ممكن .. يامبدعين ؟؟

[قناص الآريام]

السلام عليكم ورحمة الله وبركاته

أخواني أخواتي... المبدعين

يتني فكره وآبي ابداعكم

آبي تصميم للقصيده


يابوي تدري بي أنا شحيه
........................... يابوي شاركني وعطني سلاحي
يابوي دمعي هل بما بيه
....................... .. من هّم وشقى وأحزان وجراحي
يابوي عيني ما غضت عصيه
...................... .. للنوم وياكيف القلب يرتاحي ..؟!
ييب الكند والصمعه والمانييه
............................ وخلنا نسري لقاتل وسفاحي
أحشي التفق والزخاير حيه
................... .. وقوم نوصي ونطلب "ن" السماحي
يوم العرب والرجاجيل رضيه
......................... .. كلٍ بشانه ساهي وسراحي
ما همهم قدس وناس آبيه
............................. تسلب وتنهب والدم امباحي
وين معتصماه والنخوه والحميه ؟!
.......................... يابوي ذاك زمان والى وراحي
يابوي شوفي للمحروم والسبيه
................................. بالي بهمهم نايم صاحي
شارون النذل ولد الخطيه
.......................... أخوا الشيطان حقير وزباحي
يابوي يكفي بسنا تعازيه
........................... .. بسنا بكى وازلال ونواحي
يالله أطلبك شهادة منيه
..................... .. ورضاك عني ذا سعد وأفراحي

الفكره الي بغيته هي ...

أنكم تلبسون طفله لباس أولاد مع العمامه

بالأضافة الى محزم تعرفون وش هو المحزم

حزام للرصاص يلف حول الخصر ..

ولو يكون سلاح موجود على جنب بعد حلوو

وتكون القصيده فيه ولو مو كامله ..

الشي راجع لكم بس أتمنى يحصل هالشي ..

دمتم بخير أخوكم قناص الآريام

تصبحون على خير

 

[الساحق الخاطف]

مشاركة: ممكن .. يامبدعين ؟؟

وعليكم السلام ورحمة الله وبركاته

أخوي الفكرة في قمة الروعة .. وبإمكاني اني اسوي التصميم ..
بس المشكلة اني ما عندي الصورة ..

فا انا بحاول ادور الصور وبعرضها عليك فإذا عجبتك بسوي التصميم من الصور ..
واذا انت عندك صور معينة اعرضها .. لاني ما اعتقد من الممكن نحصل صورة بنت لابسة عمامة .. احسها صعبة شوي ..

بانتظار ردك أخي الكريم ..​

 

[قناص الآريام]

مشاركة: ممكن .. يامبدعين ؟؟

االسلام عليكم ورحمة الله وبركاته

الساحق الخاطف

هلا مبدعنا

بصراحه وبدون مجاملة كنت متوقع تييني المبادرة منك أو من أختنا عاشقة التراث ..

ومثل ما توقعت يعطيك العافيه أخوي كل شي يجي منك أكيد بيكون في غاية الروعه

أما بالنسبه للصوره فالصورة لطفلة وأعتقد عادي وما فيها شي .. أنا عندي صوره بس

المشكله من الموبايل ومو واضحه وايد ولو كنت أملك الخبره في مجال التصميم

كنت سويتها وفاجئتكم فيها ههههه بس مثل ما قلت ما عندي خبرتكم ما شاء الله عليكم

أتمنى أني أتفاجئ والبرزة كامل تتفاجئ بتصميمك وأنت قدها ادري بك .....

تسلم الغالي

لا خلينا ولا عدمنا

دمت بخير ونعمه

أخوك قناص الآريام

 

[الساحق الخاطف]

مشاركة: ممكن .. يامبدعين ؟؟

وعليكم السلام ورحمة الله وبركاته

عاد روعة مرة وحدة .. اخاف اشوف نفسي الحين ..
تسلم اخوي على كلماتك الرائعة ..

وانت حط الصورة .. وخل باقي الشغل علي ..
وبإذن الله وعونه .. بتكون مثل ما نت تبيها ..​

 

[قناص الآريام]

مشاركة: ممكن .. يامبدعين ؟؟

السلام عليكم ورحمة الله وبركاته

الساحق الخاطف

تسلم أخوي على التواصل

المشكلة أن الصوره الي عندي مو مثل ما ابغيها

بالطريقة الي ذكرتها بالموضوع وثانياً هوب واضحه ..

أخوي أنا وأثق منك وأثق من ابداعك وهاي ما يا من ثراب

لا .. من خلال مشاركاتك بالبرزة بتصاميمك أو من خلال ردودك

على مواضيع الأخوان والاخوات سوي الي فيه الخير وخذ رااحتك

مررره ...ادري بك مشغول بالقصة الحينه ~_*

تقبل مني خالص الود

أخوك قناص الآريام

 

[الساحق الخاطف]

مشاركة: ممكن .. يامبدعين ؟؟

وعليكم السلام ورحمة الله وبركاته

تسلم اخوي على كلامك الطيب ..
خلاص عيل انا بحاول ادور الصورة .. وإذا ما حصلت صورة بنت بحط صورة ولد ..

فهل هالشي عادي ؟؟

( عاد مب مشغول كلي بالقصة .. مستحيل الساحق ينسى الابداع في التصميم لانه جزء منه )​

 

[قناص الآريام]

مشاركة: ممكن .. يامبدعين ؟؟

السلام عليكم ورحمة الله وبركاته

الساحق الخاطف

تسلم الشيخ

عادي طولي بعمرك

الله يخليك ويبقيك

دمت بخير ونعمه

أخوك قناص الآريام

 

[الوصلاوية]

مشاركة: ممكن .. يامبدعين ؟؟

يالله نتريا التصميم انا ما عرف اصمم
الوصلاوية