• مرحبا ٬ في حال تعتذر تسجيل الدخول ، يرجى عمل استرجاع كلمه المرور هنا

" الـــــــروح الغراميـــــــــة "

رسيل

๑ . . عضو بقراطيسة . . ๑
التسجيل
17 نوفمبر 2005
رقم العضوية
4376
المشاركات
10
مستوى التفاعل
0
الجنس
رد : " الـــــــروح الغراميـــــــــة "

الغالية تلع العناق
يعطيك العافية حبيبتي عالاجزاء الأخيرة...لي عودة للتعليق والنقد (واتمنى هالشي ما يضايقك)
اسمحيلي عالانقطاع بس انا كنت مو حاضره وبنت خالي كانت تدخل المنتدى باليوزر حقي وتخبرني بالمستجدات...بس طبعاً لازم ارجع اقرا الاجزاء الاخيرة بنفسي واعطيك تعليقي (وخروا عني بعلق) محسوبتك لاهية بالامتحانات وبعدين رحت الحج...(قصة حياتي)...بعدين امتحانات كلاكيت ثاني مرة هلكتتتتت عالعموم وحشتيني والروح الغرامية دايم فبالي...
اختك رسووولة
 

معاني

::أديبة البرزة ::
التسجيل
24 نوفمبر 2004
رقم العضوية
2489
المشاركات
7,525
مستوى التفاعل
39
الجنس
الإقامة
قلب زايـد
رد : " الـــــــروح الغراميـــــــــة "

تعتقدون شو بيكون رد سعيد لميثه ؟

افترقو ميثه وسعيد وكيف بيكون الحال من بعد الفراق ؟

وقايد هل راح يتغير من بياخذ ميثه ولا مشاعره بتبرد ؟

عقاب هل بيكون له دور بالقصه ؟ وشو دوره ؟

ومزنه وحمد شو سالفتهم ؟؟؟؟هل ممكن تضيع مزنه من ايد حمد بسبب سكوته ورفضه لاعلان حبه عالملا ؟

لطيفه بتنسى خليفه ؟ وخليفه بيخفق قلبه ؟؟؟

احيييييييييج ع هالابداااااااع الرائـــــــــــــع ..ما اعتقـد سعيـد كونه هذي شخصيته يستسلـم بها السهـوله و ينازل عن غناته ...ان شــــــــــــــاء الله ما بفترقووون و قايد لازم ايحســــــــــن لـدمه و يمكن عقاب يكون له دور في هذي السالفه ....ممكن تضيع اذا حمـد تم سـاكت ...و خليفه بيخفق قلبه يوم لطيفه بتحكره ..

انتظر التكمله ..

اتمنى انج ما اطولين عليناااااااااااااااا ..

معاني ..
 

رسيل

๑ . . عضو بقراطيسة . . ๑
التسجيل
17 نوفمبر 2005
رقم العضوية
4376
المشاركات
10
مستوى التفاعل
0
الجنس
رد : " الـــــــروح الغراميـــــــــة "

السلاااااام…شلونك الغالية….سمحيلي وعدت احط تعليقي بس صارت لي ظروف وبعدين سافرنا..(قصة حياتي)
قصتك مثل ما انتي والكل عارف من اجمل القصص الي قرأت فكل تعليق بكتبه بيكون مجرد خواطر تمر في بالي ولا تؤثر بالطبع على جمال القصة أو موهبتك او حتى على حبي للقصة واعجابي فيها وبكاتبتها..القصة بدأت بكل هدوء وانسيابية وبشخصيات متعددة كلها ابطال وكل شخصية لها مذاق خاص ولون مميز..الهدوء الذي يسبق العاصفة…بعدين بدت الاحداث تتغير وبدى التركيز يظهر بشكل واضح على ابطال القصة الرئيسين مع تهميش لباقي الشخصيات …طبعاً مش نقد مني للقصة بس مجرد تعليق ..انا احب القصص الي ما فيها مركزية يعني كل شخصياتها ابطال بحياة خاصة ونكهة مختلفة…صارت القصة كلها سعيد وميثا مع ذكر لبعض الشخصيات الاخرى بس باختصار شديد ومساحة ضيقة…قصة الحب بين سعيد وميثا حلوة بس احسها شوي ما تناسب الزمن الي كانوا عايشين فيه أو حتى الي احنا الحين عايشين فية ولا تناسب المجتمع…اتمنى اني اقدر اوصل للنقصة الي ابي اوصلها…يعني الحب الي بينهم حب مراهقة فاثنيناتهم بسن المراهقة ولكن في زمن هالقصة هالعمر يعتبر سن نضوج…سعيد يظل اكثر ضوج من ميثا…….. مادري شقولك بس كنت احس في بعض المواقف اني اطالع فلم هندي (فضحت عمري)..احس القصة صارت تفتقد العمق والنضوج الي كان ظاهر في الاجزاء الاولى…احس المواقف بين سعيد وميثا ولطيفة وخليفة مب منطقية مثل لمن شافت ميثا سعيد فبيتهم ونص جسمه عاري…شو الغرض من هالموقف…او لمن شاف سعيد ميثا فوق السطح وقت المطر والموية محددة تقاسيم جسمها …شو الغرض من هالوصف…والمواقف المشابهة شو اضافت للقصة… صحيح ان هالمواقف الرومانسية ممكن تسلي القاريء لكن بشو استفاد القاريء..الحب والعشق موجودين من قديم الزمان ولكن لكل عصر ولكل مجتمع طابعه الخاص..والكاتب لمن يختار عصر معين ومجتمع لقتصه لازم يراعي إنه ينقل الصورة الحقيقية بكل أمانة…وصدق...انا ما اقول انه هالمواقف مستحيل تصير …ما اعرف كثير عن المجتمع الاماراتي..لكن ستل احس المواقف شوية صعب تتصدق….في ذا الوقت كثير اشياء عيب منقود ويمكن هالشي الي خلى ذاك الزمان ابسط وأفضل بكثير من وقتنا الحالي الي اعرفه ان البنت في ذاك الزمان اذا انخطبت واهلها سواء وافقوا او ردوا الخطيب يصير محرم عليها تدخل بيت الخطيب منقود…والبنت عموما لمن تكون بسن زواج منقود تطلع كثير من البيت ولازم تكون مع محرم او حرمة كبيرة…ميثا عادي مطيحة فبيت قوم سعيد…وقايد بعد سالفة السرقة….غريبة للحين بيزوجونه ميثا…الي اعرفه ان في القديم تطبيق الحدود كان صارم السارق تقطع يده (طبعاً انا عارفه ان قايد سرق بس حتى يتورط سعيد) يعني ممكن العم يسامح بفلوسه لكن ما يوافق خلاص على زواجه من بنته…يزوج بنته حرامي!!! وقايد عادي يتقرب من ميثا ويقولها اريدج!!! شو هذا بأي وقت هالشي ممكن يصير…والكل حاس وعااااادي …حتى لو كانت بنت عمه يظل هالشي عيب وما يصير
عزيزتي تلع الاعناق تأكدي اني ما اقصد شي مو طيب من ورا تعليقي ووقصتك رقم 1في مفضلتي لكن هالشي ما يعني إني ما اطلع الي بخاطري ومن حقك على كقارئ اني اعطي تعليقي بدون مجاملة وانتي من حقك تتجاهلين التعليق كله او توضحيلي الاشياء الي انا مب قادره افهمهاوشاكره لك سعة صدرك.
أختك رسييييييل .
 

بو هزاع

๑ . . زائر . . ๑
التسجيل
9 أغسطس 2004
رقم العضوية
2059
المشاركات
7,494
مستوى التفاعل
45
الجنس
الإقامة
دبي
رد : " الـــــــروح الغراميـــــــــة "

عندي تعليق بسيط وانتقاد خفيف

هو لو كانت القصه انسيابيه لكن الامر مختلف فيعني لازم يختلفون في الراي سعيد وخليفه لان خليفه بعتقادي شخص مميز ويعرف وين يشتري السيارات وسعيد ما عنده خلفيه بهاي المواضيع فكل ما ييلس مع ربعه لازم يانبونه فالمنطق في هاي الناحيه شو يقول يقول ان اليه عمل خليفه هي بعكس اليه عمل سعيد وسعيد يجب ان يتعلم عن ميثا لان ميثا عالخفيف ما تعرف تميز بين الشر والخير يعني بعطيج مثال لو قلتي حق ميثا لا تشربين ماي بارد بالشتا بتعاند وبتشرب لانها ما تميز بين الشر والخير بس هذا المصطلح يعكس لي اشياء ويعكس لج اشياء ويعكس لجميع الاعضاء اشياء وامور مختلفه يعني لابد اننا نحن نعرف شو الميزه اللي هيه يجب ان تتحلى عليها ميثا مثال اذا انا سرت وسرعت بالدرب بين بوظبي ودبي وانا عندي علم مسبق بوجود رادارت بهذا الشارع وسرعت انا اللي راح احصل على المخالفه فكيف اسرع هذا شي غير منطق يجب علي ان اكون انسان منطقي وفاهم ومستوعب جميع الامور المروريه يعني خليفه يدري ان شي رادارات بشارع الامارات وهو ما يسرع هذا الشي اللي يميز خليفه عن سعيد كون سعيد ما يخف من يشوف الرادرات حتى وصلت مخالفاته السنه اللي طافت فوق الالفين درهم هذا معناته استهتار بالاموال اللي يمتلكها ولا يعرف القوانين او بالاحرى ما ينضبط ولا يحترم القانون الموضوع لاجل هذه النقاط نحن نقول ونتكلم وبالاخير سعيد يعاكس اللي نحن نقوله

فانتقادي في هاي القصه يكن ان يجب على سعيد يفهم القوانين قبل عن يتكلم


مشكوره لاني كتبت هذا الرد وانا باستراليا من ارجع لبلاد بكمل لج تمام


بوهزااااااااااااع
 

معاني

::أديبة البرزة ::
التسجيل
24 نوفمبر 2004
رقم العضوية
2489
المشاركات
7,525
مستوى التفاعل
39
الجنس
الإقامة
قلب زايـد
رد : " الـــــــروح الغراميـــــــــة "

بو هزاااااااااااااااااااااااااااااع !!

انت باسترالياااااااااا و عقلك هني بالامارات ...

مو هو الهرش الي كتبنوااا

معاني
 

تلع لعناق

๑ . . عضو . . ๑
التسجيل
30 أكتوبر 2005
رقم العضوية
4236
المشاركات
70
مستوى التفاعل
0
الجنس
الإقامة
اماراتّ العزً ..
رد : " الـــــــروح الغراميـــــــــة "

احيييييييييج ع هالابداااااااع الرائـــــــــــــع ..ما اعتقـد سعيـد كونه هذي شخصيته يستسلـم بها السهـوله و ينازل عن غناته ...ان شــــــــــــــاء الله ما بفترقووون و قايد لازم ايحســــــــــن لـدمه و يمكن عقاب يكون له دور في هذي السالفه ....ممكن تضيع اذا حمـد تم سـاكت ...و خليفه بيخفق قلبه يوم لطيفه بتحكره ..

انتظر التكمله ..

اتمنى انج ما اطولين عليناااااااااااااااا ..

معاني ..



شاكره لج تواصلج وتشجيعج الدايم والله لايحرمني من وجود معاني بقصتيه ..
 

تلع لعناق

๑ . . عضو . . ๑
التسجيل
30 أكتوبر 2005
رقم العضوية
4236
المشاركات
70
مستوى التفاعل
0
الجنس
الإقامة
اماراتّ العزً ..
رد : " الـــــــروح الغراميـــــــــة "

السلاااااام…شلونك الغالية….سمحيلي وعدت احط تعليقي بس صارت لي ظروف وبعدين سافرنا..(قصة حياتي)
وعليج السلام ورحمة الله وبركاته .. الحمد لله يسرج حالي ..

قصتك مثل ما انتي والكل عارف من اجمل القصص الي قرأت فكل تعليق بكتبه بيكون مجرد خواطر تمر في بالي ولا تؤثر بالطبع على جمال القصة أو موهبتك او حتى على حبي للقصة واعجابي فيها وبكاتبتها..


مشكوره ...

القصة بدأت بكل هدوء وانسيابية وبشخصيات متعددة كلها ابطال وكل شخصية لها مذاق خاص ولون مميز..الهدوء الذي يسبق العاصفة…بعدين بدت الاحداث تتغير وبدى التركيز يظهر بشكل واضح على ابطال القصة الرئيسين مع تهميش لباقي الشخصيات …طبعاً مش نقد مني للقصة بس مجرد تعليق انا احب القصص الي ما فيها مركزية يعني كل شخصياتها ابطال بحياة خاصة ونكهة مختلفة…صارت القصة كلها سعيد وميثا مع ذكر لبعض الشخصيات الاخرى بس باختصار شديد ومساحة ضيقة… ..

اسمحيلي اعلق ع تعليقج .. مشكلتكم تسبقون الاحداث .. وانا بعطي كل شخصيه حقها ومابخص ميثه وسعيد بس .. كل شخصيه بتاخذ حقها والقصه بعدها مطوله والاحداث بتاخذ مجراها وبعدين كل شخصيه ميثه وسعيد وخليفه وعقاب وحصه ولطيفه كل شخصيه من هالشخصيات بتلعب دور في الشخصيه الثانيه مثلا حصه بيكون لها دور كبير وبارز ف حياة سعيد وميثه .. حتى عقاب وحصه ولطيفه.. .... الخ .. مااريد احرق القصه وشي أكيد ببرز سعيد وميثه لانهم بنهايه هم الابطال وهم عنوان قصتيه الروح الغراميه ..بس هالشي مايمنع اني اهمل باجي الشخصيات .. لاتستعيلون في احداث واااايد بتستوي ..

قصة الحب بين سعيد وميثا حلوة بس احسها شوي ما تناسب الزمن الي كانوا عايشين فيه أو حتى الي احنا الحين عايشين فية ولا تناسب المجتمع…اتمنى اني اقدر اوصل للنقصة الي ابي اوصلها…يعني الحب الي بينهم حب مراهقة فاثنيناتهم بسن المراهقة ولكن في زمن هالقصة هالعمر يعتبر سن نضوج…سعيد يظل اكثر ضوج من ميثا……..

ليش؟؟؟؟ ليش ماتناسب المجتمع .. حبهم طاهر وعفيف .. اوكيه حب مراهقه شي طبيعي بتحصلين هالمواقف بين ثنينه مراهقين يحبون بعض بالعكس انا اشوف سعيد ناضج ويفكر بعقله مب بقلبه وبدليل يوم واجها بالحقيقه رغم انه يحبها وقال انها لازم ترضى بالواقع وتتزوج ولدعمها أي حبيب بيقول هالكلام لحبيبته ..!!!!وبعدين انا اعتبر المشاعر وحده وماتتغير بتغير الزمان بس اكيد اللي يحب مابيتم طول عمره يفكر بعقله اكيد بتمر عليه نزوات طيش وتهور بسبة الشوق والوله لحبيبته .. ولا اشرايج ؟؟؟؟


مادري شقولك بس كنت احس في بعض المواقف اني اطالع فلم هندي (فضحت عمري)..احس القصة صارت تفتقد العمق والنضوج الي كان ظاهر في الاجزاء الاولى…احس المواقف بين سعيد وميثا ولطيفة وخليفة مب منطقية مثل لمن شافت ميثا سعيد فبيتهم ونص جسمه عاري…شو الغرض من هالموقف…او لمن شاف سعيد ميثا فوق السطح وقت المطر والموية محددة تقاسيم جسمها …شو الغرض من هالوصف…والمواقف المشابهة شو اضافت للقصة… صحيح ان هالمواقف الرومانسية ممكن تسلي القاريء لكن بشو استفاد القاريء


خاطريه اعرف ليش تربطون المواقف الرومنسيه بالافلام الهنديه ؟؟؟ هم الرومنسيين محد رومنسي غيرهم ...!!
ليش الموقف مب منطقي بالعكس واحد مرتاح فبيته و توا سابح وميثه دخلت بيتهم والموقف جيه استوا يعني من نسج افكاري وانا براي الشخصي انه هالمواقف تضفي رونق عذب وحلو للقصه يعني تخلي القارئ يتخيل الموقف ويرسمه فمخيلته و يتفاعل ويه الكاتب مب بس بالقرايه بالخيال بعد ..


..الحب والعشق موجودين من قديم الزمان ولكن لكل عصر ولكل مجتمع طابعه الخاص..والكاتب لمن يختار عصر معين ومجتمع لقتصه لازم يراعي إنه ينقل الصورة الحقيقية بكل أمانة…وصدق...انا ما اقول انه هالمواقف مستحيل تصير …ما اعرف كثير عن المجتمع الاماراتي..لكن ستل احس المواقف شوية صعب تتصدق….


انا ماادري بس حسيت من رمستج هذي انه الروح الغراميه تنعدم فيها المصداقيه .. فانا اقولج لا .. مثلا بقولج ميثه يوم تكون في السطح وترمس سعيد وتستوي بينهم لقاءات حميميه هذا خيال ف خيال مجرد موقف من مخيلاتي لا اكثر .. بس من اقولج البنيه منزمان تمسك زمام شؤون المنزل وتربي خواتها وتقوم بواجبات البيت مثل تغسل الثياب عند البحر و تروح البزار .....الخ هذي المواقف اكيد فيها مصداقيه لان هلنا الاوليين كانو يسوون هالشي .. اما اللقاءات سعيد وميثه وغيرهم من الابطال فهذي بنهايه تظل نسج من افكاري ومخيلات تلع لعناق اللي مالها نهايه ..


في ذا الوقت كثير اشياء عيب منقود ويمكن هالشي الي خلى ذاك الزمان ابسط وأفضل بكثير من وقتنا الحالي الي اعرفه ان البنت في ذاك الزمان اذا انخطبت واهلها سواء وافقوا او ردوا الخطيب يصير محرم عليها تدخل بيت الخطيب منقود…والبنت عموما لمن تكون بسن زواج منقود تطلع كثير من البيت ولازم تكون مع محرم او حرمة كبيرة…ميثا عادي مطيحة فبيت قوم سعيد…


أيام اول الكل كان مترابط وبينهم ألفه ومحبه .. جار يسال عن جاره ومتفاهمين ومتعاونين .. والاهل يأمنون على طلعات بناتهم لقضاء حاجاتهم طبعا الامان كان يسود المنطقه وكل حد يخاف على الثاني ويعتبره من هله .. وبعدين يوم ميثه مطيحه فبيت سعيد لانها اربيعة اخته وجيرانهم والجيران منزمان كانت علاقتهم اكثر من مجرد بيت ملاصق فبيت كانو شرات الاهل واكثر .. واخر شي هيه رابيه وياهم من هم يهال .. حتى لو كبرت صعب يتغير هالشي .. وميثه اذا بتظهر مكان تروح ويه البنات مثل يوم تغسل الثياب وحتى يوم يدرسون .. واذا تذكرين الموقف يوم كانت زعلانه من هلها من ردو سعيد كانت ماتروح وياهم تغسل الثياب ظنا بانها كانت تعاقب هلها بهالشي وكانت تحبس نفسها وماتشوف ربعها ...الخ ..والموقف يوم خلت اخوها حمد هو اللي يوصلها عشان تقضي حاجتها يكون وياها محرم ..


وقايد بعد سالفة السرقة….غريبة للحين بيزوجونه ميثا…الي اعرفه ان في القديم تطبيق الحدود كان صارم السارق تقطع يده (طبعاً انا عارفه ان قايد سرق بس حتى يتورط سعيد) يعني ممكن العم يسامح بفلوسه لكن ما يوافق خلاص على زواجه من بنته…يزوج بنته حرامي!!!


بغض النظر عن السرقه .. اهلنا الاوليين مايرضون بالغريب على القريب .. عدنا مبدأ يقول
"ولد العم لبنت العم " ومثل يقول "حلاة الثوب رقعته منه وفيه "معنى هذا المثل أن الأفضل للإنسان أن يجتمع مع من هو من أصله سواء كان ذلك في زواج أو عمل أو غيره
يعني هم مقدسين هالشي وايد ويعتبرونه شي أساسي والاخ يسمع رمسه اخوه العود وكلمتهم وحده ..و للاسف لحد اللحين هالشي في مجتمعاتنا الخليجيه ..ولو تلاحظين انهم مهتمين بتكوين الاسر الكبيره "الاسره الممتده "ومايرضون الا من أبناء جبايلهم ..وسالفه السرقه ف عهد الرسول صلى الله عليه وسلم كانو يقطعون يد السارق اما اهلنا الاوليين ماكد سمعت انا يدودي ياما استوت عندهم حالات سرقه بس ولامره حد قالي انهم قطعو ايد السارق ..


وقايد عادي يتقرب من ميثا ويقولها اريدج!!! شو هذا بأي وقت هالشي ممكن يصير…والكل حاس وعااااادي …حتى لو كانت بنت عمه يظل هالشي عيب وما يصير


قايد شخصيه متهوره وطايش ويحب يمتلك ولها ستايلها ..يعني عادي نتوقع منه هالكلام واكثر ..


عزيزتي تلع الاعناق تأكدي اني ما اقصد شي مو طيب من ورا تعليقي ووقصتك رقم 1في مفضلتي لكن هالشي ما يعني إني ما اطلع الي بخاطري ومن حقك على كقارئ اني اعطي تعليقي بدون مجاملة وانتي من حقك تتجاهلين التعليق كله او توضحيلي الاشياء الي انا مب قادره افهمهاوشاكره لك سعة صدرك.
أختك رسييييييل .



مو من شيم تلع لعناق انها تتجاهل رد شرات ردج .. ادري انج تتمنين لي كل خير والافضل فكتاباتي وانا ممتنه لج بهالشي ..وانتقادج بين لي انج مهتمه بادق تفاصيل الروح الغراميه يمكن انتي كتبتي شي غيرج ماقدر يكتبه .. وهالشي اسعدني وايد وايد وع فكره انا احب اللي يجادلني ويناقشني بافكاري .. أتمنى اني وضحت لج كل شي بصوره حلوه .. والله لايحرمني منج ..

اختكم
تلع لعناق

وبعدين انا اسمي تلع لعناق مب تلع الاعناق او تلع العناق .. لاتحرفون اسمي :biggrin:
 
التعديل الأخير:

قناص الآريام

๑ . . زائر . . ๑
التسجيل
12 مارس 2005
رقم العضوية
3262
المشاركات
4,060
مستوى التفاعل
101
الجنس
الإقامة
uae
رد : " الـــــــروح الغراميـــــــــة "

السلام عليكم ورحمة الله وبركاته

تلع لعناق

يعطيج العافيه

وعسى لا خلينا

ويااج ع الخط قناص الأريام لا تحاتين

أنتي ذات موهبه وشخصية متمكنه

لو مااظهرتي .. رقي في المشاعر والتعابير

استمري كذلك بارك الله فيج

وبحفظ الرحمن


أخوج قناص الأريام​
 

معاني

::أديبة البرزة ::
التسجيل
24 نوفمبر 2004
رقم العضوية
2489
المشاركات
7,525
مستوى التفاعل
39
الجنس
الإقامة
قلب زايـد
رد : " الـــــــروح الغراميـــــــــة "

عسى المانع خير ..


نحن ف الانتظار

معاني
 

تلع لعناق

๑ . . عضو . . ๑
التسجيل
30 أكتوبر 2005
رقم العضوية
4236
المشاركات
70
مستوى التفاعل
0
الجنس
الإقامة
اماراتّ العزً ..
رد : " الـــــــروح الغراميـــــــــة "

الجزء السابع



بهاللحظه ميثه صخت ..وتمت تتطالعه .. هذا شو يخربط !! مستحيل هالرمسه طالعه من قلبه .. طول عمره يكابر ..طول عمره ..
ميثه تعق غشوتها وبعين حايره خرقت عين سعيد :انته تكلم ياهل !!!!!
وسعيد يطالعها بنظرات .. اول مره يشوف ذيج النظره بعين ميثه .. كانت نظره غريبه .. ماقدر يفسرها !! عمرها ماكلمته بهالنبره الغريبه ..ميثه تمت تتطالعه وهو افتر عنها براسه صوب البحر هو ما يقصد برمسته بمعنى الفرحه .. من هالحركه افترت ميثه عنه ...
ميثه : تتحراني مصدقتنك من قلت بتفرح بعرسي ..!
سعيد : ميثه .....
تقاطعه ميثه و "خلينا نستانس بعرسج "يتردد صداها في بالها و بغيض وبصوت واطي : لاتنطق اسمي ..
سعيد رافع حياّته: ليش !!! ( وبحزم ) ميثه .. محد يقدر يمنعني من نطق اسمج .. !!
ميثه افترت صوبه تتطالعه :لا ..أقدر .. صدقني أقدر ..
سعيد يتفحص ثنايا ويها:ليش قلبج قاسي عليه ؟
ميثه متغصصه منه و بــ تردد : .... طلبتك ؟
سعيد مب عارفلها : آمريه ..
ميثه دموعها سكايب وهيه تمسحهم براحه ايديها.. وتتنفس بعمق: ترزف بعرسي ..
سعيد ماانتبه لرمستها كان يطالع حركاتها وهيه تصيح وقلبه معورنه .. يترجاها بصوته : لاتذرفين دموعج .. دخليج ..
ميثه تمسح دموعها :أقولك أرزف بعرسي ..
سعيد يطالعها ومستغرب :ليش جيه تقولين .. !
ميثه :تراك بتستانس بعرسي ..الفرحه مب واسعتنك ..
سعيد من الغيض اللى فيه تم يطالعها ولارد عليها ..
ميثه تتحاشى نظراته :مارديت عليه !
سعيد متغيض منها خلاص: ليش ! ليش تقولين جذيه ؟
ميثه :اريد اعور قلبك مثل ما عورتلي قلبي .. اللحين بعد كل هذا بكل سهوله تقولي خلينا نستانس بعرسج !!!!!!!!!!!!
سعيد بحزم :لا تحاتين .. عشانج برزف ..
ميثه افترت له وهي تناظر عينه الحزينه وبصوت واطي :لا ..
سعيد بغيض :شوه لا ؟ مب تقولين تبيني أيول .. خلاص بنفذ طلبج ..
ميثه بحزن :شو من القلب عندك انته عشان تتحمل هاكله ! قلت لا .. يعني لا وخلاص ..
سعيد بألم : دام انه هذا طلبج .. برزف وبيول وياه وبتشوفيني بعينج ..
ميثه تتالم :لا ..لا مب وياه ..
سعيد :هذا طلبج ..وأظني آخر طلب ولازم أسويه .. وغمض اعيونه من الحسره .. مب قادر يخيلها لغيييره .. وميثه تطالع فعيونه ..
ميثه بحزن :قلت لا .. يعني لا .. ليش تريد تعذبنيه ؟؟؟؟ليش بتفرح بعرسي ..؟؟

سمعتوا آخر خبر وش صار ؟
سمعت آخر خبر وش صار؟ ... تبيّن صاحبي غدّار .. وأنا اللي هالكن نفسي ...وعليه من العيــون آغار .. ولا أدري شالــذي صابه ... صحيـح أن الزمـن دوّار ..أحيده كاتـــم أسراري ... وأنا مثلـه كتمـــت أسرار .. وأنا أذكر بينـي وبينه .. عهد نكمل بـه المشوار .. صحيح أن الزمن قاسي ... وكل يومن يجي بعذار .. أعز الناس يخدعني ... وبدّل غيـر داري دار .. أبسأل من هـو الوافي ... إذا الوافي طلـع غدّار ؟؟؟ من هوه ؟
*للتنويه :كلمات الشاعر الاماراتي يمعه بن نايم الكعبي ..

سعيد يطالعها : سامحيني لاني ماقدرت أوصلج ..
ميثه تتذكر بوها ويدوتها تتطالعه وغامضنها مووت : ... لا تقول جيه .. ماسويت شي عشان اسامحك عليه ..
سعيد وسط الموج الثاير .. وبصوت واطي ويرتجف: أحبج ..
ميثه رفعت راسها صوبه بثانيه وعقب نزلت راسها ابسرعه .. وفاجه عيونها على وسعهن .. أول مره ينطق هالجلمه .. أول مره أسمعها منه وأخيرا قلتها .. وأخيرا .. دموعها سكايب ع ويها .. حست بهالجلمه زلزلت المكان اللى واقفين فيه .. ميثه مب حاسه بعمرها من عقب هالجلمه .. حتى سعيد نفسه مب مصدق انه اخيرا قالها .. نزلت من الدري ابسرعه وهي مب حاسه بعمرها ومن كثر دموعها اللى ذرفتهن ماكانت تشوف عدل .. أبد ماكانت تتوقع هاليوم بيستوي .. سعيد خلاص راح عنها ..! غدى شي مستحيل بحياتها !.. حست انه الدنيا تعتمت بويها .. غدت ظلمه سودى مالها أي قيمه .. الامل معدوم حتى الضحكه مافيها حياه .. هاليوم اللى قطفو فيه ورده ميثه وسعيد .. آااه .. ميثه ..
كانت كله فحجرتها ونادرا ما تظهر تيلس ويه يدوتها .. وماكانت ترمس وايد .. والكل كان حاس بانطوائها .. حتى مزنه والبنات ماشافتهن .. الكل مشغول بحياته .. وعمها وعياله كل فتره في ميلسهم يحددون يوم لملجتهم وعرسهم .. في مره من المرات .. عمها وعياله في الميلس .. وميثه راقده عفراشها .. قامت من فراشها تحس بلوعه فصدرها وبضيجه مب طبيعيه .. وهيه ناشه لمحت من دريشتها عمها وعياله ظاهرين من الميلس .. وهيه تعدل شيلتها ودخل قصتها .. طاحت عينها بعين قايد اللى افتر صوب الليوان ولمحها .. ميثه من شافته خزته بنظره .. و سكرت الدريشه بويهه ..
ميثه بعدها محطيه ايدها ع الدريشه وسرحانه : آااه .. قدرت توصل ياقايد ..
وبهاللحظه سمعت صوت ابوها يزقر امه وحرمته .. ماحست بعمرها والا دمعه اطيح عخدها بحرقه .. تعبت من الصياح .. مشت صوب الزويه وشلت كتاب الله ويلست تقرا فيه .. وهيه تقرا.. انفتح باب حجرتها وكانت يدوتها ..
يدوه ظبيه : بنتي .. وري الليت ماشوفج !
ام حمد :برايها عمتيه .. يالسه تقرا اللحين عقب خبريها لاحقين عالرمسه ..
يدوه تيلس جداها : ميثه اميه .. واتيود ايدها ..
ميثه :صدق الله العظيم ..
يدوه ظبيه : بنتي بالخميس بتملجين ..
ميثه تقطع رمستها : سو اللى بتسوونه كيفكم ..
يدوه استغربت من برودها : عندج ثوب تلبسينه ..؟ ولا اقولج البسي ثوب اختج سلامه ..
ام حمد تحب راسها وبحنيه :مبروك عليج فديتج ..
يدوه ظبيه تتطالع ام حمد : عندها بنتج ثوب .. !!
والخبر انتشر بالفريج .. ميثه بنت سعيد بياخذها ولد عمها قايد ..
وباجرها العصر شمه كانت ويه مزنه فبيتهم .. وتقولها كل شي صار في البيت ..
مزنه شهقت :هااا الخميس .. ليش جيه مستعيلين !!
شمه :ماادري يمكن .. هيه هيه يمكن ..لالالالا هالخميس ..يدوه قالت هالخميس بيملجون قايد وميثه ..
مزنه تمت تناظر ييدار قوم ميثه ..وبحزن فظيع : فديتج الميث ..
شمه تبتسم بخبث ..وانتبهت لها مزنه ..
مزنه :شو فيج ؟
شمه تحط ايدها عثمها : عندي شي .. بس اخاف اقوله ..
انرسمت ابتسامه بصعوبه عثنايا ويه مزنه : الدبه .. رمسي ..
شمه :أمسات يوم كنت يالسه ويه يدوه .. انزين ..
مزنه :انزين ..
شمه :وحمد كان ويانا يالس ..انزين ..
ومن نطقت شموه اسم حمد .. تغيرت ملامح مزنه .. وعيونها تبرق .. وهيه تعدل شيلتها .. وشمه طبعا مالاحظت هالشي .. تمت ترمس ..
شمه : انزين كان يكتب شي ..انزين ..
مزنه تتطالعها:انزين ..
شمه :كان يكتب قصيد وقريت اسمج فيه ..يمكن يمكن كاتب اسمج ماادري انا !!
مزنه صخت وماعرفت بشو ترد عليها .. وماعرفت وين تناظر ..
بهاللحظه بالضبط حدر سعيد وكان شكله تعبان .. ومزنه من شافته نشت له .. وشمه ضحكت له ..
سعيد خاطف عنهم :السلام عليكم ..
مزنه: وعليييك السلام .. فديتك يييت ..
بس سعيد ماانتبه لها مشى حجرته..
مزنه تتطالعه ومن عقب اطالعت شمه .. وشمه تتطالع خطوات سعيد .. ومزنه افكارها متضاربه مابين اخوها سعيد ورمست شمه ..
شمه :شو بلاه سعيد ضحكت له ماضحك لي ..!
مزنه توها بترد عليها بس سمعت صوت امها في الحوي ويه حرمات وسارت صوبهن ..
مزنه قلبها يدق بقوه: شموه تعالي ..
شمه :لا ..انا بروح حجره سعيد ..
ومن دخلت حجرته لقته يحط اغراض بصندوق خشبي ..
سعيد مفتر صوبها : هلا والله بمزيونه المزايين ..
شمه تضحك له : أحس انك أخويه حمد ..
سعيد :فديييت قلبج ..تعالي ..
شمه تتجدم صوب الصندوق : الله غاويه هالغرشه .. شو بتسوي بهالورد ..! الله هذي القطعه ميثه عندها ..
سعيد يتذكر غرشه العطر اللى عطتها له ميثه من رد ابوها من الكويت .. ورفع راسه يتنهد بعمق ..آه ..
شمه تتطالعه :شو يعورك ؟
سعيد يرتب الاغراض:ماشي ..
شمه :عيل ليش رفعت راسك وغمضت عيونك !!!


بهاللحظه دخلن خواتها .. ويلسن وياها ..
سلامه :ميثاني حشى ماعفتي حجرتج !!! امايه تتشكى منج ..
مريم حزينه على شوفت ختها بهالمنظر: ميثاني هالخميس بتملجين ..
ميثه :توا تذكرتونيه !!
عفره تتطالعها وتترجاها: لاتصحين اللحينه .. بسج خلاص ..
سلامه خزت مريم بنظره "بس اسكتي "
وميثه محطيه راسها بحظن ختها عفره .. وساكته تستوعب رمسة خواتها .. الكل يالس يباركلي .. خلاص انا بستوي حرمة قايد !! وتتذكر سعيد يوم قال أحبج .. آاااه سعيد .. وينك ؟؟ .. كانت ساكته ومب مستوعبه الرمسه .. ماتتخيل عمرها لقايد ..!!
ومريم من شافت صدمتها دمعت عينها وسارت صوب هلها ..وهيه يالسه عند امها ..
مريم : امايه انا احس .. (وسكتت ثانيه) نحن ظالمين ميثه بهالعرس امايه ..
يدوه مفتره صوبها :اشووو؟؟ شو تقولين ؟؟
مريم مفتره ليدوتها : يدوه والله صدق مب غصب العرس .. البنيه مب شرات اول .. ماتباه مب غصب هوو ..
ام حمد : أنا شو بيدي اسوي الشور شور يدتج وابوج ..و شله ماتباه ولد عمها ..حلات الثوب رقعته منه وفيه ..
يدوه مفتره صوب مريم :والله ان طريتي هالرمسه جدا اختج ليكبر راسها زوود .. محد مغربلنا في البيت غيرها .. ادريبج محد غيرج اللى مبغضنها بولد عمها .. انتي وخواتج ..
مريم بحسره : يدوه شو هالرمسه بعد اللحين انا اكرها بولد عمي ! .. واشو لي اكرها به .. والله مقطعه فوادي اختيه .. وتصد الصوب الثاني بالم.. شوها !!!!!!
يدوه :اصص نشي هاتيلي دله القهوه ..
وعفره يالسه ترمس اختها وتنصحها .. وميثه ماتسمعها تكون وياها عالخط دقايق وربع ساعه سرحانه ..مب مستوعبه .. خلاص سعيد راح ...!!
عفره : ميثاني هذا نصيبج ولازم ترضين بقسمة ربج .. مقدر عليج ومكتوب عند ربج ولازم تشكرينه وتحمدينه على كل حال .. شعرفج يمكن هالعرس بيكون فاتحة خير عليج وعلى عمي وبويه وعلينا نحن كلنا كعايله وحده .. وقايد لو ماكان يبيج هالكثر جان مارمس عند بويه وحمد عنج اكثر من مره .. خص انج مسمعتنه رمسه ماتحق لريال وعزة نفسه انه يرد يرمس فيج مره ثانيه ..
ميثه باحتقار :يوليّ .. بيشوف من بييلس وياه .. و بيهتم فيه ولا من بيطبخله وبيغسل ثيابه !!! ..
عفره :ميثاني تبين تخربين بيتج بايدج ..
ميثه تثور عليهم: أووووه .. يوزتوني بالغصب وبعد تبوني اطبخله .. أنا مابسوي شي وخل يطلقني ..
سلامه فاجه ثمها :اطاع هذي .. فديتج العرس مب بس طباخ وغسيل .. ريلج شرات الياهل تهتمين به وتشاركينه باموره الحلوه والمره يعني تاخذين وتعطين وياه بكل شي ..
عفره تنش صوبها :اييييه لاتسودين ويوهنا جدام خلق الله ..
سلامه بتظهر :والله صدق رمسة خالتي فاطمه هذي ياهل مب مال عرس ..
عفره :ميثووه فديتج ..
تقطعها ميثه :عفره دخيلج فكيني من هالرمسه كني أصبح وأمسي أسمع نفس هالرمسه كل يوم من امايه ويدووه .. بس ماريييد .. صار لي اسبوع كامل .. بس ..
وعقب خلتها عفره ع هواها ..
كني وحيده في ديار الاجانيب والا بغابه بالضواري النوايب ..او قلعه ظلمه بليا معازيب والا صحاري مظميات عطايب ..ومن حولي اهوال ونار ومشاهيب والهم ودموعي همايل سكايب .. ينهش برجلي غاسق الهام والذيب ولا قوت يستاكل ولا شرب طايب ..وارتاع من داجي الليل لمهيب وحتى القمر عن داجي الليل غايب ..ايام سودا سابقات الدواليب تجري معي مثل الخيول العرايب ..تغيب شمسي قبل ساعات لمغيب وان اشرقت غطن عليها السحايب ..خيول بختي شاردات مطاليب ورماح حظي صوبّني حرايب..ولا لي مواسي بين كل التعاذيب ولا لي ونيس بين كل القرايب ..شكواي لله راعي الحق لمجيب حلال فكاك العقد والنشايب ..
*للتنويه :الشاعره الاماراتيه دموع ..
وقايد من ظهر من بيت عمه وهو مب فحاله .. مارقد الليل بسبة الحركه .. حركة ميثه وايد حزت بخاطره .. ليش جيه تعاملني ! خلاص انا بستوي ريلها !.. تم يفكر ويفكر ..بهاللحظه دخل اخوه عبدالله الدكان ..
قايد يفكر بعمق :عبود .. وسكت ..
عبدالله يطالعه يترياه يرمس : شوه ؟
قايد ينش و يضرب بايده عالباب بحركه توتر : ماادري .. بس .. (ويرد يمشي بتوتر )
عبدالله : أقول .. انته ماعندك رمسه رح اخير لك ييب السمج من عند بو سالم ..
قايد :عبدالله .. قلبي حاس انه ميثه بنت عمي وسعيد بن راشد بينهم شي ..
عبدالله :شووه !!بينهم شي ..اشهالرمسه !!! رح رح سو اللي قلتلك عليه ..
قايد يفكر : انته تدري البارحه من ظهرنا من عند عمي سعيد ..ريتها فحجرتها وجان تسكر الدريشه بويهي .. بهالحركه صدق حسيت بالكراهيه اللى تكنها لي ..
بهاللحظه ضحك عبدالله :ههههههههههههههههههههههه تحيدها الميث انته .. ماعليك منها ..
قايد متغيض من اخوه :وشله الضحك .. وايد عايبتنك .. (وافتر يدور السفره مالته )اقول انا اللى ماعندي سالفه وياي اشكي لك .. (وتوا بيظهر محرج ).. مر خليفه من عندهم ..وقايد زقره ..
خليفه :وشحالكم ..؟
قايد :وين اربيعك ؟
عبدالله : ابخير ونعمه ..ومن صوبك ؟
خليفه :ابخير ربي يسلمك ..(ويطالع قايد ) ماشاء الله كندوره يديده اليوم .. لا والسفره نظيفه .. يا غير النعال مقطعه اشوي من الطرف هههههههههههههههه ..
عبدالله يضحك : معرس معرس طال عمرك ..
قايد يفتر صوبهم : والله مب ويوه حد يحشمها ..
خليفه :هههههههههههه بالمبارك ان شاء الله ..
قايد :خل عنك ..سعيد اربيعك وينه ؟؟
بهاللحظه يود عبدالله ايد قايد وقايد يسحب ايده بغيض :شو تباه سعيد ..الريال مب متفيج لك .. ابويه خليفه توكل .. بشوف سالفته هذا ..
وراح خليفه ..وعبدالله يلس ويه اخوه ..
عبدالله :انته تخبلت شو بتقوله .. شو بينك وبين بنت عمي !!! تبا تفضحنا وتفضحها .. حرام عليك تشهر بالبنيه .. بنت عمك مرفوجه عن هالسوايا .. شوفيك قايد لاتفسر الامور عكيفك !! اركد ..
قايد يقطع رمسته :عبدالله انته ماتشوف اللي انا اشوفه .. ميثه ماتباني ..وولد راشد حالته متغيره من يوم رمست بها .. وغير هذا يوم خطبها ع خطبتيه !!!
عبدالله يحاوره :انته متاكد من رمستك انه متغير من رمست بميثه !!!
قايد يفكر وبتردد وتوتر :مادري مادري ..بس .. أحسبه جيه !! عيل ليش خطبها ؟
عبدالله :خاف ربك .. مب سعيد بس اللي خطبها ..حتى اربيعي عقاب خطبها وولد خالها وعرب من الكويت ماتحيدهم ..اشمعنى حطييت على ولد راشد المسيجين ..و لا لانك تبغضه !!! ..
قايد مب مستوعب :لحظه عقاب خطبها !!! من متى هالرمسه وليش محد خبرنيه !! انا ريلها عقب يومين ومادري بلي يستوي !!!
عبدالله :قايد اثقل ..اللحينه شو بتقول اربيعك بعد يحبها بسير اضاربه !!
قايد اطالعه بنظره :عبدالله مب وقته !! والله فيني ضيجه بسبة بنت عمك اللي مصدقه عمرها .. الله بلانيه فيها ..
عبدالله : انزين اللحينه دريت مني عقاب خطبها شو بتسوي ..!
اطالعه قايد بنظرات :مابسوي شي بس على الاقل اعرف ..انا مب ريلها مب خطيبها ..
عبدالله : خطبة عقاب كانت رمسة من بينه وبين عمي سعيد .. ومحد من الفريج يدري ..
قايد يطالع السكه :عيل ليش تبغضنيه !!! ونزل راسه ..
عبدالله بصوت واطي :تحبها !!
ناظره قايد وبصوت واطي :و ماادري كيف حبيتها !!
بنفس هاليوم الفليل .. السمى بدت تغيم والبحر يثور ويضرب بامواجه عالصخور بكل قوته واندفاعه يزيد اكثر عن كل مره .. والعرب كلهم يسيرون صوب بيوتهم .. وشمه بعدها فبيت قوم مزنه ..
مزنه :شماني .. بطي ياي ياخذج ..
شمه تلبس شيلتها :اووه .. أكيد يدوه مطرشتنه ومحتشره .. (وهيه تلبس نعالها )يالله مزنوه اشوفج باجر ..
ام سعيد :وينه هو خليه يقرب ..
مزنه تضحك :قلته امايه .. حليله يستحي ومنزل راسه هههههههههههههه وبالغصب نطق الرمسه اللى يبا يقولها ..
ام سعيد :يالله ترحمنا برحمتك ..
مزنه تتطالع الباب :امايه .. سعيد بعده ما رد ..
ام سعيد : هالولد يبا ينفذ روحه وينفذني معاه ..
مزنه تتطالع امها :يااميه .. غصب عليه والله ..
ام سعيد: يوم اطريله وحده من بنات خوالج ولا خالتج غبيشه ..ينش ولايريد يسمع رمستيه ..
مزنه بحزن مقطع حشاها: يحبها امايه يحبها مايقدر ينساها ..
ام سعيد: البنيه بتعرس وبتسرح ويه ريلها وهو بعده يهاذي بها مب زين وهيه عذمة ريال ..
وبدى بهاللحظه يطيح نفاف ..ومزنه يالسه روحها في الليوان تتريا اخوها .. صار له يومين يتاخر عن البيت ..ومزنه تحاتي .. وين سار ؟؟ والمطر تزيد زخاته .. ومزنه يالسه تسبح وتتطالع هالمنظر الحلو .. ومر عليها بهاللحظه طيف حمد وهو يطالعها ويطالع الحنى.. ضحكت بحيا كنها تتطالعه جدامها .. ماحست بعمرها وهيه غافيه عالتكيه وبدت تغمض عيونها .. مرن دقايق .. ونشت عصوت الباب .. صلبت عمرها بصعوبه وتحاول تفتح عيونها .. المطر كان يطييح بقوه ..
مزنه بتعب:سعيد واايد بطيت ..
سعيد متخرس ماي : وانتي شلج جاني بطيت ولا لا ..
مزنه تنش:فديتك يالسه اترياك وامايه بعد بس عقب محايل خليتها ترقد ..
سعيد يسير صوب حجرته ..: محد قالج تترييني جان رقدتي ..
مزنه استغربت من جفاه لكنها عذرته:حبيبي .. بيبلك العشى لاترقد ..
سعيد: مزنووه ..ماريد اكل شي ..
مزنه تلحقه عشان بتخطف العريش :مايستوي انته الغدى ماتغديت .. شو بتم علحم بطنك ..
سعيد يفتر صوبها :قلتلج ماريد مب يوعان .. روحي انخمدي احسلج .. وسكر الباب ..
مزنه وقفت مكانها ..اول مره أخوها يرمسها جذه .. ماقدرت تستحمل سارت له ..
مزنه واقفه عند الباب وهيه تصيح : وليش تصرخ عليه ..؟؟
سعيد يفصخ كندورته ويعلقها عالغدان: مزنه قلتلج ماريد مب يوعان شسويبج ماتسمعين الرمسه ..
مزنه وهيه تمسح دموعها :برايك علك ماكلت .. وسكرت الباب ..
وسعيد شافها من دريشته خطفت وهيه تناهي .. ماقدر يستحمل شوفت اخته جذيه .. وسار صوبها .. وشافها يالسه بحجرتها بالزاويه وتصيح .. سار صوبها ..
سعيد بحنيه :فديييييييييت روح المزووووون ..
مزنه تصيح :مابا روح ..
سعيد يضحك :وين اروح ها بيتي ..! (وينزل راسه بمستوا راس مزنه ..) عمريه ..
مزنه:ليش ترمسنيه جيه انا شو يخصنيه !!!
سعيد حظنها ..وبحنيه : فديت اختيه .. السموحه ..
مزنه تمسح دموعها وساكته ..
سعيد يمسح عشعرها ويتذكر الميث : مزنه .. أنا ماادري شو بلاي .. احس بعمريه من خسرت ميثه .. احس انا السبب في خسارتها ..
مزنه رفعت راسها صوبه: لا فديتك لاتقول جيه .. هذا نصيبها .. مب بايدنا شي نسويه خلاص ..
سعيد بحزن : مب قادر ارسمها صوره لغيري .. مب قادر .. مالي وجود دونها ..
مزنه : هذي الدنيا والقدر هو اللي يمشينا مب نحن اللي نمشيه وربك كاتب كل شي .. كل شي قسمه ونصيب ..
سعيد :ونعم بالله ..
ومن عقب سارت مزنه ويابت لخوها العشى .. ويلست تاكله بايديها ..
وباجرها خف المطر .. وماتم يطيح الا نفاف .. ومره يوقف بفترات متقطعه .. ومره يطيح .. الرواح .. كل اربيعات ميثه عندها في البيت يباركولها .. كانوا يالسين في الليوان ..
وحمد كان واقف عييدار الدري بحيث انهم مايشوفونه ويسمع رمستهم .. ماقدر يميز مابين الاصوات صوت مزنه ..بهاللحظه شافته يدته ..
يدوه ظبيه :أيا مسود الويه تسمع رمسة الحريم شو تبابهن ..
حمد من شاف يدوته ضحك وشرد فوق السطح ..
ويدوه تضحك وحدرت على قوم ميثه ..
ميثه :يدوه شو فيج تزاعقين ع منوه ؟
يدوه ظبيه تدخل الحجره :اخوج من غيره ..
ومن سارو البنات .. نزل حمد وسار صوب ميثه ولقاها عند يدته .. وتوا بيفتر عنهم ..
يدوه ظبيه: تتصوخ رمسة البنات شحقه ؟
حمد مستحي: لا اتصوخ ولا شياته .. روحي الا كنت يالس هناك ..
ميثه ضايعه من بينهم :يدوه شو السالفه خبرينيه ؟
يدوه تتطالع حمد: فصخت الحيا ياحمد ..
حمد يضحك :ههههههههههههههههه مب بيدي يدوه ..
ميثه تيود وقايه يدوتها :يدووه شو مستوي ؟أريد اعرف ..
يدوه :مدري عنه اتخبري اخوج ..
وافترت له ميثه وشافت نظره الحيا بعيونه .. وهو افتر عنهم بيظهر ..وظهرت وراه ميثه ..
ميثه :يدوه جيه هزبتك كنت تناظر ربيعاتي !!
حمد يتذكر الموقف :ههههههههههههههههههههههههههههههه ..
ميثه :حمد .. عيب هلهم مامنينا عليهم وانته يالس تناظرهم فيهم ..
حمد :ايييه مب انا اللي اناظر بنات الناس انزين ثمني رمستج ..وافتر عنها ..
ميثه تلحقه:ما بخبرك مزنه شو قالت ..
حمد :استغفر الله البنيه مخطوبه جيه تطرينها لي .. خافي ربج اربيعتج هذي واخوها اربيعي ..
بهاللحظه نزلت ميثه راسها بحزن تذكرت سعيد: من قال مخطوبه انا كنت اسولف وياك .. وافترت عنه ..
وتم حمد واقف مكانه يستوعب الرمسه .. وماتجرا انه يسال ميثه زوود .. مب قادر لين اللحين شو يفسر هالشي .. الشعر واكتبه لها والقصيد اعده فيها .. وهالفرحه اللى بوسط قلبي !!!
من ظهرن البنات كل وحده سارت البيت ولطيفه تمشي فالسكه اللي تودي بيتهم .. وتوها بتفتر صوب بيتهم لمحت دخان أسود طالع من بيت بو خليفه .. ماعرفت شو تسوي ..سارت بيتهم ركييض.. وشافت ام خليفه يالسه تنظف الحوي ..
لطيفه :خالتيه العريش يحترق !! وماتريت رمسه ام خليفه عقت عباتها وسارت صوب العريش ..
ام خليفه تثور :يالقعتيه .. المدخن حطيته بالعريش و اليمر لبق عالخوص ..
وبهاللحظه دخل ذياب اخو لطيفه الصغير و ثنينه من ربعه ..
ام خليفه :ولديه رح زقر ولديه خليفه والعرب .. ياخراب الدار ياعوشه ..
لطيفه تحاول كد ماتقدر انها اتظهر القشار من العريش ..
ام خليفه تصرخ على لطيفه :بنتي ظهريه النار بتاكلج ..ظهريه .. برايها القشار برايها ..
ولطوف تحاول انها تشل قشار البسيطه ويعاونوها ربع ذياب .. والنار تمشي سريع وتاكل الخوص اكل ..
وام خليفه بما انها حرمه عوده فكانت تشل الرمله اللى فالحوي وتصبه عالنار بس ماشي فايده .. والنار ماترحم حد قضت على كل شي وخلته اسود .. وتوها لطيفه تشل يونيه الطحين .. طاحت جداها حزمه من الخوص وسدت دربها .. والعرب يتفازعون من كل صوب حد بالرمل وحد بالماي .. من ورا البيت ومن جدام ..
والعرب يصرخون بنيه داخل حد يفازعها ؟؟ بنت منوه هذي ؟؟؟ هذي تريد تجتل عمرها داخله وسط الحريقه ؟؟؟ شوتباها المونه بتجتل عمرها عسبتها ؟؟ومن هالرمسه ..والحريم يتصايحن .. خص ام لطيفه ..
ام خليفه تصيح :ولديه بنت علي داخل .. مادري شو حل ابها !!!!
وخليفه بدون تردد صب عليه ماي من فوق لتحت وحدر داخل وهو شال وياه صطل ماي ثاني .. ولقى لطوف محتميه بالزاويه ومغطيه عليها يونيه الطحين وتحاول تظهر بس مب قادره .. .. ماعرفها .. بس هيه عرفته .. مد لها ايده .. وهيه بعد مدت ايدها .. ومن تشابكت الايادي .. افتر خليفه صوبها غصبن عنه ..ومن اتجدمت صوبه اكثر عرفها .. ماتوقع !! ماحس بعمره ولا يصب عليها ماي .. وهو يناظر عيونها ..
لطيفه شهقت: هااااااا شو تسوي !!!! وتشوف شيلتها
سحبها خليفه وراه بايده وعند ظهرتهم طاحت عليهم حزمه ثانيه ..وخليفه يفتر بكل صوب ماشي النار كلت كل شي باجي نحن .. بهاللحظه افتر صوبها وناظر عيونها ..
خليفه باحساس غيييير :لا تخافين ..
وخى براسها وظهروا بصعوبه .. والحريم التفن صوبها ولحفوها بالعباه ودخلوها الحجره ..
وتم خليفه يتنفس بصعوبه وهو يطالع لمة الحريم وهم يودون لطيفه والعرب يتحمدون ع سلامتة ..
( ميته ضحك وانا اكتب هالفقره اسكتوا هههههههههههههههههههههههههههه )
وعالمغرب الفريج عرف بسالفه الحريقه .. بس مانذكرت الحريقه كثر طاري لطيفه بنت علي وشهامتها بهالموقف .. الكل مدحها وانعجب بتصرفها .. خص الشواب ..
بنفس هاليوم عقب صلاة المغرب الحريم ماوقفن زيارتهم لبيت لطيفه يتحمدون عسلامتها .. وحصه كانت وياها ..
حصه فاجه عيونها وتصاصرها :مسك ايدج صدق يدام خلق الله.. حشى قواة عين ..
لطيفه تصاصرها وبعصبيه: حصووه خافي ربج كنت بنحرق .. وبعدين انا ماحسيت بلمسه ايده .. يولي ..
حصه بنظره شموخ :يولي هاه ..!! ماعليه كل شي بيبين عقب ..
لطيفه رافعه حياّتها :شو يبين !! انا خليفه خلاص نسيته .. لاتتحريني سويت كل ها عشانه ..لا .. عشان ابوه وامه مب سواد عيونه ..
حصه :خيبه .. شو قلنا !!
لطيفه:انتي تحرقين اعصابي بهالخليفه هذا ..
حصه تصاصر اربيعتها: قولي من شفت بميلسنا ؟
لطيفه :منوه؟
حصه :مزيوني .. فدييته بس احسبه مستوي ضعيفون .. شوفته والله ترد الروح .. آآاه ..
لطيفه ساكته..
حصه :تدرين .. هالريال غير .. احس انه لغز .. (وافترت صوبها) ماتحسين انه غامض اشوي .. آاااه خاطريه اكتشف هالغموض ..و اريح عمريه من التفكير به ..
لطيفه تسمعها وهيه مابين تفكيرها بخليفه وميثه وحصه ..افكار مترابطه ..
حصه تتجدم صوبهااكثر وترمس بذون لطيفه بصوت واطي : أحبه موووت .. وتبتسم بحيا ..
وطالعن بعض ..
حصه تهز راسها وبشوق فظيع :والله ..
لطيفه اطالعت عيونها وابتسمت لها ..وحصه نزلت راسها مستحيه اول مره تقولها من الخاااااطر ..
وحده من البنات :شو فيكن ترمسن جيه ..؟
حصه تبتسم :ماشي ..
واشوي ولا وحده من البنات دخلت عليهن الحجره وتخبرهن انه بنات سعيد ين ..
لطيفه تنش :والله !!!
حصه تعدل شيلتها :فديتها ميثاني ..
ومابقى غير يوم .. الاربع والخميس الملجه ..
ميثه هلها خلوها تنش من الصبح .. ويت بنيه تعرف تحني ويلست تحني ميثه .. وميثه كارهه عمرها اول مره ماتبا تتحنى .. وعفره اختها تحني الصغاريه ..
ميثه :يدوه مب لازم تحنون ريلي الا هيه ملجه ..
ام حمد :حي .. خواتج بملجتهم حنو ايدهم وريولهم ..جيه انتي غير ..
يدوه ظبيه : خل عنج البزا .. وغدي حرمه .. ماحيدج تبغضين الحنى !
ميثه :يدوه دخيلج .. مب قادره استحمل ..
بهاللحظه حدر عليهم ابوها .. ومن شاف ميثه استانس .. وميثه من شافته نزلت راسها ..
بوحمد: ها الميث شو فيج .. محتايه شي ؟
ميثه ترفع راسها صوب ابوها : سلامتك فديتك ..
ام حمد :بنتك بطرانه ..ماتريد تحني رويلاتها ..
ابتسم بو حمد وافتر صوب امه ..بوحمد :الغاليه صناديق الخضره بتوصلكم اريدكم ترتبونها في العريش .. انا بروح اشوف الذبايح ..
ام حمد :ان شاء الله فديتك ..
يدوه ظبيه: لاتحاتيه ..
واشوي ومزنه وشمه حدرات عليها .. ويلسن وياها ..
ميثه :ماشاء الله عليكن .. احس انج بتنسيني وهالطفسه بتاخذج عني ..
مزنه تضحك :ههههههههههههههه فديتها شمامي .. شيختنا ..
شمه فرحانه وميوده ارداف مزنه ولاصقه ابهم :أحبج ..
ميثه تتطالع اختها :لا والله !! سيري سيري شلي الهنوف تصيح ..
مزنه تتطالعها :شخبارج ؟
ميثه بحزن: الحمدلله .. بس تدرين احس بدوخه ..
وخطفت من عندهم مريم وهيه تحطي الفواله في الليوان ..
مريم:اشحالج المزوون ..؟
مزنه:ابخير ربي يسلمج ..
مريم :قربي .. واربيعتج مب راضيه تاكل شي .. دخيلج رمسيها ..
مزنه افترت صوبها :ميثاني ..
ميثه تترجاها : دخيلج مزنوه .. والله مالي بارض لاتغصبوني ..مابا .. وافترت عنها بضيجه ..
ومزنه كانت تبا ترمسها بس مب قادره لانه البنيه اللى تحنيها حست انه ميثه فيها شي ..
وتوا بياذن الظهر مزنه نشت ..
ام حمد :بنتي صلي ويانا محد غريب عدنا تمي ويه ميثه ونسو بعض ..
مزنه :فديتج خالتيه .. بفازع اميه .. وابويه بينشد عني وعقب بيحتشر ان شافني مقيله خاري البيت ..
ام حمد: محد عدنا .. حمد يفازع ابوه مايرد الا العشى ..
يدوه ظبيه :هيهاااا هذي البنيه مب شرات شميم (وتاشر ع شمه) ترد البيت عقب المغرب ..
شمه من بعيد :شوه شوه سمعت اسمي ..
يدوه :سلامتج ..
وظهرت مزنه .. والعصر غسلت ميثه ايدها وريولها ..والكل عيبه الحنه خص عايدها البيضه والنقش حول صبوعها الطوال طالع غاوي ورهيب ..
والعصر دخلت شمه حجرة ميثه ولقتها يالسه تكتب شي .. وعقب دسته ..
شمه تتطالعها :يودي .. هذا من عند سعيد ..
ميثه تتطالعها وبخوف:شو سعيد !!!
شمه تيلس صوبها : سعيد بن راشد ..يودي .. قالي لاتخبرين حد اني مطرش هذي لميثه .. يودي ..لاتخافين مابخبر حد .. والله حلفت ..
ميثه تتطالعها وبخوف:هيه هذي ..مالت مزنوه اكيد اخوها طرشها وياج ..
شمه:ماادري هو قالي اعطيج اياها .. انا بظهر تبين شي ..
ميثه :وين بتروحين ؟
شمه :بروح ويه الدماني بيت راشد مزنووه تلعبنا ..
وميثه فتحت الصندوق بلهفه مب طبيعيه .. ومن فتحتها ماقدرت تمنع دموعها غصب عليها والله ..
تعال خذ مني هداياك .. وباقي الصور وأغلى المكاتيب ..ماعـاد تنفعني بلياك .. وجودهن عندي تعذيب .. يكفيني أتسلى بذكراك .. دامك نويت تـصد وتـغـيب ..أوعدك طول العمر ماأنساك ..حتى ولو حطمني الشيب .. ما ينكر طيبك وحسناك .. وأنا أجازي الطيب بالطـيب .. لولاك ماحبيت لولاك .. ولا عشت في دنيا المحابيب .. شفت الهوى والطيب وياك .. بإحساس وأقوال وأساليب .. الله يسمح لك نواياك .. ويحفظك عن كل العذاريب .. أوادعك وآتامل ارضاك .. محـد حبيبي يعـلم الغيب .. وان مت اذكرني بدعواك .. وشوف الصور واقرا المكاتيب .. وتعال خذ مني هداياك .. وباقي الصور واغلى المكاتيب ..
*للتنويه :كلمات الشاعر الأماراتي يمعه بن نايم الكعبي ..
ومن عقب هالصندوق ميثه انهارت نفسيتها .. وخص عقب ما دخلت عليها يدوتها تخبرهاانها ماتظهر لانه ولد راشد يحدر الخضره في العريش .. زادها هم وهم .. مب قادره تستحمل خلاص .. العبره خنقتها وواصله لين بلعومها مب قادره ..
سارت صوب الدريشه وفتحتهااشوي اشوي .. وعقب استغفرت ربها لانها خلاص عذمة ريال .. بس مب قادره تمنع دموعها ..
وسعيد يسوي كل شي من خاطره لجل حبيبته وهو مؤمن بقضاء ربه .. وكان متماسك ويتصرف طبيعي وهالشي اللي استغرب منه خليفه ..
خليفه :سعيد خل الصناديق .. انا والربع بنتولاها .. رح انته ..
سعيد يناظره :ليش ؟
خليفه :مثل ماقتلك رح شوف بو حميد شو يريد يمكن محتاي شي ..؟
سعيد :خليفه .. اذا انا احاول انسى تراك انته تزيد عليه همي ..
خليفه يشل الخضره :ع راحتك ..
وميثه ميته من تصرفاته ..ياربي ليش جيه يسوي بعمره !!!!!ليييييييش !
وخليفه كلم ابوه بيخطب لطيفه .. ولطيفه من درت ..انصدمت ..
لطيفه :لا والله !! ليكون خطبني لاني ظهرت قشارهم خاري العريش ..
حصه : لطووووف بذمتج هاي رمسها ترمسينها ..شو تبين ؟؟ اللي تحبينه يا بنفسه من عقب ما فقدتي الامل يا وخطبج ..
لطيفه تفكر وتتذكر رمسته :ليش نسى الرمسه اللي قالها .. انا شو كنت بنظره ..؟؟
حصه :لطيفه خلاص انسي اللحين هو عرف جيمتج .. وصدقنيه انه متحسف على كل كلمه قالها بحقج ..
لطيفه تنزل راسها :حصووه انتي ماحسيتي بلي انا حسيته او بالاحرى ماجربتي الاحساس ..من قالي ذيج الرمسه ..(ومررت طرف صبوعها عيونها) ماريده .. وماريد اذكر رمسته .. صدقنيه قلبي لحد اليوم ينزف ..
حصه عيونها تدمع وبحزن:والله ياليت سعيد يدريبي .. (ويلست عالتكيه) ..وسارت لطوف ولمتها بحظنها ..
لطيفه بصوت شبه واطي:حصووه مب ريال اللي ينزل دموعج ..
حصه تصيح :لطووف سعيد مب أي ريال ..
لطيفه:خلاص انزين هدي ..
وميثه بعد ماصلت العشى رقدت من التعب ولاتعشت ..
وقايد شال البقعه شل .. والوناسه مب واسعتنه كل مره يروح صوب امه ويخليهاادخنه ..
ام حميد :ماحيييد حد من عيالك سو شراته .. هذا من عليه طالع ..؟
بوحميد :طالع ع خواله ..
ام حميد : الا طالع عليك انته محد غيرك .. اخوانيه ما حتشرو من عرسو ..
بوحميد :هه .. تتحرنيه احتشرت عليهم من خذتج انا !!!
ام حميد : محد قال جيه انا روحي مابغيتك من رمسنيه ابويه رحمة الله عليه ..
بوحميد:خل عنج يومين والخبر وصلني انج تبيني .. واخوج مصبح هو اللى رد لي الخبر .. هذا اللي ولدج ظاهر عليه ..
ام حميد:وش تباه مصبح انته؟
بوحميد:عيل اخوج بومحمد ياخذ ويطلق ..
ام حميد :لا حول ..شو تباه اخويه مصبح انته !!!!
بوحميد ينش عنها: جان خذت عليج ثلاث ..
بهاللحظه حدر عليهم عبدالله :شوه عيايزنا يتواجعون ..!
بوحميد :هذي امك ماعندها رمسه .. تعال انته رمسة المليج ..؟
عبدالله :لا ابويه وصيت غديّر يخبره ..وقايد روحه مخبرنه من قبل ؟
وسعيد جفاه النوم .. خلاص باجر ميثه بتستوي شي حرام عليه حتىالتفكير بها محرم عليه .. ماقدر يرقد .. لبس الازديري(الفانيله) وظهر خاري .. سار فوق البيت .. يتامل البحر ..
يخـايـل نـاظـري طـيـف الحـلامـي اذا مــا مــرّ لــي م اللّـيـل زامــي
عطيـب القـلـب مـجـروحٍ رمـانـي زمانـي بـيـن واش وبـيـن رامــي
تحمّـلـت الـــوزا بالـصّـبـر حـتــى رثيـت الحـال مــن مثـلـي يـلامـي
وانـا مـن هاجسـي جـنّـي غـريـج إبّـحـرٍ لــجّ بــه محـمـل غـرامــي
صـواب القلـب مــا ظـنّـي يـهـون ولا يبـرى وجــرح القـلـب دامــي
كـرى عيـنـي وشـربـي والمـقـات ثـــلاثٍ يـعـلـن عـنــدي حــرامــي
وضــوّا لــي هـمـومٍ لـــو تـولّــت جـبــال الـشــام خلّـتـهـا عـدامــي
فـهـل كـيـف التّصـبّـر يــا حبيـبـي ولـي مـا بينـكـم عـهـد وذ مـامـي
ولــــي قــلــبٍ تمـلّـكـتـوا هــــواه شرى ما الخيل يملكهـا اللجّامـي
وانــا مــن عقبـكـم جـنّــي ربـيــط بحبـس القيـد فـي بـرزخ مهـامـي
وحـــيـــدٍ لا لـــزيـــم ولا نـــديــــم ولا خـــلّ يـنـاشــد وش عــلامــي
ولا مــن مـعـطـيٍ عـنّــي جـــواب ايلي من شاف حزني وانهضامي
لــحــا الله الـلّـيـالـي كــــم فـيـهــا يشـوف الحـرّ نقـصـه والتّمـامـي
زمــانٍ يــوم انـــا جـنّــي غـريــر بـعـزّي بـيـن جـاهـي واحتـرامـي
حبيـبـي فـيـك ذلّـــي وانـكـسـاري وعـــزّى الـتّـرفّـع فـــي مـقـامـي
وراحـاتـي وروحــي مــن هــواك وكيـفـاتـي وجـبــري وانحـطـامـي
وشفّـي لـك وشوفـك لـي نصـيـب وموتـي فيـك تحـيـا بــه عظـامـي
اذا مــا كـنــت لـــي خـــلّ حـبـيـب فمن يمشي علـى الدّنيـا حطامـي
انـــا بـرضـيـك بالـعـهـد الـوثـيــج ولــــك بالله حــبّـــي والـتــزامــي
على انّي لـك مطيـع وفـي هـواك شرى الملوك فـي حـق العمامـي
ايلـي هبّـت مــن الـقـرب النسـيـم بدهـن العـود تحمـل لـي سـلامـي
علـى مـن فـي حشـايـه موطنـيـن خـيـار الـنـاس عالـيـن المقـامـي
ولــي فيـهـم مـحــبّ مـــا يـحــول وداده لــو بـعـد تسـعـيـن عـامــي
حسـيـن الــدّل محـمـود السجـايـا عزيز النّفس على طرق لوهامي
غـــنـــاويّ أغــــــرّ الـوجـنـتـيــن هيوبٍ له على البيض احتشامـي
تـحـلّـيــه الـسـكـيـنـه والـــوقـــار ايلـي مـا فـضّ منطـول الكـلامـي
يلاقـي الزّيـن مـن طيـبـه ابـزيـن ومن شـرواه يخلـق فـي الأنامـي
أيـا يــا يـوسـف الحـسـن البـديـع أنـا يعقـوب هجـرك فـي مظـامـي
وعــن ذا الـنّـون بلـوايـه تـهـون ومثـل ايّـوب طـال ابـه السّقـامـي
تــرى مــن ذاق لـيـعـات لـفــراق يعرف انّ الهوى صعب المرامي
فـلابــدّ المـصـايـب مــــا تــهــون ولو تصبـح شـرى مـويٍ طوامـي
ولـي نفـسٍ علـى البلـوى صبـور عسى انّ الخير يجعل لي ختامـي
وصـلّـى الله عـلـى خـيـر البـرايـا ســراج الـديـن شـفّـاع الانـامــي
تــعــمّ الآل والـصـحــب الــكــرام عدد مـا نـاض بـرقٍ فـي غمامـي
*للتنويه:الشاعره الاماراتيه فتاه العرب ..
تم لين الفير .. مب حاس بالوقت اشوي و المطوع ياذن وينادي بالصلاه ..الصلاه خير من النوم ..

هاليوم ربع ميثه كلهن مرتبشات .. خص حصه لانها محطيه فبالها بتشوف سعيد ..
حصه تظهر من حجرتها.. وهيه مستانسه .. مر عقاب ولا سلم ..
حصه : غريبه .. شو تسوي هنيه المفروض تكون عند العرب ؟
عقاب :مب شغلج ..
سكتت حصه وسارت بيت لطوف وذياب وصلهن بيت ميثه ..
..عالضحى بيت قوم ميثه انترس .. وميثه تحس بعمرها ميهوده بس ماخبرت حد .. لبست ثوب وحطت المرتعشه والطاسه .. وشعرها فالتنه .. والجحال كان موسع عيونها زوود .. كانت أحلى بنت تشوفها كل عيون .. الكل منبهر بجمالها .. كانت حلوه واللي محليها اكثر هدوءها اللي ماكانو يتوقعونه منها ..خص خواتها .. كانت يالسه فحجره امها وخاوتها وربعها وياها .. وكلما تشوف مزنه ودها تصيح .. بس مب قادره ..
ميثه :عفره شلوا الطاسه راسي يعورني منها ..
عفره ميوده المدخن: لا ماشي خليها عاطتنج حلا مب طبيعي .. وظهرت ..
ميثه ادور أي حد تكلمه الكل مشغول حتى ربعها يرمسون بصوب .. ومن عقب زقرت وحده من البنات تزقرلها مزنه ..ومن يت مزنه ..
مزنه :شو فيج؟
ميثه :تعالي خل عنج الشغل الحريم بيسوون كل شي ..
مزنه تضحك :ههههههه فديتج ..شو فيج ؟
ميثه تتطالع ايدها :هو وينه اللحين ؟
مزنه تتطالع عيونها :الميث حرام .. انتي خلاص عذمة ريال ..
ميثه عيونها ادمع :مزنه حرام عليج .. منزمان ماتخبرت عنه ؟
مزنه تنش: ميثوه اذا مب عشان ريلج .. على الاقل قدري هله ..اللي هم عمج وعمتج ..
ميثه صخت وتمت ساكته ومزنه ظهرت لانه يدوه ظبيه زقرتها ..
وكل اشوي تفتر وتشوف الكل فرحان ويضحك .. الا هيه تتقطع من الداخل وماحد حاس فيها ..
واشوي و اختها مريم ظهرت الكل من الحجره وخلت ميثه روحها ..
ميثه بتعب:ابا ماي ..
مريم:ان شاء الله يالعروس ..
وعقب نص ساعه دخلن عليها امها ويدوتها وعقبها دخلن خواتها وخبروها انه المليج وصل.. بيسالها .. وميثه من سمعت جذيه .. سكتت حست بهاللحظه الدنيا ادور بها .. مب قادره تثبت عمرها .. حطت ايدها اليمين مابين عيونها وحياّتها .. تحس بدوخه .. بطلت عيونها شافت الكل مشغول عنها ولا حد منتبه لها .. تحس براسها يدور تشوفهم اكثر عن اربع ويوه .. مب قادره تشوف بوضوح .. وخواتها مشغولات عنها بصوب ..
ميثه تحط ايدها عراسها وبصوت واطي :أبويه ..
و طاحت مغشي عليها ..البنات افترن صوبها وصرخن .. ومريم ربعت تخبر امها ويدوتها ..
عفره تشلها من الارض وتباغم :يدوووووووووووه .. امييييييييييييييييه لحقوني ..
سلامه تصيح :عفره شو فيها .. عفره شو فيها ميثه ..
..
....؟


تلع لعناق
 
عودة
أعلى