة عجيتج ..
والتكملة قيد الإنشاء ..
ومشكورة على التواجد ..
 

الساحق الخاطف

๑ . . عضو ماسي . . ๑
التسجيل
15 مايو 2005
رقم العضوية
3625
المشاركات
1,554
مستوى التفاعل
8
العمر
37
الجنس
الإقامة
My Lovely Country U A E
مشاركة: مدرسة المشاغبيــن

أخي الأسـيف

تسلم الطيب ..الله منو قدي اذا خيالي واسع ..
وانا حطيتك في الشخصية اللي انا عرفتك عليها ..
ومشكور اخوي على وجودك ..
 

الوصلاوية

๑ . . عضو قيادي . . ๑
التسجيل
8 نوفمبر 2004
رقم العضوية
2415
المشاركات
5,353
مستوى التفاعل
67
العمر
35
الجنس
الإقامة
أرض الله الواسعة
مشاركة: مدرسة المشاغبيــن

الله المنتدى كله مبدعين بس مو لمفروض تحطها بارشيف ابداعات الاعضاء
الوصلاوية
 

الساحق الخاطف

๑ . . عضو ماسي . . ๑
التسجيل
15 مايو 2005
رقم العضوية
3625
المشاركات
1,554
مستوى التفاعل
8
العمر
37
الجنس
الإقامة
My Lovely Country U A E
مشاركة: مدرسة المشاغبيــن

أختي الوصلاوية

وجودك هو المبدع اختي .. تسلمين ..
وبالنسبة لمكان الموضوع .. المشرفين ما قصروا ونقلوه ..
 

قناص الآريام

๑ . . زائر . . ๑
التسجيل
12 مارس 2005
رقم العضوية
3262
المشاركات
4,060
مستوى التفاعل
101
الجنس
الإقامة
uae
مشاركة: مدرسة المشاغبيــن

السلام عليكم ورحمة الله وبركاته

الساحق الخاطف

تسلم أخوي

ههههههه

قصة حلوه ممتعه

مو غريبه عليك الإبداع

دمت بخير ونعمه

أخوك قناص الآريام

همسه : قناص متابع نتريا الباقي ...
 

المحجبة

:: اللؤلؤة المضيئة ::
التسجيل
30 يونيو 2004
رقم العضوية
1929
المشاركات
5,735
مستوى التفاعل
76
الجنس
الإقامة
الإمارات
مشاركة: مدرسة المشاغبيــن

السلام عليكم ورحمة الله وبركاته ,,,,




حياك اخوي المبدع الساحق الخاطف الصراحة القصة عجيبة ..... موتتني ضحك ..... غربل الله ابليسك ....

وين أكبر مشاغب ( الساحق الخاطف ) ..... لازم يكون أول المشاغبين ما يصير .... ههههههههههه


لا تتاخر علينا نبى بقية القصة ...


أختكم المحجبه
 

الساحق الخاطف

๑ . . عضو ماسي . . ๑
التسجيل
15 مايو 2005
رقم العضوية
3625
المشاركات
1,554
مستوى التفاعل
8
العمر
37
الجنس
الإقامة
My Lovely Country U A E
مشاركة: مدرسة المشاغبيــن

أخي قناص الآريام

وعليكم السلام ورحمة الله وبركاته

تسلم اخوي .. والله من طيبك ..
اسعدني ان القصة عجبتك ..
والتكملة لازالت قيد الانشاء ..
 
عودة
أعلى