• مرحبا ٬ في حال تعتذر تسجيل الدخول ، يرجى عمل استرجاع كلمه المرور هنا

أساليب الشباب في الضحك على الفتاة.

  • بادئ الموضوع عنودي
  • تاريخ البدء
  • الردود: الردود 12
  • المشاهدات: المشاهدات 3K

عنودي

๑ . . عضو . . ๑
التسجيل
13 ديسمبر 2002
رقم العضوية
25
المشاركات
55
مستوى التفاعل
0
العمر
35
الجنس
الإقامة
راس الخيمه
الموقع الالكتروني
أساليـب الشبــــاب في الضحــك على الفــتاة
حقيقة التعارف



مقدمة


الحب إدعاء وخداع ووسيلة اصطياد لإقامة علاقة سيئة مغلفة بالحب تتدرج على خطوات كل خطوة في هذه العلاقة تجر وتجعل ذلك المحبوب رهينة لخطوة أكبر منها تحت سلاح الإغراء او التهديد بالفضيحة الى ان يجره الى الكارثة, وهذا الشخص كالشيطان يغري الانسان بالكفر حتى يقع فإذا وقع تخلى عنه وتبرأ منه, قال الله تعالى(...كمثل الشيطان إذ قال للانسان أكفر فلما كفر قال اني بريء منك اني أخاف الله رب العالمين) صدق الله العظيم.


الموضوع



وانا الحين بشرح وبتكلم بنفس اللي يكون على لسان الشباب واللي يحدث بينهم لأني أعرف الشباب واللي يدور في بالهم وأنفسهم لأني أنا واحد منهم وأعرف أكيد أكثر من أي وحدة باللي يستوي بينهم، واللي يفكرون فيه، وبتكلم بكل صراحة وبدون أي تكلف حتى توصل ان شاء الله الحقيقة اللي أكثر البنات ما يعرفونها .

تساؤلات
س) هل البنت يوم تتعرف على واحد بينتهي هذا التعارف او الحب الى الزواج؟؟؟

أكيد مستحيل لأن البنت يوم تتعرف على واحد وتكلمه وتطلع معاه، تصغر في عين هذا الشاب وهذا الشي أكيد وطبيعي لأنها تخلت عن شرفها وعفافها وقبلت ان تطلع مع واحد غريب فكيف يزوجها!!

وأنا عمري ما سمعت ولا دخل في قاموسي ان وحدة تعرفت على واحد وتزوجها، واللي اعرفه ان هو يخدع البنت ويختلي بها ويخربها وهذا اللي يحصل، وما في شيء اسمه زواج عن طريق التعارف، واللي حصل لهم واتزوجوا لأن البنت حملت واكتشفوا اهلها الموضوع (الفضيحة) ورفعوا قضية على هذا الشخص وزوجوه هذي البنت بالغصب؛ لأنه ما يريد يتزوج وحده مثل هذي البنت اللي تنازلت عن عفافها بطريقة غير شرعية (بدون أو قبل زواج).


--------------------------------------------------------------------------------

س) زين ليش الشاب يوهم البنت بالزواج ويعيشها في عالم الحب؟؟؟

لأن الشاب يفكر في البنت تفكير جنسي, وتسلية في شرفها وعرضها، لين ما يحصل البنت الي ما شاف عليها الغلط ويزوجها، حتى لو كانت وحدة مب زينة مدام هو ما شاف عليها الغلط خلاص عادي، وكل الشباب يقولون ان اللي ترضى انها تطلع معاهم هذي وحدة صايعة، وهي تستاهل اللي يجيها من الشباب، لهذا السبب يستحلون فيها أي شيء على أساس ان اللي تبغي تحافظ على عمرها ما تطلع مثل هذي البنت اللي فكرت بالحب بطريقة غير شرعية وسارت في طريق الغلط.


--------------------------------------------------------------------------------

س) وفي بنات يفكرون (يوهمون انفسهم) ويقتنعون بان الشخص اللي تكلمه او تحبه وما في مثله وهو غير عن كل ***الشباب***؟

ملاحظة: هذا السبب الي ضيع الكثير من البنات هذي الثقة لشخص غريب محرّم عليهم.

هذا السبب القوي في نفسية البنت ,واللي يخلي وخلا الكثير من البنات انهن يتنازلن عن شرفهن وعفافعن؛ لأن البنت تشوف هذا الي تعرفت عليه غير عن كل الشباب، هذا لأنها حبته ووثقت فيه وسلمت عمرها له، ويوم سلمت عمرها الي هذا الشخص الغريب (أصبحت مثل بنات الشوارع في نظر هذا الشاب و ونظر الناس) على أمل والوعد بالزواج، وللأسف والله الكثير من البنات اللي خدعن وهذا سمعته على لسان واحد من الشباب يقول وهو يضحك انه ينام مع البنت متى ما يريد على أساس انه اقنعها انه بيتزوجها، وهي مصدجة ومقتنعة وحاطة امل كبير فيه، وتقول خلاص يوم هو غلط معاي يعني أكيد هو بيصلح غلطته وبيتزوجني وهذا تفكير الجاهلات.

والكثير من البنات اللي اختربن ما تنصح ربيعتها وتحذرها من هذا الطريق، بل بالعكس تساعدها على انها تتعرف وتشجعها على الانحراف وتزينلها التعارف والحب وغيرذلك وطبعا هذا الشيء يكون بطريقة مباشرة وغير مباشرة والأخطر الغير مباشرة بدون ما تذكر لها مخاطر هذي العلاقة المحرمة.

هذي حالة نفسية في كل شخص ظايع وخربان يحاول يخرب غيره عشان يستوي مثله وما يكون في طريق الغلط لوحد


--------------------------------------------------------------------------------

س) وهل من المعقول ان واحد يبروح عند اهله ويجولهم انا أريد ازوج وحدة تعرفت عليها أو شفتها في مكان وعجبتني وابغي ازوجها؟؟

أكيد أهل الولد ما بيرضون بيقولون تبغي تتزوج وحده ما أدري من وين محصلنها أو متعرف عليها أو يجولون تبغي تتزوج بنت من بنات المراكز والشوارع. طبعا الولد مستحيل يسوي هذا الشي ويحط نفسه في هذا الموقف الي بدايته ونهايته معروفة. لا بالعكس بعد إذا قال لأهله بيتهمون الينت اللي متعرف عليها يأنها تريد تخدع الولد، وتريد ترمي بلاها على الولد... الخ.


--------------------------------------------------------------------------------

س) شو تفكير الشباب ورايهم يوم يعرفون انه واحد متعرف على وحدة ؟؟

والله للأسف ان أغلبية الشباب يشجعون بعضهم البعض على الرذيلة وكل واحد يتمنى ان يتعرف ويسوي نفس الشيء مع هذي البنت لأنهم يجولون ويفكرون بأنه هذي البنت لا اختك ولا من اهلك ولاتقرب لك عشان هذا يسون فيها اللي يبغونه وهذي قاعدة لازم كل وحدة تعرفها.

والله زين ( ***لا اختك ولا حرمتك ولا من اهلك ولاتقرب لك***)!!!!!.

وهذي بعض الدلإئل والإشارات التي تدل على الواحد ما بيتزوجون وحدة متعرف عليها من قبل!!؟ إذا البنت رمست الشاب، وطلعت معاه، وعطته الي يباه، واختلى بها او يعني استوا بينهم شيء غلط.

بس خلاص بعد ليش يزوجها يوم انه حصل وحده (فري) وعطته الي يباه ليش يزوجها وهذا الي يباه منها خلاص خذاه وبرضها، وعلى فكرة يوم البنت تكتشف بعد فوات الاوان انها انخدعت وتبدأ تجول وتلح على هذا الشاب اللي خدعها انت لازم تتزوجني، بيرد عليها هذا الشاب بكل صراحة وبيقولها انتي عطيتني برضاك وما في احد غصبك على شيء، وهذا الرد الي اسمعه دوم من أهل التجارب واللي يردودنه الشباب.


--------------------------------------------------------------------------------

س) اذا كان ربيع هذا الشخص يعرف كل شي عن علاقته مع البنت وسوالفه معاها ولو كانت بسيطة وعادية بالنسبه لها, لازم تعرف انه ما بيتزوجها ليش؟

لانه يخاف انه ربيعة يطلع عليه كلام من وراه او يعايره في يوم من الايام ويجوله انه متزوج وحدة متعرف عليها يعني تنفهم انها صايعة، وأنا قلت في البداية انة الي تتعرف والله انه يعتبرها اغلب الشباب انها وحدة صايعة، عشان هذا اي وحدة تتعرف على واحد وتعرف انه ربيع هذا يعرف بالموضوع، يعني مستحيل يتزوجها.


--------------------------------------------------------------------------------

وفي طريقة سهلة وبسيط دوم يستخدمونها الشباب عشان يستدرجون البنت يجول للبنت ابغي اكلمك على التلفون او اطلع معاك عشان نتعرف على بعض اكثر ......الخ

ونصيحه اخويه للبنات اي بنت تبغي تحافض على عمره تحافظ على أوامر الله تعالى لين ما يكتبلها الله تعالى الزواج ودعاء الله تعالى قال الله تعالى (وليستعفف الذين لا يرجون نكاحا حتى يغنيهم الله من فضله) صدق الله العظيم ونصيحة اقدمها لكل شخص يعاني من مشكلة مهما كانت انة يشتري ويسمع شريط اعبر عنه بأنه أكثر من روعة وهو (قرع ابواب السماء للشيخ بدر المشاري) وأرجوا من كل شخص وصلت هذي الرسالة انها ينشرها وويوزعها على كل شخص يقدر يوصله هذي الرسالة حتى لو كان غني عنها لانه يمكن يرسلها لوحدة محتاجة وحتى اللي ما تحتاج يمكن تضعف في يوم من الايام وكل انسان معرض انة يضعف او ينخدع والدال على الخير كفاعلة والأجر ان شاء الله اجر النصيحة والتنبه من الغلط.
 

مفنود

๑ . . عضو متميز . . ๑
التسجيل
12 ديسمبر 2002
رقم العضوية
6
المشاركات
522
مستوى التفاعل
16
الجنس
أعوذ بالله من الذئاب البشرية ...
 

بنت الفريج

๑ . . عضو نشيط . . ๑
التسجيل
12 ديسمبر 2002
رقم العضوية
3
المشاركات
272
مستوى التفاعل
1
الجنس
الإقامة
+بوظبـــــــي+
الموقع الالكتروني
هي و الله أعوذ بالله من هالذئاااب و الله يبعدني عنهم يااااارب ...




أشكرج عنودي على هالموضوع الحلو....>>> الله لا يقول انطيح فرائس لهالذئاااب









بنت الفريج
 

العيون الحزينة

๑ . . عضو ماسي . . ๑
التسجيل
12 ديسمبر 2002
رقم العضوية
7
المشاركات
1,049
مستوى التفاعل
2
العمر
40
الجنس
الإقامة
In My sAdEyes
الموقع الالكتروني
مشكوووورة عزيزتي على هالمشاركه الحلوة00



الله يبعدنا عن هالبلاوي00



:)
 

عنودي

๑ . . عضو . . ๑
التسجيل
13 ديسمبر 2002
رقم العضوية
25
المشاركات
55
مستوى التفاعل
0
العمر
35
الجنس
الإقامة
راس الخيمه
الموقع الالكتروني
الله يسمع منكم..ز
 

سواح

๑ . . عضو ماسي . . ๑
التسجيل
12 ديسمبر 2002
رقم العضوية
11
المشاركات
1,442
مستوى التفاعل
5
الجنس
الإقامة
الامارات
الموقع الالكتروني
بصراحه موضوع مهم وانا معكم فهذا الموضوع :)


بس بغيت اضيف شى على الموضوع مو كل الشباب مثل بعض

وحتى البنات مو مثل بعض اصابع الايدى مو كلها مثل بعض

والسموحه ;);)


تحياتى



سواح
 

البيشك

عضو مميز
التسجيل
13 ديسمبر 2002
رقم العضوية
20
المشاركات
38
مستوى التفاعل
0
الجنس
الإقامة
الامارات العربيه المتحدة
الموقع الالكتروني
مثل ما قال اخوي سواح مب كل الشباب ترااااااا

بس البنت الزينه ما اتقيم علاقات محرمه ,,,,

والله يستر علينا وعلي جميع بناتنا ,,

البيشك
 

مخاوي الطيبيين

๑ . . عضو نشيط . . ๑
التسجيل
12 ديسمبر 2002
رقم العضوية
17
المشاركات
348
مستوى التفاعل
0
الجنس
الإقامة
بوظبي/الامارات العربية
الموقع الالكتروني
عود ونقول ان البيت هو الاساس في التربيه والام هي القدوه للفته والابوا هي القدوه للولد. شكرا علي الطرح القيم للموضوع
 

العجمي

๑ . . عضو بقراطيسة . . ๑
التسجيل
22 ديسمبر 2002
رقم العضوية
47
المشاركات
28
مستوى التفاعل
0
العمر
52
الجنس
الإقامة
الكويت
الموقع الالكتروني
كلام سليم وكلام منطقي وكلام جدا مقنع وطيب
بس ياليت البنات يعرفون ذالاشياء ويحرصون على نفسهم
وبقى نقطه مهمه للشباب وهي "كما تدين تدان" ولا تقول اختي او بنتي او احدى قريباتي شريفه واعرفها قالوها شباب قبلك وتفاجؤو بالنتيجه لان اللي قالها الرسول صلى الله عليه وسلم "وما ينطق عن الهوى ان هو الا وحي يوحى"
جزاك الله خير
 
التعديل الأخير:

بيشوقة

مشرف منتدى الشعر والأدب
التسجيل
12 ديسمبر 2002
رقم العضوية
9
المشاركات
56
مستوى التفاعل
0
العمر
42
الجنس
الإقامة
دبي
كل كلمة قلتيها كنتي صادقة فيها كل الصدق اختي عنودي .. صح مثل ما قالوا اصابع الايد مو كلها نفس الشي .. لكن الوحده لازم تاخذ حذرها .. ..و صح إنه البيت هو أساس البنت والولد.. وكلاهم يتربون في مهدهم الأول .. لكن أظن إنه اصحاب السوء لهم تأثير وااايد كبير على اللي حاويليهم ويزينولهم المعصية حتى إنهم يستصغرون الكبائر والعياذ بالله ..

وأهالينا الأوليين أو فيه ناس الحين .. ما عندهم هالوعي .. اللي من خلاله يقدرون يحافظون على عيالهم وخصوصاً المراهقين منهم .. واللي تفكيرهم طايش ...

جني طولت عليكم !!
ما اقول غير الله يحفظنا ويحفظ عيالنا من هالنوع من البشر .. بنات أو شباب
 
عودة
أعلى