- عفاري ، ما تم شي في الكورس... باجي بس شهر وكم من اسبووع
نفــــــــاد نفدهم ،،،
- ها أملي الوحيد في العيش !
- شوووووو..؟ شو عندج انتي شو بلاج.. أحسبج وايد تتشائمين.. ما احيدج جذه قبل.. عافانا الله منج.. شو فييييييج..؟
- مافيي شي .. اللهم إني بتملل يوم بكون في البيت بدون شغله ولا مشغله !
- انتي ما بتعرسين شهر 7 ..؟
- لا بأجلــه ،، شو ها توى الناس ع العرس...
- صدق ما عندج سالفه ،،،،،،
- ابا اتزهب عدل بلاج انتي ... لا تغصصيبي زياده ..
- برايج .......... والله ..
سكتت عنها عفرا ،، و في الكلاسات كالعاده تسرح فطيم ،، وتروح في عالم ثاني ،، وفي هاي اللحظه وصلها مسج من خالد...
عقب يومين ردوا لهم النت ، فطيم ما اشتاقت للجات والسوالف كثر ما اشتاقت لسعود وسوالفه ، مر على وجود الكمبيوتر 3 ايام ،، ما قدرت فطيم تيود عمرها أكثر ، قامت و طرشت لسعود رساله ، وطلبت منه انه يدخل خلال ها اليومين ، تبا تكلمه بموضوع.............
تفاجئ سعود من الرساله ، ما كان يتوقعها أبــــــد ،، (أخيرا فطيم طرشت لي رساله ، بس جنه فيها شي ، ليكون تباني خلاص،، أكيد ملت من الصبر والعيش بدوني ،، ايواااه يا سعوود جيه انته ريال وسيد الريايل ،، الي ما قدروا عليه شباب الجات قدرت عليه انا ... يا سلاااااااام عليه
باجر ببشر الجماعه برسالة فطيم ! )
دخل سعود عقب يومين الماسنجر العصر الساعه 5 مثل ما اتفقوا ،، بس ما شافها أونلاين ،، وعقب خمس دقايق دخلت ..
- هــــــلا والله
- يا هلا فيك ، شحالك..؟
- بخير طاب حالج ،، وانتي ..؟
- الحمــد لله ... ( كان فقلبها وايــد كلام تبا تقوله اياه،، بس من شافته نست كل شي ، نست كل الي فخاطرها ، ونست حتى كيف سبب لها جرح ! )
- ها.. وشو تسوين بعد..؟
- والله ماشي ،، يالسه عند الكمبيوتر ، وعند المنتدى الي تعرفه ، و ماشي شغله ، وانته..؟
- لا تجلب السالفه ،، أنا إلي مب ع بالك أصلا ، وكل إلي كنت تقولي اياه جذب فجذب..
- وبعد طلعي الي فخاطرج..؟
- (استغلت فطيم الفرصه ، وقالت كل الي فخاطرها ) سعود إنته عمرك ما حبيتني ،، وعمرك ما بتعرف الحب ،، تدري ليش .. لأنك طلعت واحد من هايلا السفهه ،، إلي مافي بقلبهم رحمـــه ، وما تهمهم السمعه ابد ،، ورغم ها الشي بعد طلعت ياهل...... وللأسف مب بالعشرين بعد.....
- منو قالج .. أبا اعرف منو إلي اييب لج الأخبار هاي.. كلها جذب فجذب، ومالها أي صحه ،، إنتي كيف طاوعج قلبج تصدقينهم..؟!
- ^__^
- ابا اعرف انتي ترمسين حد غيري..؟
- شو تتحرى كل الناس مثلك..؟
- فطيم..... وايد جرحتيني برمستج ، ما عهدتج تصدقين مثل ها التفاهات.....
- بس كنت منهم وفيهم.. تافه مثلهم... !
- والحينه.. شو تبين مني عيل.. يوم اني تافه وصغير.....؟
- ما ابا شي الله يوفقك بحياتك ،، بس بقولك شي .. إن الي يلعب يلعبون عليه ،، والله يمهل ولا يهمل....... الله يسامحك على كل شي ..
- فطيم .. والله حبيتج..
- بعدك تبا تلعب عليه ،، صدق ان قلبي عاطفي وضعيف ،، بس ها مب معناه إني مال مقصه....
- فطيم .. أدري أني صغير و وايد اصغر عنج ، ووايد باجي لي الين ما اكون قد المسؤوليه ،، بس ها مب معناه إني قصيت عليج ،، يعلم الله اني أعزج معزه ماعزيتها لحد قبلج ..
- والحينه..؟ شو الفايده...
- انخطبتي..؟
- هيه .. وملجت بعد .. وجريب العرس
- الله يوفقج .. ما بتعزميني..؟
- هه.. خلك فبريطانيا ...
- فطيم عاد لا تحرجيني زياده ،، والله اني مستحي منج ، تكلمين ريلج..؟
- يهمــك تعرف يعني..؟
- هيه ..قولي ..لا تذبحيني الله يخليج..
- لا تضحكني الله يخليك.. سؤالك سخيف ، وماله معنى ، يعني أي وحده بتملج بالله عليك ، ما بتكلم ريلها..؟
- أها .. ما شاء الله .. ريلج ..
- الظاهر اني لازم اظهر ،، مالي حق اكلم ريال غريب .. تامرني بشي..؟
- فطيم كيف يهون عليج تخليني بها الطريقه،، فطيم صدقيني احبج ،،
أعشقـــــــــــــج ..
- ها الكلام احينه ما منه فايده ، اسمح لي ..
- كيف يهون عليج بعد ها العشره تصدقين مثل ها الكلام..؟!
لا تعوريلي قلبي الله يخليج ..
- بعد فيك مرض القلب..؟!
- فطيــــم بس أباج تحسين فيني.. ارجوج.. بتنسيني فطيم..؟
- أكيد..
- فطيم .. أنا لا يمكن انساج ، ولا يمكن أنسى مواقف كنتي فيها تضحين عشاني ، وفيها كنتي تسوين المستحيل عسب تيلسين تسولفين ويايه ،، ما بنسى حبج أبــد.. ما بنسى كيف كنتي تنسيني همومي
- شو تبا مني انته..؟ ما يكفيك اني اتعذب طول ها الأيام ، ليش تقولي ها الرمسه.. عسب تزيد عذابي.؟ عسب تحرق اعصابي ، عسب يرتفع ضغطي...؟ لو اهمك خلني اظهر احينه ...
- فطيم أحبج موووووووووت
- سعود خلاص انتهى الموضوع.....
- لو ما كنت صغير كنتي بتحبيني.؟
- همممم ، ليش لا.. !
- اعرف انج تبين تقهريني..
- وأتمنى من كل قلبي إنك انقهرت.......
- إذا كان يسرج ،، فيكون بعلمج انج قهرتي بي....
- ع العمووم إلي صار صار ،، وأنا أستاهل ،، كان المفروض إني ما أصدق أي واحد سخيف من النت ،، كان المفرووض إني ألبسك من البدايه واخليك بحالك .. بس هذا هو القدر.. وأنا راضيه بالي انكتب لي.. والحمد لله إني ما وصلت لدرجة الهبل،، والضياع...........
- فطيم كيف يطاوعج قلبج انج تنسيني بها السهوله ، ولا جنه شي صار بينا..؟!
- الحمدلله ،، ماصار شي....
- فطيم قلبج استوا جاسي مثل الصخر...
- بعد ما انجرح جرح أبد أبد ما يندمل،، يالله أنا لازم اظهر الحينه ، مالي حق اكلم واحد غريب ...
- وتخلين (L)ـلــب سعـــود بروحه...؟
- قلت لك مع السلامه واسمح لي على كل شي .....
والله يعطيك على قد نيتك .. فمان الله
طلعت فطيم وهي منقهره ، مب عارفه شو تسوي ، قلبها دق مره ثانيه ، دق مشتاق لسعود وسوالفه ، دق بعد ما بين لها سعود حبه لها ولكنها رغم ها الشي ما رضت انها تخون ريلها بمشاعرها ،،،
سعود حاول يستغل كل الفرص عسب يردها له ، وعسب إتم عنده ، فعلا حبها بس لا يمكن انه يفكر بها كزوجــه ، وكأم لعياله ،،، كان يحاول انه يستحوذ ع قلبها ، و يكون معاها على اتصال ، بس تمت مشيئة الله ، وصار الفراق..........
وانتهى كل شي بينها وبين سعود...
طلعت من غرفتهـــا ،، وهي ناويه إنها ما تذرف دمعة على انسان ما يستاهل الحب والتضحيــه ،، على انسان مثل سعود ،
طلعت وهي تقول (كل الرياييل نفس الشي،، ما يختلفون عن بعض أبد )
في البيت دق التلفون ،، جان تشله فطيم
- ألوه..؟
- ألوه السلام عليكم ،،
- وعليكم السلام ......
- وين حفصه..؟
- لحظه شويه ،،،
سارت تزقر امها ،،
- ألوه مرحبا
- مراحب يا هلا ،، اخبرج حفصه
- هلا حليمه (أم راشد).. آمري
- السموحه منج بس مب عارفه شقا أبدا....؟
- خير شوفي .. تكلمي.. شو مستوي..؟
- ( ونبرة صوتها حزينه ) ريل بنتج ،،، خالد
- خلوود شو بلاه..؟ شو بلاه خلووود..؟
- والله ما ادري بس يقولون انه مسوي حادث اليوم العصر ، و هو الحينه في المستشفى ، وحالته خطيره........
- شووو..؟ منو قالج ..؟
- والله هذا إلي سمعناه ،، ويت اخبرج لأنج عمته ولازم تشوفين ريل بنتج...
- (وهي تصيح ) وابويييـــــه ..خير اللهم إجعله خير يا رب ,,, وين ..؟ في أي مستشفى الحينه هو..؟
وفي المستشفى، عند غرفة خالد ، كانت وضحه يالسه ويه ريلها وولدها ،، سارت حفصه صوب الحرمه،،
- السلام عليكم ، خير شو مستوي يا ام خالد..؟
- ( وهي تصيح ) وعليكم السلام ... والله ما أدري ،، ادعوا له الله يخليكم .. الله يخليكم ادعوا له ، ولدي ما ادري شو بيصير فيه ،، وشو مصيره الحينه ،،من ورى ها الحادث المشؤوم
- إذكري الله يا وضحه اذكري الله ، وإلي الله كاتبنه بيستوي.....
- والنعم بالله.....
- لا حول ولا قوة إلا بالله ،، منو الي داعمنه..؟
- واحد سكران ومات..
- الله يرحمه اذا كان مسلم
- الله المستعان ......
عقب شوي ظهر الدكتور و طلب منهم إنه محد يدخل ع المريض ، عسب يرتاح ، و طمنهم على ان الاصابه ما كانت بالغه،،،
وضحــه : الحمد لله ،، بشرك الله بالجنه يا الدكتور ، و شو كانت الاصابات..؟
الدكتور : رغم إن الحادس كان أوي إلا أن ربنا ستر ، و جت سليمه الحمدلله ،، كسر بسيط في ايدوه ،، و آلام بسيطه في جسموه بسبب الحادس الاوي ده...
سعيد (ابو خالد) : الحمدلله على كل حال ،، نقدر نشوفه..؟
الدكتور : بوكره ،، إزا الله راد ، لأنو اليوم فيه بنج وهيصحى بوكره ان شاء الله.....
وضحه : لا أبا اشوف ولديه اليوم...
الدكتور : يا مدام ،، صحة ابنك أهم من كل شيء ، انتي روحي بيتك النهارده و لما يجي بوكره يبأه تعالي ، مافيش مشكله عليه....
حفصه : مشكور يا دكتور ، طمنتنا الله يطمنك ان شاء الله،،، يالله يا وضحه سيري البيت انتي اليوم ، وارتاحي ، وان شاء الله خير....
وضحه : ان شاء الله يا رب.. مشكور يا دكتور......
الدكتور : العفو ماعملتش إلا الواجب........
رجعوا كلهم البيت ، إلا حميد اخوه العود، معرس وعنده بنتين
( فطيم أول ما سمعت بالخبر انصدمت ، ما عرفت شو تسوي ، لبست عباتها وسارت ويا امها ، وعقب ما تطمنت عليه تمت طول الليل تدعي له بالشفا و تقرا قرآن
وجان تقول "ها عقاب من الله ، بسبب الي اسويه ،، يا ربي سامحني ، ها الانسان ماله ذنب ، ابليني أنا ولا تبليه " تمت تستغفر ربها ، و نوت انها تتوب عن سعود
صلت الفير و ارقدت)
وفي اليوم الثاني ، طلبت فطيم من امها انها توديها المستشفى عسب يزورون خالد،
العصر الساعه اربع ونص سارن هي وامها ويه ابوها المستشفى
كان في الغرفه اخته عواشي وامه ، أما ابوه فطلع عقب ما سلم على ولـده ،
بو خالد : هلا بو عبدالله ، ( و توايهوا بالخشوم )
بو عبدالله : هلا فيك ، حمد لله ع سلامة ولدك خالد ، ما يشوف شر ان شاء الله
بو خالد : الله يسلمــك من الشر ... قربوا قربوا يا الحريم ، تفضلوا ،،
ام عبدالله : دام فضلك بوخالد،،،
فطيم : السلام عليكم عمي ... ( وسلمت عليه وباسته ع راسه )
ها المره يايبتلكم جزء طوووويل والأخير ان شاء اللـــــــه ..
واتمنى انه النهايه تكون عايبتنكم .. والسموحــــه ع التأخيـــر ...
عمر جديد ابتدى في حياتي
"الجزء الثامن والأخير"
تموا يتعارفون على بعض أكثر ،، ورغم انه ما كان يروم يرمس ،، إلا انه كان يسولف ،، حاب يسمع صوتها ،، لانه الدوى الشافي بالنسبه له....
وعقب ساعه من السوالف سكر عنها عسب تجابل دروسها ..
كانت هاي أول وآخر مره يرمسها ها الكثر ،، لانها عقب ردت لحالتها ،، ما تدق إلا بالنادر ،، ويوم تشوف رقمه ما تـــــرد ، وكان يزورهم في بيتهم ،، ولكنها ما تطلع له ،، بس كانت تسلم عليه ،، وتظهر عنه......
طلعت نتيجة فطيم ،، والحمدلله نجحت بتفوق ،، و خذت الشهاده الكبيره ،، و تزهبت للعرس
وفليلة عرسها طلعت غير عن الكل، بالجمال وبالحلاه ، تشبه البــدر يوم يكتمـــل !
عقب العرس ساروا فطيم وريلها بيتهم ،، و هو عباره عن ملحق بسيط في بيت "ابو ريلها" ،، فيه صاله ، ومطبخ وغرفتين وفي كل غرفه حمام..
ياب خالد العشى عسب يتعشون ،، بس فطيم ما طاعت تاكل شي ، وقالت له انها تعبانه ، يومين ما رقدت ، و بتنام احينه ،
تم خالد مستغرب ، بس تفهم شعورها ، و ما قال لها شي ،، وراح رقد في الغرفه الثانيه عسب ما يسبب لها ازعاج !
تم يفكر بها ، وفخاطره يقول ( معقوله ؟! أنا الحينه وياها ! اللهم لك الحمد والشكر ، من النادر يصير إن الي يحب ياخذ محبوبته ، ما استوت لقيس وليلى ولا جميل و لبنى، يالله ما شاء الله عليها قمر ، وأحلى بوايد عن قبل ،مب مصدق إنها هي فطيم الصغيره ، إلي كانت تلعب بالطين وماي المطر .. الحمد لله ..مثل ما قال رب العالمين" الطيبون للطيبات " وهي طيبه وبنت حلال ... هنيالي )
كانت طفله ..
جميله ومدلله ..
كانت صغيره ..
مع عيال الجيران
تسرح وتمرح
وبالطين تلعب
وبماي المطر تتمرغ
و تسبح...
ببراءتها انشغلت
ومن اول نظره
و ابتسامه
و كلمه ..
تعلق قلبي فيها
بدون ما احس
بدون ما ادري
بدون ما اقصد
وهذا انا
صاير متيم ..
حالي مستهيم
عاشق وصابر
وهميم
لكـــــــــــــــــــــن،،
كلي أمل انها لي بتخضع
وتجيني
تكلمني .. وأكلمها
وبعينها أكبر
ونعشق بعض
اكثر واكثر
عندي أمـــــــــل
فمثل ما تشرق الشمس كل يوم
لابد تشرق شمسي فيوم
وتبتسم لي ..
وتتعلم الحب مني
وأعلمها قد ما اقدر
محبوبتي فطيم
محبوبتي يا عشق الطفوله
في اليوم الثاني نشت فطيم ، وصلت وقرت قرآن ، دورت موبايلها بس ما حصلته ، فشافت التليفون في الصاله ،، يت بتشله ولا تشوف خالد بويهها ،،
سلم عليها وهو مبتسم ،،
- هلا صباح الورد..
- ( ردت عليه وهي منزله راسها )أهلين صباح النور....
- شحـــالج..؟
- بخير ( وهي مستحيه ،، مب رايمه تتنصخ بحرف )
خالد كان فخاطره انها ترمس ،، لكنه تفاجئ إنها دخلت غرفتها و صكت الباب ،، يته ضحكه ،، و سار صوب غرفتها ، ودق الباب
- افتحي اباج بموضوع...
- تعبانه ،، ما رقدت طول الليل
- أوكيه بخليج ترقدين بس حاب اقولج شي ...
- انزين قــول..
- اقول وانا عند الباب.. شو قالوا لج عني طلاب ..؟
فتحت له ..........
- هممم أوديج العياده..؟
- لا ما يحتاي..
- أها... شو بلاج مطقعت لي ع الآخر..؟ حتى قبل ايام الملجه ولا مره فكرتي انج تدقين عليه،، إلا كم من مره ينعدن ع الاصابع ،، وحتى انج ما كنتي تطولين ،، لها الدرجه مستحيه..؟! ولا..؟
- ولا شو..؟
- فطيم إذا بخاطرج شي تقولينه قوليلي إياه ،، ولا تتردديــن أبد... (بكل هدوء وعقلانيـه)
- لا ماشي ،، بس خالد اتمنى انك تفهمني .. أنا مب...
- مب شو ..؟ كملي..؟
- أنا مب متعوده عليــك ،، فأتمنى إنك ما تتسرع بالحكم على تصرفاتي،، وتاخذني ع قد عقلي ،، و تقدر مشاعري ...
- أوكيه بقدر مشاعرج ،، بس ممممم لين متى..؟
- ----------
- مشاعري مالها أي قدر عندج..؟!
- خالد عاد.. لا تعقد الموضوع..
- هممم خلاص إلي يريحج حبيبتي،، وإذا بغيتي شي مني ، لا يردج إلا لسانج .. مع السلامه
كان يرمسها بذرابه ،، و عقلانيه ،، عسب ترتاح له وما تخاف منه ،،، و قبل ما يسكر الباب قال لها ..
- هممم ،،بخليهم يزهبون لج الريوق...
ابتسم وسكر الباب.......
تمت فطيم مستغربه من مواقفه ،، ومن ردود افعاله ، "معقوله شي رياييل بها الزمن فيهم مثل ها الأخلاق،، والشهامه و بغيرهم يحسون ..؟!"
شوي وجان تدق لربيعتها عفرا ... وتقوللها عن الي صار ،،
- فطيم ،، صدق والله انج هبله ، وما عندج سالفه ،، ليش تسوين جي في الريال..؟ والله انج حركات ،، لو كنتي ما تبينه جان خليتيه ،، بدال ما تبلينه جذه ، وتعذبينه فقير....
- والله حركاتي مب مقصوده ، أنا وايد مستحيه منه ،، وخايفه ..
- مستحيه وخايفه ..؟ من شو يا دلي..؟ يا ماما الريال مب وحش عسب تخافين منه ،، ولا عسب بعض الناس يعني..؟
- أي بعض الناس.؟ شو تقصدين من كلامج.؟
- إنزين بلاج .. الله يهداج يا فطيم ،، صدقيني الريال شارنج..
- وهذا إلي محيرني !
- محيرنج.. محيرنج من شو يعني.. ؟!
- يعني ما ادري كيف أقولج ،، بصراحه ..ما أعرف ..يعني ، أحس إنه غير عن كل الشباب ،، هذا صدق ريال !!
- هههههههه والله انج عجيبه غريبه ،، على قولة المثل ، أسمع كلامك يعجبني أشوف أفعالك استعجب !
- عفااااااااري .. عن التنغيــــــــــز ،، قوليلي الحينه شو اسوي..؟
- هممم انطبني ..
- ههههه انزين ..
- طاعوا هاي ما صدقت ،، قومي البسي وتعدلي وجابلي هل ريلج ، شو بيقولون عنج العرب..؟!
- شو بيقولون يعني.. ما بيقولون شي
- يالله اقولج قومي لا أخلي امج احينه تتصل بج ،، منششتني من الصبح تقوللي ها السالفه ،، شو اسوي بج أحينه ،، يالله سكري قبل لا ارض السماعه بويهج ..
- لا ازعاج ولا شياته ،، عادي تعودت .. ههههه يالله باي .. ولا تنسين تقومين الحينه تسيرين تسلمين ع هله ، انزين..؟
- انزين كلتيني .. باي
- مع السلامه
يلست تفكر بالي تسويه فخالد ،، و بتصرفاتها الغير لايقه وياه ،،
( أنا شو بلايه ،، هاي مب تصرفات بنت لها احترامها ،، مب أخلاق بنت متربيه ، مب أخلاق بنت ناس !
معقوله اشبه خالد بواحد مثل سعود ..
معقـوله اساويهم فبعض......؟!
سعود انسان نذل ، وحقير ، ما فيه ضمير ، و لا يخاف ربه ،،
أما خالــــــــد ، شاب مثالي
ما شاء الله عليه انسان وقور ومحترم ،، و رغم اني صديته ،، و طنشته بفترة ملجتنا إلا إنه ما تغير عليه ،، بالعكس،
ريال غير عن باجي الريايل ،، الي ممكن يبهدلون حريمهم ،، بسبب ها الحركات البايخه الي اسويها،، ما شاء الله عليه ! )
وقررت انها تتغير من هاليوم ،، وها المره وعدت ربها بتوبه مخلصه !
راحت تعدلت ولبست كندوره مخوره ،، وشيله بيضه على لون كندورتها ،،و جابلت الناس وسلمت ع عمتها ويلست حذال خالــد ،، خالد تم مستغرب ويقول فخاطره (من شوي كانت مب طايقتني، والحينه يالسه حذالي ، سبحان مغير الأحوال!
اللـــــــــــــــــــه ،، خاطري ايود ايدها)
- هاا اميه .. تريقتي ..؟
- لا عموه ،، بعدني .. وانتوا..؟
- الحمدلله... بس خالد قال ما بيتريق إلا عقب ما تنشين انتي ، وهذي انتي نشيتي و ما شاء الله عليج تاخذين العقل بجمالج...
تم قلب فطيم يدق ،،وعلى طول صدت صوبه وتمت تطالعه وفخاطرها تقول ( معقوله لها الدرجه يحبني ،، مب طايع يتريق إلا ويايه،، ويفرض اني ما يت ،، ما كان بيتريق يعني..؟! )
قاطع حديثها الداخلي خالد..
خالد: هي والله يا اميه ،، ما شاء الله قمر .. ( وهو يطالعها ،، وجان تستحي فطيم ونزلت راسها)
أم خالد: فديتها المستحيه علني ما انحرم ،،
خالد : آمين يا رب
قاموا هم الاثنين يتريقون ،،
- شوه ما عيبج الأكل..؟ ما اشوفج تاكلين!
- لا والله ،، هاي نعمة ربنا كيف ما تعيبنا
- عيل..؟ شو إلي مب مخلنج تاكلين عدل..؟ هههه أقووم..؟
- لا لا .. ما يحتاي.. انا قاعده آكل وياك..
- أوكيه خذي راحتج.. وتم هو يطالعها ومب طايع ينزل عيونه عنها ( كيف يشوف القمر مجابلنــه ،، ويصد عنه !)
عقب ما شبعوا ،، وغسلوا ايدينهم ،، ساروا ملحقهم، طلب منها تزهب شنطتها عسب بيسافرون سويسرا،،
- انا مزهبتنها خلاص ،، وجنطتك..؟
- هيه مزهبنها ،، اليوم العصر الساعه 6 بتطير الطياره ،، ونحن بنتحرك الساعه 4
- أوكيه....
حاول انه يتقرب منها ولكنه تراجع ،، خايف انها تصده ،، أو ما تتقبله ......
حز بخاطرها ، كيف يظهر بدون ما يحاول انه يتقرب منها !
ودعوا خالد وفطيم اهلهم ،،، وسافروا وعقب اسبوعين ردوا من السفر ،،
هاي المره كانوا غير ،،، صاروا حبايب ،، وبدت تتقرب منه اكثر وأكثر ، وتفهمه عــدل.......
ومره من المرات ساروا يتمشون بروحهم،، وداها سيجي كان ايام مطر وسيول،، و الوادي كان يمشي،،
نزلوا من السياره وايدينهم مشبوكه ،، وساروا صوب الوادي ،، وهناك قال لها...
- حبيبتي.. تحيدين ها المكان..؟!
- هيه ،، هذا سيجي ،،بلاه.؟
- ما تحيدين شي انتي.....
- ههه مثل شو يعني.؟
- فطومتي.. ما تذكرين مره ،، كنا ويا بعض بنفس ها المكان ،، انا وانتي بس.....
جان يصد صوبها يطالعها...
- ---------- هممم .. لا الصراحه ههه احيد بس إنا سرنا ويا بعض مره !....
- فهذيج المره ،، كنا انا وانتي نطالع البحر ،، وجان تمر طياره ،، تميتي تلحقينها بعيونج الين ما اختفت ،، جان تقولين انا ما باخذ إلا...... وسكت
- إلا شوه.؟
- هممممممممم....
- شوو يالله عااااد خبرنــــــــــــــي....
- هممممممم...
- يالله عاااااد لا تحرقصني .. إلا شووه..؟ يالله خلوودي عااد
- إلا طيار !
سكتت فطيم ،، عسب تستوعب السالفه ،، وتمت تطالعه شوي وترد تصد شويه ،، وفخاطرها تقول " لها الدرجه يحبني..؟ معقوله يتذكر شي مثل هذا..؟! "
وفعلا هي كانت تتمنى ها الشي يوم كانت صغيره،، لانه فخاطرها تزور البلدان الثانيه ولانها تحب تكتشف العالم الثاني ......
ابتسمت فطيم بويهه ،، و هوست على ايده،،
في هاي اللحظه ،، حست فعلا ان خالد يحبها ،، ويتمنى لها السعاده ،، فكبر بعينها اكثر وأكثر،، ويوم عن يوم يزيد الحب بينهم.......
وعاشوا في ثبات ونبات وخلفوا صبيان وبنات ،، ألين ما ياهم هادم الملذات....
k: 