فمان الله وسامحوني على التقصير والغياب .. اختكم قوطي

[الساهر]

في البداية أتقدم لك بأحر التهاني والتبريكات بمناسبة الزواج وإن شاء الله تكون حياة زوجية سعيدة وربي يرزقج بالخلاف الصالح.

وكل أمنياتي لك بالتوفيق في حياتك الدراسية وترجعين لنا دكتورة في مجال تخصصك وتشرفين على تربية جيل جديد بفكر وعقل محافظ بإذن الله تعال.

عزيزتي قد تغيبين عن البرزة ولكن ستكونين الحاضر الغايب فلك مني كل الشكر والتقدير على ما بذلتيه وإن شاء الله بعد انتهاء الدراسة .. سنكون في انتظار عودة الدكتورة قوطي ... فإلى االقاء.

إهـــــــــــداء لكي يا أختي قوطي براقع فأتمنى أن ينال إعجابك:::::::::
[RAM]http://song.6arab.com/kathem..salami.ram[/RAM]

تحياتي
الساهر

 

[دمعة حزن]

الله يوفجج أختي............

بس كان ودي أتعرف عليج يحليلني توني أقووول بسم الله على المنتدى

 

[جمال الروح]

وعليكم السلام ورحمة الله وبركاته

مرحبا أختي الكريمه قوطي براااقــع

حمداً لله على السلامه

ومرحبا بج أختي وكيف حالج إن شاء الله بخير وعافيه

والله يوفقج في كل خطوه في حياتج...

إن شاء الله نشوفج

اتمنى لج كل التوفيــق...^_^

بــأمــان الله أختي ^_^

 

[المـهــــــا]

ردي متاخر شوي .. لكن حبيت أبارك لج .. و ان شاء الله زواج سعيد

و اتمنى انج تدرسين في جامعة الامارات بسرعه و تلحقين عليه .. أبغي اتعرف على (( الدكتوره قوطي براقع )) بس على شرط .. يوم بتين الجامعه لا تكتبين على الاوفس أسمج الصدقي .. اكتي النك نيم مالج عشان اعرفج و أتمنى لو تخبريني كم سنه بتستمرين في الدراسه !!! و ان شاء الله اشوفج يا دكتوره قوطي براقع

لج تحياتي
المهــــــا

 

[بحر الشوق]

يااااااااهلااااااااااا أختي......


ومبروووووووووووووووووووووووووك...........وبالتوووووووووووفييييييج.....

 

[صقر الجبل]

اولا اقولج مبروك عالزواج .......وعقبال الي ما مزوجين .......




نحن لا نستطيع ان نصف مدى حزناا لفراق احد اعضاء البرزه ........





قوطي براقع اتمنى لكي حياه سعيده .........




وارجوا ان لا تنسبنا ...............انتي في قلوبنا





وكم يؤسفنا فراقج .................



وانشاء الله اتعيشين بسعاد .............

هاك كل القصايد هاك واقريهن ... لا تقولين ش اخرهن وش اولهن

كلهن فــدوةٍ لك هالك قوليهن ... في لسانك ترى لسانك يجملهن

غيبتك أثــرت في حــال راعين ... قطعة أيـــام عيّا لا يتحملـهن

بس يمكـن ثلاث ايام غبتيهن ... لعنبوها لثلاث ايــام ما اطــولهن

طالعي في فعايلهن وشوفيهن ... تحـــت عيني تبين لك فعايلهن

ما هقيت اني اسلم مــــن بلاويهن ... بهذلنّي جعل ربي يبهذلهن

وتهت حتى القصايد قمت اعنيهن ... يكملن وانسى واعوّد واكمّلهن

والمعاني غريبه !! .. قمت برجليهن ... باتشرّط عليهن وآخذ اجملهن

اتركي هالثلاث ارجــوك خليهن ... سولفي باي حاجه بنتجاهلهن

انــسي ايامهن وانسي لــــياليهن ... همّليهن وانا مثلك باهمّلـــهن

لا تجيبين ســـيرتهن وطاريهن ... انزعــــج حيل لاقمت آتخيلهن



تحياتي لج

 

[الـبـاديـسـي]

مشاركة: فمان الله وسامحوني على التقصير والغياب .. اختكم قوطي

ولكم باك



هلا والله بعودتج

 

[الشرسة]

مشاركة: فمان الله وسامحوني على التقصير والغياب .. اختكم قوطي

مرحبااااااااااا بعودتج قوطي براااااااااقع000 بس شو هالنك نيم العجيب000 انا تراني يديدة وماعرفج 000 بس قريت هالموضوع وعرفت منو تكونين









شروووووووسة تحييج

 

[قوطي براقع]

مشاركة: فمان الله وسامحوني على التقصير والغياب .. اختكم قوطي

مشكوره على المرور أختي الشرسه .. واتمنى اسمي ما ضايقج وانشالله تكون معرفه طيبه

وأشكر حبيبتي هند اللي بسببها انا للحين سهرانه وداخله موقع البرزه شوي

 

[قوطي براقع]

مشاركة: فمان الله وسامحوني على التقصير والغياب .. اختكم قوطي

المهم يا جماعة الخير

يمكن اللي عرفني في السابق يدري اني ما أحب اترك حد بدون ما أرد على مروره ومشاركته ولازم أرد عليه بالأسم مهما طال الموضوع.. لكن السموحه هالمره

هذا كان اخر موضوع أكتبه في البرزة من سنتين تقريبا !! شاكره وأقدر كل حد فيكم رد علي أو دعالي من قلبه.. واعتذر اني ما أقدر ارد على كل اسم فيكم وسمحولي اعمم بالشكر لكم كلكم.

الظاهر محبة البعض منكم وصدق المشاعر في الدعاء لي خلاني أعيش اليوم سعيده في ظل أحلى هدايا من رب العالمين

سمحولي أعرفكم بأغلى شي أملكه واللي أشوفه اليوم أغلى من سنوات الدراسه والغربه اللي قضيتها بدونهم وعشانهم تركت كل شي واستغنيت بوجودهم في حياتي عن كل شي غير رضى رب العالمين

(شمسه) سنه وشهرين​

(هند) اربعين يوم​

ادعولي اشوفهم عرايس

اختكم
قوطي براقع