• مرحبا ٬ في حال تعتذر تسجيل الدخول ، يرجى عمل استرجاع كلمه المرور هنا

" الـــــــروح الغراميـــــــــة "

تلع لعناق

๑ . . عضو . . ๑
التسجيل
30 أكتوبر 2005
رقم العضوية
4236
المشاركات
70
مستوى التفاعل
0
الجنس
الإقامة
اماراتّ العزً ..
السلام عليكم ورحمة الله وبركاته ...

أول مشاركه لي فهالمنتدى :mf_rudolp ..

أحاسيس ومشاعر .. وطفوله وبراءه .. معاكم قصتيه "الروح الغراميه "..


الجزء الاول

عاصفه قويه هبت على فريج جلفار .. والمطر يطيح بقوه ويضرب على الارض بكل قوته.. أمواج البحر تتلاطم ببعضها بقوه وتصدر أصوات تروع القلوب ..بعضهم يحاولون انقاذ القوارب اللى بعدها ماشلتها الامواج .. والشبيبه يترابعون بكل صوب لفزعه الشياب .. والرياح تحرك اغصان الشير وتحاول تقتلعها بقوه .. ومزارع آل علي اللى الكل يدعي ربه انها ماتتضرر لانها الرزق اللى يعتمدون عليه بدت تقتلع الشير اللى خارقت قواها بسبب مرور السنين عليها.. حتى بيوت الفريج المصنوعه من الطين واللب واسقفها الضعيفه بدى يتسرب منها ماي المطر.. وكل حد يترابع في الفريج ويحتمي ببيته ..يهال اللى كانو يلعبون ع رمل البحر الابيض ..والبنات يايات من عند المطوع ..والحرمه اللى تقضي حاجتها عند خويتها ..كلهن ردن لبيوتهن مفزوعات ..كان الظهر .. واللى يشوف سما جلفار بلونها الرمادي على سواد حالك يقول اللحين فليل مب الظهر .. بهالوقت ميثه اللى عمرها ماتعدى العشر .. كانت فبيت ييرانهم اللى ملاصق بيتهم.. كانت تلعب ويه اربيعتها مزنه وناسيه وراها امها ويدتها وهلها اللى يحاتونها ..وكانن يالسات عند الدريشه اللى استوا لونها بني غامج بسبه الماي اللى تسرب بين حوافها..
ميثه تاشر عالبحر:شوفي البحر يخوف .. تسمعين صراخه ؟
مزنه تحط أصابعها الصغار ع ذونها وتغمض عيونها:ماريد ..أخاف من صوته ..
ميثه تضحك وتخوز ايد مزنه عن ذونها:لالالالا لازم تسمعين .. بخليج تسمعين صوته .. وباجر يوم بترقدين بتحلمين فيه ..
مزنه تصارخ:لالاااااا امايه ..امايه .. مااريد احلم فيه مااريد ..أخاف اخاف ميثووه .. الله يغربلج بخبر عليج بويه ..
ميثه تسكر الدريشه وبضحكتها الطفوليه:ههههههههههههه خوافه وايد ..أنا مااخاف من هالاشيا ..بس اخاف من الله ..
مزنه تتطالعها بانبهار:ميثه قولي الصدق ..انتي ماتخافين من صوت البحر ..قولي الصدق وماتجذبين عليه؟
ميثه تلبس شيلتها اللي محطوطه عالجتف:هيه مااخاف .. تصدقين اقدر اطلع اليبل اللحين بروحي .. حتى تخبري سلامه .. في مره فليل ظهرت برى روحي صوب مزرعه آل علي .. روحي والله فليل بعد كان ..
مزنه تحط ايدها ع صدر ميثه مكان دقات القلب: ميثه انتي قويه ..
ميثه تفتر في الحجره:والله ماشي يخوف ..
وبهاللحظه اهتزت الارض بصوت الرعوود والمطر صبيب اللى بدى يتزايد وزخاته تضرب بالدرايش الخشبيه بقوه ...هنيه ميثه ربعت ولمت مزنه بحظنها بقوه وهيه تتنافض ..
ميثه:أخاف من الرعد .. وين بويه !!
مزنه:يالله نظهر صوب امايه ..نحن نخاف ارواحنا ..
وهن ظاهرات جافت ميثه اختها سلامه ع السطح وهيه ترمس ام مزنه ..
ام مزنه:ان شاء الله فديتج اللحين بطرشها صوبكم ..( وتفتر ام مزنه صوب ما الباب الخشبي الضعيف انفتح وتتطالعهم ).. هالميث لهيتي ويه مزنوه ونسيتي هلج ..حليلهم يحاتونج ..!!
سلامه بصوت عالي :الميث ردي البيت اللحين ..ابسرعه ..ابويه يتنازع ..
ميثه عيونها تلمع:وحمد يدري اني برى البيت ..
بس سلامه ماسمعتها نزلت ابسرعه بسبه الهوا والبرد والمطر ..اللى زادت زخاته ...
ام مزنه:اتريي فديتج بوصلج .. وتروح اتييب عباتها الا انه بومزنه وواخوها سعيد داخلين من الباب وكانو شالين قواقير .. وحمد كان واقف ع طرف ويرمس وياهم ..
ميثه تلمع عيونها وتتطلع ام مزنه:خالتيه .. حمد اللحين بيهزبني وبيضربني..وترد تتطالعه بنظرات خوف ..
ام مزنه:اشو يضربج ! لاهب ضاربنج ..!!وحطت ايدها ع جتف الميث جنها تقولها لاتخافين ..
مزنه:ميثووه اخوج اخوج ..
ميثه تتطالع اربيعتها:توا الناس ..
بومزنه يطالع حرمته:السلام عليكم .. هالميث اخوج برى يترياج ..
ميثه تلف شيلتها عراسها وتروح صوبه ..
وسعيد يدخل القواقير ويطالع ميثه وهيه طالعه من بيتهم ..
حمد:ماشاء الله عليج .. مقيله عندهم ..جان بتي عندهم بعد .. ومسكها من جتفها ودزها جدامه ...
ميثه:بخبر عليك بويه ..
حمد:لو تدرين ان ابوج محمق في البيت روحه بيكسرج تكسير ..
ميثه:اووه هد ايدك ..يعورنيه .. ووالله اخبر عليك ..
حمد ميود ايدها بقوه ويسحبها وراه:جب يالله ..امشي عدل ..
ودخلها حمد الحجره اللى متعودين يتيمعون فيها .. ودفرها بقوه .. وطاحت عند ريول يدتها وميثه من الزيغه راحت صوب يدتها وحظنتها ..
حمد:جوفوا بنتكم ..فضحتنا.. 24ساعه فبيت راشد ..جنه ماعندها بيت ..فقيره .. روحي اخير لج اسكني هناك ..(وياشر بايده) صوب المزارع روحج ..تراج 24 ساعه برى البيت .. ماعندج هل ..
يدوه ظبيه:جب اقطعها امره الرمسه .. ياللي ماتخيل ولا تستحي ..
وميثه بعدها محطيه راسها بحظن يدوتها..وماقالت شي ..
ام حمد:حمد بويه استهدي بالله ..شولها هالرمسه ..
بهاللحظه دخل بوحمد الحجره ..وهو يطالع حمد ولده اللى منزل راسه ويهه احمر .. وحرمته اللى تهدي به ..وامه ظبيه اللى تطالعه بنظرات جنها تلومه تقوله ماشاء الله ع تربيه ولدك ..
بوحمد يرطب الجو:ها حمد شو مستوي ..صوتك واصل لين اخر الفريج .. مكان دكانا ..تعرفه اللى نبيع فيه سمج ..
سلامه ضحكت بصوت خفيف بسبه الجو المكهرب في الحجره..وطالعت بوها اللى صد لها وضحك ..
حمد بعده منزل راسه:السموحه منج يدوه وامايه ..وافتر صوب الباب ..السموحه منك بويه .. وظهر ..
سلامه ترمس ميثه:بس هذا اللى ناخذه منج ضرابه وهزاب ..
ميثه تصد لها:مايخصج ..وسارت صوب بوها ..
ميثه:بويه ..حمد محتشر ومعصب وشال البقعه شل ..تدري ليش ؟؟؟ لاني كنت فبيت راشد ..وقالت له السالفه كلها ..
ام حمد:وانتي يوم تشوفين الدنيا الصقيع جيه ماتردين البيت ..صدقه حمد ..24ساعه هياته ..والله ماجذب ولديه ..
سلامه:ماعليكم منها يوم بتغدي حرمه ..قبضه الباب ماتيوده ..
بوحمد لاوي عليها:العصر تلعبين ويه مزنه ومن عقب المغرب تردين البيت ..ولا ماشي بعلقج فوق النخل ..وياشر بايده ..
ميثه بضحكتها الساحره:هههههههههههههههههههههههه لا ادري اني مااهون عليك ..
بوحمد يلوي عليها بقوه:غناتيه ..
يدوه ظبيه: هاه ولديه .. بشر عسى ماتضررتوا..
بوحمد:آأأه ..البحر شل نص المراكب .. وبعضهن كسرهن ..زين منا تلاحقنا على جم واحد مال قوم بن يتاح ..
ميثه:بويه ومراكبنا ..؟
بوحمد:لا مراجبنا ..حمد ولديه من قبل مدخلنهم .. الحمد لله ماتضرر من عندي شي ..ياغير بو سلطان حليله مزرعته الصغيره حول بيته شلها السيل كله ..
يدوه ظبيه:لا حول ولا قوه الا بالله ..ومزارع آل علي ..ياخوفي استوا بها شي ..
بوحمد:لا الحمد لله مااستوابها شي ..الا يمكن شي بسيط ..
سلامه:بويه اليازيه اربيعتي خبرتني انه بوها يبات في المزرعه يوم المطر يصب ..هههههههه
والكل يضحك ..
ميثه تتراكض صوب الدريشه:بويه شكله المطر خف ..اقدر اظهر برى صوب اليبل ..أكيد غدى لونه بني غامج..
يدوه ظبيه تصد لها:بكسر رويلاتج..
سلامه:واابويه ماتووب هالياهل ..
واشوي ويسمعون صوت شمه اللى بعدها ماتعدت خمس شهور .. راقده في المنز .. والكل يفتر صوبها .. وبوحمد ماخلص من التراحيب والسلام الا يوم شلها .. وميثه تتطالعه بنص عين ..
ميثه تلف صوب بوها:من الغاويه بويه ؟أنا ولا شموه الضعيفه..
وبوحمد يلاعب شمه وهب سامع ميثه ..
ميثه جنها تترجاه:بويه من الغاويه فينا؟
سلامه:يالله عليج ..جنج تقارنين عمرج بالشيخه شمه ..!!أكيد هيه احلى عنج بمليوون الف مره مايحتاي مقارنه ..
ميثه تتفحص شمه:بس هيه عيونها صغار وأنا كبار ..بويه يسميني الدعج الناعساتي ..جوفي حتى ماتروم تبطلهن من كثر ماهيه صغار..
سلامه تضحك بويه شمه ..وماردت لميثه ..
ميثه:بويه من الاحلى انا ولا شمه ..
بعد مارد عليها ابوها ..
فجاه حست ان الكل مشغول عنها .. افترت صوب امها ولقتها ترمس يدوتها عن سوالف شمه ويضحكون .. وبوها وسلامه يلاعبون شمه الطفسه .. خذت مني بويه واميه .. من بعد ماكنت انا أخر العنقود يت شمه .. واشوي وسارت ابعيد عنهم وع الزاويه يلست تصيح بصوت واطي لين ما ارتفع حسها وبدت تصيح بصوت عالي .. الكل استغرب ..اشفيها ..خص بوها ..يمووت في عياله ومايريد يشوف دمعه وحده بعيونهم ..
بوحمد:بلاج ؟؟
سارت لها امها ولوت عليها:ميثه غناتيه بلاج اميه؟
يدوه ظبيه:هاتوها ..هاتوها عندي ..تعالي امايه ميثه ..
وميثه ماشي تصارخ وترافس ..انتوا ماتحبوني كله تحبون شمه وبس ..
سلامه:فديتج ميثاني .. اذا نحن مانحبج من يحبج ..؟
ميثه حاظنه عمرها بركبها:خوزو عني .. ماريد حد يرمسنيه..
واشوي ودخل حمد ..وهو فرحان ومستانس ..
حمد:بويه اميه يدوه..السيل وقف ..يالله اظهروا ..
سلامه امفتره صوبه:والله ..الحمد لله ..بسير بطالع الجمبل مالي اكيد اتخرس ماي ..
يدوه ظبيه تقوم ببطئ وحمد يساعدها:الشمس ظهرت ولا بعدها..
حمد ياشر عالحوي من برى:الغاليه شوفيه هذي اشعتها..بدت تظهر..
الكل راح يشوف حاجته حتى ام حمد يلست ترضع شمه حليب .. اما بوحمد يلس يراضي ميثه ..اللى ماطاعت تشل راسها من ركبها الا يوم حبها بوها ع راسها وايدها وجتفها..
بوحمد:اذا بوج ما يحبج من يحبج ...(تريا الاجابه) هاه الميث خبرينيه؟
ميثه تمسح دموعها بظهر كفها وتبتسم ابتسامه عريضه:عيل ليش مارديت عليه يوم قلت لك من احلى فينا انا ولا شمه؟
بوحمد:فديت روحج ..أكيد انتي الغاويه ..
ميثه ضحكت بصوت عالي ..:فديتك بويه ..ولوت ع رقبته ..
وسلامه تتطالع وتتاكد من كل شي ..عطور عبدالله اللى يبهن لها من الهند .. صوغات بوها وعمها ..المندوس مالها واغراضها .. اصدافها وقواقعها اللى يمعتهن وهي ياهله ويه بنات الفريج ..
سلامه تسير صوب امها ويدتها:يدوه .. امايه جوفو الثوب تخرس ماي .. وكله ع اطرف الحجره ماي ..
يدوه ظبيه:جيه مادخلتيه في المندوس ..سيري انشريه ع السطح ..بيجف ..
ام حمد:عيل روحي انشريهن وتعالي فازعيني السيل دخل الليوان .. انقفضي ..
وميثه واقفه عند الباب وتطالع الكل مشغول حمد يرمس بويه وامايه ويدوه وسلامه مشغولين .. لبست شيلتها وركضت برى البيت ..
وع السطح سلامه تحط ثوبها مكان الشمس .. وفجاه تحس بحد يلمس طرف شيلتها .. وهيه تفتر الا تشوف عبدالله ..وتفتر عنه مره ثانيه ابسرعه ..ودقات قلبها تزيد وتزيد ..
عبدالله يسحب شيلتها صوبه..وسلامه تمسكها من صوبها بقوه ..
سلامه:عن الخبال !!
عبدالله:بتخبل ..كيفي دام اني يالس هنيه اترياج من نص ساعه ..وانتي ولا مفتكره فيني .. ولا جني ولد عمج و خطيبج !!
سلامه بعدها عاطتنه ظهرها وماسكه شيلتها بقوه:قلتها خطيبج ..يعني بعدك ماستويت .. ريـــ ... وصخت ..
عبدالله:هاه قوليها حتى من هالجلمه حارمتني .. ولا جني بشر ..يحس ويشعر تراني بشر لي احاسيس ومشاعر شراتج ..يمكن بعد اكثر عنج ..
سلامه:بس هذا.. كلما ريتك اسمع شرا هالرمسه ..
عبدالله منقهر وير شيلتها صوبه حتى انها افترت ونص شيلتها طاحت وبكلتها ظهرت ع ويها وويوهم في بعض واللى بعدهم عن بعض مسافه خشم سليل عبدالله ..
سلامه تفتر عن ويهه:أكرهك ..خوز عني ..
عبدالله منصعق ..شو سويت .. هد شيلتها وسلامه نزلت ابسرعه ونص شيلتها تسحب وراها ..يالله شو سويت انا .. انا احبها ماابيها ترفضني بسبه خبالي ..يالله ترحمني برحمتك ..يالله ..
وسلامه من نزلت سارت حجرتها تصيح ..مب عشان شي بس عبدالله وخباله وحركاته اللى ماتخلص ..
وميثه كانت ويه مزنه وبنات فريجهم الى من سنها .. يلعبن ع البحر.. وعالرمل الابيض .. كان واحد من الماره هناك محذرنهم من البحر ..لا يتعمقون فيه وايد ..
بو احمد: عيالي تعالن لاتلعبن ..عن البحر يشلكن..! تعالن!!
مزنه:بو احمد ..لا تخاف نحن الا هنيه عند الرمله ..
ومن بعيد وع الشيره اللوز بالتحديد .. سعيد وخليفه بعدهم فتيه على طور النمو عمرهم ثلتعش سنه .. يالسين تحت شيره اللوز .. سعيد كان يراقب وحده بس ...وحده محد غيرها .. ميثه .."غنات عمره "
خليفه يفر عليه رمل:اييه منوه تتطالع اهناك ..ماتستحي تراقب البنيات ..عفان الله جنك من وعيت عالدنيا وريت شله هالبنيات وانته ماتشل عيونك عنهم..
سعيد يضحك:ههههههههههههههه ياخي وانته شلك ..انا احب وحده منهن..ويبتسم بحيا..
خليفه:من ..بنت آل علي ؟
سعيد يسوي روحه يكح: ايخسي ..أنا ..لا بويه ..( ويلس يطالعها من بعيد وهيه تربع ورى اخته مزنه ..ووراهم البنيات) .. انا حبيبتي مالها مثيل ولا شبيه ..تشوف هالبحر (وياشر عليه )يذكرني ابها يوم اسمع موجه ..
خليفه:واشو اللى يخليك تتذكرها يوم تشوف البحر..
سعيد يعدل يلسته عالرمل:ياخي غير .. ضحكتها جي ابها نبره حلوه ترن بذوني وانا اسمع موج البحر ..
خليفه:ياسلام ..انزين كمل ..
سعيد: والله احبها ..يارب ربي يكتبلي اياها من نصيبي ..خلووف ادعيلي !!
خليفه يحاول ايمع رمل بايده دون ماينتبه سعيد: وايد تحبها يعني ..؟
سعيد يطالعهم: بخبر ابويه يخطبها لي قبل لاطير عني ..
بهاللحظه فز خليفه من يلسته .. وسعيد رفع راسه صوبه مستغرب من طريقه وقوفه ..
سعيد:بلاك؟
خليفه بخبث:ماشي ..تبي الشور؟
سعيد بعده مستغرب من اربيعه ويتفحص ويهه جنه ناوي ع شي: ارمس ..!!!
خليفه:تبا تعرس ابها صح ..
سعيد هني نسى خليفه ورد لعالمه:آآااه ..اليوم قبل باجر ..(وحط ايده الثنتين ورى راسه واتكا على جذع الشيره ..)
خليفه بخبث وضحكه تطايرت في السما:فقدتك تبا تعرس ...ورش عليه الرمل فويهه..
وسعيد من الصدمه تم يكح ويتفل الرمل اللى دخل حلجه..تم ينظف ويهه ولحقه ..
سعيد يربع وراه:تعال ..تعاااااااااااااااال اقولك ..والله ان ماييت لا اسوي شي تحرم اتسوي حركاتك هذي ..
خليفه:اذا تحبها صدق .. زخني ..
وخفف سعيد من ربعانه يوم شاف عمره بين البنات .. ولمح ميثه تشل الماي بايدها وتوديه صوب القلعه اللى مسوينها ..
مزنه:سعيد تعال شوف شو سوينا..!!والله بيعيبك ..بس لاتحاول مابعطيك اياه..
ميثه تصرخ:ليش خبرتيه ..هاه سر امبينا ..
وسعيد يضحك عليهم ..
ميثه محطيه ايدها ع خصرها:هاه عيبك ليكون بعد تبا تاخذه؟
سعيد:رووعه منو مسوي هالقلعه؟
ميثه تفتر بخوف:لا تيود شي بتكسره..
لطيفه:ميثه بنسوي سفينه عوده شرات سفينه يدي..هنيه بنسويها..
مزنه:لا ورا القلعه احسن عشان مايي البحر ويكسرهم باجر ..شرات ذيج المره ..كسرهم كلهم ..
وباجي البنات التفن صوب لطيفه ومزنه يشاورن بعض .. اما ميثه يلست تتطالع سعيد .. غمضها يوم ماخلته ايود القلعه ..
خليفه يصاصر سعيد:اشرايك انكسره حقهم ..
سعيد:حرام عليك ..من يومين يسوون فيه ..
ميثه:سعيد يود هذي القلعه ..عادي مابتنكسر .. وتبتسم ..
سعيد:مااريد ..عقب ان تكسرو بتقولين هذا سعيد ولد راشد اللى كسرهم..
ميثه تترجاه بصوتها:لا هب قايله ..يودهم عادي انته ..بس اربيعك خليفه مابخليه ايودهم ..
خليفه يطالعها بنظرات:من زين اللى سوتنه كله خرابه باجر بتحصلون البحر شالنه كله ..
لطيفه:وانته شلك روح العب ابعيد هب ويانا..
سعيد يطالعها:ههههههههه دواك..
خليفه يحطي ايده ع جتف سعيد:جب انتي ام العقص اليابس ..طلع لج السان بعد ..
ولطيفه اشوي وبتصيح:بخبر عليك اميه ...
خليفه:يالله يالله مناك ..صياحه وحده ..
لطيفه حابسه دموعها:انته شعرك يابس ليفه ..
سعيد:ههههههههههههههههههههههههههههههه
خليفه:اسكتو اسكتو لطيفه بتصيح بتصيح ..
لطيفه مستحمله:جب
خليفه:اسكتو بتصيح اللحين ..
لطيفه ترش عليه رمل:بخبر عليك اميه ..
خليفه يفتر عنها:بس خلاص لاتصحين ..
وهنيه مارامت لطيفه تستحمل زوود وراحت تصيح بصوت عالي ..لحقنها البنات ..
خليفه وسعيد:ههههههههههههههههههههههههههههههه
ميثه:ووووف بس خلاص سيروا..
مزنه تطالع خليفه باحتقار..وخليفه يسويلها حركات بعيونه..
ميثه:قوموا من هنيه خربتوا علينا ..
خليفه:اطالع اختك ..يبالها كف يسنعها..
سعيد:خلووف زودتها عاد..
خليفه:اطالع شقايل تطالعني..
سعيد يسحب خليفه:برايهم برايهم لعوزنا بهم ..
وعند المغرب ردن ميثه ومزنه البيت .. وع طول الدرب وهن يرمسن بسوالف بريئه وايد تخص عالمهم روحهم ..وهن ماشيات في السكيك ..زقرهن عبدالله ولد عم ميثه ..
عبدالله يربع صوبهن:ميثه .. هذي الورده عطيها لسلامه .. لاتتعبثين ابها بتموت عقب ..
ميثه: ان شافني حمد بيذبحنيه..!
عبدالله:اووووه اشو حمد هذا بعد .. ابويه انا ريلها كلها سنتين ثلاث وبستوي ريلها ..
ميثه تتخطاه:انزين يالله فارج ..
عبدالله:ان شاء الله بفارج ..بس عقب بتخبرينيه شو صار وشو قالت عني .. وحطي الشيله عراسج ..وربع صوب المسيد ..
مزنه:ميثووه سلامه بتعرس خلاص ..شرات خواتج عفره ومريم ..
ميثه ترد شعرها ع ورى:ماادري خبال اكباريه ..
ومن وصلن بيوتهن دخلن ع طول وسعيد كان توا بيظهر من الباب ..وشاف ميثه وهيه داخله البيت ..
يدوه ظبيه:خلصتي هياته..؟
ميثه تفصخ شيلتها وتعقها بالليوان..وتيلس ع الارض وطبعا نست الورده:يدوه شو ماسمعتج..؟
يدوه :اقولج خلصتي ربعان في الفريج؟
ميثه تضحك بصوت عالي:هههههههههههههههههههه ماربعت بس سويت بيت كبير احذاه البحر .. يدوه ادعيلنا مايكسره البحر ..
ام حمد:ميثه نشي تيددي ماتسمعين الاذان ياذن ..يالله نشي فديتج..
نشت وراها ميثه..وبكل جديه:امايه ماخبرتج اليوم انا ومزنوه شو سوينا ..؟
سلامه:لا اله الا الله ..يعني شو مابخشع بصلاتي انا ..روحي يالله صلي ..
ميثه:انزين بخبرج شو سوينا انا والبنات ..
وتدخل يدوه تبتسم:الميث ماتخلص سوالفها ..بتم لين ويه الفير بترمس ..(وصدت صوب سلامه)وين السيده بصلي ابها ..
وقامت سلامه ويابت وفرشت لها السيده ..
ميثه:انا بسير بتيدد وعقب بخبركن ..
وهناك بمزرعه آل علي رياييل الفريج كلهم يعدلون في المزرعه اللى خربها المطر اليوم الظهر ..من العصر وهم يعدلون فيها ..
ميثه يالسه احذاه منز شمه وتلاعبها:سلامه ابويه وحمد من صلاه المغرب وهم ماردو البيت؟وين راحو؟
سلامه تعدل التكيات واليلسه:يعني ماتعرفين انهم يفازعون قوم آل علي بالمزرعه ..اللى اختربت من المطر ..هيه صح ذكرتيني اخواتي عفره ومريم ين عقب ماشردتي من البيت ..ويسلمون عليج..
ميثه:حراام ..ليش مازقرتينيه ..تدرين اني متولهه عليهن مووت ..
سلامه:لا والله ان شاء الله تبيني اظهر بالفريج وازقرج ..عيوني انا هب ياهله شراتج تراكض مني ومناك ..وبعدين انا خبرتهن انج دووم تتخبرين عنهن ..
ميثه:يالله فديتهن من متى ماسرت لهن .. باجر بروح ..
سلامه:ايييه عن الفضايح .. بيت راشد قلنا ماعليه ..لكن تترابعين لهن ببيوتهن عيب عليج ..عرب يايين طالعين ميالسهم ..
ميثه:كيفي بخبر ابويه وبروح ..
سلامه توها بتظهر من الحجره:عيل اتحملي اللى بييج من حمد
ميثه:كله منج شمه صاحت ..امايه ..امايه شمووه تصيح تريد حليب ..
وعقب صلاه العشى يلسو كلهم حول سفره العشى ..يتعشون ..
وباجرها الفير قامت ميثه ع صوت يدوتها توعي سلامه لصلاه ..
يدوه:حي ..وانتي منو موعينج ..ردي ارقدي ..
ميثه: بصلي شرات سلامه ..ولا هيه غير عني ..ونشت سريع ..
وتمت ميثه واعيه لين الصبح وشلت كراسها وقلمها ومرت على مزنه ومن عقب بنات الفريج..وهيه بالدرب لمحت عبدالله ماشي في السكه .. ووياه اخوه قايد ..
ميثه تفتر بخوف حول ربعها:ابا انخش ..يالله ابسرعه ابسرعه بيذبحنيه ..!!
لطيفه:منوه ؟منوه بيذبح؟
مزنه:شو مسويه بعد؟
عبدالله:ميثه تعالي اشوي..
ميثه تعدل شيلتها اللى ما غطت ربع شعرها هيه بصوب وشيلتها بصوب:هاه عبدالله ..!!
عبدالله:بلاج زايغه مني ..ماباكلج .. بغيتج بسالفه ويغمز لها ..
ومن الغمزه ارتبشت ميثه زوود:هاه ماعرف لاماعرف ..اتاخرت عن المطوع بيضربني بالعصا اليوم ..
قايد:اكيد ماحفظتي السوره ..كله برى البيت ..وين ماتبينه يضربج..
عبدالله:قايد اسكت عنها .. تعالي ميثاني ..وخذها من ايدها ..
وسعيد كان توا ظاهر من الباب ..ومن شاف عبدالله وميثه وبينهم قايد..تم يناظرهم دقايق وعقب روح ..
عبدالله منصعق:شووووه؟؟قالت ماتباها ..لحظه لحظه ..انتي متاكده انها قالت ماتباها ..
ميثه تتطالع مزنه:اوووه ماادري انا تاخرت المطوع بيكسر راسي ..وسارت ...
عبدالله محطي ايده الثنتين ع خصره:شكلي انا اللى بكسر راسج مب هو ..انا لازم اتاكد .. وسار ..
قايد:ع فكره ترا ميثه معروفه بالجذب ..ماعليك من رمستها كلها خريط ..جلام ميمع ..
مزنه:شو السالفه؟
ميثه تصاصر مزنه:الورده ماعطيتها لسلامه ...نسييت .. بيذبحنيه ..
وعند المطوع يلسن البنات بصوب والاولاد بصوب .. وسعيد وخليفه يتفقون اليوم شو بيسون في معسكرهم اللى مسويينه في اليبل ..
سعيد:انا بييب السح والخبز..
خليفه:وانا عليه الماي .. بس هاه اتحمل عن تشوفك مزنه ..
سعيد: لاتخاف انا مسوي احتياطاتي عدل ..
المطوع: سعيد وخليفه عن ماذا تتحدثا ونحن نتلو آيات الله ؟؟
خليفه مرتبك:هاه لا مطوع كنا نرمس......
ويقاطعه المطوع:تكلم باللغه الفصحى ..تحدث ياسعيد ؟
سعيد:مطوع انته تقول الذي يكذب سوف يدخل الى النار..
المطوع:نعم..هذا وعد الله ..
سعيد:كنا انا وخليفه نتحدث عن معسكرنا الذي بنيناه في الجبل ..
وهنيه الكل يضحك .. حتى ميثه ومزنه ويوم شافهم سعيد نزل راسه اكثر ..
المطوع:وهل تظن ان مثل هذا الحديث ينفعك عند قراءه القران الكريم ..
سعيد وخليفه منزلين راسهم ..ومن عقب ضربهم المطوع بايدهم ..ومزنه مستهمه ع خوها وميثه ولا عليها من حد ..
مزنه:سعيد وايد ضربك..
سعيد يفتر صوب اربيعه:خلووف الحق مزنووه اختي بتسويلي مناحه اللحين ..
خليفه يطالع ايده ويعصرها :حظك عندك اخت تفتكر بك ..اما انا حليلي ..
ميثه:أي معسكر اللى بتسوونه ..ممكن تاخذونا له ..ههههههههههههههههههه وضحكت ضحكتها العاليه ..غير كانت ضحكتها ..
سعيد من سمعها تم يطالعها ويبتسم بويها اما خليفه كل نظرات الكراهيه يطالع ابها ..
خليفه:ايخسي ناخذج ويانا .. يالله ردي البيت ولاتبين اخوج يسحبج من كشتج لين بيتكم ..شرات كل مره ..
سعيد:خلووف حرام عليك ..لاتحط راسك براس ياهل ..
خليفه:رووح انزين .. وسار
وتمت ميثه تطالع خليفه وهيه تفكر ..
سعيد:ميثه ماعليج منه هو معصب من المطوع ..
ميثه تفتر عنهم:يولي ..ماتهمني رمسته ..
وفي الدرب ميثه كانت تخطط تروح ورا خليفه وسعيد وتحاول تقنع مزنه بهالشي الا ان مزنه مب طايعه وتخاف ..
ميثه:صدقيني يمكن خاشين عنا الكنز هناك..
مزنه مستغربه:كنز .. معقوله اخويه سعيد عنده كنز ..وماخبرني!!!
ميثه:انا متاكده انه عندهم كنز .. ولا مابيسون معسكرهم في اليبل ..
مزنه:وبعدين نحن بنستوي شرات قوم آل علي عندهم فلوس وايد ..
ميثه:خلج من هذا يالله نلحقهم قبل لا يندسون .. وياخذون الكنر روحهم ..
ومن سارت ميثه البيت تسبحت وتغدت ومن عقب الغدى ..
حمد:ميثه وين سايره؟
ميثه مرتبكه:أأأأأ هيه ..بسير بيت عمي راشد ..مزنوه اليوم ماسارت المدرسه راسها يعورها ..
حمد يعرف انها تكذب ..بس :لاتبطين ..يالكذابه ..ودخل الحجره ..
ميثه تظهر ابسرعه:اميه عرف اني اكذب ..ابسرعه قبل لايغير رايه ..
ودخلت ميثه بيت مزنه وشافت بوسعيد يعدل في شيره صغيره .. وكان وياه سعيد ..
بو سعيد:اشحالج ابويه؟
ميثه مستحيه:ابخير وخطفت من عندهم .. وخذت مزنه وظهروا برى .. وطول الدرب وهن يمشن في الشمس .. ومزنه تعبت ويلست عالرمل ..
ميثه:مزنووه لازم نوصل اليبل قبلهم .. ولا مابنشوف الكنز ..
مزنه:مااريد الكنز ..اريد ماي ..بموت ..عطشانه ..
ميثه تصارخ:من وين اييب لج الماي ..يالله نشي ورانا درب ..
مزنه:ابا ماي ..
ميثه:مزنه لاترقدين في الشمس ..نشي ..
وهن يمشن شافن لمه شبيبه .. احذاه البحر ..
ميثه:حد منكم عنده ماي .. اربيعتي تبا ماي ..؟
وقام عبدالله من بين هالشباب .. وسار وراه عقاب ..
عبدالله:انتي شو اللى يايبنج هنيه ..ماتعرفين انه هالمنطقه خطر عليكم ..يالله ابسرعه ردي الفريج ..
ميثه:انزين مزنه تبا ماي ..(وتاشر عليها) شوفها ..تعبانه ..
ويركضون صوبها ..وعقاب يتم يبحلج بميثه صار له فتره ماشافها بدت تكبر وتحلو هالبنت .. يحس انها غير عن بنات الفريج ..فيها شي مميز ..
عبدالله:عقاب الحق البنيه بتموت ريجها نشف شوف شفايفها بيضت ..سر هات يغمه ماي نبلي ريجها ..
وربع عقاب صوب البحر وياب بايده ماي وحاول يشربونه لمزنه ..اللى بدت تتعب من المشي الطويل ..
عقاب:شو اللى خلاج اتين هنيه؟
ميثه:نبا ندور الكنز ..
عبدالله: اقولك هاي بنت عمي خبله ..انته لو تسمع سوالفها بتموت ضحك عليها ..
ميثه تتطالعه بنظرات ..وصرخت بويهه :سلامه اختي ماتبا وردتك ..
عبدالله احمر ويهه جدام عقاب ويرها من طرف ثوبها:جب ..انتي شو تقولين ... أي ورده ..!!يالله جدامي البيت ..وشل مزنه ..(وتم يطالع عقاب اذا لاحظ شي ولا لا.. بس عقاب كان سرحان غير عادته)
ميثه:والكنز!!!
عقاب:هههههههههههههههههههههههههه فديتج ماشي كنز هنيه ..
عبدالله:أي كنز !!!يالله جدامي لاخبر عليج ابوج ..يالله جدامي ناقص خبال يهال انا ..
ومن درو هل الفريج بسالفه ميثه ومزنه .. طاحو هل ميثه فيها ..
بو حمد:بتخبرج انتي ؟؟؟ شو مودنج هناك؟
ميثه تصيح وتناهي بصوت عالي ..وماترد عليهم ..
بوحمد:الحمدلله ولد عمج تلاحق عالبنت ولا جان راحت فيها ..حليلها بنت راشد..
وام حمد غامضتنها بنتها ..بس لازم تتادب ..
بوحمد: اربيعتج كانت بتروح ؟؟
وهنيه ميثه صاحت بصوت عالي .. وام حمد مارامت قامت ولوت عليها ..
يدوه ظبيه:برايها برايها لوماتت البنيه ابوج اللى بيبتلش فيها ..
حمد:يوم اقولكم احبسوها في البيت ماطعتوا الشور ..
سلامه:يا جماعه استهدوا بالله ..الحمدلله السالفه عدت على خير ..
بوحمد:الحمدلله ..ربج رفق بحالنا وحال الياهل اللى كانت بتضيع من ايدج ..
ام حمد: بسك بوحمد ماتشوفها شقايل تناهي ..
بوحمد يقوم:يالله ام حمد انابروح ميالس قوم آل علي ..ولا تخلينها تمسك قبضه الباب ..ولا دواها المره ثانيه اكثر عن الهزاب ..
حمد:بويه بخاويك ..
وميثه من يوم ظهر ابوها وهيه تصيح مب عشان الهزاب اللى حصلته من الكل .. لا .. تخاف على اربيعتها لايستوي ابها شي .. وهيه تكون السبب ..ومن بعد ماهدت اشوي سارت صوب يدوتها ..
ميثه:يدووه ..بسير بيت مزنوه بشوف حالها ..
يدوه:لا سلامتج .. يلسي مكانج البنيه ابخير بدون لاتشوفج ..
ميثه تمشي وراها:الله يخليج بس بسالها عن حالها وبيي ابسرعه ..
ام حمد تدخل الحجره وشاله شمه:ميثووه بسج عن الحنه الزايده ..روحها يدوتج راسها يعورها ..لاتزدينها برمستج ..
ميثه تتطالعهم ..ووقفت عند الباب .. ومن عقب سارت فوق السطح تركض ..وفي الممر شافتها سلامه ..
سلامه تتطالع خطواتها:وين سايره؟
ميثه:فوق السطح ..وركبت الدري المصنوع من الطين الابيض ..وعند السطح تمت تراقب بيتهم من تحت تتريا حد يظهر .. وشافت بو سعيد وزقرته ..
ميثه بفرح:عمي بوسعيد ..
بوسعيد يتلفت يمين يسار ..وميثه تضحك ضحكتها اللى الكل ينبهر ابها ..
ميثه:عميه انا هنيه ..وتاشر عليه ..وتضحك ضحكتها العاليه ببراءه ..
بوسعيد يرفع راسه ويحطي ايده الثنتين ع يبهته ويضحك ..: بنتي ماريتج ..بلاج ابويه ؟
ميثه:عمي ...اشحال مزنه ؟
بوسعيد:ابخير علج الخير ابويه ..جيه ماتقربين عندنا ..
ميثه بفرح:اقدر يعني عادي ..
بوسعيد مستغرب:بنتي هذا بيت هلج قبل ليكون بيتي ..حياج الله باي وقت ..
وعند هالرمسه يظهر سعيد ويشوفهم ويركب هو الثاني فوق السطح ..ليستفسر من ميثه اشويه شغلات ..وبوسعيد يظهر من البيت ..
سعيد:بلاها عيونج وارمات..ليش كنتي تصحين؟
ميثه تنزل راسها: مابلانيه شي ....أأأأ مزنه ابخير..
سعيد:هيه ابخير ..مافيها شي .. تعرفين حريم الفريج يحبون يزودون من عندهم ..
ميثه:يعني ابخير ..وهيه تحبني ونروم باجر نروح ندرس..سوا..
سعيد يضحك:هيه حتى اذا بغيتي بزقرها لج...
ميثه:لالالا خلها ترتاح ..
ثواني ..
سعيد يطالعها:الميث...
ميثه تتطالعه:اول مره تقولي الميث ..(وتبتسم ..)انا اكثر شي استانس يوم ابويه يزقرنيه الميث ولا الباجي عادي ..
سعيد يطالعها ويبتسم ..
ميثه:شو كنت تبا؟
سعيد:هيه ..ليش انتي ومزنه سايرين صوب اليبل؟ماتعرفون انه اليبل مب زين؟
ميثه تفكر:اممم مابقول سر بيني وبين مزنه ..
سعيد:يعني مابتخبرنيه..
ميثه:لا ..اوووه انا بروح يدتيه تزقرنيه ..
سعيد:لحظه ميثووه ..بخبرج ......
ونزلت ميثه سريع وعند الدري لقت يدوتها .. وسلامه ..لابسات عبيهن ..
ميثه:وين سايرات؟
يدوه:تمي ويه امج ..نحن بعد اشوي ردات وعن الشيطنه ..
ميثه تمشي وراهم:يدوه شليني وياج ..
سلامه:ميثه امايه روحها ..تمي وياها ..
ميثه:انزين ..وسارت ميثه تيلس ويه امها اللى يالسه ترضع شمه ..
ام حمد:ميثه فديتج روحي هاتيه ثياب شمه من الحبل .. وثياب ابوج واخوج حطيهن بصوب ..
وميثه وهيه تلم الثياب دخلت اختها عفره وريلها .. اللى هو ولد عمهم ..
حميد:هووود هوود ..
عفره:حميد روح انته الميلس؟
ام حمد:هدا هدا ..قربوا
ميثه:اقرب اقرب ..
حميد:قريب قريب عمتيه ..
وميثه تلحف شعرها بقطعه من الثياب اللى يمعتهم ...
حميد:ميثاني شفتج؟
ميثه:ادخل ابسرعه لاني مب ملحفه شعريه...
حميد:هههههههههههههههههههههههههههههه عادي ياهل ..
عفره:ميثوووه ..فديت روووحج ..
وربعت ميثه صوبها ..ودخلو صوب امهن ..وتقهوي حميد وعقب ظهر ..وتمت ميثه وعفره سوالف ..
وبعد اشوي ين سلامه ويدوه وعقبها يت مريم واكتملن بنات بوحمد ..
مريم:الميث ..شو مسويه فربيعتج مزنووه؟
سلامه:زين ماراحت فيها حليلها روحها ضعيفونه؟
ميثه:الحريم يبالغن ..وسعيد يقول مافيها شي عادي تروم تروح المدرسه ..الا الحريم عفان الله مايصدقن يسمعن شي ..ويرمسون فيه ..
عفره:شو ادورون كنز ع قولت بنت راشد ..
ميثه منصدمه:هااه ...كنز شدراج؟
سلامه:ههههههههههههههههههههههههههه أي كنز في جلفار كنز ..عيل نحن من اغنى المناطق ..وماعندنا خبر ..الا ميثوه ومزنوه ..!!
ميثه تتطالعهم:لحظه لحظه أي كنز؟
عفره:اشدرانيه عمتيه تقولي اونج انتي مخبرتنها في كنز في اليبل ..الحريم كلهن يرمسن بهالسالفه ..
الكل يضحك
ميثه:ماعليه مزنووه خبرتيهم .. انا اراويج ..

ومرت الشهور ..

العصر ميثه يالسه تلعب في الرمل البحر ..ومزنه وياها يشخطون ويرسمون ..وسعيد وخليفه كانو مارين من هناك ..
وميثه محطيه الشيله ع جتفها ..ومن شافها سعيد ..
سعيد:ميثه حطي الشيله ع راسج..
ميثه:انته شو لك؟
خليفه:شو تباها برايها ..يالله عمي علي يتريانا ..نحن هب متفيجين لطوله السانها..
سعيد:اقولج حطي الشيله عراسج ..ترانيه بخبر عليج اخوج؟
ميثه تتطالعه:حتى انته تهدد..تحسبتك غير عنهم..طلعتوا نفس الشي ..(وتحط الشيله ع راسها)
سعيد يطالع اخته:مزنووه قبل المغرب ردي البيت؟
مزنه:ان شاء الله ..
ميثه تتقرب صوبه:مب كيفك .. يالس تتامر جنك عوود ..
سعيد يضحك ..وبصوت واطي:يالله خليفه نروح ..
ميثه تلحقه:اييه يالسه ارمسك؟
سعيد يصد صوبها:شو؟
ميثه:شوه اللى شوه ؟؟مب كيفك بنرد شرات كل مره ..
سعيد:انتي كيفج ..بس اختي اباها ترد ابسرعه ..
ميثه بصوت عالي:فقدتك ..اشتغلت وتتحسب عمرك عوود ..
بس سعيد وخليفه كملو دربهم ولاردوا عليها ..
مزنه:ميثه ماتحسين انه كبرنا عاللعب ..
ميثه:تصدقين انا من شفت شنب اخوج ..حسيت اني كبرت ..
مزنه:هههههههههههههههههههههههههههههههههههه..

وعند العشى ..يلست ميثه تلاعب شمه ...وتسمع حد يدق الباب ..
ميثه:سلامه روحي افتحي الباب..؟
سلامه:روحي انتي انا مشغوله انظف حجره بويه ؟؟
ميثه:انا عندي شمووه ..
سلامه من عند الباب:روحي افتحي ..وانا بشل شمامي ..
وسارت ميثه وبطلت الباب وشافت سعيد يبيع خضره ..
سعيد منزل راسه وع طرف:السلام عليج ..
ميثه:وعليكم السلام ..امايه امايه هذا سعيد يايب وياه الخضره ..
وظهرن له يدوه ظبيه وام حمد .. وميثه كانت وياهم ..وتتنقى ليدوتها الفاكهه الطيبه ..
يدوه ظبيه:بنتي هالتفاح زين تشوفينه ..
ميثه وهي تتنقى الخضره...وبعفويه:هيه يدتيه بلاها مب زينه يسد انها من مزرعه بوسعيد ..ولا شو الراي امايه ..؟
ام حمد:الخير كله من مزرعه بوسعيد ..وخضرتهم ماعليها جلام ..الحمدلله والشكر ..
وسعيد مستحي ويطالعها يوم تتنقى وتعلق ع يدوتها ..
ومر من عندهم قايد ولد عم ميثه .. وشافهم ..وماعيبه المنظر ..
قايد:السلام عليكم ..اشحالج يدتيه وحبها عراسها ..
يدوه:الحمدلله وسهاله ..ومن صوبك ولديه ..
قايد يطالع ميثه بنظرات:ابخير مانشكي باس الله يطولي بعمرج .. (وبتردد)عمتيه انا اشوف ميثه مالها لزمه واقفه خاري جيه والناس طايفه وراده ..(ورد يطالع سعيد ..اللى فهم قصده )
يدوه:هيه والله صدقه ..ميثه مالها لزمه .. دشي داخل ..
ميثه حولت نظراتها مابين امها ويدتها وقايد ..ودخلت ..ورضخت الباب وراها ..
وسعيد كان مع قايد بكل جلمه نطق ابها ..لكن طريقه رمسته قهرت به ..بس ساكت لانه ولد عمها وله الحق ..وحاشم الحرمات اللى يتشرن عنده ..
ام حمد:حليلها يالسه تفازعنا بالخضره ولديه ..
قايد:لا عمتيه انا اقول يعني مب حلوه واقفه احذاه واحد غريب..يبيع خضره ..
سعيد بنظره شموخ:اللى تشوفه يدامك يبيع الخضره .. حاشم عمره وحاشم هل الدار اكثر عنك ..ومب غريب تراه واحد من هلهم ..
قايد اطالعه بنظره ..وسعيد رد له النظره ..
ام حمد:ولديه قايد عيب هالرمسه وسعيد حسبت اخوها ..ورابي وياها هو ..
قايد:عمتيه رمستج ماعليها زوود .. الا وقفتها هني وياه عيب بحقنا نحن عيال عمها وانا اترخص اللحين ..
وميثه داخل تصيح بحرقه .. واللى ذابحنها اكثر انه قال ذيج الرمسه بوجود سعيد ..
وسلامه مستغربه من اختها ..عمرها ماصاحت لمثل هالسوالف طول عمرها ميثه تتناجر ويه عيال عمها وماصاحت هالصياح ..
سلامه:ماعليج منه الا هو قايد ..ياهل..
ميثه:اشو ياهل ..انتي لو تشوفينه كيف يرمس رافع خشمه يتحرا الكل تحت وهو فوق ..
سلامه:اللحين انا اريد افهم انتي ليش تصحين هالكثر ؟
ميثه:انا مب ساكته عنه بخبر عليه عمي ..
سلامه ..حست انه ميثه بدت تتغير ماعادت ميثه ذيج الياهله ..بدت تكبر وتعقل وتحس .. .. بدت تتاثر بكل شي حوليها ..
ميثه تمسح دموعها بظهر كفها ..وهي طالعه من الحجره :مب ميثه اللى تصيح بسبة واحد مايسوا الثرى اللى تمشي عليه ..

ومرت الايام و الشهور والسنين والكل يالس يبني فخياله ويرسم احلام مالها حد وحدود ..
خص سعيد ..كان يرسم فمخيلته الف والف رسمه يلونها بالوان الحب والشوق والحنين ..بدى يخطط لمستقبله بجديه ..

من الصبح الكل ناش ينظف البيت من فوق لتحت .. لان جريب بيكون عرس سلامه .. وحريم الشعبيه ماقصرن .. ساعدن ام حمد ويدوتها .. والمغرب يدوه ظبيه يلست تعين حنه ..و يت وحده من الحريم اللى تعرف تحني ويلست تحني العروس .. واليهال عيال عفره ومريم يالسين حول سلامه ويشوفن الحنه ..خص البنات ..
مريم توها داشه عليهم: غريبه ..بلاها الشيخه الهنوف صاخه ويالسه مكانها اليوم ..؟
عفره:مريووم يوزي عنها ..روحنا ماصدقنا ..
سلامه تضحك وتتطالع النقشات ع ايدها : مريامي اشرايج بحنايه ؟
مريم تيلس جداها: غاااوي ..خص ع ايدج طالع رهييب .. الله يوفقج ان شاء الله ..
ودخلن ميثه ومزنه مربوشات .. ويتظاحكن ..
مزنه:ياربيه عالعروس مانروم عليها نحن.. ولا شو رايج ميثاني؟
وسلامه مستحيه .. وميثه تتطالعهم ..
ميثه:اييييه متى بتخلصون ابا اتحنى ..اريد بويه يوم ايي يشوفني بحنايه .. يعد بي قصيد .. وضحكت بصوت عالي . ..
عفره:خلاص انتي عقب سلامه ..
ميثه:لا اول شي مزنوه عقب انا ..
مزنه:لا فديتج انتي خت العروس ..انتي قبليه ..عقبج انا ..
سلامه:اختلفت الاراء ..اختلفت الاراء ..
ميثه تاشر بايدها:لالالا ماشي لاتحاولين مزنوه .. لانج اربيعتيه بجدمج .. ولا تناقشيني زوود لاني مابغير رايه ..
واشوي ويسمعون بوحمد مرتبش ف الحوي .. يامر ع الشبيبه وين يحطون الخضره والقشار والفراشات وهالسوالف .. وكان من بين هالشبيبه سعيد وخليفه وقايد ..ويتهم حرمه وقالت لهم لايظهرون برى لان رياييل هناك .. وتمت ميثه تتطالع من الدريشه .. بس ماكانت تناظره بوضوح لان الحريم سايرين ورادين والربشه المستويه في الحوي ..لكنها شافته يوم ينزل يونيه الطحين ورد يرمس ابوها ويضحك .. ضحكته كانت غير ..شفايفه ترد ع طرف من يضحك ..كانت غير .. أحلى ابتسامه شافتها ..وهي تتنهد بصوت مسموع ..
عفره مستغربه وسمعت تنهيدتها اللى من الخاطر .. وتتطالع الشبيبه من الدريشه:منوه تتطالعين؟
ميثه مرتبكه:هاه .. وردت تتطالع وتاشر بصبعها برى .. أأأأ بويه ..
عفره اطالعتها بنظره جنها تقول لها "تقصين على منو انتي" .. وادز ميثه عشان تسكر الدريشه ..
ميثه ترد ع ورا :لا تسكرينها ..
عفره: مااباج تتطالعين الساير والراد ..شو بيقولون عنج الحريم .. وخزتها بنظره ..
ومن النظره .. عصبت الميث وسارت تيلس جدا مزنوه اللى مندمجه سوالف ويه سلامه ومريم .. ولاحسن بالرمسه اللى استوت بينها وبين عفره ..

وبعد صلاه العشى خلا بيت بوحمد من العرب .. وخوات ميثه وعيالهن سارن وماتم غير مزنه ..
مزنه تسحب ايد اربيعتها: ميثووه عن الخبال ..روحي بسير .. بيتنا جدا بيتكم .. لاتحطيني فهالموقف ..
ميثه:لا والله !! وان شاء الله تبيني اخليج تظهرين روحج انصاص الليالي ..مااشي استريحي .. دقيقه وبييج ..بسير حق حمد ..
وتدخل عليهم يدوه ظبيه وتبتسم :عرايس عرايس مزنه والميث .. وهي تتطالع حناهم ..
ومزنه مستحيه ..وميثه تتطالعها وتسويلها حركات ..
ميثه:يدووه ..اسمعي المزون شو تقول ..
يدوه ظبيه تعدل فراشها:شو تقول المزوون ..؟
ومزنه تسويلها حركات "صخي .. بذبحج "
ميثه تضحك بغنج انثوي:هههههههههههههههه يدوه ..ماتبا حمد يوصلها بيتهم ..اونه روحها بتروح البيت ..تستحي منه حليلها ..وترد تضحك ..
يدوه:جيه اميه مزنه .. مافيها شي يابنتي .. انتي من هلنا وبوج يستويلي من بويه الله يرحمه.....
ويقاطعهم حمد .. ويندفع بالحجره: يدتيه فديتج .. ظهريه انكسر من اليواني اللى شليتهم .. أقولج اليوم خدمت من الزين ..وانسدح عند اريولها ..
يدوه ظبيه تهمز ع جتفه: فديت روحك يالغالي علني مااخلا منكم ..
ومزنه مستحيه ومنزله راسها وميثه مستغربه كيف دخل وماشاف مزنه ..
ميثه:ماشاء الله اشوفكم خذيتوها سوالف .. ايييه حمد داش جيه ولا جنه بنيه يالسه امبينا ..
يدوه ..توها انتبهت:ولديه سر ويه اختك وصلو بنت راشد .. حليلها ..
حمد مب مستوعب.. ويناظر صوب الميث .. وفز وبعده مب مستوعب الموقف ..
حمد وهو طالع:السموحه ..
يدوه:بلاج انتي ..!!الا هو اخوها .. حسبة اخوها .. طفرتي الولد ..
ميثه:يدوه وين تبين!! اونه اخوها ..يالله مزنوه ..
يدوه:لاتظهرن ارواحكن ..حمد بيوصلكن ..
وسارت ميثه لحمد اللى يالس يفرش فراشه بيرقد ..
ميثه:حمد يالله بنوصل مزنه ..
حمد يتلحف:مااروم ..برقد انا اللحين ..
ميثه محطيه ايدها عخصرها:خلاص روحنا بنظهر بهالظلام ..
حمد صد صوبها:ايييه تعالي ..
ميثه بنظره شموخ:شوه؟
حمد:عن هالنظرات اللى مالها داعي .. يالله جدامي ..
وظهرن .. حمد يتجدمهم ..ومزنه والميث وراه ..وطول الدرب والميث تحاول تراضي مزنه الا هي مب طايعه ..ومن دخلوها باب البيت .. ردو وعند الليوان ..
ميثه:حمد ..
حمد يفصخ نعاله ..وبتعب: شوه؟
ميثه بجديه:شقايل ماريت مزنه من دخلت !
حمد بدون لايطالعها داش حجرته:جب جب ..يالله حجرتج ..
ميثه:اطاع .. جفاني والله !! ..
وهناك فبيت مزنه .. من دشت بيتهم سارت حجره خوها .. واخوها من شافها ..
سعيد:توج يايه ..كنت بيي اخذج الا امايه قالت اخليج ويه ميثه ..
مزنه تيلس عالزوليه:ووف وليتها ماوصلتني ..
سعيديالس يرسم عالصخام عيون وقلب..ومن قالت جيه:ليش شو استوا امبينكم؟
مزنه:مااريد ارمس بالسالفه ..برايها .. انته شو تسوي ..؟بسك خربت الييدار كله صخام ..
سعيد بحنين :شو اسوي .. مالي غير الييدار اشكي له شوقي ومصابي ..
مزنه تتطالعه:سعيد اخطبها اللحين .. خلاص اختها بتعرس ..؟
سعيد: آاااه.. يالله يامزنه ..أتمنى هاليوم ايي ابسرعه .. خلاص نفذ صبريه ..
مزنه تفكر: سعيد .. ابسرعه اخطبها لاتنسى انه عندها ولد عم وعيال خوال ..
سعيد :ايهبي .. ايهبي حد يقدر ياخذها عني ..
مزنه:عيل كلم بويه وشوف رايه ..
سعيد يالس يكتب "الروح الغراميه ": بكلمه .. وماعليه لا من ولد عمها ولاعيال خوالها .. بس ادعيلي ربج يكتبها لي من نصيبي ..
مزنه بفرح:يااااااارب ان شاء الله يحقق لك مرادك وتكون الميث من نصيبك يارب ..

وباجرها .. تمت الميث تحاتي اربيعتها .. وربع ساعه وهي ادق ييدارها وهي ماترد عليها و اخر شي سارت السطح .. وهي تفتر فوق السطح ..بس مانتبهت لسعيد .. هو اللى انتبه لها .. ومن شافها تم يطالعها والشوق اللي بصدره ذابحنه مووت ..بذيج اللحظه هي شافته وميود طيره بايده وحست بنظراته صوبها .. من شافته يطالعها جيه نزلت راسها وافترت عنه وهيه ميوده غشوتها ..وسعيد يشوفها متردده جنه فخاطرها شي .. وراح صوبها .. وهي توها بتنزل ..
سعيد بشوق فظيع في قلبه :ميثه..؟ونزل راسه ..
صدت له ميثه بس كانت منزله راسها:لبيه ..
سعيد وعيونه تلمع :ازقرلج مزنه ؟
ميثه متردده وتتطالع الدري: هيه اريدها بسالفه ..
سعيد :دقايق وعندج ..
وطول فتره سعيد من راح ينادي اخته ..وميثه تحس بقلبها يخفق بقوه .. كلما تشوف او ترمس وياه يجيسها هالاحساس .. عمرها يوم من الايام تخيلت انه ممكن بتنعجب فسعيد لانها كانت تعتبره شرات اخوها .. اما اللحين تحس باتجاهه احساس اكبر عن اخو .. ولمحت مزنه يايه صوبها ..
ميثه:فديت رووحج .. شلي الغشوه اريد اشوف ويهج الزعلان ..
مزنه مفتره عنها وبجفى واضح:مااريد ..
ميثه تيود ايدها:اووووه مزنووه .. والله مالي ذنب البارحه بسالفه حمد .. هو روحه ماشافج من دخل..وبعدين يدتيه عزرت عليه انه حمد يوصلج .. والله مالي ذنب ..وانتي سمعتيه رمسه يدتيه ..
مزنه:ميثووه البارحه انا تفشلت من الخاطر .. انتي ماتدرين شو استوا بي من دخله حمد ..
ميثه تضحك بغنج:هههههههههههه حتى هو والله تغير ويهه وكلما اييب طاريج يستحي حليله..
مزنه مستحيه :البارحه مارمت ارقد من الموقف ..
ميثه حاسه بمزنه :حتى انا مارمت ع زعلج تمييت احاتيج ..
مزنه وعيونها تلمع :فديت روحج صدق ؟؟
ميثه:والله ؟؟؟انتي ماتدرين شكثر انا احبج ..
مزنه فرحانه بصداقتها:شلي غشوتج اريد اشوف ويهج اشتقت له صراحه ..
ميثه:جب ماريد ..

..ويا يوم المنتظر لعبدالله وسلامه .. الكل كان مرتبش ..بيت بوحمد متروس حريم حتى انهم فرشو فراشات في الحوي لان البيت ضاج ابهم .. والرياييل روحهم مسويين لهم خيمه وقوم آل علي سّو كل شي بيزاته تقدير واحترام لبوحمد واخوه بو حميد ..والمعروف فالفريج انه علي العود وشيخهم وهو اللى يساعدهم بكل شي ..سلامه يالسه فحجره امها وخواتها هن اللى يعدلونها مريم وعفره..
ظهرت ميثه من الحجره .. وهي دون لاتفتر صوب الحرمات الا حست بنظراتهم .. كانت كل عيون تناظرها تتمناها لولدها .. الميث كبرت .. وغدت من احلى بنات العرب .. وهالشي اللى شافته بنظرات الكل حولها ..
ميثه تسلم ع وحده من البنات:اشحالج عليا؟
عليا تتطالع ثوبها:غاويه صكيتي علينا ..
ميثه بضحكتها الطفوليه مع مزيج من الغنج الانثوي:أدري ..ودخلت حجره سلامه ..
سلامه:ميثووه شهالزين والله انج انتي العروس هب انا ..
ميثه تضحك:هههههههههههههه بسكم توني مطيحه بنت الييران ..
مريم:وجيه فاله شعرج..تعالي باجر قولي شعري كلنه الحريم .. وسيرو هاتولي دوى من الهند ..
ميثه تيود خصلات منه:حرام عليكن ..ماتبوني استانس به بعرس اختي..
ودخلت عليا ..وهي شاله المداخن ..
عليا:ميثه يدوه تزقرج ..
صدت صوبها ..ميثه:دقايق ..وسارت لها ميثه ومن شافتها يدتها طاحت ابها .. وسحبتها من ايدها وربطت لها شعرها..
ميثه:الله يسامحج يدوه ..
ام حمد:روحي فازعي عليا روحها شاله المداخن ..يالله انقفضي ..
ميثه:ان شاء الله اميه ..
ويلسن ميثه وعليا يدخنن الحرمات ..ويرشن عليهم ماي الورد ..ووحده من الحرمات يودت ايد ميثه ..
ام خليفه:اشحالج فديتج؟
ميثه:ابخير خالتيه يسرج حالي ..اندوج خاله ادخني ..
ام خليفه:بنتي جم عمرج انتي ؟
ميثه مستغربه:خالتيه داشه خمستعش ..
ام خليفه تتطالع شعرها:دخليه شعرج بنتي الحريم بياكلنه لج ..(ويلست ادخله تحت الثوب) ..وافترت ميثه صوب تراحيب امها ويدوتها .. كانت لحرمه علي شيخ الفريج .. وحطن لها الحريم عيش ولحم وخضره بصوب . ..
سلامه تتطالع عيونها اللى خطت بها جحال هندي يايبنه ابوها لها صوغه .. وتفكر بحياتها اليديده دون هلها ..وطاحت دمعه من عينها ..
مريم:كلنا صحنا ..بس عقب تعودنا ..
عفره:على الاقل انتي وعبدالله ماخذين بعض عن حب ..مب شراتنا نحن ماعرفناهم الا اول ليله ..
مريم:وصدقيني والله بتستانسين ويه عبدالله ..
ميثه داشه بالمدخن وريحه العود شاله البقعه شل:احلى شي انكم خوات تسكنون ويه بعض وتشوفون بعض كل يوم ..مب شراتي انا روحي ..الله يعيني صراحه .. بيلس اجابل حمد ..وع .. اسميه بتلوع جبدي ..
مريم تتطالع مقفى ميثه:ليش مدخله شعرج جيه ...؟
ميثه توها تذكرت:اووه ..هذي وحده من الحرمات ..ويلست اتظهر شعرها ..واشوي ولا باب الحجره يندق ..
ميثه:قربوا الشيوخ ..
ودخلت مزنه والكل مفتر صوبها من حلاتها .. حتى ميثه سارت حظنتها بقوه ..
ميثه:فدييييت روحج بطيتي وايد ..هب حلاه عليج يالمزون ..
مزنه:توه اخويه سعيد موصلني وسار صوب العرب يفازعهم ..
ومن انذكر اسم سعيد تمت ميثه خدودها حمره ..وتحاول تخفي ملامحها ..وخواتها ماحسن بشي ..وهذا اللى حسته ميثه ..وارتاحت ..
مزنه تسلم على سلامه: أووه نسينا العروس ...مبرووك عليج سلامي...
سلامه تبتسم:الله يبارج فحياتج ..
ميثه:تعالي يلسي احذاي ..غاويه الصراحه .. اللحين منو بيناظرني يوم بتمشين جداي ..
مزنه:والله انج انتي الاحلى ..حتى اني انبهرت من شفتج تسلمين عالحرمه الشيخ علي .. لج هيبه بوقفتج ..ماشاء الله عليج ..يسد انه الحرمات كلهن يطرينج ..والله العظيم ..
ميثه بحيا:ليش ؟؟انتي من متى يايه؟
مزنه:سلمت عالحريم وييت عندج ..يعني تبني ادخل جيه بدون لااسلم ..
ودخلت وحده من الحرمات ..وزقرت ميثه ..وظهرن ميثه ومزنه ..وعند ظهرتهن شافن حمد يشل الخضره ع راسه ..وطاحت عينه بعين مزنه .. ومزنه افترت وراحت صوب الليوان ..وحمد نزل راسه ع طول .. وميثه متفشله من الموقف ..وعليا تراقبهم من بعيد ..وميته غيض من حمد ..
حمد:حطي شي عراسج عيال عمج يدشون ويطلعون ..وانتي تتمشين بالحوي عراحتج..
ميثه افترت عنه وهي رافعه خشمها..
حمد:ماعليه دواج عقب ..
وحطن البنات ميثه ومزنه وعليا البثيث والحلوى العمانيه والخضره عالحريم ..واخر شي بعد العشى .. ظهرن صوب اليلسه اللى مسوينها للحريم عشان يطالعون الرزيف ..وظهرن العروس ولفوها بعباتها السودى ويلسوها وياهم .. كان هاليوم من الايام المميزه عند ميثه .. عشان هاليوم اللى عرفت بمشاعرها واحاسيسها تجاه سعيد .. هاليوم اللى حدد اللى بقلبها ..
مزنه:ميثه ..سعيد ماكان يقصد يطالعج ..
ميثه بجديه:مزنه ..انا اعرف سعيد زين ..ادريبه هو مايقصد شي ..(وتمت ميثه تتذكر الموقف اللى استوالها قبل اشوي)
البيت كان خالي من الحريم ..الكل راح يطالع الرزيف ..وتمن ميثه ومزنه يرتبن المكان .. وقبل لايطلعن من البيت ..ميثه كانت يالسه ع طرف الدجه اللى فبيتهم ..وتعدل شغابها العود ..اللى تشابك بخصلات شعرها..
ميثه تتنهد:يعلني بلاه .. خبلبي .. لو لا من الغالي بويه جان فريته بالكشره.. ماريده
مزنه:هاتيه بشوفه لج ..
سعيد واقف عند الباب لانه كان مفتوح .. وجدامه منظر حلو .. وعذب .. ويلس يتلذذ به ..
وثواني والتقت عيونهم ببعض ..ميثه من شافته تمت تناظره .. ثواني .. مانزلت عينها .. وسعيد من شافها مانزل راسه .. مايدري ليش .. يمكن عشان اول مره يشوف غرشوبه جدامه من عقب اسنين .. بس عقب تدارك الامر ..ونزل راسه ..
وميثه من استوعبت ربعت داخل الليوان ..ومزنه تتطالعهم وسعيد ماشل عينه من ميثه ..من بعد ماربعت عنه ..
مزنه متفشله:سعيد !!!جيه ماتهود ..
سعيد مستغرب هذي ميثه !!! حبيبتي .. سبحان الله ..
مزنه :حووووه .. سعيد بلاك مصطن جذيه؟ جيه مادقيت الباب ..
سعيد مستحي ومب مصدقه انه شاف حوره : بوحمد مطرشني اشل كراتين الخضره .. الحرمات كلهن خاري ولا دريت انكن في البيت ..وانتي ليش ماسرتي ويه الحرمات؟
مزنه: فديت روحك اللحين بننهي ..
سعيد متلخبط ومستحي وهالشي اللى حسته اخته ..
سعيد : ..يالله بوصلكن بدربي .. انقفضي . ..
مزنه:مااعتقد بطيع ..
سعيد:ليش !!(وسكت ).. استسمحي منها عيل ..
وميثه كانت تتطالع كل شي من الدريشه ..وقلبها يدق بقوه .. ماتعرف ليش ؟؟احساس اول مره تحس به ..احساس قوي ..وحلو .. له طعم لذيذ ..مب جالكسي لا غير بوايد ..
مزنه تبتسم:شو بلاج؟
ميثه تلهي عمرها بالشغاب:الله يغربله ماطاع يفج ..
مزنه:ههههههه فديت اللى يستحون ..مشكلتهم مايعرفون يدسون مشاعرهم ..
ميثه بحيا:اووه متفيجه تعالي شوفي مشكلتي ..
مزنه:شكلنا مابنشوف الرزيف ..تدرين !!
ميثه:ليش ..سعيد وين سار؟؟(وتتراجع برمستها) اقصد ليش مابنسير ..بروح لازم هذا عرس اختي ..
مزنه:ارتاحي .. خبرته انج مابتروحين لاني تحسبتج بتعارضين؟
ميثه:وليش اعارض .. (وبصوت واطي)انتي نسيتي انه هذا سعيد ..
مزنه تبتسم:فديت روحج ..مانسيت .. يالله نخلص سالفتج ونظهر صوبهم ..

وميثه سرحانه وطايحه ع جتف مزنه ..يلست جداها يدتها بصعوبه ..وميثه افترت صوبها مستغربه ..
ميثه:يدووه فديتج .. رويلاتج تعورج ؟
يدوه ظبيه:هيه ياميثه ..اباج ترديني البيت .. اشوفها زادت عليه ارجبي ..
ميثه تساعد يدوتها:لازم يدوه ..اليوم خدمتي وايد ..الله يخليج لنا ..
وسارن ابها ميثه ومزنه ..واشوي والعروس في البيت يودعونها ..والكل كان يصيح خص ام حمد .. وخواتها كلهن تمن يصيحن ع طرف ..حتى يدوه ظبيه وميثه ومزنه صاحن ..وسلامه اللى ما طاعت تفج يدوه ..تمت تصيح وايد ..وبوحمد طاحت دمعاته لكنه كان يمسحهم ابسرعه عشان يحسسهم انهم بعدهم تحت رعايته وهو سندهم الاول والاخير ..ومن غيرهم مايسوى شي .. ميثه الوحيده اللى شافت دمعه بوها وهو يطالع سلامه كيف تسلم ع امها وتصيح .. سارت صوبه وولوت عليه بطريقه حنونه وهو لمها بايده الكبيره .. ومزنه كانت بصوب تصيح ومن عقب راحت البيت روحها حتى بدون لاتخبر ميثه .. الجو ماكان يسمح .. كان هاليوم غير بالنسبه للكل ..
وبحجره العرسان .. الهدوء كان مخيم المكان .. وخيوط القمر راسمه ضوءها على يدران الحجره .. وعبدالله بهاليوم مستانس حيل .. بعكس سلامه اللى كانت مستانسه على ضيجه بسبه مفارجتها لهلها ..وهيه يالسه تحط كل شي في مكانه وترتبه .. وعبدالله يالس ع الشبريه ويطالعها ..فجاه حد يدق الباب ..افترت سلامه اول شي صوب عبدالله وعقب الباب ..اما عبدالله فكان يطالعها وبس ..
سلامه:بطل الباب ..
عبدالله:تامرين امر حرمتيه..وابتسم لها ..
سلامه:حرمتيه !!!
عبدالله قبل لايفتح الباب:هب عايبنج !!!
وافترت عنه سلامه وما رمست.. انا خلاص غديت حرمه عبدالله !!!! ..
مريم مستحيه:السموحه ..بس عمتيه عزرت عليه ادخل لكم هالفواكه والماي ..تقول يمكن العروس يوعانه ولا عطشانه ..
عبدالله:مشكوره ..يالله اللحين توكلي درب السلامه ان شاء الله ..
مريم: السموحه ..
عبدالله:مسموحه بنت عمي ..
وحط عبدالله الفواكه عالسماط ع طرف الحجره مكان اليلسه ..
عبدالله:غناتيه .. تعالي اهبشيه ..
ويت سلامه ويلست ابعيد عنه اشوي .. ولاحظ عبدالله هالشي .. لكنه عذرها ..
وباجرها .. قامت ميثه الغبشه .. وشافت كل شي ع راسها من بعد ماكانت سلامه هي اللى تفازع امها ويدوتها بشغلات البيت ..
ميثه بتذمر:امايه مااروم ..حرام عليج ..جنكم موعيني من الغبشه عشان انظف هالزوليه العوده ..
ام حمد يلست ع طرف وتدمع عيونها:عيل من بيفازعني ؟ ..سلامه اختج سارت بيت ريلها وباجر انتي بتروحين .. وبتخلوني روحي ..
ميثه ربعت صوب امها ولوت عليها .. وحبتها عراسها ..
ميثه بحنان:ومنوه خبرج وقال اني بروح وبودرج ..؟
وابوها يشوف هالمنظر ..ابتسم بخاطره ..
بوحمد:صبحكم الله بالخير ..
ام حمد:صبحك الله بالخير يالغالي .. بعده مااذن ..
بوحمد:لا أنا بروح المسيد اليوم من وقت ..
ميثه:بويه فديتك .. بصخن لك الماي عشان تتيدد به ..
بوحمد يتنهد:آاه ..فديت بنتي سلامه هي كانت تصخن الماي وتقوم بالواجب وزوود ..عسى ربي يوفقها للخير ..
وظهرت يدوه ظبيه وهي شاله الصفريه:مايحتاي ياميثه .. انا صخنت الماي ..انتي روحي وعي اخوج ..
ميثه:يالله ياسلامي الكل مفتقدنج ..وسارت توعي حمد ..
حمد:اووووه سيري ..سلامه
ميثه بضحكتها العاليه:هههههههههههه انا ميثه هب سلامه .. سلامه بيت ريلها اليوم ..
حمد:اوووه ميثووه مب متفيج لج ..اريد ارقد ..
ميثه:كيفك بويه بيحرج عليك ان مانشيت ..
وظهرت ميثه وسارت تفازع امها ويدوتها .. من بعد ماصلت ..قرت قرآن الكريم وحطته في مكانه بطرف الحجره وسارت تسوي الريوق لبوها واخوها .. ومن عقب فرشت الزوليه وبدت تغسل فيها ويدتها تعاونها ..
بوحمد:يالله يالغاليه انا اترخص ..تامروني بحايه ؟
يدوه ظبيه:الرب لك حافظ ولديه ..
ميثه تصارخ:بويه ..هات لنا اسمجه هامور .. اباها عوده .. بسويلكم عيش ابيض وسمج اليوم .. وبنطرشه صوب عميه وسلامه ..
ام حمد تضحك:يالله عليج يالميث ..عيل اليوم بناكل من طبيخج الزين ..
حمد يلبس نعاله:عيل اميه ..مااوصيج انا سويلي عيش بصحن روحه ..
الكل يضحك ..
بوحمد يضحك:ودك انته الا تحط ايدك من طباخ الميث ..
ميثه:ماعليه بويه عيشه بنطرشه صوب الييران ..وردت تغسل الزوليه ..
والضحى ..سارن الحرمات كلهن يباركون لسلامه .. الا ميثه ماراحت ماتفيجت ..تسبحت ويلست فحجرتها اشوي تراجع دروسها ..واشوي وتسمع حد يدق ييدار حجرتها .. لبست شيلتها وربعت ع السطح ..
ميثه تفتر حولها:وينج؟
مزنه توها بينت:اشحالج؟
ميثه تتنهد:ابخير الحمدلله .. الصراحه مزنوه اللحين حسيت بجيمه اختي سلامه ..صدق البيت بلياها هب شي ..الكل ضايج .. حتى بويه .. كل شي على راسي ..
مزنه:الله يوفقها ..انزين جيه ماسرتيلها ..؟
ميثه:العصر بروحلها .. اللحين تحصلينها مستحيه لان حريم الفريج كلهم عندها ..وانتي جيه ماسرتي؟
مزنه:اترياج..بس امايه وخالتيه سارن؟
واشوي وسعيد يظهر من حجرته .. ويطالع مزنه فوق السطح ..
مزنه ادز ميثه ع ورا:ردي ..سعيد ظهر عن يشوفج ..
ميثه:وينه ابا اشوفه ..
مزنه تبتسم:صباح الخير ..جان رقدت بعدك اشوي ..خليفه يأ وقلت له انك راقد ..
سعيد:ترمسين منوه؟
مزنه:منوه يعني غير ميثه ..
سعيد اتفاءل هاليوم من سمع اسم ميثه:انزين ..بسج هذربه يالله نزلي حطيلي الريوق ..
مزنه:الميث يالله بنزل ..
ميثه:فقدته ..حتى مانشد عن احوالي ..بطران اخوج ..
مزنه:ماعليج منه حركات ..
ونزلت ميثه وردت ترتب البيت وتنظفه .. ومن عقب ين هلها ..ويلست ميثه وامها يسون الغدى ..
ميثه:امايه بويه بعده ما ياب السمج ..العيش زهب ..
يدوه ظبيه شاله شمه:امايه ميثه روحي جوفي من عند الباب ..؟
ميثه:ان شاء الله يدوه ..
ومشت ميثه بتفتح الباب ..بس فجاها ولد عمها قايد بانه داخل قبلها وشال بايده سمجه عوده ..
ميثه تفتر عنه وتتغشى بطريقه سريعه:انته ماتخيل ..حادر البيت جيه ..
قايد يطالعها من فوق لتحت:كبرتي وغديتي حرمه ياميثه ..
ميثه منقهره:شوه ؟
قايد:أقول هذا بيت عمي .. محد بيمنعني منه ..ولا شرايج يالميث ..
ميثه مفتره عنه ع طرف:نعم ..تريد شي ..؟
قايد يطالع بياض ايدها:تعالي خذي السمجه ..
ميثه مرتبكه ماتعرف تركب جمله ع بعضها:جب .. الظاهر انه ماينفع وياك اسلوب الاحترام ياقايد .. انته اللى اتي وتحطها في المطبخ ..
قايد يضحك:انا اباج انتي اتين وتشلينها من ايدي ..
ميثه منصدمه:مستحيل انته تكون واحد من عيال عمي .. وسارت عنه ..محتشره ويه هلها ..
ام حمد:بلاج تصرخين ؟
ميثه:روحوا شوفوا ولد العم ..اللى تمدحينه انتي و يدتيه .. عالفاظي .. روحن اطمشن .. شوفو سواته ..
يدوه ظبيه:اوصص قطعيها الرمسه ..اشو هالرمسه بعد ..ها ولد عمج ..وحسبه اخوج ..
ميثه:ايخسي ..مايشرفني يكون هذا ولد عمي ..
يدوه ظبيه:ظهريه ظهريه منا ..
وسارت ميثه حجرتها ..ويدوه ظبيه وام حمد سارن لقايد اللى سمع كل شي ..ولا تاثر باي جلمه بالعكس تم يضحك ومستانس لانه قهر بها ..
قايد منزل راسه:السلام عليكم..
يدوه ظبيه:وعليك السلام يالغالي ..
ام حمد:اسمحلنا ولديه لهيناك عن شغلك ..
يدوه ظبيه:فديتك جيه ماتقرب داخل واقف عند الباب ..بيت عمك هذا مب غريب ..
قايد:لا الغاليه مشغول اشوي ..الا هذي اسمجه عمي موصيني اطرشها لكم ..
ام حمد:مشكور فديتك ..ربي يحفظك ..
وقايد ظهر من بيت عمه وهو يفكر ب ميثه ..يالله عليها رحامه ماشفتها فبنت من قبل .. هذي احلى عن خواتها مريم وعفره وحتى سلامه . ..والله انهن خسفات جدامها مايسونها موليه ..شكلي بغلب اخوانيه بغرشوبتيه ..
والعصر بعد ما سارت ميثه لسلامه راحن هي ومزنه يغسلون الثياب عند البحر .. في مكان عند البحر يغسلون فيه الحريم الثياب و صخور عوده كانت تغطي هذي المنطقه ..فعشان جيه البنات ياخذن راحتهن ..
ميثه:بنات اشرايكن نسبح في البحر ..؟
لطيفه:تخبلتي .. تبين يفرونج في البزره ..
مزنه:اييه ميثووه عن الخبال كبرنا عن هالسوالف ..يالله ردي ..خلينا نخلص شغلنا من وقت .. ونرد بيوتنا ..امهاتنا روحهن في البيت ..
ميثه ترش عليهن ماي:انتن كبرتن ..انا بعدني .. وتضحك ضحكتها العاليه الانثويه ..اللى ماتغيرت وايد بس استوا ابها نوع من النضوج ..
حصه:لا انا متاكده هاليوم مابيعدي عخير ..ميثووه ردي لايشوفج حد ..بنات لحقنها ..تخبلت بنت بوحمد ..
ميثه تضحك بصوت عالي ..وتنساب هذي الجمله بين شفاتها ببراءه:لطفووه ..اذا تحبين خليفه ..خاطري بحيايج وتعالي ...
لطيفه ويها غادي احمر:جب يالزفته ..اصلن من قال اني احــ .. جب انزين والله اروايج ..(وردت تغسل الثياب)
البنات يضحكن ..
حصه:لطيفه حرام عليج اشوي اشوي عالثياب بتقطعينهن ..
مزنه:حطت حرتها بالثياب .. مشكله هههههههههه
لطيفه تفتر صوبهن:اييييه بصفعكن ..يالله خلصن ..امايه بتهزبني ان بطيت ..
وفجاه يت ميثه تربع وتاشر عليهم بايدها.. والبنات يسالنها شو السالفه ..؟؟
ميثه:حسبيه الله عليكن لبسن عبيتكن ..ريال ياي صوبنا..
مزنه زايغه:هاه ريال ..شو يبا ؟؟
وهدن البنات الثياب اللى بايدهن وترابعن يلبسن عبيتهن .. ومن الربشه ميثه ماحصلت عبيتها فنخشت ويه مزنه ..
لطيفه تبتسم:بنات دخيلكن اطالعن مزنه والميث ..
واشوي ويسمعون ...
.........:بنات لبسن عبيتكن ...اريدكن بسالفه ..
مزنه:ردوا عليه ..
لطيفه:شو اقول ..استحي ..
ميثه:الله يغربلكن ردن عليه ..
........:خلصتن الشيخات ..
مزنه:وحده فيها خير ترد عليه ..حرام جنه من ساعه يتريا الرد ..
ميثه:عيل يوم انج مستهمه منه ردي عليه ..
لطيفه:هيه خلصنا خويه ..
خليفه:الشيخات مطرشني معزبي بو حمد .. يقول شاف وحده داشه البحر .. ويتخبرنيه بنت منو ..يبي يرمسها وامر عليه ازقرها له ..
والبنات زايغات ..والميث ماتت من الخوف ..وعيونها تلمع ..
لطيفه:ياويل حالي هذا خليفه ..ميثووه لحقي ..
حصه:متفيجه !!!
خليفه:الشيخات سمعتن شو قلت..؟
ميثه:اخويه الا هنيه ماسرنا بعيد اشتقنا للبحر وبغينا نتذكر ايامنا مافيها شي ..
خليفه:الشيخه هالرمسه ..ارمسيها جدا المعزب ..
حصه:الميث يالله شكله مابيتفجج الريال..
لطيفه:الميث لاتروحين بعدني ابا اناظره ماشبعت منه ..
مزنه:اخويه روح انته ..و البنيه بترمس بوها وخلاف يستوي خير ..
خليفه:يالله عيل بوصله هالرمسه ..
ومن بعد ماراح .. كلهن لامن ميثه ..
حصه:الله يهداج قلنا لج ..يبتيلنا الرمسه اللحين ..
ميثه:يافضيحتي..اللحين شو بقول لبويه .. اعرفه زين مابيودر السالفه بويه ..
مزنه:ان فات الفوت ماينفع الصوت ..واتحملي اللي بييج ..
ميثه تفتر عنهن:جب .. بدال لاتواسوني جلبتوها عليه .. اووووه وين سارت عباتيه ..
وردن البنات بيوتهن ..وعند العشى بعد ماتعشو قوم ميثه .. سار بوحمد يغسل ايده وميثه كانت تصب الماي ع ايده ..
بوحمد:يزاج الله خير يابنتي ..
ميثه متردده:بويه ..
بوحمد:فخاطرج رمسه ..رمسيها لاتحطين شي فقلبج ..رمسي ..
ميثه:بويه ..أنا اليوم كنت اغسل الثياب ..وربيعاتي وياي ..
قاطعها بوحمد:يعني انتي تعرفين البنيه اللى زقرتها؟
ميثه منزله راسها وتمت ساكته ..ثواني
بوحمد:انتي هيه البنيه ..
ميثه وعيونها تلمع:بويه تولهت عليه ..وبعدين هذي اول مره اظهر صوب البحر ..
بوحمد:الله يهديج .. اللحين لو البحر هاج عليج وشلج مره وحده .. مابيرحمج ..هذا عذب خلق الله .. يدودج ماتوا فيه ..رحمت الله عليهم ..
ميثه وعيونها تلمع:بويه البحر شو ذنبه ؟اذا الله خلقه جيه؟
بوحمد:هييي يالميث ..البحر شو ذنبه..!! البحر خذ منا اعز ناس يابنتي .. يالله نشي هاتي لي سيده بصلي ركعتين ..
ميثه:ان شاء الله ..
وهيه سايره ركيض دقت بحمد ..
حمد:علج السل ..زين ماطاحت من ايدي ..
ميثه:الله .. شوه صدفه ..راويني اياها ..
حمد رافع الصدفه فوق:اول حبيني ع راسي ..
ميثه رفعت ريولها ..:حمد مااروم اوصل لك ..نزل راسك العود ..
حمد:لا لازم انتي توصلين له بدون ما انزل انا ..
ميثه ادزه:عن الغلاسه ..يالله بخبر عليك بويه ..اوووه بويه ...
وسارت ميثه ركيض اتييب السيده لبوها ..ومن عقب ردت لحمد اللى كان يراوي يدوته الصدفه الغريبه اللى شافها اليوم الصبح فسمجه الصافي وهم يصيدونه ..
يدوه ظبيه:غاويه ..سبحان الله ..
حمد:يدوه من صوبج ..تفداج يالغاليه ..
يدوه ظبيه:ماريدها ولديه ..عطها لميثه اخير لك ..
حمد:لا ميثه لا ..ميمعه هالكثر بحجرتها ..مالها حايه ابها ..
ميثه تدخل:عيل عطها للخطيبه ..وافترت عنه صوب يدوتها ..
حمد مستحي:يدوه سمعتيها شو قالت ..!!ماعليه العلوم بتوصل لامج ..ماعليه يالميث ..
يدوه ظبيه:ميثه السانها متبري منها .. الله يهديها ..
وتدخل امها:يالله امايه ميثه ..فرشي الفراش يالله بترقدون ..
حمد: امايه حبيبتي هذي الصدفه مهدايه لج من صوبي فديت روحج ..
ام حمد:شو ها بعد لعبان !!فره عند اخوانه ..
ميثه:هههههههههههههههههههه قويه ..امايه الهديه ماتنرد ..
حمد:امايه حطيها بحجرتج عشان يوم تشوفينها تتذكريني دووم ..
ام حمد ابتسامه حنونه:فديتك امبونك بفوادي مايحتاي هذي الكسله ..بس باخذها عشان خاطرك ..
حمد يطالع الميث بنظرات:يالله ...تصبحون على خير ..

وفي اليوم التالي .. الصباح .. ارتوت جلفار بالغيث اللى صّب عالارض بغزاره .. وميثه كانت ويه يدوتها .. ودخل عليهم حمد مستانس بهالغيث ..
حمد:ميثوووه المطر صبيب وانتي تخورطين ويه يدوه .. يدتيه تراها تقص عليج كله اللى تقوله خريط ف خريط ..
ميثه تظهر برى ..تربع:الله !! حمد فديتك يالله نلعب في الحوي ..وربعت ميثه في الحوي .. وحمد جاسه حفوز مب طبيعي .. مسك عقص ميثه وسحبه صوبه..
ميثه تيود عقصها :آاااااااي ..يعورنيه .. يدووه جوفي حمد ..
حمد: بتمرضين عقب ..ردي ..
يدوه ظبيه مستانسه بالمطر ..وهي ناشه بصعوبه: حمد ولديه يوز عن ختك ..
وميثه واقفه بنص الحوي .. ولحقها حمد ..
ميثه:فديت مزنه .. والله ياليت اللحين اتي بيتنا ..ونلعب سوا تحت المطر ..رووعه بيكون..
حمد بعفويه:انزين شو المانع خلها اتي ..
ميثه ترفع راسها لسما وهي مغمضه عيونها: يعني ماتعرف انها مااتي يوم انته تكون في البيت ..
حمد مستغرب:ليش؟؟ تستحي يعني ؟؟
ميثه:لا تتخبر ..واااااايد تستحي .. مب بس منك ..من كل حد ..
وتم حمد يفكر .. والميث مب منتبه له يالسه تلعب بالمطر ..وتتطالع هلها ظاهرين في الليوان ..وتشوف هلها يسبحون ويدعون ربهم ..
ميثه:امايه فديتج ادعيلي ..

وعند العصر كانت بعدها الدنيا نفاف .. والجو حلو ..و بعد ماخلصو العرب صلاه العصر ..
ام سعيد:ولديه وين ساير .. المزرعه ؟
سعيد:لا الغاليه ..اليوم بنصيد انا و اربيعي خليفه ويه بوسالم ..
ام سعيد:عيل اتحمل فعمرك .. وعن الخبال انته وولد محمد ..
وتظهر مزنه ..
سعيد يطالعها:ههههههههههههههههه مزنووه تذكرين طيحتنا انا وخليفه في البحر ..
مزنه تلم الثياب وحطها بالبقشه:هيه ..اتحملو هالمره ولا بوحمد مابيسكت عنكم ..
سعيد:انتي وين سايره بعد ..؟
ام سعيد :وين بعد ..حليلها تغسل الثياب .. مزنه اتحملي ولا تبطين اميه ..
مزنه:فديتج امايه ..ان شاء الله ..
ومشت مزنه .. ولحقها اخوها ..وفي الممر..وظهرو ارباعه ..
سعيد:اشحالها؟
مزنه تتطالع البريق فعيونه :يسرك حالها ..الا بالها مشغول ع مزيونها ..
سعيد مستحي: مزنوه من وين لج هالعلوم ..بذبحج ..
مزنه: شو اسوي اذا كنت اخت المغرم واربيعه المغرمه ..
سعيد يلوي ع جتفها:آخ منج ..
وسار كل واحد منهم دربه ومزنه سارت بيت ميثه .. وهيه ماشيه شافت حمد طالع من الباب ..
مزنه منزله راسها:السلام عليك ..
حمد منزل راسه:وعليج السلام .. حياج الله.. وطلع ..
ومن عقبها سارن الميث والمزون .. واتيمعن البنات كلهن عند البحر ..
ميثه تتطالع البنات:بسير بسبح ..
مزنه:والله بقصابه .. مافينا عالمشاكل ميثووه ..يسد ان بوج درابج ذيج المره ..
ميثه:خوافات عفان الله ..والبنات يغسلن .. وميثه يالسه تفل شعرها ..اللى من طوله ماشاء الله نصه طاح في الماي وهيه يالسه تلعب بخصلات شعرها اللى في الماي ..
لطيفه:ميثووه شو تسوين؟؟ ..عنبو !!! يالله غسلي ثيابج .. بنروح نحن ..
حصه:هههههههههههههه مسويه حقها جو رومنسي الحبيبه..
لطيفه:أي جو رومنسي .. اطاعو كشتها ..كنها ليفه مواعين ..
والبنات يتظاحكن ..
ميثه ..هايمه بحبيبها ..وببرود على ابتسامه جذابه :جب .. شكلج نسيتي من اللى كان يزقرج ليفه الفريج ..
وهنيه البنات نقعن من الضحك ..وتذكرن طفولتهن ..
لطيفه مستحيه:هذاك اول ..اللحين شعريه ينعد فيه الشعر والقصيد يابنت بوحمد ..
مزنه:تذكرون ..كانت تربع البيت تصيح عند امها ..وامها حليلها تروح تتشكى عند ام خليفه ..هههههههه ايام والله ..
حصه:هذا غير الضرابه اللى تسوي عند المطوع ..هههههههههههههههههههه ..
الكل يضحك على ذكرياتهم ..
لطيفه بهمس:فديته ياربي ..
ومن عقب ردن البنات بيوتهن .. وهن ردات .. مر قايد واربيعه غيث من جداهم ..والبنات صخن من طافو الشبيبه ..
قايد :اشحالكن ؟
البنات صخات ..
قايد :وين امبينكن بنت عمي؟
طبعا البنات لابسات عبيهن ومايبين منهن شي غير الكف ..
ميثه تتجدمهن:شوه ؟
قايد يطالع ايدها:ابسرعه ردي البيت ..
ميثه:لا والله !!!وانته من تكون عشان تتامر ..
والبنات بذيج اللحظه تحركن ..وتمت مزنه ويه الميث ..وغيث امبونه سار ويلس تحت سدره الغاف الجريبه منهم ..
مزنه تيود طرف ميثه:الميث يالله ..امهاتنا يتريونا ..
ميثه:لحظه بسكت هذا عن حده ..
وقايد يطالع قوة بنت عمه .. بس جذبه صوت رنه مزنه ..
قايد:انتي مزنه خت سعيد ؟
ومزنه صاخه ومنزله راسها .. والميث منقهره وتشوف هالمزله المستويه ..
ميثه:قايد مايخصك في البنات .. انا بنت عمك ولك الحق ترمسني لكن البنات ..منقود ..شو بيقولون عنا العرب .. تبا ادوس على جبيلتنا بسوياك اللى تشرف العايله ..
قايد:حلو .. وسواتج انتي وسعيد بن راشد .. شو تسمينها ؟؟
ميثه..منصدمه:انته شو تخورط !!
قايد:ماعلينا ..(وصد لمزنه ..اللى نزلت راسها) .. تدرين يعيبني فيج انج مب ملسونه وماتردين عالشبيبه شرات اربيعتج ..
ميثه تقاطعه:شو قصدك ..ارد عالشبيبه؟؟
قايد طاف لميثه:مزنوه ترا بياضج ذابحنيه مووت .. الله يعين شقايل الليله برقد ..وسار
وميثه منصعقه ..كيف عرف بحبها .. وشو يقصد برمسته ؟؟ وليش جيه يعاملني ؟؟ وليش يكره سعيد هالكثر ؟؟
ومزنه .. نزلن دموعها من قال قايد رمسته الاخيره ..وماقدرت تستحمل مشت سريع والميث روحها في عالم ..وهن يمشن في السكه ..
ميثه:مزنووه ..والله دموعج ماتروح جيه ..اليوم بخبر به بويه خل يتفاهم وياه؟
مزنه تصيح بحرقه:بخبر به خويه سعيد ..
وتوهن بيدخلن السكه الثانيه .. شافن سعيد .. وسعيد من شافهن حس في شي مب طبيعي ..ومزنه من شافته طاحت بصدره تصيح .. والميث واقفه ع طرف منزله راسها ..
سعيد بخوف:مزنه ..مزنه بلاج؟
ومزنه تصيح مب رايمه تطلع حرف واحد ..
سعيد صد لميثه وبصوت عالي:ميثه ..بلاها مزنه ..دخيلج ارمسي بلاها اختي؟؟؟
ميثه بخوف:قايد ولد عمي ..
ويقاطعها سعيد ..وبخوف شديد:قايد ؟؟؟؟(ورفع ويه مزنه صوبه )...شو سوابج ..ارمسي شو سوا ؟؟؟
ومزنه تصيح ..بصوت عالي
ميثه تحاول تهدي الوضع:ما سوا شي ..بس يلس يتحرش بالبنات ..
وسعيد يقاطعها ويرمس اخته وماسك ويها وحطه صوب ويهه مباشره ويسالها والشرار يتطاير من عيونه:اتحرش بج ..؟؟
ومزنه تهز راسها ..
وسعيد بذيج اللحظه ..حالته ماحد يعلم ابها غير اللى يغار ع عرضه .. وخوز مزنه عن صدره وراح بدون لايقول شي ..وميثه خذت مزنه وودتها البيت وراحت هيه الثانيه تذرف دمعاتها ..تخاف لايستوي شي بسعيد ..بسبه ولد عمها ..وسعيد ماخل مكان مادور به ..راح دكان بو حميد ..وبوحمد .. والدكاكين الحوليهم ..والمزرعه ...والبحر ..ومكان مايتيمعون الشبيبه ..
وهناك بطرف الفريج ..في اقهوت بوحارب ..قايد يالس ويه ربعه ..
قايد:حارب فديتك ..استكانه شاهي . ..
وحارب باغض هالانسان .. شافه بس مارد عليه ..
قايد يرمس غيث:بلاه هو !!كني اطر منه ولا من عريش بوه ..
بهاللحظه يفتر سعيد في القهوه .. ويلمح قايد يضحك بصوت عالي ويه ربعه ..
هنيه سعيد رفع اكمام كندورته بطريقه سريعه واندفع لقايد ..اللى كان مب مستعد لهاي المسكه القويه اللى عورت له صدره بلحظه وحده ..مسكه من طرف كندورته ..
سعيد بقهر :يالنذل .. يالحقيييييييير .. وهو يصلبه بويهه ..



يالله أريد رايكم ؟؟ حلوه ولا مب حلوه ...
 

روووح

๑ . . عضو ملكي . . ๑
التسجيل
3 أكتوبر 2004
رقم العضوية
2261
المشاركات
2,727
مستوى التفاعل
5
الجنس
رد : " الـــــــروح الغراميـــــــــة "

ااااااااااااااااااااااااااااااااخ ياربي






رااااااااااااااااااسي داااااااااااااااااااااااااااااااار


هذا وانا ياااااالسة انزل بالصفحة تحت



اشقاااااااااااااااااااااايل عيل لو اقراااااااااااها















انا سويت للقصة سيف















وعقب ماقراااااااااااااااااها برجع اعلق



بس الحين انا مشغولة شوي...مرتبشة

والقصة وااااااااااااايد طويلة




بس شدني اسمها


شي الصراحة








الرووووووووووووووووووووووووووح الغرامية


اسم ازقرتي




شي شي



خ
خ
خ
خ
خ



روووح تحييج ياتلع لعناق

شي بعد اسمج
 

تلع لعناق

๑ . . عضو . . ๑
التسجيل
30 أكتوبر 2005
رقم العضوية
4236
المشاركات
70
مستوى التفاعل
0
الجنس
الإقامة
اماراتّ العزً ..
رد : " الـــــــروح الغراميـــــــــة "

عيل يالله انقفضي

بذبحج ان سويتي عليها طاف
 

غنَاتْيـے

مُصورَه فُوتُوغرَافيه ♥
التسجيل
1 أغسطس 2005
رقم العضوية
3845
المشاركات
14,841
مستوى التفاعل
4,076
الجنس
الإقامة
بــوظَبيـے . . *~
486225997.jpg

.
.
556350421.jpg

.
.
இ تلع لعنــاق இ
.
.
يسعد لي مسائج بكل أنواع الورد..!
تسلم يمناج ويعطيج العافيه ع القصه الجميله..!
.
.
عجبني وصفج لللأشياء حتى ولودقيقه..!
امتعتيني..!
أحب قرائه القصص وجذبنتي فكرتج وأسلوبج..!
.
.
أحس قايد بيسوي مشكله ومابخلي سعيد في حاله..!
خاصه اذا استوت بينهم مشكله في القهوه..!
.
.
مزنه خوافه عكس ربيعاتها الميث المقواي..!!
لطووف حليلها الله يعينها على حب خلووف طاحت وماحدش سما عليها..:dontwanna
.
.
عيشتيني أجواء القصه خاصه في المقاطع اللي يطيح فيهن مطر ووصفج للجو حسيت اني هناك..^.^
بس الغاليه ماعليج أماره اشويه قصري من البارتات..لانهن شويه طوااال..!!
أنا مستمتعه بالقراءه جدا بس لو تقصرينهن اخير..!
.
.
موفقه يا الغاليه..وبإنتظار البارت اليديد..لا تبطين عليه..^.^
.
.
814494164.jpg
 

معاني

::أديبة البرزة ::
التسجيل
24 نوفمبر 2004
رقم العضوية
2489
المشاركات
7,525
مستوى التفاعل
39
الجنس
الإقامة
قلب زايـد
رد : " الـــــــروح الغراميـــــــــة "

تلع العناق ..

مرحبااابج الغاليه ..

نورتي برزة القصص ..

و يعطيج الصحه و العافية ع الابداااااااااع الظاهر من بين الاسطر ..

و لي عوده ..
 

تلع لعناق

๑ . . عضو . . ๑
التسجيل
30 أكتوبر 2005
رقم العضوية
4236
المشاركات
70
مستوى التفاعل
0
الجنس
الإقامة
اماراتّ العزً ..
رد : " الـــــــروح الغراميـــــــــة "

السلام عليكم ورحمه الله وبركاته ..

أشكر كل اللى تعنى ورد على الروح الغراميه ..

ملاحظه :الرووح شو تبين أسوي بج اغتالج ولا اذبحج ولا ازغدج ...؟؟؟؟


الجزء الثاني

قايد مب مستوعب :ايييييه اشفيييك ؟
سعيد عيونه حمره من القهر اللى ياكل فواده اكل :بتخبرك؟؟ماتخاف ربك ببنات الناس ..بنات خلق الله لعبه بايديك .. ..؟؟؟
وقايد يحاول يفج ايده اللى ضغطت ع رقبته بقوه فظيعه ..حتى مب قادر يرمس .. وكل اللىفي القهوه يحاولون وياهم ..الا سعيد من قوة ايده وبنيته وعظمته محد رام عليه ..
حارب بصوت عالي:سعيد بتجتل الريال ..هده ..
سعيد ولاكنه حد يرمسه وبصوت واطي:والله لولا امك.. ووالله لجتلتك.. لطالبت بمووتك في نص الفريج ..على سواياك هذه..
عقاب:سعيد .. ورفجه الغالي شل يديك ..
سعيد يصرخ بتهور:جب انته ..خوزو عني مالكم شغل بلي اسويه ..
قايد يحاول يفج من قبضت ايده :شل ايدك .. الله يشللها لك ان شاء الله ...؟
وبهاللحظه دخل خليفه اللى زقره واحد من الاولاد اللى كانو هناك و هو يشوف لمه الشبيبه .. و يربع صوبهم ..
خليفه يشل ايد سعيد من على قايد :استهدي بالله ياسعيد ..استهدي بالله ..
سعيد:خلني ياخليفه بظهر حرتي كلها به ..خلني أدبه ..بنات الناس مب لعبه بايديه ..
واخر شي هدّه خليفه عنه بالقوه .. وقايد من هدّوه يلس عالكراسي الخشبيه وهو يفتح عقم كندورته اللى انطرت اشوي ..ويتنفس بصعوبه ..والعرق يتصبب منه ..عمره ماتخيل سعيد بهالجبروت ..ويطالع سعيد بنظره كراهيه وحقد وبغض اكثر عن قبل ..
وسعيد يتنافض من القهر والغصه .. والعرب يهدون فيه ..
سعيد مد بصبوعه السبابه والبنصر ..وبصوت تحذيري:ويمين الله ..ورب الكعبه ..ان بتقرب صوب البنت ..بتشوف اللي بييك من صوبي ..ولا شوفة هول يوم القيامه ...وشل سفرته من الارض وظهر وظهر وراه خليفه ..وبدى المقهى يخف من الناس ..ومن ظهرتهم بشوي دخل حمد ..
حمد:حارب .. ولد عمي وينه؟
ولا قايد طالع وهو معصب بس ماشاف ولد عمه ..
حمد بحزم:قايد ..
قايد تغيرت ملامحه من شاف حمد ونزل راسه:بنهي بنهي روحي ..
حمد:عمي وبويه بيتفاهمون وياك ..
وميثه في البيت والشيطان يوسوس عليها بافكار سودى ..
سلامه:بسج ميثاني جني من دخلت عليج وانتي تصحيين .. والله مايستاهل دموعج .. اللحين بعد اشوي بيي بويه وبنعرف السالفه ..يالله قومي نصلي العشى ..بعد اشوي بياخذني عبدالله عنج ..
وقامن الخوات وتيددن وصلن ..ومن خلصن يلسن يحطن العشى في الليوان .. وكان بذيج اللحظه يطيح نفاف ..وميثه ترتب السفره ..دخل عليهم حمد .. وويهه معتفس ..
حمد:السلام عليكم ..
سلامه وميثه:وعليكم السلام ..
سلامه:ها شو استوا بالسالفه؟
حمد ماله بارض لشي: ياخي هذا ولد عمنا ..والله سود ويوهنا بين العربان .. والله صدقه سعيد بكل جلمه قالها بحقه ..
سلامه:الله يهديه ..
وميثه تتطالع ويهه تباه يقول سعيد ابخير مابه شي .. او أي شي يطمنها عليه ..
ويدوه توها ظهرت من الحجره ويالسه تسبح وتدعي ربها ..ومن شافت عيالها وبالذات حمد ..
يدوه ظبيه:ولديه تعال خبرنيه شله تنازعو ولد راشد وولد عمك ..؟
حمد:يدوه فديتج .. سعيد الصراحه معاه حق ..الا عمي الله يسامحه لان ضارب ولده يريد يفرونه بالسّين ..
هنيه ميثه شهقت بصوت عالي ..الكل افتر صوبها .. وهيه اداركت السالفه ..
حمد:اشفيج؟؟
ميثه بدون لاترفع راسها عشان لاتنفضح بدمعتها الحاره وهيه ماشيه عنهم:ما أدري جني طريت صبوعي بالسجين. ..
يدوه ظبيه:هاتيه بربطه لج ..
حمد:عفان الله اليّح ماتعرف تقصه ..
وكمل حمد السالفه ليدوته وامه .. وسلامه روحت ..وتمت ميثه روحها في الحجره تصيح ..من جور الايام وظلمها .. سعيد ينعق في السّين بسبه قايد ..الله يسامحك ياعمي .. ينعق وهو مظلوم صاحب حق .. ويدافع عن عرضه ..
ميثه بــ ونه ألم :يارب تحمي سعيد وتنصره على اعداءه .. يارب تحميه ..
وتدخل عليها ختها شمه ..
شمه وهي واقفه عند الباب .. وببراءه:ميثه ليش تصحين ؟
ميثه تمسح دموعها: تعالي ..والله ياليتني كنت ياهله شراتج .. وماعندي هموم ..وما احاتي شي ..
ويلستها ع ثبانها ..وقالت:بويه بعده مايا ؟
شمه:بابا محد في البيت ..
وهناك بعيد عن الفريج .. عند اليبل ..سعيد وخليفه كانو يالسين فوق اليبل ..
سعيد :خليفه أحبها .. انته تعرف شو يعني أحبها .. الحياه بلياها معدومه .. انا بدونها جسد ابلا روح ياخليفه ..
خليفه يطالع اربيعه اللى انهد حيله :صبر اشوي لين ما تهدى الاوضاع بينهم .. وسر خطبها ..
سعيد:وهذا اللى بسويه ..
خليفه قام:عيل نش .. الدنيا ظلمت ..
سعيد:لا انا مب قايم من هنيه ..سر انته ..انا بعدني بتم ..
خليفه يلس مكانه:عيل والله ماسرت الا وانته وياي ..
وبذيج اللحظه الميث كانت ترمس ويه مزنوه ع السطح ..
مزنه:ميثووه ياليتني ماقلت شي لسعيد .. ولا جان مااستوا هاكله وهلج اتنازعو ..
ميثه:يستاهل قايد اللي ياه وزووود .. وماعليج من عمي وبويه مصيرهم يتراضون .. وسعيد مظلوم لازم بياخذ حقه .. وبعدين انتي زين سويتي فيه جلعتي عينه اللى مارمت انا اجلعها له ..
مزنه متكدره :اووه ..انا مااحاتي شي في السالفه غير ..خويه ..
ميثه تتطالع البحر ..من بعيد وتتنهد :لا تحاتينه ..بيرد ان شاء الله ..
مزنه:وين بيرد ..و بويه اليوم هازبنه ..
ميثه:الله يهديه عمي .. يعني مايعرف ان هو صاحب حق ..
مزنه:تعرفين بويه شكثر يعز عمج بوحميد وحاشرنا في البيت انه هو اللى نشد ابنا ومطعمنا من لقمة عيشه.. و يقول جان خذته بالهداوه اخير لك من المضاربه جدام خلق الله ..وبعدين ظهر معصب بدون عشى حتى ..

وتمت ميثه ذاك اليوم سهرانه ويه القمر ع السطح.. مارامت تغفي عينها وسعيد بعده مارد البيت .. يلست تحسب جم نيمه في السما ..شرات يوم كانت تسوي وهي صغيره .. بهاللحظه حست بنفاف يطيح وبدىالبرد يزيد عليها ..صدت ولمحته واقف ومحطي كوعه عالييدار وايده ع راسه .. وهيه تشوف هالمنظر شلت غشوتها عشان تتطالعه عدل .. عورها قلبها عليه ..كنه شايل هموم من اليبل ع قلبه خاطرها تشلها عنه وتريحه .. غمضها واايد .. تمووت ولاتشوف سعيد متكدر جذيه.. وتمت تتامل به ثواني جاسها حزن مب طبيعي على شوفت حاله ..و مشت عشان تندس ورى الييدار ومن مشت ..ضربت ريولها بحصى صغيره ووهالحصى طلع صوت اشوي عالي .. ومن الصوت افتر سعيد صوبها .. وشافها وهيه تنخش ورى الييدار .. وهي لمحته يوم يحرك راسه صوبها .. وسعيد بعد ما كان مهموم ومضايج ومن لمحها تغيرت الدنيا بويهه صارت الوانها ورديه .. ضحك بخاطره .. تم يطالع الييدار بحذر هذي الميث ؟؟ .. والميث واقفه ورى الييدار وتحاتي اذا شافها ولا لا بس متاكده شافته افتر صوبها ..ياويل حالي شو بيقول انصاص الليالي وع السطح ..تمت متلومه منه .. وتفكر باشيا وأشيا واايده .. وسعيد اهناك ماتحرك من مكانه يتريا طلعتها اللى ترد الروح للقلب ..
مرن ثواني ..
ودقايق ..
والميث هلكت من البرد تحس بعظامها تتهشم من البرد .. وردت اتوايج .. شافته يترياها ..ومن شافته يفتر صوبها للمره ثانيه ردت انخشت بس هالمره بخوف حطت ايدها ع قلبها وهي تتنفس بقوه .. ياويلي بعده هنيه !!! وسعيد من شاف حركتها هذي تم يضحك عليها ..فديت حركاتها ..
والميث حلفت انها من بتوايج مره ثانيه .. وسعيد بذيج اللحظه قطع ورده بيضه من شيرتهم اللى اغصانها واصله لين سطحهم .. وهو يشمها ويحبها بشوي اشوي عن تتقطع .. يالله حظها هالورده خلال هالثواني بتلمس ايدها .. وفرها بحذر ..
والميث حست بالشي يطيح جداها .. ومن شافت الورده .. استحت من الخاطر تمت ثواني تستوعب ومتردده تشلها ولا لا ..وسعيد يترياها تشل الورده .. ومن شافها تمد ايدها لها ..استحى ونزل راسه .. يالله فديت ايدها علج من نصيبي يارب ..
وميثه شلت الورده .. وحبتها عالخفيف .. ومررتها ع يبتها لين خشمها حتى شفايفها آخر شي رقبتها .. وانتبهت ميثه ان هالورده اغلى شي تملكه من سعيد ..
سعيد بعد ماكان متكدر من سالفه قايد وهزاب بوه له .. ميثه ردت له الروح من خلال احساسه بان ميثه كانت تحاتيه .. مضايجه لضيجه وزعلانه لزعله .. وميثه من بعد ماكانت تحاتيه وخايفه عليه .. سعيد رد لها الامان بقلبها من خلال الابتسامه اللى انرسمت ع ويهه ..
وبهاللحظه طاح المطر بقوه .. وزادت زخاته كنه يحتفل بسعيد وميثه .. وموج البحر بدى يثور ..
والميث سيده نزلت عشان ترقد .. وهيه تتلحف وتحط الورده عالمخده .. لمحتها يدتها ..
يدوه ظبيه: بنتي أذن ؟
افترت ميثه :لا يدتيه بعده الليل .. والمطر صبيب ماوقف ..
يدوه: شعنه عيل مارقدتي ..؟
ميثه :يدوه بردانه مووت ..
يدوه :تعالي ارقدي جداي ..
وسارت الميث ورقدت جدا يدتها عشان تاخذ الدفى من يدوتها الحنونه ..
وسعيد بعده مارقد .. يفكر بالريم العنودي ..
ثلاث تيام متواصله والمطر ماوقف .. وسعيد ماظهر لا للمزرعه ولا البحر .. كله ويه مزنه حاشرنها او فوق السطح ..
سعيد:مزنووووه ..
مزنه متغصصه :يعل مزنووه عوق مايخوز منها .. هاه شو تريد ؟
سعيد:الله يغربلج ..شو هالدعاوي ..ان شاء الله فيني ولافيج ..
مزنه :شو اسوي طفرتوبي .. كله مزنوه ومزنوه انته من صوب وبويه واميه من صوب ..
سعيد:تعالي تعالي فديتج يلسي .. بخبرج علووم طيبه ..
مزنه تيلس جداه :من وين لك العلوم وانته من ثلاث تيام مدري اربع منخش ف البيت ..
سعيد:عيل شرايج تروحين لميثه واتييبن منها الاخبار الزينه ..
مزنه تبتسم: بوعسكووور ..هات من الآخر ..
سعيد متلخبط وبهدوء تغلل قلب اخته قبل أذنها : .. ياأخي متوله عليها يسد انها ابعيده عن نظر عيني ..حتى من علومها بنحرم منها ..رجيتك يا الله ترحمني برحمتك ..
مزنه تيود ايده جنها تواسيه : فديتك .. والله من يخف المطر بروح لها ..
سعيد وعيونه تلمع :افديت روحج يااختي .. والله انا بلاج مااسوا شي ..جسد بلا روح ..
مزنه :فديت روحك والله ..
وبنفس هاليوم الرواح ..بدى المطر يخف اشوي اشوي .. ومزنه سيييده روحت بيت ميثه .. لانه ميثه طلبتها .. وسعيد ظهر للمزرعه قوم آل علي ..وامبونه خليفه كان بالمزرعه ويه عقاب ..
خليفه من فوق النخل :حيا الله بو عسكوووور ..
عقاب:زين والله يوم ييت ياسعيد .. والله الوالد موصيني اخبركم انته وخليفه تعدلون النخل ..
سعيد :زين عيل الحمدلله بنترزق اليوم ..
خليفه :هي ترا سعيد ايمع بيزات بيعرس ابهن ..
عقاب :لا صدق !!!! عيل بناكل عيش ولحم ..جريب ان شاء الله ..
سعيد مستحي ويعدل بسفرته :ياأخي صبروا عليه .. روحي اهاذي فليل أخاف الا هلها مايقربون بي ..
عقاب مستنكر الفكره :شله مايقربون بك ..!! يسد انك من مخاويين شمّا وريال ينشد بك الظهر على قوله الوالد.. ولا شو الراي خلوف ؟
خليفه :آه فديت بوعسكور .. والله لأيول وأرزف من الخاطر بعرسه ..لين ماينهد حيلي ..
سعيد يضحك :هههههههههه علني افداك يالشيخ ..
عقاب :يالله عيل .. انا بروح اشوف قايد ولد بوحميد وربعه شو يسوون ..
خليفه :مايحتاي بتحصلهم داقين سوالف وضحك ..
عقاب :مااعتقد بعد هزبه بويه لهم بيعيدون سواتهم ..
سعيد باستخفاف :هه .. قصدك هذا اللى بيزيد عناد فيهم خص قايد .. بيعاند الصغير قبل الكبير ..
خليفه:سعيد .. طلبتك ..
سعيد وهو يتسلق النخله :اييك العون يالغالي ..
خليفه :دخييل والديك لااتتسلق هالعوانه ..
سعيد متخوف :شعنه ؟
خليفه قبل ماينفجر من الضحك: ماتحييد ذاك اليوم طحت تحت بسبتها ..ههههههههههههههههههههههههههههه .. قول الحمدلله ماشافتك الخطيبه ولا بتهون مابتاخذك ..
سعيد بشوق :آآاه فديت ذا الطاريه والله ..
ومن عقب ماخلصو من النخل .. سارو لعقاب ..
خليفه يغسل ايده من الفلج :عقاابوه .. يالله خرخش بيزاتك .. خلصنا النخل كلها ..
عقاب :جم تبون اليوم ؟
سعيد ينظف سفرته :والله اذا الشور شورنا .. بنهّف البيزات كلها ..
عقاب :هههههههههههههههههههههه لالا أحلامكم مستحيله ..
خليفه :عيل عطنا اللى عندك .. وخلنا نتوكل درب السلامه ..ورانا صيد بعد ..
وبهاللحظه يا قايد واربيعه غيث ..
قايد يطالع سعيد بنظره .. وسعيد منقهر من نظراته والود وده يرقده عالارض و يطيح به اطراقات وتصفيع ..وخليفه يبتسم له باستخفاف وقايد منقهر من خليفه وحركاته ..
سعيد يرمس خليفه:ما عليك منه ..
قايد :وشحالكم ؟
عقاب :الحمد لله ..
قايد: عطني بيزات وخلني افارج من هالبقعه ..
وعط عقاب بيزات حسب شغله واتقانه له .. سعيد وخليفه كان نصيبهم اكبر من قايد ..
قايد :وليش ان شاء الله .. هاذيلا معطنهم روبيتين .. ونحن روبيه ..
غيث :لا الحمد لله انا راضي ابها ..
قايد :ومنو قال انا راضي ..جي انا اتعب واشقى وما اخذ حقي كامل .. وهاذيلا غير عنا ابشو ..
عقاب :قايد .. شوف اشكثر النخلات اللى يعدلونها في اليوم .. هذا غير الخضره والفواكه اللى يبيعونها .. وانته ماشاء الله داق سوالف ويه ربعك ولا عليك من حد ..
قايد : تدري شو .. هالربيه خلها لك .. مب محتاينها ..خير بويه وايد الحمدلله .. وحطها له بالمخبى ..
خليفه :هههههههههههههههههههههههههههههه والله هالريال مستخف .. غير عن اخوانه .. عوذ بالله من شره ..

والبنات كانن يمشن في السكه .. ويضحكن بصوت عالي ويرمسن .. ومن طافو سعيد وخليفه ..صخن ..
وميثه يالسه تشوفه وماشلت عينها من عليه ..وسرحت به ..يالله فديت هالبدر ..اللى ينور لي سماي بطلوعه ..
حصه:لطفوه لطفوه ..
لطيفه بشاعريه:ياويل قلبي منه ..
حصه بعفويه :ياويل حالي انا .. مزنووه خووج غاوي ..
بهاللحظه افترت ميثه بخوف صوب حصه ..والغيره تاكل فوادها اكل وتنهش قلبها نهش ..
حصه :ياااويلي شعره طويييييل .. يذبح خووج ..
وميثه مستحمله رمستها وخاطرها تسمعها رمسه اللى بتأدبها الا مب قادره ..ومزنه حاسه بميثه .. وبنفس الوقت عاذره اربيعتهم حصه ..
لطيفه:حصيص الحمدلله انه متغشيات والله جان عيونا فضحونا ..هههههههههههههههه
وحصه ساكته من بعد ماخطفو الشبيبه وهالشي اللى انتبهت له ميثه ..
لطيفه :شو حصووه طحتي شراتي ..
حصه مستحيه :لطفوووووه ..
ميثه معصبه :اييييه حشمن هلكن .. جنكن من ريتوهم وانتن تتغزلون ابهم ..ومشت عنهم ابسرعه ..
حصه مستغربه :بلاها هذي ؟
لطيفه :شدرانيه .. بطرانه رافعه خشمهاعلينا اشوفها ..
مزنه:حرام عليكن ..
لطيفه :اشو حرام ماتشوفينها شقايل صرخت بويوهنا وعقب ودرتنا .. جنه الى خلقها ماخلق غيرها ..
مزنه:ووووووه بس ..
ومزنه من وصلت ربعها سارت بيت ميثه ماهان عليها تخليها جي روحها ..
ام حمد :وشحالج بنتي وشحال هلج وعربانكم ؟
مزنه مستحيه:ابخير خالتيه يسرج حالهم ..
يدوه ظبيه :من بنته هذي ..؟
مزنه تقرب صوبها :يدتيه انا مزنه بنت راشد ..شقايل ماعرفتيني ..
يدوه تضحك :افديت صنعتج ..بنتي شلنا الكبر وبصرنا خّف ..هييي نحن اللحين مب شرات اول ..
ومزنه مستحيه تجفي ابهم وتمت يالسه وياهم تسولف ..
مزنه :الله يعطيج طوله العمر يدوه ..
يدوه ظبيه تيود ايد مزنه : الله يسلمج فديتج ..
ام حمد :مزنه اميه ترا ميثه فحجرتها ..سيري لها جان تبين ..
وقامت مزنه وسارت لها ..ولقت ميثه تصيح .. لازم تغار ع حبيبها ..
مزنه :انا قلت بشوفج تصحين ..
ميثه ماشلت ويها من ركبها ..
مزنه تمسكها من ريولها : ياميثه ياغناتيه .. الله يهديج مااستوا شي عشان تصحين هالكثر .. والله لو يشوفج سعيد جي صدقيني بيتكدر قلبه عليج .. وابتسمت ..
وميثه مفتره عنها وتمسح دموعها: متفيجه ..
مزنه تضحك :والله حظه خويه بج .. الله يجمعكم ببعض ان شاء الله ..وجريب يارب ..
ميثه وهي تصيح :والله مره ثانيه ان يابت طاريه ع السانها .. بتشوف شي ماشافته بحياتها ...
مزنه :خيبه !!!
ميثه تمسح دموعها بكفها :هي بعد شو .. بنشع شعرها ..
مزنه:ههههههههههههههههههههههههههههه ..
ميثه وعيونها ذابله من الصياح :جب لاتضحكين ..
وبعد صلاه المغرب .. ميثه صلت وخلصت وتوها بتشل القرآن تقراه .. دخلت عليها امها ..
ام حمد :الميث اميه .. لحقي ختج ماادريبها وين .. سيري شو فيها عند الييران يمكن تلعب خاري ..
وسارت ميثه .. وهي اطل من الباب .. شافتها تلعب بالطين جدا بيتهم بس ابعيد اشوي ..وميثه تزقرها وهي مسويه احلى طاف لاختها ..
ميثه :شمووه يالله اللحين بويه بيي .. ابسرعه تعالي ..
شمه تلعب بالطين : سيري سيري بعدين بيي ..
الدماني :روحي بيتكم ..روحي ..
ميثه منقهره من برودهم .. وتلثمت واطالعت السكه خاليه من الماره .. وظهرت لهم ..
ميثه تمسك شمه من طرف ثوبها :يالله جدامي ..طوفن ..
شمه تصرخ :مااريد ..
ميثه وخت بمحذاه راسها :حبيبتي شمامي ..وقت اللعب خلاص خلص .. اللحين احنا بنرقد .. باجر لعبي ..
الدماني تتطالعهم :انتي روحي بيتكم ..
ميثه تتطالعها :فديتج انا فبيتي الحمد لله .. مب شراتكن المغرب ويالسه اللعب بالوصاخه ..ووووه يالله نشّن الرياييل بيردون من المسيد اللحين ..
ولقت ميثه ام الدماني ظاهره من بيتهم وسلمتها الدماني ..وردت لختها شمه ..
وهي تشل اختها اللى يالسه ترافس وتصارخ .. يطل من السكّه حمد اخوهن .. ويمشي صوبهن ..
حمد :شوه تسوين خاري البيت ؟
ميثه بتذمر :الحمدلله ..الله رحم بحالي ويييت .. تعال شوف ختك مب طايعه تدخل ..
وشمه من شافت حمد صخت ..وحمد شلها ويلس يلاعبها ..
ميثه: ووووف طفرتبي وبهالطين اللى تلعب به كل يوم .. بحبسها مابظهرها باجر ..
حمد يضحك:ليش ميثوه ؟؟ نسيتي ايامج .. ولا اذكرج بها ..تحيدين يوم كنتي تهيتين بكل بيت واتييبين حقنا كل الاخبار هل الفريج .. حتى بويه مايعرفها ..
ميثه مستحيه :فديتني ..على الاقل عقب المغرب اكون فالبيت مب شرات شماني ..
حمد ينفجر من الضحك :هههههههههههههههه من قال عقب المغرب ..!!انتي عقب المغرب تترابعين ويه مزنووه عالبحر ..بويه اللى يسحبج من كشتج للبيت ..
ميثه رافعه خشمها :جب ..
وسعيد بحجرته .. يرسم بالصخام بنيه عيونها كبار وشعرها طويييل وايد ..وكاتب تحت " الروح الغراميه " ميثه بنت سعيد ..

الخصر والزين لي وافي .. منك ياخذ ذا البدر نوره .. لو بشخص فيك لأوصافي ماحتويت الحسن وامهوره .. لك عيان نفس لأطرافي .. حور بين الغيد مشهوره .. وان وطيت الأرض لو لافي .. اعشبت بالورد وازهوره .. لك موده باطن وخافي .. عن حسود يلتمح صوره ..

*لتنويه : كلمات سمو الشيخ الوالد زايد بن سلطان آل نهيان "رحمة الله عليه مالها حد وحدود "

سعيد :آااااه من حور بين الغيد مشهوره ..
وبذيج اللحظه دخلت له امه .. وشافت حالت ولدها وغمضها ..
ام سعيد : ولديه نسير نخطبلك بنت سعيد ..
سعيد وعيونه تلمع :اميه ..انا برمس بويه بهالموضوع جريب ان شاء الله..
ام سعيد فرحانه :الله يوفقك ياسعيد .. يالله عيل اشرب هاللبن .. خالتك مطرشتنه صوبنا أمسات..
سعيد يتناول اللبن :الله يطول بعمرج ان شاء الله ..
ام سعيد تتطالعه وهي فرحانه ..:فديت روحك ..
مزنه داشه عليهم :السلام عليكم ..
ردو السلام ..
مزنه تيلس عالتكيه :انتو هنيه وانا اشخط البيت شخط وخليت الدنيا مغبره ورايه .. ومااحصلكم ..
سعيد يضحك : ههههههههههههههههه وين تشخطين كلها ثلاث حير وليوان صغير ..
ام سعيد :اشحالهم هل ميثه ..
مزنه :الحمدلله وسهاله .. ويردون السلام لج يااميه ..
ام سعيد وهي تنش : الله يسلمهم .. مزنوه عقب تعالي فازعيني بالعشى فديتج ..
مزنه:ان شاء الله ياميه ..
سعيد :اشحالها ؟
مزنه :ابخير ماتشكي باس .. وموصيتني اخبرك شي ..
سعيد بفضول مقطع قلبه :شووه ؟رمسي ..حلفي بربج انها موصيتنج شي ولا تخورطين شرات كل مره ..بذبحج ان كذبنتي ..حرام عليج تقطعين قلب خووج ..رمسي ..
مزنه تتطالعه :بسم الله !!!اشفيييييييييييييييييك !!عنبو شو حلجك انته رادو ..!!
سعيد مستحي :رمسي مزنه ؟
مزنه تمد بايدها صوبه :والله قالت لي شي .. بس هالمره ماشي ببلاش .. يالله عطني ربيه ..
سعيد بنشوه عارمه بقلبه .. صد صوب الخرس (من ادوات الفخار ) اللى يحط فيها بيزاته ..
سعيد : لج اللى تبينه ..روبيتين بعد جان تبين .. ولا اقولج شلي الفلوس كلها ..
مزنه تمسك جتفه وتحظنه بقوه : افديييييتك ..
سعيد يضحك :يالله مزنووه رمسي ..
مزنه : قالت ..السلام على من لهم في القلب شاني .. سلامن كثيرن ماينعد بملايييني ..بس هذا هو ..
سعيد يطالع السقف ويبتسم :يالله ترحمني ..
وباجرها مزنه كانت ويه ميثه توصلها رمسه سعيد .. رد على سلامها له ..
ميثه تتحرقص :والله بذبحج مزنووووه ..قولي ..؟
مزنه :ماشي بلاش عطيني ..(وتفتر بالحجره ) عطيني هالقوقعه ..
ميثه :جب .. بترمسين يعني بترمسين وماابعطيج شي .. يالله مناك ..
مزنه تنش :ابرايج عيل .. انا بفارج ..
ميثه تيودها من ثوبها :وووووه بصفعج مزنوووه ..
مزنه :هههههههههههههههههههههههههههههه ماترومين بخبر عليج سعيد ..
ميثه : سعيد اصلن مابيرضى بلي اتسوينه بي .. لو يدريبج بينازعج ..
وبهاللحظه تدخل عليهم سلامه .. وتسلم عليهم ..
سلامه : عندي لكم خبر بملايين .. لاشو ملاييين اكثر اكثر بوايد .. لا الصراحه مايتقارن بالفلوس ..
مزنه الفضول ذبحنها :شوووه ..رمسي ..
ميثه :وووووه تعبت اعصابي تفحمن خلاص .. رمسن لا بالصفريه فوق راسكن انتن الثنتين..
مزنه :ههههههههههههههههههههههههههههههههه حليلها ..
سلامه مستحيه ومحطيه ايدها ع بطنها ..
مزنه صرخت :حامل ..
سلامه فرحانه :هيه حامل انا ... ميثووه ..
ميثه من فرحتها وووناستها حظنت سلامه ..:يالله فديت ذا الويه ..بيكون عندنا ياهل من سلامه ..ان شاء الله بنت غاويه تشبه خالتها ..
مزنه:مبرووك ..سلامي ..
سلامه :الله يبارج فحايتكن .. يالله بسير ببشر امايه ويدوه ..
ميثه مفتره صوبها :بعدج ماخبرتيهم ..
سلامه :ماريتهم في الحوي .. وسمعت حسج انتي ومزنوه ودخلت اسلم عليكن ..
ميثه :ياويلي أنا .. عبدالله يوم درى شو سوا ؟
سلامه مستحيه ومفتره عنهن :والله مايخصج ..
مزنه :مااستبعد انه فر عمره بالطوي من الوناسه ..
سلامه طالعه :بسم الله ع ريلي ..
ميثه :رمسي .. حرام عليج تطعنين في الميت ..
مزنه : انزييين .. .سلامي على هل الدار أحلى سلام.. ومرحبا ملايين سدن الدار و أهلها واطفحن .. ومابيغنيني غير شوفت محياهم ترحب بي واتهلي .. ويسدني عناكم جدايه بالسلام .. وبخص الشكر للي بيعطيني بوسه فوق الراس .. وسلااااااااااامتج ..
ميثه مستحيه : طفس ..ايهبي احب راسه .. قوليله هي مابتحب راسك .. بتصقعك بالملاس ع راسك العود ..
مزنه :هههههههههههههههههههههههههههه ان شاء الله يوصل..
ويوم خبرت مزنه خوها .. مات من الضحك .. وزاد الشوق بقلبه .. ماعليه طفس ها .. يوم باخذها براويها الطفاسه العدله ..ماعليه ..
سعيد :مزنووه قوليلها .. في الحشا والقلب سكناكم .. مشيدات قصور وحصونا .. نور ياضي من محياكم .. مثل نور الصبح في الكونا ..
*لتنويه : كلمات سمو الشيخ الوالد زايد بن سلطان آل نهيان "رحمة الله عليه مالها حد وحدود "
مزنه تقاطعه :ووووووه .. شوها محطيني مرسول الغرام مالكم .. يالله مناك ..مابقول شي ..
سعيد :ههههههههههههههههههه افديت روحج ..
وبعد صلاه العشى .. هل ميثه كلهم كانو يالسين في الليوان .. ويدوه ظبيه تقص لهم خروفه من خراريف زمانهم ..
ميثه مندمجه بالسالفه : انزين يدوه وخلاف شو استوا بالبنيه ؟
يدوه ظبيه : الله يسلمكم .. شلت بعمرها وخذت ولدها وسارت به ابعيد محد يعلم بمكانها وين ..
وبوحمد يالس يلاعب بنته شمه .. وام حمد منسدحه ع طرف ..
حمد :حليلها جتلوه ريلها .. انزين يدوه هاي خروفه يعني ماشي بزمانا شرات هالقصص ؟
ميثه راقده جدا يدوتها:ماشاء الله عليك وايد ذكي .. أكيد خرافيه ..انزييين يدوه غيرها ..نبا غيرها ..
يدوه ظبيه : سلامتج .. نشّي وراج نشّه من الفير ..
ام حمد :ميثه شلي شمه رقديها داخل ..
ميثه تنش :بويه .. امايه .. يلسو بعدكم .. من زمان مايلسنا هالقعدات ..
حمد يقهر باخته: نحن ماورانا شغل باجر .. تراج انتي اللى بتكدين علينا وتشتغلين بدالنا.. وسار ..
بوحمد : ورانا مسراح باجر ياميثه ..
ميثه تشل شمه: ياهالشغل اللى مايخلص ..

والصباح .. يدوه ظبيه يالسه ادخن البيت ..و ام حمد يالسه ويه ام حميد في الميلس .. وظهرت ميثه من حجرتها .. وهيه تمشي بالحوي .. شافتها امها من الميلس وزقرتها ..
ميثه :السلام عليكم .. مرحبه الساع ..اشحالج عمتيه ؟وخت توايها ..
ام حميد : مرحب باجي والله .. ماشاء الله عروس عروس ميثه ..
ميثه مستحيه : الله يسلمج عمتيه .. ها اميه زقرتينيه ..؟
ام حمد :روحي هاتيه المدخن من عند يدتج..
وبهاللحظه تدخل يدوه ووياها المدخن وتحطه جدا ام حميد ..
يدوه ظبيه :انتي شله ماسرحت ويه خواتج عند حرمه المطوع ..
ميثه : يدوه محد من البنات اليوم يبن يسيرن ..
ام حميد تتطالع شعر ميثه :تعالي عروستنا يلسي جداي ..
وميثه من جلمه عروستنا .. تغير ويها ..عروستنا !!!هاي العيوز شو تخربط !!!
ميثه بعدها مب فاهمه :لاعمتيه بروح انظف الحجر.. وسارت ..
وبهاللحظه ريال كان يدق الباب ويهود ..
........:هود هود ..
يدوه ظبيه : هدا هدا ..
ام حمد متلثمه وتستقبله :اقرب اقرب ولديه ..
ام حميد :فديته ولديه قايد هذا ..
وميثه سيده تغشت .. وخطفت من عند قايد ولا سلمت عليه ..
وقايد منقهر منها يشوي شواي يغلي غليان .. هاي منو تتحسب عمرها .. والله لتشووف ..
ومن روحو طاحت يدوه بميثه ..
يدوه :اشو هذا بعد .. اطوفين من جداه وما تسلمين .. حرام عليج تجفين به ..ولد عمج هذا ..
ميثه :يا يدوه ياغناتيه .. ولد عمي ولاغيره .. انا هالانسان مب داش مزاجي موليه .. ابغضه ..وووف كارهه شيفته حتى ..
يدوه :حرام عليج بنتي تقولين هالرمسه به ..
ميثه :يدتيه اقولج كارهتنه انا !!!
يدوه ظبيه تتطالعها :شوه من القلب عندج انتي ؟
ام حمد : ودري عنج البطره والكبّر .. باجر بيغدي ريلج وبتوالفينه ..و بتذكرين رمستي هذي ..
وتنش ميثه وتثور عليهم :شووووه ..ريلي !!! امايه انتي من صدقج بتفريني على واحد شرات هذا ..
يدوه:اصصصص قصري حسج .. شعنه تصارخين ..؟؟
ام حمد :ماعليه دواها عند بوها .. ماعليج ..
ميثه تثور وتصيح :والله ماباخذه لو الموت ماباخذه .. وسارت حجرتها تصيح ..
تمت تصيح وتصيح ولا حد درى عنها ..ماتتخيل عمرها تكون لواحد غير سعيد ..
وبنفس هاللحظه سعيد وخليفه يصيدون سمج ويه بو سالم ..كانو راكبين مرجب يسدهم هم الثلاثه ..
خليفه :بو سالم .. هالسمجه شو اسمها ؟
بوسالم يدقق النظر :هذي الله يسلمك ام عظيم ..
خليفه : ويسلم غاليك ان شاء الله ..انزين وهذي ..
بوسالم :هذا جنعد ..
خليفه :اها .. وهاه ؟
بوسالم يطالعه بنص عين :رح رح اقبظلك مونه .. رح فازع اخويك ..ماعندك رمسه ..خبل ..
خليفه وسعيد :هههههههههههههههههههههههههههههههههههههههه ..
خليفه يفر الشباك : بو سالم ماعليك منه يبا يطفربك ..
بوسالم : أدريبه .. سقم ..
خليفه وسعيد :هههههههههههههههههههههههههههههههههههههه
خليفه يحبه عراسه :حقك عليه فديت هالراس أنا..
وبوسالم متلعوز منه :ودر راسي لابركه الله فيك.. قم جابل شغلك ..
خليفه: فديت هالخشم انا ..و يوايهه ..
وهنيه بو سالم يثور ..ويفتر حوله يدور شي :والله ان ما يزت عن سواتك هذي لأفرك بالقاع ..
سعيد :ههههههههههههههههههههه هزبوه .. وبيفرونه .. وبيموت ..
خليفه :لالالا ان شاء الله بيلس ..
بوسالم ميود عصى : هذي بخبطها ع راسك ياولد محمد ..
خليفه :لا والله توبه ..ماريد امووت ..اريد اعرس ..
سعيد :ههههههههههههههههههههههههههههههههههههههههه ..
وعالضحى رد حمد بيتهم .. وماشاف حد في البيت غير شمه والدماني يالسين يلعبن في الحوي ..ومن صوته ظهرت ميثه من حجرتها ..
ميثه وصوتها متغير :ها حمد بغيت شي ..
حمد يتفحص ويها وخشمها مستوي احمر :ميثه شو فيج ؟
ميثه تمرر صبوعها ع طرف عيونها الوساع :ماشي ..( وتفتر عنه ) .. ارمس شو تبا ؟
حمد يتجدم صوبها :مب رامس لين ماتخبريني شو مستوي وليش هالصياح كله ..عنبو عيونج حمر !!!
ميثه العبره خانقتنها :ماشي ..
حمد : ورفجه بويه الغالي رمسي ؟
ميثه تصد صوبه وبخوف :لا ترفج ببويه ..
حمد:شو اسويبج ..ماطيعين ترمسين !!!
ميثه والعبره خانقتنها : امايه ويدوه ياحمد .. ويلست عالتكيه تصيح ومحطيه ايدها ع ويها ..
حمد مسكها من اردافها وبخوف :شو بلاهم ..خبرينيه شو مستوي ؟
ميثه تصيح ومب رايمه ترمس : يخربطون يقولون رمسه .. اونه قايد ولد عمي ريلي ..
حمد هدى اشوي :الله يهديج ياميثه روعتيني ..
ميثه تصيح :حمد ..انا ماريد قايد ..ماريده ..
حمد :خلاص محد بيغصبج عليه ..شعنه هالصياح كله ..ماعليج من رمسه اميه ويدوه ..
ميثه : يعني محد يروم يغصبني عليه ..
حمد : الشور شورج قبل شورنا ..
ميثه رد قلبها يرفرف شرات اول : صدق حمد والله تقص عليه عشان مااصيح ..
حمد : ووووووه ميثاني والله مب متفيج لج ..ياهل انتي عشان اقص عليج .. يالله قومي هاتيلي كندوره نظيفه هذي توصخت ..
ميثه :مفففف ريحه سمج ..
حمد :الله هاي الريحه أحلى عن ريحه العود .. شزينها .. مسك هندي هذا ..
ميثه تبتسم :متعود تراك ..
حمد :يالله انقفضي .. بويه روحه في الدكان ..
ميثه تمسح دموعها :عيل روح اسبح وانا بييب لك الكندوره ..
ارتاحت ميثه من جلام خوها .. اول مره تحس ان حمد حنون .. يعني مب مزنه اللى خوها حنون عليها حتى انا .. فديتك ياحمد الله يريح بالك مثل ماريحت بالي ..
وعقبها ين خوات ميثه ويلسن وياها .. وميثه ماخبرت خواتها باللى استوا عشان ماتكبر السالفه ويعرفها الفريج كله ..
و مزنه كانت في السوق تتشرا خضره وامها سارت صوب السمج .. ومن زحمه الرياييل اللى في السوق الخضره وقفت ع طرف .. وطول هالفتره حمد كان يراقبها ..
حمد يرمس بوه :بويه تشوف ذيج البنت ..حليلها واقفه طرف تتريا الرياييل يخلصون .. وهم والله مابيخلصون الا تالي الليل .. بروح افازعها ..
بو حمد :سر ورد ابسرعه ..
وربع حمد صوبها .. وهو متردد ..
حمد:السلام عليج ..
مزنه مستغربه :وعليك السلام ..
حمد :اختي هاتي عنج البقشه .. انا باخذلج القشار؟
مزنه فهمته وناولته البقشه : مشكور اخويه ..
ومزنه تتطالعه بنظرات .. ماشاء الله عليه هالحمد هذا .. غير عن قايد ولد عمه بكل شي ..
وحمد من خلص الشرى ..
حمد :اندوج الشيخه .. وهذي نص ربيه بجت من الخرده ..
بهاللحظه ..
ام سعيد :ها بنتي خلصتي ..؟
وسعيد افتر صوب مزنه لا اراديا .. وسلم على ام سعيد .. وسار ..
وبهاليوم الرواح .. البنات كانن سايرات عند حرمه المطوع تعطيهم علوم دينيه .. وهن يمشن في السكه ..
ميثه :لطفووه .. باجر بيبلج ثوبي خلّي خالتيه تخيطه مره ثانيه ..
لطيفه : هاتيه عيل .. وانتن بنات ما تبن اميه تخيط لكن شي ..
مزنه :أنا ماادري من جم يوم اميه تتخبرنيه اذا بسير صوبج ولا لا ..
لطيفه :يمكن عندها شي ..انتي ييبي الكنادير.. واميه تراها حاضره مابتردكم ..
حصه : وووووه صخن صخن ..
لطيفه تصد صوبها :شووووه ..
اشوي وسعيد وخليفه يبينون في السكه يمشون بنفس السيد .. والميث قلبها ييضرب بقوه من شافته .. وسعيد من شاف الشله يريد يرفع راسه صوبهم الا مب قادر .. مو من حقه ..
خليفه :بلاك صخيت .. شفت عزرائيل ..
سعيد مستحي : جب خلنا نخطف عنهن ..
خليفه يسوي حركاته .. يعق سفره سعيد ويشرد .. والبنات يطالعن ويضحكن ..
مزنه :اطاع شو سوا ..
لطيفه :هههههههههههه حد يودني بمووت من الضحك ..
ميثه ساكته وتتطالعه يوم وخى وشل سفرته ونفضه من التراب .. كان خاطرها تشله عنه وتنفضه عنه وتسفره .. وسعيد من خطف من جداهم سلم .. وراح .. والميث بعدها ترن بذونها السلام عليكم اللى قالها ..
لطيفه ترمس حصه :اطاعو حصيص صاخه .. طلع لج قلب بعد وتحبين ..
حصه :جب ..
وميثه تتطالع مزنه بحزن .. ومزنه تمسك ايدها ..
مزنه تصاصرها :اشدراهن مايعرفن ..!!
وعند ردتهن .. ميثه يالسه تحاتي حصه طول ذيج الفتره .. ليكون تحب سعيد صدق !!! والله بذبحهن هالبنتين انا !!!!
ميثه بنص الدرب :بنات ..بسوي عزيمه باجر بعد صلاه العصر ..مزنوه ولطفوه انتن معزومات وزقرن خواتكن بعد ..وتطالع حصه ..
وحصه ومزنه مستغربات .. حصه مستغربه من تجافي ميثه لها .. ومزنه من اسلوب ميثه اليديد ..
لطيفه :اللله عزيمه .. انزين شو المناسبه ؟
ميثه :الله يسلمكن اختي سلامه حامل وابا اسوي عزيمه صغيره ..
لطيفه :عزيمه زين والله ..مممم يعني عيش ولحم ؟
ميثه :لا استريحي تغدي فبيتج وتعالي عقب صلاه العصر ..
لطيفه :ههههههههههههههههههههه عيل بشو عازمتنا ..
ميثه :شاهي ومحلي ..
لطيفه :عيل مابيي ..
ميثه :بتييين غصب عليج رضيتي ولا مارضيتي بزعل ان ماييتي ..
ومزنه حاسه بحصه اللى منزله راسها .. وتتطالع ميثه ولطيفه يرمسن ارواحهن ..
فجاه خطفت حصه سكه ثانيه : انا بسير .. باجر بنتلاقي ..
البنات وقفن و مزنه :حصه بنوصل بعض شرات كل مره ..
حصه بدون لاتفتر صوبهن :تعبانه اشوي ابا اوصل ابسرعه ..
لطيفه مستغربه :فيها شي متاكده .. بلحقها ..
ميثه تضحك بغنج انثوي :ههههههههههههههههههههههههه تستاهل ..
مزنه مستغربه : ميثه اسمحيلي اقولج انتي أنانيه وايد .. (وتصد عنها ) اول مره اكتشف بج شي ماكنت اشوفه بعيني ..
وهالجلمه نزلت ع راس ميثه شرات الزلزال .. انانيه انا انانيه .. ليش ؟؟
ميثه:مزنه ..انا انانيه ... انا مزنووه ...!!!
مزنه :حرام عليج تسوين فيها جيه !!!
ميثه ودمعه صارخه ع ويها : انانيه .. ليش ؟؟؟ عشان دافعت عن حبي .. انتي ماتحسين بقلبي شقايل يحترق من حد يتغزل به جداي .. مو من حقي ؟؟ جاوبيني ؟ .. تراج ما جربتي .. لكن يوم بتجربين بتعذريني .. وسارت .. ومزنه من وصلت البيت وهي متكدره ..وبوها توا داش ووياه سمجه .. ووراه سعيد ..
بو سعيد :السلام عليكم .. امج وينها ؟
مزنه تحب ايده : وعليك السلام بويه .. و تظهر ام سعيد ..
سعيد :وشحالكم ؟
مزنه :ابخير ..
بوسعيد : عوشه هذي سمجه سولنا فيها العشى .. ويناولها ..
ام سعيد : ماشاء الله بتسدنا يومين هذي ..
مزنه : الحقني ميثه زعلانه عليه ؟
سعيد :ويديه .. شو مسويه بها ؟
مزنه ميوده ايده :تعال بخبرك ..
وخبرته السالفه كلها ..
سعيد وعيونه تلمع : يالله نشّي راضيها ..
مزنه : هزرك ؟
سعيد :هيه بعد شو .. يالله نشّي ولا بعصات بوج ع ظهرج ..
مزنه :مالت عليك وعليها .. تضرب اختك بالعصى عشان ميثه .. مب سايره .. وظهرت ..
سعيد ينش وراها ويمسكها من ايدها :فديت روحج ..
مزنه :لا تحاول مب سايره ..
سعيد يبتسم :وتهون عليج اربيعتج ؟
مزنه :شل ايدك ..
سعيد يعاند :ما بشلها لين ما شوف ضحكتج الغاويه ..
مزنه معصبه حدها :مابضحك ..وتربع ايدها ..
سعيد : لا تخليني اسوي شي .. وعقب تندمين عليه ..
مزنه تعاند وبنظره لعيونه :مب سايره يعني مب سايره ..وسو اللى بتسويه كيفك ..
سعيد خوز ايده :انزين ماعليه ..
ووخى سعيد لعندها وشلها وربع بها للسطح .. ومزنه من خوفها عن طيح تشبصت برقبته وهي تصارخ تنادي امها.. وامه تتطالعهم ..
ام سعيد : ويديه .. الله بالستر .. الطول طول انخله والعقل عقل اصخله .. يمدحونه الثقل سعيد ..
ومزنه يالسه تضحك بصوت عالي .. ومن وصل بها فوق ..
سعيد :بترمسينها ولا ارد ريوس مره ثانيه ..
مزنه :برمسها يالله نزلني .. حشىاذا الحب يسوي جي بالواحد ..منوه يريد يحب ؟؟؟
سعيد : يالله سيري ..
ونزل سعيد ومزنه يالسه تترياه ميثه لين مايت شمه ..
شمه :ميثه تقولج راسها يعورها ..
مزنه تمللت:قولي لها اذا تحبينها تعالي ..
واشوي وميثه يايه صوبها ..
مزنه :افديييت هالبوز انااااا ..
وميثه ساكته ..
مزنه :يعلني العوق ولا شوفت خواطرهم متكدره ..
ميثه شهقت :انتي عكيفج تدعين ععمرج .. ماتفتكرين بهلج بامج ببوج ..؟
مزنه : ميثوه لا تزعلين ..
ميثه :مب زعلانه ..بس متكدره من روحي عشان رمست حصه جيه .. والله كسرت خاطريه وايد من روحت روحها البيت..
مزنه:شرايج نروح لها باجر؟
ميثه:وانا شاورت خواتي وقالن لي روحلها بريولج عشان تطلبين رضاها ..
مزنه: انزين باجر.. يالله بخليج اللحين ..
ميثه : تعالي .. سعيد بعده مارد ؟
مزنه :رد ..وهو اللى خلاني اراضيج ..
ميثه بفرح :يالله فديت روحه ..
بهاللحظه ..يظهر سعيد من الحجره وتشوفه اخته ..
مزنه:سعوود وين بتروح ؟
سعيد : اقهوت بوحارب .. ليش بتخاويني؟
مزنه تمزح:لا عرب يسبونك هنيه يالسين ..طايحين بك طيحه ..وتغمز لميثه ..
وميثه فاجه ثمها من كذب مزنه .. ويالسه تضاربها ..
سعيد يضحك : علني افداهم هالعرب انا .. شو يقولون ؟
ميثه بصوت خفيف :يالجذووب ..يالطفسه يالجذابه ..
مزنه: طفس وجذاب ..وسب ماينقال ..
وميثه تشاهق من كذب مزنووه و تنشع غشوتها عشان اطيح .. ومزنه ترد ع ورى ..
سعيد يضحك على حركاتهم ..:علني افدى ثرهم اللى يمشون عليه ..
مزنه تتطالع ميثه :تقولك طفس ..
وميثه شدت انتباها الجلمه الاخيره " علني افدى ثرهم اللى يمشون عليه " ..
ما حست بعمرها الا وهي تنزل راسها .. مكان ماسعيد واقف .. وبصوت حنون ورقه : تقص عليك لاتصدقها ..وتبتسم له وتنزل عيونها ..
وسعيد رغم انه مايطالع ويها لانها متغشيه .. لكنه بابتسامتها اللى تذوب الصخر والحديد من حلاتها .. عرف انها كانت تبتسم ..وثواني وهم يطالعون بعض ..
مزنه :اييييييه الديج يصيح ..
بس سعيد وميثه بعدهم يتاملون فبعض ..
سعيد بصوته العذب : الميث .. في حد يغلط على عمره ..؟؟
وميثه مستحيه بالقو ..ردت ع ورى وربعت ..
مزنه :ايييييه ودرتني ...الطفسه ..
سعيد يظهر من الباب :ههههههههههههههههههههههههههههه ..
وباجرها الضحى .. سارن مزنه وميثه لبيت حصه .. وكانو يالسين بالليوان ..
حصه بفرح:ميثووووه ..
ميثه تضحك و توايها :افديت روحج ..
حصه :امرحب ملايين والله .. شو هالمفاجاه .. اشحالكن ؟
مزنه :والله الحمد لله ..وتعدل عباتها ..
حصه :مرحبه الساع ..تفضلو تفاولن؟
مزنه :فضلج دايم عسى عمرج طويل ..
ميثه : انتي شحالج ؟
حصه تتنهد :ابخير .. بس حاسه اني مضايجه بج وايد من جم يوم ؟
ميثه :لا فديتج انا اللى كنت اضايج بج .. حقج عليه ..
حصه :لا والله بس انا استغربت يوم ماعزمتيني ..قلت اكيد مسويه بها شي وانا مب حاسه بعمريه؟
ميثه تبتسم :لا محشومه والله ..العزيمه مابتم الا بوجودج امبينا ..
وبهاللحظه دخل عقاب ..
وحصه تنش ابسرعه :عقاب صّبر بنات عندنا ؟
ويوم حصه تقول هالرمسه طاحت عين عقاب بدون قصد .. بظهر كف ميثه وهيه تنزل الغشوه ومنها شاف خشمها .. يعني عيبته كشكل يديها وعرضتها .. خبلت به هالحركه ..
عقاب خاطف من عندهم :السلام عليكم .. وأذونه مشددها للبنت اللى يالسه ع اليمين ..
البنات ردن .. ومن سمع صوت ميثه تخبل زوود .. صوتها به بحه حلوه رنت بذونه فتره طويله ..وهو بحجرته اللقافه ذابحتنه مووت يريد يعرف منوه ذيج الغزاله ..الا يعرفها ..
حصه تفتر لهن :السموحه منكن بنات ..
ميثه تعدل يلستها:لا عادي .. حليله مايدري ..
حصه تيلس جداهم: ماهبشتن ؟؟؟؟ ..
ومن ظهرن البنات .. ظهر عقاب لاخته ..
حصه :انته شو تسوي هنيه المفروض تكون بالمزرعه .. ولا انا يتهيا لي ؟
عقاب ضاربنه فضول : حصووه البنت اللى يالسه هني ..هذي اكيد لطفووه السباله .. انا متاكد ..
حصه تحط ايدها ع خصرها :وشعنه تتخبر عن اربيعاتي .؟
عقاب توهق :لانها ياطويله العمر .. مطرشه خوها ذياب وتباج اتسيرين لها .. واللحين هيه يت لج بريولها ..
حصه بعفويه : لا مب لطيفه هذي ميثه بنت سعيد .. وسارت ..
وعقاب ..بدى يتذكر اخر مره شافها يوم كانت ويه اربيعتها ممممم اخت سعيد اظني ...هالبنت غير من يوم وهيه ياهل...اممممممممممممممممممممممم ... الصراحه ..
..بوسعيد يالس في الليوان روحه ..وسعيد يايب وياه دله القهوه ..
سعيد يصب القهوه بالفنيان: تفضل بويه ؟
بوسعيد :يديم فضلك بوعسكور ..
سعيد :يطولي بعمرك ..
بوسعيد يالس يشرب ..ويطالع ولده ..
بوسعيد :شعندك اشوف فخاطرك رمسه ؟
سعيد يطالعه بوه :بويه ..اريد ارمسك بسالفه ..
بوسعيد يعدل يلسه :رمس مايردك الا السانك ..
سعيد يصّب لبوه فنيان ثاني .. :بويه اريد اعرس .. وابي ميثه بنت سعيد ...ييرانا ..
بوسعيد :ميثه ..ارييعه اختك ..
سعيد :هيه هذي ..شيخه المزايين ..
بوسعيد يفكر :ومتى تريد نروح صوبهم ..؟
سعيد :هالخميس .. ورا باجر ..
بوعسكور :غايته ..


اممممممممممممممممممممممممممم يالله أريد رايكم؟؟ياللى تحبطون المعنويات ..
 

أدركت القـ م ـر

:: شخصيه هامه ::
التسجيل
15 يناير 2005
رقم العضوية
2926
المشاركات
8,048
مستوى التفاعل
166
الجنس
الإقامة
فِدآڪ المڪـآن لي سڪنته
رد : " الـــــــروح الغراميـــــــــة "

ما شاء الله وايد طويله يبالها ثلاثين قعده لانها فوق الـ30 صفحه

لالا صدق يبالي شوي اتريي اوكيه حبوبه

بس مبين انها حلوه من العنوان ..!





حبيت أحييج على ابداعج ..والسموحه منج
 

تلع لعناق

๑ . . عضو . . ๑
التسجيل
30 أكتوبر 2005
رقم العضوية
4236
المشاركات
70
مستوى التفاعل
0
الجنس
الإقامة
اماراتّ العزً ..
رد : " الـــــــروح الغراميـــــــــة "

واااااااااااااه بحش شعريه
أواااااااشي حرام عليج رد ولو رد



شوها والله جافيين بقصتيه وااااايد



الله يسامحكم

لكن انا اراويكم ...
 

قناص الآريام

๑ . . زائر . . ๑
التسجيل
12 مارس 2005
رقم العضوية
3262
المشاركات
4,060
مستوى التفاعل
101
الجنس
الإقامة
uae
رد : " الـــــــروح الغراميـــــــــة "

السلام عليكم ورحمة الله وبركاته

تلع لعناق

ياسلاااااام


فعلاً قصة جميله


واحساس رائع .. واسلوب رائع


عيبني وايد


صدج وبلا مجامله .. يمعتي الماضي والحاضر .. والاجواء والاحوال


فعلاً يعطيج العافيه


ما شاء الله


عسى الله يحفظج


أخوج قناص الآريام متابع
 

تلع لعناق

๑ . . عضو . . ๑
التسجيل
30 أكتوبر 2005
رقم العضوية
4236
المشاركات
70
مستوى التفاعل
0
الجنس
الإقامة
اماراتّ العزً ..
رد : " الـــــــروح الغراميـــــــــة "

قناص الآريام قال:
السلام عليكم ورحمة الله وبركاته

تلع لعناق

ياسلاااااام
فعلاً قصة جميله
واحساس رائع .. واسلوب رائع
عيبني وايد
صدج وبلا مجامله .. يمعتي الماضي والحاضر .. والاجواء والاحوال
فعلاً يعطيج العافيه
ما شاء الله
عسى الله يحفظج
أخوج قناص الآريام متابع

وعليك السلام ورحمة الله وبركاته ..

أخوّيه قناص الآريام .. ردك هذا ينشرى بفلوس صراحه يعني صدق رفعت من معنوياتي ..
خص كلمه احساس رائع وهذا انا اللى كنت ابا اوصله لقراء الروح الغراميه ..

أشكر فنك في الرد ..

اختك تلع لعناق
 
عودة
أعلى